رواية تزوجت معاقا ذهنيا البارت الخامسة عشر 15 بقلم شهد محمد موسى
رواية تزوجت معاقا ذهنيا الفصل الخامسة عشر 15
عز شاف سجي بترقص والناس بصالها اتجنن وكان واقف بيغلي...
خالد بخنقه:عز روح لم اختك وخليها تنزل الناس بتبص عليها........
عز وهو بيجز علي سنانه: مينفعش اروح هناك في وسط الستات دي كلها ......
خالد بخنقه: طب اعمل اي حاجة طيب ........
اثناء كلامهم النور قطع في القاعة كلها.........
سجي مسكت في لين الي كانت جمبهاا......
سجي بخوف:لين خليكي مسكاني....
لين مسكت ايديها جامد عشان تطمنها...
لين بهدوء:انتي لسة بتخافي من الضلمة..........
سجي بخوف وخفوت: ايوه.....
بسمة كانت جمبيهم بس بعيده عنهم شوية
بسمة بقلق علي سجي: سجي انتي كويسة......
لين بهدوء:متخافيش عليها انا جمبها ......
في الوقت ده بسمة لقت حد بيحط ايده علي بوقها والايد التانية بيضغط بيها علي وسطهاا............
بسمة بتحاول تصوت بس مش عارفة وعمالة تحرك جسمها بحيث تفلت منه بس مش عارفة...............
_ بهمس في ودنها:شششش...بطلي حركة...........
بسمة حست انها عارفة الصوت ده بس قادرة نحدد لمين.......
_كمل بهمس: انتي عارفة لو شوفتك بتحركي جسمك ده ولا بتتهزي هزه واحده بس تاني....... متعرفيش هعمل اي فيكي يا...........زوجتي المستقبلية...
"قال كلمته الأخيرة وهو بيطبع قبلة علي خدها ........" وفي ثانية بعد عنها والنور جه والدي جي رجع إشتغل ورجعت الهيصة تاني.................
بسمة كانت واقفة زي الصنم وفاتحة عنيها علي مصرعها بتحاول تستوعب ايه الي حصل ده.............
لين : بسمة....بسمااااااة.......
بسمة مش سامعاه لين فهي تحت تأثير صدمة الي حصل وعمالة بتتلفت بعنيها كأنها بتدور علي حاجة.........
لين وسجي قربوا منها..........
سجي زقتها في كتفها براحة........
سجي بإستغراب حالة بسمة:بسمة.....
بسمة بتوهان:نعم....."وكانت بتتلفت بعنيها علي الرجالة"
سجي بإستغراب: مالك عاملة كده ليه وبتتلفتي علي اي........
بسمة بتوهان:مش عارفة.......
لين وسجي بصوا لبعض بإستغراب ....
لين بإستغراب:طب خلينا ننزل نتكلم تحت...........
لين شدت بسمة ونزلوا من علي المسرح.......
لين بهدوء: مالك يا بنتي......
بسمة بنرة خائفة: انا عاوزة امشي
سجي بإستغراب:حاضر هنمشي بس خايفة كده ليه في اي......
بسمة بتوسل:بالله خلوني نمشي ولما ابقي كويسة هقولكم........
لين بهدوء واستغراب: طب اهدي وانا هروح اكلم عز اخليه يروحنا.........
"قبل ما تقوم من مكانها كان عز جاي عليهم وعلي وشه ملامح الغضب..."
لين في سرها:واضح انها ليله سودة.....
عز بغضب:ايه الي هببتوه حضراتكم علي المسرح ده ينفع يا ست المحترمة منك ليهاا .......
لين حاولت تتكلم بهدوء:عملنا اي يعني رقصنا زي الي موجودين ايه عملنا جريمة ولا صاحبك سخنك..........
عز حاول يتمالك اعصابه وراح كور قبضة ايده جامد واتكلم وهو بيجز علي سنانه.........
عز: لين متستفزنيش احسنلك.....تمام وياله عشان تتزفتوا تروحوا...........
سجي كانت سامعة كلام عز ودموعها بتنزل متعرفش اي السبب بس كانت بتعيط...........
لين بسخرية:كده كده كنت هتزفت اجيلك عشان تروحنا بس انت سبقت ياله يا بنات.............
سجي قامت وهي بتحاول تمسك دموعها وبسمة قامت وهي اصلا مش مركزة مع عز لانها دماغها في حته تاني ولين بصت لخالد بغضب قبل ما يخرجوا ........وخرجوا من الفرح...........
