رواية فارس الحى الشعبي الفصل الثالث عشر بقلم اميرة أسامة
رواية فارس الحى الشعبي الفصل الثالث عشر
ابتدا فارس... يحكيلهم الخطه اللي في دماغه عشان ينفزها مع چون ويقدر يوقعه اولا بأنه يثبت برائه فريد..
ثانيا يرجعه..
زين.... انت ازاي فكرت كده يا فارس... الانت بتقوله ده خطر جدا...
عمر... قوله والنبي ياعم زين.. اصله بيحاول يقنعني انه عادي..
ادهم... عادي ايه ياعم انت كأنك بتتكلم عن شغل عصابات ومافيا.. لا بقولك ايه.. خليك حلو كده وفالخفيف..
فارس... يعني ايه...
ادهم. .. يعني اكتر من انك اتجوزت فريده وبتحميها هي واهلها لحد ما ربنا يسهلها وابوها يرجع اوك مرجعش بؤدو دي مش مشكلتك..انما شغل عصابات ومافيا.. لا كده كتير..
فارس... ومن امته حد بيحتاجلنا ومبنقفش جنبه يا ادهم .
ادهم... اولا هو محتاجكش ولا طلب مساعدتك... ثانيا احنا نجيب حق مظلوم نعلم علي ظالم.. ده اخرنا..غير كده لا..
فارس...... وانت شايف ان هو مش مظلوم..
ادهم...حتي لو مظلوم احنا مش اده..
فارس.... انت مش اده وواضح من كلامك لاكن فارس السيوفي لا...
ادهم... فوق يا فارس... انت ايه اللي جرالك انت عارف ان لو غلطه واحده حصلت ايه اللي ممكن تتعرضله عيلتنا واهلنا .مش عشان فريده واهلها.وقاطعه فارس... بصوته اللي هز البيت.
فارس......ادهمممممممممم لحد هنا وخلص الكلام.. واسم فريده ميجيش علي لسانك انت نسيت شكلك انها بقت فريده السيوفي ..ومن ناحيه اني أمن عيلتنا واحميها اظن انا عمري ما خليت مكروه يلمسكم...وانت عارف انكم رقم واحد في حياتي ومش انا اللي هفضل فريده.. واهلها عليكم... بس دي بقت مراتي ومن حقها عليا اني احققلها امنيه ان تشوف ابوها تاني او عالاقل يطلع من اللي فيه.. واظن من واجي اني اقف معاها زي ما بقف مع الغريب خصوصا لو انا واثق من الانا هنفزه...عموما الكلام..خلص .
عمر.... حب يشيل التوتر... اللله هو في ايه انت وهو ما تهدو كده..
فارس... خلص الكلام ياعمرررر.
عمر... لا ياصاحبي لسه مخلصش انت عارف اني معاك حتي لو فيها رقبتي ..
فارس.... وانا مش عايز حد معايا خلاص..
عمر...لا ده مش بمزاجك..واهدي كده وصلي عالنبي..
زين... فارس.؟ ياريت بس تاعد كده عشان في كلمتين لازم تسمعهم.. بص يافارس.. ومن غير ما تتعصب وتخوفنا بصوتك ده.. بص ادهم انا شايف انه مش غلطان.. لسبب واحد.. هو قلقان علي اللي فالبيت خصوصا ده واحد امريكي ومش سهل وقدر اصلا يلبس والد فريده... يعني الحوار صعب وهو اكيد مش غبي انت هتتعامل مع واحد ذكي جدا.. غير كده ادهم ميقصدش...
فارس... وانا مرتب كل حاجه يازين... متقلقوش عليا... وعموما انا خلاص مش محتاج حد ..
زين... لا مش بمزاجك..احنا معاك...
فارس.... وانا مش عايز معايا حد غير عمر...خلصت..واظن الحكايه اللي بتبتدي بخوف عمرها ما هتمشي تمام..هتبقي مهزوزه وصاحبها هيتقفش وساعتها هيبقي فيها قلق.. بجد وخطر..وانتو الخوف دخلكم خلاص..يعني متنفعوش..
