رواية وقعت فى العشق الفصل الأول بقلم أمل السقا
رواية وقعت فى العشق الفصل الأول
عشق: يا بابا عشان خاطري انا نفسي أشتغل وابقى مسؤله عن نفسي أومال أنا دخلت كليه ليه بس؟
مراد "والد عشق": هتشتغلى ليه يا عشق انتى ناقصك حاجه؟ العربيه تحت مستنيه بس تطلبي من السواق يوديكي مشوار بس انتي اللي قافله على نفسك!، كل اللي انتي عايزاه تحت امرك بس انتي برضو مش بتطلبي حاجه معرفش ايه الحكايه؟ هو حد قالك اني فلوسي حرام ولا حاجه ومينفعش تصرفي منها؟
عشق: يا ميرو يا حبيبي انا مش قصدي علي كل ده انا عايزة يبقى ليا كارير يا بابا عايزة يبقى ليا كيان خاص بيا وبالنسبه للعربيات والفلوس وكل ده فحضرتك عارف اني مليش في الجو ده وبعدين ما اللي بيخرج يا بابا بيبقى ليه حد يروحله او يروح معاه انما انا هروح لمين ومع مين وانا اصلا معنديش صحاب؟" قالتها وعينها ممتلئه بالدموع "
مراد "حط ايده على شعرها وطبطب عليها وقال: انتى عارفه ان الكل بيحبك يا عشق انتى بروحك الحلوة بتكسبي قلوب الكل بس انتي اللي مش بتحبي تقربي من حد من ساعة اللي حصل لنغم وزعلك من جويريه وانتي مش بتوافقي تصاحبي أي حد مع ان صوابعك مش زي بعضها.
عشق: عايزني أصالح حد تاني يا بابا ويعاملني زي ما جويرية كانت بتعاملني خلاص يا بابا انا من بعد نغم معتش هلاقي حد تاني زيها مستحيل دي كانت بالنسبالي أمي وهي اللي رجعت ثقتي في نفسي تاني بس اهي سابتني وراحت وخدت كل حاجه حلوه معاها واما جوري بقا فربنا يسهلها الحال بعيد عني انا خلاص مش عايزاها معايا في حياتي كفايه كده.
مراد" ورق قلبه لحال ابنته التي غيم الحزن على أبواب قلبها ": خلاص يا حبيبتي ربنا هيعوضك خير اوثقي في الله ومش عايز المح الحزن ده تاني هه.
عشق: طب ما قولتليش بقا يا برنس ايه رأيك اروح الشغل من امته؟" بغمزه "
مهو متفكرش انك هتعرف تتوه الموضوع يا كبير ده انا بنتك برضو.
مراد "بيبصلها وهو مبلم كده هو مش مستغرب طريقتها عشق هي كده دايماً بس مستغرب انها من حوالي نص دقيقه كانت هتعيط ازاي اتحولت كده وقال دي اكيد عندها انفصام فى الشخصيه أنا لازم الحق بنتي قبل ما تضيع مني"
عشق "وهي بتحرك ايدها كده قدامه": ايه يا حاج روحت فين؟ اروح امته؟
مراد: يا ستي ابقي روحي بكره بس انا هكلم ناس تسأل الأول على الشركه وكده واوصي عليكي علشان محدش يضايقك.
عشق: لا يا بابا الله يخليك انا مش عايزة حد يعرف ان انا بنت مراد البدوي انا عايزة اعمل مكانه بنفسي.
مراد: انتى مستعريه مني يا بت انتى ولا ايه؟
عشق بسرعه: لأ طبعاً ده حضرتك فوق راسي وفخر لأي بنت طبعاً بس معلش بلاش وسايط عشان خاطري.
مراد بابتسامه: ماشي يا ستي ربنا يوفقك بس ابقي خلي بالك من نفسك ولو حد دايقك اوعي متقوليليش انا وعز.
عشق: حاضر يا بابا تصبح على خير بقا دا زمان جميله" والدتها "بتقول النهار طلع
مراد: وانتي من اهل الخير يا بنتي" تنهد وقال "ربنا يسعدك يا عشق.
_
ستووووووب نعرفكم على ابطالنا بقا عشان مينفعش كده 😂
*عشق مراد البدوي" 22سنه، كلية هندسه معماريه، ذات بشرة بيضاء وعيون عسليه ذات رموش كثيفه جميله جدا جدا والاجمل فيها ان روحها حلوة بس لسانها متبري منها شويتين كده 😂.
