رواية وقعت فى العشق الفصل العشرين والأخير بقلم أمل السقا
رواية وقعت فى العشق الفصل العشرين والأخير
عشق بصدمه: جويريه انتي عملتي ايه يا مجنونه هتضيعي نفسك.
جويريه بزعيق: باااس مسمعش صوتك عشان متحصليهوش" وبعدين قالت ببرود "انتي كده كده هتحصليه بس لما ناخد اللي احنا عايزينه الأول.
نرمين بصريخ: نااااادر انتي متخلفه انتي ازاي تعملي كده انا هوديكي فى داهيه يعيط جامد.
جويريه وهي بتوجه السلاح على راس نرمين: بقولك ايه يا قطه انا هخيرك بين حاجتين يا تاخدى نفسك دلوقتي وتغورى فى داهيه من وشي" وعمرت المسدس اللي فى ايدها"يا اما تتشاهدى وتحصلي اخوكي واهو تسليه لحد ما ابعتله حبيبة القلب دي ها قولتي ايه؟
نرمين برعب واضح وبتترعش طلعت تجري من قدامها وتقول لا انا مش عايزة اموت لأ وهربت.
عشق بصدمه ودموع نازله بغزارة: انتي مستحيل تكوني البنت اللي انا صاحبتها فى يوم من الايام واعتبرتها اختى مستحيل تكوني انتي انتي مش انسانه اصلا انا بكرهك بكرهك بكرهك انتي بتعملي كده ليه؟ بتفرحي لما بتإذي غيرك ليه؟ هتستفيدي ايه من كل ده قوليلي؟ طب متعلمتيش من اغلاطك ليه؟ احنا بنغلط عشان نتعلم مش عشان نتمادى فى الغلط ونزوده ازاي مخدتيش عبره من اللي حصلك ازاي حرام عليكي بقا حرام.
جويريه: بعمل كده ليه؟ حرام؟ ومش حرام اللي حصلي؟ مش حرام اللي اتعمل فيا؟ اني اخسر نفسي عشان حب مزيف مش حرام؟ إني اخسر اهلى مش حرام؟ ابويا يموت من قهرته مش حرام؟ ابني اللي مات قبل ما ييجي على الدنيا مش حرام ما تنطقي.
عشق بعصبيه: انتي اللي عملتي كل ده انتي اللي عملتي كده فى نفسك انتي اللي ظلمتى نفسك لما حللتى الحرام واستحليتيه انتي السبب يا جويريه وانتي اللي دفعتى وبتدفعي وهتدفعي انا ياما حذرتك ونصحتك مسمعتينيش ياما قولتلك اتقى الله مسمعتينيش وفكرتيني بغير هههههههه هغير على ايه ولا من ايه اصلا؟ هغير عشان بعتي نفسك لانسان واطى استغلك؟ ولا هغير من طريقة لبسك الفاضح اللي بيعري اكتر ما بيستر هغير من ايه؟ انتي زرعتي شر يا جويريه ودلوقتي بتحصديه.
جويريه بصوت عالي: انتي قتلتيلي ابني عارفه يعني ايه أبني مات بسببك انا كنت نسيتك انتي اللي طلعتي فى طريقي ده حتى الراجل اللي ارتاحت معاه وفتحلى قلبه ودخلني بيته وخلاص كنت هبدأ اعيش سابني سابني لما سمع كلامك معايا فى المستشفى انا بكرهك يا عشق وكرهي ليكي اكبر من كرهك ليا بكتير وحقي هاخده منك بس الصبر.
عشق بدموع: مش هقول غير حسبي الله ونعم الوكيل فيكي ربنا هيخلص حقي منك يا جويريه "يمهل ولا يهمل، يمهل ولا يهمل"
آدم بتدخل: ممكن تخرسوا بقا انتو الاتنين كفايه دراما عشان صدعت منكم ولما نخلص شغلنا ابقوا ولعوا فى بعض.
عشق بنظره ناريه ليه: اسفخس عليك انسان واطى وزباله.
