رواية نصيبي في الحب الفصل الثامن عشر بقلم توتة
رواية نصيبي في الحب الفصل الثامن عشر
المعيد : بصفتي المعيد بتاعك مروان الدمنهوري
نور: ولو... ده ميديلكش الحق انك تهينني بالطريقه دي ي أستاذ مروان الدمنهوري
مروان: اتكلمي بطريقه احسن من كده انتي متعرفيش انتي بتكلمي مين بس انا بقا هعرفك دي مجرد البدايه
نور: بس انا مش هسكت وهشتكيك لرئيس قسم الكليه
ضحك مروان بشده : مش قولتلك لسه متعرفنيش
كمل بسخريه ..اصل انا هنا رئيس القسم
نور: بس فيه الأكبر منك بقا وانا عارفه انا هاخد حقي ازاي ولو اضطر الأمر اني انقل من الجامعه الزفت دي
مروان: منخليها رفد احسن بسمعتك الحلوه دي
نور بعياط : انت بتعمل معايا كده ليه ؟ ها بتعمل ليه كده انا عملتلك ايه عشان تعمل كده معايا ...... بس والله العظيم لامشي من هنا بس مش قبل ماثبت للكل قد ايه انت واحد حقير ومهزأ
مروان بغضب : لميييي لسااااننك وانتيييييي بتتككككلمي معايياااااااا
نور: لا بقا انت زودتها اوي بس والله العظيم لهندمك
قالت جملتها ومشيت من قدامه بعياط شديد واهانه كبير لها
روحت البيت بعياط وطلعت علي اوضتها قبل م تكلم اي حد
نهال : في ايه ي نور
بس نور مردتش عليها وطلعت اوضتها قفلت عليها وقعدت تعيط لحد م باب اوضتها خبط
فتحت الباب وهيا بتمسح دموعها
نهال : في اي ي نور
نور: مفيش حاجه
نهال: ازاي بس ده انتي بتعيطي قولي بس ايه اللي حصل وايه اللي رجعك بدري كدا
نور: م..مفيش بس.
نهال: بس ايه احكي ي بنتي
نور: عادي مشكله بسيطه
نهال: ازاي بقا ي نور انا زي مامتك يعني اي حاجه عاوزه تقوليها قوليها
نور: مشكله بسيطه ب..بس انا هعرف اتصرف انشاء الله
نهال : طيب احكيلي ي نور ايه اللي حصل
نور: مش عايزه اشغلك معايا كفايه اللي حصل قبل كده
نهال: أخص عليكي ي نور والله هزعل منك
نور : طيب هقولك اللي حصل
نهال: احكي ي نور وانا هقف جمبك قوليلي مين اللي ضايقك كده وانا هوريه مقامه
نور حكت لها اللي حصل كله من ساعة أما راحت الجامعه لحد م هددها من شويه
نهال: ازاي يعمل كده ده انا هقدم فيه بلاغ ازاي يعمل حاجه زي كده ده ليله أهله سوده
نور: انا مش عارفه هو ليه مستقصدني وانا اصلا معملتلوش حاجه
نهال: اصلا ي نور ادم يبقي اخوكي
نور: ايه !
