رواية أحببتك لأنك حلالي الفصل السادس عشر بقلم أشجان
رواية أحببتك لأنك حلالي الفصل السادس عشر
مر شهرين على ابطالنا لم يتغير بهم شئ سوى :
تم خطبة هند وعبدالرحمن وكذلك شربف واروى وحددوا ميعاد لكتب الكتاب مع مالك وحورية وكذلك ميعاد الفرح
معاذ ويمنى وفاطمة وعز اعلنوا الخطوبة رسميا
سامر تقدم لجهاد وكان ردها انها لن تتزوج الا بعد الانتهاء واعلنوا الخطبة كذلك
انشغل ابطالنا كل منهم فى هدفه منهم من كان يعمل بجد واجتهاد ومنهم من كان يستعد لاستقبال الامتحانات
*****
فى الجامعة :
هند : عمتى يا عمتى
حورية : كان يوم هباب على دماغك ..نعم
هند : خطشيبى عامل اى
حورية : حد يناولنى الشبشب ده بالله عليكم بس
جهاد : يا بنتى ركزى مش فاضل غير اسبوع ع الامتحان
اروى : والله انا قلقانة
جوجو : لا والله ان شاء الله خير
هند : انتى من يوم ما اتجوزتى وانتى بقيتى عاقلة
جهاد: افصلوا وركزوا بقا عاوزين ننجح
حورية : قومى يا بنتى نمشى خليهم هما كدا
هند : لا والله خلاص
حورية : طيب انا مش هنزل الجامعة تانى ان فى حاجة نتجمع عند واحدة وننجز
البنات : تمام
حورية : طيب يلا بقا ولا اى
جهاد : ايوة يلا لانى جبت اخري
حورية : يلا يا حبيبتى ربنا يقومك لينا بالسلامة
جهاد : اللهم اميييين
حورية : اخر يوم الامتحانات هننزل نحضر حاجة كتب الكتاب ماشي يا بنات
جهاد : ربنا يتمم لكم على خير
حورية : اللهم امييين
انصرفوا الى منازلهم ليستعدول للامتحانات التى لم يتبقى عليها الكثير
*****
على الهاتف :
حورية : يعنى هتخلص شغلك امتى كدا
مالك : مش ليكي دعوة بيا .. انتى عاوزة اى
حورية : لا مش هقولك غير لما تقولى
مالك : بطلى عند بقا يا ستى هكون مبسوط وانا بعملك اللى انتى عوزاه
حورية : بس مش على حساب صحتك يا مالك
مالك : والله انا بحب اسمى منك مش كنت مصدق اول مرة قولتيه كان بعد الخطوبة بشهر
حورية: ههههههههههه توه فى الموضوع توه .. يابابا اسمك فيه رهبة كدا وبعدين بيكون من رهبة الموقف وبتيجي لوحدها
مالك: ماشي يا ستى
حورية : لا ركز ستك ولا بنتك
مالك بحب : ستى وبنتى واختى وصحبتى وامى و.. ثم تابع طيب شوية وهكلمك
حورية : تمام
ابتسمت عندما اغلق معها الهاتف فهى تعلم ما يمر به فهى ليس اقل منه وفقد كان على وشك ان يعترف لها بحبه ولكنهم عاهدوا الله وانفسهم الا يفعلوا الا فى الحلال
صلت ركعتين ثم امسكت بالدفتر سجلت اليوم والتاريخ والوقت كالعادة واخذت تبث اشواقها وحبها له على هيئة كلمات من الشعر والخواطر وكذلك هو ...
هاتفها بعد قليل ابتسمت عندما سمعت صوت هاتفها
مالك : انتى بتعملى فيا اى
حورية بخجل : احسن دلوقتى
مالك بتنهيدة : الحمدلله
حورية : الحمد لله .. قولى هتخلص امتى
مالك : بخلص على 3 كدا
حورية : طيب بص عندى حل بعد ما تيجي ان شاء الله تصلى العصر وتتغدى وترتاح شوية وتبقى تيجي بعد صلاة العشاء ساعة واحدة انا شاطرة والله بس فى حاجات واقعة خايفة تأثر على المشروع وتمشي تروح تنام لانك بتصحى بدري عشان الفجر والشغل
مالك : حاضر من عيونى
حورية : يسلموا عيونك .. يلا بقا تصبح على جنة ..
مالك : اصبح عليكي
اغلق معها الهاتف ثم غط فى ثبات عمييق وكذلك هى ...
******
مر شهر الامتحان صعب على الجميع وخاصة حورية لان من طبيعتها ايام الامتحانات قلقها وتوترها الى يدفعها لاي تصرف دون تفكير ولكن كان هناك من يتفهم وضعها ويحتويها وكذلك ساعدها كثييرا حتى انتهت من هذا الترم ...
