رواية عشق الجاسر الفصل الثالث والعشرين بقلم مروه عبد الجواد
رواية عشق الجاسر الفصل الثالث والعشرين
بعد انتهاء شهر شهر عسل جاسر ودنيا في هناء وسعادة
جاسر : بعدما حضر الشنط حضن دنيا ، حبيبي يله الطيار ربع ساعه ويكون هنا .
دنيا : وهي تحاوط وسطه بحب ، ابقي خلينا نيجي هنا تاني .
جاسر : طبع قبله على راسها ، بس كده عنيا ياحبيبي اول ما اظبط شغلي هجيبك هنا ونعمل احلي هاني مول تاني .
دنيا : قبلته من خده ، بحبك .
جاسر : بعشقك ياعشق الجاسر .
قاطعهم اتصال من الطيار أنه وصل امام الشاليه .
جاسر : شفتي لخبطتيني لدرجه اني مسمعتش صوت الطياره.
دنيا : ضحكت ، طيب يله بينا .
وصلوا الى المطار ومن المطار الى الفيلا الدوبلكس الخاصة بجاسر .
دنيا : حبيبي هو احنا مش هنروح الفيلا عند ماما امينه .
جاسر : وهو يضع يده عليها ويحضنها ، مش لما اشبع منك الاول عايز اخد راحتي معاكي .
دنيا : بس ماما امينه وحشتني قوي ، انا عايز اروح اقعد هناك معاها ، ثم احنا هناك برده بناخذ راحتنا .
( دنيا قالت كده لانها بتحس مع امينه بحنان الام اللي فقدته )
جاسر : خلينا هنا شويه وبعد كده نبقى نروح نقعد عند ماما .
دنيا : بتذمر ، بس انا عايزه اروحلها وحشتني قوي .
جاسر : بابتسامة ، حاضر بعد ما نستريح هنروح نزورها وبعدها نطلع على عمي نزوره ونقراله الفاتحه هو كمان .
دنيا : قبلته من خده ربنا يخليك ليا يا حبيبي .
جاسر : شالها بحب وطلع بيها الدور العلوي ، ويخليكي ليا ياقلبي .
......
معتز في الشركه يمسك هاتفه وتجلس امامه ساره
-- ايووه غرق السوق بالبضاعة ... اه طبعا بنص التمن ...دي اوامر جاسر بيه ..لأ طبعا خسارة ايه ... هههه تمام .. سلام .
معتز : نظر لساره ، معلشي اخرتك ، جبتي ورق صفقة الدولية جروب .
ساره : وضعت الأوراق على المكتب ، اه اتفضل .
معتز : مالك وشك متغير ليه .
ساره : مفيش .
معتز : لا في ، في ايه حد ضايقك هنا .
ساره : لا لكن .. انا اسفه فى السؤال يعني ، هي المكالمة دي عن صفقة لامبورجيني .
معتز : بنصف ابتسامة ، اه .
ساره : وهتنزلوها السوق بنص التمن فعلا .
معتز : اه ياساره ، ده مضايقك في حاجه .
ساره : بس كده منار هتخسر كتير .
معتز : دا شغل ياساره والشغل مكسب وخسارة .
ساره : باستياء ، مش كفايه اللي هي فيه كمان هتخسر في الشغل .
معتز : ايه اللي هي فيه .
ساره : علاقتها مع طارق بايظه خالص وتقريبا طلبت الطلاق وحالتها النفسيه مش قد كده بسبب جواز جاسر بيه .
معتز : انا سمعت فعلا ان في خلافات بينها وبين طارق ، بس الشغل شغل ياساره ، المهم هننزل تغدي سوا النهاردة .
ساره : ضحكت ، هو كل يوم غدا .
معتز : اعمل ايه اصل انا وحيد وعازب ومليش حد اكل معاه .
ساره : بضحك ، لا على اساس كده صعبت عليا .
معتز : ترك كرسي مكتبه وجلس امامها ومسك اديها ، بجد صعبت عليكي .
ساره : بكسوف سحبت يدها ، معتز احنا في الشغل .
معتز : مسك ايدها مره تانيه ، وانا رئيسك في الشغل .
ساره : بكسوف ودلع ، انت رئيس مشاكس .
معتز : قبل يدها بحب ، مشاكس بيكي ، ثم قبل بطن يدها ، انا بكون اسعد واحد في الدنيا لما بشوفك قدامي .
