رواية عندما يعشق الجاسر الفصل السادس والعشرون 26 بقلم ريم محمد
رواية عندما يعشق الجاسر الفصل السادس والعشرون 26
جاسر : مليكه ايه رايك نتغدي بره انهارده
مليكه :مش لازم يا جاسر مش عايزه اتعبك
جاسر :مش مهم تغيري جو شويا عن البيت وانا كمان مش عايز اروح دلوقتي اتفقنا يلا بينا
مليكه :شكرا يا جاسر علي كل حاجه بتعملها عشاني
جاسر :العفو يا ستي ومش كل شويا تشكريني بقا اتفقنا
جاسر قام وسندها براحه ونزلوا وركبوا العربيه مع بعض
جاسر :بصي بقا هخدك علي مطعم تحفه يارب يعجبك
مليكه :طلاما زوقك اكيد هيعجبني
جاسر راح هو ومليكه المطعم ولما وصلوا نزل فتحلها باب العربيه وساعدها تنزل بهدوء
جاسر :تطلبي ايه
مليكه :اي حاجه علي ذوقك
جاسر :تمام جرسون لو سمحت اثنين .............
الجرسون:تشربوا حاجه يا فندم
مليكه :انا هاخد ليمون
جاسر :انا قهوه
الجرسون :تمام يا فندم
جاسر :عملتي ايه في الكليه ومكنتيش مركزه في المحاضره ليه ممكن اعرف
مليكه حست بتوتر هي هتقوله ايه كنت غيرانه عليك من البنات ال بيعاكسوك ولا ايه هي مش عارفه
مليكه :أصل أصل كنت تعبانه شويا عشان كده
جاسر :الف سلامه مقولتليش ليه كنت خليتك تروحي من بدري لو مش قادره ممكن نروح
مليكه :لاء انا بقيت كويسه الحمد لله
الاكل جيه وجاسر ومليكه كانوا بياكلوا بس جاسر حاسس ان كل شويا نظرته لمليكه بتتغير حاسس أنه بقا في منطقه خطر عليه وهيخسرها للابد
مليكه :ايه جاسر روحت فين
جاسر :مروحتش بس كنت عايز أسألك سؤال
مليكه :اسأل
جاسر :ايه سر عدواه عمك ليكم
مليكه :ده قصه طويله قوي بس اختصارها عمي طول حياته ببكره بابا وبعد اما بابا مات مقدرش ياخد حاجه عشان اخوي بس كان في أرض هيموت عليها بابا كتبها باسمي بس حسام قرر أنه يقول انها بتاعته عشان خايف من عمو علي بس هو عرف وكان عايز يجوزني لابنه عشان ياخد ورثي وعشان كده هربت هي دي قصتي بقا
جاسر :بجد مش فاهم عمك ال هو المفروض اخو ابوكي ازاي يحقد عليكي كده بجد مش عارف استوعب
مليكه :دي حال الدنيا هنعمل ايه
جاسر :معاكي حق دوقي الاكل وقوليلي رأيك
مليكه :الاكل روعه يا جاسر بجد شكرا ليك
جاسر :يبنتي بطلي شكرا بقا اصلا ايه رايك نتمشي شويا واكلك ايس كريم موافقه وكمان هاخدك حديقه هنا حلوه اوي نقدر نتمشي فيها شويا
مليكه :بجد
جاسر :اه اكيد يلا بينا
مليكه :يلا
جاسر هو ومليكه راحوا عند محل الايس كريم وقعدوا ياكلوا وبعد كده هو خدها الحديقه زي ما وعدها
مليكه :بجد الحديقه حلوه اوي يا جاسر بجد انا مبسوطه اوي
جاسر :ده اهم حاجه عندي انك تبقي فرحانه
مليكه خجلت جدا من كلام جاسر ووشها احمر جدا
جاسر :خلاص انتي احمريتي كده ليه دا انا مقولتش حاجه
مليكه :جاسر
جاسر :😂😂خلاص هسكت اهو
جاسر شاف شخص بيبيع بلالين وحس أن مليكه نفسها فيها بس مكسوفه تقوله
جاسر :لو سمحت
البائع:نعم يا بيه
جاسر :لو سمحت عايز كل البلالين دي ممكن
البائع:اتفضل يا بيه
جاسر :مليكه اتفضلي
مليكه :كل ده ليا يا جاسر
جاسر :اكيد ليكي هندي شويا لميرا تلعب بيهم
مليكه :اكيد نلعب بيهم انا وهي
جاسر :اما حاسس اني بفسح طفله مش واحده هتم واحد وعشرين سنه
مليكه :بتقول حاجه يا جاسر
جاسر :بقول امسحي وشك عليه تيس كريم مبوظ وشك خالص
مليكه :ايه ده بجد فين
مليكه حاولت تمسحه بس معرفتش جاسر براحه مسحلها
مليكه :شكرا ليك
جاسر :العفو ايه رايك نروح المول عايز اجيب برفان بتاعي خلص ايه رايك
مليكه :يلا بينا