نهال: ايوه اخوكي في الرضاعه
نور: معقول !؟
نهال: اه والله انا مرضعاكوا انتوا الاتنين
نور: كده انا هقدر اثبت له أنه غلط في حقي جامد وهاخد حقي منه
نهال: وانا مش هسكت ي نور هقول لخالك ويوسف وهما هيتصرفوا
نور: لا والنبي متقوليش لحد انا هعرف اتصرف ازاي كفايه قبل كده شغلته عن شغله بمشاكلي فمش عشان احل مشاكلي اسبب لحد غيري
نهال: طيب انا هاجي معاكي دلوقتي وهتصرف انا معاه
نور: لا أنا ممكن أستعين بادم لانه هو اللي كان معايا
نهال: طيب روحي دلوقتي ينور قبل م يعمل حاجه
نور : حاضر
____________________________________________________
يوسف: ايه ....؟
تيمور: هو ده اللي حصل والخبر لسه جاي حالا
يوسف: طيب ده ازاي ومين اللي يعرف
تيمور: ازاي فده عشان كمية الخوف اللي حصلتله فجاتله نوبه أما بقي مين اللي يعرف فمفيش غير اولفت هانم حرمه
يوسف: والخوف ده ليه؟
تيمور: تقريبا كده خوفه منك لما أعلنت إفلاس شركة M.M
يوسف: طيب راقبلي المستشفي دي كويس واي خبر جديد يوصلي قبل الكل
تيمور: حاضر ي كينج
يوسف: انت لسه واقف قدامي
تيمور: خرجت والله اهو
يوسف في سره بعد م خرج تيمور: تمام انا بقي هكمل انتقامي لسه ي ابن الدمنهوري
______________________________________________________
مروان : في ايه ي ماما مالك
أولفت ( مامته) : ابوك ي مروان
مروان: قلقتيني ي ماما في ايه
اولفت بانهيار وبكاء : ابوك في المستشفي و
عند اللحظه دي وقف عقل مروان عن التفكير في اي حاجه وقاطع كلامها
_ هاتي عنوان المستشفي بسرررررررعه
اولفت : العنوان ****** وادته العنوان
ساب كل اللي في أيده وراح عنوان المستشفي اللي اولفت مامته قالتهوله في الفون
______________________________________________
وصلت نور الجامعه لتاني مره وسألت علي ادم اللي لقته اتطرد من محاضرته كالعاده
نور بتردد: ادم ...ك...كنت عايزه اطلب منك طلب
ادم: استني كده انتي اتطردتي تاني ولا ايه
نور: لا مش اتطردت بس
قاطعها صوت داليا
_ نور..... دورت عليكي كتييير وانتي مش موجوده روحتي فين
نور: روحت البيت
ادم: هو في ايه
نور قعدت تحكيله علي اللي حصل معاها انهارده
ادم: مروان الدمنهوري هو اللي عمل كده
نور: ايوه ومش عارفه ليه يعني انا معملتلوش حاجه
ادم: اصل هو صارم اوي في تعامله مع اي حد ي نور
نور: طيب انا عايزه اروح أفهمه أن هو غلطان وأنه فهم غلط وان انت اخويا
ادم: ايوه يلا نروحله مكتبه بسرررعه
نور: يلا
_____________________________________________
مروان وصل المستشفي بسرعه
مروان: في ايه ي امي ايه اللي حصل
اولفت بعياط : ابوك تعب الصبح في الشركه والسكرتيره لما شافته كده نقلته علي المستشفي بسرعه وكلمتني
مروان: وايه اللي حصل
اولفت: دخل في نوبة خوف
مروان: من ايه ؟
اولفت : الدكتور قال إنه خايف جدا من حاجه ولو مر ٢٤ ساعه على حالته وهو بخير هيعدي مرحله الخطر
مروان: نوبة خوف !