هند : لوووووووووولى خلصنااااااااااا
حورية : ترم اول بس يا حبيبتى
اروى : وهنكتب الكتااااااااب
هند : وهنعلى الجوااااااااب
حورية : محسسنى انكم هتتجوزوا فوقوا يا اختى لسة شوية
اروى : مش مشكلة .. هتجوز هتجوز
جهاد : كنا بنقول اروى عاقلة
جوجو : العوض ع الله
اروى بدلع : الحب يا امير
حورية : ههههههههههههه شريف يسمع
هند : ودونى على بيت حبيبى
حورية : لا بالله خليكي مكانك
هند: هه لا بودى حبيبى مش هيقول لا
حورية : ههههههههههههههه بس يا اوزعة
جهاد : طيب هنروح نشتري الحاجة ولا اى
حورية : ان شاء الله ب هكلم البنات اشوفهم فين واستأذن بابا ومالك وكل واحدة فيكم تستأذن جوزها وخطيبها
هاتفت حورية البنات واخبرتهم بمكانها واستأذنت والدها وكذلك مالك الذى ظل يشاكسها قليلا
مالك : مش تتأخري وخلى بالك من نفسك ومن البنات
حورية : حاضر .. ابقى عدى على روجى علشان زعلانة منك
مالك : هههههههه من عيونى ... ابقى ابعتي لى الصور بتاعة الفستان
حورية : ههههههه بعينك يا ابابا سلام
ثم اغلقت الخط وذهبت الى صديقاتها وانطلقوا فى جولة من الشراء والتسوق حتى انتهوا
حورية بفرحة : مش مصدقة انى لقيت الفستان اللى عوزاه
جهاد : بجد ماشاء الله جميل
حورية : حبيبتى يا جوجتى
حورية : طيب خلاص ولا ناقص لكم حاجة
البنات : لا كلنا تمام
حورية :طيب يلا بقا نروح لان الوقت اتأخر ومش هنلحق العصر كدا
جهاد : يلا لانى تعبت
حورية : لا بالله عليكي كتب الكتاب يعدى واعمليها براحتك والباشا بتاعى ينور جوز بنتى الغالى
جهاد:هههههههههه يلا يا اختى
حورية : يلا .. والله هتوحشونى فى التلت ايام دول .. ان شاء الله هنتجمع عندى فى البيت نتجهز كلنا والشباب هيكونوا عند مالك فى البيت
هند : اشطا عشان نعرف نرقص
حورية : حد يسكتها عشان مش اضربها
جهاد : مبارك يا حلوين عقبال الفرحة الكبيرة
هند : ياااااااااارب عاوزة اخلص
جهاد : ههههههههههه مستعجلة على اى اصبري اصبري
حورية : ههههههههههههه سبيها ويلا انتى والبت جوجو لانكم تعبتوا عانا النهاردة .. ودعت صديقاتها
ذهبت كل واحدة باتجاه منزلها للاستعداد لكتب الكتاب الذى سيقام بعد ثلاث أيام
******
تجلس فى غرفتها تخطط لما ستفعله لحبيبها بعد ان تصبح زوجته كانت مشاعرها متضاربة من سعادتها انتهت من خطتها وتحضير الانشودات التى تحبها ثم وضعتها فى درجها المخصص لمالك فقط .....
سمعت جرس الباب استغربت من سيأتى لهم الان ارتدت اسدال الصلاة ثم خرجت لتفتح الباب
حورية باستغراب : مالك .. اتفضل
مالك : حمد الله على السلامة .. كفارة يا ستى عقبال التخرج بأعلى تقدير
حورية : انا كل سنة بجيب امتياز بس السنة دى نسبتى هتزيد متأكدة من كدا
عبدالرحمن : اهلا ابو نسب
مالك : اهلا بالعريس
روجى : باابااااااااا
مالك : حبيبة بابا تعالى
روجى : انت مش بتيجي لى من زمان
مالك : لان ماما كانت عندهاا امتحان وكان لازم تنجح عشان نجيب حاجة حلوة كبيرة لروجى
روجى : هيييييييييه .. شوفت الفستان الجديد
مالك نظر لحورية : هههههههههههه لا حكم القوى انتى عوزانى اشوفه
اريج : اه
حورية : هههههههه مش تحلم ده فستان اشتريته ليها وانا بجيب حاجتى
عبدالرحمن : البت حور دى مش لها حلحلفت على البنات كل واحدة مش تعرفنا لون الفستان ولا شكله ولا حتى صورة له
مالك : مش تقول بت بس لازعلك
حورية : الله مش عنصر المفاجأة
مالك : ماشي يا بتاعة المفاجأت
حورية : دا انا هبهرك بس اصبر
مالك : يا خوفى ولله
حورية : لا تقلق يا عزيزى
اريج : انت هتلبس اى يا بابا
مالك : انى عوزانى البس اى
اريج : عريس وانا لابسة عروسة ونكون زى بعض
مالك : ههههههههههه الحقى انا بتشقط منك
حورية بثقة : لا ما تحلمش كتير محدش سقدر يعملها
مالك : طيب انا همشي بقا وانتى ارتاحى شوية
حورية : لا استتنى بس ثوانى
عبدالرحمن : ايوة بقا انزلى بالكيك والعصير
مالك : اتجوزها وقابلونى ان خليتها تعمل لكم حاجة انتم تاعبينها خااالص
عبدالرحمن : يا حونين
مالك :لم نفسك احسن لك
عبدالرحمن : اوكشن يا كبير
دخلت حورية الى الغرفة وهى تحمل الاطباق بها سلطة الفواكه التى اعدتها منذ قليل
عبدالرحمن : اى ده انا بحسب كيك .. يلا ميضرش
مالك : طفس والله .. تسلم ايدك
حورية: بالهنا والشفا
عبدالرحمن : اممممممم واى كمان
قذفته حورية بالوسادة التى كانت موجودة على الاريكة : هزعلك
اطعمت اريج وجدتها غفت بأحضانها استأذنت لتدخلها غرفتها
مالك : نامى معاها انا كدا كدا ماشي
حورية : لا ثوانى وجاية
