رواية جوازة في شهر الفصل السابع عشر 17 - بقلم رحمة نجح

رواية جوازة في شهر البارت السابع عشر 17 بقلم رحمة نجح

رواية جوازة في شهر الفصل السابع عشر 17

ادم بصوت مسموع. بقولك يا عامر ..

عامر. يانعم ..

ادم. أحمد الدمرداش حصله ايه دلوقتي؟!.

عامر بتوتر.احم وانا اعرف منين ..

ادم. علي اساس اني انا غبي ومش عارف ان هو سبب الحادثه صح ..

عامر بضحك. طول عمرك بتفهمها وهي طايره ..

ادم. حصله ايه يعني ..

عامر. اتحبس يا باشا ..

ادم. احسن بردو عشان اللي كنت هعمله فيه كان هيبقا حاجه تانيه خالص السجن رحمه مني ..

ليل. انتا بقيت شرير كده ليه ..

ادم بضحك. لا يا روحي متخافيش ..

ليل. طب يالا نطلع ..

في الغرفه ...

ليل. اقعد هنا بقا علي السرير لحد ما اجبلك هدوم عشان تاخد دوش ..

كادت ليل أن تقوم للتفاجئ بادم يجذبها إليه وأصبح يعتليها ..

ليل بخضه وخجل. ادم ايه اللي انتا عاملته ده ..

ادم. في ايه انتي ..

ليل. هو انا عملتلك حاجه يابني وبعدين انتا كده هتتعب نفسك اكتر استريح ..

ادم. متقلقيش انا بستريح كده ..

ليل. طب ايه وضعنا كده مينفعش والله ابعد شويه عشان اقوم وانتا تستريح عشان المفروض أن انتا ....

كانت ليل تتكلم ليسكتها ادم بقبلته لها ..

ادم. ايه ما صدقتي انك تتكلمي اهدي شويه ..

ليل بخجل. علفكره بقا انتا بقيت قليل الادب اوي من ساعة ما خرجت من العمليه ..

ادم بضحك. لا ده مجهود شخصي والله ..

لتضع ليل يديها علي وجهها سريعاً فهي عندما تخجل تفعل هذا الحركه ..

ادم. يادي النيله حطيتي ايدك علي وشك ليه يا نيله انتي ..

ليل بهمس. ادم ابعد ..

كاد ادم أن يزيل يديها عن وجهها ولكن طرقات الباب الملعون تلك منعته ..

ليل بفرحه. فرحانه فيك ..

ادم بغيظ. ماشي ماشي حسابك بعدين ..

قامت ليل وذهبت لكي تفتح الباب لتجد فتاه تجري علي ادم وتحتضنه بقوه تقف ليل مزهوله لم تدرك ما يحدث الآن ولكن شعرت بنيران تحترق في قلبها ..

يامور. اسفه والله يا آدم انا لسه عارفه اللي حصلك ..

ليل بغيره. انتي مين انتي عشان تحضنيه كده إذا كان انا معملتهاش ..

ادم. بضحك. في ايه يا ليل ما تسبيها ..

ليل بغيره. اسيب مين حضنتك عقربه يا شيخ ..

ادم. واهون عليكي ..

ليل بغيره. بقولك ايه متعصبنيش ..

يامور باحراج. واضح اني عملت بينكم سوء تفاهم ..

ليل بسخرية. سوء تفاهم فشرر لا طبعاً محصلش اني افتح بابا اوضتي والمفروض أنها حاجه خاصه والاقي واحده داخله تحضن جوزي وهو قاعد علي السرير انا المفروض اعمل ايه يعني ..

يامور. اسفه والله بس ادم اكتر من اخ ليا وانا بنت خالته واسفه مره تانيه لو ازعجتك ..

ليل وتحاول أن تسيطر علي غيرتها .. خلاص يا حبيبتي ولا يهمك ..

يامور باحراج. احم طب انا همشي يا آدم الحمد لله اطمنت عليك اهو ..

ادم. مع السلامه يا روحي ..

يامور. في حاجات جديده حصلت لازم تعرف بيها بس في وقت تاني عشان انتا محتاج راحه دلوقتي يالا سلام ..

لتخرج يامور من الغرفه وتغلق الباب خلفها تترك ليل تشتعل بنيران الغيره وهذا الادم يقف يكبت ضحكاته ..

ليل بغيظ. ماشي يا آدم ابقا خلي حضنها  ينفعك يا دكتور ..

لتتركه ليل وتذهب الي غرفه الملابس

ليذهب ادم خلفها سريعا ويحتضنها من ظهرها ..

