رواية وقعت فى العشق الفصل الفصل الثالث عشر بقلم أمل السقا
رواية وقعت فى العشق الفصل الفصل الثالث عشر
.
فى صباح يوم جديد الكل اتجمع فى الشاليه من تحت عشان والد و والدة عز و والد و والدة زياد هيمشو.
محمد "والد زينه": زينه انا بقول انك تيجي معانا بقا عشان مينفعش قعدتك هنا.
زينه: انا بقول كدا برضو يا بابا خلاص انا هطلع اجهز شنطتي وانزل امشي معاكم.
زياد: ما تخليها معانا يا بابا اهي بتغير جو.
عشق: ايوه يا عمو وبعدين يرضيك اني اقعد هنا لوحدي يعني.
محمد: يا بنتي انتي معاكي اخوكي وجوزك يعني عادي جدا انك تقعدي معاهم بس انا شايف ان بعد اللي حصل امبارح مينفعش زينه تقعد.
عشق: عشان خاطري يا عمو خليها تقعد معانا انا مش هعرف اقعد لوحدي هنا وبعدين ما اخوها موجود اهه.
محمد بتنهيده: ماشي انا موافق بس القرار فى الاخر يرجعلها برضو.
زينه: خلاص يا بابا انا هفضل عشان عشق.
محمد: تمام بس خلي بالك من نفسك.
مراد" وهما على الباب نظر لزياد وقال ": انا اديتك قطعه من قلبي اتمنى تحافظ عليها ومتنساش انكم كاتبين بس هه والله لولا إني عارف اخلاقك مكنتش هسيبها هنا أبداً بس انا واثق فيك وف تربيتك" كل ده تحت اسماع عشق اللي قاعده تضحك وتقول قال اخلاقك قال ده انت مشوفتش بربع جنيه تربيه "
زياد بهمس: سمعتك على فكره وحسابنا بعدين "وبعدين قال بصوت عالي" متقلقش يا عمي دي فى عنيا.
*سلموا عليهم وخرجوا، وزينه وعشق وزياد وعز رواحوا الموقع عشان يبدأو شغلهم *
آدم: حلوة قوى التصميمات دي هايله بجد.
عشق بغرور: ده اقل ما عندي وطبعاً البت زوزو ساعدتني كتير.
زياد: اعتقد ان اساس الموقع موجود "وجه نظره لعز وقال" اومال فين صاحب المشروع يا عز هو هيتواصل معانا من ورى الستارة ولا ايه؟
عز: لا هو فى الطريق زمانه على وصول.
&وبعد دقايق وصل صاحب المشروع جمال الحناوى رجل وقور وواضح انه غنى غنى فاحش وعنده حوالي 50 سنه.
جمال: انا اسف على التأخير يا شباب بس كنت بوصل المدام الأول وبعدين على هنا علي طول.
كلهم: ولا يهمك يا فندم حمد لله على السلامة.
&وبدأو ف تنفيذ المشروع فعلاً وكل حاجه ماشيه تمام لحد ما... زينه وعشق بيتمشوا على البحر عشق سمعت صوت حد بينادى عليها "
: عشق معقول؟
عشق بدهشه كبيره: ناااادر!!!
نادر بشوق: ياااه ده انا بقالي سنين مشوفتكيش وحشتيني اوى.
زينه بدهشة: مين ده يا عشق وازاي يتكلم معاكي كده؟
عشق: اصبري بس يا زينه"وجهت كلامها لنادر" انت بتعمل ايه هنا وعايز ايه منى مش مكفيك اللي عملته؟
نادر: والله انا عملت كل ده علشان اوصلك وبالنسبه لجويريه متستاهلش انك تكوني صاحبتها اصلا دي بنت مش نضيفه بس ولا يهمك انا خدت حقك منها.
عشق بخضه: عملتلها ايه يا حيوان هي فين دلوقتي؟
نادر: يعني بعد كل ده لسه بتخافي عليها "اشعل سيجارة وخد منها نفس ونفخه جامد وقال" يا ستي بسيطه واحده سهله قضيت معاها يومين ورميتها وهي زي الهبله كانت مصدقاني وحتى مكانتش بتعمل حسابها جت حملت وانا طبعاً معترفتش بالجنين فقامت اجهضت ولحد دلوقتي معرفش عنها حاجه.
عشق بعصبيه: انت مجنون انت ازاي تعمل كده منك لله يا اخي منك لله دمرت حياتها استفدت ايه دلوقتي استفدت ايه
نادر: اتمتعت بيها شويه بس لسه باقي انتي والله مستعد اعمل أي حاجة علشانك والله انا عايزك بس تحبيني.
عشق "وقد صفعته صفعه قويه": انت حيوان بشري ولو اخر واحد فى الدنيا مستحيل اقبلك فى حياتى." ومسكت ايد زينه ومشت "
زياد "وهو ينظر لأثرها ويضع يده مكان يدها": ومالوا بس برضو في الاخر هنولك يا عشق هنولك.
زينه: عشق مين الشخص ده وعايز ايه!
عشق: يا ستي ده واحد كان معايا في الجامعه وكان بيحبني بس انا مش بطيقه وعشان يوصلي ضحك علي اقرب شخص ليا وخلاها تبعد عني وتكرهني.
زينه: بس انتي لازم تحكي لزياد.
عشق بسرعه: لا أوعي يعرف حاجه عشان ميشلش همي وان شاء الله ربنا يبعده عني ان شاء الله
&اليوم عدى بدون أي جديد يذكر سوا تجاهل زينه لعز وضيقة عز من تعاملها معاه.
*تاني يوم زينه قاعده علي الشط وسمعت صوت من وراها هي عارفه صاحبه كويس جدا.
عز: ممكن اقعد
زينه وهي بتقوم: اكيد يا باشمهندس بعد اذنك "ولسه هتمشي قام ماسكها من ايدها"
عز: انتي رايحه فين؟ انا جاي اتكلم معاكي
زينه وهي بتسحب ايدها منه: رايحه الشاليه هروح فين يعني وبعدين يا باشمهندس احنا مفيش بيننا كلام بعد اذنك. "وسابته ومشيت وبعد شويه لقت نادر واقف مع بنت وهي بتزعق فيه"
البنت: انت ايه يا اخي مبتزهقش كفايه بقا ده انا هربت من اهلي اللي كانوا هيموتوني بسببك حرام عليك ابعد عني بقا.
نادر: انا مش عايز منك حاجه غير انك تساعديني اوصل لعشق.
البنت: عشق تاني يا بني افهم عشق مستحيل تبص لواحد زيك ولو اتشقلبت كده برضو مش هتبصلك فالاحسن تخليك مع بنات الليل اللي شبهك انت اخرك تتعامل مع النااس الزباله امثالك "مسكها من شعرها"
نادر: النااس الزباله دي انتي حفيتي وراها لحد ما عطف عليكي وبصلك وبعدين انتي بتقولي ايه ما تبصي لنفسك الأول ولا نسيتي الواد اللي نزلتيه يا يا حبيبتي "قالها بهمس وسابها ومشي"
البنت: والله لاوريك لسه حقي مرجعش يا نادر بس هرجعه "حطت ايدها على بطنها وقالت" انا مستحيل اتخلى عنك يا حبيبي ده انت قطعه من روحي.
زينه "دخلت الشاليه وهي بتنهج": ايه اللي انا سمعته ده معنى كده ان عشق فى خطر لا لا لا انا لازم احذرها لازم......
يتبع الفصل الرابع عشر اضغط هنا
- الفهرس يحتوي على جميع فصول الرواية كاملة :"رواية وقعت فى العشق" اضغط على اسم الرواية