والله لو اللي بالي صح مهيعيش ثانيه واحده
اولفت: هو مين ده ي ابني
مروان: مفيش ي ماما اهدي انتي بس وروحي البيت انتي قاعدتك دي ملهاش لازمه دلوقتي
اولفت: لا ي مروان مستحيل اروح واسيب ابوك كده انا هفضل هنا لحد م يصحى
مروان: لو سمحت ي ماما امشي انتي وانا قاعد معاه اهو
اولفت: ازاي يعني امشي واسيب ابوك في حالته دي يبني
مروان: ي ماما انتي غاوية تتعبيني معاكي
وطبعا بعد محاولات عديده أقنعها تمشي من المستشفي
ويفكر ايه اللي حصل خلي باباه بالمنظر ده وليه هو خايف من يوسف الزهار بس اللي أقنع بيه نفسه أن يوسف هو ورا اللي حصل لباباه وأنه مش هيسيب حق باباه حتي لو بالمواجهه
وعلي الناحيه التانيه من الجامعه
ادم : خلاص ي نور نبقى نيجي له بكره وخلاص
نور: هو انا هستنى لبكره بعد ما سوء سمعتي كده
ادم: م هو مش موجود دلوقتي
نور: طيب م انا مش هعرف كده أحضر اي محاضره تانيه
ادم: ليه ؟
نور: عشان دلوقتي الكل هيتكلم عني بطريقه مش كويسه لازم افهم الكل أن انا معملتش حاجه غلط ولازم هو بنفسه اللي يقولهم كده
ادم بنفي وغضب : لا ي نور تفكيرك ده غلط جدا وغيابك عن جامعتك هيأكد كلامه انتي لازم تستمري انك تحضري محاضراتك كلها ويكون عندك ثقه في نفسك ومتسمحيش لحد يتكلم عليكي كلمه وحشه انتي مش عايزه تسمعيها
نور: بس انا م.....
قاطعها ادم: مفيش بس في الموضوع مش عشان هو رئيس القسم يعمل اللي هو عايزه وممكن حركه من اللي هو عملها دي تنزله من المستوي اللي هو فيه حاليا
نور: مش بالسهوله دي ي ادم احنا مجرد طلبه في الجامعه دي
ادم: بس لينا حقوق
نور: كلامك صح ومنطقي جدا بس ده ميمنعش أن هو مش كتير في الجامعه دي يثبت هو بس أنه غلط في حقي وظلمني قدام كل اللي اهنني قدامهم وساعتها بقى ممكن اتصرف وانقل جامعتي في حته تانيه
ادم بغضب : ي نور افهمي انتي مناقشتك صعبه اوي كده ليه ومش عايزه تفهمي انك غلط في تفكيرك ولو فضلتي راكبه دماغك كده هتخسري
نور بيأس : يعني اعمل ايه
ادم: هقولك بس اسمعي الكلام وخلي عندك ثقه في نفسك شويه ي نور
نور: حاضر
ادم: هتحضري كل محاضراتك عادي لحد م يظهر لانه اكيد ساب الجامعه لظروف طارئه
نور: ماشي وانا هحضر لحد م يرجع بس علفكره انا واثقه من نفسي مش زي م انت فاهم
ادم: ي شيخه ..... يعني بعد كل اللي انتي عملتيه ده والخوف اللي انتي فيه ده واثقه من نفسك والله انتي عندك انفصام في الشخصيه عارفه ليه
نور: ليه ؟
ادم: عشان انتي اوقات بتبيني انك واثقه من نفسك زياده عن اللزوم وأوقات تانيه بتبيني انك معندكيش ذره ثقه واحده
نور بغضب: عشان لما ببقي خايفه من حاجه او فرحانه من حاجه ممكن ثقتي في نفسي تتهز أما لما اكون في حالتي الطبيعيه ببقى عندي ثقه زايده في النفس واحب اقولك كمان اني دي مش ثقه منعدمه زي م انت فاهم بس ده تردد ببقى متردده من اخد قرار وببقى محتاجه حد يوجههني للصح مش اكتر لاني معنديش طول عمري حد يوجههني للصح
ادم: ماشي ي نور هحاول اقنع نفسي بوجهة نظرك في نفسك عشان دي نفسك انتي مش نفس اي حد تاني وانتي اكيد عارفه نفسك اكتر من اي حد
