رواية سبع ايام البارت الأول 1 بقلم ماهي احمد
رواية سبع ايام الفصل الأول 1
يعني ايه ؟؟؟ عايزني اتجوز بنت من الصعيد يا بابا
انا تميم الدالي دكتور امراض نفسيه وعصبيه يتجوز من الصعيد انت اكيد بتهزر
ابو تميم : مسمهاش بنت جايه من الصعيد اسمها بنت عمك واخويا الله يرحمه مات وسبهالي امانه
تميم : وانا مالي هو سيبهالك انت مش سيبهالي انا .. انا مش مسؤول عنها وبعدين هو كل واحده ابوها يموت تجوزهالي ولا ايه
ابو تميم : ( بنرفزه ) اللي مات ده يبقي اخويا انت فاهم 😡
واسمعني كويس ومن الاخر كده لو ما اتجوزتش بنت عمك اعمل حسابك انك مش هتقعد معانا في البيت وكمان الفيزا كارد اللي معاك هتتلغي أما بقي حلم المستشفي اللي بتحلم بيها اني ابنيهالك انساها خالص انت فاهمني ياتميم الحاجات دي كلها كووووم وجوازك من بنت عمك كووووم تاني خالص
بقلمي مآآهي آآحمد
تميم : يووووه يابابا المستشفي دي حلمي وانت وعدتني انك هتفتحلي مستشفي بعد تخرجي
ابو تميم : وانا لسه عند وعدي بس بشرط تتجوز بنت عمك
تميم : انا ماشفتهاش من وقت ما كان عندي تسع سنين
ابو تميم : وهي كمان نفس الكلام مش شافتك من وقت ما كان عندها خمس سنين
تميم : وانا مش هتجوزها يابابا يعني مش هتجوزها
ابو تميم : انت حر انا قولت اللي عندي
تميم سابهم ومشي ركب الموتوسيكل بتاعه وساق بي علي اسرع سرعه لدرجه ان كاوتشات الموتوسيكل عملت شرار من كتر ما كان سايق بسرعه
بقلمي مآآهي آآحمد
ماما تميم : انت ايه مالك فيك ايه ؟ جاي علي ابني اللي طلعت بيه من الدنيا كده ليه؟ وبعدين علي اخر الزمن ابني انا تميم الدالي دكتور قد الدنيا يتجوز من الصعيد ومنعرفش شكلها ايه ولا بتتعامل ازاي واكيد هتحرجنا في الوسط اللي احنا فيه
ابو تميم ( بسخريه ) : ههه محسساني اني ابنك فالح اوي ودكتور بمجهوده ده لولا الكليات الخاصه اللي ودتهاله وكان بيعيد السنه في سنتين لولا فلوسي اللي كنت بدفعها للدكاتره بتوعه عشان ينجحوه السنه دي مكانش نجح
مانا تميم : وماله هو انت فقير ما تخلي الواد يصرف ويتبسط ويعيش حياته
ابو تميم : اهو دلعك ده هو اللي خلاه بتاع نسوان وبيشرب وبييجي وش الفجر خلاه ماينفعش في حاجه لا عارف اعتمد عليه في اداره شركاتي ولا حتي هو نفسه عارف يعتمد علي نفسه سيبيني بقي اربيه ولو مره واحده في حياتي انتي فاهمه وعلي فكره لو ما تجوزش بنت عمه اعتبري نفسك طالق يافريده
ماما تميم : طالق يا بدر
ابو تميم : ايوه طالق يافريده
( وسابها ومشي )
--------------------------------------------------------
في ال ( night club)
بنات وشباب كتييييييير اوي ملمومين حوالين طرابيزه وتميم قاعد علي الطرابيزه وقدامه كوبايات كتيييير مليانه ويسكي وداخل تحدي مع شرف الغورى ابن اكبر صاحب مقاولات في الشرق الاوسط كله والتحدي مين يخلص الكوبايات اللي قدامه الاول
البنات والشباب في صوت واحد
تمييييم .. تميييم .. تميييم .. تمييييم