مالك : خلاص والله ما انتى جاية انا مش غريب اسمعى الكلام وروحى ارتاحى هعدى عليكي بكرة نختار الدبل
حورية : هنتظرك ان شاء الله
مالك : ان شاء الله
حورية : تصبح على جنة
مالك : اصبح عليكي
عبدالرحمن: كيس جوافة قدامك انا
مالك : غور ياض من هنا
عبدالرحمن : اى الاحراج ده
حورية : هههههههههه سلام
ذهبت الى غرفتها احتضنت اريج ونامت فى سعادة
استيقظت على صوت هاتفها علمت من المتصل فلن يجرأ غيره على الاتصال فى هذا الوقت اعتدلت من نومتها ثم اجابت
مالك : سلام الله عليكم
حورية : وعليك سلام الله
مالك : لسة نايمة
حورية: حوش انت اللى صاحى من بدري باين على صوتك اساسا
مالك : هههههه ماشي يلا بقا عشان القيام
حورية: حاضر .. انت هتيجي على امتى كدا
مالك : اى رأيك نتغدى برا ونشترى الدبل وبالمرة تختارى بدلتى
حورية : كل الكلام ده جميل بس انا مش بعرف ولا بحب اكل برا تعالى اتغدى معانا ونمشي
مالك : هشوف واعرفك ان شاء الله
حورية : ان شاء الله
مالك : يلا اقفلى وروحى صلى
حورية : حاضر يا افندم وهو كذلك .. فى رعاية الله
مالك : فى حفظ الله ورعايته
*****
مر الوقت بسرعة واتى مالك على الغداء تناولوا الطعام ثم ذهبوا ومعهم اريج .. اختاروا الدبل المناسبة لهم وحفروا عليها اسماءهم ثم اشتروا بدلة مالك
فى السيارة :
مالك : ناقص حاجة تانى
حورية : لا الحمد لله كدا فلة
مالك : طيب مش محتاجين حاجة
اريج : ايس كريم
مالك : بس كدا عيونى .. هتاخدى ايس كريم زى روجى ولا عاوزة حاجة تانية
حورية : لو فى عصير قصب تمام مفيش مشيها ايس كريم
مالك : تحت امرك يا حوريتى
ذهب مالك واشترى كل من الايس كريم والعصير وعاد اليهم
حورية بعتاب : لى كل ده الاتنين كتير
مالك :مفيش حاجة تكتر عليكى شاورى بس
حورية : ربنا يبارك لى فيك يارب
اريج: الايس كريم ساح على فكرة
مالك: ههههههههه ماشي يا لمضة
حورية : مالك مش المسجد له قاعة مناسبات
مالك : ايوة .. بس دي قديمة
حورية : مش ممكن ننضفها ونزينها ونعمل كتب الكتاب فيها اى رأيك ..البنات هيجهزوا عندى والشباب عندك
مالك : فكرة جميلة والله بالمرة تاخد الناس اللى هتحضر
حورية : لانى هعزم كل معارفى لان ده هيكون بالنسبة ليا الفرح
مالك : خلاص تعالى نروح نشوفها ونقرر
حورية : يلا يا سيدى
ذهبوا الى المكان واعجبوا به بشدة
حورية : عليكم انتم بس تنضفوه من التراب وانا هزينه وهظبطه هنزل بكرة نشترى الحاجة
مالك : طيب تعالى نشتريها دلوقتى
حورية : خلاص نصلى المغرب ونمشي
مالك : تمام
اشترت حورية كل مايلزمها من مستلزمات لتحويل القاعة الى مكان خيالى ثم اوصلها مالك الى المنزل وحمل اريج التى نامت بالطريق ودع الجميع ثم رحل الى منزله .....
*****
فى الصباح ذهبت الى المكان وزينته كما تريد وبعد ان انتهت عادت الى منزلها لترى ماذا تفعل ....
*****
يوم كتب الكتاب :
لم يغمض لها جفن تلك الليلة من فرط سعادتها ذهبت الى المطبخ واخدت تعد كافة الاصناف التى يحبها زوجها .. نعم اليوم بمشيئة الله سيصبح زوجها امام الله ورسوله وامام الجميع بعد قليل اجتمع البنات وتحول المنزل الى حالة من الفوضى العارمة ...
*****
فى منزل مالك : كان كل من مالك و عبدالرحمن وعز ومعاذ وشريف وكريم وسامر ومحمد واحمد ووالد اروى ووالد هند
اما فى منزل حورية : ليلى وعفاف ومنى ووالدة اروى ووالدة هند وجهاد وهنا وجوجو وهند واروى ويمنى وجوجاا وفاطمة واريج وبالطبع حــــــــــــــوريــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــة
حورية بفرحة : لوووووووووووووووووووووولى
جهاد : ايوة البت اشتغلت من دلوقتى
جوجو : ههههههههههههههههه من الفرحة
حورية : فعلا من الفرحة والله .. عارفين انا كنت خايفة يجي اليوم ده واكون لوحدى بحكم انكم اتجوزتم وبقا عندكم مسؤليات تانية قولت اكيد هينشغلوا وانا عذراكم والله خفت اجوازكم يا خدوكم منى وقتها كنت هبقى وحيدة بجد بس اللى طمنى بجد السيد جوز جهاد يوم فرحها يوم الحنة قلبتها مناحة من العياط مش كنت مصدقة ان جهاد اللى قدامى دى خلاص فرحها بكرة يوم الفرح فى الاستوديو قالى حاجة عمري ماهنساها
"فلاش باك"
كانت تقف على باب غرفة التصوير تنظر لها بسعادة فها هى رفيقة دربها وتوأم روحها ترتدى الفستان الابيض وتمسك بيد زوجها يزين وجهها الملائكى ابتسامة نابعة من اعماق قلبها لاحظ شرودها زوج صديقتها