نور: ماشي ي ادم انا اسفه عشان عطلتك عن محاضراتك
ادم بضحك : ده انا تقريبا مبحضرش اي محاضرات انا مش عارف اصلا همتحن ازاي
نور: حاول انتظم في محاضراتك لو سمحت عشان كده مينفعش كل اما اقعد في حته الاقيك مطرود
ادم: والله عادي انا والشله بتاعتي بنتطرد كل يوم ومن اي محاضره انا اصلا داخل هندسه عشان بابا بس عايزني ادخل كليه كبيره زي الهندسه أو حتي الطب لكن انا مش في دماغي مذاكره ومحاضرات خالص
نور: حرام عليك انك تكون مفهم اهلك انك بتذاكر ومجتهد وانت عكس كده واكيد عشان قلت شله يبقي انت مصاحب أصحاب السوء بس نصيحه منك محدش فيهم هينفعك حاول تخرج من بينهم وبلاش احتكاك بيهم اكتر من كده
ادم: اومال بو عرفتي اللي احنا بنعمله بقا ايه هتقولي ايه
نور: ليه بتعملوا ايه
ادم : بنعمل اا.....لا عادي متشغليش بالك
نور: بس انا قولتلك نصيحتي عشان انت اخويا بس خليك فاكر دايما أن في ربنا ولازم تخلص ضميرك لو كنت بتعمل حاجه غلط
ادم: ايه ده انتي بتخوفيني ولا ايه
نور: لو انت بتعمل حاجه غلط اكيد هتخاف انا مش عايزه اعرف طبعا انت بتعمل ايه تاني غير انك مبتحضرش محاضراتك واكيد انت مسؤول عن نفسك بس لو انت مبتحضرش محاضراتك بسبب الشله دي يبقى انت كده لازم تقطع علاقتك بيهم
ادم: اوعدك هفكر في كلامك والصح هعمله
نور: ماشي
كانوا ساعتها نور وادم بيتمشوا عادي وحد جه نادي لادم
_ ادم
بصوا نور وادم للصوت لقوها واحده
ادم ببرود : نعم عايزه ايه ؟
نيره (البنت اللي بتنادي عليه واللي هو تقريبا كده بيكرها ومش عايز يشوفهها في اي مكان هو فيه زي م قال قبل كده ) : ادم ..... ممكن اقولك حاجه
ادم: عايزه ايه ي نيره
نيره: انا ... ك......كن.......كنت عايزه اقولك
ادم: بسرعه ي نيره عشان عايزه امشي ومش فاضي لك
نيره بحزن من معاملته ليها: انا كتبتلك محاضراتك اللي فاتتك ي ادم
ادم: شكرا هايدي جابتهالي
نيره : بس انا كتبتها
ادم: وانا قولتلك أن هيا معايا خلاص بقا تقدري تمشي
نيره: ماشي عن اذنك
نور بعد اما نيره مشيت: هو انت بتكلمها من تحت مناخيرك كده ليه
ادم: عشان انا مبحبهاش
نور: بس هيا بتحبك
ادم: عارف بس انا مش عايز اعلقها بيا
نور: انت فعلا معاك المحاضرات من هايدي دي
ادم: لا
نور: وليه قولتلها كده ده الواحد نفسه في حد يكتبله المحاضرات ويجبها
ادم: انا مليش في الجو بتاعها ده جو التدين وكده يعني
نور: انت غلطان علفكره حرام والله تعاملها كده
ادم: سيبك منها دلوقتي
نور: براحتك بس انا لو منك اكيد كنت خدت المحاضرات منها ي عم دي قمر بحجابها ده ولا عينيها الزرقا دي
ادم: انا بقا مليش في الجو ده
نور بمرح: اومال ليك في اني جو يا مونحرف
ادم: في جو خاص كده
نور: ماشي انا همشي وهسيبك يا ساقط عشان شكل المحاضره اللي عليها الدور بدأت
ادم: ماشي هستناكي
نور: ماشي
____________________________________________________________________
يوسف : يعني انا عشان انتقم منه ي تيمور انتقم منه في أمه !
