رواية عندما تلتقي العيون الفصل الثاني عشر بقلم نجوى ابراهيم
رواية عندما تلتقي العيون الفصل الثاني عشر
ادم وعهد ومراد واحمد وصلوا الاراضي المصريه بسلام واول مكان راحوا علي المستشفي عشان يشوفوا والد عهد اوال ما وصلوا عهد دخلت جري عندي ابوها وحضنته
عهد.... بابا حبيبي الف سلامه عليك انا كنت هموت من الخوف عليك
محمود.... عهد حقك عليا ي بنتي انا اللي عملت فيكي كدا انا اللي اديت لعمر الكلب دا فرصه انه يحاول ياذيكي متزعليش مني ي بنتي طمعي في الفلوس عماني قرب هنا ي ادم
ادم... حاضر ي عمو
محمود... حقك عليا انت كمان انا متاكد ان عمر ما في حد هيحب عهد قدك ومسك ايد عهد وادم وحطهم في بعض
اادم.....وانا اوعدك ي عمي اني اكون قد الامانه واصونها واشيل عهد في عيوني وفي قلبي
محمود... وانا واثق من كدا يابني كدا الواحد يقدر يموت وهو مطمن
ادم وعهد.... بعيد الشر عنك ي بابا
محمود... ربنا يخليكوا ليا ي ولاد ويخليكم لبعض اي رايك ي محمد خطوبه الولاد تكون الاسبوع الجاي
محمد... والله ياخويا عين العقل نعملها السبت الجاي زي انهارده وكتب الكتاب والفرح بعد شهر يكون الولاد جهزوا
ادم... هو دام الكلام وغمز لعهد بعينه
محمود ومحمد ولد احنا قاعدين وضحكوا كلهم في نفس واحد نسيبهم شويه ونروح لمكان تاني خالص
........... ............. ............. .............. ........
لولا الهوى ما ذاب الفؤاد لولا العشق ما غاب العقل
اذا احببت يوما ستدرك ان الهوي غلب العناد
ستدرك حتما ان لا مجال للقلب الفولاذ ❤️❤️
عمر اصبح عصبي لدرجه شديده وكان يصيح باعلي صوته في الزنزانه اخرجوني من هنا اريد المحامي الخاص بي هذا ليس عدلاً اخرجوني
الضابط... لماذا كل هذا الصياح انت مسجون هنا لا يحق لك الصياح والا سنعاقبك عقابا شديدا
عمر... لماذا لا تريدون ان اري المحامي الخاص بي
الضابط ....انت موقوف 14 يوما علي ذمه التحقيق يمكنك بعد ذالك ان تري المحامي الخاص بك وتناقش معه كل شي اصمت اذا والا ضاعفت لك العقاب ولان ادعك تري احداً انت موصي عليك من قبل احمد باشا وستعامل معامله خاصه من العقاب والحبس الانفرادي
عمر... ساحاسبكم علي ذالك عندما اخرج من هنا وستندمون اشد الندم انا اعدكم بذالك ايها الاوغاد
الضابط... اغلقوا عليه الزنزانه لا طعام ولا شراب اليوم دعوه يتعلم كيف يتكلم مع الاكبر منه مقاما
عمر بدا يفكر كيف سيخرج من هذا السجن اللعين ايعقل تكون هذه النهايه لا وربي لن ادع هذا يحدث ساخرج من هنا لانتقم منهم حتي وان كلف هذا حياتي لن ادعهم يعيشوف في سلام
.......... ............ ............ ............ .......... ........