السيد : على فكرة انا مش هاخدها منك هى اختك وانتى كمان اختى ومن النهاردة مش تمنعى نفسك من البلد عشان جهاد اتجوزت البيت بيتك فى اى وقت وانا هسافر ابقى تعالى اقعدى معاها لو عاوزة تباتى معاها ده بيت اخوكى واختك وشكرا على وقفتك معاها محدش بيعمل كدا الايام دى ربنا ما يحرمكم من بعض
اكتفت ان هزت رأسها بالايجاب وهى تبكب وتبتسم معا لم تستطع ان تقاوم فرحتها برفيقة دربها
"باااااااااااك"
حورية : وقتها حسيت ان جهاد لسة فى حياتى مش طلعت منها زى ما كنت متخيلة ولحد الان معايا بتساندنى فى اى قرار ولما بحتاجها بلاقيها معايا ربنا ما يحرمنى منها ولا منكم جميعا
ولا يوم فرح جوجو والبت هند الاسعة الا تروح لها يوم الصباحية كانت هتموتنى من الضحك قعدنا نعمل خطط انا وهى وفى الاخر مش روحنا لانى اتسرقت كان يوم مسخرة والله هههههههههههه انا اساسا كنت خايفة اروح محمود يطردنى فاكرة يا جوجو لما كنتى بتكلمينى عشان بشرحلك حاجة ولما اتصل ومش رديتى قالك خلى صحبتك تنفعك او اقطعى علاقتك بيها ههههههههههه هموت والله هو انا كنت بحب فيكي دا انا كنت بشرحلك كود برمجى بسيط للغاية
انفجر الجميع فى الضحك والتفوا حولها تساقط من اعينهم دموع الفرح
هند : اى بقا دا انا النهاردة فرحى عاوزة ارقص
حورية : يلا
اندمج الجميع فى الرقص والفرحة ثم انتهوا وذهبت كل منهم لتجهز حالها
ارتدت البنات جميعهم نفس لون الفستان باللون الرمادى الهادئ بينما ارتدت هند فستان بلون السماء واروى فستان باللون النبيتى الغامق اما عن حوريتنا فقد كانت اخر من خرج من غرفته ترتدى فستان باللون الاوفوايت يشبه فساتين الاميرات عليه خمارها ونقابها وضعت تاجها على رأسها وخرجت من غرفتها صدم الجميع مما رأوا فعم الصمت المكان قطع هذا الصمت صوت عفاف :لوووووووووووولى
ليلي : تبارك الخلاق يا مرات ابنى
منى : مبروك يا وردتنا
جهاد وهى تحتضنها : مش مصدقة .. مالك بتترعشى كدا لى
حورية : مش عارفة
يمنى : بجد والله مش عارفة رد فعل مالك اى من فرحته
حورية بدموع : بجد
هند : يا بنتى اقل ما يقال عنك ملاك ربنا يحفظك
فاطمة : اهدى انتى مش داخلة حرب
جوجاا: يا حورى اى الجمال ده
هنا : انتى زعلانة انى لبست النقاب قبلك اهو انتى احسن منى
حورية : هههههههههههه
جوجو : يلا ولا اى
حورية : عاوزة اعرف بس هما فين مش عاوزة ماك يشوفنى دلوقتى
يمنى : استنى
ثم هاتفت مالك
مالك : ايوة يا يويو
يمنى : فينك ياعريس
مالك : فى البيت .. محتاجين حاجة ولا اى
يمنى : لا بس بشوفكم فين .. هتنزلوا امتى
مالك : انا اللى معطلهم هما جاهزين انا بلبس اهو
يمنى : طيب ابعت بابا و عمو احمد وبابا هند وبابا اروى
مالك : خلصتوا
يمنى : ايوة .. بس عاوزين ننزل قبلكم عشان مش تشوفونا
مالك بابتسامة :حور اللى قالت كدا صح
يمنى :صح
مالك : حاضر هبعت هم لك .. ولما توصلوا عرفونى عشان نطلع
يمنى : من عونيا
اغلقت يمنى الهاتف مع اخيها واخبرتهم بما حدث التف البنات حول حو مرردين مع فاطمة
يا عروسة ياعروسة ياعروسة
ياقمراية يا حتتة بسبوسة
بكرةبالفستان والطرحة
هيمسك ايدك ملوكة
ويحبك يا احلى بنوتة
حورية : هههههههههههههههه
دخل والدها أدمعت عيناه عندما رأها كالحوريات احتضنها بشدة قبلت يده وبكت فى احضانه ها هى صغيرته اليوم ستكتب باسم رجل اخر
محمد : تبارك الخلاق فيما خلق .. يابخت مالك بيكى يا بنتى والله حورية: شكرا يا بابا
احمد : يلا
امسك كل واحد منهم بيد ابته وخرجوا جميعا فى وسط جو حافل من الزغاريط من منى وعفاف
وصلن الى القاعة اخيرا وكان اجمل ما فيها انها تطل على المسجد مباشرة مما سيجعلهم يستمعون الى المأذون
لحظات واجتمع الاطفال يستلمون لعبهم وهداياهم ووصل المأذون وكذلك الشباب وبدأت المراسم وكان مالك هو من سيبدأ دق قلبها بعنف وارتعش جسدها امسكت جهاد بيدها وحاولت تهدئتها
جهاد : اهدى اهدى اهدى ده حبيبك
حورية بدموع : انا بتجوزه صح
جهاد بابتسامة : صح
ارتمت فى احضانها تبكى وتضحك لاتصدق ما يحدث معها من فرحتها وكان كذلك هو الاخر استمعت الى المأذون بكل جوارحها ولكن عندما سمعت قول " بارك الله لكما وبارك عليكما وجمع بينكما فى خير " كاد ان يغمى عليها فقد اعلن قلبها الاستسلام فد اصبحت زوجته وحبيبته
جهاد : مبااارك يا حورى
حورية : بقيت مراته صح
جهاد : صح
لم تتمالك نفسها واطلقت العنان لنفسها تعبيرا عن فرحتها ظلت تطلق الزغارسط ولم تشعر بنفسها وسط تعجب من حولها لحالتها تلك ثم خرت ساجدة لله شكرا له تبكيه فرحا وشكرا على نعمته وعلى عوضه صبرت فنالت .. عفت فوجدت حقا سبحانه جل شأنه فعوضه كان خير ....
