رواية نصيبي في الحب الفصل الرابع عشر بقلم توتة
رواية نصيبي في الحب الفصل الرابع عشر
نزلت ودخلت ويوسف كان في المكان اللي انا فيه يوسف في العربيه وسمع صوت ضرب نار
_ نووووووووووور
يوسف دخل المكان بخوف شديد بعد ما سمع ضرب النار
معتز: كنت متأكد انك جايبه معاكي حد
يوسف: نور انتي كويسه !
نور: ايوه انا كويسه بس هو ضرب نار عشان يتأكد إذا كان في حد معايا ولا لأ
معتز: بس خطه محكمه ذكيه برضو انك كنتي بتتفقي مع حد عشان يساعدك بس اللي غلطتي فيه انك افتكرتي للحظه أن انا غبي
يوسف: وانت مفكر بقا أن انا هخاف منك اعرف انت واقف مع مين الاول ي ابن سامح الفقي
معتز: ليه كنت مين يعني
يوسف: يوسف الزهار صاحب شركات الكينج للاستيراد والتصدير
كل اللي كانه مع معتز اتصدموا ونزلوا سلاحهم اللي كانوا رفعينه
معتز بصدمه : مين ؟
يوسف: طبعا لازم تتصدم
معتز وهو يبلع ريقه : انت يوسف باشا الزهار !
يوسف بفخر وشماته : ايوه انا وانت فكرت تتعدي على حاجه تخصني
معتز بخوف: والله العظيم م اعرف أن هيا تبعك ي يوسف باشا
يوسف : عارف وعشان كده عقابي ليك انت وابوك كان بسيط اوي
معتز : لا ونبي ي يوسف باشا ابويا لو عرف اي حاجه وأن انا السبب في حاجه حصلتله مش هعيش دقيقه واحده
يوسف: ومن امتي الكينج بيرجع في كلمه قالها أو حاجه عملها
معتز: طيب اطلب مني اي حاجه وهعملها بس بلاش عقابك
يوسف: هطلب منك وهنفذ عقابي برضو
معتز: ط...........
قاطعه يوسف : مش عايز مناقشه تانيه اتفضل اعتذر لها علي اي حاجه انت عملتهالها
معتز : بس .....
يوسف: شكلك مش عايز تنفذ كلامي خلاص ابقي بلغ سامح الفقي اني لغيت صفقته مع الشركه الألمانية
معتز بسرررعه: لا خلاص والله انا اسف ي انسه نور مش هتتكرر تاني
يوسف: قبلتي اعتذاره ي نور
نور: ايوه خلاص كل اللي انا عايزاه أن هو يبعد عني بس مش اكتر
يوسف: حظك حلو أن هيا قبلت اعتذارك واظن سمعت هيا قالت ايه
معتز: طيب هو سيادتك عملت معايا ايه
يوسف بشر : لا دي بقا اسأل ابوك عليها
معتز: هو ابويا عرف
يوسف: والله بقا انا عملت كده و قولتله
يلا ي نور
نور: يلا
نور ويوسف خرجوا من المكان ده
نور: انا مكنتش اعرف ان ليك تأثير كبير كده
يوسف: عشان انتي متعرفنيش لسه
نور: على كده بقا انت من أهم رجال الأعمال المهمين في العالم واللي متكبرين وبيهددوا كتير و
يوسف: ايه ده كله مش بالظبط كده بس انا بعامل اللي في البيت بوش تاني غير اللي في شغلي
نور: صح يبقي انت منهم ده انا اول مره اشوفه كده ده خاف اول م سمع اسمك
يوسف: عشان هو وأبوه بيخافوا من الكينج
نور: الكينج ده اللي هو انت
يوسف: ايوه
نور: بس انا كنت مرعوبه وانا داخله
يوسف: وانا قولتلك متخافيش
نور: انا مش مصدقه أن انا خلصت منه ده كان كابوس مزعج
يوسف: الحمد لله
نور: شكرا بجد
يوسف: قولتلك قبل كده متشكرنيس انا معملتش حاجه
نور: بس انا اصلا كنت خايفه
يوسف: وهتعملي ايه مع داليا
نور بحزن : اظن هو هيعرفها أن انا قولتلك وساعتها هيا هتشك أن انا عرفت أن هيا بتوصله كل اخباري
يوسف: اللي انتي متعرفيهوش أن هو مش بيقول كل حاجه لداليا هو بيقولها اللي عاوز يقوله بس
نور: يعني ايه
يوسف: يعني هو مخليها فاكره أن هو بيحبها وبيموت في دباديبها بس هو عكس كده خالص
نور: وانت عرفت منين
يوسف بصلها
نور: اه صح نسيت أن انت الكينج