مليكه وجاسر راحوا المول وجابوا حجات كثير وكمان جاسر صمم يجيب حجات مليكه وجاب حجات كمان لميرا
مليكه :بجد كده كثير يا جاسر اوي
*********************************************
نجوي :بقا علي اخر الزمن البنت ده تاخد ابني اول مره يفضل بره كل ده اكيد هي عملتله حاجه
نجوي شافت جاسر ومليكه وهما داخلين مع بعض وجاسر جايبلها حجات كثير معاه نجوي كانت حاسه بالغيره جدا من البنت دي يمكن هي ولا يوم من الايام علاقتها كانت حلوه مع ابنها ممكن ده عملها غيره
ميرا :عمو جاسر انت كنت فين
جاسر :كنا بجيب هدايا لميرا ايه رايك شوفي
ميرا :حلوين اوي انا بحبك انت وطنط مليكه كثير اوي
مليكه :واحنا كمان بنحبك اوي يا روحي
جاسر :مليكه يلا نطلع عشان ترتاحي شويا احنا طول النهار بره
منصور :طيب تعال كل الاول يا جاسر
جاسر :احنا كلنا بره يبابا كلوا انتم
منصور :ماشي يبني اطلعوا ارتاحوا انتوا فوق
جاسر :ماشي يبابا خلاص اتفقنا
*********************************************
في الجامعه
®®®®®
مليكه دخلت الجامعه بس حست أنهم بيبصلوها بصات غريبه جدا هي مكنتش تعرف في ايه
مليكه :همس في ايه ايه الحصل
همس :مليكه مفيش حاجه
مليكه :لاء اكيد في انتي بتضحكي عليا قولي الحقيقه انا سمعتهم قاعدين يقولوا وقعته وعينها منه ويبصولي
رؤي:احنا لازم نقولها فاهمه
همس :اسكتي يا رؤي
همس :بصراحه يا مليكه في حد بعت صور ليكي انتي ودكتور جاسر علي جروب ضفنينا كلنا فيه وقال كلام وحش اوي
مليكه :ليه انا عملتلهم ايه عشان يعملوا فيا كده بجد مش عرفه انا مأذتش حد في حياتي
مليكه هربت ودخلت الحمام تعيط هي بصت لنفسها في المرايه انا مش ضعيفه انت قويه مليكه انتي قويه اطلعي ووجهي مش لازم تستسلمي
جاسر حس أن في حاجه مش طبيعيه اكيد في حاجه غلط
جاسر :شهاب في ايه هما بيبصولي كأني قتلهم قتيل ليه
شهاب :بصراحه يا جاسر في فيديو وصور
جاسر :فيديو ايه ممكن افهم
شهاب :اتفرج
جاسر :ايه ده ده حصل ازاي انا لازم اشوف مليكه
لو سمحتم ممكن اعرف مليكه فين
همس :هي اول انا عرفت بالموضوع راحت الحمام
جاسر:مليكه اطلعي لو سمحتي
مليكه :عايز مني ايه يا جاسر الكليه كلها بتقول اني بنت مش محترمه
جاسر :محدش يقدر يجيب سيرتك فاهمه وانا عارف عجبها ازاي تعالي معايا
جاسر حط ايده في ايد مليكه واكان اكنها في حضنه كانت قريبه منه اوي
جاسر في الميكرفون لو سمحتم عايز كل الطلبه في الكافتيريا
جاسر :طبعا انهارده في شخص عديم الاخلاق بعت فيديو ليكن كلكم وانتم ماصدقتم وقعدتم تحكوا علي صحبتكم بالسوق كأنها هي السبب بس بس احب اعرفكم أن مليكه تخون مراتي مليكه حرم جاسر الدمنهوري ومحدش يقدر يجيب سيرتها فاهمين والفيديو كله حقيقي انا ومليكه متحوزين من شهر ونص تمام مش عايز حد يتكلم في الموضوع ده تاني ممكن
كل الناس كانوا بصين بصات غريبه ليها وهي مكنتش تعرف هي هتعمل ايه
جاسر:اه واحب اعرفكم أن انا بحب مليكه جدا
عن اذنكم
جاسر خذ مليكه وراحوا علي العربيه
مليكه :جاسر مش عارفه اشكرك ازاي انا
مليكه كانت منهاره وبتعيط وجاسر اخدها فحضنه وحاول يهديها علي قد ما يقدر
مليكه :انا عارفه انك قلت كده عشان بتشفق عليا
جاسر :بطلي هبل مليكه انا بحبك بجد انا كنت بعاند نفسي بس انا فعلا بحبك من اول يوم شوفتك فيه وانا حبيتك
مليكه :جاسر انا مش عارفه اقول ايه
جاسر :قولي احساسك تجاهي بكل صدق انتي بتحبيني يا مليكه ولا لاء
مليكه :بحبك يا جاسر انا بحبك
- تابع الفصل التالي عبر الرابط: "رواية عندما يعشق الجاسر" اضغط على أسم الرواية