رواية تار صعيدي البارت الخامس عشر 15 بقلم ملك شاهين
رواية تار صعيدي الفصل الخامس عشر 15
فلير نزلت تجري ونسمه وحمزه جريوا على برا لقو فراس واقف مصدوم من الي مرمي على الارض ومش عارف هو اتصاب ازاي ولا وقع كده وغرق في دمه امتي كل ده في اقل من لمح البصر فلير جريت عليه
فلير وهي بتحسس عليه وبتتطمن انه كويس : فراس انت كويس حصلك حاجه فيك حاجه
فراس وهو بيحضنها وبيهديها وبايخدها تحت كتفه : اهدي اهدي انا كويس والله اهدي
نسمه راحت نحيه وقالت بتساؤل : انت كويس ؟
فراس خدها تحت كتفه التاني وباس رأسها : كويس متقلقيش
حمزه وهو بيشوف نبض الي مرمي على الارض : لسه عايش بس مين الي ضربه ....ده اكيد من الرجاله الي كانت هنا من شويه وكان قصدك
هيثم من ورا فراس : انا الي ضربته
فراس : هيثم ! انت بتعمل ايه هنا
هيثم : كنت ماشي وراك ملحقت اقف معاك لقيتك ركبت العربيه وطرت ..ربنا يعوض عليك يا صاحبي ومتقلقش انا هعرف مين
فراس هز له رأسه
حمزه : طب الاكيد ان الراجل الي مرمي ده ومحدش سأل فيه ده من عيلتنا يعني فانا هاخده المستشفي لانه لسه عايش وفي نبض
حمزه خده وراح المستشفي والباقي دخله جوا
نسمه وفلير طلعوا اوضهم وفراس وهيثم فضلو قاعدين يتكلموا
هيثم : تفتكر مين الي عمل كده
فراس بتعب : مش عارف بس الي متأكد منه ان الي عمل كده عارف ان ده شقا عمري فحب يحصرني
هيثم : فعلا بس ..
فراس وهت بيقاطعه : ماعلينا دلوقتي في موضوع اهم
هيثم : ايه
فراس : ليله امي طلعت عايشه
هيثم تنح : ايه
فراس : مش وقته تتنيح يا هيثم
هيثم : عايشه ازاي يعني وكانت فين كل ده
فراس : عايشه ازاي دي حكايه طويله انما فين بقي في انجلترا وهنا يجي دورك عايزك تخلص الورق الي يخليها ترجع مصر طبيعي لان هي بالنسبه لمصر تعتبر ميته فاهمني يا هيثم
هيثم : فاهمك يا صحبي و كام يوم كده اعتبره حصل ...همشي انا بقي
فراس : انت هتستهبل يلا ولا ايه انا خليتهم ينضفولك اوضه الضيوف مش هتمشي
هيثم : ماشي يا عم خلاص في ايه
بعد مرور كزا يوم وخروج عامر من المستشفي واعترافه ان فعلا اضرب يعيار نار طايش علشان يمنعوا التار عيله الجناوي والاسيوطي كان مجتمعين في قصر الاسيوطي
شريف : طبعا يا حج هارون الي حصل ده كان سوء تفاهم و ..