يوسف: بس مقولتيش بعد م خلصتي منه دلوقتي هتعملي ايه مع داليا
نور: اقل حاجه اعملهالها اني اقطع علاقتي بيها نهائي
يوسف: بس كده
نور: مش عارفه والله بس انا لحد دلوقتى مش متصوره أن هيا تعمل معايا كده
يوسف: معلش بس خدي على كده مش من السهل انك تلاقي حد يخلص بجد
نور: يعني انت كده بتعشمني أن الحياه حلوه ولا بتقفلني منها
يوسف: انا بقولك كده عشان تاخدي بالك بس
نور: بس معتز مش هيسكت على كده
يوسف: عارف وعامل احتياطاتي
نور: عرفت منين يعني انت اصلا ممكن تكون اول مره تشوفه فعرفته منين
يوسف: انا بعرف الناس من عينيها واعرف إذا كان الشخص اللي واقف قصادي ده صادق أو كادب
نور: مهو واضح فعلا انت حتي قبل م تشوف داليا قدرت تكشفها
يوسف: بصي بعيدا عن انك تكوني بتعرفي الشخص من عينيه الا انك بالتفكير والعقل والترتيب تعرفي ده حصل ازاي ومين اللي عمل ده وكده يعني
نور: لا دي بقا رجال الأعمال اللي زيك هما اللي يعرفوا يعملوها
يوسف: مش صعبه كده وبعدين م انت عمك من رجال الأعمال
نور: م هو متكبر برضو
يوسف: مش عشان واحد متكبر يبقى الباقي متكبريين
نور: لا هيا نظريه أن كل رجال الأعمال متكبرين
يوسف: ماشي ي نور
وصلنا انا ويوسف الڤيلا ونزلت عشان أواجه داليا نزلت من العربيه تحت نداء يوسف اللي انا تجاهلتها من مجرد اني اعرف سبب خيانتها ليا
طلعت خبطت على باب اوضه داليا
نور: ليه ؟
داليا: ليه ايه؟
نور: ليه عملتي كده؟
داليا: عملت ايه انا مش فاهمه انتي بتتكلمي على ايه
نور: لا انتي فاهمه كويس انا اقصد ايه بس عشان اريحك ايه كل أسراري واخباري وحياتي كلها عند معتز؟
داليا: معتز!؟
نور: متعمليش نفسك متفاجأه
داليا: هو انتي عرفتي ايه
نور: عرفت كل حاجه وسؤالي اللي عايزه اعرفه ليه بعد كل اللي عملته معاكي خونتيني ده انا كنت مستعده اديكي روحي لو طلبتيها كنت بعمل اي حاجه تفرحك حتي لو هتأذيني
داليا بعياط ودموع : عشان انتي واخده مني كل حاجه
نور: ايه
داليا: ايوه كل حاجه واخداها مني من واحنا صغيرين وانتي كل حاجه ملكك انتي حتي اكتر واحد حبيته في الدنيا حبك انتي فاكره زمان لما كننا في المدرسه كانوا المدرسين كلهم بيحبوكي انتي وبيكرهوني انا حتي في الجامعه كان الكل بيحبك انتي ويكرهني انا وبيقولوا عليا خدامه الهانم ورغم كل ده استمرت صداقتي معاكي فيه مواقف كتييير اوي حصلت عمري م هنساها بس مش هفتح عليكي مواجع لحد ما اعترفلي أن هو بيحبني وهيتجوزني بس اني اعمل حاجه واحده بس اني ابقي عدوتك وإن حياتك واخبارك كلها تبقي عنده هو واني اوقعك وقالي أن هو لازم ينتقم منك الاول عشان فسختي خطوبتك معاه ولأن أن بحبه اكتر من نفسي وافقت بس مش بسهوله عارفه ايه عشان عملت حساب للصحوبيه وانك صاحبتي بس هو اقنعني أن اعمل كده
نور بصدمه: كل ده شايلاه مني
داليا: واكتر واكتر بكتير
نور: بس اللي عايزه افهمهولك أنه ضحك عليكي وأنه مبيحبكيش اصلا وبيعمل كده عشان يوصلي وأن انا بحبك اوي اكتر من اي حد في الدنيا ولما عرفت أن اخباري كلها عنده بسببك مصدقتش لحد م كان في دليل قوي
داليا: انتي كدابه معتز بيحبني وهيتجوزني زي م قال
نور: لا ي داليا ده واحد كداب وانا مستعده اثبتلك ده
الكل كان واقف متابع حوارنا لأن صوتنا كان عالي بس محدش قادر يتدخل في المواجهه دي لان يوسف وقفهم
داليا: لا انتي مش عايزه تشوفيني فرحانه صح