في فيلا محمود الشرقاوي
كلهم متجمعين في الصالون بعد خروج محمود من المستشفي وتحسن صحته وحالته المرضيه
محمود.... محمد كنت عاوز نتكلم في شويه امور كان لازم تتم من زمان
محمد.... اتكلم ياخويا سامعك اللي تامر بيه هيتنفذ
محمود..... احنا لازم نضم الشركتين بتوعنا ويبقوا شركه وحده الشرقاوي للاستيراد والتصدير ويديرها ادم وعهد ومراد وياسمين
محمد... انت اخدت الفكره من راسي والله انا كنت بفكر في كدا ان الاوان اننا نرتاح والولاد ياخدوا مكانا بقا احنا نسلمهم الشركات ونطلع انا وانت ونجوي وهاجر نعمل عمره بس بعد خطوبه ادم وعهد اي رايك
محمود... وانا موافق جدا جدا يعني انا بقالي زمن مروحتش عملت عمره
ادم... طب بعد اذنك ي عمي ممكن تبقا خطوبه وكتب كتاب عشان في اثناء غيابكم تواجدي في اي مكان مع عهد ميكونش غلط
محمود... والله فكره ي ادم ماشي وانا موافق تبقا خطوبه وكتب كتاب ولا اي ي محمد
محمد... والله اللي يرتاحوا فيه الولاد انا معاهم فيه
وعدت الايام وعهد وادم مشغولين في تجهيزات كتب الكتاب والخطوبه يوم الخميس اللي هو قبل المناسبه بيومين ادم اخد عهد ونزلوا يشتروا فستان ومستلزمات الخطوبه ويشتروا الشبكه كمان وكان معاهم لارا ومراد واحمد وياسمين
ادم... عهد تعالي اركبي معايا انتي وياسمين ولارا واحمد ومراد هيجوا ورانا
مراد ...لا ي عم انا هاخد حبيبتي معايا في عربيتي تعالي ي لارا وراحت لارا مع مراد وركبوا عربيتهم
احمد.... ادم ممكن ياسمين تركب معايا ونتقابل كلنا في المول
ادم... ياسمين اي ردك علي الكلام دا موافقه تركبي مع احمد
ياسمين... اللي تشوفه ي ابيه
ادم... ولان ادم عارف قصه الحب اللي بين ياسمين واحمد وافق وهو مستنيهم يعترفوله وكل واحد راح مع حبيبه
احمد... فتح لياسمين باب العربيه اللي قدام فياسمين راحت تركب ورا راح احمد ماسك ايدها وشدها لا ما هو انا مش سواق الهانم اترزعي جمبي هنا
ياسمين... الله مالك بتزق لي كدا ي عم براحه شويه وراحت ركبت قدام وقفلت الباب بعصبيه مصطنعه
احمد... وحياه امك ي ياسمين لو ما فكيتي بوزك دا لاخدك ونهرب ومايعرفوا عننا الهوا
ياسمين.... خلاص بقا ي مودي متبقاش حمقي كدا ومسكته من خده زي ما بنمسك الطفل الصغير
احمد... مسك ايدها وباسه وقاله والله بحبك ي يسمينتي ونفسي نتجوز واخطفك من الدنيا كلها مش من اهلك بس
ياسمين.... هييييح بقا امتي نتجوز ونعيش في بيت واحد واعملك الاكل بايدي واصحيك من النوم كدا واجهزلك هدومك عشان توديني الملاهي وتفسحني 😂😂😂
احمد... وحياه امي بحب طفله وانا اللي فكرت البت هتبقا زي امينه وسي السيد اتاريها عاوزه تصحيني عشان اوديها الملاهي تافهه وربنا
ياسمين... احمممممد هتوديني الملاهي ولا اقتلك زي النسوان اللي بيقتلوا ازواجهم وحبايبهم دلوقت وشاورت بصباعها في وشه
احمد... بخوف مصطنع لا ي باشا هوديك المكان اللي تحبه بس متقتلنيش والنبي
ياسمين... ههههههههههههه هموت يخربيتك حتي ممثل فاشل مش عارف تمثل الخوف
احمد... بزعل مصطنع بقا انا فاشل ي ياسمين وراح مودي وشخ النحيه التانيه
ياسمين. .وفجاه اتحولت ملامحها للخوف والحزن انها تكون زعلت حبيبها منها احمد انا اسفه والله مكنتش اقصد انا بهزر معاك وكانت هتعيط
احمد... خلاص ي مجنونه مش زعلان والله انا كمان بهزر معاكي وضمها ليه وباس راسها واتحركوا ورا ادم وعهد ومراد ولارا
............❤️❤️❤️...........❤️❤️❤️...........❤️❤️
ليتني عرفتك منذ الصغر ليتني اما اري احدا قبلك كيف جعلت قلبي يهواك هكذا اجعلته مسحورا بك ❤️❤️❤️
مراد.....تعرفي انك وحشتيني اوووي ي لاره قلبي
لارا... انا زعلانه منك ي مراد بقالك اسبوع مسالتش عني وانا كنت هموت من الخوف عليك وفضلت دماغي تودي وتجيب وانت قافل فونك وادم مبيردش حتي احمد ديما مشغول
مراد... ي عمري انتي والله حكايه خطف عهد لخبطت الكل وكمان ادم كان هيموت مننا فوالله مكنتش فاضي اشحن الفون وكان دماغي في مليون حاجه
لارا بتفهم... الحمد لله ي حبيبي انكم كلكم بخير ورجعتوا لينا بالسلامه
مراد... بحبك ي اجمل لارا في الكون اي رايك نشتري خاتم خطوبه ونخلي خطوبتنا مع ادم وعهد
لارا بفرحه شديده ...بتتكلم بجد ي مراد احنا هنتخطب مع عهد وادم
مراد... ايوا بتكلم جدا ي نور عين مراد وباذن الله نشتري الخاتم ونروح انهارده نطلبك من مامتك ونعمل خطوبتنا مع ادم وعهد
لارا بفرحه..... ربنا يخليك ليا ي حبيبي وحضنته جامد واتحركوا ورا العربيات اللي مشيت
............ .............. .............. ............. .........
