رواية تزوجت معاقا ذهنيا البارت الواحد والعشرون 21 بقلم شهد محمد موسى
رواية تزوجت معاقا ذهنيا الفصل الواحد والعشرون 21
وراح خد مفاتيح عربيته وكان لسة هيخرج من المكتب لقي باب المكتب بيتفتح وبيدخل ظابط ومعاه عساكر ........
الظابط بنبرة قوية: انت مطلوب القبض عليك..........
قاسم ببرود:لا بجد......
الظابط بنبرة قوية وغليظة:اومال جاي اهزر معاك اتفضل قدامي.....
قاسم ببرود:مش فاضي دلوقت عندي مشوار مهم وبعدين هبقي اجي بنفسي....."وهم بالخروج ولكن اوقفه قبضة الظابط القوية علي ذراعه"
الظابط بغلظة:انت شكلك مبتفهمش بالادب فمحتاج نتعامل معاك بقله أدب.........ياله اتحرك قدامي...
"وشده بعنف "
قاسم بصله ببرود ورد:طب إيدك عشان متوحشكش..........
اهو مجنون فكيف يتحدي رجل شرطة....!!؟؟
الظابط بغلظة :شكل انت الي هتوحشنا....."وراح لوي دراع قاسم وره ظهره وبدأ يزقه لقدام....."
في ثانية كان قاسم ساحب إيده من ورا ظهره وضرب الظابط ووقعه في الارض ....والعساكر قربت من قاسم عشان تسيطر عليه بس هيهات مين هيقدر يسيطر علي واحد نهش الخوف والقلق فؤاده علي سجانة قلبه..........
ضرب العساكر الي كانوا حواليه وكان علي وشك الخروج بس واحد من العساكر ضرب عليه طلقة.....اخترقت دراعه ولكنه لم يهتم بل خرج من المكتب بل من الشركة كلها وركب عربيته بسرعة ومشي...............
____________♥️___________
_في المستشفي_
كانت ريناد قاعده علي الكنبة الي في الاوضة ومرجعة دماغها لورا ومغمضة عنيها...........
دخل إلياس من الباب من غير اي صوت بس هي حست بوجوده لما شمت ريحته الي حفظتها عن ظهر قلب......ففتحت عنيها لقته بيقرب منها وجه قعد جمبها وحط دماغه صدرها وحاوط خصرها بإيده..........
ريناد ابتسمت إبتسامة هادية وبدأت تداعب خصلات شعره بإيديها..........
إلياس بصوت متحشرج وكأنه علي وشك البكاء وبدون اي مقدمات:انا بلغت عنه.............
ريناد متفاجأتش اوي بإلي قاله لانه هو كان قايلها انه عايز يعمل كده.....
ريناد بتنهيده وهي تداعب خصلات شعره:مش عارفة ارد اقولك اي حقيقي اقولك انت عملت الصح والمجرم لازم يتعاقب حتي لو كان مين ولا اقولك انت غلطان لانه مهما عمل فهو اخوك ...حقيقي انا مش عارفة وفي نفس الوقت انا حاسه بيك وعارفة انت بتعاني قد اي دلوقت......
"ريناد باست دماغه وضمته لصدرها اكتر وهو نزلت دموعه بصمت وهي حست بيها وعنيها دمعت لانها شايفة حبيبها بيتألم قدامها وهي عاجزة و مش قادرة تعمل حاجة... "
ريناد بدأت تمسح علي ظهره وتطبطب عليه بحنان ........
ريناد بنبرة حاولت جعلها هادئة رغم دموعها : ششش.......اهدي يا روحي
كل الي بيحصل ده قدر ومكتوب عند ربنا احنا مش بإيدينا حاجة نعملها احنا مجرد أسباب للي بيحصل مش اكتر .........بالله عليك اهدي وإرمي حمولك علي ربنا وهو عارف الخير فين [وعسي ان تكرهوا شيئاً وهو خير لكم وعسى أن تحبوا شيئاً وهو شرٌ لكم]....
