رواية جوازة في شهر البارت الثامن عشر 18 بقلم رحمة نجح
رواية جوازة في شهر الفصل الثامن عشر 18
ليل. احم رن علي اللي بتحبها دلوقتي ..
لينظر لها جميعاً بصدمه أو يمثلون ذالك..
عامر بخبث. لا مش لازم غيري السوال ..
نظرت له يامور بحزن فمن إجابته تلك يعني أنه لديه حبيبه ولا يريد أن يعرف بها أحد ..
ليل بغمزه. انجز بس اتصل كده ..
كان ادم ينظر لهم فهو يعلم ما هو يريدون فعله ..
اخذ عامر هاتفه لتنظر له ليل بحزن شديد وكادت أن تقوم من جلستها ولكنها اندهشت عندما وجدت تليفونها هو الذي يرن وماذا برقم عامر ..
يامور بصدمه. ايه ده انتا بترن عليا انا ليه ..
عامر. بسخرية اسف اتلغبط ..
يامور بحزن. تمام ..
ليل بضحك. لا دا انتي غبيه اوي ..
ليتوجه إليها عامر ويجلس علي ركبتيه ويخرج خاتم الماس رقيق جدا ويقول ..
عامر بحب. تقبلي تتجوزيني يا عشقي الاول والاخير ..
تنظر له يامور بصدمه لم تستوعب ما يقوله حقا وكأنها بأحد الاحلام ..
عامر بضحك. لا وحياة امك رجلي وجعتني اخلصي ..
يامور بدموع الفرح.موافقه ..
ليقوم عامر من جلسته ويلبسها هذا الخاتم في يديها ..
عامر. يا عيني علي العياط أنا هسميكي عيوطه كل ما اشوفك أو اتكلم معاكي تعيطي ارحمي امي ..
يامور. بضحك. خلاص ايه ده انتا قفوش كده ليه ..
عامر. بس ايه رايك ..
يامور. لا بجد طريقه كريتيف وجامده اوي ..
عامر بضحك. نحن نعمل علي ابهارك حلوتي ..
يامور. ثانيه انتو كلكوا كنتو عارفين ..
عامر. احم يعني شبه كده ..
ايه. ثانيه واحده انا مكنتش عارفه ..
عامر. ما عشان انتي مش بيتبل في بؤق فوله ..
ايه. بضحك. احم الحمد لله سمعتي سبقاني ..
عامر. واللي هيفاجئك اكتر بقا أن الخطوبه اخر الاسبوع شوفتي بقا ..
يامور. نعم اؤمرني ..
عامر. اه والله حتا اسالي الحجه ..
يامور. ماما انتي عارفه ..
الام بضحك. بظبط كده ..
يامور. لا انا لسه صغيره ..
عامر. صغيره ايه يا شحطه انتي دا انتي عندك 20 سنه اللي قدك مخلفين ..
يامور بضحك. مالك قلبت علي ستي كده ليه وبعدين تعالي ايه شحطه دي ..
عامر. شحطط حياتي ..
ليل بضحك. ياااه يا عبد الصمد علي قصة الحب القذره دي ..
يامور. خليكي في بتاعك ياختي ..
ليل بضحك. مخلياني والله ..
ادم. طب ممكن اخطفك شويه كده ..
ليل. انتا بتستاذن محدش علمك فنون الخطف ..
ادم. لا فيه ..
ليحملها ادم أمام الجميع ويذهب بها خارج الڤيلا ويستقل سيارته ..
ليل. ايه اللي انتا عاملته ده ..
ادم بضحك. فنون الخطف ..
ليل. اذا كان كده أشطا ..
ادم بضحك. مستسلمه اوي انتي ..
ليل. معاك بس ..
ادم. ايوه يا جااامد ..
ليل. خطفني فين بقا ..
ادم. لا ده سر ..
ليل. سيد عيب كده احنا ما بينا اسرار بردو ..
ادم. اه عادي اسكتي بقا لحد ما نوصل ..
بعد مرور أكثر من ساعه قد وصل ادم الي المكان المنشود والذي كان قمه في الروعه ...
ليل بنبهار. ايه الحلاوه دي المطعم ده حلو جدا ..
ادم. دي حلاوة عنيكي ..
ليأخذها ادم ويدلف الي هذا المكان الذي كان متزين بطريقه تخطف الانظار حقا يوجد به بلالين كثيره وجميعهم بالون السماوي كما لون عينيها لا يوجد سوا ترابيزه واحده فقط فمن الواضح أن ادم لا يريد أن يزعجهم أحد ..
ليل. ادم ايه ده كله انا مش قادره اوصفلك انا فرحانه قد ايه ..
ادم. فرحتك بتفرحني انا ..
ليجلس ادم ومعه ليل علي تلك الترابيزه ..
ادم. خليكي هنا ثواني هجيب حاجه ..
ليتركها ادم بالفعل ثواني ويأتي وهو يحمل باقه من الورد لا يوصفها كلمات فهي كانت من اللون السماوي كما لون عينيها فهي ولاول مره تشاهد ورد بهذا اللون والجمال..
