رواية عرق صعيدي البارت الأول 1 بقلم مريم فهمي
رواية عرق صعيدي الفصل الأول 1
-يعني اي يعني يا ماما نسافر الصعيد انتوا جاييت بعد العمر ده كله نسافر الصعيد
هنعمل اي بس يا نور ما انتي عارفه،جدك حلف انه لو مرجعناش الصعيد هيحرم ابوكي من الورث ومن الاراضي بتاعته وطلب اني البيت كله يتجمع هناك
- يا ماما انتي عارفه اني مليش في الاجواء هناك اووي انا من صغري وانا مبرحش هناك انا مش فاكرة شكلهم حتي هتعامل معاهم ازاي بس
اتكلمت بهدوء- هتتعلمي وهتعرفيهم ويلا قومي حضري شنطك عشان هنسافر الفجر
اتكلمت نور بافافه- حاضر ..حاضر يا ماما
خرجت سعاد مامت نور برة ونور فضلت تفكر شويه - هي ناقصه انا اعرف اني الواحد بيسافر مطروح،اسكندريه لكن دول جايين يقولولي نروح عند جدك هو انا فكراهم اصلا اينعم انا مولوده هناك،بس بابا جاله تعيين شغل هنا في القاهرة وجه هنا ومن ساعتها وبابا هو بس الي بيروح يزورهم واحنا مبنرحش لاني برفض اروح، كل الي فكراه من هناك اني وانا صغيرة كده عندي ٦ سنين كنت بلعب مع ولاد عمي عامر الي هم ( ريم زينه ،وهشام) كنت بحب اللعب معاهم جدا والباقي برضه بس دول كانوا مفضلين عندي، بعد ست سنين من حياتي هناك جينا هنا عشنا واستقرينا في القاهرة وحبيت حياتي هنا اينعم انا بقيت فاضيه لورايا كليه ولا حاجه لاني خلصت (كلية فنون جميله) ولا ورايا صاحبه ولا اي حاجه، بس هو القرار جه فجاه كده اني احنا راجعين الصعيد كده مرة واحده
بعد ما نور حضرت الشنط
والد نور (محمد ) : نور يا نور تعالي هنا
نور : نعم يا بابا
محمد : انا عارف يبنتي اني لما سبنا الصعيد وجينا القاهرة انتي استقريتي هنا وانا عارف انك حبه هنا اكتر بس يا بنتي جدك كلمني وصمم اني احنا نروح نقعد هناك عنده في القصر بتاعنا هناك وده عشان اخد الميراث بتاعي والاراضي بتاعتي وشرطه اني استقر هناك واخدكم معايا انتي ووالدتك وانتي عارفه يا نور اني لازم اسمع كلام جدك مهما كان وانا اسف يا بنتي لو هضغط عليكي في موضوع السفر ده
اتكلمت نور بهدوء- لاء يا بابا انا راحتي هي راحتك والي تشوفه حضرتك هو الي هيمشي وانا مش مضايقه خالص وانا كمان المرة دي حبه اروح هناك واتكلم مع عيلتي الحقيقه الي اتربيت وسطهم ٦ سنين
اتكلمت سعاد بفرح - ربنا يكملك بعقلك يا بنتي
سافرت نور هي وعيلتها الصغيرة للعيلتها الكبيرة
"حبه اشرحلكم العيله كده ببساطه عشان ممتلخفنوش مني
الجد : "سعيد " خلف ٧ (اتنين بنات ودول هاجروا برة امريكا بعد ما اتجوزوا، اتبقي ٥ والد نور سافر القاهرة لاني شغله جه هناك اتبقي ٤ عمام نور هم (امجد ، عامر ، احمد، سعد)
امجد خلف ٢ (رقيه،عمرو)
عامر خلف ٣ (زينه،ريم،هشام)
احمد خلف ٢ (عبدالرحمن،مسعد)
سعد خلف واحد (يزن ) وسعد يبقي اكبر ابن لسعيد
شجرة العيله خلصت والعيله بقي اسمها عيله (الدهشوري)
*~~~~~~*
وصلت نور لقصر عيلة الدهشوري كان كبير جدا وده لان هم اكبر عيله في الصعيد
سعيد (جد نور ) : شرفت يا غالي اتحوشتك جوي جوي
محمد (والد نور) : وانا والله يا بوي اتوحشتك جوي
سعيد : اهلا وسهلا يا بت الغالي كيف احوالك يا بتي
نور : الحمدلله يا جدي كويسه