وراحت رافعة دماغه من علي صدرها وكورت وشه بين إيديه وبصت في عنيه الزيتوني الي بتلمع من تجمع الدموع بها مما جعلها آية في الجمال
واتكلمت........
ريناد بإبتسامة من وسط دموعها : العيون الحلوة دي مينفعش تبكي ....
"وراحت باست جفن عنيه " وكملت:لانها قوية زي صاحبها
"وباسته جمب شفايفه برقه شديدة "
ورجعت بصت في عنيه وقالتله وهي بتهز دماغها بتأكيد وبتبتسم:صح......
إلياس هز دماغه بهدوء بمعني صح
ريناد بإبتسامة وهمس امام شفايفه وهي بتمسح دموعه بأناملها :شاطر مش عايزة اشوف دموعك دي تاني ابداً.................. "وراحت طبعت قبلة رقيقة علي شفايفه وبعدين حضنته ودفنت وشها في رقبته وكانت بتوزع قبلات متفرقة عليه وهمست بتحشرج:دموعك بتحرقني وانا شايفاها بتنزل و انا عاجزة ومش عارفة اعمل اي يخفف عنك............
إلياس ضمها ليه جامد وحاوطها بإيديه بتملك وهمس :انتي وجودك جمبي والدفي الي بلاقيه في حضنك بيهون عليا كتييير اوي يا ريناد انتي لولا وجودك كان زماني مي.......
ريناد ضربته علي صدره جامد وهي مازالت في حضنه ودافنه نفسها في رقبته.............
ريناد بدموع:اخرس متنطقهاش ولا تجيب سيرة الموت ده خالص انت فاهم....والا والله هعضك.....
إلياس ابتسم غصب عنه علي الطفلة دي وخد نفس وخرجه وقالها:فاهم.........
مكملوش ثانيتين علي كلمته وباب الاوضه اتفتح بقوة ودخل خالد.........
خالد بحرج وهو بيودي وشه الناحية التانية :أسف..انا...يعني...مقصدتش...
إلياس بعد عن ريناد الي بصت في الارض ومقدرتش ترفع عنيها من كسوفها........
إلياس بتنهيده وهو بيمسح علي وشه:حصل خير يا خالد في اي.......
خالد بصله بقلق وقاله :انت مسمعتش الخبر.......
إلياس بتعب: خبر اي ........
خالد اتوجه ناحية التليفزيون الي في الاوضة وراح مشغله ومسك الريموت وبدأ يقلب في القنوات.....
إلياس بتعب:يابني دا وقت فتح التليفزيون متقول في..........
"خبر عاجل :اعتداء مالك شركة MCK للادوية قاسم السيوفي علي رجال الشرطة أثناء محاولتهم للقبض عليه بتهمه القتل وهروبه بعد اصابته بطلق ناري من احدي العساكر ...........كانت معكم المذيعة نادين أحمد ولنا لقاء أخر مع خبر جديد في برنامج اخر الانباء...... "
قفل خالد التليفزيون وبص علي إلياس الي كان بيستمع للخبر بصدمة وجمود.........
خالد بهدوء وقلق:كده هيحصل اي....
إلياس بتنهيده وجمود: يحصل الي يحصل الموضوع دلوقت في ايد الشرطة وهي تعمل ااي تعمله.........
ريناد برغم صدمتها من ااي سمعته الا انها مدت إيديها وحطتها علي ايد إلياس الي مسك إيديها جامد وكأنه بيستمد منها القوة.............
خالد سكت ومعرفش يرد يقول اي بالاضافة انه حاسس بصاحبه والي بيمر بيه........فقرر يخرج بس قبل ما يخرج لقي ظابط داخل الاوضة......
الظابط بهدوء:مين فيكم إلياس الي قدم بلاغ في حق المدعو قاسم السيوفي .....
إلياس ساب ايد ريناد الي كلبشت فيه بقوة وقام وقف........
إلياس بهدوء:انا........
الظابط بهدوء:طب تعالي معايا عشان محتاجينك في القسم......