آدم بسماجه: مقبوله منك يا قمر بس بما ان نادر اتوكل على الله بقا احب اقولك ان بعد الليله دي ما تخلص هاخدك على العالم بتاعي وهعرفك من اللي واطى اشطا "وبعتلها بوسه عالهوا بغمزة"
&_____كل ده بيحصل وزينه فى حالة صدمه لا بتتكلم ولا بتعمل أي رد فعل غير انها بتعيط وبتبص لنقطه فى الفراغ وساكته"
***________عند زياد وعز الامور متوتره بعد ما راحوا السنتر وبلغوهم ان عشق وزينه جالهم اتصال وطلعوا على بره جري من غير ما يفهموا فيه ايه وزياد جاله اتصال.
زياد بسرعه: الو
المتصل/.....................
زياد /آه يابن الكاااالب بقا كل ده يطلع منك انت انت والله ما انا سايبك والله ما انا سايبك.
المتصل /....................
زياد /اجيلك فين؟
المتصل /..................وقفل من غير ما يسمع رد من زياد.
عز واحمد صاحبهم واقفين بيراقبوا المكالمه عشان يوصلوا لمكان المكالمه جاي منين.
زياد بلهفه: ها عرفتوا المكان فين؟
احمد: المكالمه مكملتش دقيقه وملحقناش نتوصل للمكان يا زياد حاول تتصل تاني وتجر معاه كلام لحد ما نقدر نوصل لحاجه.
زياد بغضب: حاولت اتصل بيديني مقفول اااااه يا بن الكاااالب والله لاقتله بإيديا دول هقتله هقتله.
عز بتنهيده طويله حزينه: انا كنت حاسس انه هيطلع غدار فى الاخر شكله بيقول كده وبعدين افتكر حاجه وبص لزياد
زياد مش انت كنت بتقول ان آدم ليه ڤيلا هنا؟
زياد بدهشة: ايوه ليه ڤيلا هنا ليه يعني؟
عز بتفكير: طب مش جايز يكون خدهم على هناك عشان ممكن يكون فكر اننا مستحيل نفكر نروح هناك.
زياد باقتناع: ليه لأ جايز برضو يلا بينا على هناك.
عز: استني بس خلينا نفكر الأول احنا لازم نبلغ لان اكيد معاهم حرس كتير وسلاح كمان ولازم نعمل احطياتنا.
زياد: خلاص انا هقولك هنعمل ايه بص......
&&________فى مكان تاني فى ڤيلا زياد
محمد واقف بيكلم زياد فى التليفون.
محمد /اتخطفوا ازاي يعني؟
زياد /..........
محمد /زياد لازم ترجع اختك ومراتك اتصل بالبوليس اديهم كل حاجه اهم حاجه بنتي يا زياد زينه اهم عندي من كل حاجه واي حاجه.
زياد /...........
محمد /اومال هقول ايه لكل المعازيم دول؟
زياد /......
محمد /ماشي وابقي طمنى على طول."وقفل معاه "
Aml Elsaka, [٢٠.٠٨.٢١ ٠١:٠٥]
مراد: ها يا محمد ايه اللي حصل؟ انا مش عارف هقول لجميله ايه دي ممكن تروح فيها. "وسمعوا صوت من وراهم"
جميله بتعب واسمهان سانداها: تقولولي ايه يا مراد؟ عيالي فين واتأخروا ليه؟
مراد بتوتر: لا لا مفيش كل الحكاية انهم اتأخروا فى البيوتى سنتر ودلوقتي رايحين يعملوا سيشن وكده وكانوا عايزينا نتصور معاهم بس انا قولتلهم مينفعش نسيب النااس دي.
اسمهان بعدم تصديق: محمد مالك متوتر كده ليه؟ انا قلبي مش مطمن من الصبح لو سمحت قولي فيه ايه؟
محمد: هيكون فيه ايه يعني يا اسمهان يا حبيبتي مهو مراد قالكم اهه احنا هنخبي ايه يعني انتو اللي قلبكم خفيف بس.
"جميله داخت و وقعت"
مراد بخوف: جميله جميله محمد افتح العربيه بسرعه لازم اخدها المستشفى.
محمد: حاضر حاضر استر يارب استر يارب.
&&&_______________فى ڤيلا آدم.
عشق بصريخ: يا ناااااااس حد يخرجنا من هنا بقا انا تعبت.