نور: لا مش صح ده واحد حقير دخل يوقع بيني وبينك وبس صدقيني ي داليا
داليا: لا مش هصدقك انا هكلمه وهو هيقولي دلوقتي انك كدابه
نور: متضحكيش على نفسك اكتر من كده والله ده واحد **** ميستاهلش منك انك تنزلي دمعه عليه
داليا: بس انا اصلا بحبه وعمري م هسيبه
نور: مش عايزه اسوء سمعته اكتر من كده عشان هتكرهيه أضعاف م حبيتيه
داليا: هو قالي انك حقودن وبتغيري مني وانك هتوقعي م بينا وهو فعلا عنده حق
نور جريت علي يوسف وترجته يثبت لداليا أن معتز كداب وأنه بيلعب بيها
يوسف : انا عندي اني اثبتلك دلوقتي إذا كان هو بيحبك ولا لا
داليا: مش هصدق اي حاجه عنه
يوسف: انا عارف انك مصدومه من الكلام ده بس لازم تعرفي الحقيقه عشان متتعلقيش بيه اكتر من كده
داليا: لا برضو انا همشي من هنا واروحله القاهره
نور: بس هو هنا في الاسكندريه
داليا: كدابه انا لسه مكلماه الصبح وهو قالي أنه في القاهره
يوسف: لا كداب هو في الاسكندريه من ٣ ايام
داليا: انتوا اللي كدابين
يوسف بغضب: بصي انا واعي لصدمتك وانك مش في وعيك بس انك تتهميني بالكدب فانا مش مسؤول عن أي تصرف يحصل
نور وداليا خافوا من نظره عينيه اللي اتحولت لغضب شديد واي حد يشوف نظرته كان اترعب منها
داليا بخوف : م......مش..مش......قصدي
يوسف: انا بقي هكلمه دلوقتي واخليه يعترفلك أنه بيكرهك لأبعد الحدود
فتح تليفونه وضغط علي بعض الأزرار ورد الطرف الآخر وفتح الاسبيكر
معتز: الو
يوسف: معاك يوسف الزهار
معتز بخوف : في حاجه حصلت ي باشا
يوسف: كنت عايز اطلب منك خدمه كده ي معتز الفقي
معتز: طبعا يا يوسف باشا
يوسف: كنت عايز اعرف داليا بالنسبالك ايه
معتز: داليا مين ؟
يوسف: هنهزر
معتز : لا والله بس انا مش عارف داليا مين فيهم
يوسف: مين فيهم
معتز: ايوه والله حضرتك تقصد داليا مين
يوسف: صاحبة نور
معتز: اه افتكرتها
يوسف: شاطر بالنسبالك ايه بقا
معتز : بصراحه كده
يوسف: ايوه وانت عارف لو كدبت انا هعمل ايه
معتز بخوف: ولا حاجه والله ولا حاجه كانت وسيله بس عشان اوصل لنور ...احم قصدي الأنسه نور
يوسف: بحب الصراحه بس كنت عايزك تسمعهالها أن هيا ولا حاجه بالنسبالك
معتز: ح..حاضر ي يوسف باشا
يوسف: انت هتكلمها دلوقتي حالا من تليفونها
معتز : حاضر
يوسف قفل الخط معاه
يوسف: اظن ان دلوقتي سمعتي اعترافه بس انا عمليه يكلمك بنفسه على تليفونك عشان تصدقي اكتر ومتقوليش أن ده صوت انا مركبه
تليفون داليا رن وكان هو
داليا : الو
معتز بملل: الو بصراحه كده ي داليا انا مش عايز أكمل معاكي تاني انتي كنتي وسيله عشان اوصل بيها لنور وبس بس انتي دلوقتي ولا حاجه بالنسبالي
داليا بصدمه: انت اصلا انسان *********
وانا غلطانه اني وقفت معاك في يوم من الايام ي ***
معتز قفل في وشها
يوسف: اظن كده صدقتي واظن كده مهمتي خلصت وقدرت اخلص بنت خالتي من شركوا
نور: انا بس عرفتك أن هو واحد *** عشان تاخدي بالك لاني لسه عامله حساب للعشره اللي بننا
داليا: نور انا عارفه أن انا غلطت في حقك كتييير اوي بس انا همشي من حياتك للأبد ومش هتشوفي وشي تاني بس اتمني انك تسامحيني على كل اللي عملته معاكي
نور سابتها بدموع وراحت علي اوضتها بسررعه
بعد نو م مشيت
خالو: انا مش همشيكي من هنا عشان انتي بنت وهعتبرك بنت من بناتي مؤقتا على م تلاقي مكان تاني تروحي فيه لانك اكيد مش هتلاقي مكان تروحيه
