رواية رحماكي الفصل الرابع عشر 14 بقلم أسما السيد

  رواية رحماكي  الفصل الرابع عشربقلم أسما السيد

رواية رحماكي  الفصل الرابع عشر

صراخ وعويل داخل اروقه المشفى..

ودموع غزيره تدعي بدموع التماسيح أمام ابنائها الواقفان بجسد متوتر ، ويزيدهم بكائها المصطنع وهم يعلمون.. توترا واشمئزازا..

لقد أتت صباحا لابنتها، ولم تجدها بحثت بكل مكان ولم تجدها الي ان فقدت الامل، واضطرت بالاتصال علي اشقاءها....

ولاول مره يفقد ذلك العاصي أعصابه عليها..

أحمد بحده..اخرسي بقي شويه..

اكتمي بقك ده..خلينا نشوف ايه اللي حصل..

الام بصدمه..بتشخط فيا يأاحمد هيا حصلت..

احمد بصراخ.وتوتر بان واضحا من رعشه يديه...

قلت اخرسي..اخرسي بقي..

ازداد صراخها، واوشك أن يفقد أعصابه عليها...

لولا..تدخله هو..

عابد. بحده له وهو يمنعه عنها.، اهدي خلينا نعرف نتصرف وامسك نفسك شويه كفيانا فضايح لحد كدا..

مش عاوزين حد ياأخد باله..

كفايه اللي الناس بتقوله علينا..

كفايه حرام عليكو..انتو ايه شياطين..

هدأ من روعه، ورفع نظره لاخيه

بكسره وخزي من نفسه وحالهم.

وما فعله بشقيقه....ظاين تدان هذا كل ما يدور بذهنه.

انتبه لعابد.وهو يحدثه.تعالي نشوف كاميرات المستشفي..

أومأ له بصمت وتبعه..

التفت لها بحده صارخا بها..

أحمد..ارجع ملقكيش هنا..اما نعرف حاجه هبقي ابلغك..

الام.. بمسكنه، طب يابني اللي تشوفه

ابقوا طمنوني..

أنا همشي انا بقي..

هرولت، وهو ينظر لها بسخريه وهو يعلم ماتفكر به..

انتهت مسرحيتها ونصيب لاخري من الميراث

اصبح لها..

استدار راحلا خلف اخيه..وفي باله شئ واحد..

ان يعتذر من عابد..وان لم يغفر له، يكفي ان يعترف أمامه بأنه اخطأ بحقه وحقها..

بحقها..

بحق زوجته السابقه...تنهد وهو يامل بالوصول لها يوما والاعتذار لها..

يعلم انها لن تغفر..ولكن ليخلي ضميره

بعدما علم بأنه علي وشك النهايه.. ليرحل من الدنيا بلا ذنوب..

بعد ساعه

علي اريكه بجانب المشفي..جلسا هو واخيه..

أحمد.. بسخريه.. يعني مشيت بمزاجها..

هربت

ليها حق والله..

عابد..طبعا مبسوط ماهي سبتلكو ورثها يالا تتهنو بيه..

أحمد بخجل وحزن.. انت فاكر ان دا اللي هممني..

أنا اقصد ان احنا اللي جنينا عليها..

باهمالنا ودلعنا ليها...سبناها لامك تملي دماغها بقال وقلنا..

كان لازم نقرب منها ونوعيها..

عابد بسخريه..وهي امك كانت بتخلينا نقرب منها..

المشكله ان انا عارف ان امل ساذجه وينضحك عليها..

مش عارف ايه قلب حالها..دي كانت زي الورده مينسمعلهاش صوت ولاحس..

أنا مش زعلان منها..انا كنت هاخدها عندي..نبدأ صفحه جديده سوا..كنت مستنياها تفوق وتخرج وأسمعها..

ليه بس استعجلت..وهربت..

امل متستحقش كدا أبدا وياعالم فين دلوقت ومع مين..

احمد..بس غلطت وكان لازم تتعاقب..

عابد بسخريه..كلنا بنغلط..كلنا مذنبين...مش هي لوحدها..

منعينش نفسنا قاضي وجلاد..يمكن هي أحسن مننا..

امل جواها طيب وتستحق فرصه تانيه..

ربنا عالم بحالها وازاي وقعت تحت اللي وصلها لكدا..

كل اللي عملته أمك السبب فيه..ومراتك كمان..

الصحبه السيئه حسبي الله ونعم الوكيل..

نكس راسه بخزي وأخوه يجلده بكلماته ونظرات عيونه اللائمه..

لاحظ شروده وكسرته..

تنهد وسأله..

تفتكر مين اللي عمل كدا..أنا كنت مستني تفوق من اللي هيا فيه واسألها..؟

احمد..للاسف موصلتلوش..

بس انا هفضل وراه لحد ماعرف مين..انا كلمت مهندس كمبيوتر شغال في الداخليه وقدر يوصل لاصل الفيديوهات ومسحها..

