رواية عشقت نقابها الفصل الأخير1 بقلم لقي محمد

  رواية عشقت نقابها الفصل الفصل الأخير بقلم لقي محمد

رواية عشقت نقابها الفصل الفصل الأخير

تذكير : دخل إيهاب البيت واتصدم لما لقى البيت مترتب والأكل محطوط على السفرة بس لفت انتباهه الورقه اللِ محطوطه على السفرة جنب الاكل وكان هيفتحها لكن وقفه اتصال من رقم غريب قال بإتسغراب _ ألو جائه الرد على الطرف الثاني _ اممم بقول بلاش ألو دلوقتِ استغرب اكتر وقال _ مين معايا رد عليه ببرود _ مش مهم المهم دلوقتِ انك تيجي تاخد صاحب عايش بس كله بالفلوس عقد حاجبية وقال _ صاحب مين وانت مين وفلوس ايه قال بتلذذ _ 2 مليون جنيه مقابل إن ليث صاحبك يبقى عايش اخذ يرمي عليه بالسباب وابشع الشتائم ويهدده قائلاً _ ليث ايه انت اتجننت يا راجل انت انت مين يلا يا بن ***** اتته ضحكة من الطرف الثاني قائلا _ أهدى بس يا يويو ده التقيل لسه مجاش احمر وجهه بالماء وقال بغضب جامح _ لو ليث جراله حاجه متلومش غير نفسك تجاهل كلامه وقال بأمر _ تكون بكره الساعه 10 بليل موجود في لندن توسعت عينيه وقد فهم قصده وقال بخبث _ تمام أغلق الهاتف وهو ينظر للورقه بأستفهام ثواني وقد بدأ بقراءتها والتي كانت تحتوي على " ايهاب لو انت قراءت الورقه دي يبقى انا في لندن وطبعا انت عارف ليه هكون موجود في المكان ده *** حافظ على رقيه يا ايهاب انا عارف اني ممكن مرجعش تاني وعارف كمان أني لو رجعت رقية مش هتسامحني عارف اني اذيتها وكتير فحافظ عليها وابعد عن كارما بلاش كارما هتأذيك انا مزعلتش منك بس خوفت عليك منها علشان هتأذيك جامد .. سلام يا صاحبي ( ليث ) اشتدت قبضة ايهاب ليقول والدموع تُذرف من عينيه _ ليه كده يا ليث دخل بسرعه حط هدومه في شنطة وحجز طيارة للندن بأسم مستعار دخل غير لبسه و راح اوضه مخفيه محدش يعرفها غيره هو و ليث قعد شويه وبعدين خرج لابس كاب اسود يخفي وشه و بنطلون جينز اسود و تيشرت اسود اخد الشنطه ونزل اخد تاكسي مقرر أنه يسيب عرابيته علشان يمتكشفش بعد ما غير شكله بعد مرور فترة كان بيقدم الاوراق المطلوبه المزوره ثواني وكان يجلس في الطائرة المتجها إلى لندن وهو يخطط بخبث وإتقان شديدان ________________________________ عند رقية كانت معاها قمر نظرت رقية بثقه لقمر وقالت _ قمر انا هنزل اشتغل بزقت قمر كل العصير اللي في بقها وقالت بصدمه _ نعم قالت رقية بغضب _ ايه قولت حاجه غريبه نظرت قمر لها بهدوء وقالت _ لا أبداً بس قاطعتها رقية بثقة _ مبسش هشتغل يعني هشتغل اومأت لها قمر وقالت _ ماشي يا ستي هشوفلك شغل ابتسمت رقية بفرحه وقالت _ احلى اخت في الدنيا ليكملوا حديثهم بمرح من قمر ومحبه اخت من رقية بعد مرور بعض الساعات كانت تجلس فيهم رقيه وقد عادت للوحده مجدداً قالت رقية محدثه نفسها _ ياترى فينك يا ليث وكويس ولا لأ .. طب هو انا ليه قلبي مقبوض كده .. لالا هو اكيد بخير .. بس هو سبني ليه .. انا مزعلتوش خالص .. حطيت ايدي على قلبي وقولت _ أهدى بقى هو اكيد بخير وكويس .. وبعدين انت ازاي تخاف عليه .. هااا مش ده اللي سابك .. اسكت بقى ضربته راسي وقولت _ كمان بقيت بكلم نفسي .. اوووف أما أقوم انام قومت علشان انام ولكن فضلت اتقلب في السرير ودماغي صدعت قومت فتحت التليفزيون وقولت اسلي نفسي جه الصبح وانا على نفس الحالة قلبي مقبوض ويحاول اطمن نفسي و خوفي بيزيد اكتر معرفش ليه وعندي هاجس أن ليث جراله حاجه قومت اتوضيت وصليت وغلبني النوم وانا على سجادة الصلاة _______________________________ اللهم صل وسلم وبارك على سيدنا محمد وعلى اله وصحبه وسلم تسليما كثيرا عدد خلقك ورضا نفسك وزنة عرشك ومداد كلماتك ، الله اكبر ، سبحان الله وبحمده سبحان الله العظيم ، استغفر الله العلي العظيم و اتوب اليه عدد خلقه ورضا نفسه وزنه عرشه ومداد كلماته ______________________________________ أما عند قمر نزلت من العمارة وقابلت دارين ايوه دارين اللي نسيتوها قالت بشماته _ كده كله تمام قالت دارين بشر _ كويس اووووووووي قالت قمر وهي ترفع حاجبها _ هااا فين الفلوس نظرت لها دارين بأستحقار وقالت _ صحيح بنت شحاته تدمعت عيون قمر وقالت _ انجزي أعطتها دارين الفلوس بإشمئزاز ، اخدت قمر الفلوس ومشيت وهي بتقول بضعف _ سامحيني يا رقية بينما دارين ابتسمت بشر وقد ازداد الغل بداخلها ________________________________ أما عند إيهاب كان يخرج من قسم شرطة لندن وقد أعطى لهم التعليمات ، فهو بمرتبة ليث أيضاً ثواني وكان يجهز نفسه للاستعداد للحرب الدامية دلف إلى الموقع المحدد وهو يحمل الأموال معه وقال بصوت عالي _ ليث خرج شخصًا وهو يقول _ أهلا أهلا ايهاب باشا نظر له ايهاب بإستحقار وقال _ بقى في آب يعمل كده في بنته قال والد رقيه ( ايوه متتصدموش ) _ انا حر في بنتي لقيتلها بيعه تانيه نظر له ايهاب بإستحقار وقال _ فين ليث قال والد رقية بجشع _ سلم الفلوس ويطلقها واسلمهولك واخته قال ليث بصراخ غاضب من داخل الغرف _ مش هطلقها ساااامع نظر والد رقية لهم وقال بصوت عالي _ خلاص قولوا على نفسكوا يا رحمان يا رحيم نظر له ايهاب بخبث وقال متصنعاً التوتر والخوف _ لأ لأ هيطلقها متخافش خرج رجل وهو يجر ليث المقيد و جسمة يخرج الدماء من كل مكان احتقن وجه ايهاب بغضب قادر أن يزيل الاخضر واليابس رمى ذلك الرجل الخضير اللذي يطلق عليه والد رقية الورق في وجه ليث وقال _ امضي يلااااا قال ليث بخبث _ طب فكني علشان اعرف امضي نظر له ذلك الرجل بشك وقال بأمر _ فكوه بس اي حركه كده ولا كده بموتكوا كلكوا أومأ له ليث بصمت ثواني وكان قد فُك قيده ، وبلمح البصر كان رجال الشرطة مجتمعين حولهم

