رواية أحببتك لأنك حلالي الفصل الثاني عشر بقلم أشجان
رواية أحببتك لأنك حلالي الفصل الثاني عشر
استيقظت من نومها على صوته وهو يؤذن لصلاة الفجر ابتسمت بحب فاليوم ستكون له ويكون لها رسميا امام الله وامام الجميع قبلت اريج الغافية فى احضانها ثم نهضت من فراشها توضأت وأدت فرضها قرأت وردها رددت أذكارها ثم نهضت من مكانها الى المطبخ اعدت الكيكة التى تعشقها وفكرت فى صنع الايس كريم احتارت فى الطعم ولكنها قررت ان يكون بطعم المانجا طعمها المفضل
انتهت من التحضيرات ووضعت الكيك فى الفرن والايس كريم فى الفريزر وبدأت بتحضير الافطار للجميع انتهت وايقظتهم بدأوا بتناول طعام الافطار وسط جو من الفرحة والتحفيل والخجل
حورية : بابا انا هنزل بعد الصلاة ان شاء الله هروح ازور الملجأ وهرجع احضر ندوة فى المسجدواصلي العصر وهرجع
عفاف :هتتأخري يا حور
حورية : مش تقلقى يا ست الكل .. كدا كدا الميعاد بعد صلاة العشاء وانا حضرت كل حاجة يعنى مش ناقصك حاجة العشا هبعت لك البنات يجهزوه معاكى
احمد : ماشي يا حبيبتى خلى بالك من نفسك ومن روجى
اريج : مش تقلق يا جدو انا كبيرة
احمد:ههههههههه ماشي يا لمضة
حورية : انا فى اوضتى يا ماما لو احتجتى حاجة ناديني
عفاف : ماشي يا حبيبتى
دلفت الى غرفتها أمسكت بهاتفها واتصلت بصديقاتها اخبرتهم ان يستيقظوا لانها ستضمهم الى مكالمة جماعية
هند : مصحية اهلى من النوم الساعة 10 عشان مكالمة ده يوم الاجازة الوحيييييد
حورية : روحى نامى ومش تزعلى لما مش تعرفى
جوجو: سيبك منها يا عسل خشي بالتقيل
جهاد : يلا يا بنتى عملتى اى امبارح
اروى : قالك اى وقولتى اى
هند: هارسوح العريس كنت ناسية انطقى يا به يلااااااااااا عملتوا اى بصلك وسبلك
انفجر البنات فى الضحك على حديثها
جهاد : قولى يا بنتى الله يكون فى عون اخوكى على ما بلاه
حورية : احم احم
جوجو : ايوة هه
اروى : يلا انطقى
حورية بسرعة : عوزاكم كلكم تصحصحوا شوية وتيجوا النهاردة بعد الصلاة تساعدوا ماما لانى مش هكون فى البيت عشان قراءة الفاتحة والاتفاق ان شاء الله بعد صلاة العشاء
هند:لوووووووووووووووووولى اخيرا
اروى : هييييييييييييييييي يا حوري مبروووووووووك
جوجو : لا بجد انتى بتهزري صح لا بجد مش مصدقة واخيرا يا حب مبرووك يا قلبي لوووووووولى
جهاد : يااااااااااااه ده يوم المنى اللى اسنيناه كتير والله ربنا يسعدك ياااااااارب يا حبيبتى الف مليووووون مبروك يا حبيبتى
حورية بفرحة : الله يبارك فيكم
جهاد بخبث : بس صوتنا فرحان كدا مبالك بقا شكلنا عامل اى
حورية : هههههههههههه بس يا جوجتى يا حبيبتى دا انتى العاقلة
جهاد : هه دا كان زمان والله جه يومك فاكرة عملتى اى فيا لما تخطبت ولا ايام الفرح
جوجو:هههههههههه احنا كلنا منتظرين اليوم ده اساسا عشان نرد لك عمايلك
حورية : ياااااااااه على الصحاب ياااااااااه قلبكم اسود اوووووى بس رورى حبيبتى هتدافع عنى
اروى : ولا اعرفك داا انا هساعدهم
هند : بقيتى مخطوبة يا عرة
حورية : والله ما عرة غيرك
هند : استنوا يا بنات خلينا فى المهم .. احكى اى اللى حصل بالتفصييييل الممل
جوجو : اول مرة تقولى حاجة عدلة من ساعة ما صحيتي يا اوزعة
هند : بس يا مدام خليكي فى حالك
جهاد : سيبوها بس ترتاح وتجهز ولما نروح لها هتحكي لينا