عمر... فارس... اهدي مش هينفع نكون من غيرهم الخطه محتاجه كذا حد معانا..
فارس... معانا رجالتي...
ادهم....قام وقف...يلا يازين تقريبا فارس... شايفنا نسوان عشان قررت اديله رأيي عشان حبيت افكره انه مش بيتعامل مع تاجر من التجار بتوعنا ..فارس.. اعد وحاطط ايده الاتنين علي رجليه.. ورافع نص وشه وبيبصله وهو بيتكلكم ومبرقله والشرار هيطلع من عينه...
عمر... ما تهدا يا عم ادهم..في ايه.. ماانت عارف فارس...علي طول...قاطعه فارس...
سيبه ياعمرررر. خليه يطلع كل اللي عنده..
ادهم .... اضايق ان فارس فهمه غلط واتعصب جدا هو كمان وبقي متوتر ومش حابب اخوه يزعل وفنفس الوقت هو فعلا قلقان..
ادهم... انا معنديش خلاص كلام.
فارس.... ولا انا خلاص...
زين... طيب ممكن نقفل الكلام مؤقتا كده لحد ما الجو المشحون ده مايهدي ونرجع نتكلم فيه ..
فارس... احنا هنقفله فعلا يازين. بس مش مؤقتا علي طول.. ومش هنتكلم فيه تاني... انا خدت قرار.. خلاص.. وبكره بأمر الله هنفذ مفيش وقت ..
ادهمم... انا نازل..
.عمر... ادهم..ادهم..
زين... استني يا ادهم...
ادهم.. نزل بسرعه وخرج من البيت كله وركب عربيته وطلع من المعز بحالها..
فارس... سيبوه...وانت كمان يا زين لو حابب تحصله مش هزعل..
عمر... ماتهدي يافارس الحوار خلص..
زين... موجهه كلامه.لعمر... سيبه يا عمر.. خليه يطلع كل اللي جواه..ماهو لوعمل اكتر من كده لاهقوم واسيبه ولا هتقمص منه ولا لو حتي قال اكتر من اللي قاله هتأثر...وابتسم.. مش عشان معنديش دم...
بس عشان مليش غيره.. من صغري ياعمر وانا متشعبط فيك انت وفارس ومن بعد ما امي اتوفت ونفسيتي بقت زفت مخرجنيش منها غير فارس.. يمكن سننا واحد بس بحس انه سندي وضهري حمايتي .لما بتخنق مبلاقيش غيره ادامي..عمري.. ما رحت لابويا ولا حتي سمر.. مبشوفش نفسي غير وانا رايح لفارس. وليك انت وادهم.. انا لاخايف علي نفسي ولا علي اهلي عشان عارف ان فارس عمره ماهيأذينا بس انا يمكن اكون خايف علي فارس.. اكتر واحد من انه يجراله حاجه انا حقيقي مليش غيره... واتخنق بالعياط ونبره صوته اتغيرت..فاللحظه دي قام فارس..وشده من ايده وخده في حضنه وزين مقدرش يمشك نفسه وفضل يعيط...عمر .. قام... وطبطب علي ضهر زين... في ايه ياعم صلي عالنبي كده .انت ناسي احنا مين ياض ولا ايه انت شاكك في ذكائنا ولا ايه.. وابتدا عمر يضحكه.. وفارس ساكت وبيبصله ..بحب..
عمر...وبعدين انا طول ماانا وراه متقلقش هفدي فارس بعمري..
زين.. لا ماانا معرفش اعيش من غيرك انت كمان...
عمر... متقلقش علينا اللي بيرجع حق مظلوم ربنا بينصره..
فارس... انشف ياض وديني لاروحه بلده سوسن..
ضحكو كلهم..
زين بيمسح علي وشه.. بالله عليك ماتزعل من ادههم
فارس... انا عمري ما ازعل منه وفاهم قصده..بس هربيه شويه علي طريقته دي..