تنهد عابد براحه..الحمدلله..طب وصاحبك دا معرفش مين اللي شيرها..

أحمد..لا مقدرش يوصل اللي بعت الفيديوهات ذكي ومأمن نفسه..

بس هو أكدلي ان الفيدهوات اتمحت..

أومأ عابد وتردد احمد بالكلام..ولكنه شجع نفسه..

عابد انا عاوز أقولك حاجه بس..

عابد بانتباه.. في ايه يأحمد، انت تعرف حاجه ومخبيها انت عارف هو مين، قولي مين؟

أحمد بتوتر..لا مش كدا..انا بس كنت عاوزك..عاوزك تسامحني ياعابد..انا افتريت عليك وعلي فريده..

أنا كنت زي المغيب معرفتش بعمل ايه..

عابد بسخريه..بقولك ايه ياأحمد بطل تمثيل بقي...

الله يرضي عليك ومتفتحش السيره دي تاني..

وبعدين ببساطه كدا، اسامحك..

طب اسامحك علي ايه ولا ايه..؟

طب فرضنا اني هسامحك انا..

فريده وولادك اللي رميتهم

ومش عارف مصيرهم ايه ذنبهم ايه..؟

قولي ازاي قدرت تثكقسي وترمي ولادك وكأنك لاقيهم في كيس شيبسي..

بص يااحمد، أللي كانت ممكن تربطني بيكم من تاني.. هيا أمل..

وأهي امل كمان راحت، زي كل حاجه في حياتنا كانت تربطنا راحت...

حتي ابوك مات غضبان عليا بسبب كدبك وافتراك عليا..

أنا خلاص بعت اللي حيلتي هنا، وهنتقل القاهره..

أنا مش هقدر اعيش هنا تاني..

اما بقي ورثي من ابويا حلال عليك..اشبع بيه..

بس ياكشي تلاقي فيه الراحه والسعاده..

استقام..راحلا..

اوقفه نداء احمد المختنق..

عابد

وحياه ابوك تسامحني..وخلي فريده تسامحني انا عارف انك عارف مكانها..وانكو علي تواصل ببعض.

خلي فريده تسامحني، وخلي بالك من ولادي..

أغمض عينيه وهو يشعر ببوادر فراق

بصوت اخيه قلبه الحنون..طغي علي تفكيره..

فاستدار مبتسما بحزن له..

مسامحك ياأحمد..عشان خاطر بابا مسامحك..

بس نصيحه..مني..استرجل شويه..

اعمل الصح..قبل مالاوان يفوت..

فوق لنفسك والحق اللي جاي من عمرك..

الرجوله افعال مش كلام..

فوق لنفسك..واذكر ربنا وصلي وادعيله بالهدايه

الدنيا منفاته..انهارده معاك..بكره عليك..

اقترب احمد منه يودعه..لربما تكون تلك المره الاخيره..

ربت علي كتفه بشوق..يذكره بطفوله غائبه واخوه اندثرت بينهم بجرابات النسيان..

طب ايه مفيش حتي حضن يااخي....

نسيت كنت بتعمل فيا ايه لما تكون مسافر، وازعل واعيط..

عابد بابتسامه..لسه فاكر..فكرتك نسيت..

زي مانسيت حاجات كتير..

أحمد بدموع..وهو يرتمي باحضان اخيه..

انا عمري مانسيت ياعابد..

انا كنت مغيب.. صدقني مااعرفش انا عملت كدا ازاي..

أنا غلطان وربنا عاقبني وانا راضي..

عابد بقلق... مالك ياأحمد عاقبك بايه.؟

أحمد.. وهو يمسح عينيه.. متشغلش بالك ياعابد وبعدين فراقنا عن بعض وعيلتنا اللي اتفرقت بالنسبالي اكبر عقاب

يااخي بعدي عن ولادي وحرماني منهم اكبر عقاب..

حتي امل رغم اللي عملته بعدها وهروبها سكاكين بتقطع في قلبي..

عابد.. عندك حق.. بس أنا واثق ان ربنا رحيم وهيبعتلها اللي يقف جنبها..

رفع يده بالدعاء..

يارب انت عالم بحالها ومعدنها، احفظها وين ماتكون احمد بابتسامه حزينه آمن خلفه..

يااارب..

هتوحشني ياشق..

ابقي افتكرني وادعيلي أنا كمـان..

عابد وهو يربت علي ظهره..انت اخويا الصغير يالا..

هتفضل صغير وهفضل انا الكبير، مهما عملت مكنتش بعرف اكرهك..ولا اقسي عليك..

احمد بحزن..ربنا يخليك ليا...

سكت قليلا..وناداه..

عابد..

التف عابد له..باستفهام..

دور علي أمل..قولها أحمد بيحبك مش زعلان منك..

أومأ عابد..له وأجابه..