إلياس بهدوء:حاضر بس ممكن حضرتك تستناني بره ثواني.......
الظابط تفهم الامر واومأ في صمت وخرج وخرج وراه خالد وقفل الباب....
لف إلياس لريناد الي بتعيط ......
إلياس بهدوء وحنية وهو بيمسحلها دموعها بأنامله: متخافيش دا إجراء عادي عشان ياخدوا اقوالي وكده.......
ريناد حضنته جامد واتكلمت بشهقات:لاء انا خايفة خليك معايا.......
إلياس اتنهد وبادلها الحضن وقالها: مينفعش يا حبيبتي لازم أروح دا مش بمزاجي........
وراح خرجها من حضنه وباس جبينها وبعدين بصلها وبدأ يمسحلها دموعها وقالها.....
إلياس بهدوء:هروح واجي بسرعة متخافيش.........
ريناد بدموع ونبرة طفولية:وعد.....
إلياس ابتسم وقالها:وعد بس متعيطيش.....
ريناد بطفولة محببه: ماشي.....
"ابتسملها بهدوء وباس خدها وسابها وخرج"
ورغم امتلأ قلبي بظلمات الألم والآهات الا انه لم يسلم من براءتك وسحر عينيكي فتمرد واعلن الحرب عليها وظل منيراً بفضلك و لاجلك مولاتي.........✨
____________♥️___________
_في بيت بسمة_
منة بقلق:انا قلبي حاسس انه في حاجة حاصلة مع بسمة عماله ارن علي تليفونها وهي مبتردش.........
أشرف بإبتسامة مطمأنه:يا ستي مفيش حاجة حاصلة بسمة بميت راجل متخافيش تلاقيها مشغولة في الشغل فمش عارفة ترد عليكي.....
منة بقلق:لاء انا حاسه انه في حاجة قلبي مش مطمن............
أشرف بإبتسامة:طب رنيتي علي سجي......
منة بقلق:لاء مجاش في بالي هرن عليها دلوقت........
وبدأت ترن عليها وكانت فاتحة الاسبيكر.........
منة بقلق:ألو ازيك يا سجي ....مالك يا بنتي بتعيطي ليه......
سجي حكت لمنه الي حصل في الشركة وانهم خدوا كل الي في الشركة القسم ومنهم سجي.......
منة بصدمة و قلق: وبسمة في القسم معاكوا.....
سجي ببكاء واستغراب:بسمة مجاتش الشغل يا طنط هي مش في البيت.....
منة بدموع ونبرة عالية نسبيا:ازاي مجاتش الشغل دي نازلة من الصبح........
سجي بكائها زاد واتكلمت بشهقات :والله مجاتش انا فضلت واقفة مستنيها ورنيت عليها كتير بس مكانتش بترد وقولت تلاقيها راحت عليها نومة بعد ما كلمتني.........
منة التليفون وقع من إيديها من صدمتها ورمت نفسيها علي الكرسي فقدميها لم تعد تحملها وبدأت في وصله البكاء......
منة ببكاء:مش قولتلك بنتي فيها حاجة....انا حاسه بيها ...يا حبيبتي يا بنتي ايه الي حاصل معاكي يا ضنايا..............
أشرف قام حضنها جامد ودموعه نزلت فحبيبه فؤاده منهارة امامه و فلذه كبده لا يعلم اين هي.......ولكن حاول التماسك .......
أشرف بدموع : اهدي يا منة اهدي يا حبيبتي هنلاقيها هتروح فين يعني......
منة ببكاء وهي تحتضنه بقوة:معرفش...معرفش....بالله عليك هاتلي بنتي.........
أشرف بدموع :طب اهدي عشان اعرف اتصرف انا مش هعرف اعمل حاجة طول مانتي بالحالة دي لازم نتحلي بالصبر شوية.........
منة خرجت من حضنه وبصتله وقالتله:هي كويسة صح..............
أشرف بثبات: ان شاء الله هتكون كويسة ومفيهاش حاجة.......انا هنزل ادور عليها في المستشفيات والأقسام وهقدم بلاغ في القسم............
