رواية قلوب مشتته الفصل الأول بقلم هدير مصطفى
رواية قلوب مشتته الفصل الأول
كتير مننا لما بيدخل في تجربه ويخرج منها مجروح يا بيتعلم يا بيعلم وده اللي مع جني في يوم حبت واتجرحت ومن بعدا بتجرح بس غصب عنها ....
الحلقه الاولي
(جني بنت وحيده عايشه مع والديها وعندها 25 سنه كانت انسانه مرحه جدآ وكل يوم بتقابل صحابها وتخرج وتتنطط
كانت فرحانه ومليانه حب
وصاحبة جني الوحيده هي بوسي صديقة الدراسه والشغل
((يلا بينا نتعرف علي جني وقصتها))
(في يوم جني خارجه من الشغل وقابلت بوسي وراحوا ركبوا المترو وقعدوا يضحكوا ويزروا ويتصوروا بكل تلقائيه بس ماخدوش بالهم ان فيه حد بيراقبهم من بعيد .... كان شاب وسيم جدآ فضل يراقبهم لحد ماراح ليهم وقال )
_ هاي انا كريم
جني : وبعدين
كريم :عجبتيني وعاوز اعرفك
(للعلم جني مش جميله اوي يعني ... هي عاديه بس تقدر تلفت نظر اي حد ليها ...)
جني :والله انت جرئ جدآ
(كريم قرب وقعد جمبهم وكل دهب يحصل وبوسي متفاجآه جدآ )
كريم : بصي انا مش سهل ان حد يعجبني بس انتي شدتيني وانا مش تنازل عن اني اعرفك
(جني اعجبت بكلام كريم جدآ و بأسلوبه وطريقة كلامه ... بصتله بأعجاب وقالت ...)
جني : معاك 10 دقايق تعرفني فيهم علي نفسك
(اتبسط كريم بسبب الفرصه اللي جني عطيتهاله فريح بضهره لورا وبدأ يتكلم )
كريم : اسمي كريم عندي 27 سنه عايش لوحدي اهلي متوفين ماليش اخوات عايش حياتي عندي اصحاب كتير ومعظمهم بنات
(وضحك بطريقه مستفزه ضايقت جني فردت عليه رد صدمه هو و بوسي )
جني :صايع يعني ومش متربي
(اتحرج كريم من الجمله دي فرد وقال )
كريم : احم احم ... لا طبعآ متربي ... وكويس كمان ... بس مالقتش اللي تملا عيني وقلبي وحياتي عشان اعرف اعيش حياتي صح
(سكتت جني واتكسفت فلحقتها بوسي وحاولت تغير الموضوع )
بوسي : وانا بوسي انتيمة جني
(رد كريم وعينه متسلطه علي جني )
كريم :اهلآ بيكي يا بوسبوس
(بدأت العلاقه تطور بينهم بدأت صداقه تليفونات مقابلات كلام كتير حب وغرام .... يوم بعد يوم وبالتدريج كريم بقي كل حاجه في حياة جني بس كان ديمآ بيبقي فيه مشاكل بينهم بسبب البنات اللي علي طول حواليه بس ديمآ كان بيقولها انهم مجرد صحاب وبس لحد ما في يوم حبت تعمله مفاجآه وراحتله مكان شغله بس مالقتوش في مكتبه ... العامل قالها انه في كافتيريا الشركه .... خدت بوكيه الورد ونزلت للكافيتريا .... كانت فرحانه جدآ وفاكره انه هيكون سعيد بالمفاجآه بتاعتها دي بس للأسف الواقع كان هو اللي مفاجآه بالنسبه ليها لانها اول ما شافته اتغيرت ملامح وشها واتحولت ضحكتها لدموع ...شافته من ضهره كان قاعد مع بنت وماسك ايدها ... قربت منهم وسمعته بيقول .....)
كريم : حبيبتي انتي احلي حاج في حياتي .... كلها شهر واجي اخطبك من اهلك وتبقي ملكي ....
(جني قربت منم اكتر لحد ما بقت جمبهم كانت بتقول لنفسها .... ازاي هو بالقذاره دي ...نفس الكلام ...نفس نبرة الصوت .... نفس ماسكة الايد ... الفرق الوحيد ان في بنت غيرها معاه .... حطت ايدها علي ظهره و كانت عيونها كلها دموع وقالت )
جني : استاذ كريم ازيك
( كريم اول ما شافها اتنفض من مكانه وفضل يتهته في الكلام ....بس جني ابتسمت له وهي بتطرد ضعفها من جواها ... كانت عايزه تبانله قويه)
جني : ايه ده ... مالك ... هي دي اول مره تكلم بنات ... ياعم عادي ...خد الورد ده ....عشان هو يليق اوي علي قذر زيك
(بصتله من فوق لتحت وكأنها بتقوله انا بحتقرك وقالت ..)
جني : اصل ديل الكلب عمره مايتعدل
(وسابته ومشت راحت عند صاحبة عمرها بوسي اللي مالهاش حد غيرها عشان تحكيله وتشكيلها وبعد ما عدي عليها وقت طويل في العياط وفي مواساة بوسي ليها ....)
بوسي : اهدي بقي يابنتي ....وبعدين انا ياما حظرتك منه .... فاكره لما كنتي بتتصلي بيه كتير ويسيبك ملطوعه علي الانتظار ولا خروجاته الكتير وكل حاجه يقولك صحابي
جني : كنت غبيه يا بوسي ... الحب ده اكبر غباء بيتحط فيه الانسان ياريتني سمعتي كلامك
(بدأت بوسي تهديها وباتوا سوا وعدت الايام ومفيش اي شئ جديد بيحصل في حيات جني .... مفيش غير بوسي و الشغل و اللامبلاه .... جني بقي عندها لا مبالاه بكل حاج و لا بتهتم باي حاجه ... عايشه حياتها وخلاص لحد ما في يوم كانت قاعد في كافتيريا الشركه وبتشرب النسكافيه بتاعها وتبدأ تستعيد الذكريات ... ازاي كريم قدر يدخل حياتها وازاي بقي حاجه كبيره اوي بالنسبه ليها ... هي عارفه ان طريقة تعارفهم كانت غلط من البدايه بس ده مايمنعش انها حبته من قلبها وانا جرحها جدآ خصوصآ انه اول حب في حياتها فضلت تفكر كتير وتسرح في الماضي ف دخل الكافيه شاب وبص بعيونه في المكان لقاه مليان ومفيش ولا تربيزا فاضيه قرر انه يخرج من الكافيه خصوصآ انه موظف جديد في الشركه ومايعرفش حد فيها ... وبعد ماكرر يخرج لقاها قاعده في زاويه بعيده عن الناس ومنعزله .... هدوئها شده ليها .... راحلها وبدأ كلامه
يتبع الفصل الثاني اضغط هنا
- الفهرس يحتوي على جميع فصول الرواية كاملة :"رواية قلوب مشتته" اضغط على اسم الرواية