رواية البديلة الدائمة الفصل الخامس عشر 15 بقلم ميدو
رواية البديلة الدائمة الفصل الخامس عشر
فجأة وقفت سمر بطريق ورد
على فين يا حبيبتي انت فاكرة نفسك رايحة فين
اياكي اشوفك معتبة القصر تاني
الي كان حاميكي خلاص طار ولا فاكراني هبلة وها صدق الكدب بتاعك
وقف عمر وعليا مابينهم
مدام سمر عيب الي بتعمليه دا
دي بنت اخوكي مهما كان
والحج محمد مش هايرضى لو خد خبر
مالكش دعوة يا عمر دي حاجة عائلية
وقفت نيفين في وش امها ارجوكي يا ماما بلاش تتصرفي كدا ما انتي بتقولي حاجة عائلية معناها ازاي عايزة تطردي بنت اخوكي الي من عيلتك
سحب امين نيفين من ايدها بقوة وزقها لبعيد
مالكيش دعوة انجري اركبي في العربية
مشيت سمر بتحدي واتخطت عمر ووقفت قصاد ورد
ابتسمت ورد وقالت باستهزاء يعني انتي بتطرديني من بيتي يا عمتي
على فكرة هي الطيارة لسا ما طارتش انا ها تصل بشهاب يلغي السفرية من اساسها ايه رايك
ولا ما يهمكيش سلامة باباكي
دا ايه الطمع الي عامي عيونك
انا بحذرك يا سمر هانم
انا رايحة القصر وحسك عينك تمنعيني
انا شهوبتي سايب ليا حراس عايزين اشارة مني وخصوصي بعد ما بقيت مراته
فما تقدريش على حاجة
لا دا بالعكس خافي على نفسك وعلى عيلتك
يا يا عمتي
وانت يا استاذ عمر متشكرة جداً ما تعتلش همي
انا اعرف ادافع عن نفسي كويس
ومشيت وهي بتضحك وفضلت ماسكة نفسها من العياط لغاية ما ركبت العربية بتاعت الجد
ومشي بيها
ومشي عمر هو وعليا وراهم
بعد ما بص لسمر بتهديد
و عليا فرحانة بقوة ورد بمواجهتهم
وبعد مامشيت ورد بالعربية انفجرت من العياط بطريقة تحرق القلب
والحجة فاطمة مش هاين عليها بحفيدتها
طبطبت على ايديها اهدي يا بنتي خلاص كل حاجة تمام احنا هانرجع لحياتنا وانت قديتي واجبك تجاه انسان مريض بحاجة حنان ربنا يديكي على قد نيتك
بعد.ما عدا نص الطريق نزلت ورد وجدتها واتكلمت مع السواق
ارجع القصر انا ورايا مشوار مهم وبعدين هارجع
بعد ما مشي السواق
خدت تكسي واتاكدت ان مافيش حد لاحقهم ورجعت هي وجدتها لبيتهم واول مادخلت وقعدت جدتها ع الكنبة حضنتها
وما وقفتش عياط
ما طلقنيش يا تيته
بس وعدني اول ما يرجع يطلقني
انا افتكرت انه هايتمسك بيا ويعترف بحبه
و يقولي لما ارجع هانكمل جوازنا وحياتنا مع بعض
لكن خاب ظني
انا تعبانة يا تيتة انا بحبه والله العظيم بحبه
وراحت نايمة في حضن جدتها من كتر العياط والتعب النفسي الي عاشت بيه الفترة الي فاتت وخصوصي ليلة مبارح الي سلمت بيها كل حصونها لحضن شهاب وملكته نفسها
نامت ودموعها على خدها وجدتها بتمسح على شعرها وهو كمان بحبك يا قلب جدتك بس بيكابر زيك بالظبط
بعد فترة رجع السواق بالعربية لوحده
وكان في انتظاره رجاله واقفين عشان يمنعو ورد انها تدخل
دادا عزيزة بتبكي من جبروت سمر وامين
يابنتي استهدي بالرحمن دا لو محمد بيه او شهاب خدو خبر هايطربقو الدنيا بلاش عشان خاطري
وسمر واقفة ولاكأنها سامعة حاجة وعيونها محمره زي الوحش
واول مادخلت العربية جريت هي والحراس
بصت ما لقتش حد بالعربية اتفاجئت وصرخت ع السواق
هي فين البنت النصابة فين
ارتبك السواق وجاوب بخوف
مدام دعاء نزلت في نص السكة
قالت عندها مشوار خاص وراجعة تاني
ودي كانت الخطة الي رسمها شهاب لان واثق ان عمته مش هاتسيب ورد فحالها
وبكده مش هايقدرو يوصلولها او يؤذوها
وهما ما يعرفوش حاجة عنها غير انها دعاء ....
