رواية القاسي والبريئه الفصل الرابع عشر 14 بقلم الاء ابو العز
رواية القاسي والبريئه الفصل الرابع عشر
فتحت اروي الباب شافت رندا قدامها
دخلت رندا وكانت لسه هتتكلم قاطعها ياسين
ياسين:اهلا اهلا يا حبيبتي
رندا:لا انا زعلانه منك
دخل بعد رندا شخصين كانت اروي مش تعرفهم
ياسين:اهلا يا زين باشا اهلا يا صبري
زين:اهلا يا ياسين
ياسين:اتفضلوا اروي خدي الشنط طلعيها
اروي:حاضر يا فندم
زين بصدمه:دي فرح
ياسين بسخريه:هو الميت بيصحي يا عمي دي اروي الشغاله الجديده
رندا بنفاز صبر:مش ندخل ولا ايه
ياسين:طبعا اتفضلي القصر بتاعك
اتحرك زين ورندا وياسين لكن فضل صبري واقف وباصص ل اروي
حس ياسين بان صبري بيفكر في حاجه
ياسين بحده بسيطه:اظن الباب مش عاجبك اوي كدا ياصبري
صبري:هاا لا انا وراك اهو
اتحرك صبري جنب ياسين
ياسين:منور يا صبري
ابتسم صبري فهو بيخاف وبيهاب ياسين مين يعرف ياسين عز الدين و مش يهابوا
دخل الكل الصالون
قدمة اروي ليهم العصير وخرجة تشوف شغلها
زين:بص يا ياسين طبعا انا مش هحاسبك علي اسلوبك معايا اخر مره في شركتك
ياسين:انت عارف ان مش بقبل بطريقتك
زين:انت مستضفنا في قصرك عشان نصفي كل الخلافات البينا و البينك و بين رندا وصبري كمان
ياسين:انا عايز افهم ليه قناص ولي قتلتوا زينب
رندا:مش زينب المقصوده
ياسين:اومال مين انا
رندا:لا طبعا يا روحي بعد الشر عنك البنت الاسمها اروي دي
ياسين بسخريه:اروي ليه
رندا:اول مره اجي بليل و حد من الخدم يكون موجود وانت مش قولت ليا ان هي خدامه وكنت كانك بتخفيها عني او مش عايزني اشوفها ولا اعرف حاجه عنده كنت كانك بتحبها
ياسين:انت اتجننتي يا رندا احب خدامه انت عبيطه اوي دا غير يعني ان انت مفكرتيش ان حتي لو كنت بحبها هل كنت هسامحك لو كان جرا ليها حاجه او عرفة انك عايزه تقتليها
رندا:انا مش فكرة بقا انا كان كل همي انك ترجع ليا و...
قطع كلام رندا دخول اروي
اروي:العشا جاهز يا فندم
كان ياسين باصص علي اروي اللي من وشها عرف ان هي سمعت اغلب الكلام
ياسين بحزن نجح ان هو يخفيه :طب يلا يا جماعه اتفضلوا
دخل الكل السفره ولاحظ ياسين ان صبري بيبص علي اروي وهي واقفه
كان ياسين في نار في قلبه بس بيحاول يتحكم فيها
زين:اكلك جميل لما ياسين يسافر تعالي اشتغلي عندي في قصري
كانت اروي هترد لكن صدمها رد ياسين
ياسين:اكيد طبعا لو محتاجه خدها
كانت اروي علي وشك الانفجار في العياط لكن مسكت نفسها
اروي:طبعا يا فندم
كان ياسين عارف ان هي خلاص هتعيط وشايف رندا بتبص ليها بشماته
قام ياسين من علي الاكل
زين:ايه دا خلصت اكل بسرعه كدا
ياسين بابتسامه مصتنعه:لا انا بس افتكرة ان في مكالمه نسيت اعملها هعملها وارجع اروي جهزي القهوه لحد ما نخلص اكل علي معلوماتي ان زين بيه بيشرب القهوه بعد الاكل مباشرة
زين باستغراب وابتسامه :اها طبعا
خرج ياسين واتجه لمكتبه وخرجة اروي للمطبخ
ياسين:مبدهاش بقا مش قادر اشوفها كدا
خرج ياسين من المكتب للمطبخ
دخل شاف اروي دموعها نازله وهي بتعمل القهوه
ياسين:اروي
اروي من غير ما تلف ليه:ثواني يا فندم والقهوه هتكون جاهزه
ياسين:اروي بصي ليا
لفت اروي ليه وشاف وشها اللي مليان دموع
ياسين:انا اسف
اروي:علي ايه علي ان انا بتهان من وقت ما اجم ولا ان كنت هتقتل ولا ان انت خلتني خدامه لواحد تاني وانا مش استاهل دا منك
ياسين:اوعدك هفهمك كل حاجه في الوقت المناسب
قالها ياسين وخرج من المطبخ
اروي:انا خلاص بقيت مش فاهمه اي حاجه
دخل ياسين وقطع عليهم كلامهم وهما اتظاهروا ان مفيش حاجه وان هما كانوا ساكتين
ياسين:اتمني يتكونوا مبسوطين بوجودكم معايا هنا
رندا بدلع:ومين يكون جنبك ومش يتبسط
دخلت اروي :القهوه جاهزه و في التراس يا فندم
وقف الكل واتجه للتراس
...............................