هترجع..واثق انها هترجع..امل جديده..

أنا هفضل ادعيلها..بالهدايه..وان ربنا يخصصلها اللي ينشلها وداوي جروحها..

أبوك كان طيب وياما داوي جروح وساعد فقرا ومساكين..

بحق اللي عمله ربنا هيراضيه فيها..متقلقش..

اللي فات كان ذنبك..واللي جاي..ثواب الطيبين..

افترقـا علي وعد باللقاء قد يقصر، وقد يطول كثيرا

والي الابـــــــــد.

ـــــــــــــــــــــــــــــــ

استيقظ معا فزعين.. علي خبط الباب

وهدان..

افتحي ياساجده..لساتك نايمه.. ياجلب أبوكي

جومي جهزتلك الفطور،فطور ملوكي مين اللي خبراه ياجلب بوكي..

جومي جبل ما خايب الرجا بن خيتي يعاود..

عدنان..شايفه بوكي..ماشي ياخال..

خبطت علي صدرها بخوف..ياويلك ياعدنان..

بوي عم يدج..

ارتدي جلبابه بثقه..

وعينيه تلمع بالمكر..

لاتخافي ياجلب عدنان..احنا مابنعمل حاجه شينه انتي مرتي..

استمع لحديثه من الخارج وجن جنونه..

عدنان ايش جابك علي داري ياحزين..

افتحي ياساجده.. هجتلك يابن خيتي..

ساجده وهي تلطم خديها..رحت في خبر كان ياعدنان..

بوي عم يعمر طبنجته..

اقترب منها وحبسها بين ذراعيه..

فوتك منيه...خليه يدج..

خليني اشبع منك ياساجده..

صرخات وهدان العاليه، جعلته يتأفف صارخا بــــه..

وااه ياخاال راجل ومرته ليه عم تجعر اجده..

وهدان.. وهو يدفع الباب بكتفه..

بجعر يابجم..اني بجعر ياويلك مني..

افتحي ياساجده....اجده يابتي..

هونت عليكي ياساجده..

لمعت عين ساجده، وهي تنظر للشباك الذي دخل منه عدنان امس..

هم ياعدنان خلينا، نمشي من اهنه..

عدنان بفرحه..

جولتي نمشي يعني هتيجي معاي ياجلبي..

ساجده..بسرعه..لو مجيتش معاك، هيخلص علينا بوي وانا خابراه..

يالا..ياعدنان..هم بسرعه..

قفز بسرعه ومد يده واخرجها مسرعا..

ياجلب عدنان..يافرحه جلبك ياعدنان..

كسر الباب ولمحه يسحب ابنته..

حجتلك ياعدنان..تعي اهنه ياساجده..

ساجده..علي عيني يابوي..اليوم لعدنان وبكره ليك يابوي.

عدنان وهو يمتطي فرسه ويسحبها امامه..

هادم اللذات انت ياخال..

بنتك مرتي...واذا بتهوب ناحيه داري بشكيك للراوي..

قفز وهدان وجري وراءه.

بتهددني يابن خيتي..وبتاخد بتي مني..

ياويلك مني..

شق الفرس طريقه مبتعدا.. ووقف هو يتوعده بنفسه..

ماشي ياعدنان الكلب..

استدار لمحها تضحك من وراءه بسعاده..

عزيزه امرأه بالاربعين من عمرها ارمله..لم تنجب الاطفال..جارتهم..

واه عليك ياوهدان لساتك هتغار من عدنان...ياحزين.

عدنان جوز بتك..وبن خيتك..

وهدان بحزن..اعمل ايش ياعزيزه..مالي غيرها..

خايف تنساني..وغصب عني بغار..من يوم ما ماتت امها وهي كل دنياي..

عزيزه..لازمك ونس ياوهدان..فوت بنتك تفرح ياحزنان ياجل ماتجيك بالحفيد ياخرفان..

لمعت عنه بسعاده..

علي جولك،لازمني ونيس ياعزيزه،ليش مابتكوني سلواي..

عزيزه بخجل..اتحشم ياوهدان..ال سلواي ال..

وهدان..هطلبك من الراوي..وحيده كيف حالي..

عزيزه..وهي ترحل..خرفان..

وهدان..لع...عشقان..

حك راسه بعدما رمقته بقرف..

والله شكلها عشجاني..

وليش لا..بتونسني..وراضيه بحالي..

تذكر ابنته..وهمس بغل..

ياويلك مني ياعدنان..

هاكل انا لحالي..

بعدك ياساجده..لا ونيس ولا أكل يحلالي..

استدارت ناظره لعينيه التي يشع منها الانتصار..

عدنان..

اجابها بلوعه..ياجليب، عدنان انتي..

ساجده بدلع...خلينا نجضوا اليوم عند النبع..

عدنان وهو يستدير باتجاه النبع..باخر المزرعه...

جلب عدنان تأمر وانا أنفذ..