____________💙_________
_في عربية عز_
عز كان بيبص في المرايا علي سجي الي بتعيط وره دي وحاسس انه مخنوق................
عز بخنقة:بطلي عياط بقي......
سجي بشهقات:يعني انت تزعق وفي الاخر تقول بطلي عياط انت عبيط........
عز ابتسم غصب عنه علي أسلوبها الطفولي ده.....بس اتكلم بهدوء..
عز بهدوء:هو انا زعقت من فراغ مش انتوا الي رقصتوا والرجالة كلها كانت عنيها عليكم مش ده حرام بردوا زي السلام علي الرجالة الغريبة ولا انا غلطان........."كان قاصد يفكرها بأول مقابله بينهم"
سجي اتكسفت من كلامه جداً وزاد عياطها لانه معاه حق هو حرام فعلا انك ترقصي وتتمايلي وفي رجالة غريبة عنك واقفة تتفرج عليكي هي اينعم سجي مرقصتش زيهم هي كانت بس بتتحرك براحة مش بترقص بس بردوا حرام..........
سجي بإحراج وبكاء:لاء مش غلطان بس مكنتش تزعق .......
عز بإبتسامة هادية:خلاص انا أسف اني زعقت وبطلي عياط بقي وخليكي جبلة زي الي مبيحسوش دول..........."كان بيهزر في الآخر"
سجي ضحكت غصب عنها وقالتله :هحاول.........
لين متابعة الحوار في صمت من اول ما بدأ وباصه لعز بنظرات خبيثة بس اول ما قال جبلة راحت اتكلمت.........
لين بضجر:علي فكرة مش احنا الي جبلة هي الي حساسة زيادة عن اللزوم..........
عز بإستفزاز:بردوا احسن منكم......
لين بغيظ:ما تقولي اي حاجة يا ست بسمة.........
بسمة بهدوء عكس طبيعتها: استني افوقله بس وانا همسح بيه الاسفلت استني بس........
سجي ضحكت علي كلامها بس في نفس الوقت قلقانه عليها من الحالة الي هي فيها............
عز بصلها بسخرية وقالها: عشان اعمل من فخادك بانيه.........
بسمة بصتله بسخرية وودت وشها ناحية الشباك...........
عز استغرب بسمة لانه مش دي طبيعتها........
عز بهمس للين:هي مالها مش عوايدها دي..
لين لوت شفايفها وقالته بنفس الهمس:معرفش..........
عز هز دماغه وسكت وكملوا الطريق وهما ساكتين وكان عز بيبص علي سجي من المرايا من وقت للتاني....
__________💙__________
_في فلة السيوفي وتحديداً غرفة إلياس_
نلاقي ريناد قاعده علي السرير وسانده ظهرها علي ظهر السرير وبتمشي إيديها في شعر إلياس الي حاطط دماغه علي فخذها........
ريناد بهدوء:مش ناوي تقولي بقي....
إلياس بتنهيده وهو مغمض عنيه:هانت يا قلبي قريب اوي هتعرفي........
ريناد اتنهدت زي الاطفال: اووف ..انا عارفة اني مش هاخد منك لا حق ولا باطل........
إلياس ابتسم علي طفولتها وراح فاتح عنيه وفضل يبصلها..........
ريناد بخفوت:بتبصلي كده ليه.......
إلياس بإبتسامة:اصلك وحشتيني.....
ريناد بإبتسامة:دا علي اساس اني مش طول اليوم قاعده معاك.......
إلياس عدل نفسه وقرب من وشها....
إلياس بإبتسامة وهو ينظر لشفتيها: لاء مانتي وحشتيني الشوية الي كنت مغمض عنيا فيهم..........."وراح باسها من شفايفهاا ..."
"انا:يا محني......!!!🙂"
وراح بعد عنها بعد ما حس بحاجتهم للأكسجين وسند جبينه علي جبينهاا...
"انا:انا الي محتاجة الاكسجين والله مش انتوا🙂"
ريناد بخجل وهي تأخذ نفسها: بتحبني.........
إلياس بص لعنيها وقالها بعشق جارف: المفروض متسأليش سؤال زي ده لانه المفروض انتي عارفة إجابته من لمستي ليكي وقربي منك ومع ذلك هرد عليكي وأقولك انا مش بحبك بس..... انا عشقتك خلاص........ "كان بيتكلم وهو بيبوسها في خدها وجمب شفايفها....ونزل علي رقبتها....."