ساره : بكسوف وابتسامه معتز عيب كده .
معتز : اطرد زفيرا طويلا وهو يضع يدها علي وجهه ، امتا يجي اليوم والبيت اللي يجمعنا سوا .
قاطعهم فتح الباب وكان يوسف الشناوي .
يوسف : بضحك ، الله ،انا جيت في الوقت الصح ولا ايه .
ساره : بخضه سحبت يدها وذهبت سريعا .
معتز : يخربيتك ، هو ده وقته .
يوسف : دخل وجلس ، يارتني كنت استنيت شوية انتوا لسه في مرحلة مسك الايد يازيزو .
معتز : جلس على مكتبه ، احنا بنحب بعض ، مش ذيك مقضيها طيارى .
يوسف : بمناسبة الطيارى ، اومال نهي سكرتيره جاسر فين .
معتز : ضحك ، انت لحقت لضمت معاها .
يوسف : مش عايزه تلضم لسه بنت اللذينه .
معتز : ضحك نهي محترمه مش سكتك .
يوسف : كلهم في الاول كده ، المهم هي فين .
معتز : اجازه النهارده .
يوسف : اففف ، اومال ميجو ده كله بيعمل هاني مول ، صاحبك شكله روحه طويله .
معتز : ضحك ، عريس عقبالك .
يوسف : لا انا برنس كده .
معتز : الله يرحم لما كنت متلجم مع مراتك .
يوسف : بحزن ، بلاش السيرة دي يامعتز .
معتز : انا اسف مقصدش .
....
عصام يجلس مع طارق في مكتبه .
عصام : بضيق ، شفت التجار عايزين يرجعوا البضاعه واللي كان حاجز معانا لغاه الحجز
طارق : انا هتجنن ازاى ده حصل ، ازاي جاسر ضحك علينا بالشكل ده وازاي ينزل البضاعة بنص التمن .
عصام : انا حاولت اهدي التجار لكن مصممين انهم يرجعوا البضاعة احنا خسرنا كتير ياطارق ، كل اللي كان حاجز ومستلمش جه خد فلوسه وسمعتنا بقت زفت في السوق
هنعمل ايه وهنصرف ازاي مع التجار اللي عايزين يرجعوا البضاعه .
طارق : مش عارف .. مش عارف اتصرف .
عصام : انت كلمت منار عرفت بالخسارة دي .
طارق : لا مكلمتهاش بس اكيد عرفت من مدير التسويق والمدير المالي لشركتها .
عصام : هو انت مبتكلمهاش ولا ايه .
طارق : لا بقالي فتره كبيره مبكلمهاش بقول يمكن تهدي اصل الصراحه حاسس اني جيت عليها اوي ومكسوف منها ومش عايز احتك بيها ، المفروض هي منتظرة ورقة طلاقها .
عصام : لازم تكلمها وتتصالحوا .
طارق : اشمعنا يعني .
عصام : علشان لو انفصلتم في الوقت دا بالذات شركاتنا هتدمر ولو شركه مننا انفصلت عن التانيه خسارتنا هتكبر وهنقع بسرعه ، انما لو فضلنا مع بعض هنعرف نقوم تاني و نلم نفسنا .
طارق : ازاي ، الصفقه دي خدت تقريبا كل السيوله اللي معانا يعني لو معرفناش نصرفها هنخسر كتير احنا حتي لو فكرنا نبيع بنص التمن برضوا هنخسر .
عصام : بس اهو اي سيولة معايا ومع شركتك علي شركه العادلي نقدر ندخل بيها اي صفقه تانيه ونعوض اي خساره .
طارق : والعمل ايه دلوقتي انا خايف اكلم منار في الوقت دا تفتكر اني راجعلها علشان الشغل .
عصام : اعتذر لها انت بس وحاول تصلح اللي بينكم واقنعها ان اي انفصال دلوقتي سواء بينكم او في الشركات دا هيوقع الشغل اكتر .
طارق : هحاول .
.........
دنيا : وهي بجوار جاسر علي الاريكه يشاهدوا التلفاز ، حبيبي انت مش هتنزل الشغل .
جاسر : وهو يحتضنها ، مش عايز اسيبك عايز افضل جمبك علي طول .
دنيا : أو مال جبتنا من الساحل ليه .
جاسر : وهو يدفن وجهه في عنقها بحب ، تعالي نروح تاني .
دنيا : بحب ودلع ، وشغلك .