ابتسمت بسعاده وحرر يده واحاط به خصرها بسعاده..

هامسا لها..اشتجت لك ياجلب عدنان..

اليوم لا عزول ولا عزال...

ــــــــــــــــــــــــــــــــ

صوت العراك الاتي من الاسفل والطلقات الناريه

المتتاليه كتلك في الاعراس....

جعلتها تنتفض وهي بالمرحاض بخضه،

خوفا، لربما اصاب احد ابنائها شيئا منهم وهم يطلقونها بعشوائيه....

بأرض البدو كانت مطمئنه عليهم وسط الوشوش الطيبه.

أما هنا..منذ أتت وهي مرتعبه مما قد يحدث لهم..

ربنا يستر..

ارتدت ملابسها مسرعه، وخرجت لتري مايحدث..

تفاجأت به يرتدي ثيابه، هو الاخر علي عجل

جلبابه الصعيدي الذي يرتديه،جعله أكثر وسامه

ابتسم بحب له..وشعور بالفخر تملكها هذا الوسيم

زوجهـا.

لقد تركته نائما بعمق، يبدو انه فزع هو الاخر من الصراخ..

ارتفع العراك والتمتمات، فيما بينهم، فتحت الباب مسرعه وشعرها الحر، منسدلا علي جلبابهاالمطرز كملكات الاغريق يتطاير خلفها..

شعرها الذي ازاد طوله طولا، من اعتناء الخاله سليمه به..

احتد عينيه وغيرته، وهو يلمحها لا تعيره انتباها ابدا..

وماذا كان يتوقع منها..تلك العنيده الابيه

أكان يتوقع ان يصحي علي قبلاتها وهمساتها..

اقترب منها مسرعا يلحق بها، قبل ان تهبط الدرج..

امسكها من ذراعها بحده

فاستدارت له بغيظ..

ايه في ايه انت ماسكني كدا ليه..؟

جز علي اسنانه وهمس لها..

ادخلي جوا نتكلم.

فريده بحده..لاقول هنا

كيان بغيظ.. لينا اوضه نتكلم فيها مش ضروري الكل يسمع اللي بنقوله يادكتوره..ولا أقول يامدام كيان...

فريده.. بغيظ.. نعم هو ايه دا..انت عاوز ايه؟

اغلق الباب وادخلها مشيرا لها.

إيه دا...؟

فريده وهي تنظر لما يشير اليه..ايه في ايه؟

تنهد واستغفر بسره..

هتنزلي بشعرك كدا..؟

انتبهت له ووضعت يدها تتأكد منه..

ماله شعري ماهو حلو اهو.. أنا بقالي ساعه اسرح فيه.

نظر لها بغيظ..وتحدث من بين اسنانه..

مهو المصيبه انه حلو، وبقي احلي من الاول كمان...

تركته يتحدث بهمس، وانطلقت ناحيه الباب..

بقولك عن اذنك..

انا نازله اطمن عالولاد..

سحبها بحده صارخا بها..

فريده..متجننبيش..مفيش خروج بشعرك كدا..

البسي طرحه..

فريده بغيط..انا مش محجبه اصلا، عشان البس طرحه..واوعي لو سمحت..

كيان بحده..لا ماهو من هنا، ورايح مفيش خروج من غيرطرحه...ودا امر مش مجال للنقاش..

فريده...نعم انت اتجننت..؟

اقترب منها يتلمس شعرها بهدوء..

هي لا تأتي بالعند والانفعال وهو يعلم..

لن يأتي معها نتيجه..ستزداد عنادا..

أخذ نفسا.. وبهدوء حدثها..

فريده..البسي طرحه علي شعرك مينفعش تخرجي هنا كدا..عيب وحرام..

هنا غير أي مكان يافريده..عشان خاطري اسمعي الكلام..

وبعدين نسيتي وعدك ليا..لما نتجوز ياكيان هلبس حجاب..

استدارت بحزن..كان وعد وراح زي ما غيره راح..

كيان بتنهيده.مفيش حاجه راحت يافريده انا زي مانا..

وانت قدامي زي ماانتي..

والسنين اللي فاتت لسه حسابها متفتحتش..

أنتي دلوقتي مراتي..ومن واجبك تطعيني..

عشان خاطري داري شعرك...

نبره صوته الحانيه..أخرستها هي تعلم ان حديثه صحيح..بارض البدو كانت ترتديه

ليس كاملا ولكن كان ساترا..

هنا العادات مختلفه..

وغير العادات هي تود ان ترتديه..

كان عليها ارتداءه منذ زمن..

تنهدت واستدارت تبحث بحقيبه ملابسها

التي جلبتها معها علي حجابا، يليق بجلبابها..

وجدت واحدا، ولفته بعشوائيه وهو واقفا ينظر لها بحب..وفي نفسه..

متغيرتيش يافريده..لسه بتيجي بالحنيه والهدوء..

