رواية تزوجت معاقا ذهنيا البارت الرابع عشر 14 بقلم شهد محمد موسى
رواية تزوجت معاقا ذهنيا الفصل الرابع عشر 14
_في فلة السيوفي_
8 p.m
ريناد كانت في اوضتها بتستحمي
فخرجت من الحمام وكانت بتنشف شعرها...........
تك..تك..تك
ريناد :ادخل........
ريناد بإبتسامة:تعالي يا إلياس اي الي طلعك.......
إلياس بإبتسامة:أحمد نام فخدته حطيته في الاوضة وقولت اجي اشوفك.........
ريناد بإبتسامة:اممم "وكملت تنشيف شعرهاا"
إلياس قفل باب الاوضة بالمفتاح........
ريناد بإبتسامة مستغربة:قفلت الباب بالمفتاح ليه......
إلياس قرب منها وشد الفوطة من إيديها ورماها في الارض.........
ريناد بإستغراب:إلياس في اي.......
إلياس بدأ يمشي ايده علي شعرها.....
إلياس بإبتسامة عاشقة:شعرك جميل اوي.....
ريناد بإبتسامة متردده:شكرا.......
راح حط ايده تحت دقنها وقرب وشه من وشها وبصلها بحب وهو بيحول بصره بين عنيها وشفايفها وقالها بإبتسامة: ريناد انا بحبك......
ريناد بصدمة:بتح....ايه
إلياس وهو بيقرب من شفايفها:بحبك
واذ فجأة وقبل ما يقرب إلياس من شفايفها ريناد زقته بكل قوتها......
ريناد :لاء مانا مش هيتهيألي تاني بقي......
إلياس وهو يكتم ضحكته:هو اي الي بيتهيألك.....
ريناد بشك:انت كنت قريب مني دلوقت وكنت بتقولي بحبك وانا زقيتك صح........
إلياس بتأكيد وهو مبتسم :صح
ريناد بصدمة:يعني انا مكانش بيتهيألي قبل كده كمان انت ....انت..
إلياس ضحك فبانت غمازاته واتكلم:ايوه انا بعقلي وانتي متهيألكيش اي حاجة............
ريناد كانت بتبصله بصدمة وفاتحة عنيها علي مصرعيهاا...........
إلياس قرب منها ومسك ايديها فحس انها بتترعش........
إلياس بإبتسامة هادئه:اهدي يا ريناد انا نفسه إلياس متغيرتش..........
ريناد ساكته و بصاله برهبه.......
"ريناد كانت خايفة عشان هي دلوقت مبتتعملش مع إلياس الطفل دا إلياس الشاب........"
إلياس شدها من إيديها واتحرك بيها ناحيه السرير قعدها وقعد جمبهااا.......
إلياس بإبتسامة:ممكن تبطلي تترعشي كده عشان نعرف نتكلم......
ريناد بخفوت وهي تتجنب النظر لعنيه:مش بإيدي......
إلياس بإبتسامة:انا عارف انك مصدومة ومقدر ده بس لازم تهدي عشان نعرف نتكلم وبعدين هي السجادة احلي مني عشان متبصليش.........
ريناد بخفوت:انا كده مرتاحه.......
إلياس بإبتسامة:بس انا كده مش مرتاح........
وراح حط ايده تحت دقنها ولف وشها ليه............
إلياس بإبتسامة:مش كده احسن بذمتك.......
ريناد بصت لعنيه و بلعت ريقها بصعوبة واتوترت اكتر ماهي متوترة...........
ريناد بتوتر:انت خفيت امتي اقصد يعني رجعت لطبيعتك امتي
إلياس وهو بيمثل التفكير:اممم يمكن من ست شهور كده.......
ريناد بصدمة:افندم.....يعني انت..
إلياس بضحك:ايوه انا محصليش حاجة اصلا انا بعقلي الحمدلله من ساعة ما اتولدت.........
ريناد كانت كلمة مصدومة دي قليله عليها اوي............
ريناد بصدمة:يعني انت كنت بتضحك علي الكل
إلياس بإبتسامة:تقدري تقولي حاجة زي كده..........
ريناد بصدمة:طب..طب ليه
إلياس بتنهيده:ممكن تخلي اجابة السؤال بعدين.........
ريناد بإستغراب وهي مازالت مصدومة:ليه.......