"انا:خليكي يالي بتقري انتي سنجل بائس كده🙂 .....شايفاكي يالي بتتحسري علي جوزك شايفاكي وبقولك ربنا معاكي🙂😂😂"
ريناد بخجل وصوت ضعيف: إلياس.....
إلياس همهم بخفوت......
ريناد بخجل: ابعد عايزة ادخل الحمام.....
إلياس بخفوت وهو مكمل الي بيعمله:مش وقته.........
ريناد :اوعي يا إلياس حاسه اني هرجع..........
"انا:معلش يا إلياس اصل احنا باصينلك في الليلة😂😂😂🙂"
إلياس بمجرد ما بعد عنها هي قامت جري علي الحمام وهو قام مخضوض وقلقان وراها.........
ريناد بعد ما خلصت ترجيع.........
إلياس بقلق:لاء كده مش طبيعي دي ثالث مره ترجعي النهاردة احنا لازم نروح للدكتور......
ريناد مسكت ايده وابتسمتله بإطمئنان....
ريناد بإبتسامة:مش مستاهلة دكتور انا هشرب حاجة سخنة وهخف متقلقش....
إلياس بقلق: مانتي شربتي ومعملكيش حاجة انتي هتروحي للدكتور.........
ريناد بإبتسامة:مش من مره لازم اشرب علي الاقل مرتين ثلاثة......متخافش هبقي كويسة....
إلياس بقلق:لو رجعتي تاني ساعتها هكلم الدكتور......
ريناد بإبتسامة: خلاص ماشي
ونسيبهم بقي مع حالهم عشان احنا حشرنا نفسينا كتير بينهم🙂😂😂
____________💙__________
وخلص اليوم واشرقت شمس يومٍ جديد..............
_في شركة MCk_
بسمة بتنهيده: بس يا ستي هو ده كل الي حصل ومن امبارح وانا مش عارفة انام من الصدمة وكتر التفكير في الشخص الي عمل كده بس حقيقي صوته حاسه اني عرفاه بس مش قادرة افتكر مين صاحبه........
سجي بضحك:ههههه والله حاسه انك بتحكيلي فيلم ......
بسمة بضجر:بطلي ضحك يا سجي انا مبهزرش دلوقت.......
سجي وهي بتحاول متضحكش:خلاص مش هضحك والله بس علي فكرة دا واحد بيحبك وبيغير عليكي موت وعايز يتجوزك.......
بسمة بسخرية : لا تصدقي جبتي التايهه...........
سجي بضحك: طب اقول اي.......
بسمة بغيظ:انتي تخرسي خالص ومتقوليش حاجة .........وكملت:آههه ياني هموت واعرف انت مين.....
_انسه بسمة
بسمة :نعمين.......
_بإبتسامة:مستر قاسم طالب حضرتك فوق......
بسمة بسخرية:اصلها ناقصاه مستر زفت روحي يابنتي وانا رايحاله......
مشيت البنت..وبعديها طلعت بسمة لقاسم........
بسمة دخلت من غير ما تخبط علي الباب......
قاسم رفع عينه من علي الورق وبصلها ببرود...........
قاسم بسخرية:كام مره اقول خبطي علي الزفت انتي مش داخله زريبة.......
بسمة بملل:يييه مش هنخلص من ام الاسطوانه الحمضانة دي..........
قاسم بسخرية:حمضانة..!! ما صح اتوقع اي من شرشوحة زيك........
بسمة بسخرية: من بعض ما عندكم والله يا رئيس مجلس الشرشيح.........
قاسم بعصبية:انتي نسيتي نفسك يابت انتي.....نسيتي بتتكلمي مع مين...
بسمة ببرود:اولا بت اما تبتك انا مسميش بت انا اسمي بسمة ثانيا بقي انا منستش حاجة بس انت الي بتستفزني ........ وبعدين انجز قول عاوزني في اي قبل ما نمسك في رقاب بعض دلوقت وننسي.........
قاسم من غيظه وعصبيته مسك التمثال الي كان قدامة وراح حدفه في الارض......اتشدش ميت حته.....
بسمة : طب كليوباترا عملتك اي يا متوحش عشان تكسرها كده.......ياعيني عليكي ياختي ملحقتيش تتهني بتمثالك بس ياله تستاهلي كده كده كانت سمعتك فله ...........