هارون : من غير اما تجول يا حج هارون انا فاهم زين الحديت ده وحمدلله على سلامتك يا عامر يا ولدي
عامر باقتضاب : الله يسلمك ...فراس كنت عايزك شويه
فراس بجمود : تمام تعالي في الجنينه
راحو الجنينه وفضلو ساكتين عامر مش عارف يبدأ ازاي وفراس مستنيه يتكلم
فوق عند نسمه و فلير
نسمه : اووف الحمد لله ان ماري اختك مجتش
فلير ضحكت
لورين : دي بت بارده اصلا يا نوني
فلير : لوري عيب نقول على حد كبير كده
نسمه :ايوا بس عندها حق فعلا دس مش بارده بس دي بارده ورخمه وثقليه كده مبتنزليش من زور مش عارفه اختك انت وحمزه ازااي ده حمزه فرفوش جداا
فلير بخبث : ايوا حمزه ..عرفتي منين ان حمزه فرفوش
نسمه بتوتر : انا قولت حمزه مين جاب سيره حمزه
فلير : عليا انا بردو اعترفي يلا بكل حاجه يلا
نسمه بتوتر : هقولك
فلير : ها كلي اذان صاغيه
نسمه : هو يعني مفيش حاجه تتحكي بس مش عارفه ليه لما بشوفه بفرح لما بيكلمني حتي لو كلمه صغيره بنبسط لما بيقعد معايا بكون في قمه انبساطي حرفيا بحس ان قلبي بيرفرر ممكن اكون معجبه بيه بس صح
فلير بضحك : معجبه بس ؟ وقلبك بيرفرر لا يا حبيبي you fell in love ( وقعتي في حبه )
نسمه : ايه حب ايه بس يا فلير اكيد اعجاب يعني
فلير : لا اسمعي مني بجد هو ده الحب وع فكره انا حاسه ان اخويا كمان بيبادلك نفس الشعور
نسمه : تفتكري
فلير : افتكر جداا كمان
نسمه : بس انا خايفه
فلير: خايفه من ايه
نسمه : بصي مش ببالغ بس ثقتى بقت صفر فى الناس كلها ، بقى عندى فوبيا من حوار ان حد يأذينى ، مخونه كل الي حواليا حتي اقرب الناس ليا مش عارفه مش عارفه ارجع اثق في حد تاني وخايفه بكده اكون بظلمه وبظلم نفسي
فلير : بصي علشان حمزه اخويا فهقول الكلام ده لا حمزه راجل بجد يا نسمه هيبقي ضهرك وسندك عمره مهيأذيكي ولا يغدر بيكي صدقيني هو حد تعتمدي عليه وانت مغمضه واكيد الي مش هيرضي انه يتعمل معاكي عمره مهيعمل معاكي
نسمه بتعب : انا بقي كل همي في الحياه اني اختار شخص واثق فيه ويطلع قد الثقه دي وميخذلنيش ولا يخيب ظني فيه ، علشان الحقيقه كل اللي حواليا خابت ظنونّي فيهم.
فلير : ان شاء الله ربنا هيكتبلك الي في الخير .. كملت بضحك ...وهتبقي مرات اخويا وانا مرات اخوكي
نسمه : صحيح يا فلير هي لورين اختي انا وفراس ازاي انا متأكده انك عارفه فقولي
فلير : بصي يا فراس قالك هو الي هيقولك فاستني لحد اما هو يفهمك ويقولك
نرجع عند فراس وعامر
فراس : هتفضل ساكت كده كتير
عامر : مش عارف ابدأ منين
فراس وهو بيقول : خلاص نقوم
عامر وهو بيقعده تاني : انتي يا بني علطول حمقي كده محدش بيعرف يكمل كلمتين معاك
فراس وهو بيبعد ايده وبيقوم تاني : طيب تمام
عامر : اقعد يا فراس بجد الي هقوله مهم
فراس : اتفضل ياريت نخلص
عامر : انا مليش علاقه بكل الي بيحصلك ده
فراس : عارف
عامر : مش قصدي دلوقتي بس حتي قبل كده
فراس بسخريه : وده ازاي بقي
عامر : فراس انا والدي والدك الله يرحمهم كاموا صحاب و اكتر من اخوات ومعاهم والد بدر هو الي وقع بينهم زمان وهو الي وقع بيني وبينك دلوقتي انت ليه مش عايز تقتنع بحاجه زي دي
فراس : وانا ايه الي يخليني اصدقك انت علشان تطلع نفسك بتتفهم واحد ملوش ذنب
عامر بعصبيه : يا بني فتح عينك وانت تشوف الحقيقه بقي ..يدر عمره محبك وطول عمره بيكرهك وبيغل من ناحيتك كلنا بنحاول نوصلك ده بس انت قافل ودنك بس براحتك يا فراس انا قولت الي عندي والي اعرفه والي متأكد منه ان بدر هو الي وراه حريق المصنع ..سلام سلاام يا صح..قصدي سلام يا فراس
عامر مشي وسابه وفراس فضل قاعد يفكر في كلامه الي بقاله كزا سنه يجي يقولوا ليه والي هيثم كمان بيقولو جت في دماغك لما بدر انكر انه يعرف فلير رغم انها قالت انها عارفاه فضل قاعد يفكر لحد اما تعب من التفكير وطلع
في شقه بدر كانوا متجمعين كلهم
اندرو : يعني احنا نبعتله الصور ومنستناش شويه
بدر هزله رأسه
ماري : طب وانت متأكد انه كده هيطلقها
بدر بجديه : الصور الي عملها حد متمكن ومحترف جداا و..
