رواية نصيبي في الحب الفصل السادس والعشرون بقلم توتة
رواية نصيبي في الحب الفصل السادس والعشرون
وهما تحت سمعوا صوت صويت نور جاي من فوق وهيا بتقول
_ الحقونااااااااااااي
نهال ويوسف سمعوا صوتها وطلعوا على فوق بسررعه يشوفوا ايه اللي حصل
يوسف: نور ... افتحي الباب في ايه
نور: لا مش فاتحه الباب .... مش هعرف ....حد يدخل والنبي
نهال: فيه ايه ي نور
نور: حد يفتح الباب
نهال: انتي قافله على نفسك طيب
نور: لا ... افتحوا الباب
نهال: زق الباب ي يوسف
يوسف: حاضر
زق الباب ولقوا نور واقفه في ركن على السرير وخايفه
يوسف: في ايه
نور: فااار
يوسف: يلهوي .... فين
وطلع وقف على السرير هو كمان
نهال: اخييه ع الرجاله
يوسف: بتقولك فار
نهال: هو انت بتخاف من الفار ي يوسف
يوسف: انا ... ل ....لا مش بخاف من الفار ... خالص
نهال: طيب انزل من عندك
يوسف: مين !
ندي: ايه فيه ايه .... ايه ده انتوا واقفين ع السرير ليه
نور: حاسبي ي ندي فيه فار في الاوضه
ندي: فااار .... ينهار مش فايت .... طب سمعليكوا انا بقا
نهال: ايه ده .. انتوا عيال جبانه كده ليه
نور: اهو والله شوفته
نهال: صبرني ي رب ..... طب انزلوا من عندكوا
نور: لا أنا خايفه ..... مش هعرف انزل
يوسف: بقولك ايه ي نهال
نهال: ايه
يوسف: وسعي كده شويه
نهال: ليه
يوسف: هنط على بره واجري بره البيت ده خالص
نهال: والله ... متتظبت يروح امك شويه .... مش عيب على سنك .... والله لو منزلتوا لامشي واسيبكوا
نور: لا استني ي نهال هحاول انزل بس انا خايفه منه اوي
نهال: ده هو اللي خايف منكوا وتلاقيه هرب كمان
نور: طيب تعالي ونبي ساعديني
نهال: انا نازله تحت
نور: ل... لا لا لا .... خلاص والنبي
نهال: طب انزلي
يوسف: انا نازل علفكره .... ومش خايف برضو ... بس وسعي ي نهال وافتحي الباب للاخر
نهال: مش عيب شحط زيك يقول كده
يوسف: يعني انتي مش خايفه
نهال: هخاف من ايه
يوسف: من الفار هيكون من ايه
نهال: انا مش فاضيه للهبل ده
نور: انا هتشجع وهنزل
ادم: في ايه
نور: في فار
ادم: هو ده اللي انتوا خايفين عشانه .... فين الفار ده
نور: والله واقف هناك
راح ادم ناحية الفار وشافه
ادم: الله ده هامستر
نور: الله ايه ...... ايه القرف ده انا مبحبش الحاجات دي
يوسف: يعني انا اللي بحبها اوي ... طيب شيلها بقا ي عم ادم
ادم: اخييييه .... انت خايف من هامستر ي يوسف
يوسف: ل... لا مش خايف انا بي مقروف منه ... عشان الحاجات دي مقرفه
ادم: هعتبر نفسي مصدقك
نور: يع انت مسكته فعلا ... ايه القرف ده
ادم: عادي فيها ايه يعني
نهال: والله انت جدع ي ادم ومقرف برضو
ادم: الله ... يعني انا اعمل أو معملش برضو غلطان
نهال: احنا كنا عايزين نموته بس مش تمسكه
ادم: مين !؟ يموت ايه ...ده انا اموت وراه
نهال: طيب يلا كل واحد يروح على اوضته
يوسف: طيب استأذن انا بقا ... ولو عوزتوني في حاجه تاني انا موجود ... اكيد هساعدكوا زي مساعدتكوا دلوقتي
نهال: الله يرحم السرير يشهد على اللي حصل
نور: وليه السرير يشهد م انا وادم وندي خير الشاهدين
نهال: صح .... يلا ي جبان على اوضتك
يوسف: مش عايزه تقوليلي متنساش تشرب اللبن قبل م تنام وتغسل سنانك !