حورية : مايحرمنى منك ابدااا يا ام احمد والله انتى العاقلة اللى فيهم شوية اللاسعين دول
جهاد : حبيبتى انتى ربنا يسعدك ويتمم لك على خير
حورية : صح بالمناسبة هند واروى رأيكم اى لان خلاص لو كدا هيتقدموا على الاسبوع اللى جاى
هند: والله لو النهاردة انا موافقة تعالوا بس
حورية : الله يرحمك يا حياء
هند : انا واحدة بجحة مش بتكسف
حورية:هههههههههه وانتى يا رورى
اروى بخجل : بابا بيقول يشرفوا فى اى وقت
حورية : طيب ده بابا اروى بقا بتقول اى
اروى : احم خلاص بقا يا بنتى الله
حورية :هههههههههه على البركة ربنا يسعدكم يارب
جوجو: وكدا يبقى اكتملنا كل واحدة وعريسها نعمل كابلز
حورية : انا هقفل عشان مش تقصاكم عندى صداع
جهاد:من السهر والتفكير ياحرام
حورية : حتى انتى يا ام احمد ماشي يلا سلام عليكم بس اللى هتتأخر هتزعل
جهاد: فى الميعاد ان شاء الله
اغلقت الهاتف مع صديقاتها ثم هاتفت جوجا ويمنى فى محادثة جماعية
حورية : السلام عليكم يا صبايا
جوجا : وعليكم السلام يا عروسة
حورية :هههههههههه هو الخبر لحق وصلك
يمنى : طبعا يا مرات اخويا هو انا هتوصى
حورية: طيب يا حلوة هتكونى معايا ولا مع اخوكى يعنى
يمنى : مش عارفة
حورية: تعالى مع جوجا خليكم مع ماما وبعدين يعنى طنط مش هتعمل حاجة عشان تساعديها
يمنى : طنط مين
حورية : قصدى والدتك اللى من النهاردة هتكون امى اتهدى بقا يمنى : خلاص ان شاء الله هصلى واجيب جوجا ونيجي
حورية : خلاص هستناكم ان شاء الله .. فى رعاية الله
أغلقت الهاتف ثم امسكت مصحفها لقراءة سورة الكهف ..ظلت هكذا لحين سماعها لاذان الظهر .. قامت من مكانها توضأت واخرجت ثيابها وثياب اريج جهزت اريج ثم جهزت نفسها وأدت فرضها وخرجت من الغرفة
حورية : ماما انا ماشية هتحتاجى حاجة
عفاف : لا يا حبيبتى سلامتك .. خلى بالك من نفسك ومش تتأخري...لا اله الا الله
حورية : ماشي يا حبيبتى .. محمد رسول الله .. سلام عليكم
خرجت من منزلها متوجهة الى منزل هنا قبل ان تذهب للملجأ
طرقت الباب وانتظرت حتى فتحت لها هنا الباب
هنا بفرحة : حور حبيبتى وحشانى جدااااا اى المفاجأة الجميلة دى
حورية :انا مش جيالك انا جاية لطنط
هنا : حقك عليا والله
حورية : اتجوزتى سي كريم خدك منى ماااااااشي ماااااااشي
والدة هنا منى : اهلا بالجميلة
حورية : والله يا طنط انا اسفة مقصرة معاكى معلش
منى : الله يعينك على دراستك احنا اللى مقصرين
حورية : ربنا يبارك فى عمرك لينا يارب
منى: ربنا يسعدك ويرزقك بابن الحلال
حورية بخجل : ما هو لو مش كان ابن حلال كنت رفضته ولا اى
هنا بفرحة : وافقتى بجد على استاذ مالك
حورية باستغراب: انتى عرفتى منين
هنا : ما هو قال لكريم
حورية : اه عشان كريم بيكلم صحابه مش زى ناس
منى :الف مبروك يا بنتى والله تستاهليه ويستاهلك
حورية:الله يبارك فيكي يا امى .. عن اذنك هاخد البت دى معايا مشوار وهرجع تكونى جاهزة هتيجي معايا على البيت
منى: لا انا هسبقك على هناك اقعد مع ماما وانتم تعالوا على البيت
حورية : يا سلام دا الدنيا تنور .. طيب يلا البسي وتعالى معايا نوصلك.. وانتى يا ست هنا انجزى واستأذنى كريم الاول
هنا :طيارة
دلفت هنا ووالدتها الى الداخل ليرتدوا ثياهم وهاتفت حورية والدتها اخبرتها ان والدة هنا اتية لتجلس معها
ثم هاتفت اخيها لتخبره ب..........