عند رقية صحيت على ايد بتمسد على شعري ابتسمت و غمضت عيني تاني ثواني و فتحت عيني بفزع لما افتكرت اني في الشقه لوحدي قولت بصريخ _ انت .. انت بتعمل ايه هنا ابتسم بأستفزاز زيه وقال _ صباح الخير يا حبيبتي احمر وشي بغضب و حسيت أن وشي بيطلع نار ، وقولت _ بقولك بتعمل ايه كده قال بحب مستفز _ ايه يا حبيبتي في حد يستقبل زوجه اللي غاب عنه شهرين كده صرخت بغيظ من بروده ، وقولت _ حبك برص يا شيخه يخربيت برودك سحبني اقعد جمبه ، وقال وهو بيهديني _ اهدي يا حبيبتي علشان في ضيوف بره مينفعش يسمعوكي بتزعقي كده دموعي نزلت بخوف ، وقولت بتردد _ اتجوزت عليا تاني اتصدم ، وقال بسرعه _ مقدرش قولت وانا يقف على السرير _ اوماااال كنت كل ده فين هااا قال بهدوء _ اهدي يا رقية وتعالي نخرج للضيوف ولما نبقى لوحدنا هبقى افهمك فضلت اضربه في صدره وانا بصرخ ، وبقول _ اتجوزت عليا تاني ليه .. هاااا حرام عليك ده انا كنت هموت من القلق عليك مسك ايدي جامد علشان أهدى ، وقال بنفاز صبر _ قولتلك متجوزتش عليكِ اهدي بقى بعدت عنه وانا بعدل شعري ، وقولت _ اومال كنت فين وبتعمل ايه في كل المده دي هاااا شدني من ايدي ، وخرجني بره وهو بيقول _ تعالي بس شوفي الضيوف انصدمت وانا بشوف بنت بعيون زرقه و وش ابيض زي اللبن و خدود ورديه جدا و بقامه طويلة نوعاً ما و لابسه حجاب بصيت لية بخوف وقولت _ اتجوزت عليا وبتكدب قالت البنت المسهوكه دي بدلع _ مين دي يا لولو قولت بغضب وعنيا بدأت تتحول _ ما ترد يا لولو قال ليث بإبتسامة _ دي اختي يا رقية بصيت ليها بصدمة ، ثواني وكنت بحضنها ( ايه يا جماعه عادي حبيتها فجأة اعترضوا بقى 😂 ) بصيت لليث وحطيت ايدي على دقني ( بستحلفلوا يعني ) المستفز غمزلي ، حسيت باحمرار خدودي بس سكت بس بصيت ليه بأستغراب وقولت _ بس انت قولتلي إن اختك ماتت قالي بهدوء _ هحكيلك بعدين ابتسمت ، وبصيت لأخته وقولت _ أنتِ اسمك ايه يا قمر انتِ قالت بمرح _ حنفي غمزتلها بمرح وقولت _ بقى القمر ده يبقى حنفى ده انت اللِ جعفر قالت بهدوء ، وإبتسامة _ ده أنتِ زي القمر بسم الله ماشاء الله ، انا يا ستي أسمي نجاح قولت بمرح _ عسل يا نوجا لقيت ليث بيحم حم وبيقول _ احم احم انتوا نسيتوني ولا ايه قولت بوعد _ انت ده انت حسابك معايا بعدين قالي بمرح _ مسا مسا يا رؤوف قولت بغيظ _ مسا مسا يا ابرهيم قالت نجاح بحب _ مراتك دي عسل يا لولو رفعت ايدي بمرح ، وقولت _ اللهِ ربنا يطيب بخاطرك يا شيخه غمزلي ، وقال _ شكلك قعدتي مع قمر كتيرررررررررر ابتسم بهدوء ، وقولت _ عادي .. اسيبكوا انا وأروح اعمل الاكل علشان القمر دي لازم تتغذى ضحك ، وقال _ اشطا لفيت لنجاح ، وقولت بمرح _ محسوبتك في المطبخ عوزتي اي حاجه هتلاقيني عندك فوريره ضحكوا ، وقالوا _ ماشي سبتهم ودخلت المطبخ ، بس مش عارفه ليه زعلت اني سبتهم لوحدهم ، لأ ثواني كده هو انا بغير عليه ، لالا انا مش بغير عليه ولا حاجه دخلت عملت الاكل وعقبال ما الاكل يستوي بصيت عليهم لقيتهم بيضحكوا ، زعلت بس طردت الفكره دي من دماغي بسرعه ، ورحت أطفي على الاكل ، واغرف الاطباق خلصت وروحت ارص الاكل على السفرة ، وروحت قولتلهم _ يلا علشان الاكل على السفرة لقيت نجاح بتقول بطريقه مضحكه _ اكلك ريحته تجنن قولت بمرح _ ألف هنا يا مززه روحنا علشان