رواية مابين الحلم والحقيقة البارت السادس والعشرون 26 بقلم اميرة اسامة الجزء الثاني من رواية دار الايتام
رواية مابين الحلم والحقيقة الفصل السادس والعشرون 26
فضلت ميرنا اعده مكانها مبسوطه وهي شيفاهم بيرقصوا ومبسوطين خدتلهم صور كتير مع بعض وصورتهم فديو كتير..لاكن قطع اندماجها اتصال هادي...
قامت ميرنا خرجت بره المكان عشان تعرف تكلمه..
ميرنا...الووو
هادي...ازيك ياميرنا
ميرنا...بفرحه بتحاول تداريها الحمد لله انت عامل ايه طمني عليك
هادي...بخير الحمد لله اخبار السفر معاكي ايه مبسوطه
ميرنا...اه الحمد لله الجو حلو اوي وكله تمام
هادي...يارب ديما
ميرنا...مش بتتصل ليه
هادي...حبيت اسيبك براحتك وقولت انتي اكيد هتتصلي بس لما متصلتيش قولت اتصل انا
ميرنا...اشمعني
هادي...بصراحه
ميرنا....بصراحه
هادي...وحشتبني يا ميرنا من يوم ما سافرتي وانا مش علي بعضي وديما متعصب ومتنرفز ومقضي الوقت كله نوم عشان متعصبش علي اي حد حاسس انك مسافره بقالك كتير مش يومين
ميرنا...بابتسامه كل ده وبعدين لحقت اوحشك
هادي...انتي وحشتيني اول ما قولتي انك مسافره يا ميرنا
ميرنا....وانا اللي ظلمتك ده انا قولت انت مصدقت قولتلك اني مسافره
هادي....مصدقت ابه انا كان نفسي امنعك
ميرنا...ومعملتش كده ليه
هادي...عشان مينفعش وعشان حبيت احترم رفبتك واسيبك علي راحتك لحد ما توصلي لقرار بصي
انا مش بكلمك الوقت عشان افتح الموضوع اللي كلمتك فيه انا هفضل سايبك براحتك لحد ما تيجي انتي وتبلغيني ردك انا بس كلمتك عشان زي ما قولتلك وحشتيني
ميرنا....علي فكره انت كمان وحشتني
هادي....قولتي ايه
ميرنا...لا خلاص هي بتتقال مره واحده وبس
هادي...لا هزعل والله
ميرنا...باحراج...انت كمان وحشتني
هادي....يعني ايه افهم من كده انك فكرتي
ميرنا...يعني بس عشان خاطري سيبني شويه زي ما اتفقنا عشان اعرف ارد عليك بجد
هادي...وانا مش عايز الوقت اكتر من اللي سمعته. عايزك بس تخلي بالك من نفسك
ميرنا...حاضر وانت كمان وبطل عصبيه الناس ملهاش دعوه بعصبيتك دي
هادي....حاضر ياستي ده انا هنزل اعتزر لكل واحد اتعصبت عليه لو ده يرضيكي
فضلت ميرنا تتكلم معاه
اما فالداخل...
جاسر....بحب مبسوطه
تمارا...مبسوطه بس انا حاسه اني طايره بجد ده احلي عيد ميلاد في حياتي كلها
جاسر....دي مجامله🤨
تمارا...بضحك لا والله ابدا طيب اقولك علي سر
جاسر...قولي
تمارا...يمكن طول السنين اللي فاتت كل عيد ميلاد ليا يجي كنت ببقي مضايقه جدا ومكتئبه وكارهه اليوم اللي جيت فيه الدنيا اصلا
بس المرادي حاسه اني كاني بتولد من جديد احساس مختلف وشعور مختلف حاسه اني حابه الحياه متفائله مطمنه ودي اهم حاجه
جاسر...وياتري ليه بقي مطمنه
تمارا...عشان انت معايا يا جاسر
وجودك في حياتي فرق كتير اوي
جاسر...انتي اللي غيرتي حياتي يا تمارا خلتي ليها قيمه بجد وخلتيني افتح علي حجات كتير مكنتش شايفها.
تمارا...ربنا يخليك ليا ياجاسر انا بحبك اوي.