عمر.... ادهم مجنون يا فارس وانت عارف ..
المهم.. يلا قول هنعمل ايه..
فارس.. ابتدا يكمل تاني وعمر معاه فالكلام
.وزين.. ابتدا يندمج معاهم ويسأل ويستفسر..
يعني احنا كده بكره معادنا الساعه 12بليل فالفندق فالنايت كلب اللي بيسهر فيه چون
فارس.. تمام..
وخلصو كلام. لحد ما الوقت اتأخر ..
عمر... انا هروح انا بقي الساعه بقت 3اخيرا بكره اجازه.
زين.. اه الحمد لله انا حاسس اني هلكان..والنبي يافارس.. بكره الاحد... هه ياريت ملقكش تصحيني من بدري احنا قولنا معادنا 12بليل
فارس... لا ياعم. مش هصحيك مش هكلم اي حد فيكم 12بالدقيقه هكون تحت البيت
ملقتش هطير..
عمر..لا متقلقش معاك..
يلا تصبحو علي خير..
فارس... استني تعالي انزلك..
نزل فارس وزين وعمر.. وهما نازلين... سمعو الباب بيتفتح والبنات بتخرج وضحكهم مسمع ومش واخدين بالهم من فارس
زين عمل صوت.... البنات بسرعه جريو .. وزين دخل وراهم..
ريم.. واقفه بره هي وفريده... ريم.. هما دخلو ليه المجانين دول...
قرب منهم فارس وعمر وزين...
ريم.... ازيك ياعمر .
عمر.. االحمد لله تمام..
ريم... براحه.. كلمتك مش بترد..
عمر.. لما اروح هكلمك.
اما فارس.. كان شايط من البنات وضحكهم العالي..
فريده.. بتبصله وساكته وخايفه من منظره..
فارس.. انتو رايحين فين...
فريده.. بخوف.. احنا كنا طالعين البيت فوق..
فارس... طيب يلا اطلعي... يلا ياريم.
ريم....حاضر يا زعيم..
ضحك عمر.. وابتسم فارس. علي المجنونه اللي بتسمع الكلام
..ريم.. بصوت واطي.. عمر عمر...
فارس... بصلها.. ريم..
ريم.. نعم
فارس...اطلعي.. بدل ما ارميهولك من هنا..
عمر... عاجبك كده جبتلنا الكلام..
ريم... لا وعلي ايه انا طالعه اهو اهله عايزينه..ياستر مفرق الجماعات..
فارس.. سمعتك علي فكره...
فريده.. ضحكت علي اختها وعلي فارس اللي بيرخم عليها هي وعمر..
فارس.. ابتسم اول ما شاف ضحكتها..ونسي عصبيته من البنات..
فارس... فررريده...
بصت فريده.. نعمممم.
فين طنط..
فريده... مامي طلعت من ساعه وقالت هتنام.
فارس... طيب استنيني عايزك..
ريم... بصتله
..معندناش بنات تكلم ولاد ولا هو حلو ليك تفرق بينا وتقفلنا كل شويه زي العزول...
..معندناش بنات تكلم ولاد ولا هو حلو ليك تفرق بينا وتقفلنا كل شويه زي العزول...ضحك فارس.. وعمر عليها..
فارس... معلش يا استاذه ريم.. انتي اكرم مني..
ريم.. ماشي بس متاخدش علي كده
فارس.. حاضر.. يلا ياعم دي مجنونه. نزل فارس وفتح لعمر وسلم عليه وطلع..
تاني.. وفتح بالمفتاح علي شقت مامته...
لقي البنات جوه.. وزين معاهم..
فارس.. اللي حصل بره ده لو اتكرر تاني متلوموش غير نفسكم.. البنات واقفه مرعوبه..
صوت ضحكتكم ده لو علي تاني طول ما في حد عندي هيبقي يومكم مش فايت .. مفهووووووم.
البنات.. مفهوم...