جاسر : وهو يحاوط خصرها بيده ويحتضنها بشوق ، انتي شغلي وبدأ يقبلها بلهفه .
دنيا : بدلع ، جاسر بطل شقاوه احنا في الريسبشن .
جاسر : وهو يقبل عنقها ويدفن وجهه بها ، الريسبشن حلو قوي
ثم حاوط خصرها بحب وفجاه جذبها يووقعوا أرضا وهي أعلى منه بجذعها العلوي .
دنيا : بدلع ، كده توقعني .
جاسر : وهو يلمس شعرها بحب قلب موضعهم وصار أعلى منها ، دا انا اللي وقعت خلاص .
دنيا : الارض بتوجعني ، ضهرى .
جاسر : حاوط خصرها وهو يعدل موضعه وانقلب حتي صارت هي أعلى منه ويهمس باذنها ، سلامة ظهرك .
دنيا : بدلع وهي أعلى منه ، تعالا نطلع فوق .
جاسر : تؤ ، هنا حلوووو قوووي .
دنيا : ضحكت ، تؤ تؤ .
جاسر : قبلها في عنقها ، تؤ ثم علي شفايفها بحب ولهفة تؤؤؤؤؤ ......
................
يوسف الشناوي بعدما قضى ليله في نايت كلاب أتت تجاهه الراقصه فيفي صارخة الجمال والانوثه ومفاتن جسدها تظهر من الفستان الشبه عارى الذي ترتديه .
فيفي : باشا مصر فينك من زمان .
يوسف : مين ، انا فيفي ياباشا لحقت تنساني كنت سهران معانا الاسبوع اللي فات ، ثم اقتربت منه بهمس ، شايفه عينيك كانت هتاكلني وانا برقص .
يوسف : ضحك ، انا هاكلك بعيني ، انتي بتحلمي ولا ايه .
فيفي : وضعت يدها علي كتفه ، ماتسبني احلم يا باشا ولا مليش نفس ياحكومه .
يوسف : شال ايدها ، لا احلمي بس من بعيد .
فيفي : ليه بس يا باشا هو انا معجبش .
يوسف : تطلع لها ، لا تعجبي بس مش هنا .
فيفي : وانا ملك ايديك فين .
يوسف : شاور لها بعد ما حاسب ، تعالي معايا .
ثم ركبت معه السياره وقضوا ليلة سويا .
ثاني يوم
يوسف نهض من جوارها وذهب لاخذ شاور وهو يخرج ملابسه التي سوف يرتديها ، قومي يلا البسي عشان انا نازل .
فيفي : وهي غارقة في النوم ، ما تخليني شويه هنا معك مستعجل ليه .
يوسف : يلا يا حلوة قومي مش فاضي عايزه كام ، واخرج من محفظته النقود .
فيفي : نهضت وهي تكاد تكون بدون ملابس ووضعت النقود جانبا ، مش عايزه بس خليني شوية معاك .
يوسف : ضحك بسخريه ، لا يا حلوه مش انا اللي ينضحك عليا بكلمتين ، خدي فلوسك و روحي البسي .
فيفي : طب والله اول مره اقولها لواحد ، خليني معاك كمان ليله ومش عايزه فلوس خالص.
يوسف : وده ليه ان شاء الله .
فيفي : وهي تحتضنه من وسطه ، اصلك عجبتيني .
يوسف : بعدها عنه ، بصي يا حلوه انا اخرى معاكي او مع غيرك ليله ، شوفي لو اتشقلبتي قدامي كده فخدي فلوسك وانجزي علشان عايز انزل .
فيفي : وضعت النقود على التسريحه ، انا هلبس وفكر لو غيرت رايك انت عارف مكاني ، بس ياريت توصلني معاك عربيتي مش معايا .
يوسف : اوصلك فين ، انتي مجنونه عايزه تشبهيني .
فيفي : وهي ترتدي ملابسها ، امال مشبهتكش امبارح وانت واخدني معاك ليه ياباشا .
يوسف : علشان بمزاجي يا حلوه .
فيفي : اسمي فيفي .
يوسف : مش فارقه .
نزل يوسف ونزلت فيفي وذهبت ، ركب يوسف سيارته وذهب الي شركه الحديدي لمقابلة نهي التي صارت تتهرب منه ومن مكالماته .
رمقته نهى وهي تركب سيارتها امام الشركه فركبت بسرعه وقادت سيارتها .
