رواية وقعت فى العشق الفصل السابع عشر بقلم أمل السقا
رواية وقعت فى العشق الفصل السابع عشر
عشق "بلعت ريقها بصعوبه": واحنا في الكليه
Flash back:
نادر" وهو يقف امام عشق ": ممكن اتكلم معاكي شويه لو سمحتي؟
عشق: نادر علي فكره عيب كده الطلبه هتقول عليا ايه والدكاترة اللي رايحه وجايه هيقولو عليا مينفعش كده." ولسه هتمشي مسكها من ايدها"
نادر: انا طالب فرصه واحده بس اديني فرصه اثبتلك اني شخص كويس والله مش هتندمي والله العظيم انا بحبك بجد انتي غير كل اللي عرفتهم قبل كده انا مش طالب حاجه غير انك تدي نفسك فرصه تحبيني وتديني فرصه اخليكي تحبيني ولو حابه اتقدملك ونتخطب وبعدين تتعرفي عليا انا موافق.
عشق: نادر انت شخص كويس بس انا مش من النوع ده فلو سمحت ابعد عني وكفايه بقا كده.
نادر: يعني ده آخر كلام عندك؟
عشق بثبات: ايوه واللي عندك اعمله. "وسابته ومشيت".
Back.
عشق بدموع: بعدها خلى جويريه تبعد عنى لانها كانت أقرب حد ليك واذاني فيها جدا ولحد دلوقتي لسه عايزني برضو.
زياد" وهو بيضغط على سنانه ": متقوليش عايزني دي تاني والله لاربيه بس الصبر.
عشق: زياد ممكن اطلب طلب.
زياد بهيام: قولى زياد تاني كده بس استني" مسح دموعها "مش عايز اشوف أي دمعه في عيونك فاهمه هو صحيح شكلك قمر وانتي بتعيطي بس ضحكتك اجمل طبعاً.
عشق بابتسامة: بصراحه كنت عايزة نرجع وبعدين ابقى تعالى انت وعز كملوا الشغل بس انا مش مرتاحه هنا خلينا نروح عشان خاطري.
زياد بحب: تصدقي انتي بنت حلال انا اصلا عايز اروح عشان فيه حاجه في دماغي هموت واعملها وبعدين بقا هفكر في الشغل جهزو نفسكم بكره العصر نمشي من هنا.
عشق بفرحه: قلبي قلبي قلبي.
زياد بهيام: هو مين ده؟
عشق بتوتر من نظراته: هه ا.. اااا. ااا... واحد كده.
زياد وهو بيقرب منها ولافف ايده حوالين وسطها: ايوه مين يعني؟
عشق بتوتر: انا عايزة انام اطلع بره بقا" ولسه هتقوم بس هو شدها شهقت فكتم صوتها بقبله منه بقيت لدقايق "
زياد"بعد عن عشق وقام وقال بنفس متقطع ": انا هروح اتطمن على زينه تصبحي على خير" وخرج من الاوضه "
*عشق فضلت تضحك شويه وبعدين نامت *
&__________في الفتره دي زينه حلمت بكابوس صعب وقامت صرخت بصوت عالي وعز كان رايح بالصدفه يشرب فسمعها.
عز "خبط": زينه انتي كويسه؟
زينه بصريخ: يا ماماااا هيقتلوني يا ماما الحقينيييي.
عز" فتح ودخل لقاها قاعده القرفساء وبتعيط ":زينه مالك في ايه؟
زينه:........
عز" قعد جنبها على السرير وحط ايده على ضهرها ": اهدى انا هنا متخافيش.
*زينه اترمت فى حضنه وفضلت تعيط جامد *
زينه: انا.... انا.... انا عايز..... عايزة أروح... انا خ.... خايفه اووى.
عز" وهو بيربط علي ضهرها": خلاص يا حبيبتي اهدي ان شاء الله هنمشي قريب متقلقيش.