نهال: هههه .... ه هو ده اللي ناقص
يوسف: والله ... ماشي ..... تصبحوا على خير
نهال : وانت من اهل الخير
ادم: بقولك
يوسف: ايه
ادم: لو حلمت بالهامستر وانت نايم قولي اساعدك عشان انت هتكون خايف
يوسف: ادم ... انت عارف اني بكره الهزار المستفز ده
ادم: خلاص يعم ... انا اسف .... انا مش حمل قلبتك دي
يوسف: عن اذنكوا
نهال: يوسف .... انت هتكون موجود بكره طول اليوم ولا هتكون في الشغل
يوسف: لا هكون في الشغل
نهال: ماشي
يوسف: ليه .... عايزه حاجه
نهال: لا خلاص ... بسأل عادي
يوسف: ماشي ... تصبحي على خير
نهال: وانت من اهل الخير
نور بعد م يوسف مشي : هو قلب كده ليه
نهال: مش عارفه .... بس هو مبيحبش حد بهزر معاه
نور: اه
نهال: يلا ي ادم على اوضتك
ادم: حاضر .... وهاخد الهامستر ده اربيه بقا
نهال: مين يخويا ... ده هيترمي بره مفيش حد يربي البتاع ده
نور: ايوه نهال معاها حق
ادم: محدش ليه دعوه ... حاجه عجبتني وعايز اربيها
نهال: انا قلت كلمه ..... تتنفذ
ادم: لا ... انا عايز اربيه ي نهال
نهال: انا قلت لا .... ي أما اقول لابوك وهو يتصرف
ادم: يوووووه .... خلاص
نهال: ايوه خليك شاطر ... يلا ع اوضتك بقا
ادم: ماشي ...... يلا .... تصبحوا على خير
نهال: وانت م أهل الخير
نور: وانت من اهل الخير
نهال: يلا ي نور نامي
نور: حاضر تصبحي على خير
نهال: وانت من اهل الخير
وعلى الناحيه التانيه
داليا: وايه العمل
.................
داليا: أما اسفه مكنتش اعرف انها هتفشل
...................
داليا: حاضر بس اهدي والنبي
.....................
داليا: ايه
......................
داليا: لا انت قصدك .... انت عايز تقربلها تاني ي معتز
..................
داليا: خلاص صدقتك
....................
داليا: اه فهمت .... طيب هنفذ الخطه التانيه امتي ........
.......................
داليا: ازاي يعني
......................
داليا: حاضر
.................
داليا: باي يروحي
.................
داليا: ايوه طبعا هرن عليك لما اخلص
....................
داليا: سلام
وعلى الناحيه التالته
يوسف: كويس اوي عارف بقا لو غابت عن عينك ثانيه واحده خلال الساعتين الجايين هعمل ايه ..... اظن انت عارف ..... يعني مش محتاج اقولك
..................
يوسف: كويس انك عارف .... يبقي كلامي يتنفذ بالحرف
...............
يوسف: يلا غور بقاااا
............
يوسف: زي م قولت ... مش عايز غلطه
............
_____________________________________________________________________________________
مروان : لا ي احمد .... مش عشان هتبات معايا انهارده .... هتزن عليا
أحمد: انا بقولك كلمها .... مقولتش حاجه غلط يعني
مروان: اكلمها دلوقتي ....انت متخلف ي احمد
أحمد: فيها ايه يعني ...... بتطمن
مروان: لا هيا اصلا لسه مدتنيش رايها .... ازاي بقا اكلمها في وقت زي ده .... وانا اصلا مليش حق اكلمها ..... فهجبلها المشاكل
أحمد: يعني هيا لسه موافقتش !
مروان: اومال انا بقول ايه م الصبح
أحمد: ايوه .... مش انت عملتلها مفاجاه انهارده وهيا وافقت
مروان: لا ... انت فهمت غلط
أحمد: يعني لسه موافقتش
مروان : ايوه ... بالظبط
أحمد: هتقابلها بكره طبعااااا
مروان: ايوه
أحمد: عقبالي بقااااا انا كمان
مروان: يارب ... عشان تحل عن دماغي
أحمد: ماشي ..... مردودالك
مروان: ماشي
______________________________________________________________________
يوسف: ايه ي تيمور
تيمور: روحتلها
يوسف: والله ....!