لو عملتي ايه..هتفضلي فريده..اللي حبيتها..

نظرت له بنفاذ صبر فانتبه لها..خلاص ارتحت..

اخذ نفسا..وحدثها بهدوء..لمي شعرك كله يافريده...كدا مينفعش..

جزت علي اسنانها..بغيظ..وعدلت حجابها..

خلاص كدا..

اقترب منها ممسكا بيدها...مبتسما بسعاده.

خلاص ياقلبي يالا بينا..

نطرت يده بحده..انا أعرف انزل لوحدي..

اوعي كده..

ضحك بتعب..طب لاحظي اني تعبان مش حملك ياست فريده..

أغمضت عينها بلوم..ونظرت له بقلق..والعراك يرن بأذنها..

أسفه..

طب تعالي، اقيسلك الضغط الاول..

هز راسه بالنفي..لا خلينا ننزل نشوف في ايه

وبعدين نفطر وابقي اجي اخد العلاج..

اطاعته وتقدمته وهو خلفها..ينظر لها غير مصدقا للعبه الايام التي تلعبها معهم..

بالامس كان يساق للزواج، وكانه داخلا للقبر..

لو يعلم ان زوجته ستكون هي، من بين جموع النساء لرقص للصباح فرحا بين أصدقاءه

ولم يجلس يينهم كخائب الرجا، كما اخبروه..

ضحك بصوته كله....نظرت خلفها تساله بدهشه..

بتضحك علي ايه...؟

أمسك يدها بين يديه بقوه وجذبها لجانبه..

مبتسما..تعالي جنبي وانا اقولك..نظرت له بقله حيله وسارت بجانبه مرغمه..

بعدما لمحت بعينيها جمعتهم وسلوي تنظر لها بغل..

صوت صراخ سمر العالي وبكائها..اوقفهم..

حرام عليك ياجدي..

انا مش عاوزه اتجوزه.. ليه بتعمل كده..

اقترب سليم مسرعا من والدته حينما لمحها تنزل الدرج..تاركا حضن الجد

ماما..يا ماما..

أفتلتت يدها من يده، وحملت طفلها بسعاده..

قلب ماما..وحشتيني اوووووووي

كده تقعد دا كله متسألش علي ماما..

سليم..بابتسامه..وبلهجه صعيديه، لع اني كنت مع وجدي، وذئاب الجبل..

فريده باستغراب..ذئاب الجبل ايه دا...؟

وبعدين انت قلبت كدا ليه..

سليم وهو يصارع يدها التي تحاوط خصره..

جدي راشد قالي سيبك من لهجه المصاروه المدلعه ولهجه البدو، واتكلم صعيدي كيف جدك راشد..

فريده بدهشه..نعم...وانت وافقت

سليم..بعدي يدك يااماي عني..

فريده بصدمه..ياماااي..هي حصلت..

كيان بضحكه مجلجله..عليها..

فوتي يدك عنه يامره..نظرت له بحده..

تجاهلها وسحب سليم من بين يديها..

طب خلاص اوعي كده متزعليش...

أما اتعرف علي سليم بيه..

ممكن..؟

تركته من يديها ببسمه علي حديثه اخفتها ببراعه..

انتبهوا لصراخ عمته سحر الحاد عليهم..

وجت مرجعه ده انت وياها...متشوف جدك عاوز يعمل ببتي ايه...؟

نظر لها كيان بحده..خافت منها..وامسك بيد فريده وبالاخري حاملا طفلها..

تعالي يافريده..

اجلسها وجلس بجانبها ولم يعيرهم انتباه

تحمل طفلتها سيلياويحمل هو سليم..

سلوي بغل..شايفه ياستي..من أولها كدا..

سعديه..اتجلي..مهتخدش وجت كتير..

نوخلص من موضوع خيتك ده، وافضالها بت المحروجه.دي..

سلوي وانتي هتسيبيها تتجوز راضي ده..

سعديه..من مصلحتنا نوخلص من سمر..

ونبجي احنا نفضالهم..

سلوي بغل وهي ترمق فريده بكره..عندك حق ياستي..

راشد بهدوء.. موجها كلامه لابنته الباكيه بدموع مزيفه..

يابتي اللي انت بتعمليه ده..ماممنوش فايده..

البت في عرفنا لابن عمها....

راضي شاب زين..وكل البنته تتمناه..

اني عطيت جدها كلمه مجدرش ارجع فيها..الفرح الخميس الجاي..

وحاجه بتك هتاجي كلها بيومين..

سلمي بسعاده وهي تجلس بجانبه..

في داهيه..المركب اللي تودي...

فهد بضحك..همس لها..

سمعتك علي فكره..

نظرت له بغيظ..وانت رامي ودنك ليه..؟

فهد بغيظ..لمي نفسك ياسلمي احسن انتي عارفاني شهم ودم حامي..