كان يقف امام المسجد بعد صلاة الجمعة مع كل من مالك وشريف ووالده ووالد مالك وكريم وعز ومعاذ حين رن هاتفه
محمد :والله زمان يا أحمد وهيزيد ارتباطنا بالنسب
أحمد: الحمد لله يا ابو مالك انا مش هلاقى احسن لبنتى منه
مالك : ربنا يعزك يا عمى
أحمد : خليها فى عينك دى جوهرتى اوعى فى يوم تزعلها
مالك: محدش بيزعل روحه
عبدالرحمن: ههههههههه يا بنتى مش قدام ابوها واخوها
مالك : لو مش قولت كدا قدامكم يبقى مش استاهلها لان الراجل اللى بجد مش بيخبى حبه بالعكس بيخليه فى النور
أحمد بفخر:ونعم الرجال يا بنى
مالك : وعد منى انى هحطها فى عيونى مش تقلق عليها
احمد:لو قلقان مش كنت وافقت قاطعه رنين هاتف ابنه
عبدالرحمن : ههههههههههه اهى بتيجي على السيرة
مالك: رد يلا ومش تبقى رخم
عبدالرحمن :هههههههه ماشي يا ابو نسب
مالك : قريب يا اخويا هكون رسمى
فتح عبدالرحمن الخط على شقيقته
حورية :السلام عليكم يا حبيبى
عبدالرحمن : ههههههههه ...وعليكم السلام يا روحى
حورية : يارب دايما بتضحك .. خير بتدلعنى كمان
عبدالرحمن وهو يغمز مالك :هههههههههه ... لا بعدين بقا ابقى اعرفى
حورية : ماشي يا رخم .. بقولك اى
عبدالرحمن : قولى يا حبيبتى
حورية : انت فين كدا اى الدوشة دى
عبدالرحمن: لسة قدام المسجد ليه
حورية بخفوت : يعنى هو .. احم يعنى ..
عبدالرحمن : هههههههههه اى يا بنتى انطقى
حورية بخجل : هو مالك معاك
عبدالرحمن :ههههههههههههههههههههههههه ثم تابع كلامه وهو يغمز مالك : ده كله عشان السؤال ده يا حوري
حورية: بس بقا يارخم .. قول بقا
عبدالرحمن : ايوة... ليه؟
حورية : كويس والله.. ممكن تطلب منه انه يعزم كريم النهاردة لانى هعزم هنا ووالدتها وكمان اصحابه الاتنين
عبدالرحمن : كريم وفهمتها انما ليه عز ومعاذ
حورية : انا مش عبيطة مش تنسي انى بفهمها من نظرة مش عز ده اللى متقدم لاختك ومعاذ متقدم ليمنى
عبدالرحمن: لا دا الواحد يخاف منك يا حور
حورية : ايوة بقا خاف منى بس اكد عليه الكل يحضر ماشي
عبدالرحمن : ههههه مش تقلقى مش هيرفض لك طلب
حورية بخجل : رخم ثم تابعت بمكر: هتتلم ولا اتصل بهند اقولها مش تيجى
عبدالرحمن بسرعة : لا لا لا يا حووري
حورية : طيب اتلم بقا ..يلا بقا سلام
عبدالرحمن : ماشي يا ستى سلام عليكم
حورية : وعليكم السلام يا حبيبى
اغلق الهاتف مع شقيقته عن اذنكم يا جماعة ثوانى واشار لمالك: تعالى معايا يا اخويا ما انا السنترال بتاعكم
مالك: ههههههههه يعى الحق علينا اللى بنرضي ربنا يعنى
عبدالرحمن: لا يا اخويا الحق عليا انا
مالك وقد ابتعدوا قليلا : خير اميرتى طلبت اى
عبدالرحمن : يا اخى سبحان الله افهم بتعرفوا ازاى