كانت منه قاعده بتذاكر لما رن تلفونها وكان رقم غريب
ردة منه:الو
شخص:منه انا جمال عمك تعبان اوي و بيموت و عايز يشوفك انت و اروي
منه:ايه انت بتقول ايه
جمال:ارجوكي يا منه دا طلبه
منه:طيب يا جمال هكلم اروي ونيجي ليه البيت
جمال هو مش في البيت كلميني بس لما تيجي جايه وانا هوديكم وياريت محدش يعرف مش عايز مشاكل تاني
منه:حاضر
قفلت منه مع جمال وهي محتاره تقول ل رمزي ولا لا
...............................
قفل جمال مع منه وابتسم بخبث
جمال:كدا كل حاجه تمام يا باشا فين حلاوتي
حمزه بغضب:انت غبي انت جبتلي مصيبه تانيه معاها
جمال:لا متقلقش المصيبه التانيه دي تخصني
حمزه:تمام كدا تجبهالي اول ما تكلمك واتاكد تكون نايمه
جمال:حاضر يا باشا بس انا ممكن اعرف ليه منه
حمزه:وانت مال امك انت تنفز وانت ساكت
طلع حمزه فلوس ورماها في وش جمال خد الفلوس دي لحد ما تجبها ليا
اخد جمال الفلوس بسرعه وخرج من الفيلا اللي هما فيها
حمزه في نفسه:والله لاندمك واندمه علي الضرب اللي هو ضربهولي دا
................................
كانت اروي في المطبخ وهي بتتكلم مع منه في التلفون
منه:هنعمل ايه
اروي:انا مش هروح انا مش مرتاحه للمشوار كله
منه:يا اروي افرضي تعبان بجد
اروي:والله انت ناسيه اللي هما عملوه فينا ناسيه العملوه في بابا و ماما
منه:لا مش ناسيه بس مش تنسي انت ان بابا عودنا نصل الرحم بردو
اروي:منه انت مش هتروحي ولا انا هروح
منه:لا هروح يا اروي دا بيموت وطلب اخير
اروي:طب قولي لرمزي
منه:لا عشان ميحصلش مشاكل انا هقول ليه بعد ما ارجع سلام
قفلة منه مع اروي
اروي :يارب استر انا قلبي مش مرتاح
كان ياسين واقف في المطبخ وهي بتتكلم
ياسين:في ايه
اروي وهي بترجع لورا من خضتها:ياسين بيه
ياسين:في ايه قلبك مش مرتاح ليه
اروي:مفيش قلقانه علي منه بس
ياسين:ليه احكيلي
اروي:ياسين بيه حد فيهم يجي ويشوفنا
ياسين:خدي عايزك تحطي في كل كوباية شاي 3 نقط من دي وانا اعمليلي قهوه و خلي بالك اوعي تحطي في القهوه
اروي وهي بتاخد منه ازازه صغيره:ايه دا
ياسين:منوم حطيه بس وملكيش دعوه بالباقي
خرج ياسين وفضلت اروي بصه للازازه وعملت الشاي وحطت فيه النقط وخرجة تقدمه
قدمة اروي الشاي ورجعت مكانها
كان ياسين بيتفرج عليهم و هما بيشربوا
زين:انا مش قادر هطلع انام بقا
رندا:وانا كمان
ياسين:لسه بدري يا جماعه
رندا:مش عارفه في ايه بس حاسه ان محتاجه انام اوي
كل دا وصبري متابعهم وساكت طلع زين ورندا وقف صبري
صبري:وانا كمان هطلع
ياسين:لسه بدري
طلع صبري من غير ما يرد علي ياسين
فضل ياسين مكانه لحد ما دخل ليه جلال
ياسين:جلال اتاكد ان هما نايمين وبعد كدا نفز
جلال:امرك
كانت اروي واقفه عند السلم ومستغربه البيحصل
شافها ياسين وهي واقفه بتتفرج عليه و هو بيكلم جلال
ياسين:اروي
اروي:ايوا يا فندم
ياسين:لا هما نامو خلاص قوليلي في ايه
اروي:شكل حضرتك مشغول مش مهم
ياسين بنفاز صبر:اروي احكي في ايه
اروي ببرائه:ماشي بس انت كمان تعرفني ايه البيحصل
ياسين:كدا كدا انت هتعرفي كل حاجه بس في وقتها المناسب
اروي:لا انا عايزه اعرف الوقتي
شاف ياسين ان اروي عنيده ودا شيء لسه بيكتشفه فيها جديد
ياسين:صدقيني مش هعرف اقولك وقولي بقا
اروي باستسلام بدات تحكي ل ياسين مكالمة منه
ياسين:وهي كلمت رمزي ولا لا
اروي:مش عارفه
مسك ياسين تلفونه