اقوم مطوع وانقذ سمر من راضي واتجوزها..أنا.

سلمي بغيظ..اتجوزها ياخفيف..انتو لايقين علي بعض..

فهد بتراجع..لا مانا مليش مزاج بقي الناس تاكل وشي..

يالا مره تانيه..

سلمي..بضحك عليه.، لا ياراجل..؟

فهد بحده..سلمي..

سكتت ونظرت لاختها وغمزت لها..

انتبهت لها فريده ابتسمت بخبث..

الجد بحده، وزهق من توسلاتهم..وبكاء سمر..

ضرب بنبوته الارض وعلي صوته..

خلاص خلصنا أني اديت الراجل كلمه..انتهينا..

من اليوم لليوم الخميس

تكون كل حاجه نجصاكي كملت..

سحر بغيظ لسويلم..

عجبك اكده..

سويلم بخبث..غبيه ياخيتي..

هو يعني راضي شويه ولا ايه..؟

راضي ده كبير عيلته، بعد بووه وجده عنده شي وشويات..

وراجل كلمته كيف السيف..

سحر وهي تديرها برأسها..انا ازاي مفكرتش في كدا جبل سابج.

سويلم..عشان انتي غبيه ياخيتي..

سمر بتك عندها شويه هبل اجده..

مش في دماغها كيف سلوي..هوائيه..وميغركيش انها بتجول رايده فهد والكلام ده..

بصي اكده بجي دي واحده في دماغها فهد ولا جنس راجل

بنتك كيف مابيجولو متحرره وعاوزه راجل يشكمها..

فوتيها راضي تجش ونجش وراها..

مهياش هتعرف تفيدنا اهنه..

خليها ترضي براضي..

سحر..عندك حج ياخوي..سمر بتي خيبانه وبتخاف من اجل شي..مش كيف سلوي..

رفعت راسها بمكر..

خلص يابوي اللي اتشوفه، مهنكسرش كلمتك..

واهو راضي ابن عمها وهيصونها برديك..

سمر بقهر وصراخ..

يعني ايه..

هتسيبني اتجوز راضي الفلاح ده دا.

الجد بتفهم..يعني هو ده اعتراضك عليه ياسمر..

عشان فلاح..

سمر..بلجلجه..ياجدي..انا بخاف منه مبحبوش وبعدين هو اكبر مني بكتير..

وغير انه كان متجوز قبل كدا ومطلق...

الجد...وماله يابتي..بيضل راجل مابيعيبه شي..

نظرت له بقهر، وقد علمت انه اتخذ قراره وانتهي الامر..

نظرت لسلمي الشامته بها وتنظر لها بشماته..

واسودت الدنيا بعينها..ستريهم جميعا..

ماشي ياجدي خلاص..اللي شايفينه اعملوه..

صعدت مسرعه لغرفتها...واغلقت علي نفسها..

تفكر..

سمر..ماشي ياجدي ان موريتكم مبقاش انا..

لملمت بعضا من ثيابها ووضعت كل ماتملك..بها لتهرب من هنا..

غير واعيه لما سيصيبها من جنانها..

ــــــــــــــــــــــ

ليلا..ها ياخاله ماجده فاقت..

الخاله ماجده بحزن..ابدا يابني..الحمه مبهدلاها..

واتصلت بدكتوره معرفه جت كشفت عليها..

وقالت دي من الحما..وجرح ايديها..ووو.

وتلجلجت..

و..ايه ياخاله..انتي مخبيه عني حاجه..

الخاله ماجده بحزن..نستني يابني

منحكمش عليها الا لما تفوق وتحكيلنا..

شكلها وقعه في مصيبه..

الدكتوره قالت ان غيبوبتها دي نفسي وكمان الحمه مقصره عليها..

قاسم بتفهم ودعاء لها، ربنا يشفيها..

ماجده بحب....بيقولوا القرآن دوا للعليل..ماتخش تقرالها آيات الشفاء يمكن ربنا يشفيها علي ايدك.بصوتك اللي زي الكروان ده..

بيريح القلب..

اومأ براسه..ماشي ياخاله...

بس هقرالها من هنا..

مش هدخل تاني عليها..

الخاله.بفهم عليه وفخر به...واني هعملك لقمه تاكلها علي ماتخلص..ياروح خالتك..

ربنا يزيدك من نعيمه ياقاسم يابني..

اوما لها..وجلس يقرأ لها بنيه الشفاء..

مرت نصف ساعه،وفتحت عينيها وبأذنها يرن صوته بخشوع

بدعاء لها..انشرح لها قلبها،ونزلت دموعها..بتأنيب وخزي مما فعلته بنفسها،حالتها النفسيه..جعلتها بحاله استكانه..لم تعي اين هي،ولا ماذا حدث،

فقط تشعر بسكينه،هدوء،راحه بقلبها،وكانها عادت تلك الطفله الصغيره تجري وتلعب خلف اشقائها

لا ضغينه ولا حقد ولا كره من احد

ابتسمت برضا وغامت عيناها مره أخري براحه اكبر علي صوت ترتيله للقرآن..

