رواية أحببته رغم عقله الفصل الأول بقلم رؤي عمر
رواية أحببته رغم عقله الفصل الأول
_ اتجوز واحد عقله عقل طفل عنده 17سنه!!
=طب ممكن تقعدي اشرحلك
_ آندر ايدج انتوا بتهزروا!!
=يبنتي اقعدي بقا
_ قعدت في اي بقا
=ابني عمل حادثه، الحادثه دي اثرت على المخ، رجع ل عمر 17سنه بجسم واحد عنده 27سنه، هو بيتعالج دلوقت
_ طب يحج هو بيتعالج، عاوزين تجوزوه ليه بقا؟
=الدعم النفسي اهم حاجه،وانا وامه مش في البيت دايما،بنحتاج يبقي حد معاه على طول ياخد باله منه
_ خدامه يعني
=العفو يبنتي،صدقيني هتكوني خدمتيني خدمه في حياتي هفضل طول عمري مدين ليكي ب اي حاجه تعوزيها،بس ارجوكي وافقي
سكتت شويه وبصيت لماما لقيتها ساكته،رجعت بصتله تاني
_ طب ممكن تديني فرصه افكر؟
=اكيد انا مش هفرض عليكي حاجه،بس فكري كويس،دا ابني الوحيد،يلا السلام عليكوا
_ عليكم السلام،نورت
=الله يباركلك يبنتي
مشي وانا قعدت في الركنه،ماما جنبي واحنا الاتنين ساكتين
_ هو اكيد محتاج حد جمبه
=ايه!!
_ مش هيعدي من اللي هو فيه وهو لوحده
=مريم متقوليش انك...
_ انا موافقه ياماما
=بردوا!!
_ انا لو مكانه كنت هحتاج حد معايا،ان شاءلله هيخف،هبقي سبب من الاسباب اللي ربنا جعلهاله عشان يرجع زي الاول
=طب فكري كويس،احسن تندمي
_ محدش بيعمل خير ويندم يماما،انا اتربيت على كدا ودا اللي هعمله
يمكن طيبتي بتوصل لحد الغباء ساعات بس انا بحبها اوي، بحب طيبتي وان ربنا جعلني حنينه، دي احلي ميزه فيا، متهيقلي الانسان مش محتاج الا حد طيب حنين يطبطب على قلبه ويآنس وحدته، محدش بيحتاج حد بيحسبها بالقلم والورقه، متيجي نعيشها بقلوبنا ومنحسبهاش ونسيبها تيجي بظروفها ونرضي باي حاجه من ربنا، واكيد هتبقي خير لينا، جربوا اعملوا زيي كدا يجماعه!!
_ الو
=ايوا يبنتي، فكرتي؟
_ ايوا
اتنهد=وقولتي اي؟
_ موافقه يعم الحاج
متهيقلي كنت حاسه بفرحته وانا بكلمه في الفون، مش شايفه بس حاسه قد اي هو فرحان لما سمع كلمه موافقه، لو كنت اعرف انها هتفرحه كدا كنت قولتها من زمان والله
_ طب عندك مانع تيجي تشوفيه قبل كتب الكتاب
بلعت ريقي = كتب كتاب!!
_ اه، انتي رجعتي في كلامك ولا اي؟
=لا لا، معنديش مانع
_ نص ساعه والعربيه تكون عندك
قفل وانا قولت لماما، بابا مسافر بس ماما قالتله من اول ما باباه جه قالتله وهو وافق، بس مقالتلوش حالته الصحيحة، قالتله الاجتماعية
لبست ولقيت عربيه كبيره جدا بتضرب كلاكس تحت البيت
_ انا جالي صداع يعمو
=انتي مريم هانم؟
_ الاه!! انا مريم اه
=طب اتفضلي معانا
_ ايدا هتخطفوني؟ ادوني فرصه اصوت حتي يقولوا قاومت
=احنا تبع عماد بيه
_ عماد بيه، اه اه تمم
فتحلي باب العربيه من ورا
_ ودي اخرها فين دي؟
=ورا
_ طب وليه كل ده؟ العربيه ام كرسيين قصرت معاكوا في حاجه!! يالله يالله، داخله اهو
دخلت والحمدلله وصلت، ماشاءالله عربية جميله وفيها اكل، من اللي بشوفها في الافلام ايوا هي، كان حلمي العربيه المتر دي بس يلا وسعت مني شويتين تلاته اهو
وصلت بيت او استنوا فله فله،وقفت قدامها فاتحه بقي
_ اتفضلي ياهانم
=وربنا خطفني
_ خلصتي
=ايوا
_ طب اتفضلي بقا
دخلت كان بيت يخطف القلب من اول نظره،اول قصه حب تنشأ بين انسان وفله،بجد مش كلام،قعدت وسالتني شغاله اشرب اي
_كركديه ساقع
=افندم؟
_ معندكوش!!ازاي دا مشهور اوي،قهوة طيب؟
=تحت امرك يهانم
فجاه باباه جه وسلم عليا وقعد
_ عمري مهنسالك الجميل دا، طول منا عايش
ابتسمت وبصيتله
_ كوثر نادي على احمد بيه
كانت ماشيه وانا اتخيل هي تمشي وانا اتخيل لو برسمه مش هعمل كدا،بعد شويه لقيته جه،هو دا؟احلفوا كدا، سبحان الله ربنا مش بيدي كل حاجه،بس يخربيت جماله الله الوكيل مش اليك حل
قعد وحط رجل على رجل
_هي دي العروسه؟
يتبع الفصل الثاني اضغط هنا
- الفهرس يحتوي على جميع فصول الرواية كاملة :"رواية أحببته رغم عقله" اضغط على اسم الرواية