آدم بملل: والله يا عشق لولا انك غاليه عندي ومرات الغالي لا كنت اتصرفت معاكي تصرف مش لطيف خااالص فياريت تبطلي صداع بقا وبعدين خلاص هانت كلها شويه وهكلم زيزو عشان ييجى والحوار يخلص.
عشق بصريخ: انت متخلف البنت مغمى عليها من فتره لازم تفوقها انا مش عارفه اعمل حاجه بالحبال دي فوقها وبعدين ابقى غور.
آدم بعصبيه: بس بس بس مش عايز طولة لسان وبعدين متقلقيش زوزو بس قلبها رهيف عشان كده مغمى عليها *قالها وهو بيهمس فى ودنها *
&&&&________بعد شويه زياد وصل وبيحاول ينط من على السور الخلفى لان الڤيلا حواليها حرس كتير جدا وهو مش مدرب كفايه لدرجة إنه يغلب كل العدد ده ولسه هيدخل الڤيلا بس سمع صوت من وراه.
حارس: سلم نفسك وانزل وياريت متحاولش تقاتل عشان متموتش مكانك.
*زياد لعن فى سره ونزل بهدوء، الحرس فتشوه ودخلوه لآدم *
آدم باستفزاز: والله انت ابن حلال ده انا كنت لسه هكلمك عشان اعزمك تيجي تقعد معانا شويه.
جويريه بملل: بقولك ايه يا آدم انت بتتلكع كتير قوي ما تنجّز ورانا قتل عايز يتم.
زياد بضيق: انتو عايزين ايه؟ طلباتكم؟
آدم "وهو بيطلع ورق من جيبه": كل اللي احنا عايزينه تمضي على شوية الورق ده زي الشاطر وبس شوفت بقا سهله ازاي" وغمز بطريقه مستفزة "
زياد ببرود: همضي بس بشرط.
جويريه بصوت عالي: لا يا حلو انت مش فى بيت ابوك عشان تتشرط انجز امضي وانت ساكت.
"زينه فاقت طبعاً من لما آدم كان بيكلم عشق واول ما سمعت صوت زياد فضلت تنادى عليه بصوت عالي وشهقات وعياط، وآدم وجويريه طبعاً ميتوصوش انهم يحرقوا دمها هي وعشق عشان يشوفوه وهو بيمضي وفعلا راحلهم وكانوا مربوطين"
زياد بلهفه: عشق، زينه انتو كويسين؟ حد عملكم حاجه؟ اتأذيتو؟
عشق: متقلقش يا زياد احنا كويسين.
زينه بدموع: زياد روحنى عشان خاطري انا خايفه وعايزة اروح.
جويريه بملل: اوووف مش هنخلص يلا يا عم اديله الورق عشان نشوف شغلنا.
زياد ببرود: بس انا لسه مقولتش الشرط بتاعي.
آدم: وايه هو الشرط بتاع سيادتك.
زياد ببرود اكتر: ان عشق وزينه يرجعوا البيت واطمن عليهم وبعدين هعملكم اللي انتو عايزينه.
جويريه: هههههههه لا ده انت بتهزر بقا طب ايه قولك بقا انك لو ممضتش دلوقتي هتشوف دمهم بيتصفى قدامك وهتمضي برضو.
زياد بغضب: يعني ايه؟
آدم: يعني امضي من سكات وبعدين خد اختك وامشي.
زياد "خد الورق وبالفعل مضى واول ما مضى آدم اخد الورق بلهفه وجويريه بتضحك ضحكه انتصار عاليه"
زياد: خدتو اللي انتو عايزينه المفروض نمشي.
جويريه: ايوه طبعا هفكلك زينه وخدها وامشي.
زياد: وعشق
جويريه: تو تو عشق هتقعد معايا شويه عايزاها فى موضوع كده خد اختك انت ومع السلامه.
زياد بعصبيه: انا مش همشي من غير مراتي واختى الاتنين مع بعض فاهمين.
آدم: طب يا جويريه انا هعمل مشوار كده وانتي اتصرفي معاهم لحد ما ارجع ماشي ولسه بيلف وهيمشي.