قاسم بص بذهول كده وتقريبا شوية وهيتشل........
قاسم :تعالي امضي علي الورقة دي قبل ما اتشل............
بسمة :ورقة اي دي......
قاسم بسخرية: فيكي عنين تقرأ صح ..........
بسمة بغيظ:ياباااي منك هات الورقة..
"وراحت شدت الورقة من قدامه"
بعد عدة دقائق.......
بسمة :انت ناوي تعيني هنا...!!
قاسم بسخرية:للاسف عشان امتيازك مش عشان سواد عيونك يعني.......
بسمة بإستغراب: طب والباقين....
قاسم ببرود:مش كلهم هيتعيونوا كام واحد منهم بس ومنهم صاحبتك .....تعرفي تمضي وتخلصيني ولا مش ناوية وتبقي ريحتيني..........
بسمة بتوعد في سرها:والله لامضي وافضل فيها عشان اطلع عين اهلك موتك علي إيدي يا مكتئب...........
"وراحت مسكت القلم ومضت....."
قاسم ابتسم بخبث اول ما مضت علي الورقة وراح خدها منها............
قاسم بإبتسامة خبيثة: مبروك يا بسمة............
بسمة بإبتسامة صفرة: الله يبارك فيك
قاسم قام من علي الكرسي بتاعه وراح وقف عند الشباك بس وشه كان لبسمة........
قاسم بخبث :كان حلو فرح أميمة امبارح صح.........
بسمة بإستغراب:وانت عرفت منين انه كان فرحها امبارح........
قاسم بسخرية:اصلي كنت هناك .............
بسمة قامت وقفت من مكانها واتكلمت
بسمة بعدم تصديق:انت روحت الفرح يا مكتئب........ اوووه دي انا احطها في قايمة معلومات صدق او لا تصدق المكتئب يذهب لحضور فرح..........
قاسم وهو يحاول تمالك اعصابه:بسمة غوري من قدامي قبل ما ادفنك هنا دلوقت......."قال آخر كلامه بزعيق"
بسمة اول ما سمعت زعيقه في لحظة كانت شبه الكتكوت المبلول وطلعت تجري من المكتب.........
قاسم بعد ما خرجت مسك الورقة الي مضت عليها بسمة...
قاسم بتنهيده:انا اي الي عملته في نفسي ده ياربي ........
ونسيبه بقي مع تأنيب ضميره بإليّ عمله ياتري عمل اي........مش هقول لاء😂🙂
___________💙__________
_في المستشفي_
تك...تك...تك...
لين بإبتسامة:أدخل.......
_السلام عليكم....
لين بإبتسامة؛وعليكم السلام اقعدي يا قمر.......
_بتوتر:شكرا......
لين بإبتسامة:اسم الجميل اي....
_إسراء........
لين بإبتسامة: أجمل إسراء دي ولا اي عندك كام سنة......
إسراء بتوتر:عندي 20 سنة.....
لين بإبتسامة مرحة: متوترة كده ليه إهدي انا مبعضش والله.........
إسراء ابتسمت بتوتر وقالت:معلش اصلي...يعني اول مره اجي لدكتور نفساني........
لين بمرح:ومين قال انك جايه لدكتور نفساني......انا صاحبتك هنا مش دكتورة دا حتي فرق السن بينا سنتين بس يا جدع ........
إسراء بإبتسامة:ماشي........
لين بإبتسامة مرحة:تعالي بقي نقعد علي الكرسين الي هناك دول وهعزمك علي عصير لمون علي حسابي كمان....
....وبالفعل راحوا قعدوا هناك ولين طلبت عصير لمون........
لين بمرح:ها يا بطل احكيلي عنك شوية بقي لغاية ما عصير الليمون يجي.....
إسراء بتنهيده حزينة :انا عندي 20 سنة زي ما قولتلك مش متعلمه اهلي رفضوا اني اتعلم عشان قال اي البنت ملهاش غير بيت جوزها والتعليم ده ملوش اي لزمة.....بابا بيشتغل في شركة كهربا وماما ربه منزل..........
لين بهدوء: وعندك اخوات علي كده....
إسراء :اه عندي اخ واحد اكبر مني خريج كليه هندسة...
لين بهدوء:مشاء الله ربنا يبارك فيه...... اكيد انتوا صحاب بقي ..........