زينه قلبها دق جامد من اثر سماعها كلمة حبيبتي وبصتله بتبريق: انت قولت ايه؟
عز بهيام: حبيبتي والله انتي حبيبتي مش زي ما انتي فاهمه خالص.
زينه بدموع: بس انت بتحب نغم مش بتحبني.
عز "وهو بيمسح دموعها": تؤ تؤ انا كنت بحب نغم فعلاً بس والله حبي ليكي اتخطى حبي ليها بمراحل بس احرجتيني وجرحتيني اوى لما رفضتيني قدام الكل.
زينه بندم: كنت خايفه.
عز بدهشة: من ايه؟
زينه: كنت خايفه ملاقيش فيك الحب اللي انا محتاجاه بما انك بتحب واحده تانيه، مكنتش عايزة ابقى مجرد بديل كنت عايزة ابقى انا وبس من غير شريكه ليا فيك، كنت عايزاك تحب زينه عشان زينه مش تحب زينه عشان نغم.
عز بأسف وحب: والله العظيم بحبك اقسم بالله بحبك انتي فعلاً في البدايه شديتيني عشان شبهها جامد بس انتي غيرها والله انتي ملكتى قلبي ببرائتك وطيبتك.
زينه: بجد يا عز؟
عز وهو بيقرب منها وهي لسه في حضنه: بجد يا قلب عز.
/يا نهار ابوك اسود انتو بتعملو ايه؟
*زينه بصت لمصدر الصوت وبعدت عن عز بخوف انما عز قعد زي ما هو ببرود ومتحركش*
عز ببرود: ترضى ان حد يقطع عليك كده؟ هه ترضى؟
زياد وهو بيقرب منه ويمسكه من لياقة الترنج: ده انت فيك بجاحه يا اخي ده انت عايز تتربى من جديد.
عز وهو بينفض ايد زياد منه: ليه يعني عشان دخلت لقيتني حاضن اختك؟ طب ما انت كنت عند اختي برضو على فكره.
زياد بدهشة: ياض انت عبيط؟ دي مراتي.
عز وهو بيخرج من الاوضه: ماشي وبكره زينه هتكون مراتي فبنعمل بروڤه عادي يعني هههههههه" وطلع يجري"
زياد "بص لزينه بغل": ينفع اللي بيحصل ده؟
زينه بتوتر: والله يا زياد انا حلمت بكابوس وصرخت وهو سمعني ف....
زياد" مقاطعاً": خلاص خلااص متتكرش تاني وعلي فكره احنا هنرجع بكره العصر ابقي جهزى نفسك تصبحي علي خير.
زينه "وبخت نفسها عشان سمحت لعز انه يقرب منها بالشكل ده": تمام ماشي وانت من اهل الخير.
*وعدت الليله بسعاده علي البعض وتشتت من البعض بس الكل كان سعيد انهم هيمشوا، صحوا تاني يوم وجهزو حاجتهم واتمشوا عالبحر شويه كأنهم بيودعوه والعصر اذن وطلعوا من الشاليه *
_فى الطريق زياد بيسوق وبيتكلم في الفون.
زياد: يا آدم والله ما لحقت اقولك.
آدم:........
زياد: انا والله لسه طالع من شويه انا عند"......" لو عايز تيجي معانا تعالى ده انت تنورنا والله. "وفجأه وقف بالعربيه" ايه ده في ايه مين دول؟
آدم: في ايه يا زياد.
زياد: مش عارف بس فيه ناس كتير واقفه فى الطريق ومعاهم اسلحه شكلها هتبقى ليله ما يعلم بيها الا ربنا.
آدم: طب "وفجأه الخط قطع"
آدم "بقلق": ألو ألوووووو زياد هو فيه ايه انا هروحلهم" قالها وهو بيرن على حد وبعدين خرج على عربيته".
&__نرجع لمكان زياد "زياد وعز نزلوا من العربيه".
زياد: حضراتكم واقفين كده ليه؟ فيه حاجه؟
عز لنفسه: ناااادر.