تميم بقي بيشرب كوبايه ورا كوبايه كان بيشرب بشراهه عشان ينسي الطلب اللي باباه عايزه ينفذه ومن كتر الشرب اللي كان بيشربه الويسكي كان بيقع من بوقه علي صدره وكان لابس وقتها قميص ابيض حرير مفتوح لحد صدره والسلسله الفضه اللي مابيقلعهاش من رقبته وليها ذكرى خاصه معاه لا يمكن ينساها والويسكي كان بينزل علي رقبته لحد صدره والبنات لما كانت تشوفوه كده كانت بتبصله بصه اعجاب لان كده هو بالنسبالهم الواد الجامد اللي مافيش منه اتنين
واخيرا تميم خلص اخر كوبايه ونزلها علي الطرابيزه ورفع كوبايته وانه خلص
وقتها البنات كلها بقت تهتف بأسم تميم انه فاز وجريت عليه وحضنته
بقلمي مآآهي آآحمد
شرف الغوري شاف كده بقي متغاظ جدا ورمي الكوبايات اللي باقيه علي الطرابيزه في الارض والولاد اللي كانت حوالين شرف كلهم مشيوا وراه
تميم بص كده وضحك وقال
تميم : مش أوي كده ياعم
تميم بيبص حواليه لقي ان كلهم بنات مافيش ولد واحد معاه من كتر لمه البنات حواليه ومن كتر ما هو مغرور بنفسه اوي وشايف ان مافيش ولد زيه ولا هيبقي مبقاش لي صحاب ولاد الا ولد واحد بس ..
تميم قعد قعدته معاهم المعتاده وصرف فلوسه عليهم زي كل يوم وبعدها جه يمشي
لقي سونيا بتنادي عليه
سونيا : تميم .. تميم مش هنروح الشقه النهارده
تميم وهو بيتمطوح ومش حاسس بنفسه
تميم : لا ياسونيا مش وقته انا ( هق) لازم اروح
تميم ركب الموتوسيكل بتاعه ولبس الخوذه وبقي يسوق الموتوسيكل وبقي مش شايف قدامه ومره واحده بيبص قدامه ولقي بنت بتقوله
البنت : حاسب .. حاااسب .. حااااااسب 🥺😳😳
تميم حاول يقف بسرعه عشان مايدوسهاش راح لف الموتوسيكل بتاعه وعمل فرمله جامده جدا ومبقاش عارف يتحكم في الموتسيكل ولا عارف يعمل ايه
مره واحده خبط في الشجره ووقع والموتوسيكل بقي عليه
تميم مبقاش عارف يطلع من تحت الموتوسيكل البنت جريت عليه بسرعه
البنت : كابتن .. كابتن انت كويس
تميم كان لابس الخوذه ورجليه كان فوقيها الموتوسيكل راح قلها
تميم : انتي شايفه ياحيوانه انتي اني كويس
البنت : حيوانه انت بتكلم مين كده ياكابتن انت ما تحترم نفسك
تميم : انا احترم نفسي انتي عارفه انتي بتكلمي مين ؟
البنت : هكون بكلم مين يعني ؟
وبعدها تميم خلع الخوذه من علي راسه وقتها البنت شافته واول ما شافته البنت تنحت وبقت بصاله
تميم اول ما شافها متنحه كده اول ما شافته راح ضحك واعجب بنفسه اكتر راحت البنت راحت قالتله
بقلمي مآآهي آآحمد
البنت : اي ده مش مصدقه معقول جون ترافولتا قدامي
تميم : اي ده ايه اللي انتي بتقوليه ده
بقلمي مآآهي آآحمد
البنت : يبقي اكيد نيكولاس كيدج
تميم : لا طبعا
البنت : ولما هو لاء طبعا واخد في نفسك مقلب كده ليه ؟
تميم : اسمعي يابت انتي انا مش فيقلك ارفعي الموتوسيكل من عليا حالا
البنت : لاء مش رافعه
تميم : بقولك ارفعيه
البنت : لما تطلب مني اني ارفع الموتوسيكل بأدب الاول ابقي ارفعه وغير كده كمان تقولي لو سمحت
تميم : انتي اتجننتي اكيد
البنت : خلاص خليك كده براحتك انا ماشيه
تميم : خودي هنا رايحه فين
البنت : اديته ضهرها ومشيت
تميم : انتي يااااا..
انتي يابنتي .. يازفته
البنت بصت وراها وقالتله ..