جويريه رفعت عليه المسدس: آدم ارجع يا روحي وبلاش تلعب معايا انا اللعبه دي هه.
آدم بتوتر: لعبة ايه والله ظلمتيني ده انا كنت ناوي اجيبلك غدا.
جويريه بابتسامة بارده: يا حبيبي قلبك عليا والله فيك الخير حط انا بقا مش عايزة غدا انا عايزاك تقعد مكانك كده لحد ما نخلص ونخرج من هنا سوا.
"فى الفتره دي كان زياد فك عشق وزينه واتطمن عليهم ومابين نقاش آدم وجويريه دخل حارس عليهم وهو بينهج"
الحارس: آدم بيه البوليس حاصر المكان كله.
آدم بعصبيه: انت بتقول ايه؟ "وطلع يجري عشان يدور على مكان يهرب منه اما جويريه فضلت مكانها"
جويريه ببرود: بصي انا كده كده ضايعه بس انا اقسمت لازم اخد حق ابني وهاخده "طبعاً الكلام ده موجه لعشق" ورفعت المسدس وضربت طلقه بس زينه زقت عشق وخدت الطلقه مكانها فى نص قلبها"
زياد وعشق: زينه "فى اللحظه دي كان عز والشرطه اللي معاه قبضوا على آدم وطلعوا فوق وشافوا زينه مرميه عالارض وغرقانه فى دمها، جويريه أول ما شافتهم رفعت المسدس على راسها وقتلت نفسها *عاشت مفتريه و واطيه وماتت كافره يلا بقا ربنا يرحمنا جميعاً*"
عز راح عند زينه وحط راسها على رجله: زينه انتي هتبقي كويسه الاسعاف جاي هتبقي كويسه والله.
زينه بابتسامة باهته وكلام متقطع: انا كويسه عشان شوفتك قبل ما اموت كنت عايزة اقولك اني بحبك اكتر من اي حاجه و
عز وهو بيحط ايده على بقها: هشششش متتكلميش دلوقتي عشان متتعبيش اكتر اجلي الكلام ده كله دلوقتي.
زينه: لا ده هو ده وقته انا خلاص عارفه نهايتي انت عارف انا كان نفسي تحبني "عز لسه هيتكلم بس هي سكتته" متقاطعنيش لو سمحت، انا عارفه عارفه ان عمرك ما حبيتنى ولا كنت هتحبني "ضحكت ضحكة وجع" انت حتي امبارح لما بعتلى الرساله واني وحشتك مكنتش أنا المقصوده انا شوفت الرساله القديمه اللي انت بعتها ومسحتها على طول انت مفكرني مش هحس بيك تؤ البنت فينا قلبها بيحس باللي قدامها وانا عمري ما حسيت انك بتحبني بس والله دايما بتمنالك السعادة "بصت لعشق وزياد اللي قاعدين في صدمه وموعهم مش مفارقاهم" عشق انا كنت بغير منك اه والله كنت بغير عشان زياد بيحبك بس كنت بتمنى اتحب بنفس الطريقه ونفس القدر "مسكت ايد عشق" اوعديني تسعديه ومتزعليش زياد يا عشق اوعديني عشان خاطري متسيبوش بعض ابدا وماما وبابا ماما وبابا خلي بالك منهم هما هيفتقدوني بس انتي بوجودك ممكن تعوضيهم عني اوعديني يا عشق اوعديني.
عشق بدموع: انتي يا زينه اللي هتخلي بالك منهم مش هيحتاجولى انتي هتكوني موجوده.
زينه وهي بتضغط على ايد عشق وبنظرة رجاء: اوعديني يا عشق.
عشق بدموع: اوعدك يا زينه اوعدك اني هعمل اللي انتي عايزاه.
زينه بابتسامة: انا كده ارتحت"وبصت لزياد"خلى بالك من عشق يا زيزو"وبعدين بصت لعز"كنت بتمنى اعيش معاك واسعدك بس ان شاء الله هتكون سعيد مع غيري انا بحبكم قوي "وبعدين نطقت الشهاده وصعدت الروح الى خالقها"
عشق بصريخ: زينااااه "واغمى عليها، الاسعاف وصل وخدهم على المستشفى واللي كان فيها والدة عشق ، والدة زينه لما عرفت بموت بنتها فضلت تصرخ وتقول انا قلبي كان حاسس انا قلبي كان حاسس وعشق فاقت بس باصه لنقطه فى الفراغ مفاقتش كلياًّ غير لما سمعت الدكتور بيتكم مع والدها"
الدكتور بعصبيه: انا قولت لحضرتك العمليه المفروض تتعمل فى أسرع وقت وده مرض مش محتاج تهاون.