ومن غير ما تعرف ورد
وظف شهاب حراس يراقبو تحركاتها ويحموها
لان خايف حد يأذيها
وكلف عمر يخلي بالو منها
لانه الوحيد الي قادر يحميها من الوحوش ..
اتكلمت سمر بانفعال
يعني ايه نزلت في نص السكة وراحت فين
وليه ما فضلتش معاها يا متخلف
يا ست هانم هيا رفضت وامرتني اني ارجع القصر
طيب غور من قدامي
اتنهدت بقهر
معلش ملحوقة يا بنت صفاء ان ما وريتك
ودخلت القصر والنار شاعلة جواه و وراها امين
حطت دادا عزيزة ايدها على قلبها اتنفست براحة هي وبتحمد الله ان ما طردتهاش من القصر وحصلت مصيبة
بالليل
نزل عمر وعليا بالحي الي ساكنه فيه ورد طلعو فوق عندها خبط ع الباب
بعد وقت فتحت ورد وعيونها متورمة ابتسمت لعمر وعليا اتفضلو اهلا وسهلا
حضنتها عليا بحب وقالت ازيك يا ورد
ردت ورد بحزن الحمد لله كويسة
انتو ازيكم
واطمنتو على الاستاذ شهاب والحج محمد
هز عمر راسه
وقال ايوا هما وصلو الحمد لله
وبصراحة انا جاي بطلب من شهاب
فتحت ورد عينيها منتظرة عمر يكمل
اتنحنح عمر واتكلم بجدية
ورد انتي لازم تجي عندي في البيت انتي والحجة
وقبل ما تعترضي في عندي ملحق هاتعيشي انتي وجدتك فيه لغاية ما يرجع شهاب هو بصراحة خايف
عليكم من عمته وجوزها عشان هما بدورو عليكي ارتعدت ورد
وقالت ليه بدورو
ما انا سبت القصر خايفين من ايه
عمر بغضب خايفين ترجعي للقصر عشان كدا هما مستغلين غياب الحج محمد وشهاب وعلى ما يبدو
عايزين يضغطوا عليكي عشان ترجعي تختفي من تاني دا على اساس انك دعاء وبصراحة شهاب خايف ياذوكي عشان ما تفكريش تورثي
انتفضت ورد و قالت بعصبية الله اكبر عليهم
ايه النفوس المريضة دي طيب افرض انا دعاء بجد هيا مستعدة تأذي بنت اخوها عشان الفلوس دا ايه الطمع دا
ابتسم عمر بتفهم
بالنسبة لسمر هو مش طمع بقدر ما هو حقد وغل على والدة دعاء وبتنتقم منها بيها
اما امين فهو الي طمعان يلهف كل حاجة
المهم دلوقتي
انتي ما عرفتيش حصل ايه بعد ما جيتي هنا
هيا كانت محضرة رجالة عشان اول ماترجعي القصر يطردوكي او يحبسوكي ماعرفش هي كانت ناوية على ايه
الحمد لله انك ما رجعتيش
اتصدمت ورد
ايه بتتكلم بجد
ضحك باستهزاء وقال اه والله دادا عزيزة اتصلت بيا وقالتلي
عشان كده هاتروحي تقعدي عندي انتي و تيته بركتنا طول فترة غياب شهاب
لانهم زي التعابين بيلدغو ويستخبو
مايقدروش يتصرفو بحاجة بوجوده
قامت ورد جابت قهوة وقالت بحسم
لا يا استاذ عمر انا بعد اذن حضرتك مش رايحة لاي مكان الي هايحميني ربنا مش غيرو ولو على استاذ شهاب كان قدر يحمي دعاء في الاول
المهم هما مش هايعرفو يوصلولي عشان مايعرفوش حاجة عني حتى اسمي الحقيقي ما يعرفوهوش
وانا متشكرة ليك واسفة على تعبك
اتنهد عمر بس يا ورد كدا شهاب هايفضل قلقان عليكي
ضحكت بحزن لا ما يقلقش ولا حاجة انا مسلمة امري لربنا ...ارجوك يا استاذ عمر اشكره بالنيابة عني وقله يخلي باله من جدو وبس
واذا عليا انا اعرف اتصرف