إلياس بهدوء:كده هيجي الوقت الي هتعرفي اجابته بس مش دلوقت....
ريناد بسخرية:وعلي كده باباك عارف وكان بيستغفلني.......
إلياس بإبتسامة هادية: تؤ ميعرفش و محدش يعرف غيرك........
ريناد بهدوء واستغراب:واشمعني انا يعني.......
إلياس قرب شوية منها وقالها :عشان انا مش قادر .......
"ياعم ربنا يهديك انا الي مش قادرة🙂 "
ريناد بتوتر وهي بتبعد عنه:مش قادر اي........
إلياس قرب منها أكتر:مش قادر أفضل بعيد عنك اكتر من كده .....
ريناد بتوتر وخوف:إلياس إبعد لو سمحت........." وكانت هتقوم من ماكانها لولا ايد إلياس الي شدتها وخلتها تقع علي السرير وهو راح لف نفسه بحيث انه بقي فوقيها.......
إلياس وهو ينظر لعنيها بحب: تؤ من النهاردة انا مش هبعد عنك خالص انا بقالي سنة بعيد عنك خالص بس اعمل اي في الحج الي قربك مني ده ومع ذلك حاولت ابعد وأمسك نفسي بس خلاص بقي صبري نفذ ومش قادر اتحكم في نفسي خلاص................
ريناد كانت بتسمعه وهي مش فاهمه هو بيقول اي وسنه اي دي بس كان خجلها غالب عليها و قلبها كان بيدق جامد من قربهم ده ........
وإلياس خلص كلامه وراح قرب من شفايفها ورزعها بوسة جمبها وبعدين انقض علي شفايفها بحب ورقة بالغة.............
"انا:لاحظ اني موجودة طيب وكده خطر علي صحتي النفسية🙂"
ومن ثم انتقل لطبع قبلاته علي عنق ريناد و تجرأ ومد ايده يفتح زراير البجامة بتاعتها.....بس الحلو مبيكملش للآخر ريناد مسكت ايده بسرعة فهو رفع وشه وبصلها.......
ريناد بصوت رايح وخجل : مينفعش...........
"انا:تحياا ريناد حامية مرارة القراء😂😂🙂 ومرراتي معاهم"
إلياس وهو بيدفن وشه في رقبتها ويطبع قبلات مجددا عليه :هو ايه الي مينفعش بس انا جوزك علي فكرة......
ريناد بخجل اكبر:عارفة بس انا مخدتش عليك وانت بعقلك وكمان عشان..عشان يعني....."جت هنا بقي وقطعت"
إلياس رفع وشه ليها وابتسم وقال: عشان اي........
ريناد هربت بعنيها من عنيه وقالتها بخجل:مينفعش وخلاص إبعد بقي....
إلياس قرب من ودنها وقالها حاجة
ريناد راحت زقته جامد من عليها وقالتله بخجل شديد:علي فكرة انت قليل الادب......
"انا:قولتلها يا نمس😉😂"
إلياس ضحك بصوته كله وهو مرمي علي السرير وبعدين راح عدل نفسه واتكلم وهو بيضحك: لاء دا العادي بتاعي انتي لسة مشوفتيش حاجة............
"انا: اومال لو شافت كنت عملت اي اللهم لا اعتراض علي حكمك🙂"
ريناد قامت من جمبه علي السرير وهي خجلانه جداً وراحت جريت دخلت الحمام.............
إلياس قام وفضل يخبط عليها ....
إلياس بضحك:أخرجي يا رينو خلاص مش هتكلم تاني......
ريناد من جوه:بس يا سافل........
إلياس ضحكه زاد واتكلم:اخرجي عايزة اتكلم معاكي في حاجة مهمه والله .........
ريناد:حاجة مهمه بجد ولا قليلة الادب ..
إلياس بضحك:طب والله مهمه.......
ريناد فتحت باب الحمام وخرجت منه وهي منزله وشها في الارض وشعرها حوالين وشهاا......
ريناد بخجل: خرجت اهو هتقول اي....
إلياس بطل ضحك وبص علي هيئتها الطفولية الجذابة بالنسباله وابتسم بحب وراح محاوط كتفها بإيده.......
إلياس بإبتسامة:تعالي نقعد ولا هنتكلم قدام باب الحمام.......
وراحت مشيت معاه وقعدوا علي السرير.......فهو راح بدأ يبعد شعرها عن وشها وبيتكلم...