الحقيقه جاسر يتحب كل الناس بتحبه بس بتفرق بقي كل واحد بيحبه ازاي..
بص جاسر وتمارا بسرعه للصوت اللي جه من وراهم
جاسر...هايدي😳
هايدي...وحشتني يا بيبي
جاسر...انتي بتعملي ايه هنا
هايدي...ابدا يا حبيبي قولت اعملهالم مفجأه وجيت مع صحابي وبصت لتمارا...تسمحيلي اخد منك خطيبي عشان ارقص معاه
تمارا...كانت واقفه مصدومه ومش قادره تنطق ولا تتكلم وكأن الدنيا اسودت في وشها مره واحده
بصلها جاسر حاسس بيها وهو كمان اتصدم ومعرفش يتكلم ولا يعمل اي حاجه
هايدي....ايه يابيبي هتفضل واقف كده كتير حطت هايدي ايدها علي كتفه وابتدت ترقص معاه وهو منزل ايده ومش بيتحرك باصص بس غلي تمارا بطرف عينها
حست تمارا...انها حتي الخطوه مش قادره تخطيها وكان حد مكتف رجليها ولما جمعت نفسها مشيت بسرعه من ادامهم راحت عالتربيزه خدت شنطتها عشان تمشي.
فالوقت ده كان كلهم شافو هايدي وكلهم خدوا بالهم من اللي حصل
ليل...تعالي بسرعه يا عشق نروح وراها
عشق...بحزن علي تمارا يلا
راحوا عالتربيزه خدوا الحاجه بتاعتهم بسرعه وخرجوا كلهم ورا تمارا بسرعه
لمحتهم ميرنا وهما خارجين يجروا ورا تمارا.
ميرنا...هادي ممكن اقفل وشويه وهرجع اكلمك
هادي..في حاجه ولا ايه
ميرنا...ها لا ابدا بس دادي بيتصل بيا هرد عليه وشويه واكلمك
هادي...ماشي تمام يلا باي
ميرنا...باي
قفلت معاهم ميرنا وراحت وراهم بسرعه
فضلت تمارا تمشي بسرعه ولما سمعتهم بينادوا عليها فضلت تجري
عشق...تمارا استني عشان خاطري
نور...استني يا تمارا
فضلت تمارا تجري وتمشي بين الناس وهي حالتها مش حلوه كل ما تفتكر انها وقفت ساكته مش عارفه تنطق تحس بوجع في قلبها شايفه انها مكنش ليها الحق تتكلم هتتكلم تقول ايه واحده وغيرانه علي خطيبها هي اللي معاها الحق حست ان جاسر خذلها لما وقف ساكت ومنطقش كانت مستنيه منه رد بس ده رقص معاها وسابها واقفه تايهه.
اما عند جاسر وهايدي
كان لسه جاسر تحت تأثير الصدمه وكل تفكيره وحواسه مع تمارا
هايدي...ايه هتفضل ساكت كده
فضل جاسر ساكت بيحاول يهدي عشان ميفقدش اعصابه.