ادم بضحك. أهدي بس في ايه والله دي تعتبر اختي ..

ليل بغيظ. والله طب تمام عامر بردو يعتبر اخويا متزعلش بقا لما اجي احضنه ..

ليديرها ادم إليه ليصبح وجهه مقابل لوجهها ويردف بحده ..

ادم بحده. ليل اسمع الجمله دي منك تاني صدقيني هتزعلي جامد مني ..

ليل. لا والله يعني هو حلال ليك وحرام عليا ..

ادم بحده. ليييل ..

ليل. ادددم ..

ادم. والله هنفضل نجرب اسمينا يعني ..

ليل. ادم بجد متعصبنيش ..

ادم بتسليه. ولو اتعصبتي ايه اللي هيحصل يعني ..

ليل بهدوء عكس ما بداخلها. تمام يا آدم اعمل اللي انتا عايزه اتفضل اخرج عشان عايزه اغير ..

ادم. ايه ده ليل هاديه مستحيل ..

ليل. ادم اخرج ..

ادم. لا وحياة امك دا انتي لسه راجعه بعد فراق شهر وعايزاني اسيبك وياستي يامور هي متعوده من صغرها أنها بتحضني و اوعدك محدش هيبقا في المكان ده تاني غيرك انتي ..

ليل. انتا بتثبتني يعني ..

ادم.بضحك. مش اوي بردو ..

ليل بابتسامه مستفزه. حد قالك قبل كده انك عندك تحكم في الاعصاب بيشلني ..

ادم. ياااه مبعدش يا جيمي ..

ليل وهي ترفع سبباتها في وجهه ..

ليل. تعرف يا آدم اللي مصبرني عليك ايه ..

ادم بابتسامه. اكيد جمالي ..

ليل. لا اللي مصبرني انك لسه تعبانه ف اتفضل بقا كده بره انتا تاخد دوش وانا اغير هدومي ..

ادم بغمزه. طب ما تيجي سوا ..

ليل بشهقه من وقحته. ااادم بره ..

ليخرج ادم وهو يضحك بشده عليها ..

بعد قليل من الوقت كان يخرج ادم من المرحاض وهو يلبس فقط شروال من اللون الاسود ..

ليل. في اختراع اسمه تيشرت ..

ادم. الدنيا حر يا مفتريه وانا متعود انام كده ..

ليل. اللي يريحك يالا عشان تنام ..

ادم. هنام سوا ايه تنام دي ..

ليل. ما انا مش جيلي نوم هقعد بره شويه لحد ما تنام انتا وابقا اجي ..

لم يهتم ادم لكلامها توجه لإطفاء زر المصباح ثم ذهب الي السرير وهي في حضنه رغم اعتراض ليل ..

ادم بتعب. ليل بجد مش فايق ليكي دلوقتي يالا نامي عشان تعبت ..

شعرت ليل بتعبه فتنهدت وبالفعل ناموا الاثنان في وقت قليل فكان يبدو عليهم التعب ..

يمر أسبوعين علي هذا الحدث كان ادم قد تعافي من الحادثه وعلاقته مع ليل تحسنت كثيراً ويامور اخذت تلك الخطوه وأصبحت تذهب الي جامعتها وعلاقتها مع عامر أصبحت قويه جدا فهم يعرفون بعد من مدة قصيره لكن عامر قدر أن يخرجها من تلك الحاله التي كانت بها وكما أن علاقتها مع والدتها اصبحت احسن بكثير يامور وليل أصبحوا اصدقاء فهم تعرفوا علي بعضهم أحبوا بعض كثيرا  فمن الواضح أن الأمور بدأت أن تتحسن مع الجميع ينتهي هذا الاسبوعين  ويأتي اليوم الذي سيغير حياة أحدهم ..

ليل. ادم خلص لبس بقا عشان عامر ويامور زمانهم جايين ..

ادم. لا والله يامور دلوقتي بقت حلوه صح ..

ليل ببراه. هو انا قولت عليها وحشه قبل كده ..

ادم. لا خالص بصراحه انتي كنتي ناويه تجبيها من شعرها بس ..

ليل. كان ماضي يا ادهومي واللي فات مات ..

ادم. بضحك. طب يالا يا فوزيه ننزل ..

ليل بغيظ. الصبر منك يارب ادم انتا لازم تقرا روايات الابطال بدلع بحوريتي ملاكي اي زفت مش يا سعديه و فوزيه ..

ادم بضحك. نحن نختلف عن الاخرون يا سعديه ..

ليل. قدامي يا آدم انا اروح اجبلي زين الجارحي احسن والله ..