ــــــــــــــــــــــــــــــــ

مش عارف ياعابد في ايه..

عصام بلمحه كتير تحت البيت..هنا..

بيحوم حواليه...الواد دا انا مش مرتاحله..

عابد بقلق..بقولك ياامجد اول ماتلمحه رن عليا..

بس من غير ماتعرفه ولا تخليه ياخد باله منك..

أمجد..تمام ياصاحبي..

عابد.انا طالع دلوقت..ومتنساش اللي قولتلك عليه..

امجد..حاضر ياصاحبي مع انك هتقطع فيا..

هشوفلك حد للمحل..ان شاءالله

عابد..ان شاءالله بس بسرعه الله يرضي عليك..

صعد لشقته..يبحث عنها هنا وهنا..

ياسمينه..انتي فين..

استغرب عليها، كانت تجري لاحضانه حينما يفتح الباب..تتعلق به كطفله تنتظر حلواها..

وضع يده علي جيب بنطاله يتأكد بأنه جلبها لها،والا سيضطر ان يهبط مره اخري من اجلها..

ابتسم مرددا..طفله والله..

دب القلق قلبه..

وهو يبحث عنها هنا وهنا..

تجلس بالمرحاض تبكي بسعاده..

الي ان استمعت لدقاته عليها..

ياسمين..انتي جوا..ياسمينه اخرجي..

عدلت ثيابها، وفتحت له بسعاده ممزوجه بدموعها البريئه..

عابد..انت جيت..

تلقفها بيديه..بخضه من منظرها الباكي..

مالك ياياسمينه..بتعيطي ليه..

شددت علي ذراعيها التي تحاوط رقبته..

وبكت أكتر..

أصلي فرحانه..

استنكر عليها..فرحانه وبتعيطي..ازاي؟

فهمينيفي ايه، مالك ياياسمين..؟

همست له بأذنه بسبب فرحتها خجلا..

عابد ببلاهه..ودي حاجه بسطاكي يعني، اني هنحرم منك خمسه ايام بحالهم..

ياسمين وهي تلعب بأزرار قميصه بخجل..

وهي تبرر له..

أصل كنت خايفه اوي ياعابد..

عابد بهدوء..خايفه من ايه ياعيون عابد..

تعالي كده نقعد، وفهميني بالراحه..

جلس واجلسها علي قدمه..بهدوء..

في ايه بقي، احكيلي بالراحه..

فركت يدها بتوتر..وجمعت كلماتها اخيرا..

عابد كنت خايفه أكون يعني..

اكون حامل من....لم تستطع أن تكمل ودموعها سبقتها..

تنهد وقد فهم عليها،مد يده مسح دموعها بحنان..

ياقلب عابد..اليوم اياه اللي ربنا مايعوده ابدا

في المستشفي خليت الدكتور، يعملك تنظيف رحم عشان حاجه زي كده...

كنت خايف عليكي وخصوصا اني عارف ان ابوكي كالعاده، هيتخاذل، وهيسكت عن حق بنته..

ياسمين..طب ليه مقولتليش، انا كنت خايفه اوي ياعابد..

سحبها اكثر لاحضانه..مقبلا راسا..

حقك عليا ياياسمينه، محبتش افكرك باللي فات وانا شايفك نفسيتك احسن..

معرفش انك بتفكري في كدا..

تمتمت، بالحمدلله..بسرها.

انا كده ارتحت..ربنا يخليك ليا ياعابد..

عابد انا كنت عاوزه اقولك علي حاجه..

ناولها الشيكولاته الخاصه بها وأخذتها بسعاده..

وهمس لها..وهو يطعمها بيده

قولي ياياسمينه..

ابتسمت وهما يتشاركان قطعه الشيكولاته..

وقالت له..

انا عاوزه نمشي من هنا..انا حاسه اني مخنوقه مش مرتاحه..

كل حاجه هنا بتفكرني باللي حصل، ارجوك..ياعابد..

ابتسم بوجع..لها..ومسح فهمها بيده..

وعدلها ونام هو علي قدمها..

انا فكرت فعلا في كدا..

عرضت المحل للبيع..وليا شقه في القاهره، هننقل ليها ان شاءالله علي اول الاسبوع هيكون الترم التاني بتاعك بدأ..ان شاءالله

ياسمين بفرحه..بجد ياعابد..

قبل يدها التي تمسد لحيته..متمتما..

بجد ياروح عابد..صفحه وقفلناها..ومن انهارده..

لاهسمحلك ولا هسمح لنفسي بفتحها تاني..

فاهمه..

ياسمين وهي تميل تقبل لحيته بسعاده..

فاهمه ياأحلي حاجه في حياه ياسمين...