منة قامت وقفت وقالته :انا هاجي معاك ......
أشرف بنبرة حاول جعلها هادئة:لاء خليكي انتي هنا عشان لعلي وعسي لو جت وحاولي ترني علي اي حد من صحابها يمكن تكون عند حد فيهم..........
بصتله بدموع واومأت في صمت......
وهو دخل لبس بسرعة ونزل.....
____________♥️__________
_في القسم_
عز راح مع إلياس القسم واول ما وصلوا إلياس دخل علي طول للظابط عشان ياخدوا اقواله وعز كان مستنيه بره بس الي صدمه انه عينه جت علي سجي وهي واقفة وبتعيط........فراح ليها.......
عز بقلق:سجي انتي بتعملي اي هنا وبتعيطي كده ليه.......
سجي بتقطع نتيجة لبكائها:انا....هنا.....عشان...عش..اان
عز وهو يحاول تهدأتها:ششش..اهدي..اهدي خالص عشان تعرفي تتكلمي....ومتخافيش من حاجة انا معاكي ..تمام...
سجي حاولت تهدي شوية من وصله العياط الي كانت فاتحاها..........
عز بنبرة حانية: ها بقي بتعملي اي هنا ....
سجي بصوت متحشرج أثر البكاء:انا جيت عشان عاوزين ياخدوا اقوالنا ويسألونا عن مدير الشركة ونعرف ايه عنه عشان متهم في قضية قتل دا غير انه ضرب الظابط والعساكر الي كانت معاه..............
عز بإبتسامة هادية:طب بتعيطي ليه بقي طالما انتي عارفة انه هما هياخدوا اقولك بس ..مش هيدوكي حقنة يعنيي...." مزح في أخر كلامه"
سجي ابتسمت وقالته ببكاء:عشان خايفة انا مدخلتش قسم قبل كده..فمعرفش بيعملوا اي مع الناس.....
وكمان بسمة محدش يعرف هي فين....
عز بعدم فهم:يعني اي محدش يعرف هي فين.......
سجي حكتله عن الي حصل وعن مكالمة منة ليها وكانت بتعيط.......
سجي ببكاء:بس ده كل الي حصل وانا خايفة يكون حصلها حاجة.......
عز وهو بيحاول يطمنها وبيطمن نفسه معاها:متخافيش ان شاء الله هنلاقيها مفيش حاجة وحشه .......
و ساب سجي وطلع تليفونه يعمل مكالماته عشان يفهم ويقدر يتصرف....
____________💙___________
_عند بسمة_
كانت قاعدة في الارض وسرحانة في كل الي بيحصل فاقت من سرحانها علي رزعة الباب ودخول أمير ونظراته ليها التي لا تبشر بالخير..........
أمير بغضب دفين ونبرة ساخرة: بقي هو فاكر انه لما ياخد امي كده انا هخاف بقي وهسيبك تمشي..........دا بعده وحياة امي لاندمه علي الي عمله ده ودلوقت........"بدأ يقرب من بسمة"
بسمة بخوف ودموعها نزلت:انت هتعمل اي بالله ابعد عني......
آهههه.........بالله ابعد متعملش فيا حاجة انا مأذتكش في حاجة..........."كان هو رفعها من علي الارض ورماها علي السرير وقلع الجاكت بتاعه و القميص وبقي فوقيها وبص في عنيها......... "
أمير بشهوه:للاسف مأذتنيش اه بس حظك انه حبك بقي......وانا مينفعش افوت الفرصة دي............"وراح بدأ يبوسها بعنف في كل انش في وشها ورقبتها وهي عماله تصوت وتتحرك جامد بس للاسف كل الي بتعمله ده ولا مأثر معاه في اي حاجة وكل الي غالب عليه رغبته الحيوانية وبس.... "
بسمة بصراخ وبكاء هيستيري:ابعددددد عنيي بقي حرام عليك.........ابعدددددددد. عنييي...إلحقونيييييي.......يااارب إرحمنييييي...........