إلياس بإبتسامة:بصي بقي موضوع اني مفيش حاجة ده وبعقلي مش عاوز حد يعرف عنه حاجة خالص ولا حتي بابا وهتتصرفي عادي طدا معايا زي ما كنتي بتتصرفي عشان محدش يشك في حاجة ومتسألينيش ليه عشان السؤال ده هتعرفي إجابته بعدين..........
ريناد بصتله واتكلمت بهدوء:بس باباك هيفرح اوي لما يعرف......
إلياس بإبتسامة:انا عارف انه هيفرح وأكيد انا كمان هبقي فرحان لما ارجع اتصرف بطبيعتي قدام الكل بس انا مجبور في الوقت الحالي علي ده
ريناد بهدوء:لنفس السبب الي هعرفه بعدين بردوا......
إلياس ضحك وقالها:ايوة شطورة......
ريناد بإبتسامة هادية: اممم ماشي.....
إلياس بإبتسامة خبيثة:بس ده قدام الناس بس لكن واحنا لوحدينا انا إلياس جوزك حبيبك واعملي حسابك هتنامي معايا من هنا ورايح...........
ريناد خجلت منه وراحت مزوغة بعنيها بعيد عنه........
إلياس ضحك وباسها في خدها وقال:يا سلام علي الحلو لما يخجل "وراح غمزلها"
ريناد قامت وقفت وقالتله بخجل:اسكت بقي وهات المفتاح عشان اروح ادي لباباك الدوا...
إلياس وقف وقالها بإبتسامة: ياله وانا جاي معاكي........وياريت تبطلي خجلك ده عشان متكشفتيش انا قولتلك عشان واثق فيكي انك مش هتتكلمي..........
"انا:علي فكرة انا الي هفتن عليك لو مبطلتش محن الولاد ده🙂"
ريناد بهدوء وابتسامة:هحاول بس انت لم نفسك.......
إلياس بضحك: حاضر هلم نفسي ياله .....
ريناد بإبتسامة رقيقة:ياله.........
_____________💙___________
*وعدي شهر علي إعتراف إلياس لريناد ومحصلش اي جديد خلال الشهر ده ريناد سامعة كلام إلياس وبتعامله قدام الكل كطفل وهو بيتصرف كده لكن لما بيتجمعوا لوحديهم أجارك الله بقي من فقعة المرارة🙂 .........
*وباقي الابطال محصلش اي جديد
___________💙 ___________
_في شركة MCK_
سجي بضحك:مالك .....
بسمة بغيظ:بوصيي سيبيني في حالي دلوقت........
سجي بضحك:يبقي اكيد خناقة جديدة مع دكتور قاسم.......
بسمة بسخرية:قصدك دكتور مكتئب دكتور عدو الفرحة حاجا في الرنج ده.....
سجي بضحك:يبقي هو حصل اي......
بسمة بغيظ:شتمته........
سجي بضحك:ههههه يخربيتك .....
بسمة ببراءه: يخرب بيتي ليه كده انا معملتوش حاجة غير اني قولتله ينعل ابو شكلك يا مكتئب .......
سجي بضحك:هههههه يخربيتك هموت وهو سكتلك......
بسمة بغيظ:لاء شتمني وقالي يا معتوهه يابنت المعتوهه ......
سجي بضحك:هههه والله هموت منكم انتوا بقيتوا اكتر من توم وجيري بس ايه سبب الشتايم دي......
بسمة بدهشه :تصدقي نسيت....!!!
سجي بضحك:والله العظيم مجنونة......بس قوليلي صح هتروحي النهاردة فرح البت أميمة.......
بسمة بمرح:اكيد طبعا رايحة انتي عارفاني بعشق الهيصة بتاعة الافراح.......
سجي بإبتسامة:ايوه طبعا انتي هتقوليلي خلاص انا هقول للبت لين تجهز عشان تروح معانا ......
بسمة بمرح:قشطااا هنولعها.....
____________💙____________
_في المستشفي_
عز قاعد سرحان وبيفكر في سجي الي بقاله شهر مشافهاش دي........
لين دخلت عليه........
لين بخبث:الجميل سرحان في مين.....
عز بإبتسامة:مش في حد تعالي.....
لين وهي بتقعد: إلعب غيرها يا حلو انا عارفة انك قاعد تفكر في الحته بتاعتك...........