مالك : تواصل روحى يا بابا مش تفهمه انت
عبدالرحمن : انا بتهزء تقريبا
مالك : ههههههه تقريبا
عبدالرحمن: احم طيب بص يا برنس الست حور بتقولك ياريت تعزم كريم لانها هتعزم هنا وكمان عز ومعاذ
مالك بابتسامة : طيب تصدق انى كنت هقولك تطلب منها كدا
عبدالرحمن : لا لا لالا كدا كتير عليا ارحمووونى
مالك باستغراب : طيب كريم وفهمته عز ومعاذ لى ؟
عبدالرحمن: يا اخى لو بعرف ازغرط كنت عملتها بقا اخيرا فى حاجة فى دماغ حور انت مش فاهمها لا انا مش مصدق
مالك باستيعااب : لا لحظة لتكون عرفت طلب معاذ وعز
هبدالرحمن : ياااااالهواااااااااااى طيب سيبنى افرح شوية
مالك : عرفت ازاى يا كابتن
عبدالرحمن بجدية : حور اختى لماحة جدااا بتشم ريحة الحبيبة من بعد 100 كيلو بجد عمري ما شوفت كدا اى حاجة تحس بيها بتحصل بجد... عرفت ان فى عريس متقدم لفاطمة بس مش تعرف انه عز النهاردة لما قالت كدا اكتشفت انها عارفة
مالك : ورأيها اى
عبدالرحمن: لا دى اسألها انت فيها
مالك : ان شاء الله . . طيب انا هروح مشوار كدا وارجع لكم تانى
محمد : مش تتأخر
مالك : لا يا حبيبى ان شاء الله مش هتأخر .. بس خد العيال دى معاك ع البيت وانا هكون معاكم ان شاء الله فى المسجد على ميعاد الندوة ثم حول بصره الى معاذ مش تقلق البيت فاضي "بالطبع يقصد يمنى لان معاذ كان سيرفض "
احمد : نفسى افهم دماغكم دى فيها اى
عبدالرحمن بتريقة: تواصل روحى
مالك : يلا يا جزمة امسكك بس واكون فاضى
عبدالرحمن:يا عم روح اجري
مالك : تعالى معايا يا كريم سيبك منه.. عن اذنكم
رحل مالك وكريم الى وجهتهم وانصرف الباقين الى منازلهم
************
فى الطريق :
هنا :فهميني بس رايحة فين
حورية : هروح زيارة لاخوات روجى
هنا : طيب مش قولتى لى
حورية : ما انا قولت اهو يلا بقا خلينا ننجز
اشترواا العديد من الهدايا والحلوى واللعب للاطفال ثم وصلوا الى الملجأ
روجى: انا هلعب مع اخواتى هنا
حورية : ماشي يا حبيبتى ..يلا يا هنا نوزع الحاجات دى
قطع كلامهم صوت من خلفهم يقول :هنا
التفتت هنا مبتسمة على صوته هاهو زوجها الان امامها
كريم باستغراب : انتى بتعملى اى هنا انتى مش قولتى انك مع حورية
هنا :ايوة .. ما هى حورية كانت جاية زيارة للاطفال
كريم : هههههههههههه يا الله على التفكير انتم ازاى كدا بجد ما تتعلمى من صحبتك يابنتى
هنا: اتعلم اى ؟
كريم باعتذار : معلش الهبلة دى مش خلتنى اسلم عليكي يا انسة حورية عاملة اى ..والف مليون مبروك ربنا يتممها على خير
حوري بابتسامة : الحمد لله .. الله يبارك فيك عقبال فرحكم ان شاء الله
كريم : ان شاء الله
هنا بتساؤل : صحيح انت بتعمل اى هنا يا كيمو
