رواية جوازة في شهر الفصل الرابع عشر 14 - بقلم رحمة نجح

رواية جوازة في شهر البارت الرابع عشر 14 بقلم رحمة نجح

رواية جوازة في شهر الفصل الرابع عشر 14

ما أن فتح ادم هذه الورقه حتا صدم فكان محتواها (ادم انا قررت ابعد وجودنا مع بعض مالوش لازمه وانا بشكرك علي الوقت اللي عيشته معاك انا مكنتش فاهمه سبب جوازنا بس دلوقتي فهمت بتمني تعيش حياتك وياريت تطلقني يا آدم مش كده هيبقى احسن لينا احنا الاتنين )

ادم بغضب. غبيه يا ليل مش فاهمه حاجه ..

القي ادم الورقه ثم أخذ يكسر في الأشياء التي أمامه ...

عامر. ادم في ايه ..

ادم. سبتني يا عامر ..

عامر. اوعي يكون قصدك ليل ..

ادم بحزن. غبيه مقتنعه اني سبب جوازي منها عشان ابوها ..

عامر. باستغراب. اومال ايه سبب جوازك منها ..

ادم.بتفكير. مش دلوقتي يا عامر انا لازم القيها ..

عامر. هتلقيها فين ..

ادم. هدومها هنا ممكن تكون راحت الڤيلا بتاعت باباها ..

عامر. احتمال بردو ..

ادم. طب انا هاروح ..

عامر. انا جاي معاك ..

ادم. اياك يا عامر استنا هنا ..

ليدلف ادم سريعاً غرفه الملابس يخرج منها بعد عشر دقائق ويتجه إلي الخارج كاد عامر أن يذهب خلفه لكن ما جعله يقف يامور ..

عامر. يامور ..

يامور بتوتر. ايه ده عامر أيه اللي جابك هنا ..

الام. منوره يا حبيبتي مجبتيش ماما معاكي ليه ..

عامر. انتي تعرفيها ..

الام. اه دي يامور بنت اختي ..

يامور. اه احم انتا مين بقا ..

الام. ده صاحب ادم يا يامور ما انتي عرفاه ..

يامور في سرها. الله يبارك فيكي يا مها ..

عامر. اه تمام طب انا ماشي يا ماما ..

ليخرج عامر وتذهب يامور خلفه سريعاً ..

يامور. عامر استنا بس ..

عامر. يا نعم ..

يامور بتوتر. احم ما هو هو ..

عامر. هتفضلي هو هو كتير ولا ايه انتي كنتي عارفه اني صاحب ادم بس مقولتيش ..

يامور. اه بصراحه كنت عارفه ..

عامر بضحك. وانا كنت عارف انك بنت خالته بردو ..

يامور. بصدمه. نعم ده اللي هو ازاي انتا عمرك ما شوفتني ..

عامر. او كنت عامل مش شايفك مثلاً ..

ليتركها عامر وهي مندهشه منه بشده فهي تعرف عامر منذ زمن ولكن هو من متي يعرفها ..

علي الجهه الأخري وصل ادم الي الڤيلا الخاصه بمحمد الانصاري ..

ادم. مدام ليل جوه ..

الحارس. لا يا فندم مجتش ..

ادم. ازاي يعني ..

الحارس. انا واقف من امبارح وهي مجتش يا فندم ..

ادم. تمام أنا هدخل اشوفها ..

ليدلف ادم الي الڤيلا ولكن بالفعل لم يجدها بحث عنها في كل مكان ولم يجدها ليرجع الي ڤيلته مره اخري وهو حزين بشده لأجلها فهي ابتعدت عنه في أكثر وقت هي محتاجه له ....  ادم لم يستحمل فراقها فهو أصبح يعشقها حقا ولكن هي بكل غباء اختارت الفراق دون أن تعرف السبب اه منك يا ليل ..

يمر شهر كاملاً كاد ادم أن يجن فيه بسبب فراقها فهي اختفت تماما لم يجدها في أي مكان سافر لها اسبانيا فهو توقع أن تكون ذهبت الي هناك فهي البلده الوحيده التي سافرت لها ليل سابقآ ولكن لم يجدها أصبح حزين بشده كان لا يأكل إلا بعض اللقمات الصغيره لكي يبقا حيا ف فراقها هذا كسره بشده فهو يعشقها منذ زمن اصبح مهملا في نفسه بشده كان لا يذهب الي العياده كان لا ينام في غرفتهم فكلما ذهب إلي الغرفه كان يري خيالها بها وكأنه سيطرت علي كل تفكيره ..

وعلي الجهه الأخري وتحديداً في باريس كانت تجلس ليل بحزن فمر شهرا كاملا علي فراق والدها لها وهذا الادم الذي تفتقده بشده فهي لم تكن تتوقع أن فراقها له سيتعبها هي هكذا ولكن اكتشفت مؤخراً أن القرار الذي أخذته هذا هو اغبي قرار أخذته علي الاطلاق  ..