عز : الحته بتاعتك....!! دي اخلاق دكتورة
لين بمرح:متزوغش من الحوار ياسطا مين الوزة.........
عز بإبتسامة:واحده كده.....
لين بضحك:مانا عارفة انها واحده اومال هتحب في واحد يعني😂
عز بسماجه:هاها يا خفة اهلك....
لين بضحك:خلاص بقي قولي .....
عز بتنهيده:مش وفته دلوقت اما نبقي في البيت نبقي نرغي....
لين بإبتسامة:وعد رجال....
عز بإبتسامة:وعد رجال.....بس انتي كنتي جايه ليه.....
لين بإبتسامة:كنت جايه اقولك اني رايحة مع بسمة وصاحبتنا فرح واحده زميلتهم في الشغل......
عز بإبتسامة:طب ما تروحي هو انا ماسكك......
لين بإبتسامة:لاء مهو في الحقيقة عايزينك تتودينا الفرح بعربيتك عشان منتمرمطش في المواصلات.......
عز بتفكير:اممم هو الساعة كام.....
لين بإبتسامة:7 بالليل....
عز بإبتسامة: خلاص هوديكم واطلع انا علي الفرح.....
لين بإبتسامة:انا كمان رايح فرح...
عز بإبتسامة:اممم واحد صاحبنا هيتجوز النهاردة......
لين بإبتسامة:ربنا يتممله علي خير خلاص ههبأ انا بقي........تكير
عز بإبتسامة:تكير ياختي....
___________💙________
_في فلة السيوفي_
كانت ريناد في اوضة أمجد وقاعدة جمبه علي السرير.........
ريناد بإبتسامة:ها اي اخبار صحتك النهاردة........
أمجد بإبتسامة: الحمدلله بخير......
ريناد بإبتسامة: يارب دايما "وكملت بتردد" هو انت مكلمتش قاسم انا كنت عايزة اسألك بقالي فترة بس كنت بأجل الموضوع .....
أمجد اتنهد بحزن وقال:كلمته في اليوم الي مشيت فيه من البيت.....
ريناد بهدوء:وحصل اي......
أمجد بإبتسامة حزينة:هيحصل اي يعني ولا هيحصل حاجة هو هيفضل فاهم غلط ومش مدي لحد فرصة يوضحله........
ريناد ابتسمت بهدوء وقالتله:متخافش هيجيله يوم ويفهم......وعلي فكرة هو بيحبك ومن جواه لسه كويس لانه هو الي وداك المستشفي علي فكرة......
أمجد ابتسم بحزن:يمكن وداني المستشفي بس عشان شافني مرمي قدامه مش اكتر بعني كانت شفقة واكبر دليل انه مكلفش بخاطره يجي يسأل عليا ومع ذلك انا بعمل بنصيحتك وكل يوم برن عليه بس مبيردش عليا.................
ريناد سكتت ومعرفتش ترد عليه تقولها اي ............ بس قطع الحزن ده دخول إلياس.......
إلياس بإبتسامة طفولية :باابي
وراح جري علي السرير ورمي نفسه في النص بين ريناد وأمجد وحضن امجد..........
أمجد بإبتسامة:حبيب بابا .....
إلياس بطفولة :عامل اي النهاردة.....
أمجد بإبتسامة:انا كويس طول مانا شايفك بخير........
ريناد بتمتمه غير مسموعه: اامفروض تاخد اوسكار علي التمثيل ده.......
إلياس بنظرات خبيثة لريناد:بتقولي حاجة يا رينو......
ريناد بإبتسامة:لا خااالص يا حبيبي....
إلياس بإبتسامة خبيثة:طيب.......
فضلوا قاعدين علي كده لغاية ما ريناد قامت بسرعة تجري علي الحمام.......
أمجد بخضة:ريناد في اي.........
إلياس اول ما جريت راح جري وراها وكانت بترجع في الحمام.......
إلياس قرب منها ومسكها بقلق....
إلياس بقلق: انتي كويسة .....
ريناد ابتسمت عشان تطمنه وقالت:انا كويسة متقلقش عليا......
إلياس بقلق:ازاي مقلقش عليكي وانتي بترجعي كده.......
ريناد بإبتسامة:تلاقيني خدت برد في معدتي مش اكتر عشان نايمة من غير......."سكتت وبصتله بخجل"
إلياس ضحك غصب عنه..........