ليل.بنبهار. ادم ايه الورد القمر ده حلو جدا بجد ..
ادم. حاولت اجيب حاجه شبه لون عنيكي اللي هي مالهاش مثيل اصلا ..
(جماعه انا من حقي اعرف امتي حد يقولي عنيكي مالهاش مثيل😂😂 )
لم تنطق ليل بحرف فهي لم تعرف بماذا تجيبه من الاساس ..
لم يكتفي ادم بهذا الورد أخرج عقد من الالماس لا يوجد كلمات توصف جماله وهذا الخاتم الذي كان أكثر من رائع حقا ..
(اللهم ادم في حياتي 😂😂)
ليل. ادم بجد كده كتير اوي ..
ادم. مفيش حاجه كتير عليكي يا ملاكي ..
ليل بضحك. احلف كده انتا قولت يا ملاكي وكمان جيبلي ورد وحاجات حلوه وعاملي مفاجاه اوعي في الاخر يطلع حلم وهقع من علي السرير ..
ادم بضحك. لا مش حلم متقلقيش ..
ليل. بتفكير. عشان كده انتا اللي اخترتلي الفستان وانا اقول احنا هننزل تحت ليه كل ده كنت بتخطط يا نمس ..
ادم. وايه رايك ..
ليل. احلي مفاجاه في حياتي ..
ادم. يمكن مش بعرف اعبر عن حبي كتير يا ليل بس صدقيني في كل حاجه هعملها معاكي هخليكي تحسي بحبي نحيتك عامل ازاي انتي الوحيده اللي فتحت ليها قلبي وهتبقي الاخيره اديتك في قلبي شعور الصداقه والحب عشان افهمك في كل حالاتك احببت عيوبك وان انقلبت الباء نون انا هنا اغرق بكي يا ملاكي ..
قامت ليل من جلستها احتضنته بقوه وهي تقول ..
ليل بحب. احببتك يا من ملكت قلبي وجعلته متيما بك ..
ينظر ادم في عيناها بحب ويقول ..
ادم. عينيكي بحبهم اوي فيهم بريق بيشدني ليكي بحس اني مش عاوز ابعد عنهم ولا لحظه ..
ليل. ولا انا عاوزه ابعد عنك ولا لحظه ادم انا مكنتش متوقعه اني احبك كده بجد حبيتك في فترة صغيره اوي يمكن حصلت مشاكل كتير ما بينا عشان نبعد عن بعض لكن معرفش وكان مع كل حاجه بتحصل لينا كانت بتشدني ليك اكتر ..
ادم. في كل قصه حب لازم يكون فيها مشاكل كتير بس الحب الحقيقي هو اللي بيتغلب عليها ..
ليل. تعرف أن كل يوم بكتشف فيك حاجه بتخليني احبك اكتر وبحب شخصيتك جدا ..
ادم. بضحك. زيي ..
ليل. بحب هدوئك اوي انتا فعلاً بتحب الضحك وفرفوش وفي نفس الوقت بحسك جد وقت اللزوم بحب طريقه معاقبتك ليا رغم أنها بتعصبني فعلاً بس مفيهاش اهانه ليا بمعني لما بغلط معاك مش مثلاً بشتم أو بتضربني لا بتتاجهلني خالص لحد ما انا اعرف غلطي واجي اعتذرلك انتا كوكتيل غريب اوي يا آدم بس بحبه ..
ادم بضحك. الكوكتيل ولا انا ..
ليل بضحكت عاشقه. انتو الاتنين ..
كاد ادم أن يقبلها ولكن دلف عليهم الجرسون ..
ليل بضحك. احسن عشان نيتك مكنتش كويسه ..
ادم. لا اللي انتي متعرفيهوش أن نيتي انهارده هي فعلاً مش كويسه خالص ..
ليل بعدم فهم. ازاي ..
ادم. هتعرفي بعدين ..
ليضع الجرسون الطعام علي الطاوله ..
ليل. الله حلو اوي الاكل ده ..
ادم بغرور مصطنع. اي خدمه عدي الجمايل بقا ..
ليل. الله هو انتا عشان عازمني في أغلي المطاعم وجيبلي ورد و خاتم وعقد الماس وعمال تقولي كلام حلو هتتكبر يعني ..
ادم. بضحك. لا خالص ده انا طلعت بخيل اوي ..
ليل. بضحك. انا بقول كده بردو معلش يابني اندمجت شويه ..
ليجلس ادم وليل وينتهوا من طعامهم ..
ادم. ياريت تكون خدمتنا عجبتك يا فندم ..
ليل. مش بطاله ..
ادم. بت انتي انا عمال امدح فيكي من بدري ممكن اقلبلك دلوقتي ..
ليل بضحك. الله في ايه ما انتا كنت ماشي حلو قلبت ليه ..
ادم. من الواضح أن عينتك يا روحي مش بتيجي غيره كده ..
ليل بضحك. تشكر يا رجوله ..
ادم. سواقه توكتوك ..
ليل. ليه الغلط بقا ومالهم سواقين التكاتك احلي ناس علي الاقل شغالين بالحلال ..