هايدي...انا بكلمك علي فكره مكنتش اعرف انك هتضايق اوي كده لما تشوفني مع اني كنت شيفاك مبسوط وبتضحك وعارف ترقص كمان مع تمارا هانم
جاسر.. عايزه ايه يا هايدي مش عملتي اللي في دماغك وجيتي
هايدي...ايه هو اللي في دماغي اقولك انا اللي في دماغي ياجاسر انت كدبت عليا قولتلي انك مسافر مع ليل ونوح وادم ولما قولتلك اجي معاك رفضت وقولت مش هينفع عشان انتوا مسافرين مع بعض شباب وحابب تريح دماغك ومش هينفع تبقي معايا طول الوقت وسايبهم مكنتش اعرف اني مغفله وبيتضحك عليا منك وانتوا هنا مقضينها مع الزباله دول
جاسر...هايدي انا ماسك نفسي عنك بالعافيه وصدقيني انا خايف افقد اعصابي عليكي
هايدي...انت كمان ليك عين تتكلم فهمني ايه اللي انا شوفته ده ليه كدبت عليا وازاي اصلا دول يسافروا معاكم قولي ان اللي سمعته دع مش صح الهانم بتقولك بحبك والمفروض بقي انا اسمع كده واسكت صح يا جاسر
جاسر....اه تسمعي وتسكتي عشان انتي اللي حطيتي نفسك فالموقف ده انتي اللي جيتي ورايا انتي اللي مش عايزه تفهمي اني خلاص زهقت
هايدي...زهقت يعني ايه زهقت ويعني ايه انا اللي حطيت نفسي فالموقف ده اه صح انا اللي غلطانه اني جيت وراك عشان افاجئك انا اللي غلطانه عشان المفروض لما كنت شوفت الهانم في حضنك بترقص وبتقولك بحبك افضل واقفه بعيد لحد ما تخلصوا الرقصه والكلام الرومانسي ومقطعش عليكم اللحظه انت فاهممم انت بتقول ايه
جاسر...مسكها من ايدها بعنف تفهمي اني خلاص زهقت ومش عايز اكمل تفهمي اني مبقتش احبك ولا حابب اشوف وشك تفهمي اني ساكت عليكي بس لحد ما الراجل اللي انتي خبطتيه بالعربيه يقوم بالسلامه واللي كنتي اصلا فالبدايه قاصده تمارا
بصتله هايدي بصدمه😳😳
جاسر...ايه اتصدمتي كنتي فاكره اني مش عارف ولا فاكره اصلا اني مش هعرف لا يا هايدي هانم يا زعيمه العصابه انا عارف كل حاجه وبالدليل كمان مش انا بس كلنا يا هايدي واوعدك قريب جدا هسلمك بأيدي واخلص منك ومن شرك انتي عارفه يا هايدي انا اكتر حاجه حزين عليها اني كنت مكدب كل اللي حواليا اللي شايفهم مبيحبوكيش وانا كنت واقع في حبك وشايف انهم ظالمينك وجايين عليكي مكنتش اعرف اني اكبر مغفل مكنتش اعرف اني حاطت ايدي علي عيني ومش شايف غيرك..
هايدي....بارتباك..انت بتقول ابه ودليل ايه انا معملتش اي حاجه من اللي
قاطعها جاسر كفايه كدب هايدي كدبنا كتير علي بعض بما فيه الكفايه وديني يا هايدي من اللحظه دي مش هسمحلك تبوظي اي حاجه في حياتي مش هسمحلك ابدا تأذي اي حد في حياتي عشان ساعتها واللي خلقني وخلقك لا هاخد روحك بأيدي
هايدي...مسكت ايده بسرعه جاسر اسمعني بس ارجوك
حدف جاسر ايدها بعيد عنه...مش عايز اسمع اي حاجه كفايه اوي لحد كده من اللحظه دي انتي بره حياتي ولو كنت زمان بتعامل معاكي علي انك جزء مني فا الايام الجايه يا هايدي انا هبقي اكبر عدو ليكي مش عايز اشوفك تاني في حياتي وادعي عم محمد ميجرالوش حاجه لو لسه خايفه عاللي باقي في عمرك..اما تمارا لو حاولتي بس تمسيها هتكون اخر لحظه في عمرك بتطلع علي ايدي انا..
سابها جاسر وخرج من المكان بسرعه راح وراهم
كلم جاسر ليل
ليل..ايوه ياجاسر
جاسر...انتوا فين ياليل
ليل...احنا رايحين ورا تمارا بسرعه عالشاليه
جاسر...تمام انا جاي وراكم
ليل...تمام
قفل جاسر وطار وراهم
بعد مده بسيطه وصلت تمارا الشاليه وهي مش شايفه ادامها دخلت بسرعه عالاوضه وقفلت وراها بالمفتاح مسكت شنطتها وابتدت تحط حاجتها فيها
وصلوا كلهم الشاليه
راحت عشق عالاوضه حاولت تفتحها لقتها مقفوله
عشق...تمارا افتحي الباب
تمارا............