سمر... واللهي يا ابي فارس.. احنا فكرناكم نزلتو . ونسينا انكم فوق اصلا..
زين.. خلاص يافارس.. انا دخلت روقتهم قبلك مكنوش يعرفو اننا لسه فوق..
فارس.. عم ما انا قولت خلاص..
يلا مش كنتو نازلين...
نزلو البنات بسرعه...علي تحت...ومل واحد راح شقته
...طلع فارس..لقي فريده.. مستنياه عالباب..وريم دخلت عشان عمر كلمها..
فارس... اسف اني وقفتك..
فريده.. عايز ايه..
فارس..الله ليه الدخله دي بس..
فريده.. انا اخر مره كلمتك فالموبايل قولتلك مش هكلمك تاني..
فارس.. افتكر بس حب يرخم عليها..ليه بس انا عملت ايه..
فريده... عشان قولتلتلي... وسكتت..
فارس.. بابتسامه قولتلك ايه..
فريده.. قولتلي كلام وحش..
فارس...انا قولت ايه..
فريده.. خلاص غير الموضوع مش مخصماك خلاص..
فارس... لا انا حابب اعرف..
فريده.. فارس بطل قله ادب..
فارس....ماشي ياستي...هبطل بس مترجعيش تندمي..
فريده.. لا مش هندم
فارس... يلا ادخلي..
فريده... مش لما تقولي كنت عايز ايه.
فارس... كنت بشوفك وبسلم عليكي.. مش المفروض اطمن علي مراتي بردو.
فريده... احمر وشها وحبت تغير الكلام...
هو انت بتزعأ للبنات كده ليه..
فارس... عشان مينفعش يكون في راجل غريب هنا ويطلعو بشعرهم من غير حجاب ويطلعو بصوتهم العالي وضحكهم ده .
فريده... بس عمر صاحبك..
فارس... اديكي قولتي صاحبي.. مش صاحبهم..
فريده... يس هما مكنوش يعرفو.
فارس... اديني عرفتهم ..
فريده... عرفتهم بطريقتك دي
فارس... انتي عارفه ان مفيش واحده فيهم اصلا نطقت بكلمه زيك كده..
فريده.. اكيد خافو منك
انت ترعب اصلا..
انت ترعب اصلا..فارس. رجع لقله ادبه.. وحط ايده عالباب مكان ماهي واقفه وحاصرها بين دراعه .. بجد انا ارعب...
فريده..بتوتر...
اه ترعب جدااا كمان اصلا شكلك يخوف..
فارس... بحاجب مرفوع.. ليه عفريت..
فريده.. لا مش عفريت وتاهت في عيونه بالعكس شكلك حلو اوي.. بس طولك عضلاتك جسمك.. يعني ..
فارس.. مقاطعها..وتنتي خدتي بالك اني حلو وطويل وعندي عضلات وجسم حلو انتي مركزه بقي...
فريده... اتوترت..فارس... يلا اطلع انا هدخل انام..
فارس... هتنامي ايه بقيتي جرىئه وهتنامي لوحدك..
فريده.. زاد توترها...اه هنام لوحدي..
فارس... سكت وتاه في شكلها وهي متوتره وخايفه منه ومحروجه واحساسه بيها انها مبسوطه.. وبدون مقدمات نزل ايده علي وشها وساب لايده مطلق الحريه.. قرب اطراف ايده علي شفايفها..
فريده...غمضت عنيها.. واستسلمت..
فارس... بدون مقدمات مقدرش.. يسيطر علي نفسه ولمس شفايفها بشفايفه.. وفاخر لحظه فاق ومرضيش يتعمق اكتر واكتفي بانها تكون مش اكتر من طابع وبعد عنها لقاها مغمضه عينها.. وبتفتحها باحراج ووش احمر ومنزله وشها فالارض
فارس....رفع وشها بايده..حس ان عيونها مدمعه. انا اسف... اوعدك مش هتتكرر تاني. وهلتزم باتفاقنا ومش هخلي عيونك الجميله دي تدمع تاني...سامحيني .