داليا : لحد كده وكفايه لازم ابعد عن حياة نور للأبد وأبعدها عن مشاكلي
خالو: اظن انا قولت اللي عندي وانا بعمل ده عشان اخواتك مش اكتر نهال خليها في اوضتها متخرجش بره مفهوم
نهال: م..مفهوم
نور جريت على اوضتها ودموعها نزلت من خضره عينها زي المطر وباب الاوضه خبط مسحت دموعها وفتحت لقت ندي وساره
ندي: نور معلش ي حبيبتي اهدي انشاء الله خير
نور: مفيش حاجه ي ندي لكل ده عادي متشغلوش بالكوا بيا
ساره: ازاي ي نور بس انتي برضو اختنا
نور: معلش ممكن تسيبوني لوحدي شويه
ندي: ايوه طبعا يلا ي ساره
ساره: يلا
_______________________________________________________________
جدو: انا مش عارف ايه اللي حصل للي الدنيا
تيته: اه والله الدنيا مبقتش زي الأول
نهال: معلش بقا الدنيا مبقاش فيها الخير
ملك: انا عمري م شوفت حد يعمل كده
هبه: يلا الحمد لله أن هيا كشفتها
ادم: بس انا مش قادر اصدق بعد م نور عملت معاها كل ده وكانت خايفه عليها اوي وفي الاخر تعمل كده ده كان اللي يشوفهم يقول عليهم اخوات توأم
نهال: يلا منه لله اللي كان السبب
________________________________________________
فارس: يعني مش هتعرف توصل لنور ي برنس
معتز: ليه بتقول كده
فارس: عشان داليا
معتز: وانت فاهم ان داليا دي كانت بتوصلي معلومات في غاية الأهمية
فارس: اومال ايه
معتز: انا اصلا مكنتش بعتمد عليها
فارس: انا كل يوم اكتشف عنك حاجه جديده
معتز: معلش اكتشف اكتر
فارس: اما نشوف اخرتها
_____________________________________________________________
يوسف راح شركته عشان شغله اللي أهمله بقاله يومين
في المكتب
هيام: بس اي حاجه عايزها قولي علطول
يوسف: ماشي ممكن بقا تخرجي دلوقتي عشان انا مش فايق دلوقتي
هيام: ح..حاضر __________________________________________________________________
سيف: عملتي ايه ي نسرين
نسرين: الحمد لله رجعتها تاني
سيف: ماشي هنعمل ايه بقا
نسرين : في حاجه مهمه اوي حصلت الصبح
سيف: هيا ايه
نسرين: شركه الدمنهوري
سيف : مالها
نسرين: كسبت صفقه شركه M.M
سيف بصدمه : ايه
نسرين : انا خايفه اقول ل يوسف باشا وهو متعصب
سيف : م..م..هو انا اخاف أقوله يتعصب عليا انا
نسرين : طيب هنعمل ايه
سيف: هتصرف وهحاول أقوله وربنا معايا
نسرين : ربنا معاك
سيف: لو مت ابقي اقريلي الفاتحه
نسرين بضحك: حاضر
________________________________
يوسففي المكتب والباب بيخبط
يوسف: ادخل
سيف دخل
سيف: ك..كن...كنت
يوسف: اخلص ي سيف انا مش فايقلك
سيف : كنت ع..عايز ا....اقول
يوسف: اطلع بره
سيف: هاا
يوسف بغضب : اطلع برررررره
سيف خرج بسرعه من قدامه وهو بيستشهد
نسرين: عملت ايه
سيف: معملتش
نسرين : يعني ايه
سيف: متعصب اوي
نسرين: ط..طيب بص انا هدخل وهحاول أقوله
سيف: ماشي ربنا معاكي بس خدي بالك
نسرين: حاضر
نسرين خبطت علي الباب ودخلت بعد ما سمعت يوسف اذنلها بالدخول
نسرين: كنت عايزه اقول لحضرتك على حاجه
يوسف: ايه اللي عايزه تقوليه
نسرين: شركة الدمنهوري
يوسف بغضب: مالها
نسرين بخوف : ك.....ك......كسبت صفقهM.M
يوسف بغضب وعينه اتحولت للون الاسود : ايييييييييييييييه
يتبع الفصل الخامس عشر اضغط هنا
- الفهرس يحتوي على جميع فصول الرواية كاملة :"رواية نصيبي في الحب" اضغط على اسم الرواية