رواية نصيبي في الحب الفصل الأول بقلم توتة
رواية نصيبي في الحب الفصل الأول
في اوضتي الكبيره اللي هيا في ڤيلا عمي
باب الأوضه بيخبط
نور على سريرها:اتفضل
الخادمه:البيه عايزك تحت يا هانم
نور: عمي؟
الخادمه:ايوه يا بنتي
نور:طيب انزلي وانا هنزل وراكي
دخلت أخذ شاور وطلعت غيرت هدومي ونزلت لعمي تحت كالعاده
نور:صباح الخير
عمي:صباح الخير
نور: حضرتك كنت عايزني؟
عمي:ايوه...بصراحه كده الڤيلا والعربيات والفلوس اللي في البنك حصل عليهم ضرايب وهيتحجزوا بكره
نور: اه وبعدين
عمي:هتروحي عند أهل مامتك فتره علي ما اتصرف في فلوس الضرايب وهديكي مبلغ تمشي بيه حالك واه نقلتلك جامعتك هناك
نور: ليه هي هتطول؟ وبعدين م حضرتك عارف اني مبحبش اروح هناك
عمي: ايوه هو مطول شويه علي بس ما اتصرف في الفلوس لان الفلوس بتاع الضرايب مش معايا دلوقتي وهتصرف فيهم ومحتاج شوية وقت فلازم ابعدك عن المشاكل ديه
نور :طب وحضرتك هتروح فين؟
عمي:عند واحد صحبي كده علي ما اشوف ايه اللي ممكن يحصل
نور:طب هو مينفعش اروح معاك انا مبحبش اروح هناك
عمي: لا طبعا مينفعش أنا شايل هم نفسي هشيل همك انتي كمان وبعدين هما هناك بيحبوكي وهياخدوا بالهم منك كويس
نور:طب هو أنا هروح هناك امتى ؟
عمي:انهارده
نور باستغراب:بالسرعه دي؟
عمي:لو مسرعناش هييجوا يحجزوا علي الڤيلا بكل اللي فيها فاطلعي جهزي حاجتك بسرعه
نور بحزن:طيب أنا هطلع بقا اجهز حاجتي
عمي:ماشي
طلعت اوضتي وانا مش مصدقه اني خلاص هسيب اوضتي وأروح هناك اي نعم هما كويسين معايا اوي في معاملتهم بس انا مبخدش راحتي في أي حته غير اوضتي
لميت حاجتي وودعت اوضتي ونزلت لقيت العربيه اللي هتوصلني تحت بصيت للڤيلا بحزن كبير وودعتها وداع حار اوي وودعت عمي ومشيت
طول الطريق وانا سرحانه في ايه اللي هيحصل ومصيري هيكون ايه وعيطت كتير واتمنيت للحظه أن ماما وبابا يكونه معايا وافتكرت موت باباه ومام وازاي ربنا نجاني واتمنيت للحظه لو بس اشوفهم
وسرحت للحظات في شكل حياتي بعد فقدانهم
عمو سمير: سرحانه في ايه يا بنتي
نور:............
عمو سمير: يا نور يا بنتي
نور: هاا في حاجه يا عمو سمير
عمو سمير: بتعيطي ليه يا بنتي؟
نور :لا مفيش بس زعلانه اني هسيب الڤيلا بس
عمو سمير : انشاء الله ترجعيها علطول يبنتي
نور: يارب يا عم سمير هو احنا فاضلنا كتير
عمو سمير: لا يبنتي مش كتير ساعه زمن وهنوصل
______________________________
عمو سمير: وصلنا ي بنتي
نور :أنا خايفة انزل ي عمو سمير
عمو سمير: متخافيش ي بنتي دول اهلك
نور: سلام يا عمو سمير هتوحشني جدا والله
عمو سمير: وانتي كمان والله يا نور وهتوحشني ابتسامتك الحلوه دي
نزلت من العربيه لقيت تيته وجدو وخالو محمد ومراته طنط نهال وولادهم ايمان وندي وادم
وبنت خالتي ساره
دخلت سلمت عليهم كلهم
تيته:ازيك ي نور ي بنتي بسم الله ماشاء الله قمر زي امك
نور: الحمد لله ي تيته وحشتيني اوي
تيته:م أنا لو كنت وحشتك كان زمانك اتصلتي عليا واطمنتي
نور: والله بس عشان اول سنه ليا في الكليه والامتحانات
جدو:خلاص يا صفيه مش اول متيجي سيبك منها يا نور وقوليلي انتي عامله ايه ؟
نور: الحمد لله يا جدو
خالو: ازيك ي نور
نور :الحمد لله
نهال مرات خالي: دايما يا نور ي بنتي
نور :ربنا يخليكي يارب يا مرات خالي
نهال: هو أنا مش قولتلك قبل كده قوليلي نهال زي البنات
نور: اه سوري نسيت والله
وروحت سلمت على البنات
وسألتهم :امال فين ملك وهبه
ندي: في الكليه م انتي عارفه بقا أن هما فنون مع بعض م هيا متقسمه أنا وساره ايمان في طب وادم في هندسه
نور : اه أنا بس بسأل
ايمان :اومال انتي دخلتي ايه
نور: هندسه
ساره :علي كده بقى هتكوني مع ادم
تيته: اهو احسن ي بنتي عشان نطمن عليكي مع ادم
نور بكسوف : طيب ممكن بس اطلع اوضتي اغير هدومي
خالو: ايوه طبعا خديها يلا يا ندي علي اوضتها
ندي طلعتني اوضتي ونزلت
شويه والباب خبط
نور : في حاجه يا ساره؟
ساره :كانوا بينادولك تحت عشان الغدا
نور: طب انزلي انتي وانا هنزل وراكي
ساره: ماشي
نزلت تحت لقيتهم بيحولوا الغدا فروحت اساعدهم
نهال: لا استني انتي يا نور انتي تعبانه من السفر هما اهو بيحولوا
نور :لا والله مش تعبانه ولا حاجه عادي
وحولت معاهم
قاعده بقلب في طبقي
تيته: مالك يا بنتي مبتاكليش ليه؟
نور: م أنا بأكل اهو يا تيته
تيته: ده انتي طبقك زي ما هو
نور: حاضر والله هاكل اهو
جدو : هما ملك وهبه هيتغدوا بره
ساره: ايوه انا كلمت هبه وهيا قالتلي أن هما هيتغدوا بره
جدو: ماشي
نور : الحمد لله شبعت
نهال: هو انتي لحقتي يا بنتي ده انتي طبقك زي ما هو
نور: لا والله شبعت
وطلعت اوضتي
لقيت الباب بيخبط
فتحت الباب
ندي : ممكن نقعد معاكي شويه
نور : اه اتفضلوا طبعا
ندي : قوللنا بقا يا ستي مالك
نور: مفيش والله بس انا بس مش واخده على المكان
ايمان: متقلقيش شويه وهتتعودي علينا
ساره: ايوه وهتحبينا
قعدنا نتكلم والباب خبط وملك وهبه دخلوا قعدوا معانا وسلمت عليهم وقعدنا نتكلم مع بعض شويه وحقيقي هما كانوا فرفوشين اوي وضحكوني
واحنا قاعدين سمعنا مره واحده صوت زعيق جاي من تحت
وخرجنا نشوف فيه ايه
يتبع الفصل الثاني اضغط هنا
- الفهرس يحتوي على جميع فصول الرواية كاملة :"رواية نصيبي في الحب" اضغط على اسم الرواية