عابد..

هو انا قلتلك ان أنا بحبك..

عابد..بغيظ..لا يختي مقولتيش..

ياسمين..بقهقه..طب أنا بحبك..واوووي..

عابد..وهو يخطف رحيقا من عسلها....

وأنا اثير عيون ياسمينه..

ــــــــــــــــــــــــــ

خلاص يادكتور انا موافق ابدا بالعلاج..

الطبيب بمهنيه..يااحمد يابني انت في مرحله متقدمه..بس طبعا ان شاءالله

في امل..اهم حاجه النفسيه والثقه في الله..

أحمد بكسره..ان شاءالله يادكتور

بس ممكن ناجل لاول الشهر، علي ماأجهز اوراق السفر واعلان الوراثه بتاع والدي..

الطبيب..مع ان كل يوم بيعدي، بيبقي من عمرك بس خلاص زي ماتحب وان شاءالله هناك في امريكا نسب الشفاء هناك اكتر..

احمد..العمر واحد يادكتور، وانا مبقاش عندي حاجه اخسرها خلاص..

الطبيب..مانا قولتلك يابني الحل في ايدك، وانت مش عاوز تعمله..

هي عينه نخاع من ابنك، وان شاءالله تخف، وتبقي زي الفل..

أحمد بكسره..وهو فين ابني دا، بعد ماعملت كل دا فيه، تفتكر بسهوله كدا ارجع اقولها واعترف بابني..

عشان مصلحتي..

وتفتكر هي هتوافق اصلا..

يادكتور سلمها لله..اللي بيحصل جزاء اعمالي والحمدلله انا راضي..

الطبيب بفهم وحزن عليه....ربنا ييسرلك الامر يااحمد يابني..

انا هكلم صاحب المستشفي، وان شاءالله يقدملك اللي فيه الخير..

ــــــــــــــــــــــ

استغلت انشغال الجميع ليلا بركوب الاحصنه..وجمعتهم العائليه المزيفه..

ودفعت بحقيبتها من شباك غرفتها.. المطل علي الطريق الخلفي..

ابتسمت بانتصار وهي ترمي بالحبل الذي عقدته ببعضا من ثيابها..

لن ينتصرو عليها ابدا..

هي لا يهمها شيئا..لا هم، ولا فهد نفسه..

تريد الحريه..لقد سأمت مخططاتهم..وشيطنه سعديه..ان كانت تطيعهم فهو اتقاء لشر والدتها وجدتها غير ذلك..لاتهتم لامرهم..

ابتسمت بعدما وصلت بسلام للارض..

وبانتصار..

انا هوريكو...ابقوا اتجوزوه انتو بقي..؟

ال راضي ال..دانا اشوف العما ولا اشفوشي..

يالهوووي..دا عامل زي التنين المجنح..

حطت قدمها اخيرا، لخارج الدوار من الخلف..

هرولت باتجاه الطريق العمومي..

يقف متكأ علي شجره، بجانب الطريق ينظرلها ولهروبها..

كان متوقعا ذلك منها..

يعلم عندها وقدرتها علي الهرب..وكان يتوقع ذلك..

ابتسم بخبث وهو يخرج من خلف الاشجار

ينظر لها ولهروبها، كالفأر المذعور ابنه عمه

تحتاج لتهذيب

سيريها اذن...ضحك بقهقه عليها..

اختفت واقترب من سيارته المركونه، بجانب الطريق ولم تلمحها الغبيه..

ماشي ياسمر اني وياكي والزمن طويل..

ان موريتك مابجاش اني راضي..

تجري علي الطريق السريع..

ولم تلمح اي سياره لتركب بها..

تعبت من الجري، فمالت علي ركبتيها، تتنفس سريعا لترتاح قليلا..

أغمضت عيناها، وهي تستمع لسياره تقترب منها اخيرا..

اقترب منها بسيارته..، نظرت لتلك السياره ليست بغريبه عليها، ولكنها لم تتذكرها..

اقتربت لتدق عليها طلبا للمساعده..

انتظر قليلا..

وخفض الزجاج، وعلي صوته وعلي ملامحه بسمه

ساخره،منتصره...

توصيله يابت عمي..

شهقت وعادت للخلف..بفزع..

مردده باسمه، بخوف

وذهوول، راضـــــــي..

ـــــــــــــــــــــــــــــــ

ياهاربه..

اهربي..لتبقي انتي البادئه..

أعشق غرورك وتعبيراتك الثائره..

ابتعدي..اهربي ومن مصيرك، اين هاربه..؟

عليك احكمت حصاري..وبكل شئ كوني البادئه..

لا بهمني كرهك واعتراضك..

أقسم، سأعيدك نادمه تائبه

يتبع الفصل الخامس عشر اضغط هنا

• الفهرس يحتوي على جميع فصول الرواية كاملة :"رواية رحماكي" اضغط على اسم الرواية