عندما اصحت زوجته ابتسم بفرحة تتجمع الدموع قى عيناه سمع صوتها فلم يقوى على الانتظار استأذن منهم ودلف الى القاعة بحث عنها لم يجدها لمح فتاة تسجد لله شكرا ذهب اليها وسجد بجوارها ظلوا يبكون لله سويا فرحتهم عجزت الدموع والبسمات عن التعبير عنها نهض من سجدته ورفعها من على الارض شعرت به عندما امسك بها اغمضت عيناها صدم عندما وجدها بالنقاب فقد كان على علم بأمنيتها ولكنه لم يتخيل انها ستكون بهذا الجمال
احتضنها .. احتضنها بقوة مرددا : ماشاء الله تبارك الخلاق فيما خلق ما شاء الله ولاقوة الا بالله اللهم احفظها وبارك لى فيها
بادلته الاحتضان وهى تبكي بقوة وتتمسك به كالغريق الذى وجد منجاته اخييرا ظل يناجى ربه وهو يحتضنها ولكنها مازالت تبكى
مالك بدموع : اهدى انا معاكى
همست له : انا بحبك يا مالك .. بحبك وبموت فيك .. احضنى جامد مش عارفة اوقف دموعى
هوى قلبه من مكانه عندما سمع اعترافها له احتضنها بقوة اكبر كأنها ستهرب منه هامسا هو الاخر : وانا بعشقك ياروح قلب مالك من جوا .. يا عوضى ويا صبري ..يادنيتى الحلوة ثم رفعها عن الارض ولف بها وهو مازال محتضنا اياها
هند : اعاااااااااا على فكرة انا سنجولة هنا والله حرااام عليكم
خجلت حورية وكأنها للتو تذكرت من حولهم دفنت رأسها فى احضانه بخجل همس لها : انتى مراتى مش تتكسفى ثم قبل رأسها ويداها
مالك : على فكرة انتى فصيلة هخلى عبدالرحمن يطلعه عليكي
ليلى : مبرووك يا حبايبى ربنا يسعدكم يارب ويرزقكم الذرية الصالحة
عفاف : مبروك يا ولادى
التف حولهم الجميع يباركون لهم وهو مازال محتضنا اياها ويتلقون التهانى دخل عبدالرحمن وشريف ايضا بعدما انتهوا واعلن زواجهم
عبدالرحمن : مبروك يا اوزعتى
هند : الله يبارك فيك يا حبيبى
عبدالرحمن : انتى قولتى اى
هند بخجل : حبيبى
حملها عبدالرحمن ولف بها قائلا : بحبااااااااك يا هند
شريف مقبلا يداها : مبروك يا حبيتى
اروى بخجل : الله يبارك فيك
شريف : بس كدا
اروى : احم يعنى .. انا بحبك ا شيفو
شريف حاملا اياها : اووووووووه بحبااااااك يا اروتى
جلسوا فى الاماكن المخصصة لهم لهذا الاحتفال
مالك : مبارك عليا انتى .. نورتى حياتى
حورية : ربنا ماا يحرمنى منك
مالك : انتى حلوة فى النقاب .. لى اختارتى انك تلبسيه النهاردة
حورية: لان من النهاردة انا بقيت مراتك يعنى ملكك يعنى محدش هيشوف وشي غيرك انت وبس
مالك : لو الاقى كلمات توصف اللى جوايا ليكي .. بس مش لاقى
حورية : طيب اسمع بقا
مالك : اسمع اى
حورية : لما اشاور لك تعالى
مالك : هتعملى اى فهميني
حورية : هتعرف دلوقتى
ذهبت باتجاه المايك ثم امسكت به قائلة :
لما اتسألت نفسك زوجك يكون ازاى
- عايزاه راجل ، راجل بمعني الكلمة عوزاه يشبه للناس الطيبة الاصيلة بتاعت زمان الي كان الراجل يتعصب فيها ع الست وبعدين يروحلها بوردة يصالحها.
-عايزاه جدع لما يكون عندي مشكلة يقولي طب خلاص انا هحلها متقلقيش.
-عايزاه مجنون و نجرب كل حاجة مع بعض..و في نفس الوقت يبقى زوج صالح عارف ربنا و يقربني منه و يكون إمامي في كل صلاة.. يكون زي ما اختارني في الدنيا نوصل مع بعض للجنة
-عايزاه يطمني ، ابقى مطمنة اني سايبة راجل انا واثقة فيه لو في مليون ست أجمل و احلى مني يبقي مش شايف غيري انا .. و شايفني احلى من الكل ومالية عيونه و قلبه و شاغلة تفكيره.
-عايزاه اكون معاه حاسة بأمان عارفة ان ليا ضهر وسند قدام اي حد يجي عليا .
-عايزاه احس معاه ان روحي خفيفة لا انا بتصنع في شكلي ولا طريقة كلامي لاء هو بيحبني بشبشبي ابو صباع وشعري المنكوش "ههههههههههه سورى على التعبير ".
-عايزاه يقدرني ويقدر مشاعري وأفكاري وطموحاتي وميتفهش منها ويشجعني اني اطلع لقدام، ولما انجح يكون اول واحد واقف فخور بيا.
-عايزاه لما احس ان كل الدنيا جت عليا اجري عليه يطمني ان كل حاجة هتبقى كويسة وانه معايا مهما حصل.
-عايزاه يحبني دلوقتي وبعدين وبعد ٥٠ سنه
-عايزاه ميقفش ع الكلمه زي العيال ويتقمص ويعرف كويس اني عمري ما بزعل حد بقصد هو بس لساني ساعات بيبقى دبش حبتين
-عايزاه يكون طموح وعنده هدف عاوز يوصله و انا هشجعه.
-عايزاه يكون حمش كده ويغير عليا بس في نفس الوقت ميقوليش انتي قولتي لعم سعيد المكوجي شكرا ليه ؟.
-عايزاه يكون بيحبني علشان انا نفسي ،، مش عاوز يغيرني ولا يغير شخصيتي لاء هو بيحبني بعبلي كده.
-عايزاه يكون أب ،، حنين علي اولاده وكريم معاهم في مشاعره،، الفلوس مش كل حاجه بين الأب وولاده.
-عايزاه أب لولادي يفتخروا بيه،، مش بمنصب أو فلوس لاء عايزاهم يفتخروا بحب ابوهم ليهم وحنيته عليهم و عليا ،، عوزاهم يزعلوا اما يقفل باب البيت ويفرحوا فرحت العيد لما يرجع.