تيمور: ليه أمه م انت ممكن تنتقم منه في ابوه
يوسف: انا عايز انتقم منهم هما اللي الاتنين يعني انا عايز الدمنهوري يموت وانتقم من مروان الدمنهوري بحاجه تانيه حتي لو استنيت ١٠٠سنه عشان انتقم منه بطريقه تدمره نهائيا
تيمور: احنا مراقبين مروان الدمنهوري من ساعة أما قولت وعرفنا أن هو شغال رئيس قسم جامعه الهندسه المعماريه ومعيد في نفس الجامعه وأنه بيحب شغله وملوش في شغل الشركات ده
يوسف: تمام هتفضلوا مراقبينوا طبعا وتجيبوا المعلومات اللي انا عايزها واكيد طبعا هوصللوا المعلومات اللي انا عايزها تيمور: وصفقه انهارده انا اجلتها زي م أمرت
يوسف: مفيش صفقات انهارده
تيمور: في صفقه انهارده مع شركه مصريه تابعه لعيله السيوفي
يوسف: كويس اوي انا مش عايز غلطه في الشغل اليومين دول ي تيمور
تيمور: طبعا
يوسف: واي اخبار توصللي قبل اي حد
تيمور: تحت امرك
يوسف: ماشي امشي انت دلوقتي ي تيمور
تيمور: عن ازنك
__________________________________________________
دخلت نور محاضرتها وهيا سامعه كلام زمايلها عليها بس ماسكه نفسها ومتجاهله اي حد تماما
قعدت نور جنب داليا اللي سبقتها لما نور طلبت منها تروح هيا تحضر محاضرتها
داليا: عملتي ايه
نور: مش موجود
داليا: انشاء الله خير
نور: انشاء الله
____________________________________________________
بعد مرور ٢٥ ساعه تقريبا
كان مروان وألفت هانم مستنييين الدكتور يطمنهم علي حاله الدمنهوري وبعد انتظار وقت مش قصير
خرج الدكتور
مروان: اي ي دكتور بقاله تقريبا يوم ونص علي حالته دي
الدكتور بحزن: انا اسف يا مروان بس البقاء لله
اتصدم مروان من اللي قاله الدكتور ومامته انهارت بعد سماعها للدكتور حتي أن هما ادوها حقنه مهدئه
اسودت الدنيا في عين مروان بعد اللي سمعه
وعلي الناحيه التانيه بالتحديد في شركة الكينج لمالكها يوسف الزهار
تيمور: يوسف باشا
يوسف: ايه ي تيمور في اي اخبار جديده
تيمور: الدمنهوري تعيش انت
يوسف: مات !!!!
تيمور: ايوه مات من نص ساعه
يوسف: كنت متوقع هيعيش اكتر من كده
_________________________________________________
والبفعل تم دفن الدمنهوري باشا في مقابر عائله الدمنهوري
وكان الحزن سائد على اولفت هانم ومروان الدمنهوري
استحلف مروان أنه ياخد حق ابوه من يوسف حتي لو كان التمن يكلف حياته لانه عرف أن نوبة الخوف دي جاتله من يوسف وان باباه مات بسببه
وبعد مرور أسبوع
نور بتروح جامعتها بانتظام وتجنب لاي حد بيتعرضلها بالاساءه مستنيه المعيد بتاعها يظهر بعد لما عرفت خبر وفاة باباه
مروان الدمنهوري حزين على فراق والده بس بيتماسك قدام والدته عشان حالتها الصحية متسوقش اكتر وفي الاسبوع ده ماسك شركات والده
أما يوسف فكان بيراقب مروان وبيوصله المعلومات اللي يوسف عايز يوصلهاله عن طريق عامل النظافه اللي كان باعته مروان من الاول عشان يراقب يوسف
راح مروان جامعته بعد م اجازته خلصت وعرفت نور أن اجازته خلصت وقررت أن هيا تروح مع ادم عشان تفهمه أن ادم مجرد اخوها وده كله طبعا عشان سمعتها مش اكتر