ادم بضحك. مالك دخلتيني في قضيه راي عام كده ليه ده انتي نصيبه ..
ليل بغرور مصطنع. ياريت كل المصايب تبقا حلوه زيي كده ..
ادم. لا انا بقول اليوم كده خلص عشان غرور امك ده ..
ليل بضحك. الله بضحك معاك متبقاش قفوش كده ..
لينظر له ادم ثم يضحك بشده عليها فهي غريبه حقا ..
يمر عدة دقائق يشتغل تلك الاغنيه الذي اختارها ادم ليرقصوا عليها كما يسما (رقصه السلو) والتي كانت علي اغنيه(كل ما في القلب للفنان ادهم سليمان )
ادم. تسمحيلي بالرقصه دي ..
ليل. بكل تاكيد ..
ادم. اقلعي الجزمه ..
ليل باستغراب. ليه ..
ادم. مش لازم كل ما اقول حاجه يبقا فيها ليه ..
ليل. حاضر ..
لتخلع ليل هذا الجزمه التي كانت ذو كعب عالي لأن فرق الطول بينهم كبير بالفعل فهي ارتدتها لكي تشعر أنها طويله حتا ولو بنسبه صغيره ..
ليحملها ادم ويوقفها علي الجزمه الخاصه به لتصبح ليل تقف علي قدمه وهو الذي يتحكم بها ..
تشعر ليل وكأنها فراشه وهو يحملها هكذا ويتحرك بها أحبته حقا فهو يشعرها وكأنها المرأه الوحيده التي خلقت ليعجب بها والتي خلقت له فقط فهي تعشق غزله لها وتلك الكلمات التي يقولها لها تشعرها أنها انثي حقا ..
انتهي يومهم علي خير وسط فرح ليل وحبها لادم يزيد أكثر واكثر ثم قرروا أن يذهبوا الي الڤيلا مره اخري ...
في غرفتهم ..
ليل. بجد كان يوم جميل جدا يا آدم بشكرك علي اللي عملته معايا ..
ادم. انتي هبله بتشكريني علي ايه انتي مراتي وده هيحصل دلوقتي يا روحي ..
ليل.بعدم فهم.هو ايه اللي هيحصل دلوقتي ..
ادم. مش انتي واثقه فيا ..
لتقلق ليل من نبرته وتقول ..
ليل بتوتر. مش واثقه فيك بربع جنيه مخروم حتا ..
ادم بضحك. يبقا علي خيرة الله ..
ليقبلها ادم ثم تصبح ليل زوجته قولا وفعلا ...
وعلي الجهه الأخري كانت تجلس يامور مع عامر في أحد اماكن المتواجده علي النيل ..
يامور. اعرف بقا ازاي كنت عامل نفسك متجاهلني وليه لما شوفتني قولتلي انك متعرفنيش ..
عامر. عادي كنت بشوفك مع ادم بس كنت عامل نفسي وكان مش شايفك سهله يعني ولما شوفتك لما كنتي بتعيطي حبيت احسسك اني مش عارفك عشان ابدائها معاكي من الاول واعرف افهمك كويس ..
يامور. هي غلاسه وخلاص صح ..
عامر بضحك. مش بظبط كده انا عارف انك بتحبيني من زمان يا يامور بس انتي صغيره بالنسبه ليا ..
يامور برفعه حاجب. ده ازاي أن شاء الله ..
عامر بهدوء. أقدر اعرف بتحبيني من أمته ..
يامور. احم من قبل ما تسافر ..
عامر. من أمته يعني كان عندك كام سنه ..
يامور بخجل. احم 17 ..
عامر. شوفتي الفرق ست سنين يعني انتي ساعتها كنتي طفله مش عارفه مشاعرك اتجاهي إذا كانت اعجاب ولا حب فعلاً لما انا بقا اروح اقولك اني عارف بحبك ليا ونتكلم ونحب بعض ده هيبقى ايه غير أنه استغلال لمشاعرك وبس كنتي انتي هتتعبي زيي ما انا هتعب بظبط أو يمكن انتي اكتر مني كمان فهمتيني ..
يامور بفخر. فهمتك جدا يا عامر بجد انتا اثبتلي انك انسان يقدر يتوثق فيك بس انتا متعرفش انا تعبت قد ايه لما سافرت ويمكن بعدك هو اللي خلاني اجيب مجموع وحش في الثانوي ..
عامر. اللي دخلتيه ده بمجهودك قدر ومكتوب ليكي مش يمكن المكانه اللي انتي فيها دلوقتي تبقا احسن لو دخلتي كليه من كليات القمم ارضي باللي ربنا كتبه ليكي ..
يامور. عندك حق فعلاً ونعم بالله ..
بعد مرور نصف ساعة علي جلوسهم سويا يتحدثون تري يامور مشهد يجعلها تكاد تنفجر وهي جالسه مكانها ..
ياتري ايه اللي خلي يامور هتنفجر كده هنعرف البارت الجاي دمتم سالمين قمراتي ♥️
- تابع الفصل التالي عبر الرابط: "رواية جوازة في شهر" اضغط على أسم الرواية