بدأ أمير يقطعلها هدومها وهي يعيني كانت في حالة تقطع القلب حقيقي.....
وكأن الله استجاب لها وشعر بما تمر به...........
الباب اتكسر ودخل قاسم كالعاصفة وهجم علي أمير وشده من فوق بسمة الي فقدت الوعي من كتر الصريخ والضغط النفسي الي حصل ونزل ضرب فيه........
قاسم بغضب وهو بيلكم قاسم:ليه كده....عملتلك اي لك ده.....ايه ذنبها.....
أمير بأنفاس هاربة من كثرة اللكمات ونبرة غاضبة: ذنبها انك حبتها وانت متستاهلش تحب حد ولا حد يحبك يا قاتل...."قال جملته الاخيرة بشماته واضحة وضحكة خبيثة"
قاسم كمل ضرب فيه لغاية ما مبقاش فيه حته سليمة......
قاسم بغضب وهو بيضربه بغل:كل ده ليه عملتلك اي عشان تكرهني كده دانا اعتبرتك صاحبي واخويا.......
أمير بأنفاس متقطعة: بكرهك دي كلمه قليلة علي الي جوايا ليك دايما كنت احسن مني وكنت مفضل عند الكل علي اي مش عارف وانت متستاهلش اي حاجة ومتقولش صاحبي دي انت مينفعش تكون صاحب لحد وانا كنت معاك عشان اعرف اكسرك صح.....واعرف كل الناس انك متستاهلش اي حاجة من الي انت فيها دي.........فاااهم متستاهلش.......
قاسم بصله بذهول لوهله يااه للدرجادي ممكن حد يحقد علي التاني بالشكل ده............."في الوقت ده أمير باغته بلكمه في وشه فترجاع قاسم للخلف وامير شد القميص بتاعه بسرعة وخرج يجري من الاوضة بس قبل ما يخرج ........."
أمير بغضب:مش هسيبك........وهتشوف......
وراح خرج بسرعة من الاوضة.......
قاسم قرب من بسمة بلهفة وخوف حقيقي وحمد ربنا انه جه في الوقت المناسب قبل ما كان عمل فيها حاجة.......
وراح قلع الجاكت بتاعه ولبسهولها وشالها وخرج.......
____________💙____________
_في المستشفي_
ريناد كانت قاعده في الاوضة مع أمجد وخايفة وبتعيط علي إلياس الي لسة مرجعش والساعة بقت 10 بالليل..........فخرجت بره الاوضة........
واول ما خرجت شافت خالد فراحت ليه.......
ريناد بدموع: لو سمحت هو إلياس لسة مجاش......
خالد بهدوء:لاء جه من شوية.........
ريناد ابتسمت بفرحة وقالتله:اومال هو فين.......
خالد بهدوء:موجود في الاوضة الي هناك دي ومحرج محدش يدخل عليه.......
ريناد بمجرد ما شاور كانت هي اتحركت ناحية الاوضة ومهتمتش بكلام خالد.........
خالد اتنهد وهز كتافه بلامبالاه بمعني مفيس فايده يعني........
ريناد دخلت الاوضة براحة من غير ما تخبط.......ولقته فارد نفسه علي السرير ومغمض عنيه وباين عليه التعب فقفلت الباب براحة وقربت منه وفردت نفسها جمبه وحاوطت ظهره ودفنت نفسها رقبته.........
إلياس فتح عنيه وهمس بإسمها:ريناد....
ريناد ضمته أكتر وهمست:اممم انا.....مجتش ليه علي الاوضة علي طول كنت قلقانه عليك......
إلياس عدل نفسه وباسها من دماغها
إلياس بتنهيده:أسف مكنتش اقصد اقلقلك بس كنت عايز اقعد لوحدي شوية.....
ريناد باسته جمب شفايفه وابتسمت بحب وقالتله:متتأسفش خلاص المهم انك جيت.......
إلياس ايده اتمدت وفكلها الطرحة وفك البنسة الي كانت ماسكة الكحة
واتفك شعرها........وريناد بصاله بعدم فهم..