-عايزاه لما اكون تعبانه الاقيه سهران جنبي يطمن عليا وخايف ينام اتعب .. ميتكسفش يبوس راسي او يمسك ايدي او يطبطب عليا او يأكلني او اني اسند راسي على كتفه قدام الناس.
ميتكسفش يساعدني في البيت و هو حد عندنا .. ميستكبرش يقولي تسلم ايدك و يقدرني و يقدر تعبي.
-يبقى كل شئ مشترك بينا .. تربية الاولاد و مذاكرتهم و خروجهم و مسؤوليتهم .. يساعدني فيهم نطلعهم مرتاحين نفسيا .. يساعدني من اول تغير البامبرز لحد ما نشيل اولادهم .. ميكونش الاب اللي كل مهمته في الحياة يجيب فلوس و بس و يوم ما يغلطوا يقول عيالك و تربيتك .. !!
-لو انا غلطت في مرة .. يبقى قدام الناس انا صح و يدافع عني و يخلقلي 100مبرر .. و يجي بيني و بينه يفهمني و يكلمني و يعاتبني.
-يثق فيا .. و يتقي ربنا في بيته .. يكون بيعرف يتفاهم .. لو انا متعصبة يهدى هو .. و مافيش خناقة تبات لتاني يوم ..
عايزة بيت مريح و مبهج و مليان حب و اهتمام و تقدير و سعادة و أمان و تفاهم و ثقة
وطبعاا مفييش حد بيلاقي كل الي بيتمناه لاكن الانسان لازم يحلم ويتمني واخييرا يدعي ربنا يحققلة كل ما يتمني ويكتب ليه الخير
انتهت من كلماتها وجدته ينظر اليها بفخر واعتزاز تذكر الورقة التى ارسلتها له مع يمنى وكان محتواها :
مبدئيا لا يوجد رجل كامل ولا أنثي كاملة فما كامل إلا الله تعالي يعني لو حصل نصيب عايزة حضرتك تكمل النقص اللي فيّ وأنا أكمل النقص اللي في حضرتك
كل ما أعرفه أنني أريد رجلا لا يكون مدخنًا
أريد رجلا لي رجلا معي وليس عليّ أريد قلبا نقياً
أريده ان يُعينني على دخول الجنة وأُعينه علي دخول الجنة
أريد أخا وأبا وصديقا قبل ان يكون زوجا وحبيبا
أريد رجلا يوقظني يوميا لصلاة الفجر حاضرا وبقراءة الوِرد اليومي من القرءان معا وتلاوة الأذكار معا
أريد رجلا تكفيني عيونه عن فهم قلبه وتكفيه عيوني لفهم قلبي
أريد رجلا أثق به وأحبه ويجعلني ملكا فقط له
أريد رجلا ذكر الله لا يفارق لسانه وطاعة الله لا تفارق حياته ونور الله لا يفارق وجهه وحب الله ورسوله لا يفارق قلبه
أريد رجلا يحب أهله حبا جما أكثر شيئا في الدنيا بعد حب الله ورسوله ثم يأتي حبه لي ويرضي الله رضا لا مثيل له
أريد أن أكون سبب لسعادته وأن يكون سبب لسعادتي
أريده ان يحب أهله ويحب أهلي ويراعي الله فىّ كما سأراعي الله فيه
أريد رجلا يبتعد عن كل ما يغضب الله
أريد رجلا لا مجال للشك بيننا فقط تكون العلاقة بيننا قائمة علي الإخلاص والثقة والاحترام والكرامة والأخوة والحب المتبادل
أريد رجلا يبتعد عن طريق المعاصي ليكسب لرضا الله وليس ليكسب رضا البشر
أريد من يساعدني على تحمل الحياة ومصاعبها تكون حياتنا قائمة علي المشاركة وتبادل الآراء والمسؤولية ليس ان اعتمد عليه في كل شيء تحت مسمي انه الرجل أو يعتمد علىّ تحت مسمي أنني الزوجة بل أريد حياة قائمة علي المشاركة والود والتقدير ليس السيطرة أو تحمل المسؤولية من طرف واحد فقط
أريد رجلا يكون لي اماناً في الدنيا ورفيق للجنة في الآخرة
أريد رجلا يكون لي ملجأ في حزني وفي فرحي
يكون صدره مكان اطمئناني وقلبه عنواني
أريد رجلا أضع يدي بيده لتخطي مشاكل الحياة وصعابها
أريد رجلا حقيقيا لا نتشاجر معا نهائيا بل لا تفارق البسمة وجوهنا ولا الحب يفارق بيتنا ولا تفارق السعادة حياتنا أريد رجلا لا يترك يدي في اي مشكلة تقابلنا بل يتمسك بها أكثر لتخطيها معا
أريد رجلا لا يتخلي عن أهله لأجل أي شيء بل يضحي بأي شئ لأجلهم لأن بنظري هذه هي الرجولة الحقيقية
أريد رجلا يتقبلني بكامل عيوبي ومميزاتي واتقبله أنا أيضا كذلك
أريد رجلا طيبا حنونا وابنا بارا بوالديه لأنه سيكون والدا حنونا محبوبا من أبنائه في المستقبل ان شاء الله
من الاخر أريد رجلا بكل معني الكلمة وما تتضمنه من معني وليس فقط رجلا بالاسم
فقط أريد رجلا
دي الشخصية والصورة اللي أتمنى يكون زوجي عليها عاوزة رأي حضرتك فيها
دي الحياة اللي بحلم بيها بس مش يهمني اي حاجة تانية لا فلوس ولا بيت ولا اي حاجة في الدنيا
عندي أعيش في عشة صغيرة مليانة بالحب وطاعة ربنا أهون من قصر مش فيه طاعة ولا حب ولا احترام