البيت كله نزل يسلم عليهم تحت
سعد : اخيرا يا خوي جيت عشان تجعد وسطينا اهنه
محمد : ان شاء الله يا خوي
هربت نور من السلامات الكتيرة وده لان العيله كبيرة ورقيه وزينه وريم خرجوا معاها يفرجوها علي بقيت البيت
نور : يااه البيت شكله حلو اووي
رقيه : نور بوجودك يا نور
نور استغربت من لهجتها واني هي لهجه قاهريه مش لهجه صعيديه وسالت : انتي ليه مش بتتكلمي صعيدي
ردت ريم - احنا هنا يا نور بعد ما بنخلص ثانوي بنروخ ناخد الكليه من القاهرة من هناك ودي بتبقي رغبع مننا وبنروح لجدي وبيحليلنا المشكله مع امامك بقي 😂 وكلنا خدنا الكليات من القاهره ما عادا هشام خدها من امريكا وحضر الماجستير وخده من هناك
نور : هشام يااه انا فاكرة لما كنا بنلعب سوا واحنا صغيرين
ريم : ايوة وكان ديما هشام بيشدك من شعرك
زينه : ايام والله يا بنات اهو مين يصدق اني احنا دلوقتي مخلصين جامعه
رقيه : ما تيجي نعرفك علي بقيت ولاد عمامك
نور بخجل - انا مش فاكرة اسمائهم كلهم
ردت زينه مسرعه - بصي يا ستي هشام يبقي اخويا وانتي عارفاه وده الوحيده الي فكراه اتبقي عبدالرحمن خطيبي ومسعد خطيب ريم، وعمرو اخو رقيه ويزن بس الموضوع سهل
نور : هو انتي وريم اتخطبتوا!!
ريم : ايوة ناقص بس انتي ورقيه ما اتخطبتوش بس عن قريب يا روقا صح وغمزتلها
رقيه : وبعدين معاكي يا ست ريم يلا بينا نعرفك عليهم
رحنا كلنا طلعنا الجنينه كانوا واقفين فيها كلهم مع بعض كانوا لابسين لبس عادي وكانوا واقفين مع بعض بيضحكوا ويهزروا
ريم : اهلا يا اساتذة احب اعرفكم بنور بنت عمنا
نور : اهلا اذيكم
رد هشام بسرعه - يااه نور كبرتي فاكرة لما كنت ديما بشد في شعرك واحنا صغيرين
نور - اه طبعا هي دي حاجه تتنسي
نور في نفسها (اي ده هو ده هشام ده كان اقصر مني واحتا صغيرين لحق كبر للدرجه امته وطول وبقي عنده دقن خفيفه ولا عيونه الي بقت شبه القهوة دي ياااه احم احم خلاص بقس يا نور غض البصر يا اختاااه )
رقيه : احب اعرفك عليهم بقي
وبدات تشاور عليهم
ده مسعد خطيب ريم
مسعد بابتسامه : اذيك يا نور
نور : كويسه الحمدلله
وده عبدالرحمن خطيب زينه
عبدالرحمن بابتسامه: نورتي بيتك يا نور
نور : البيت منور باصحابه يا عبدالرحمن
رقيه : وده عمرو اخويا
عمرو : اهلا اهلا بست البنات اهلا يا نور
نور : شكرا اهلا بيك
رقيه : وده يا ستي هشام الغني عن التعريف
هشام : طبعا يبنتي بجد يعني يا نور فرحت انك رجعتي بيتك تاني
نور بكسوف - شكرا
رقيه : ده بقي يا ستي برنس العيله يزن
يزن بجمود : اهلا عن اذنكم عشان مليش في جو التعارف وسبهم ومشي
نور اتغاظت جدا وطلبت من البنات انهم يعرفوها اوضتها
رقيه : متزعليش يا نور من معاملة يزن هو ديما كده
نور : دي قلة احترام يا رقيه وده مينفعش اي الغرور والتكبر الي هو فيه ده،شفتي هشام سلم عليا ازاي يا رقيه
رقيه بغيرة - عادي يعني هشام بيعمل كده مع كله عادي متخديش في بالك من هشام
ريم : خلاص يا بنات تعالوا بقي ننزل ونسيب نور ترتاح شويه من السفر
خرجوا كلهم ونور راحت في النوم من تعب المشوار
- تابع الفصل التالي عبر الرابط: "رواية عرق صعيدي" اضغط على أسم الرواية