عشق...تمارا عشان خاطري دخليني اتكلم معاكي بس
زهره....افتحي ياتمارا لو بتحبينا
ليل...وسعوا....تمارا افتحي الباب ده عايز اتكلم معاكي
تمارا...جوه اعده تلم في حاجتها ومبتردش ودموعها نازله
ليل...تمارا لو مفتحتيش هكسر الباب ده افتحي بقولك هنتكلم معاكي وبعدين اعملي الانتي عيزاه ثواني خلصت تمارا شنطتها قفلتها وراحت بيها عالباب فتحته
وخرجت ادامها وشنطتها وراها
عشق...تمارا انتي راحه فين استني
زهره...تمارا استني عشان خاطرنا
ليل....تمارا اقفي احنا بنكلمك وقفت تمارا ضهرها لباب الشاليه سابت الشنطه من ايدها
تمارا...ايوه ياليل
ليل...انتي راحه فين
تمارا...دموعها نازله. انا راجعه القاهره
ليل...ده علي اساس انك هتاخدي تاكسي مثلا
تمارا...اخد اللي اخده ياليل بس انا مش هأعد دقيقه واحده هنا
ليل...طيب ممكن تهدي بس واللي انتي عيزاه هعمله
تمارا...اهدي ازاي
ليل...زي الناس تمارا مينفعش تمشي لازم تستني جاسر وتسمعي منه
تمارا...اسمع منه ايه اسمعه بعد ايه اصلا الوقت اللي المفروض كان اتكلم فيه عدي خلاص ياليل
نوح...تمارا جاسر ملهوش ذنب هو ميعرفش ان هايدي جايه
تمارا...عارفه انه ميعرفش بس لما عرف عمل ايه سابني واقفه لوحدي وكمل رقص معاها ده اللي انتوا عايزني استناه
نوح...تمارا مينفعش تمشي وتتخلي عن جاسر بسهوله كده لهايدي مينفعش توصليها للي هي عيزاه
فاللحظه دي وصل جاسر ادام الباب شايفهم كلهم واقفين وهي واقفه مدياه ضهرها ومش شيفاه...كلهم لمحوه وسكتوا
تمارا...هو انت بتضحك علي نفسك ولا عليا يا نوح جاسر ايه اللي اتخلي عنه لو في حد اتخلي عن التاني فا هو يانوح اما بقي بالنسبه لهايدي اوصلها لايه هي معاها حق اصلا هي صح وانا اللي غلط هو خطيبها وحقها تدافع عنه انما انا ايه انا ولا حاجه انا مفيش حاجه تربطني بجاسر هي اللي خطبته مش انا هي المفروض تبهدل الدنيا مش انا
ليل...بس جاسر بيحبك وانتي بتحبيه وانهرده قالها صريحه يا تمارا انه عايز يكمل معاكي انتي مش معاها
تمارا...يافرحتي بيحبني وبحبه يافرحتي انه عايز يكمل معايا مش معاها انتوا مش فاهمين اللي بتقولوه صح جاسر سابني وفضل معاها هي جاسر منطقش لما شافها جاسر شافها بتتكلم معايا كده وسكت طب انا سكت عشان كان منظري زباله وانا اللي غلط واستاهل ضرب الجزمه عشان مكنش ليا اي حق افتحي بوئي اصلا عشان هي معاها حق وانا مليش اي حق هي بتدافع عن خطيبها انما انا ايه...هايدي انا وقفتها عند حدها كذا مره وانتصرت عليها كذا مره بس المرادي هي قدرت بكل بساطه تخليني ادام نفسي قليله اوي تخليني لاول مره معرفش ارد ولا اتكلم ولا اخد حقي لاني مليش اي حق
ادم...تمارا طيب اهدي عشان خاطرنا احنا متضيعيش فرحه اليوم ده والله العظيم جاسر كان طاير وهو بيجهزلك البوم ده جاسر بيحبك بجد