نقعد على السفرة ، بس واحنا خارجين لقيت ليث بيقرب من وداني وبيقول بغمزه _ بحبك يا قشطه وشي احمر بخجل ، وخرجت بسرعه ، وأنا بقول _ قليل الادب ضحك ، وقال بصوت عالي كائنه عايز يكسفني _ بس بحبك يا ابيض جريت اقعد على السفرة ، وانا بقول _ اخوكي مستفز قالت بغمزه _ بس بتحبيه احمر وشي اكتر ، وحسيت أنه بيطلع نار ، وقولت _ ما شاء الله الاتنين قللات الادب ضحكوا عليا ، وبدأنا ناكل ، بهدوء ، تحت دلع ليث لنجاح ، وهو بيأكلها بنفسه اتخنقت ، وقومت علشان ياخدوا راحتهم ما هما برضو بقالهم سنين مشافوش بعض ، وقولت _ هقوم اعملكوا الشاي قالوا الاتنين _ ماشي يا قلبي دخلت المطبخ اعمل الشاي ____________________________________ اللهم صل وسلم وبارك على سيدنا محمد وعلى اله وصحبه وسلم تسليما كثيرا عدد خلقك ورضا نفسك وزنة عرشك ومداد كلماتك ، الحمد لله ، الله اكبر ، لا اله الا الله ، سبحان الله وبحمده سبحان الله العظيم ، لا إله إلا أنت سبحانك إني كنت من الظالمين ____________________________________________ عند ايهاب خرجت من المطار ، وانا حاسس براحه نفسيه روحت على الجنينه اللي قاعدنا فيها انا والبنت التانيه قبل كده بس اتفاجات بيها هناك ، قربت وانا بشبه عليها ، ولما لقيتها هي قولت _ انسه لفت بصدمه وقالت بإبتسامه _ انت هنا قال وهو بيقعد جنبها _ اه انا ضحكت وقالت بهدوء _ شكلك زعلان من حاجة تاني قال بإبتسامة تخطف الأنفاس _ بالعكس ده انا فرحان جدا قالت بهدوء وإبتسامة _ يارب دايما فرحان قال بهدوء ، وترقب _ تتجوزيني احمر وشها بخجل وقالت _ هاا قال ببطئ وخبث _ ت .. ج .. و .. ز.. ي .. ن .. ي اومأت ليه بخجل ، وهي حاطه أيدها على وشها وبكده نقول إن ايهاب لقى شريكة حياته ، وقد عمت الفرحه عليه ____________________________________ عند رقية كنت قاعده جنب ليث في الأوضه بعد ما نجاح دخلت تنام في الاوضه التانيه قولت بنفاز صبر _ ممكن تفهمني بس في ايه قال و هو بيمسك ايدي _ هقول بس توعيديني متزعليش بصيت ليه بترقب ، وقولت _ طب قول قال بهدوء حذر _ فاكره لما قولتلك إن دارين جت ليا وقالت ليا اتجوزك قولت بحذر _ ايوه وساعتها قولتلي ابوكي قتل عيلتي وانا مصدقتكش قال بهدوء _ ايوه هو فعلاً مقتلهمش قولت بإستغراب _ اومال انت كنت بتقول كده ليه قال بهدوء _ الحكاية بدأت لما دارين جاتلي وقالت ليا أنها عايزه تنتقم منك ساعتها انا قولتلها هشوف وهقولك ولما قولت لايهاب أنه يبحث في ملفك قالي أن ابوكي قتل عيلتي و هو القاتل اللي انا بدور عليه سنين ساعتها انا الانتقام عماني واصريت اني اتجوزك ساعتها عرفت أن ابوكي ممكن يبيع نفسه علشان الفلوس عرضت عليه مبلغ كبير وهو وافق فوراً واتجوزتك غصب عنك و علشان اريح دارين اللي كنت مقتنع أنها بتحبني و علشان انتقم منك اتجوزتها تاني يوم ما اتجوزتك هي كانت فاكره اني اتجوزتك علشان انتقم لها منك بس انا مقولتلهاش اني اتجوزتك علشان انتقم في ابوكي منك