فريده... باحراج محصلش حاجه مش زعلانه منك ..
فارس... رفع كف ايدها..ووطبع عليه بوسه من شفايفه..
يلا ادخلي... وانا هطلع تصبحي علي خير..
فريده... هتكلمني...
فارس...برفعه حاجب.. مش قولتي هتنامي لوحدك وكنتي عامله فيها اسد وانا جريئه ايه اللي حصل...
فريده... كنت بكدب عليك..
فارس... بابتسامه جذابه...هطلع اخد شاور واغير هدومي واكلمك..
فريده....هستناك..
طلع فارس.وبعد ما خلص كلمك ادهم...
ادهم... الوووو بصوت مخنوق
فارس... بصوت خشن شويه تعبيرا عن انه لسه مضايق
انت فين..
ادهم... اعد في مكان.
فارس... مكان ايه يعني ده سر..
ادهم... لا مش سر اعد في كافيه فالمهندسين..
فارس.... تقوم الوقت وتيجي الساعه اربعه..
ادهم.... هو انت شايفني عيل للدرجادي ايه ده ابوك مش بيعملها معايا..
فارس... انا بعملها يا ادهم... وانجز وربع ساعه بالكتير الاقيك هنا..وتعرفني انك جيت..
ادهم... ماشي يا اخويا...سلام...
فارس... ادهمممم..
ادهم... نعم..
فارس... تسوق براحه وانت راجع. .
ادهم ... مش قولت ربع ساعه اكون عندك.
فارس.... تسووووق براحه.
ادهم... ماشي..
فارس... سلام...
قفل ..معاه ... واتصل بفريده.. وفضل يرغي معاها شويه ونص ساعه شاف رقم ادهم عالوايت معاه.. فريده.. خليكي معايا متقفليش معايا تليفون.
فريده...اوك.
فارس.... ايوه يا ادهم..
ادهم... انا طلعت البيت ..
فارس.... ماشي تمام...
ادهم... تمام...
فارس... تصبح علي خير...
ادهم ....تصبح علي خير...
ورجع لفريده.. معاكي .
فريده...بتكلم مين
فارس... اتفاجئ من سؤالها. حب يختبر غيرتها..
دي واحده كده معرفه..
فريده.. يعني ايه معرفه..
فارس... يعني صحبتي...
فريده... نعممممم..ازاي صحبتك دي اصلا حضرتك ناسي انك متجوز وبعدين ازاي اصلا تتصل بيك متأخر
فارس... ايه براحه قطر.. الجميل بيغير ولا ايه..
فريده... انتبهت ..ايه ده انا لا ..
فارس...ابتسم من جواه انه اخيرا حس منها برد فعل...
اما فريده ...كانت شايطه منه.. ومش قادره تقوله عاللي جواها..
بعد مده نامت فريده هي وفارس..وراحوووو فالنوم....
اما اليوم التاني.. جه وعدي علي ابطالنا ومفيش في اي احداث طول اليوم. وابتدا الليل يجي وابتدا فارس... في بدايه خطته... جهز فارس وكان لابس .. تيشيرت اسود وبنطلون جينس اسود وشوز اسود هاڤ بوط كان شكله يشبه رجال العصابات ..ونزل من غير ما حد يشوفه... وكان عمر في انتظاره ومعاه زين...
سلمو علي بعض..فارس.. جاهزين يارجاله...
عمر... وزين.. تمام..
فارس.. عارفين هتعملو ايه..مش عايزين غلطه..
عمر.. عيب عليك الخطه زي مااحنا اتفقنا هتمشي.. بس في حاجه كده..
فارس.. ايه..
عمر... شاورله عالعربيه.. البني ادم ده معرفناش دوره.. فارس.. نزل بمستواه عشان يشوف اللي جوه العربيه. لقاه ادهم.. بيبتسمله زي العبيط
فارس.. رفع نفسه وفضل يمشي ايده علي دماغه ورا بعض...
