رواية طوفان قلب البارت السابع عشر 17 بقلم سمية عامر
رواية طوفان قلب الفصل السابع عشر 17
ركبها عز في عربيه الإسعاف و احمد معاه و كان واضح على ملامحه الخوف و الحزن
في الطريق اتصل عز على دكتور ادريس وهو منهار من اللي شافه
دكتور ادريس : مدام ياسمين ؟
عز بصريخ : ياسمين وقعت في الأرض و ...
ادريس بسرعة : انا هروح بسرعة على المستشفى تعالى هناك بيها دلوقتي بسرعة
ركب معتز العربية و كان بيعيط من اللي عرفه و بدأت تيجي على باله ذكريات طفولتهم سوا لما كان بيشيلها على كتفه و يخليها تقطع التفاح من الشجرة و لما كان بيجيبلها الاكسسوارات قبل كل امتحان في المدرسة و لما كانت بتخاف و هي 7 سنين و تروح تنام جنبه هو باسم ويحكولها حدوته
انهالت دموعه على وجنتيه و غمض عينه و ضرب على رجله جامد و صرخ : ليييييه ..ليه بيحصل معانا كده ليه محبتنيش و ليه انا حبيت اختي و شفتها واحده غريبه مناسبة ليا انها تكون زوجة ليا ازاي نسيت ذكرياتنا ازاي قدرت احبها بالطريقة القذرة دي ليه اذينها.. ليييييه
وقفت عربيه الإسعاف و نزل عز بسرعة و ادريس نادى الممرضين يشيلوا ياسمين على سرير متحرك و بسرعة يدخلوها جوا يعملوا أشعة لحد ما يدخلهم
ادريس وهو بيحط أيده على كتف عز : اطمن هي دلوقتي في امان
احمد ل ادريس : يلا ندخل وراها مش وقت مواساه أو كلام
دخلوا بسرعة على جوا
وقف معتز بعربيته قدام المستشفى و دخل بسرعة وراهم مش همه إن كان يتقبض عليه
دخلها الدكتور و عمل الأشعة و التحاليل
اتصلت ام عز عليه تطمن عليهم
مريم : حبيبي عامل ايه طمني عليك
عيط عز في التليفون و دي كان أول مرة يظهر ضعفة فيها
مريم بخوف و قلق : عز مالك يا حبيبي حصل ايه ياسمين كويسة طيب
عز بحزن : انا مش هقدر أفقدها يا امي انا بحبها ارجوكي ادعيلها
مريم بحزن : طب اهدا و لما تبطل عياط احكيلي وانا هدعيلها يا حبيبي أن شاء الله هتكون بخير
رجع دكتور ادريس بعد ساعتين كان معتز بيدور فوق على اوضتها و قفل عز الخط و قام جري عليه
ادريس بفرحه كبيرة : عز ....الورم حميد يمكن استأصاله بسهولة... مفيش اي خطر عليها
برق عز من الفرحه و شال ادريس و قعد يتنطط وهو فرحان و المستشفى كلها بتضحك عليه
احمد وهو بيضحك : خلاص يا روميو جوليت رجعالك
نزل عز الدكتور بسرعة و ضحك بجنون و مسك ايد ادريس : شكرا ليك جدا جدا وعد اول ما اخلف اسمي على اسمك .. هو انت كان اسمك ايه صح
ادريس بحب و فخر : ادريس
عز ضحك جامد : لا طبعا مش هسمي ابني إدريس خلاص غيرت رأيي
ضحك ادريس و احمد في نفس الوقت و دخل ادريس على جوا تاني عشان يبدأ في العمليه بسرعة
خرج عز و احمد على بره يقعدوا في الكافيه
اتصلت يارا على ابوها تطمن عليهم طمنها بس من غير تفاصيل
بس فجأة شاف عز معتز جاي من بعيد وواقف ورا شجرة يتصنت عليهم لانه مقدرش يوصل لاوضه ياسمين لأنها في العمليات وهو ميعرفش
غمز عز ل احمد وقال : مش عارف ازاي هعيش من غيرها ازاي قدامها اسبوع و تموت يا عم احمد
استوعب احمد أن في حد سامعهم و قال : يابني الاعمار بيد الله وهي هترتاح من العذاب اللي هي في كفايه طول حياتها في عذاب من يوم ما وعيت عالدنيا و مشافتش ابوها ولا مرة و يوم ما امها ماتت و حتى اخوها الحيوان اللي بيبصلها بصات و**** هي كده هترتاح سلم امرك لله
دمعت عيني معتز
بس كمل عز كلامه مش هاين عليا اسيبها تروح لوحدها انا لازم اكون معاها هموت نفسي عشانها حياتي ملهاش لازمه لو هي مش فيها
احمد بعصبية : لا يا ابني متقولش كده هتموت كافر هتغضب ربك ليه يا ابني حرام عليك نفسك
عز وهو بيمثل أنه بيعيط : اللي يحب لازم يعيش مع حبيبه أو يموت معاه انا مش هقدر اشوفها بتموت قدام عينيا
غمض معتز عينه و مشي
ضحك عز و قال ل احمد : كان بيسمعنا الاخ
احمد بخبث : انت ناوي تخليه ينتحر ولا ايه
عز : لو اطول كنت قت لته ب ايدي بس انا حياتي لسه هتبدأ مع حبيبتي مش عايز اتسجن
ضحك احمد و شربوا القهوة و دخلوا جوا
راح معتز قعد في عربيته و فضل يعيط و يصرخ
اتصل على باسم وهو بيعيط
باسم بغيظ: اياك تتصل عليا أنت فاهم انا خلاص بعتبرك مش اخويا
معتز وهو بيبكي : انا هريحك مني مدى الحياة بس عمري ما كرهتكم سامحني
باسم : دي لعبة جديدة من الاعيبك
معتز : اوقات اللعبة بتقلب جد اوقات مبيبقاش قصدنا نأذي اللي بنحبهم خليها تسامحني وانت كمان سامحني ..ياسمين مريضه بالكانسر
باسم بصريخ : كفايه كدب بقى كفاااااايه ايه انت مبتزهقش ابعد عني يا اخي ابعد عني ياريتك ما كنت اخويا
قفل باسم في وشه و كمل معتز عياط و ساق العربيه بأقصى سرعة لحد ما وصل فوق القمه و و البحر تحتيه غمض عينه و ..
- تابع الفصل التالي عبر الرابط: "رواية طوفان قلب" اضغط على أسم الرواية