مراد: يا دكتور والله احنا كنا هنسافر النهارده وهي موافقتش تسافر قبل ما تحضّر فرح ولادها بس الظروف هي اللي حكمت.
الدكتور: عموما احنا جهزنا غرفة العمليات لأن المريضة مش هتستحمل سفر فى الوضع ده والباقي على ربنا سلام عليكم "ومشي"
عشق وهي بتسند على الحيط وبتكلم والدها: بابا هي ماما مالها؟ وعمليه ايه؟ فيه ايه؟
مراد بتوتر: عملية بسيطه يا بنتي وان شاء الله هتخف وتكون زي الحصان متقلقيش.
عشق: عمليه ايه يا بابا عمليه ايه؟
مراد: سلمت أمري ليك يارب عمليه استئصال كانسر يا عشق والدتك مريضه كانسر.
عشق وهي بتجري على غرفة والدتها: ماما كويسه ماما كويسه ماما مش هتسبني ماما مش هتسبني
*بعد حوالى نص ساعه كانت غرفة العمليات جهزت و والدة عشق دخلت عشان تعمل العمليه وخدت فيها حوالى 7 ساعات وفى الفتره دي كان تم دفن جثمان زينه مع معاناة والدها و والدتها واخوها وعز طبعاً وبعد الدفن كلهم اتجهوا للمستشفى وخصوصا اوضة العمليات وبعد فتره مش كبيره *
الدكتور وهو خارج وبينهج: حمد لله على سلامة المريضة العمليه كانت صعبه جدا بس كان فيه أمل وطالما الأمل موجود يبقى نعمل اللي علينا ولحسن حظنا ان كان فيه متبرع.
عشق بلهفه: ينفع اشوفها يا دكتور؟
الدكتور: دلوقتي مش هينفع للاسف لانها لسه مش في وعيها نهائيا بس مجرد ما تفوق وتتنقل اوضه عادية تقدروا تزوروها"واستأذن ومشي".
*_____بعد مرور 40 يوم.
محمد: انت برضو يا مراد مصمم تمشي.
مراد بحب: معلش يا محمد بس بيتي وحشني وانت عارف انى مخليناش اقعد كل ده غير ان كلنا كنا محتاجين نكون مع بعض الفتره اللي فاتت عشان نقدر نتخطى المرحله دي والحمد لله مدام اسمهان قدرت تتخطى صدمة موت زينه وجميله ربنا شفاها واهه الدنيا ماشيه.
*________عند عز فوق وتحديدا فى اوضة زينه اللي طلب انه يقعد فيها الفتره اللي هيقضيها فى بيت زياد.
عشق: ايه يا عز اللي انت شايله ده؟ انت هتاخد مذكرات زينه معاك؟
عز ببسمه: ايوه هاخدها "بص لزياد" لو زياد معندهوش مشكله طبعاً.
زياد بابتسامة حزينه: اكيد يا عز بس تحافظ عليه وانا هاخد الرسومات.
عشق: انت قريته كله يا عز؟
عز بتنهيده: امممممم قريته.
عشق: طب ايه آخر حاجه كانت كاتباها؟
عز بلهجه حزينه: أول حاجه كاتباها فى الصفحه الأخيرة
( ليتنى كنت ذاك الحلم الذى تمنيته أن يكون حقيقه).
وتانى حاجه كاتباها.
( إن كان يوماً مصيرنا الفراق
فلتكن ذكراي حلوة المذاق.)
وآخر حاجه "وعيونه دمعت"
"وكان خطأي هو أنني وقعت فى العشق"
تمت رواية كاملة عبر مدونة دليل الروايات
- الفهرس يحتوي على جميع فصول الرواية كاملة :"رواية وقعت فى العشق" اضغط على اسم الرواية