وقف عمر وقال خلاص زي ما انتي عايزة
وبالنسبة للشغل انتي في اجازة مع مرتبك لغاية ما تخلصي دراستك عشان انتي قصرتي كتير
اما تخلصي ترجعي لشغلك
ابتسمت بفرحة وقالت متشكرة سيادتك انا بالفعل بحاجة لوقت مضاعف في دراستي
نفخ عمر بيأس انتي يا بنتي ما بتزهأيش
ايه سيادتك دي دا انتي الي افضالك علينا
مع ان حياتك اتلخبطت بس هانعدلها
وضحك ومشي يلا سلام
عن اذنك يا ست فاطمة وخرج هو وعليا
اتنفست ورد براحة
الحمد لله يا تيته اني ساهمت بانقاذ حياة انسان وحاليا اتفضى بقا لمستقبلي والمبلغ الي مصر شهاب يدهولي اهو ابدأ فيه بمشروع حلو بعد التخرج
منا من النهاردة لازم ابدأ بالتخطيط لمستقبلي
شهقت ورد وهي بتفتكر شيء مهم
عارفة يا تيته في حاجة مهمة محدش حسب لها حساب
تيته هما يمكن يروحو الجامعة ويراقبو هناك لغاية ما يلاقوني
عشان كده اسلم حل اني البس حجاب وبكده شكلي هايفرق
ودا كان نفسي اعمله من زمان ايه رايك يا تيته
فرحت الحجة فاطمة ودعت ليها ربنا يحميكي يا بنتي الحجاب حصن وحماية للبنت
ربنا يوقفلك ولاد الحلال ويوفقك يا حبيبتي
واستمرت الايام و ورد بتذاكر كويس.... وكل يوم بتتصل بالحاج محمد على رقمه
بتطمن عليه وتديه توصيات يهتم بنفسه
وجرعة محبة
بتخلي نفسيته مرتاحة.... واتعمدت ما تتصلش على رقم شهاب عشان ما تسمعش صوته و تحن او تشتاق ليه
في شركة الدميري
دخلت سمر بكل فخر
لمكتبها بعد ما استولت على منصب ادارة الشركة بمساعدة امين
بحجة انها عايزة تتابع الشغل بغياب شهاب عشان خايفة عليه
و وقتها عمر اتصل بشهاب
و قله على الي حصل
وشهاب كان هايتجنن بس مش قادر يرجع ويسيب جده عشان لازم بقى
يعلمهم الادب ....وفهم عمر يتصرف ازاي وايه الصلاحيات الي
ممكن تستخدمها سمر في ادارة الشركة طول فترة غيابه
في مكتب سمر اتصلت بنيفين هي ومتعصبة
فينك كل دا بتلبسي
تعالي بسرعة عشان تستلمي شغلك
طيب ما تتأخريش
وقفلت السكة
وطلبت من السكرتيرة لميا تبعت ورا عمر
دخل عمر و وشه متعفر
صباح الخير يا مدام سمر
ردت بتكلف اهلا عمر جهزتلي مكتب نيفين
ايوا ومستني حضرتها تشرف
طيب تمام
ووقفت سمر وهي مش عارفة تتكلم ازاي
عمر هو انا ليه ما بوقعش على اي اوراق او صفقات
انا الي اعرفه ان شهاب دايماً بيتكلم عن توقيع اوراق وعقود .. وبعدين انا ازاي اقدر اعرف ميزانية الشركة ايه
ابتسم عمر طيب ما سألتيش الاستاذ امين الحاجات دي بتم ازاي
على العموم من غير ما تسألي حد
كل الي سألت عليه شهاب مسؤول عنه احنا بنبعتله فاكسات ولو احتاج توقيع
انا الي بوقع عشان انا مدير العلاقات العامة وشهاب مديني الصلاحية كمان ما تنسيش اني شريك بنسبة في الشركة
اما حضرتك مالكيش اي صلاحية غير انك تستقبلي العملا وتحددي مواعيد الاجتماعات
وقفت بعصبية انت بتقول ايه لا بقا دي تبقى مسخرة يا استاذ عمر
انت ناسي اني ابقى بنت محمد الدميري مالك المنشأة دي كلها