تيمور: اه والله
يوسف: وعملت ايه
تيمور: روحتلها البيت وباباها هو اللي فتح
يوسف : اهااااا ..... وبعدين
تيمور: دخلت وكلمته وفهمته اني بحبها وقولتله اسمي وسني وان انا شغال في ايه
يوسف: وعمل ايه
تيمور: وافق عليا بسرعه
يوسف: من غير م ياخد رايها
تيمور: لا ... وده قلقني جدا
يوسف: شكل ابوها بتاع مصلحته وبس
تيمور: مش عارف اعمل ايه ... خايف لابوها يجبرها عليا وهيا متكونش بتحبني
يوسف: متقلقش انشاء الله خير ... ابقى كلمها بكره وفهمها كل حاجه وقولها لو هيا مش عايزاك تجرب فرصه تانيه
تيمور: م انا قلت كده
يوسف: ماشي ..... بقولك
تيمور: ايه
يوسف: وقف اللي اتفقنا عليه مؤقتا
تيمور: ليه ... ده انت كنت عايز تنفذ في اسرع وقت
يوسف: اكتشفت حاجه كده ... وعايز اتاكد من حاجه كده
تيمور: ليه في ايه ؟
يوسف: لما اخلص واتاكد هقولك
تيمور: ماشي ... خلاص هوقف
يوسف: ماشي
تيمور: يلا .... سلام دلوقتي
يوسف: سلام
______________________________________________________________
نور كانت في اوضتها وباب اوضتها خبط
نور: ثانيه واحده ..... وفتحت الباب ..... داليا ... في ايه
داليا: نور .... الحقيني
نور : في ايه ي داليا
داليا: يارا سخنه ومش عارفه اعمل لها ايه
نور: ليه ... ايه اللي حصل
داليا: مش عارفه ... لقيتها بتعيط وشوفتها لقيت عندها سخونيه شديده .... ومش عارفه اعمل ايه
نور: طيب هنادي لاي حد زي ندي أو ايمان أو ساره عشان اي حد منهم هيعرف يتصرف
داليا بتوتر : ل ... لا ... لا ي نور .. هتخاف
نور: طيب م هي هتخاف مني
داليا: لا انتي شكلك مألوف بالنسبالها
نور: ماشي ... يلا
داليا بخبث : يلا
_ استنوا
نور: ايه ده .... يوسف .. فيه ايه
يوسف: داليا .... لو عايزه حاجه قوليهالي انا
داليا بتوتر : لا ... ده انا كن ..... كنت عايزه نور في حاجه بس
يوسف: ايوه .... وانا بقولك لو عايزه حاجه قوليهالي انا
نور: يارا بس كانت تعبانه شويه فكانت عايزاني اشوفها
يوسف: تؤ تؤ تؤ ...... الف سلامه .... هجبلها دكتور حالا
داليا بتوتر: ل...
لا .... لا خلاص هيا شويه وهتبقي كويسه
يوسف: لا ازاي .... عشان متتعبش تاني
نور: خلاص ي داليا م هو هيجيب الدكتور
داليا: لا خ.......
يوسف: لا ليه .... انا عارف ليه وهجاوبك ...... عشان دي خططتك الجديده انتي و .... والاستاذ معتز .... مش كده برضو
داليا بخوف : اي ..... ايه اللي انت بتقوله ده ..... لا طبعا
يوسف: تحبي اثبتلك
داليا بخوف شديد: تثبت ايه
نور: هو فيه ايه انا مش فاهمه حاجه
يوسف: الاستاذه اللي المفروض صاحبة عمرك .... متفقه معاكي لتاني مره مع الاستاذ معتز
نور: انت بتقول ايه ..... تاني .... تاني ي داليا .... انتي ايه .... هو انا عملتلك ايه ..... انا مش عايزه اعرفك تاني .... انتي عايزه مني ايه بقا ..... سيبوني في حالي بقااا .... نفسي اعيش حياه طبيعيه
داليا: والله
_ انتي تخرصي خالص .... مش عايزه اسمع صوتك
بصوا الثلاثه ناحيه الصوت التلاته في صوت واحد
_ معتززززززز
يتبع الفصل السابع والعشرون اضغط هنا
- الفهرس يحتوي على جميع فصول الرواية كاملة :"رواية نصيبي في الحب" اضغط على اسم الرواية