ريناد بعدم فهم:انت بتعمل ا.........
مدهاش فرصة تسأل وداهم شفايفها بشفايفه في قبلة طويلة وبعدين نزل علي رقبتها وهمس بصوت متحشرج بكلمة واحده:محتاجك.........
وما كان من ريناد الا تلبيه النداء فهمست :انا كلي بتاعتك مش محتاج تستأذن .........
وغرق كل منهما في انهار العشق ليروي كلا منهما احتياجه للآخر ونسيوا نفسيهم انهم في مستشفي محترمة.....
"احنا ملناش دعوة بالمحن ده الناس دي مشافتش بربع جنية تربية🙂🤏🏻"
بعد وقت ليس بقليل.......
إلياس دافن وشه في رقبة ريناد ومحاوط خصرها بإيده.........
ريناد بهدوء وهي بتلعب في شعره:متخافش كل حاجة هتبقي كويسة.......
إلياس اتنهد وقالها:اظاهر مفيش حاجة هتبقي كويسة قاسم ومحدش يعرف عنه حاجة حتي الي كنت مكلفهم بمراقبته معرفوش يوصلوله وزاد الطينة بله انه اخت عز محدش يعرف عنها حاجة.......
ريناد ابتسمت وقالت بهدوء:لاء متقولش كده ان شاء الله كل حاجة هتبقي كويسة خلي ظنك في الله خير دا ربنا قال :"انا عند حسن ظن عبدي بي" فخليك واثق خير في ربنا وانه كله هيعدي وان شاء الله اخته هتبقي كويسة واكيد ربنا حافظها.........
إلياس باس رقبتها وقالها :ان شاء الله خير.....
ريناد بإبتسامة:ان شاء الله نام شوية وريح جسمك بقي عشان انت منمتش من امبارح عشان تقدر تبقي مع صاحبك ........
إلياس هز دماغه وهي حست بيه فابتسمت وفضلت تملس علي شعره .....لغاية ما انتظمت انفاسه ونام......
____________💙___________
مر يومين علي الاحداث دي محصلش فيهم اي جديد قاسم وبسمة لسة مختفين ومحدش يعرف عنهم اي حاجة ومنة وأشرف علي وشك الانهيار فبنتهم الوحيده مختفيه والله اعلي واعلم ايه الي حاصل معاها......
لين ومامتها وعز من اليوم الي بسمة اختفت فيه وهما قاعدين معاهم في البيت ....
وعز وإلياس وخالد بيحاولوا يعملوا الي يقدروا عليه عشان يعرفوا هي فين........
وأمجد حالته زي ما هي بدون اي تغيرات وريناد موجودة معاه علي طول في الاوضة مبتفارقوش.......
_____________💙___________
في مكان ما يطل علي البحر مباشرة بمياهه الصافية الي من جمالها تنسيك اي حاجة ومتخلكش عايز تبعد عينك عنها ولو لثانية........نلاقي بسمة قاعدة علي الرملة وضامه رجليها ليها وباصه للمياه بشرود وبتفتكر أحداث اليومين الي فاتوا...........💭
Flash back✨🤎
بسمة اول ما فتحت عنيها حست بإيد محطوطة علي إيدها فداهمها ما حدث معاها قبل فقدان الوعي ..فبدأت تصرخ.....
بسمة بصراخ وبكاء:إبعد عنيييي.....حرام عليك....انا معملتلكش حاجة.......
قاسم قرب وشه منها واتكلم بلهفة:اششش...اهدي متخافيش انتي كويسة ومحصلكيش حاجة..... محدش لمسك اهدي........
بسمة بصت بصت لوشه لقته قاسم فبدأت تهدي تلقائيا والكلام الي قاله طمنها............بس هيهات مدامش الهدوء ده لاكثر من دقيقتين .....
بسمة عدلت نفسها بسرعة ووقفت علي السرير بركابها وبدأت تضرب في قاسم وتصرخ في وشه.......