حورية : طيب انا هسيبكم شوية وراجعة تانى عن اذنكم وانصرفت الى مديرة المكان مع اريج دون ان تستمع الى ردهم
هنا : انت جيت هنا ازاى
كريم : والله لقيت مالك بيقولى تعالى معايا مشوار مش كنت اعرف انه جاى هنا
هنا : استاذ مالك موجود .. امال هو فين
كريم : يركن العربية وهيجيب الهدايا ويدخل
هنا : سبحان الله .. اى التفكير ده
كريم : مش بقولك اتعلمى منها يا اختى
هنا : هه اختك ماشي يا اخويا
كريم : يعنى انا اخوكى يا هنايا
هنا : تؤ .. انتى قلبي
كريم : طيب روحى شوفى صحبتك فين عشان احنا فى مكان عام
هنا : تؤ ..عاجبنى هنا
كريم : هههههههه اتظبطى يا بنت الحلال
هنا : ههههههه ولو قلت لا
كريم : مش عاوز اقولك والله هعمل اى خليها مفاجأة ثم تبع كلامه بغمزة
هنا بخجل : على فكرة انت رخم
كريم : على فكرة انا بحبك
هنا : على فكرة كدا كتير
كريم : على فكرة انا عاوز اتجوز
ثم انفجروا ضحك على مزاجهم سويا قطع ضحكهم مالك قائلا مالك : احم السلام عليكم ..
هنا وكريم : عليكم السلام ورحمة الله وبركاته
مالك : ازيك يا انسة هنا
هنا : الحمد لله ازيك انت يا استاذ مالك
مالك : الحمد لله بخير
هنا : الف مليون مبروك ربنا يتمم لكم على خير والله تستاهلوا بعض
مالك بابتسامة عندما تذكر حوريته : اللهم اميين عقبال فرحكم انتى اختى لو الواد ده زعلك عرفيني بس
كريم : اهدى يا عم عليا فى اى
مالك : اختى وهقف لك لو زعلتها فى مرة
كريم : محدش بيزعل روحه
مالك :ربنا يسعدكم ويجمعكم فى حلاله ورضاه
كريم وهنا : اللهم امييييييين
مالك : طيب يلا بقا عشان ننجز
كريم : استنى بس مش هتصدق مين هنا
مالك : مين ؟!
كريم : دى حو........
قطع حديث كريم صوت مألوف بالنسبة له وهى تجري عليه وتصرخ : باباااااااااا
مالك باستغراب : اريج ؟!
كانت تقف مع مديرة الدار تعطى لها مساعدة للاطفال عندما سمعت صوت اريج وهى تصرخ قائلة "بابا" فهى اعتادت على قول ذلك لمالك فيا ترى من بالخارج لتقول له هذا ....
حورية : طيب تمام .. عن اذن حضرتك .. وده رقمى لو احتجتم اى حاجة اتصلي بيا على طول .. سلام عليكم ثم خرجت من الدار لتجد ...
مالك بابتسامة وهو يحتضنها : الجميل عامل اى وحشتيني
اريج : وانت كمان كتير قد الدنيا
مالك : هههههههههه قد الدنيا يا عفريته
اريج ببراءة : اه والله
مالك بابتسامة : ماشي يا حبيبتى .. بس قوليلى بتعملى اى هنا وجيتي ازاى
اريج : اصل انا مع ...
قطع حديث الصغير حورية وهى تنادى عليها لانها وجدتها تحتضن رجل موليا ظهره لها لم تتمكن من التعرف عليه ولكنها استبعدت شكها ....
سمع صوت حوريته ينادى على طفلته من خلفه ابتسم ثم تنهد بعشق واضح عليه لتلك الحورية سارقة قلبه والتفت لها للتقابل العيون ويعم الصمت المكان .....