ساعتها تاني يوم ما اتجوزت دارين اتصل بيا ايهاب وقالي إن اخو بباكي اللي هو عمك هو اللي قتل عيلتي مش ابوكي ساعتها مش عارف ليه انا اتمسكت بيكِ اكتر ومبقتش عايز اسيبك ، حسيتك ملزمه مني انا بس لما كنتي في المستشفى اتصل بيا وهددني أنه معاه اختي اللي عمك خطفها و أداها لعصابه برا مصر لأن كان فيه عداوه كبيرة بينوا بين ابويا المهم بباكي اتصل بيا وقالي أنه معاه اختي واني لو مطلقتكيش هيقتلها صدرت شهقه مني بصدمه ، وقولت _ استحاله بابا يكون كده قال بهدوء ، وهو بيمسح دموعي _ اهدي خليني اكمل سكت ، وهو كمل بهدوء _ ساعتها انا انصدمت و قولت ازاي انا فاكر إن اختي ماتت ساعتها اتبعتلي تحليل DNA واللي اثبت أنها اختي خططت اني اروح اخدها بس مش هطلقك ، روحت بعد ما حددت مكانها بس كل حاجه اتشقلبت وباباكي اخد الفلوس و حبسني مع اختي ساعتها انا مكنتش خايف على نفسي قد ما كنت خايف عليكِ علشان كان عايزني اطلقك علشان يجوزك لواحد تاني شهقت وانا بحط ايدي على بوقي بصدمه ، ودموعي بتنزل زي الشلال قال ، وهو بيمسح دموعي _ اهدي يا رقيه انا قدامك اهو وكله بقى تمام اكتفيت بهز راسي بهدوء ودوعي بتنزل كمل وقال _ ساعتها اتصل بايهاب وطلب منه نفس المبلغ ونفس الشرط وهو أنه يغصبني اني اطلقك ساعتها ايهاب عرف يتصرف و هاوده ولما راح اتفق مع الشرطه اللِ في لندن وبحكم أنه عقيد زي قدر يوصل لخططه و اديني قدامك اهو صرخت ، وانا بحط ايدي على وداني ، وبقول _ انت كداب كلكوا كدابين انا بكرهكوا كلكوا قال وهو بيخاول يهديني _ اهدي يا رقيه والله ما كدبت عليكِ في حاجة قولت بخوف _ انت .. انت هتسيبني صح قال بعشق _ انا بحبك يا رقية واستحاله اسيبك قولت بخوف _ لأ انتوا كلكوا زي بعض انت كمان هتسيبني قال وهو بيسحبني ليه _ لأ أنا مقدرش اسيبك ابدا قولت ، وانا بمسك في قميصه _ يعني انت مش هتسيبني ابدا قال ، وهو بيمسد على شعري بحب _ لأ مقدرش ، ده غير أن كل معلوماتك كانت عندي اصلا قولت وانا ببعد _ نعم ازاي قال وهو بيثبتني _ يعني قمر انا كنت متفق معاها أنها تفضل معاكي ودارين الهبله كانت فاكره أنها بحبة الفلوس اللي بتديهالها علشان تنقلها اخبارك أنها كده كسبت قولت بعدم فهم _ يعني ايه انا مش فاهمه قال بحب _ يعني دارين هي اللِ زاقه قمر عليكِ بس قمر جت وحاكتلي وانا قولتلها كملي معاها بس انا اللِ اقولك تعرفيها ايه ومتعرفيهاش ايه بس قمر طلعت بت جدعه و فضلت تجاري دارين لحد ما جابت اخرها ودلوقتِ دارين هي كمان في السجن وكده كل الشر اللِ في حياتنا خلص بعدت عنه وقولت _ تقصد ايه بهيا كمان قال بهدوء وأسى _ باباكي كمان اتسجن اترعشت وقولت بخوف ممزوج ببكاء _ طب وماما قالي بإبتسامه _ من بكره الصبح نجيبها تعيش معانا قولت بدموع _ انا بحبك اووي قال بإبتسامة خطفت قلبي _ وانا بعشقك

تمت رواية كاملة عبر مدونة دليل الروايات

• الفهرس يحتوي على جميع فصول الرواية كاملة :"رواية عشقت نقابها" اضغط على اسم الرواية