ووعد مني لو حصل نصيب هكون ليك الأم والأخت (مع مراعاة الفرق والمقام بينا طبعا) والصديقة والزوجة المثالية وكرامتك من كرامتي وحزنك حزني وفرحك فرحي ومش هسيبك لوحدك طول عمري وهفضل معاك في كل خطوة وكل حلم وعمري ما هتخلي عنك أبداً ومش هخلف بوعدي ليك طول ما انا لسة بتنفس وعايشة وهتنازل عن اي حاجة في الدنيا مقابل سعادتك واستمرار حياتنا مع بعض ان شاء الله وفي النهاية ربنا يكتب لك الخير في حياتك سواء كان معايا او مع غيري وربنا يسعدك
ابتسم بدموع عندما اشارت اليه ذهب اليها امسكت بيده قائلة وهى تنظر فى عينيه : من وانا فى اعدادى دايما بيقولولى مش هتلاقى اللى يرضي بيكي بشخصيتك دى بس انا لاقيته
قالولى لو لاقتيه هيمشي بس هو فضل معايا قالولى لوفضل هيزهق منك وهيخونك بس هو مش زهق قالولى معقدة ونكدية هو خلانى فى عيونه ملاك قالولى هيسبك محدش هيوافق انه مش يمسك ايد خطيبته انتى اى تفكيرك الفرعونى ده بس هو مش مسك ايدى ولا شافنى غير فى الرؤية الشرعية اول مرة مسك ايدى كانت دلوقتى بعد كتب الكتاب اول حضن كان بعد كتب الكتاب اول نظرة حب كانت بعد كتب الكتاب صبر وصبرت معاه فربنا عوض صبرنا خير لاننا انتظرنا الحلال من النهاردة انا بقيت مراته وقدامكم هقولهاله
#خاطرة_بقلمى_أشجان
هقفل مليون باب علي الحب اللي جوايا بس عشان يبقي ليك
هنسي دلوقتي كل أحلامي عشان بس أعيشها بكرة وأنا بين إيديك
هنسي عمري اللي راح وهنسي كل الجراح أصل أنا حياتي ابتدت لما عيني جت في عنيك
هحبك رغم البعاد ورغم الظروف وهحبك رغم الوعود
ونظرة الحب هتملي عيني لأنك في قلبي وعقلي وعيني موجود
انت اللي خليت الحب اللي جوايا من تاني يعيش
انت القلب الأبيض اللي في حياتي زيه مفيش
انت الحنان علي مر الزمان
انت الأمل اللي ملي الايام
وانت الحلم اللي افتكرته عني بعيد
من دلوقتي خلاص خلص البعاد وكل حياتنا هتبتدي من جديد
انت النور اللي كان من حياتي أنطفا
انت اللي فيك كل علامات الوفا
انت القلب اللي هيمحي من حياتي الجفا
انت الحضن الدافي اللي هيخلي أيامي كلها حب وهنا
انت انا وأنا انت ومفيش حد في قلبي غيرك اختفا
لكل حاجة جميلة بداية وحبك بداية حياتي
بحبك يا عمري وزماني
بحبك يا اللي ملكك أيامي
بحبك يا قلبي وحياتي كلها فداك
بحبك يا غالي وعمري كله ليك ومعاك
عن وصفك مش هيكفي الكلام
قربك ليا بيديني الخيال والالهام
أصل انت عيونك جنة وحضنك هو اللي بلاقي فيه السلام
تعالي يا عمري معايا خليك
تعالي بقربي انا كلي ليك
حبيبي
نعم فأنت حبيبي الذي يهواه فؤادي
وانت نبض قلبي وملاكي
وانت وحدك حمايتي وملاذي
حبيبي
ما نحن في هذه الدنيا سوي عاشقان.
قدر لهما أن يجتمعوا عبر وقت من الزمان
قدر لهما أن يلتقوا في مكان
حبيبي
حبك في قلبي ساكن ومقفول عليه
واللي هيبصلك بصة هشيل من وشه عنيه
من الاخر انت حاجة كتير حلمت بيها بس دلوقتي بس دلوقتي بقت واقع عايشة انا فيه
من يوم ماعرفتك ولا مرة بسببك عيني نزل منها دموع
ولا فى يوم قلبي بات منك موجوع
ربي ليا يخليك
ومن شر عيونهم يحميك
وطول العمر يبارك لى فيك
ياللى للجنة هتكون قدوتى
ياضهري وسندى وعزوتى
ياملكى واميرى وكل دنيتى
بحبك يارفيق دربي ومشوارى
بحبك يا هنايا وسعدى وايامى
من الاخر خلاص أيوة أنا بحبك
بحبك يا مالك أيامي يا رفيق دربي وزماني
#بقلمى_ملاك_الحب_أشجان
انتهت من حديثها وهى تنظر الى عيونه استمعت الى التصفيق الحار ممن حولها وهى مازالت محدقة بعيونه التى تعجز عن التعبير كان شعوره لا وصف له لم يتمكن من فعل شئ لها سوى انها انحنى امامها جالسا على ركبته مقبلا يداها بدموع انخفضت لمستواه ورفعته قائلة : عمرك ابدا فى يوم ما هتوطى ولا تحنى رأسك رأسك دايما هتفضل مرفوعة
احتضنها بشدة حملها ولف بها فى وسط القاعة تحت تصفيق الجميع
أمسك منها المايك قائلا : انا مش عارفة انا عملت ى فى حياتى عشان يبقى هديتى فى الدنيا هى حوريتى
انا بشكر كل حد فى يوم من الايام قالها كلمة زعلتها لان انا قبلتها بكل حاجة زى ما هى وبالنسبة ليا ملاك مش له وجود فى الدنيا عقولكم المريضة هى اللى مخيلة لكم كدا افضلوا كدا فى الجهل بتاعكم والانشودة دى بهديها لحبيبتى اول واخر حب فى حياتى ام ولادى وعوضى وسندى حورية قلبي
*انشودة ملاك الليلة جينا بالفرحة وعروسة فى احلى طرحة
* انشودة هى دى اللى اخترتها
انتهى ثم احتضنها والبسها الدبلة مقبلا يداها ورقص معها سلو على الانشودة المفضلة لديها وهو ينظر بعينيها ....