يوسف : شاهدها وهي تركب سيارتها بتمتمه ، بتهربي مني .
ثم قاد سيارته وهو خلفها .
نهي : بتمتمه ، مجنون دا ماشي ورايا ليه ، فزادت سرعة سيارتها .
يوسف : بقي كده عايزه تزوغي مني .
فزاد سرعة سيارته حتى صار امامها وكسر الطريق عليها اضطرت نهى أن تقف بسيارتها .
يوسف : هبط من سيارته باتجاهها .
نهي : غلقت ابواب سيارتها بسرعه .
يوسف : اتي بتجاهها وحاول فتح الباب الذي بجوار مقعدها ولكنها كانت اغلقت الابواب .
نهي : أخرجت له لسانها بعند وضحك ، مش هتعرف تفتح .
يوسف : بصلها وهو يقف أمام الباب بجوارها فرفع حاجه بحنق ، بقي كده .
نهي : بضحك ، اه ان كان عاجبك .
يوسف : افتحي الباب .
نهي : بعند ، لا .
يوسف : بتهكم ، تمام .
ثم ذهب من أمامها .
نهي : بتعجب وهي تشاهده يذهب تجاه الباب الاخر ، رايح فين دا .
يوسف : قبض يده وفجأة كسر زجاج الباب الذي بجوارها .
نهي : لااااااا قزاز عربيتي .
يوسف : فتح الباب وجلس ببرود ، ازيك يا نونا .
نهي : بدهشه وغضب ، انت كسرت قزاز عربيتي ، عااااااا انت عايز ايه وجاي لايه .
يوسف : بهدوء ، جاي اعتذرلك اني هكرت تلفونك ، وبتاثر بجد مش عايزك تزعلى منى .
نهي : عااااااااا ، انت مجنون كسرت قزاز عربيتي علشان تعتذرلي .
يوسف : بتريقه ، هي دي عربيه انتي مش شايفه راكبه ايه ولا ايه .
نهى : بضيق ، مالها مش احسن ما تحوج للي يسوي وميسواش و بصتله بقرف .
يوسف : الحق عليا اني ركبتك معايا يوم الفرح بقي ، يظهر انك عايزه تتعلمي الادب فعلا ، ولسه بقربلها .
نهى : بخوف بعدت عنه خوفا من يقبلها عنوه ، ولكنه التقط هاتفها من جانبها وهبط من السيارة .
نهي : بدهشه انت واخد موبايلي ليه .
يوسف ركب سيارته ونهي نزلت خلفه ، ولكن يوسف قاد السيارة ومن شباك عربيته كلمها
يوسف : علشان تبقي تلغي الهكر وتفرمطي الموبايل كويس .
نهى : يا وااااااطي .
يوسف : أشار لها باي باي يا نونا .
نهي : عااااااااا .
..........
ذهب جاسر ودنيا الى فيلا والدته .
امينه : يا الف نهار ابيض ، الف مبروك للعرسان .
دنيا : بحب ، حضنتها وحشتيني قوي يا ماما .
جاسر : بشوق ، سلم على والدته وحضنها وقبل راسها .
امينه : بدموع ، والله كنتوا قاطعين بيا .
جلسوا في الريسبشن .
دنيا : انت اللي وحشاني جدا يا ماما .
امينه : ربنا يسعدك يا بنتي انت وجاسر ويخليكم لبعض ، والله ليلتكم كانت زي العسل كنت خايفه عليكم من الحسد .
دنيا : والله هي كانت عسل فعلا بس نقول ايه في اللي حصل بقي .
امينه : بعدم فهم ، ايه اللي حصل .
جاسر : انت مش في الدنيا ولا ايه يا ماما .
دنيا : منار وقله ادبها يا ماما شفتي عملت ايه .
امينه : بس ابني كان جامد وقفها عن حدها ،
دنيا : ضحكت ، مين يشهد للعروسه .
جاسر : والله كانت صعبانه عليا كسفت نفسها واتحرجت قدام الناس ، ليه تعمل في نفسها كده وترخص نفسها بالشكل ده .
دنيا : والله صعبان عليك ، روحلها يا حبيبي طبطب عليها .
امينة : وحد يبقى معاه القمر ويروح لحد يا دنيا .
دنيا : مش شايفه كلامه يا ماما .
جاسر : قرب من دنيا وحضنها وهو بجوارها علي الاريكه ،
يا قلبي انا بتكلم على موقفها كان وحش قوي قدام الناس ، علشان مكانتها في المجتمع بس .