قطعه اندرو وهو بيقول :I don't like to talk about myself a lot
(مبحبش اتكلم عن نفسي كتير )
بدر بصله بقرف وقال : متقطعنيش تاني ..نرجع تاني ..الصور باينه جداا انها بجد وفراس لما بيتعصب مش بيشوف قدامه وممكن يعمل اي حاجه والصور دي تخلي اي راجل يتعصب خصوصا لو صعيدي ده ممكن يقتلها فيها
ماري : ياريت ونخلص منها بقي
زيزي بدلع : بس شاطر انت يا بدر بتضرب من تحت لتحت
ماري : قصدك ايه
بدر وهو بيحضن زيزي وبيبوسها : قصدها اني ورا الحريق المصنع
ماري بصدمه : ده بجد
بدر ببرود : اومال فاكره ايه
ماري سكتت وبعدين قالت : طي اظن كده خلاص يلا ياندرو يلا يا زيزي
بدر : لا سيبي زيزي
ماري بتساؤل وهي بتبص لزيزي : you are in a realation ?
(انتم في علاقه ؟)
زيزي هزت لها راسها
ماري بصت ليهم بقرف واشمإزاز ومشيت هي واندرو
بالليل في جناح فلير وفراس كان فراس قاعد على اللاب وفلير بتتفرج على التلفزيون
فلير قامت طفت التلفزيون وقامت قعدت جنبه فراس حس انها جو قعدت جنبه بصلها وبعدين كمل الي بيعمله وهو بيقول : هو انا ليه حاسس انك عايزه حاجه
فلير ببراءه : انا ؟ خالص خالص
فراس : بجد ! اومال في ايه
فلير : عادي مفيش
فراس وهو بيكمل الي بيعمله : ماشي
بعد شويه
فلير : فرااس
فراس : يا نعم
فلير : اقولك نكته
فراس : افندم
فلير بطفوله : بليز بليز يا فراس نكته واحده بس
فراس بقله حيله وهو بيسيب الي في ايده وبيبصلها : قولي
فلير: مره ارنب اتعكبل قول ليه
فراس وهو بياخد نفسه علشان يطول باله : ليه
فلير بضحك : علشان مكنش rabbit الشوز هههههههههههه
فراس فضل باصص ليها ومتنح
فلير : ايه ده فراس انت مش بتضحك ليه ع فكره بضحك ...طب هقولك واحده تانيه
فراس : لا واسكتي بقي علشان ورايا شغل
فلير : بليييز بليييز بلييز
فراس : قولي قولي يمكن نخلص
فلير بضحك : مره واحد اتنين تلاته هتقولي عارفهم هقولك لا دول غيرهم هههههههههه
فراس : عارفه لو مقومتيش و غورتي من وشي دلوقتي ايه الي هيحصل
فلير بتوتر وهي بتقوم : وعلى ايه الطيب احسن ده انت نكدي بشكل
فراس : ايوا انا نكدي روحي نامي بقي
فلير : راحه راحه اووف ...رجعت ليه تاني وقالت..هو صحيح نتيجه التحاليل طلعت ؟
فراس : لا بكؤه هروح اشوفها
فلير بزهق : طيب اما اروح انام
فلير دخلت اوضتها ودخلت تنام فراس فضل قاعد يشتغل لحد اما جاله اشعار ان في حد بعتله ماسدج من رقم غريب فتح الماسدج وكانت عباره عن صور بس كانت لسه بتحمل اول لما حملت وشافها تنح ورما اللاب و...
- تابع الفصل التالي عبر الرابط: "رواية تار صعيدي" اضغط على أسم الرواية