ادهم.نزل... ماهو تتعصب ماتتعصبش انا مش سايبك. يلا بقي هلينا نروح نشوف الراجل ده ونعلم عليه..
ابتسم.. فارس... وضحك عمر وزين.. يلا...
ركبو العربيه.. وطارو علي مكان چون ماهو موجود... عمر دخل هو ورجاله فارس وادهم وكانو عاملين بودي جاردات لفارس.. وكانو حقيقي يشبوهو رجال الحراسه بلبسهم والسماعات في ودنهم وجهاز لاسيلكي وواقفين ورا فارس وهو اعد علي تربيزه هيئته وهو داخل وهما وراه كانت تشبهه رجال العصابات..
اما زين.. فا اخد اقرب مكان جمب چون.. عشان يقدر يسمعه لانه كان بيعرف انجليزي زي فارس...
اما عند فارس... كان اعد حاطط رجل علي رجل. وعينه رايحه جايه بدون اهتمام بچون.. اما چون استغرب شكله وهيئته والدخله اللي تخطف اي حد وهو داخل وكان مركز معاه جدا ...
ملحوظه طبعا المفروض الحوار ... ده يكون بالانجلش بس انا اخري فالانجلش افهم شويه فيه بس ما اتكلمش ..فاهنمشيها عربي ولكم حريه الخيال
طلع فارس... الموبايل وعمل انه بيتكلم فيه عادي ..وكان الحوارعادي فالاول..وبعد كده فارس دخل فالجد .وده زود تركيز چون..
فارس... ازاي مختفي ..لازم تقلبو عليه امريكا كلها.. .
المجهول...............
انا مش عايز فلوسي منه انا عندي فلوس توزن العالم...انا عايزه هو وعايزه حي.. وعندي استعداد اتنازل عن نص ثروتي لاي حد يوصلني بيه.... .
المجهول.......
انت غبي... بقولك..انا وصلت لمراته وبناته هنا وعرفت انه هربهم قبل ما يطلع قرار بمنعهم من السفر بس هما فعلا ميعرفوش عنه حاجه..
المجهول......
...تمام يبقي انت تقلب كل ركن في امريكا. وتعرفلي هو فين انا عايزه حي فريد لازم انتقم منه.. ومش هنتقم من بناته ومراته هما ملهمش ذنب انا عايزه هو....
المجهول......
تمام يبقي اتفقنا..مستني تليفونك..
قفل الخط وفتح سيجاره. وبص ادامي ولا كأن حاجه حصلت...اما چون كان مش قادر يستوعب هو يقصد فريد فعلا ولا يقصد حد تاني... هو قال يتبرع بنص ثروته هو قال انه عارف مكان مراته وبناته..هو قال انه عايز ينتقم من فريد...قام چون والبودي جاردات وراه.. چون بحركه من ايده.. وقفو بعيد وراح لفارس.. فارس..
لامحه بعينه بس مش باصصله ..واول ما قرب.. عمر وادهم والرجاله اللي معاهم حاولو يمنعوه..
فارس.. انتبه.. نعم...
چون ممكن اسألك سؤال..
فارس... نعم.
چون ..اسف سمعتك من غير ما اقصد بس حابب اعرف فريد مين..
فارس... شئ ميخصكش وانصحك متدخلش في اللي ميخصكش عشان متخسرش.
چون... مش يمكن اكون عندي الطريق.. اللي يوصلني بيه..
فارس....اتعدل فالاعده وكانه مش مصدق..تقصد ايه..
چون انا عارف مكان فريد. واقدر اوصلك بيه..
فارس.... فريد مخرجش من امريكا ومتهم في قضيه كبيره وانا عارف انه متقبصش عليه بس للاسف رجالتي لسه ملقهوش يبقي هتعرف ازاي...
چون... عشان انا اللي مدبره القضيه اصلا..
فارس....انت مستر چون.
چون... ايوه..