عز مراد البدوي "الاخ التوأم لعشق، شخصيه هاديه جدا غير عشق خالص وف كلية هندسه برضو وهو اللي بيدير شغل والده، بشرته حنطيه وعيونه زيتي واخد عيون والدته، جسم رياضي وبارد بطريقه مش معقوله، البنات كلها بتحبه بس هو حب بنت واحده وللأسف الموت أوقات كتير بيحرمنا من ناس بنحبها.
مراد البدوي" والد عشق وعز مهندس مدني ولديه شركه كبيره لها العديد من الافرع ، 48سنه.
جميله "والدة عشق وعز، 40 سنه، جميله جدا، بشرتها بيضه وعيونها زيتي وحاجه اخر جمدان.
*مننساش بقا ابطالنا التانيين برضو" عيلة الغالي "
*زياد: 25 سنه، خريج هندسه وماسك الفرع الرئيسي لشركاتالغالي، شاب رياضي وجميل جدا بس هو مش بيهتم بفكره الجمال قد ما بيهتم بالزوق والاخلاق ودايما البنات بتجرى وراه بس هو مصدرلهم الطرشه.
*زينه "اخت زياد 22 سنه، فنون جميله، بشرتها بيضه وعيونها سوده بسواد الليل بس ده اللي مخليها جميله بلمعتها اللي بتسحر أي حد يبصلها.
محمد الغالي"والد زياد، صاحب مراد البدوي من الطفوله، 48 سنه.
اسمهان: والدة زياد، ست جميله جدا ورقيقه جدا جدا وزينه بنتها نسخه منها ف كل حاجه.
___________________________
عشق بعد ما دخلت اوضتها وافتكرت كلام والدها لما قالها "ربنا هيعوضك خير"
وافتكرت اخر مره اتكلمت مع جويريه في الكليه من سنتين:
Flash back:
جويريه واقفه مع ولد كان دايما بيدايق عشق وهي قالتلها كذا مره تتجنبه بس جويرية مسمعتش الكلام.
عشق بحده: جويرية انتى بتعملى ايه مع الكائن ده هو احنا مش اتفقنا ملكيش تعامل معاه!
جويرية ببرود: انا متفقتش معاكي علي حاجه يا عشق انا مقولتلكيش هسيبه على فكرة وبعدين انا اكيد مش هفضلك على نادر ده هيبقى خطيبي يا حبيبتي.
عشق: هههههههه خطيبك من انهي حته بالظبط يا بنتي انتي اكتر واحده عارفه انه مش بيحبك فوقي بقا
جويرية بسماجه: ملكيش دعوه وخليكي فى حالك انا كده كده والله ما بطيقك متفكريش يعني اني حباكي قوي انا مش بمشي معاكي غير عشان نفس الطريق مش اكتر.
عشق:تمام قوي من اللحظه دي اعتبريني مش موجوده وابقي خلي سي نادر ينفعك يا حلوة "وجت عشان تمشي لقت اللي حطت رجليها تحت رجليها وكعبلتها قدام الكليه كلها لأنهم كانوا تحت فى مدخل الكليه ورجليها اتكسرت"
جويرية بضحك عالي:تعيشي وتاخدي غيرها يا شوشو ابو معرفتك يا شيخه."وسابتها ومشت وعشق مش قادره تتحرك برجليها ومع ذلك مرضتش تقول انها اللي وقعتها مع ان الكليه كلها شافتها بس محبتش انهاا تتفصل واكتفت بأنها هييجي يوم وتندم بس "
back:
عشق بدموع: مش قادره انسى شكلي وانا لوحدي وانا محدش معايا بسبب اني كنت بانيه محور حياتي على واحده بس وطلعت اصلا مش بتقدرني،مش قادره انسى الاهانه اللي عيشتها بسببك يا جويريه على الرغم من اني اعتبرتك اختي بجد ولو كنتي طلبتي روحي مكانش هيبقي عندي مشكله اديهالك بنفس راضية، مش قادره انسى لما كنت اجي اقولك انا بحبك ومش عايزاكي تحبي حد اكتر منى عشان بغير عليكي وانتي كنتي بتعندى معايا عشان تغيظيني صعبانه عليا نفسي قوي بجد وعمري ما هسامحك "بصت جنبها على الكوميدينو وحضنت صوره ليها هي وبنت ف نفس عمرها وقالت وحشتيني قوي يا نغم وحشتيني قوي سبتيني ليه؟ عمر ما حد هيملى مكانك أبداً عرفتك سنتين بس كأني كنت متربيه معاكي وحشتيني قوي يا صحبتي" ونامت وهي حاضنه الصورة
يتبع الفصل الفصل الثاني اضغط هنا
- الفهرس يحتوي على جميع فصول الرواية كاملة :"رواية وقعت فى العشق" اضغط على اسم الرواية