زياد بتساؤل: نادر مين انت تعرفهم؟
عز بنفس الهمس: للأسف أيوه وأعتقد ان نيته مش خير خالص.
زياد بصوت عالي: وسعو الطريق عشان نمشي يا بهوات عشان متبقاش مجزره.
نادر: هههههههه انت متأكد من الكلام اللي بتقوله دهن يا باشمهندس؟ انت مش شايف عدد النااس اللي قدامك كام وانتو كام؟
عز بهدووء: عايز ايه يا نادر ولامم شوية العيال دول ليه؟
نادر وهو بيقرب من عز: ياااه باشمهندس عز والله واحشني يا أخى دحيح دفعتنا هههههههه
عز ببرود عكس اللي جواه: امممممم بدأنا فى كلام العيال اهه ما تنجز تقول انت عايز ايه؟
زياد بمقاطعه: عز هو ده العيل اللي كان بيغلس على عشق؟؟
نادر: تؤ تؤ تؤ أولاً متقولش عيل، ثانياً عشان أصحح معلوماتك انا مكنتش بغلس عليها تؤ أنا كنت بحبها ولسه بحبها و" قبل ما يكمل قاطع كلامه لكمه من زياد وقعته على الارض "
نادر "وهو بيقوم وبيشاور لرجالته ينزلوا السلاح بإيد والايد التانيه محطوطه على شفايفه اللي جابت دم من أثر اللكمه": حلو حلو اووى بحب انا الرجاله الخشنه دي" وبعدين قرب من زياد وقال بهمس": بس عايز اقولك انها هتبقى بتاعتي وقريب اووى كمان.
زياد بغضب وهو بيمسكه من لياقة القميص: ده علي جثتي انت فاهم "وبعدين زقه"
عز بتدخل: بقولك ايه يا نادر عشق يا حبيبي دلوقتي واحده متجوزة فاتمنى توفّر كل اللي انت بتعمله ده عشان هيبقى من غير فايده وفي الاخر انت اللي هتخسر على فكره بس الخسارة دلوقتي مش هتبقى زي الخساره بعدين.
نادر بهدووء: اممم المفروض اني دلوقتي اخاف واخد رجالتي وامشي صح؟
زياد: بالظبط ما انت طلعت شاطر وبتفهمها على طول اهه.
نادر وهو بيعمر سلاحه وبيوجهه لزياد: وانا بقا مش ماشي من غير عشق وانت دلوقتي هترمي عليها اليمين كده زي الشاطر وتتوكل على الله وانت عايش احسن ما تروح جثه.
زياد بغضب وهو بيقرب من نادر: وانا قولتلك علي جثتي
نادر "ضرب رصاصه فى رجل زياد": تمام اووى وبعدين الأحسن اني اخدها ارمله مش مطلقه.
عز وهو بيسند زياد وبصوت عالي: انت مجنون انت بتعمل ايه؟
نادر: ابعد انت يا عز والله لولا انك اخو عشق لا كنت خليتك زيه بس عشان تبقى وكيلها بقا لازم اخليك هههههههه
عشق بدموع وهي بتجري على زياد: انت متخلف وحيوان انا بكرهك ومستحيل اكون ليك يا نادر مستحيل انت فاهم.
نادر وهو بيشدها من دراعها: تعالي معايا يا شو شو يا حبيبتي انا هصالحك.
"ن عز مسك مسدس زياد وضرب نادر فى دراعه اللي ماسك بيه المسدس بتاعه وسحب عشق ورى ضهره "
عز بعيون حمرا زي الجمر": متمدش ايدك على اختى يالا لاحسن اقطعهالك.
نادر بزعيق: خلصوا عليهم يا بهايم انتو بتتفرجو على ايه؟ "بس كله واقف مكانه وهو اصلا مش باصصلهم ومحدش اتحرك وفجأه بص لقى..
يتبع الفصل الثامن عشر اضغط هنا
- الفهرس يحتوي على جميع فصول الرواية كاملة :"رواية وقعت فى العشق" اضغط على اسم الرواية