امينه : معلش يا بنتي بس برده دي قلبها مكسور ، لازم نعذرها ربنا يكون في عونها .
دنيا : انتي كمان يا ماما هدفعي عنها .
امينه : لا والله يا دنيا بس بجد صعبان عليا ربنا يعينها على حالها ويخليلك جاسر ويخليكي له ، بس مقلتوش انتوا مستعجلين وجيتوا من شهر العسل بدرى ليه كده ، ده شهر العسل ده مبتتكررش إلا مرة .
جاسر : ضحك ، ايه يا ماما انت مجربتوش الا مره واحده ولا ايه .
امينه : ضحكت ، والله يا ابني ويا ريتني ما جربته .
دنيا : ضحكت ، ليه يا طنط انتي مكنتيش بتحبي عمو احمد .
امينه : باستياء ، ربنا يرحمه .
جاسر : يا رب ، شويه كده وهنروح نقرا الفاتحه لعمي .
امينه : بلهفة ، خذني معاك يا جاسر اقراله الفاتحه انا كمان .
........
دخلت السكرتيره الى منار في مكتبها وهي تحمل بوكيه ورد من طارق
منار : التقطت البوكيه والكارت اللي عليه الذي يحمل رسالة من طارق .
( انا اسف كان غصب عنى ياريت تسامحيني .
طارق الرويعي ) .
.
منار : القت الكارت ونظرت الى السكرتيره ، خذي الورد ده و ارميه في الزباله .
ذهبت السكرتيره والقت الورد في الزباله .
اتصلت منار علي ساره .
ساره : ازيك يا منار عامله ايه .
منار : كده ياسارة ، تسبيني و تروحي تشتغلي في شركة الحديدي ومن غير ما تعرفيني حتى ، اعرف من السوق .
ساره : والله كنت هقولك بس خفت تزعلي مني .
منار : سبتي الشغل هنا ليه ياساره .
ساره : بتوتر ، اصل معتز عايزني اشتغل معاه .
منار : وهو اي حاجه معتز يقولها بقيتي تنفذيها .
ساره : انا اسفه يامنار ، بس انتي عارفه مش عايزه ازعل معتز ولا اخسره انا بحبه .
منار : هو علشان متخسريش معتز فتخسريني انا ، هو كل واحد بقي سهل عليه يخسرني بالساهل كده مره جاسر ومره انتي ، انا مش فاهمه بيحصل معايا ليه كده .
ساره : لما اشوفك هفهمك ، انا مستحيل اخسرك انتي صحبتي .
منار : خلاص ياساره شوفي مصلحتك .
ساره : منار ، انا ..
منار : قاطعتها ، سلام واغلقت الهاتف بوجهها .
........
طارق ذهب الى فارس في فيلا عصام الصياد .
طارق : سلامتك يا فروسه كان بدري عليك .
فارس : وهو يضع يده علي وجهه مكان الجرح ، شفت اللي حصلي .
طارق : متبقاش تمشي تاني من غير حراسه .
عصام : ياما نبهت عليه وكل مره بمشيهم يعني لو الحراسة كانت معاك دلوقتي مكنش حصلك حاجه .
فارس : انت كل شويه هتقطمني يا بابا .
طارق : اهدي يافارس ابوك خايف عليك .
عصام : مش فاهم كده ياطارق .
طارق : بس انت بقيت حلو اهو يافارس .
فارس : ما انت مشفتنيش وانا جسمي كله متجبس .
طارق : اجمد ياوحش .
عصام : صالحت منار ولا لسه .
طارق : لسه بكره هروحلها .
فارس : انتوا ناسيني وناسين اللي حصل فيا من جاسر الحديدي .
طارق : لا طبعا ، اومال انا جايلك ليه .
فارس : بسعاده ، هتعمل ايه ياطارق وازاي ننتقم من فارس .
عصام : فى ايه يا طارق ، ايه اللي في دماغك .
طارق : ياسمين .
عصام : ياسمين مين صاحبتهم .
فارس : مالها ياسمين .
عصام : هننتقم عن طريق ياسمين .
فارس : ازاي .
طارق : .....
يتبع الفصل الفصل الفصل الرابع والعشرين اضغط هنا
- الفهرس يحتوي على جميع فصول الرواية كاملة :"رواية عشق الجاسر" اضغط على اسم الرواية