تمارا...بدموع عارفه بس الحب ده يفيد بأيه يا ادم وانت شايف اللي بيحبك ساكت مش بيدافع عنك ولا عن حبه ليك هايدي مسخرتني ادام جاسر وهو وقف ساكت انا لاخر لحظه كنت مستنياه يقولها اي حاجه تديني ثقه في نفسي حتي لو واحد فالميه بس جاسر معملش كده سابني لا عارفه امشي ولا اقف كنت حاسه ان الدنيا قفلت في وشي اليوم اللي انت بتتكلم عنه ده يا ادم صدقتي كان احلي يوم في عمري كله انا انهرده حسيت اني اتولدت بجد جيت للدنيا بجد حسيت اني ليا اهل وسند يعوضوني عن حراماني من اهلي اللي رموني بجد وفي لحظه حسيت اني لسه زي مانا واقفه عند نفس الخطوه اللي مش عارفه اعديها في حياتي الدار يا ادم اللي فتحت عيني عالدنيا لقيت نفسي متربيه فيها
بصت ميرنا باستغراب وهي مش فاهمه ايه اللي بيتقال ده😳
ليل....تمارا مش يمكن هو اتصدم من وجودها زي ما انتي اتصدمتي حاولي تسمعي منه يا تمارا سبق وعشق حطتني في نفس الموقف لما شافت حنان فالحفله لمجرد انها اتصدمت بس حكمت عليا اني اعرفها اديله فرصه يا تمارا
تمارا...انا مش هدي فرصه لاي حد ياليل لو في حد محتاج فرصه فانا اللي محتاجه ادي فرصه لنفسي محتاجه افكر صح محتاجه احترم نفسي وابعد نفسي عن الوضع اللي انا حطيت نفسي فيه مينفعش احب راجل خاطب مينفعش ابقي مع راجل وعارفه انه في حياته حد والحد ده خطيبته اصلا وكملت وهي بتعيط جاسر خذلني ياليل واكتر حاجه توجع بجد احساس الخذلان يمكن اكون جربته من يوم ما اتولدت وجيت الدنيا دي بس مع جاسر الخذلان إحساسه مختلف ياليل...🥺🥺🥺مسكت الشنطه ولفت شافت جاسر واقف وراها سادد الباب بطوله حاطت ايده الاتنين في جيبه قلبها اتقبض من خضتها.
جاسر....راحه فين
تمارا مسحت دموعها بسرعه راجعه القاهره
جاسر...مين انك هترجعي
تمارا...انا اللي قولت واظن اني مش محتاجه اذن عشان اعد او امشي
جاسر...محدش يقدر يمنعك يا تمارا بس انتي مش هتمشي غير لما تسمعيني
تمارا...وانا مش عايزه اسمعك كنت مستنيه اسمعك في وقت كان لازم يطلع صوتك فيه ومحصلش وانا الوقت مش مضطره اسمعك
جاسر...لا هتسمعيني يا تمارا بمزاجك غصب عنك هتسمعيني
عشان انا مخذلتكيش زي ما قولتي يا تمارا بس يمكن اكون اتصدمت من وجود هايدي يمكن عشان محبتش ان انتوا الاتنين تتصادمواومع بعض وكلنا يبقي منظرنا وحش يمكن محبتش اتكلم عشان هايدي متقولش كلام يوجعك وتقفي ساكته لمجرد انك شايفه انك ملكيش حق تتكلمي
اللي بيحب بجد يا تمارا من قلبه بيدافع عن اللي بيحبه لو هيموت عشانه مبيقولش ان في طرف احق مني فيه انتي بتحبيني وعارفه اني بحبك ومبحبش هايدي عارفه اننا ساكتين عليها لحد ما حاج محمد يقوم بالسلامه وساعتها انا اللي هسلمها بأيدي عشان تاخد اللي تستحقه عارفه اني خايف عليكي منها خايف تأذيكي او تفكر تعمل اللي عملته مع حاج محمد بس انتي واضح انك نسيتي ان الحادثه دي كنتي انتي اللي مقصوده بيها ولولا ان العربيه خبطت حاج محمد وانا شديتك كان زمانك ميته اوعي تفكري ان هايدي بتدافع عن حقها فيا او حبها ليا