وطلب منه چون يخرجو بره عشان الصوت عالي ويبعدو عن الدوشه .وفعلا خرجو وكملو كلام.
واحب اقولك ان انا اللي لفقتله التهمه من اولها لاخرها..
فارس... انا عارف من الاول انها ملفقه فريد ميعملهاش..
چون ...غريبه انك بتدافعله..طيب ليه حابب تلاقيه وتنتقم منه في اييه بالظبط..
فارس. انا مش بدافعله بس انا عارف اي شخص بتعامل معاه اذا كان ليه فالديرتي بزنس او لا وفريد مش من الناس دي.. بس فريد عمل معايا الاسوء بكتير...
چون... اقدر اعرف عمل ايه...
فارس... ده شئ يخصني انا كل اللي عايزه الاقي فريد وارجعه هنا..
چون .. انا عارف مكانه..
فارس... اطلب اللي انت عايزه وسلمهولي...
چون... هتنفذ..
فارس... جرب..
انا عايز بنته.. فريده..
فارس. تمالك اعصابه بالعافيه وعمر كان بيدعي ان فارس ميفلتش منهم ..
فارس... سلمني فريد الاول وهسلمهالك هي واختها وامها لو حبيت..
چون... ما انا ممكن اقولك مكانه ورجالتك تروح تاخده الاول..
فارس... لا انا مسافر كمان يومين... امريكا.. عندي بزنس وعرض ازياء مهم هناك وحابب اخد فريد وارجعه معايا بس من غير ما يكون مجرم عشان يدخل المطار هنا مع فارس السيوفي وميكنش متهرب
چون... وليه كل ده.. انا مصدقت انتقم منه..
فارس... هتنتقم وهسلمك بنته.. ولما يتبرأ من التهمه وكل حاجه ترجعله . هخليه يمضيلك تنازل عن كل املاكه.. انت مش حابب تنتقم يبقي تنتقم بذكاء...
اسف انت لما انتقمت كنت غبي.. يادوب لفقتله تهمه وهو هرب بناته ومراته وهو هرب وبيحاول يلاقي حاجه يطلع نفسه برئ لاكن لو تنتقم صح تخليه يشوف بنته معاك تخليه يشوف كل ثروته في ايدك وهو اللي مسلمهالك بكامل ارادته وتكبر انت اكتر...
چون... لمعت في عيونه الفكره.
وفارس... حس انه ماشي صح..
چون ..اتفقنا انا هسافر بكره وهتمم كل حاجه هناك..
فارس... وانا بعد بكره هكون عندك... عشان البزنس بتاعي وهتسلمني فريد.. وهترجع معايا تاخد بنته وهخليه يمضيلك كل ممتلكاته بيع وشراء وتشوف بنفسك الانتقام علي حق.. وتسبهولي بقي اصفي حسابي معاه علي طريقتي.
چون.. اتفقنا.. صحيح ايه البزنس اللي هتعملو هناك..
فارس... انا مشارك باكبر عرض ازياء في امريكا..
چون.. ملابس يعني ايه هي الماركه اسف انا معرفكش...
فارس.. اكيد متعرفنيش لان مش بعمل عرض ازياء ملابس ولا انا صاحب اكبر بيت ازياء.
انت اكيد هتعرفي لما تعرف ان انا صاحب توكيل . دايموند.
چون...واو انت صاحب توكيل دايموند يعني انتي هتلبس العارضات الاكسسوري..
فارس... بالظبط
بعد كلام واتفاق مشي فارس لما اتأكد ان چون مت جه للمطار عشان يسافر ويلحق هناك يوم جديد يخلص فيهم اجراءات تبرئه فريد.. واللي اتفق هو وفارس.. علي انه هيخلي حد تاني يعترف ان هو اللي حط شحنه المخدرات لفريد
يتبع الفصل الرابع عشر اضغط هنا
- الفهرس يحتوي على جميع فصول الرواية كاملة :"رواية فارس الحى الشعبي" اضغط على اسم الرواية