رواية قلوب مشتته الفصل الثالث عشر بقلم هدير مصطفى
رواية قلوب مشتته الفصل الثالث عشر
جني فجآه لقت نفسها قدام عربيه بتفرمل بسرعه شديده جدآ ف أغمي عليها من الخوف .... ونزلت من العربيه امرآه جميله جدآ وراحت جري علي جني تحاول تشيلها ولكن جني طعآ كانت شبه مغمي عليها ووسط ما الناس بتحاول تفوقها قالت بصوت واطي )
جني : رامي ... انا اسفه
الست : رامي مين انا عطر
( جني اغمي عليها ف عطر طلبت من الناس تشيلها وتحطها في عربيتها ...الناس ركبوا جني في العربيه من ورا وعطر ركبت قدام وبدأت تسوق العربيه وقالت لنفسها )
عطر : يلا بينا ياعطرعلي البيت نشوف الدكتوره حنين
(وصلت عطر لبيتها وطلبت من الحراس انهم يدخلوا جني للبيت وطلبت من الخدامه تنادي علي حنين
وعدت دقيقه ظهرت ست تانيه في نفس عمر عطر ... طوت سجادتها وحطتها في زاويه هي والمصحف وقالت )
الست : خير يا عطر فيه ايه ... ومين البنت دي
عطر : مش عارفه يانغم .... انا كنت سايقه العربيه لقيته ظهرت قدامي فجأه ووقعت مغمي عليها فجبتها ل حنين عشان تطمنا عليها
نغم : ان شاء الله خير ....(بصت في ساعتها وقالت) حنين هتنزل من اوضتها بعد دقيقتين بالظبط
(وفات عليهم دقيقتين وظهرت حنين.... كانت بنت رائعه الجمال .... كانت لابسه طقم عبار عن بدله بناتي ولامه شعرها لورا مع نظاره طبيه مزوده جمالها .... كانت نازله من علي السلم بخطوات ثابته وهاديه وفي نفس الوقت ثقه وشموخ مع ملامح توحي الطيبه والحنان ... حنين كانت مزيج مختلف عن اي بنت ممكن تتصوروها .... وصلت عند عطر ونغم)
حنين : صباح الخير
عطر / نغم :يسعد صباحك يا قلبي
حنين : خير يا جماعه فيه ايه
عطر : عملت حادثه وكنت هخبط واحده واغمي عليها فجبتهالك وجيت
حنين :بس ياعمتي انا قدامي 5 دقايق واخرج
نغم : مش هتيجي من 5 دقايق كمان يا حنين
حنين : انتي عارفه يا ماما ان مواعيدي باللحظه
(في اللحظه دي وصلت الخدامه وفي ايدها فنجان قهوه وقدمته لحنين )
الخادمه : اتفضلي
حنين : متأخره عن معادك دقيقتين
الخادمه : اسفه جدآ انشغلت في الست عطر
حنين : سماح المره دي بس عشان عمتي
عطر : طب عشان خاطر عمتك اكشفي علي البنت دي
حنين : حاضر يا عمتو
(حنين بدأت تكشف علي جني وخلصت )
نغم : ها يابنتي طمنينا
حنين : مافيهاش حاجه يا ماما
عطر : اومال اغمي عليها ليه
حنين :اكيد لما شافت نفسها قريبه من الموت خافت ووقعت من طولها
نغم : الحمدلله انها بخير بس هتفوق امتي
حنين : شويه وهتلاقيها فايقه من نفسها
عطر : ان شاء الله خير
حنين : انا ماشيه
نغم : طب اشربي قهوتك
حنين : هشربها في المستشفي يا ماما انا اديتلكم وقت شرب القهوه للكشف علي البنت دي
(حنين خرجت من البيت بنفس خطواتها الثابته الواثقه من نفسها ..... عطر وحنين قعدوا جمب جني )
عطر : هي هتفضل علي الحال ده كتير
نغم : جننتني والله يا عطر ... اكل بمعاد وشرب بمعاد النوم له معاد والصحيان كمان بمعاد ... تصوري حتي الكلام عندها بنظام
(دخل عليهم شاب في قمة الوسامه والاناقه .... قلع نظارته الشمسيه فتظر عيونه العسليه)
الشاب : اكيد بتتكلموا عن ابله نظيمه
نغم : عيب يا ولد دي اختك الكبيره
الشاب : قصدك اخويا الكبير
عطر : ايهاب .... عيب كده
ايهاب : سيبك انتي يا عمتو يا عسل انتي .... قوليلي بقي ....
(عطر قاطعته وهي بتضحك )
عطر : عمتو و عسل تبقي هتسأل علي لوجين
نغم : هتفضل طول عمرك عبيط
ايهاب : الله بقي يا ماما ما الكل عارف اني بحبها
عطر : والكل عارف برده انها مطنشاك
ايهاب : يعني ايه هعنس
نغم : مش بقول عبيط .... هو فيه راجل بيعنس
ايهاب : يعني مش هعنس
عطر : جيباه منين ده يا نغم
نغم : كسبته في كيس شيبسي
(ضحكوا كلهم بصوت عالي وفاقت جني علي صوتهم وبصت حواليها وقامت مجعوزه )
جني : ايه د انا فين
عطر : اهدي اهدي ماتخفيش
نغم : اهدي يا بنتي انتي في بيتي
ايهاب : يالهووووي .... مين المزه دي
جني : هو ايه اللي حصل
(عطر حكت لجني كل حاجه حصلت وجت جني تقوم حست انها دايخه نغم طلت من الخدامه تجيب عصير وجهه العصير )
عطر : انتي اسمك ايه يابنتي
جني : اسمي جني
نغم : الله جميل اوي الاسم ده
جني : ميرسي ليكي يا طنط .... هقوم انا بقي زمان اهلي قلقانين عليا لاني خرجت من غير التليفون
عطر : طب استني ايهاب يوصلك
ايهاب : لالالا مستحيل دي لوجي كانت دبحتني من غير ما تسمي عليا
جني : مالوش لزوم اصلآ انا تعبتكم معايا جدآ
(وفي الوقت ده نزل شاب من علي السلالم وكانت ملامحه شرقيه باحته ... كان هادي الخطي ... وبسيط التفاصيل .... وصل عندهم
نغم : مش عايزين منك حاجه كريم حبيبي هيسمع كلامي
كريم : السلام عليكم
الجميع : وعليكم السلام
كريم : خير يا نغم
نغم : ممكن توصل الانسه جني لبيتها
كريم : حاضر ..... اتفضلي يا أنسه جني
جني : والله ماله لزوم
عطر : خلاص ياحبيبتي هو كده كده كان خارج
جني : شكرآ ليكم بجد ....
نغم : العفو يا بنتي احنا معملناش حاجه
(جني سلمت عليهم و كريم خرج قبلها عشان يستناها .... وو واقف قدام عربيته كان فيه اتنين شباب داخلين الفيلا بنت وولد بس كانوا شبه بعض جدآ وجمالهم كان مبهر جدآ ... نزلوا من العربيه وراحوا عند كريم و...
يتبع الفصل الرابع عشر والأخير اضغط هنا
- الفهرس يحتوي على جميع فصول الرواية كاملة :"رواية قلوب مشتته" اضغط على اسم الرواية