هايدي لا بتحبني ولا عمرها حبتني انا بالنسبالها بنك متنقل وبس انا حقها فا هي ملهاش اي حق فيا هايدي بتدافع عن حقها اللي كانت هتاخده من وجودها معايا المشكله بقي ياتمارا انك عارفه مل ده وفاهمه كل ده ومع ذلك اضايقتي اني سكت لما شوفتها يمكن اكون غلطت وكان لازم اتكلم بس للاسف مكنتش عارف عواقب ده ايه لو اتكلمت وانتي موجوده هايدي حاولت تقتل قبل كده يا تمارا واللي يفكر فالقتل مره يفكر فيها مليون مره وانا معنديش استعداد اخسرك يا تمارا عشان بحبك وعشان انتي تفرقي معايا وعايز بس اقولك حاجه يمكن بعد خروجك من المكان قولت لهايدي كل حاجه كان نفسك تسمعيها بس انا قولتها لما اتطمنت انك مشيتي وبعدتي عنها يمكن في حجات مكنش ينفع اقولها يا تمارا بس قولتها عشان اللي انتي حسيتي بيه انا حسيت اضعافه وانا شايفك ساكته ومش عارفه تتكلمي تمارا اللي انا اعرفها لسانها مبياعدش في بوئها لحظه لكن اللي كانت واقفه وساكته دي انا معرفهاش ومحبش اني اعرفها انتي مش ضعيفه ياتمارا ولا انتي محتاجه حد حتي لو انا عشان يديكي ثقه في نفسك انا بحبك يا تمارا وعمري ما خذلتك ولا عمري هخذلك
عشق....اظن كده بقي ممكن تهدي وتسمعي
ليل...وانا اظن بعد اللي جاسر سمعولها ده مفيش حاجه تتقال
تمارا....بدموع ولسه ماسكه شنطتها انا عايزه امشي
بص جاسر لليل...اسف يا جماعه مضطر استخدم اسلوب تاني مسك جاسر ايدها وبعد شنطتها عنها وخرج من الشاليه وهي في ايده وجاررها وراه
تمارا...سيب ايدي
جاسر...مسمعش صوتك
تمارا...جاسر سيب ايدي لا اصوت والم الناس دي كلها عليك
جاسر...صوتي وعملي الانتي عيزاه معنديش مشكله
تمارا...طب براحه هقع
جاسر...اقعي مش مهم فضل جاسر ساحلها وراه وهي تتكلم ومفيش اي فايده.
......
عشق...هو راح فين
ليل...بضحك سيبك منهم دول جوز مجانين واتلموا علي بعض
عشق...ايوه بس
ليل...متقلقيش شويه وهتلاقيها راجعه بتضحك
زهره....سبيها يا عشق هي سمعته ومعرفتش ترد الوقت يتصالحوا
ادم...متقلقوش ادم مش هيسيبعا غير وهي بتضحك
نوح...منها لله بوز الاخس هايدي بوظت علينا الاعده
ما تيجوا نخرج تاني نأعد في اي مكان لسه بدري الساعه 12 مش معقول ننام الوقت
زهره...انا اصلا مش جايلي نوم
ادم...طيب يلا بينا نروح نأعد في اي مكان
نور...طيب وتمارا وجاسر
نوح...لو كلمونا هنقولهم علي مكانا مع اني ميتهياليش اصلا هيرجعوا الوقت
ادم...طب يلا بينا
ليل...بقول ايه روحوا انتوا وانا هاخد عشق كده ونتمشي شويه عشان عايزها في حاجه مهمه بخصوص الشغل
نوح..وهو بيغمزله😉😉ماشي
ليل..عض علي شفايفه بغيظ
نوح..وهو بيلحق نفسه يلا يا جدعان بسرعه
ميرنا....بقول ايه انا مش قادره مصدعه اوي
نور...لا يلا متبقيش رخمه
ميرنا...والله ما قادره
زهره...يلا بقي شويه وهنرجع هتأعدي لوحدك
ميرنا...هطلع اخد شاور وانزل اعد عالمرجيحه اللي فالجنينه دي عشان عجباني😂😂 وعايزه اكلم دادي اطمن عليه
نور..بصوت واطي دادي ولا هادي🤔
ميرنا...بضحك تصدقي ماشيه علي بعض عموما يا اختي الاتنين
اتكلوا علي الله بقي
نور...ماشي
خرجوا الشباب كلهم وسابوا ميرنا
اما عشق وليل فا راحوا يتمشوا عالبحر.
..........
وصل جاسر وهو ساحب تمارا وراه عند مكان المرسي بتاع اليخت
جاسر ..صوتك لو طلع هحدفك فالبحر مش ناقص حد يفتكر اني خاطفك😒😒
تمارا...والله لاقول انك خاطفني🥺
جاسر...طب اسمع صوتك بيطلع يا تمارا..