ياسين:بجد مش وقت جمال خالص اروي اوعي تروحي ليه لو عايزه تروحي لعمك انا الهوديكي
اروي:انا مش كنت هروح اصلا انا حتي لما فكرة ان اروح كنت هبلغك
ياسين:شطوره يا حلوتي انت
كان ياسين بيتكلم مع اروي وهو بيرن علي رمزي و مش بيرد
ياسين:هو فين البني ادم دا مش بيرد ليه
اروي:مش هتقولي بقا ايه البيحصل هنا
ياسين:هانت وتعرفي
اروي:طب رندا بتعمل ايه هنا وانت بتقولها حبيبتي وروحي هو انت رجعت ليها
ياسين بحده:اروي انت وعدتيني ان لما اجي احكيلك هتسمعيني ولحد الوقت دا متساليش
اروي بحزن:مش محتاج تتعصب ولا تقول اصلا كدا او كدا انا كنت عارفه ان دا مجرد حلم وهيروح بس مش كنت اتخيل ان هو يروح بسرعه كدا
نزل جلال اول ما اروي خلصت كلامها
جلال:كل حاجه تمام يا فندم
اروي:بعد ازنكم
ياسين:جلال اقلب الدنيا علي رمزي و منه الاتنين مش بيردو عليا
جلال وهو بيعطي ل ياسين ورق :دقايق واعرف لحضرتك مكانهم
......................
دخلة اروي اوضتها و هي بتعيط
اروي:لي بيعمل كدا انا والله مش استاهل كل الهم دا طب انا ليه حبيته عمل ايه عشان احبه كدا
وقفت اروي تبص لنفسها في المرايه وتتكلم بصوت عالي وهي بتضرب باديها علي قلبها
اروي:رد عليا ليه دقية ليه من اول ما شوفته ليه كنت بتستني ينادي علينا عشان يهين فينا
اهاني واهان كرامتي واهانك وانت موجود وهو الصبح يقولي بحبك وبعدها بكام ساعه يقول لي التانيه حبيبتي ويهين فيا قدامهم
انت مفكر ان هو ممكن يكون بيحبك هو بيستمتع بس وهو بيكسرك وانت زي الاهبل بتحبه
بيعمل فيا كدا ليه عملت ايه لكل دا انا تعبت
قعدة اروي علي الارض وهي بتعيط
انا والله حبيته اوي والله عمري ما اتمنيت حد زيه كدا لي هو يعمل فيا كدا ليه بس
بدات اروي تعيط كتير وصوت عياطها عالي
وكانت كانها في عالم تاني و بيمر قدامها مشاهد كتير فيها ياسين و هو بيهين فيها واهلها الماتو ومشهد موتهم وبدات تنهار وتعيط اكتر
دخل ياسين عليها وهي بتعيط
ياسين بفزع:اروي مالك في ايه بتعيطي كدا ليه
اروي:لالا قول ليهم يبعدو قول ليهم يمشوا لا لا
ياسين:هما مين
اروي:هيموتوهم لالا ابعدوا سبوهم
ياسين:طيب اهدي هيمشوا اهدي
اخد ياسين اروي في حضنه وبدء يقراء بعض ايات القران لحد ما هدة اروي
بدات اروي تستوعب هي فين و في حضن مين وكان ياسين لسه بيقراء قران
بعدة اروي بهدوء
اروي:هو ايه الحصل
ياسين:تقريبا انهيار عصبي
اروي:شكرا انك كنت جنبي
ياسين:ايه الوصلك للحاله دي
اروي في نفسها بسخريه:انت بجد مش عارف
لكن قالت:افتكرة بابا و ماما بس
ياسين بعدم اقتناع:دا بس ولا في حاجه تانيه
اروي:هو حضرتك اجيت محتاج حاجه
ياسين:لا انا اجيت لما سمعت صوتك
اروي:انا اسفه يا فندم
قالتها اروي وهي بتقوم من الارض من جنبه
وقف ياسين هو كمان وكان لسه هيتكلم لكن سمع صوت جلال برا بينادي عليه
ياسين:لسه في حاجات كتير هنتكلم فيها
قالها ياسين وخرج و ساب اروي
اروي:انا كنت ناقصه الحصل دا بس بس صوته حلو اوي وهو بيقراء
..........................
خرج ياسين وشاف جلال واقف وباين عليه ان في اخبار مش كويسه
ياسين:في ايه يا جلال
جلال:ياسين بيه في خبر مش كويس
ياسين:انطق يا جلال
جلال:منه هانم اتخطفت ورمزي بيه قالب الدنيا عليها
يتبع لفصل التالي :اضغط هنا
الفهرس يحتوي على جميع فصول الرواية كاملة: "القاسي والبريئه" اضغط على أسم الرواية