استعادت حورية وعيها وخفضت نظرها سريعا واستعاذت بالله ثم توجهت لهم
حورية بخجل : السلام عليكم
مالك وهو يحمل اريج مبتسما : وعليكي سلام الله ورحمته وبركاته
اريج : عرفت بقا انا جيت ازااى
مالك بابتسامة : عرفت يا لمضة ثم نظر الى حورية قائلا : عاملة اى النهاردة
حورية بابتسامةخجلة ولم ترفع عينيها من الارض: الحمد لله .. وانت اخبارك اى ؟
مالك بتنهيدة : بقيت كويس الحمد لله
كريم : طيب ممكن نخلص اللى جينا عشانه لاننا كدا هنتأخر ولا اى
مالك : فعلا .. طيب انا هدخل جوا شوية وانتم وزعوا الهدايا على الاولاد
حورية بتساؤل: نوزع الهدايا اللى باقية معايا الاول وبعدين نكمل الهدايا بتاعتك ؟
مالك بابتسامة : اتصرفى زى ما تحبى
حورية جاوبت فقط بابتسامة خجلة
كريم : احم احم احنا هنا يا عم ولا نجيب اتنين لامونادا
ذهبت حور مسرعة من خجلها ومن كلمات كريم
مالك : يا رخم كسفتها .. وبعدين اى لمونادا دى ؟! ..بس يا اهبل احسن مش اجوزك اختى
كريم بثقة : خلاص بقت مراتى
مالك : انا همشي من هنا بدل ما اضربك ثم انصرف
هنا : هههههههههه انت غلس يا كريم حرجتهم
كريم : بفك الجو بينهم والله
هنا : ماشي يا مجمع راسين فى الحلال
كريم : ياريت يا اختى كنت جمعت راسي مع راسك
هنا:ههههههههههههههه
كريم بحب: ربنا ما يحرمنى من ضحكتك ويقدرنى واسعدك
هنا : ربنا ما يحرمنى من وجودك فى حياتى
قام كريم باحتضانها وتقبيل رأسها
فى هذه الاثناء خرج مالك فقرر الذهاب لحورية ليعطى لهم بعض الوقت معا
مالك : احم يعنى انا اسف هقف معاكى لوحدنا بس قولت اسيب لهم فرصة يكونوا لوحدهم شوية
نظرت حورية باستغراب وجدت هنا بأحضان زوجها اومأت رأسها بخجل
مالك : ممكن اشارك الثواب ولا اى
حورية : اه طبعا اتفضل
بدأوا فى توزيع الهدايا على الاطفال معا ويلعبون معهم فى جو من السعادة والفرحة .....
كريم : مالك فاضل نص ساعة على العصر
مالك : ياااه احنا اتأخرنا بس ان شاء الله هنوصل فى الميعاد
حورية : طيب يلا ياهنا عشان نلحق لاننا كمان اتأخرنا
هنا : ماشي يا حبيبتى يلا
مالك : استنى هوصلكم مكان مل تحبوا مش تقلقى وبعدين احنا مش لوحدنا معانا كريم ومراته وروجى
حورية : عارفة والله مش على حاجة بس بابا مش يعرف وانا مش اقدر اخون ثقته
ابتسم مالك بهدوء على اخلاق حوريته بينما دقات قلبه تشبه الدق عل الطبول ... استأذن منهم قليلاوذهبت معه روجى ثم اخرج هاتفه واستأذن من والدها ثم طلب من روجى ان تنادى حورية له
مالك : عرفت تربي يا عمى ونعم التربية والله دى اللى اطمن على بيتى وحياتى معاها
احمد: وانت لو مش كنت من اخلاقها انا كنت هرفض وهى مش كانت هتوافق ربنا يحفظكم ويسعدكم
حورية من خلفه : احم ...نعم طلبتنى
اعطى لها الهاتف نظرت بتساؤل
مالك بابتسامة : كلمى
حورية : الو .. السلام عليكم
احمد : وعليكم السلام يا حبيبتى
حورية باستغراب : بابا
احمد : بابا اللى خلتيه فخور بيكي وبتربيتك ربنا يحفطك
حورية : ربنا ما يحرمنى منك يا حبيبى
احمد : روحى مع مالك هو استأذن منى الوقت اتأخر ومش هتلاقى مواصلات وبعدين هو خايف عليكي
حورية : بس يا بابا
احمد مقاطعا : انتم مش فى خلوة يا حبيبتى معاكم هنا وكريم وروجى وبعدين ده مكان عام
حورية باستسلام : حاضر يا حبيبى
ابتسم مالك عندما سمع موافقتها وحدث نفسه قائلا "عقبال ما اسمع ياحبيبى منك وانتى حلالى "
اغلقت الهاتف مع والدها واعطته لمالك قائلة : اتفضل ..شكرا
مالك بابتسامة : لاشكر على واجب
حورية : طيب يلا لاننا اتأخرنا
مالك :يلا بينا
اتجه الجميع الى السيارة سبقتهم روجى تريد ان تجلس مع مالك بينما هنا وكريم قرروا ان يتأخروا قليلا فى سيرهم لتجلس حورية بجوار مالك ..