وصلوا ادام المسؤولين عن سواقه اليخت.
واحد من المسؤولين جاسر باشا اي خدمه
جاسر...لا شكرا يا توفيق انا طالع اليخت
طيب مش محتاجني معاكي
جاسر...لا شكرا انا غالبا مش هتحرك ولو اتحركت مش هبعد
تمام يا باشا
نط جاسر عاليخت ومسك ايد تمارا لحد ما عدت ودخلوا جوه
تمارا...بغضب بزمتك انت مش بتهرج يقولوا عليا ايه الوقت وانا داخله معاك لوحدنا كده
جاسر...محدش يقدر يقول حاجه وبعدين ماحنا الدنيا كلها شيفانا اهو
تمارا...جاسر مشيني عشان متزعلش مني
جاسر...والنبي زعليني🤨
تمارا...بتحاول تداري ضحكتها جاسر بلاش رخامه
جاسر....طب بتداري ضحكتك ليه
تمارا...مبضحكش علي فكره
جاسر...قرب منها بحب..بحبك والله العظيم بحبك ومقدرش علي زعلك ولا بعدك واول ما نرجع هتقدملك وهنحدد معاد جوازنا كنان عشان انا مش هقدر استني خطوبه وهبل انا عايز اكون معاكي عايز الناس كلها تعرف انك مراتي في اقرب وقت
تمارا...وانا مش هتجوزك😔
جاسر...طب عيني في عينك كده
بصتله تمارا وبعدت عينها عنه بسرعه
جاسر....شوفتي بقي عينك مش قادره تيجي في عيني عشان من ورا قلبك
تمارا...هي جت ليه
جاسر..هي مين
تمارا...متستعبطش😡
جاسر...طب خلاص يا ساتر ...والله ما اعرف بس غالبا كده عرفت من الشيطانه شاهي انكم مش بتروحوا الشركه فا اتكدت انكم معانا
تمارا...وبعدين
جاسر...ولا قبلين خلاص اصلا الحوار خلص وهايدي مبقتش تخصني ولا معايا
تمارا...يعني هي كانت تخصك 😡
جاسر...ماتهدي ياوحش الحته بقي والله ما اقصد اقصد ان حتي ارتباطها بيا مبقاش موجود خلصت وعشان خطري اقفلي بقي السيره دي مش حابب اسمع سيرتها تاني
سكتت تمارا شويه
جاسر....ايه فينك
تمارا...خليك في حالك
جاسر...اتعدلي
تمارا...لا😡
جاسر...هزعلك
تمارا....متقدرش
جاسر...انت فعلا مقدرش عشان بحبك
تمارا....بحزن. بجد
جاسر...انتي لسه مش متأكده
تمارا...ايوه
جاسر....قرب منها ومن غير إنذار نزل علي شفايفها بقبله طوييييييله😉😉😉❣️❣️❣️😍❣️😍❣️
وبعد فتره بسيطه بعد عنها...اتأكدتي
تمارا...بأحراج انت قليل الادب🥺
جاسر....والله بحبك وحيات امي بحبك ❣️
تمارا...وانا كمان بحبك❣️
شدها جاسر لحضنه وضمها بقوه كل سنه وانتي معايا وفي حضني وجوه قلبي ومفيش غيرك في حياتي ابدا
حضنته تمارا اكتر...بحبك يا جاسر
......................