چيده. ليه حابه تتعبي نفسك ..

ليل. انا مش تعبه نفسي ..

چيده. ليل انتي بتحبي ادم ليه تقرري البعاد كده حرام عليكي نفسك وحرام عليكي ادم ..

ليل. چيده ادم اكيد انا مش فارقه معاه ..

چيده. حرام عليكي يا ليل انا اللي اعرفه ان ادم حزين جدا عليكي ..

ليل بحزن. مبقتش فارقه وجودنا مع بعض بقا مستحيل اصلا ..

چيده. هو ايه اللي مستحيل عايزه افهم انا يوم ما وفقتك انك تجيلي هنا لما قولتيلي أن باباكي اتوفي وأنك عايزه تبعدي كنت متخيله أن ادم عارف لكن قولتيلي أنه ميعرفش لما جيتي وقولتيله أنك مش حباه وعايزه تنفصلي عنه لكن اللي شوفته بعيني حاجه تانيه خالص يا ليل انتي بتعشقي ادم مش بتحبيه بس يبقا ليه البعاد وانتي حباه حرام عليكي تكسري قلبك باديكي واللي سمعته منك أن ادم شخص كويس وكان بيعملك باحترام ..

ليل. هو فعلاً كويس ويمكن الفتره اللي عشتها معاه كانت احلي حاجه حصلت في حياتي بعد بابا بس مينفعش ..

لتنفجر في البكاء بعد هذا الكلمات لتضمها چيده وهي حزينه بشده علي هذا العاشقان الذي فرقهم القدر  ..

چيده. خلاص يا ليل اهدي اعملي اللي انتي عايزاه ..

ليل ببكاء. بحبه اوي يا چيده ..

چيده. خلاص يا روحي يبقا تسافري مصر وأن شاء الله هو هيتفهم الحاله اللي كنتي فيها بلاش تكسري قلبك باديكي يا ليل ..

ليل. مش هيسمحني ..

چيده. حاولي مره واتنين ما تيئسيش من حبك ليه ..

ليل. خايفه ارجعله ميتقبلنيش ساعتها بجد مش هستحمل ..

چيده. ادم باين عليه أنه بيحبك يا ليل اصل مفيش واحد هيتجوز واحده شفقه في سبب وانتي غلط انك بعدتي في وقت مينفعش فيه البعد ..

ليل ببكاء. فراق بابا كان صعب عليا اوي يا چيده بجد فراقه كسرني خدت القرار وانا معرفش ايه نتيجته لكن اكتشفت دلوقتي أن القرار كان غلط فعلاً ..

چيده. القرار مينفعش يتاخد ولا في وقت حزن ولا سعاده ولا غضب في كل الحالات دي هيطلع غلط ..

ليل. اكتشفت ده مؤخراً ..

چيده. بايدك تصلحيه ..

ليل. فعلاً انا هصلحه ..

في مصر وتحديداً ڤيلا ادم  ..

الام بحزن. مش ناوي تطلع من اللي انتا فيه ده يابني ..

ادم. انتي عايزه ايه يا ماما ..

الام. يابني شوف حياتك الحياه مبتوقفش علي حد ..

ادم.بهدوء. يوم ما هعرف مكانها صدقيني فعلاً هشوف حياتي ..

لم تفهم الام معني كلمته ..

الام. أن شاء الله تلقيها يابني بس دي اختفت وكان الأرض انشقت وبلعتها ..

ادم بجمود. هتظهر يا امي متقلقيش ..

ليقوم من جلسته ..

الام. انتا رايح فين يابني ..

ادم. هتمشي شويه بالعربيه ..

الام. اللي يريحك يابني ..

وعلي الجهه الأخري في باريس ..

ليل. چيده انا خلاص قررت اسافر ..

چيده بفرحه. طب حلو هتسافري أمته ..

ليل. بكره هكلم الطياران وهسافر بكره علي أول طياره راحه مصر يارب ادم يسامحني والله كان قرار غبي انا عارفه ..

چيده. أن شاء الله تبقوا مع بعض عشان انا زهقت منك ..

احتضنتها ليل بقوه وهي تقول ..

ليل. بشكرك علي وقوفك جمبي في عز محنتي بجد انا فرحانه انك صديقه ليا ..

چيده. بطلي هبل انتي اكتر من صديقه عندي ..

ليل. مكنتش اعرف اني بحبه كده قدر يسيطر علي قلبي في وقت صغير جدا او انا اللي كنت بتلكك عشان ياخده .. 

چيده. ياسيدي يا سيدي علي الحب ..

وعلي الجهه الأخري كان ادم يسير بسيارته وهو شارد في ليل فهو لم يكن يتوقع أن هذا تكون النهايه وأثناء ما كان شارد تأتي سياره حاول أدم أن يتفداها ولكن قد فات الاوان ...

• تابع الفصل التالي عبر الرابط: "رواية جوازة في شهر" اضغط على أسم الرواية