بسمة بغضب وصراخ وهي عماله تضربه علي كتافه وصدره ووشه وباصه في عنيه :كل الي حصل ده من تحت راسك كان هيغتصبني ويكسرني بسببك عملتك ايه انا فهمنيي..عملتلك اي....وازاي تتجوزني من غير ما اعرف....فاكر نفسك مين انت عشان تتحكم في حياتي وتدخلها غصب ...رد عليااا...
قاسم كان باصصلها بسكون تام و سايبها تضربه وتخرج غضبها لانه عارف انه حقها وكمان لانه معندوش قدرة يقاومها فقدرته علي الرؤية اصلا بقت مشوشه وعلى وشك فقدان الوعي..........
بسمة بصراخ وهي بتزقه جامد بإيديها: رد عليااااا..... ساكت ليه.....
"في الزقة الي زقتهاله وقع من علي السرير وفقد الوعي نتيجة كمية الدم الي فقدها ...."
بسمة بصراخ:قوووم رد عليا متستموتش.........
طبعا هو فاقد الوعي وهي بتهتش مع نفسها ومش واخده بالها من إيديها الي فيها دم.......!!
ففوسط صراخها عليه انه يقوم خدت بالها من الدم الي علي السرير مكان مكان قاعد والي في ايديها...........فصعقت وعنيها راحت عليه...
وأخيرا ربنا نفخ في صورتها و خدت بالها من دراعه الي هي كانت نازله ضرب فيه انه بينزف وكفوف ايده بتنزف ............
اتصنمت مكانها شوية وهي بصاله ومش عارفة لا تفكر ولا تتحرك ناحيته وكأن عقلها اتشل وبطل يبعت إشارات لجسمها انه يتحرك ........
بعد عده دقائق عقلها رجع يشتغل وبدأ يستوعب ايه الي بيحصل.......
فقامت من علي السرير بسرعة وراحت ناحية الباب وفتحته عشان تخرج بس قبل ما تخرج بصتله بغضب وهو يعيني مرمي في الارض شبه الجثة الهامدة.......
بسمة بغضب: خليك يارب تموت وتريحنا...........
وخرجت من الاوضة وسابته........
"انا: عارفة لو شوفتك هجيبك من شعرك بقي الراجل لبس نفسه مصيبة فوق المصيبة الي عنده وضرب الظابط واتصاب ومهتمش لجرحه عشان يقدر يوصلك وينقذك في الوقت المناسب وانتي ببساطة كده سيبتيه ومشيتي....!!!؟؟ اما اشوفك بس🙂🤌🏻"
خرجت من البيت لقت البحر في وشها فستنتجت انها لسة في اسكندرية قبل ما تتلفت حواليها وتشوف بيوت زي الي هي فيه بس لسة مش جاهزة وكل بيت قدامه لمبة ضوئها ضعيف ....فالجو كان بالنسبالها مخيف لانه الدنيا ليل والإضاءة ضعيفة وكمان هي مش عارفة هي فين بالضبط......بس شجعت نفسها وقالت انه هي لازم تمشي
وبالفعل مشيت شوية بعيد عن البيت وهي عماله تتلفت حواليها ومش عارفة هي رايحة فين بس كل الي تعرفه انها خايفة من جو الرعب الي هي فيه دي...........
واذ فجأة يظهر قدامها اربع كلاب بيجروا ناحيتها وبيهوهوو جامد ...
فهي صرخت وخدت بعضها وجريت والكلاب تجري وراها لغاية ما وصلت البيت وراحت دخلت وقفلت الباب بسرعة وقعدت وراه .....وكانت بتنهج وبتاخد نفسها بصعوبه من كتر الجري.........لغاية ما هديت وبقت بتاخد نفسها عادي......فبصت علي قاسم الي مرمي قدامها.....
فصعب عليها وحست بالشفقة عليه وانها لازم تساعده بس للعقل رأي أخر...
- تابع الفصل التالي عبر الرابط: "رواية تزوجت معاقا ذهنيا" اضغط على أسم الرواية