اعدت عشق وليل عالرمل كان المكان هادي ليل بيشرب سيجاره وعشق باصه عالبحر
ليل....بصلها حبيبي ساكت ليه
بصتله عشق بابتسامه هاديه مفيش بس الدنيا دي غريبه اوي
ليل....اشمعني
عشق...يعني من شويه كنا مبسطوين جدا كلنا وفي لحظه كلنا اضايقنا واتنكد علينا بسبب اللي حصل وجه جاسر قال كلمتين هديت تمارا وراحت معاه ساعات بسأل نفسي ليه لما بنكون مبسوطين لازم حاجه تحصل تبوظ فرحتنا وليه بترجع تتحل بسرعه طيب لما هي هتتحل ليه اصلا بتتعقد ليه مش بتمشي حلوه كده علي طول ليه لازم حاجه تحصل تعكر لحظه سعاده احنا عايشنها. انت فاهمني
ليل...فاهمك طبعا ويمكن هي حاجه تحير بس انا ممكن ارد عليكي واقولك ليه
يمكن لو مكنش في حاجه حصلت بوظت لحظه حلوه احنا عايشنها كان في حجات مش هتحصل زي ان جاسر ينهي كل حاجه مع هايدي او زي ان تمارا تطلع كلام من جواها وجاسر يسمعه عالاقل عشان يعرف هو وجعها في ايه وميكرروش تاني وبردو مكنش جاسر قال كل الكلام اللي كانت تمارا حتي وهي في اسعد لحظات حياتها معاه اكيد كانت محتاجه تسمعها منه عشان تطمن وربنا خلي كل ده يحصل عشان جاسر يقولها كل اللي كانت محتاجه تسمعه
الدنيا ديما ياعشق بتحطنا في مواقف كتير حلوه بقي وحشه بس هي تجربه لازم ندخل جواها ونعدي منها مش مهم كسبانين او خسرانين المهم اننا فالاخر نطلع منها فاهمين مرتاحين متطمنين والاهم من كل ده ان عقلنا اللي شغال ومبيفصلش يهدي ويطمن سواء بنتيجه هو عايزها او نتيجه هو رافضها المهم انه يوصل فهمتي حاجه
عشق...بابتسامه فهمت طبعا
ليل...عشق
عشق...نعم
ليل...تتجوزيني❣️
عشق...😳
ليل...ايه سكتي ليه
عشق...ليل انت عارف انا بحبك اد ايه بس صدقني مش هينفع عالاقل الوقت
ليل....ليه بتقولي كده ياعشق
عشق...عشان في حجات كتير لسه متحققتش عشان خايفه يا ليل خايفه نغير اي حاجه فالحلم واصحي علي كارثه بس بعد ما ابقي معاك مش هقدر يا ليل اعيش لحظه اني معاك وفي حاجه وحشه بتحصل
ليل....عشق انا اول مره اشوفك متشائمه بالطريقه دي انا اتعلمت التفاؤل منك انتي
عشق...مش تشاؤوم يا ليل اد ماهو خوف ليل انا عمري ما خوفت من الموت بس انا الوقت خايفه اوي خايفه اموت اسيبك بعد ما قدرت اوصل لقلبك
ليل....مفيش حاجه ياعشق هتاخدك مني ولا حتي الموت!!!!
ابتسمت عشق وهي دموعها بتتجمع بسرعه رهيبه في عيونها
حتي جملتك دي ياليل سمعتها في حلمي وانا شريط حياتي بيقف 🥺
ليل...بلاش عشان خاطري كلامك ده عشق انا يمكن ابن قوي جدا بس صدقيني انا محتاجك جمبي بصي هقولك حاجه ايه رأيك نعتبر انك محلمتيش واي حاجه تتكرر ادامك اعملي نفسك بتشوفيها وتسمعيها لاول مره خلينا نغير بايدنا الحلم خلينا نغير كل اللي شوفتيه ونكتب بدايه ونهايه بايدنا خلينا نحط كل الناس اللي حابه تأذينا تحت عيننا من غير ما نتعب نفسنا بالتفكير ونضيع احلي لحظات حياتنا في خوف خلينا نقول ان اي حاجه هتحصل ربنا هو اللي حابب انها تحصل اتفقنا
ابتسمت عشق...اتفقنا
مسح ليا دموعها بايده يعني موافقه
هزت عشق..راسها وهي بتبتسم باحراج
حط ايده ليل علي كتفها وضمها ليه بحب وهو بيبوسها من راسها
ليل...هنغير كل حاجه وحشه يا عشق وهنفضل مع بعض
عشق....مسكت ايده اوي كفايه انك معايا ده لوحده مطمني
باسها ليل من ايدها بحب وفضل واخدها في حضنه وهما باصين عالبحر...😍
- تابع الفصل التالي عبر الرابط: "رواية مابين الحلم والحقيقة" اضغط على أسم الرواية