إسراء بحزن وسخرية: يارتنا صحاب حتي دا احنا محصلناش اخوات......
لين بهدوء:ليه بتقولي كده.....
إسراء بدموع:عشان عمري ما حسيت بحنان الاخ معاه دايما بيهني وبيستقل بيا وبيضربني من غير سبب وبيعاملني كأني خدامة عنده مش اخته...ولما اروح اقول لبابا يقولي اخوكي الكبير ويعمل الي هو عايزة ان شالله يخلصنا منك ونرتاح من خلقتك............ عمرهم ما كانوا حضن دافي ليا اترمي فيه دايما بيكونوا الجلادين الي بتشوفيهم تجري منهم ودايما في بوئهم كلمة واحده ياريتك ما اتولدتي دي خلفة هم طب انا اي ذنبي اني بنت اي ذنبي انه ربنا خلقني كدا ........
لين بهدوء:طب ومامتك مبتكلمهمش ......
إسراء بسخرية ودموع بتنزل: ماما مين دي الي تتكلم دي علي طول جايه معاهم وبتضربني هي كمان وبتقول نفس الكلام الي بيقولوه ........
"زادت شهقاتها وصوت بكائها......"
لين قامت خدتها في حضنها وفضلت تطبطب عليها.........
لين بهدوء:شڜش...اهدي خلاص متضغطيش علي نفس وتتكلمي تاني النهاردة..........اهدي ....
"كانت بتطبطب عليها وإسراء مسكاها بتملك كأنها ما صدقت تلاقي حضن تترمي فيه وتعيط........"
الباب خبط ولين سمحت انه الي جايبة الليمون تدخل فدخلت حطته ومشيت...........
لين بإبتسامة هادية وهي بتبعد اسراء عنها....: خلاص بقي اهدي وخدي اشربي الليمون ده دانا جايباه علي حسابي..الله
إسراء ابتسمت من وسط دموعها ومسكت منها الكباية......
لين بإبتسامة:ايوه كده شطورة.....
إسراء بشهقات:أسفة ....
لين بإبتسامة ونبرة مرحة:اسفة علي اي يا هبلة قولتلك انتي صاحبتي وبين الصحاب مفيش شكر ولا آسف وبعدين عادي انا متعودة استحمي بالدموع المالحة مش حوار يعني......
إشربي الليمون بس..........
إسراء ابتسمتلها وبدأت تشرب الليمون
نسيبهم يشربوا الليمون بقي وبعدين نبقي نرجعلهم.....
_____________💙________
"علي فكرة دي كمان مشكلة من مشاكل المجتمع انه في عائلات بتكره خلفة البنات وفقا لمعتقدات معقدة وسخيفة زيهم وبيعاملوهم معاملة قاسية جدا وبيحرموهم من حقهم في التعليم وتقريبا من حقهم في الحياة اصلا وبيجوزوهم في سن صغير جداً زي 14--15-16سنة يعني جواز قاصرات الي بيودي في داهيه وبيأثر علي صحه البنت بالسلب وبعد ما كانت طفلة بريئة بقت إمرأة سجينة محكوم عليها بالاعدام من صغرها طب ده يرضي مين يا بشر ولا انتي يا حجة يالي بتيجي معاهم وبتكرهي خلفة البنات هل انتي مش بنت زيهم ولا لازم الي انتي مريتي بيه من خلال عادات وتقاليد متخلفة تخلي بنتك تمر بيه .........حقيقي تبا للعادات الخاطئة الي بتقتل روح البنات البريئة الي لسة طالعة للدنيا وطفولتهم ........... وعلي فكرة كمان الي هيقول انه الكلام ده كان زمان احب اقولك انه الكلام ده لسة موجود في اماكن كتير بيكون الجهل ماليها حتي اابني آدمين المتعلمين الي دارسين وفاهمين عقولهم مغيبة بفعل العادات والتقاليد. ياريت الناس دي تنضج وتفوق من الجهل الي هما فيه ....ياريت"
____________💙____________
_علي الجانب الآخر_
دخل خالد علي عز الاوضة وعلي وشه تعبيرات غير مفهومه.......
عز بضحك:مالك يا عم شايل طاجن ستك ليه علي الصبح.......
خالد بإندفاع:عز انا عاوز اتجوز لين.....
- تابع الفصل التالي عبر الرابط: "رواية تزوجت معاقا ذهنيا" اضغط على أسم الرواية