خبطت نور علي الباب ودخلت بعد م اذنلها بالدخول
مروان بغضب : في حاجه ي انسه نور
نور: انا عارفه أن ده مش وقته بس انا كنت عايزه اطلب من حضرتك طلب وياريت تنفذه
مروان: طلب ايه
نور: عايزاك زي م اهنتني قدام زمايلي كلهم تبينلهم ان انا مش زي م هما فاهمين
مروان بسخريه : وده ليه بقا انشاء الله
نور بهدوء: عشان ده اللي حصل فعلا
مروان: مش فاهم
نور: اظن حضرتك شوفتني مع ادم فقررت تفهم اللي عاوز تفهمه
مروان: ايوه شوفتك معاه بتهزري وتضحكي والكلام ده مش في الجامعه عايزه تهزري مع زمايلك الولاد اللي انتي عارفاهم يبقى بره الجامعه
نور: بس ادم مش زي م انت فاهم
مروان: حتي لو خطيبك ف ده مش مكان لالتقاء الاحبه ي انسه نور
نور بهدوء: ادم يبقي اخويا
مروان: م كلكوا بتقولوا كده
نور: لا ادم اخويا في الرضاعه وانا ساكنه معاه في نفس البيت اللي هو ساكن فيه
مروان: يعني ادم اخوكي
نور: ايوه ي دكتور مروان وانا بس كل اللي طالباه من حضرتك تبين لزمايلي أن انا مش واحده شمال زي م هما فاهمين لان انا جديده في الجامعه دي ومحدش يعرف عني حاجه غير اللي حضرتك قولته
مروان: انا ..انا اسف والله ي نور مكنتش اعرف انه اخوكي والله وانا فعلا زي م انتي قولتي حكمت بالمظاهر
نور: كل ده ميهمنيش اللي يهمني دلوقتي سمعتي متبقاش وحشه ولا سيرتي علي كل لسان
مروان: اكيد طبعا
__________________________________________________
يوسف: يعني هو رجع تاني الجامعه
تيمور: اه
يوسف: وبالنسبه للشركات اللي كان ماسكها دي
تيمور: طلب من ابن عمه احمد الحملي أنه يساعده في الشركات
يوسف: تمام جدا
تيمور: اي اوامر تانيه
يوسف: انت متغير من فتره ليه ي تيمور
تيمور: ازاي يعني مش فاهم
يوسف: يعني مبقتش مرح زي الأول
تيمور: لا عادي متشلش هم
يوسف: ازاي بقا ايه اللي حصل يبني
تيمور: مفيش ي يوسف
يوسف: انا هسيبك براحتك لو انت مش عايز تقول مالك بس انا صاحبك يعني اي حاجه عايز تقولها قولها
تيمور: حاضر اي اوامر تانيه
يوسف: لا امشي انت ي تيمور
_______________________________________________________
دخل مروان المحاضره بتاعته وفي دماغه أنه يعتذر لنور عن اللي حصل
مروان: انا كنت عايز اقول للكل هنا أن نور مغلطتش وان انا اللي غلطت في حقها وان هيا واحده محترمه مش زي م انتوا فاهمين واي حد غلط في حقها انا المسؤول عن اعتذاره لان انا اللي قولت للكل انك مقضياها وانا بعتذر لنور عن اللي انا قولته عليها وبعتذر برضو بلسان اي حد غلط في حقها بكلام وحش ممكن تقبلي اعتذاري ي نور
نور: انا ميهمنيش اعتذار حضرتك في حاجه يا أستاذ مروان أن كل اللي كان يهمني ان الحقيقه توضح مش اكتر
مروان: نور اسمحيلي اطلب منك الطلب ده
نور: اتفضل ي أستاذ مروان
مروان: تتجوزيني ي نور !؟
يتبع الفصل التاسع عشر اضغط هنا
- الفهرس يحتوي على جميع فصول الرواية كاملة :"رواية نصيبي في الحب" اضغط على اسم الرواية