عندما يعشق الفؤاد يتخبي العقل عن التفكير ويترك المجال للقلب فيصبح الهوا غلاب ❤️❤️❤️❤️
ادم وعهد نزلوا عند مول كبببير جدا في التجمع ودخلوا الاول محل فساتين عشان يشتروا لعهد فستان الشباب والبنات دخلوا مع بعض كلهم
عهد دخلت وفضلت محتاره بين الفساتين لحد ما لقيت واحد لونه احمر منفوض جامد من تحت والكن بتاعه شفاف ومن عند الصدر فيه لمعه خفيفه من القماشه الستان وكمه منفوش شيفون عجبه جدا ودخلته تقيسه وطلعت كانت شبه ذات الرداء الاحمر باربي في نفسها اوووي وخصوصا لما سابت شعرها ينزل علي ضهرها كانت شبه الاميرات
ادم... وقف مصدوم من جمال المنظر اللي قدامه مش كان عارف يقول اي بس هو كان نفسه عهد تتحجب عشان محدش يشوف جمال شعرها وجسمها غيره فراح جمبها وقالها عهد انا ممكن اطلب منك طلب
عهد... طبعا ي حبيبي اتفضل
ادم... انا نفسي تتحجبي ي عهد انا مش عاوز حد يشوف جمال شعرك وجسمك غيري انا بغير عليكي والله
عهد... انا كنت ناويه اعملهالك مفاجأة في الخطوبه والله واتحجب انا هختار فستان تاني
ادم... ربنا يخليكي ليا وباس ايديها وبدوا يختاروا فستان تاني فعلا
عهد المره دي اختارت فستان ابيض منفوش جدا وفي وسطه كان عقد زي الالماس كدا وكان للمحجبات واختارت معاه حجاب ابيض وشوذ ابيض وادم انبهر بيهم والبنات اختاروا فساتينهم لارا اختارت فستان سماوي منفوش وحجاب من نفس اللون وشوذ زيهم وكانت برنسيسه وياسمين اختارت نفس فستان عهد ولارا بس باللون الرصاص الهادي واختارت برضوا حجاب زيه وشوذ ودا لان التلت بنات قرارو يلبسوا الحجاب سوا
خلصوا وراحوا مكان البدل عشان يختاروا للشباب ادم اختار بدله سمرا في غايه الوسامه عليه وجرافته بيضه وقميص ابيض وجزمه سودا وكان شبه الامير هاري بوتر
ومراد اختار بدله سمرا برضو وجرافته لبني وقميص ابيض وجزمه سمره وكان ساحر وخصوصا ان الجرافته لون عيونه اما احمد اختار بدله سمرا وجرافته رصاصي في اسمر وجزمه سمرا وكان لا يقل عنهم وسامه وخلصوا رواحوا اتغدوا وجهزوا عشان يشتروا الشبكه
ادم في محل الدهب اختار لعهد خاتم الالماس علي شكل قلب مرصع بماسات غاليه جدا وكان هادي جدا ورقيق وعجب عهد جدا جدا وكمان اخدلها عقد نفس شكل الخاتم وانسيال
ومراد فاجئهم انه كمان هيختار للارا شبكتها اختارلها خاتم الالماس وعقد
واحمد طلب ايد ياسمين من ادم وادم اداله موافقه مبدائيه لحد ما يطلب ايديها من والده واخدلها خاتم الماس وانسيال ورجعوا البيت
مراد... لمحمد بابا انا عاوز حضرتك وانكل محمود وادم واحمد تيجوا معايا نطلب ايد لارا ونعمل الخطوبه مع كتب كتاب ادم وعهد
محمد... بفرحه شديده ولادي الاتنين هيتجوزا واشوف احفادهم وراح علي مراد وضمه لصدره جامد وقاله انه موافق وخلاه يطلع يجهز عشان يطلب ايد لارا
ادم.. .بابا في مفاجاه كمان
محمد... بفرحه شديده في اي مفاجاه احلي من ان ولادي الاتنين كبروا وهيتجوزا
ادم غمز لاحمد عشان يتكلم
احمد.. عمي يسعدني اني اطلب ايد الانسه ياسمين من حضرتك وطبعا لو حضرتك وافقت هجيب والدي والدتي ونيجي لحضرتك
محمد... وعيونه دمعت من الفرحه اخيرا هفرح بولادي كلهم تعال ي احمد وحضنه بعدين ضربه علي دماغه اي حضرتك دي ي ولد انت ابني التالت وانا موافق علي خطوبتك انت وياسمين
احمد... بفرحه ربنا يخليك لينا ي والدي وعم الفرح علي الكل
ياتري هيفضلوا فرحانين كدا ولا فرحتهم هتتكسر
وياتري ادم وعهد هيتجوزاوا ولا خد هيفرق بينهم دا اللي هنعرفه في البارت الجاي ي حلوين
يتبع الفصل الثالث عشر اضغط هنا
- الفهرس يحتوي على جميع فصول الرواية كاملة :"رواية عندما تلتقي العيون" اضغط على اسم الرواية