ادم بغيره. مين زين الجارحي ده ياروح امك ..

ليل. احم ده فى رواية أحدهم ايه انتا هتغير من بطل رواية ..

ادم بغيره. لا خالص اتفضلي يا آخره صبري وياريت نتلم شويه ..

ليل بضحك. احم حاضر ..

ليأخذ ادم وليل ويتوجهوا الي الأسفل حيث التجمع العائلي ..

عامر. ايوه بقا العشاق نزله ..

ادم. خلي الواد ده يسكت عشان كل ما يقول حاجه انا بلبس في الحيط بعديها ..

ليل بضحك. خلاص يا دومي ..

ايه. ايه يا ليلو وحشاني اوي ..

ليل.بزهول. نعم مين اللي وحشاكي حبيبتي انا بشوفك اكتر من ادم ذات نفسه ..

ايه. الله دائماً حبطاني كده ..

ليتوجه ادم الي والدته يقبل يديها ثم أعلي رأسها ..

ادم. منوره يا عيوني ..

مها. ايه ده ادم انتا سخن يا حبيبي ..

ادم. بضحك. هو مينفعش معاكي غير حجه انا عارف الاحترام مش بيجيب نتيجه ..

الام. طب امشي يا ابن الموكوسه شوف انتا بتعمل ايه ..

ادم. احم حاضر ..

ليل. لقد حان الوقت ..

ادم. مالك يابت ..

ليل. سوف نلعب صراحه هييح بحبها اوي ..

ادم. والله مش مستريح ليكي لما بتعوزي تلعبيها ..

ليل. عيب عليك ..

ادم. انا كده شكيت اكتر والله ..

ليل. مين هيلعب بقا أو استنو كلنا هنلعب يالا نقعد هاتولي ازازه بسرعههه..

بدأت اللعبه لياتي الدور أن ليل تسأل ادم ..

ادم. استر ياللي بتستر ..

ليل. اممم علي ما اظن كده اعرف سبب الجواز انتا قولتلي في مره أن في سبب تاني بس مرضتش تقولي وقولتلي هقولك في وقتها ..

ادم. اممم سوال حلو اقولك يا ستي فاكره لما كنتي في ثانوي يا ايه وجالك استدعاء ولي أمر وقولتيلي انا اروح معاكي عشان عامر ميعرفش ..

عامر. ده أمته ده انا فاكر أنها شاطره ..

ايه. الله هو عشان يقولك سبب الجواز  ألبس انا كده مش فير ..

ليل بضحك. كمل كمل ..

ادم. شوفتك ساعتها وانا خارج من عند المديره بصراحه لفتي نظري بطريقه غريبه اول مره حد يعمل كده قولت عادي وانتي كنتي صغيره بردو سبتكم ومشيت بقيت كل مره اتلكك اروح مع ايه عشان اشوفك ..

ايه. احم كنت كوبري يعني الله يعزك ..

ادم. وبس يا ستي فضلت ارقبلك حوالي تمن تسع سنين  معلش بقى مبعدش يا جيمي وكمان اللي خلاني متقدمش أني عرفت من ايه انك رافضه فكره الجواز وانتي في الجامعه نهائي وده اللي خلاني اصبر ..

ليل. وبعدين ..

ادم. وبس يا ستي شوفتك في حفله عامر ولما لقيت الزفت ده بيضايقك قولت اهي فرصه ابدا معاكي كلام فيها وسبحان الله القدر هو اللي جمعنا مع بعض ..

عامر. بتصفير. ايوه يا آدم يا جااامد ده انا مكنتش اعرف ده كله يا شيخ قدرت تستحمل كل السنين دي ..

ادم. عشان عيونها استحمل اي حاجه ..

لتنظر له ليل نظره فيها الكثير من المعاني فهي كل يوم تحبه أكثر عذراً بل تعشقه فهي توصلت لمرحله العشق أصبحت تعشقه حقا تعشق كل شيئاً به رائحته المميزه طريقه كلامه ف ادم مختلف بطريقه مميزه وهي تعشق اختلافه تلك ..

عامر بضحك. ياريت تكون خلصنا من السرحان ده ..

ليل. ما خلاص يا بارد ..

لتلف ليل الازازه مره اخري ويأتي أنها تسال عامر ..

ليل. ....

لينظرون لها جميعاً من جراءه السؤال بصدمه ..

هذا السوال الذي سيغير حياة أحدهم حقا ولكن هل للاحسن ام للاسوأ؟!..

• تابع الفصل التالي عبر الرابط: "رواية جوازة في شهر" اضغط على أسم الرواية