البنت : انا زفته طيب شوف بقي مين اللي هيرفعلك الموتسيكل
وجت تمشي رجل تميم بقت توجعوا جدا كل ما يحرك رجله عشان يقوم حديده في الموتوسيكل كانت بتغرز في رجله اكتر
البنت : سلاااام
تميم : طيب اسمعي
البنت ماشيه ومش معبراه
تميم : استني بس هقولك
البنت بصت وراها
البنت : يانعم
تميم : ( بغيظ وداس علي سنانه قلها ) لو سمحت ممكن ترفعي الموتوسيكل من علي رجلي
البنت : ممممممم ماشي ايوه كده
بقلمي مآآهي آآحمد
البنت رفعت الموتوسيكل لتميم وتميم بقي يعرج برجله ومش قادر يتحرك راحت البنت حطت ايده علي كتفها عشان يسند عليها
تميم بصلها كده وقلها
تميم : لا خلاص سبيني انتي انا هعرف اتصرف
البنت : تصدق انا غلطانه
تميم طلع فونه واتصل بصاحبه خالد الوحيد وقاله علي مكانه
تميم : الووو ايوه ياخالد تعلالي حالا ياغبي
خالد : __________________
تميم : انت غبي ياخالد بقولك تجيلي يعني تجيلي حالا انت فاهم
البنت بقت بتبص كده لتميم ومستغربه هو بيتكلم كده ليه
وبعدها تميم قفل الفون مع خالد
ولسه البنت جايه عشان تمشي بتبص سمعت صوت كلاب جايه عليهم
البنت خافت جدا وطلعت تجرى تستخبي في تميم
البنت : ( بخوف ) الحق ده في كلاب جايه علينا
تميم : ايه كلاب انا بخاف اوي من الكلاب 🥺
البنت : انت مش راجل يابني ولا ايه
صوت الكلاب شغال يعلي ومش اكتر من ١٠ كلاب جايين في الشارع وبيجروا عليهم
تميم : وبعدين هنعمل ايه ؟
البنت : اطلع اجرى طبعا بسرعه
البنت حطت دراع تميم علي كتفها وبقت تجري هي وهو من الكلاب وبقي تميم يعرج وبيجرى بالعافيه والكلاب وراهم
تميم والبنت اتخبوا بسرعه ورا مبني والكلاب جريت علي طول
تميم والبنت بقوا بيشوفوا الكلاب وهما بيجروا في اتجاه تاني
تميم : ( بنهجه ) الحمدلله اخيرا بعدنا عنهم
البنت : بقت تشمشم بمناخيرها وبقت تقول
البنت: انا شامه ريحه وحشه دي ريحتك دي ولا ايه
تميم : اخرسي انا ريحتي طول عمرها حلوه
البنت بتبص وراها هي وتميم بتبص لاقيت حته كلب وراهم سنانه باينه والشر كله في عنيه
بقلمي مآآهي آآحمد
البنت : ( بخوف ) يانهار اسوووووود
تميم : لا لا لا لا انا مش متعود علي كده انا بخاف من الكلاب اوي
ولسه هيتحرك راح الكلب بسرعه عض تميم من التوتااا
تميم : اااااااااااااه .. اااااااااااه
والكلب ماسك فيه مش راضي يسيبه
البنت بسرعه جريت وسابت تميم الكلب شافها كده ساب تميم وجرى وراها ولسه هيمسكها
راح خالد صاحب تميم جه بعربيته وخبط الكلب بعربيته ونزل ركب تميم العربيه
تميم : اااه بالراحه ياخالد مش قادر
خالد بقي ماسك تميم بالراحه جدا وبقي تميم مش عارف يقعد علي التوتا بتاعته
تميم : خالد هاتلي البت بنت الكلب اللي سابتني وجريت دي
خالد : بت .. بت مين اللي سابتك وجريت دي ياتميم
تميم : البت اللي كانت لسه بتجرى من الكلب دلوقتي ياخالد
اهييه هناك اهيه مش شايفها
خالد : ( بص كويس تاني ) وقاله
خالد : مافيش اي بنت واقفه قدامي ياتميم
تميم : 😳
- تابع الفصل التالي عبر الرابط: "رواية سبع ايام" اضغط على أسم الرواية