روجى : هييييه انا هركب قدام مع بابا
حورية : حبيبتى مش ينفع عشان بابا يعرف يسوق كويس وكمان عمو كريم هو اللى هيقعد قدام
اتى كريم من خلفهم : مين اللى قال كدا انا مراتى وحشانى وهقعد معاها براحتى
ثم فتح الباب الخلفى وبدون مقدمات ركب ثم سحب هنا بجواره
روجى : هييييييييييه يلابقا يا ماما
سمت حورية الله فى سرها ثم ادخلت روجى وركبت السيارة بخجل بجواره شعرت باحساس غريب يحتلها لاول مرة ولكنه جميل جدا جعلها فى قمة سعادتها
مالك : اربطى الحزام
حورية : حاضر
روجى : يلا هى خلصت امشي واعمل بيب بيب
مالك: ههههههه انتى عفريته بجد اى ده بتتعاملى معاها ازاى دى
حورية : ههههههه لا دا بتساهيل ربنا .. وبعدين روجى قمر بتسمع الكلام
روجى وهى تنظر له : شوفت
مالك : شوفت يالمضة
حورية : يلا بقا نقول الدعاء بتاعنا وسيبى بابا يسوق عشان مش نتأخر
مالك : انتى حابة تروحى فين
حورية : طريق البيت هروح الندوة اللى فى المسجد
كريم : اوباااااااااا انتم متفقين بقا ولا اى
مالك : بس يارخم
هنا :ههههههههههه بس بقا ياكريم
كريم : انا مالى يا عم مش انتم اللى بتعملوا كل حاجة زى بعض
مالك : طيب افصل بقا لاحسن مش تتجوز وخليك كدا
كريم :لالالا باله عليك وعلى اى الطيب احسن انا اخرس اساسا
هنا :هههههههههههههههه يخربيت كلامك
كريم بضيق : اسكتى بقا مش هيجوزنى وانتى بتضحكى قدامى كمان الصبر يارب من عندك
مالك : يبقا تسكت بقا احسن لك
ابتسمت حورية على حديثهم بخجل وبدأت فى قراءة الدعاء مع روجى
وابتسم هو عندما رأى ابتسامتها تزين وجهها ثم شعل السيارة وكان سيبدأ فى القيادة
حورية : اقرأ الدعاء
مالك بابتسامة : حاضر
روجى : لو مش عارفه ماما تقوله لك
مالك : هههههههههه لا يالمضة عارفه ثم انطلق الى وجهتهم ....
حورية لنفسها:كفى يا عزيزى فان ابتسامتك تجعلنى احلق فى سماء عالية فما بالك بضحكتك التى سرقت قلبي وأسرته وجعلته فقط ملك لك وحدك .. كفى رفقا بقلبي "
ابتسمت بخجل فقد اعلن قلبها الاستسلام اخيرا ولكنه استسلام محبب اليها ....
"البت حبته اخيرا يا جماعة ههههههه هيصوا بقا
يتبع الفصل الثالث عشر اضغط هنا
- الفهرس يحتوي على جميع فصول الرواية كاملة :"رواية أحببتك لأنك حلالي" اضغط على اسم الرواية