ومليش صلاحيات غير ودع واستقبل
ابتسم عمر بغل اصلاً ما حدش طلب تتعبي نفسك بالامور دي
وعلى كل حال و لا يهمك اتصلي بالحج محمد وقليلو عايزة توكيل بادارة الشركة وبكده تقدري توقعي وتنقلي ملكيات وكل الي نفسك فيه
اعتقد هو مش هايردك بص عليها باشمئزاز
انا عند شغل عن اذنك
خرج عمر ويادوب قادر يمسك نفسه
اتصلت سمر بأمين الحقني يا امين تعال بسرعة
وصل امين هو ومشغول في ايه قلقلتيني
اتكلمت بعصبية
عمر دلوقت قلي اني ماقدرش اعرف اي حاجة تخص اسرار الشركة لا الميزانية ولا الصفقات ولا حتى مقبول اني اوقع على اي حاجة
وقف امين زي المجنون يعني ما استفدناش حاجة مش هانعرف اي شيء يخص املاك ابوكي
ضحكت بقهر قال ايه انا ما حدش طلب مني اتعب نفسي وشغلتي هنا استقبل واودع هو فاكرني سكرتيرة
وقلي ان كان مش عاجبني اتصل ببابا وقوله يعملي توكيل
ابتسم امين بخبث ياريت والله بس مش هاينفع
خلاص ما تشيليش هم انا هحاول اتصرف قبل ما يجي شهاب
عند دعاء صحيت من النوم بعد العلقة الي كلتها من ادهم
اتسندت ع السرير بتعب ودموعها بتنزل وهي سامعة صوت ضحك ادهم مع بنت جايبها الشقة
قفل عليها بالمفتاح بعد ما ضربها
وسحب منها التلفون عشان ما تتكلمش مع حد
وقفت بانهاك وخبطت على الباب يا ادهم يا كلب افتح الباب وديني لخليك تندم على كل حاجة عملتها معايا
سمعت صوته بيستهزأ صح النوم يا حبيبتي
ايه اشتقتي للضرب عايزة تستفذيني ولا ايه
افتح الباب افتح يا جبان عايزة اشوفك بتسترجل عليا قدام شهاب لما يجي يخرجني من هنا ويموتك
فتح عليها الباب رجعت خطوتين لورى وهو مشي
ناحيتها رفع ايده ونزلها بقوة على خد دعاء وخرج زي ما دخل
قعدت دعاء على الارض وحطت ايدها مكان الالم وبتبكي بحرقة
في الشركة....
وصلت نيفين للشركة سألت على مكتب مامتها
وفي السكة سمعت صوت
مالوف لودانها
نبرة صوت حفظاها زي اسمها
مشيت ناحية الصوت على مكتب للموظفين
وشهقت لما شافت صاحب الصوت الي غيرلها حياتها
رفع احمد عينيه ناحية الباب
شاف نيفين وقفة وبتبص عليه
شكلها ولبسها متغير مية وتمانين درجة عن يوم الحادثة
حتى الالوان الي كانت مغطية وشها مش باينة خالص
نزل راسه على الورق وكمل كلام مع زميله
الي كان ببص على نيفين باعجاب
حركة احمد دايقت نيفين
الي ضربت الارض برجلها زي الاطفال ومشيت
مع ابتسامة احمد الي شاف حركتها
عند ورد
بعد ما خلصت دراسة ومع فرق التوقيت
اتصلت بالحج محمد الي كان نايم بفعل الدوا
واول ما سمعت صوت شهاب سكتت ودموعها نزلت
الو ورد ما بترديش ليه مش عايزة تسمعي صوتي
مشي ناحية الكنبة قعد عليها وسند ضهره ورفع راسه لفوق اتنهد باشتياق
ورد للدرجادي مش طايقة تكلميني او تطمنيني عليكي طب عاملة ايه بدراستك
كتمت صوت بكاها خادت نفس جامد اتكلمت برسمية اهلا استاذ شهاب كنت حابة اتكلم مع الحج محمد واطمن عليه لو سمحت
طيب وانا مش عايزة تكلميني ولا تطمني عليا انت بتعملي معايا كده ليه