ريناد بتحذير وهي خجلانه:اخرس...
إلياس حضنها وقالها وهو بيضحك:حاضر هخرس........
ريناد:ياله نخرج لباباك يطب علينا.....
إلياس بضحك:حصل ياله......
وخرجوا....
أمجد بقلق:انتي كويسة.....
ريناد بإبتسامة مطمئنه:انا كويسة الحمدلله متقلقش عليا انا بس تلاقيني خدت برد في معدتي.........
أمجد بقلق:خلاص روحي إرتاحي في الاوضة وانت يا إلياس خلي حد من الي تحت يعملها حاجة سخنه.......
إلياس بإبتسامة طفولية:حاضر يا بابا.....
.......وراحوا خرجواا..........
_____________💙____________
_الساعة 6 بالليل_
لين بملل وهي بتخبط علي باب اوضة عز:ياله يا عز اخلص ساعة بتلبس ولا كأنك العريس.......
عز فتح الباب وخرج.......
لين صفرت .......
لين بإبتسامة: يخربيت جمال امك دا يا بحته الي انت من بخته.....
عز بفخر: الجامد مبيتكلمش عن جمدانه ........
لين بغمزة:حقك يا برنس ياله عشان احنا اتأخرنا علي العيال.......
عز بإبتسامة:ياله
وراحوا نزلوا ركبوا العربية ووصلوا عند بيت بسمة وكانت بسمة وسجي واقفين قدام العمارة..........
لين شاورتلهم من العربية ونادت عليهم..........
بسمة وهي بتركب العربية:كل ده يا عديم الاحساس ......
لين بضحك:كان بيتشيك يابه......
بسمة بمرح:مهو واضح.......
سجي ركبت......
سجي بإبتسامة: السلام عليكم
عز سمع الصوت قلبه دق فلف لقاها سجي.......
عز بفرحة مقدرش يخبيها:سجي.....
سجي بإبتسامة مذهوله:عز......
لين بمرح:انتوا تعرفوا بعض ......
سجي بإبتسامة:اه شوفته مرتين بس اي علاقتك بيه....
لين بضحك:ايه علاقتي بيه ده اخويا ياختي ......
بسمة بمرح:ارغوا في الطريق يا جدعان ياله يا سطا عايزة ألحق الفرح من الاول........
عز بمرح:قشطا.......
.............وراح دور العربية ومشي وفضلوا يرغوا وشغلوا اغاني وهاصوا...............
____________💙___________
_في الفرح_
وصلوا الفرح وعز اكتشف انه نفس الفرح الي هو رايحة هما كمان فيه وهو كان في قمة سعادته لانه هيشوف سجي لاطول وقت ممكن.......
كل يوم بيفوت ويمشي ساب اكيد جواك علامات.......ذكريات مع ناس نضيفة او مع اهلك ووسك ناسك والي حابك رغم حملك...........
لين بهيبرة: شال معاك الحمل ياكا ...والي مهما بيبتسملك في صفار في الابتسامة..........ياله نقوم نرقص مع الناس الي هناك دي .....
سجي بضحك:انتي امريكا مغيرتش فيكي اي حاجة.....
لين وهي بتهز كتافها مع الاغنية:لاء طبعا ولا تقدر تغير اصلا يااااله بقي نقوم نرقص.......
سجي بضحك:احنا مش اتفقنا انه احنا هنسقف بس........
لين بهيبرة:بس بلا نسقف بس ياله يابت يا بسمة"وراحت شدت بسمه"
بسمة بمرح:ياله يا سجي هنخربها......
سجي بضحك:ياله وامري لله.......
وراحوا طلعوا علي المسرح مع البنات الي كانت بترقص وبدأوا يرقصوا وجذبوا انظار كل الي في الفرح نتيجة رقصهم وفي نفس الوقت جمالهم........
عز شاف سجي بترقص والناس بصالها اتجنن وكان واقف بيغلي...
خالد بخنقه:عز روح لم اختك وخليها تنزل الناس بتبص عليها........
عز وهو بيجز علي سنانه: مينفعش اروح هناك في وسط الستات دي كلها ......
خالد بخنقه: طب اعمل اي حاجة طيب ........
اثناء كلامهم النور قطع في القاعة كلها.........
ووو..
- تابع الفصل التالي عبر الرابط: "رواية تزوجت معاقا ذهنيا" اضغط على أسم الرواية