مالك : بعد اذنك يا عمى هاخد حورية بكرة من بدري نقضى اليوم برا
احمد : دى مراتك يا بنى
مالك : بنتك قبل ما تكون مراتى
احمد: ربنا يسعدكم يارب يا حبيبى
بعد قليل انتهى الاحتفال وذهب كل الى منزله على وعد باللقاء غدا
*********
انتهت الاجازة سريعا وبدأ الفصل الدراسى الثانى اصر مالك فى اول يوم ان يوصلها الى الجامعة
حورية : لو افهم بس دماغك فيها اى
مالك : فيها حورية قلبي
حورية : هى فى قلبك ولا دماغك
مالك : الاتنين وحياتك يا حبيبتى
حورية : طيب اى لزوم الشيكولاته دى
مالك : بقا انتى تكونى مراتى ومش نوزع شيكولاته لالا مش اصدق
حورية : خليني معاك للاخر
مالك : طيب يلا انزلى وصلنا
نزل مالك من السيارة اولا ثم اتجه وفتح لها الباب وامسك بيدها
وحمل علبة الشيكولاته وذهب كأنه يبحث عن شئ ما بالتحديد
حورية: قولى طيب بتدور على اى
مالك بغمزة : هتعرفى دلوقتى
حورية بغضب : بتدور على بنات يا مالك
مالك : ههههههههههههههه بس يا روحى بس يا قلبي بس
حورية : هتقول ولا لأ
مالك بابتسامة ماكرة : واخييييرا
امسك بيد حور واتجه بها ناحية هذا الوغد الذى تسبب فى بكاءها من قبل
مالك : السلام عليكم يا شباب
الشاب : هه اهلا .. امال ستنا الشيخة فين
مالك بهدوء : اممم حبيت اوزع عليكم حلاوة جوازى انا وستنا الشيخة اتفضلوا
بعد ان أخذ منه شيكولاته اعطى باقى الطبق لحورية قائلا دى لزمايلك يا حبيبتى وزعى عليهم ثم قام بضربه بالبوكس على وجهه قائلا بشراسة : مراتى خط احمر سيرتها مش تيجي على لسانك والا المرة اللى جاية صدقنى مش هتكون موجود فى الدنيا لسانك يتقص عنها وعن اى بنت وعينك مش تترفع على حد اتقى ربنا ربنا هيرضيك
ثم مد له يده قائلا باعتذار : انا اسف ان مديت ايدى عليك بس ده حق مراتى اتمنى تعذرنى ومن النهاردة نكون اخوات انا اخوك الكبير فى اى وقت تحتاجنى هتلاقيني
الشاب باعتذار : انا اسف ليكم وصدقنى هتكون اخر مرة انا اسف يا انسة ثم تركهم وانصرف التفت لها وجدها تنظر اليه بحب
مالك : لا انا مش قد نظرة من دول احنا فى الحرم الجامعى هنتفضح
حورية : هو انا قولت لك قبل كدا انك فخر ليا وشرف انى على اسمك وانى مراتكوانتى حبيبتك وانى بعشقك
مالك : قبل رأسها يلا روحى شوفى محاضراتك وكلميني لو فى حاجة
حورية : حاضر .. خد بالك من نفسك
مالك : وانتى كمان يا حبيبتى .. فى رعاية الله
غادر مالك وذهبت حورية الى محاضراتها
مر اسبوعان فى هدوء تام الى حين تلك الليلة المشؤمة
استيقظت من نومها مفزوعة تستعيذ بالله من الشيطان الرجيم امسكت بهاتفا تطلب رقمه مرارا ولكن ما من مجيب دب الذعر فى قلبها هاتفت يمنى وحين استمعت ما اخبرتها به صدمت وكأنها قد أصيبت بالشلل هتفت بصراخ : مااااااااااااااااااااالك
دخل من فى البيت على صراخها وجدوها تحدق فى الهواء مرددة
اللهم اجرنى فى مصيبتى .. واخلفنى خيرا منها
اللهم اجرنى فى مصيبتى .. واخلفنى خيرا منها
اللهم اجرنى فى مصيبتى .. واخلفنى خيرا منها
احمد : محتضنا اياها : مالك يا حور فيكي اى
حورية : ......
عبدالرحمن : مالك فيه اى حصله حاجة
حورية : .....
فاطمة : انا هتصل بيمنى اشوف فى اى ... ايوة يا يمنى .. اى اللى حصل ... اييييييييه انتى بتقولى اى .... حصل ازاى ... طيب اهدى بس واحنا جايين
احمد بقلق : فى اى يا بنتى
فاطمة : مالك اتقبض عليه بتهمة سرقة الشركة اللى شغال فيها
حورية : اهاااااااااااااا يااااااااااااااااارب مليش غيرك يارب .. انصره واظهر براءته يارب ياااااااااااااااااااااارب ياااااااااااااااااارب
احمد : خليكي مع اختك واحنا هنروح نشوف فى اى وانتى يا عفاف تعالى شوفى ام مالك خليكي معاها
خرجوا جميعا من المنزل الى منزل مالك بينما قامت هى لتصلى القيام وتتضرع الى خالقها فهو وحده علام الغيوب
** اسبوع .. مر اسبوع ولم تراه .. اسبوع ولم تسمع صوته .. اسبوع ولم يوقظها لقيام الليل .. اسبوع حرمت من سماع الاذان بصوته .. فى الظاهر اسبوع ولكن عندها اعوام بل قرون .. منذ ذلك الحين ولم تخرج من منزلها ولم تذهب لجامعتها لم تأكل فقط تصل
يتبع الفصل السابع عشر والأخير اضغط هنا
- الفهرس يحتوي على جميع فصول الرواية كاملة :"رواية أحببتك لأنك حلالي" اضغط على اسم الرواية