انا دايقتك بحاجة عشان تتجنبيني بالشكل دا
ولا عشان الي حصل ما بينا
اطمني ياورد انا هاعوضك عن كل الايام الي عشتيها عندنا و هاديكي
وقفت وهي بتترعش مخنوقة من تفكيره كل حاجة عنده حلها بالفلوس
طيب والمشاعر والحب صرخت بقهر ارجوك ما تكملش انا اصلا نسيت الي حصل
ولو في حاجة مدايقاني فدا عشان لسا اسمي مربوط باسمك انت فاهم
ودي مش هاتعوضني عن صبري عليها
وقف هو كمان وصرخ بصوت عالي هو وبيخرج من عند جده اي مالك بتتكلمي كدا ليه انت اتجننتي تكلميني بالشكل دا
ايوا اتجننت يا استاذ شهاب وعقلي ها يرجعلي من غير فلوسك عقلي مش هايرجعلي الا بطلاقي ونسياني للابد
حتى الشغل مش ناوية ارجع اشتغل عندك بعد تخرجي وفلوس مش عايزة منك طلقني وبكده تبقى اديتني حقي
مش هاطلقك يا ورد على الاقل دلوقت
احنا لازم نقعد ونتفق على كل حاجة زي ما بديت علاقتنا باتفاق ننهيها باتفاق
وقفل السكة
وقفت بعد ما استجمعت نفسها وسمعت انكسارها لشتات
هو رفض يطلقني بس مش متمسك بيا
عايز يطلقني وجه لوجه
خلاص دي نهاية قصتنا خلاص اااااااه يارب اااه يا رب
بعد فترة
والايام بتعدي بدون تغير لروتين حياة ابطالنا
بدات ورد في الامتحانات الاخيرة لاخر سنه دراسية
بهمه عالية ونشاط حجابها مزين وشها الي زاد تألق وجمال
بس جواها مجروح وروحها حطام
الحج محمد عمل العملية
وصحته بتتحسن وباقي ايام لاستكمال نقاهته الطبية ويقدر يرجع لبلده
وبعد فترة اتحدد معاد رجوع شهاب مع جدو ووالدته لمصر
سمر مازالت بتشتغل بالشركة وبتغطي على امين يسرح زي ما هو عايز بالشركة
بس عمر مش مدي
لا سمر ولا امين غير الي هو عارفه وعايزهم يعرفوه.... وكلو تحت اشراف شهاب
دعاء بتحاول الهرب كل يوم وادهم بعد الدقايق عشان يقبض تمن دعاء
في مكتب نيفين قاعدة من غير ما تشتغل حاجة الا انها تنفذ اوامر سمر وامين
وكل يوم بتشوف احمد وهو متجاهل وجودها بس فرحان بتغيرها
وابتدت تدخل قلبه ببرائتها الي كانت مستخبية تحت قناع الاستهتار.
ونيفين بقت بتراقب تصرفاته وكل حاجة بيعملها
انهت ورد الامتحانات
و كا العادة بامتياز
تلفوناتها بقت قليلة نسبياً للحج محمد بحكم انه خلاص استقر وضعه
واغلب الاحيان مابيبقاش قادر يرد
يا في التمارين او نايم و السبب التاني
انها مش عايزة تتكلم مع شهاب وتتصدم معاه وكرهاه جداً مش قادرة تسمع صوته
ولو بالصدفة رد هو... تتكلم برسمية
لو سمحت اديني الحج محمد
وشهاب بعاملها ببرود وقسوة زي اول يوم شافها و عرفها
اتكلم عمر وشهاب قبل موعد الرجوع من السفر بيوم
وفضلت المكالمة تقريباً ساعتين كاملين واتفقو على حاجات كتير امور تتنفذ بسرعة وامور لغاية شهاب ما يجي
ويفاجئ الكل بمخططاته
الي بيرسمها وها يدي كل شخص زي ما بيستحق
الفصل التالي:اضغط هنا
- الفهرس يحتوي على جميع فصول الرواية كاملة: "رواية البديلة الدائمة " اضغط على أسم الرواية