رواية حب وراء الانتقام الفصل السادس والعشرون بقلم نورهان عبدالستار
رواية حب وراء الانتقام الفصل السادس والعشرون
صدموا عندما فتح الباب
نور 😧 : ليلى
ليلى : هي مين اللي جاسوسه..... انا سمعتكم بتقولوا وفاء معقوله...... ثانيه واحده هي مين دي يا نور ؟!
وأشارت على ساره
بدات كل من نور وساره يتبادلون النظر لبعضهما البعض
ليلى بغضب 😠 : انا عايزه افهم كل حاجه حالا
نور بتوتر : الاول كده اقفلي الباب بسرعه
اغلقت ليلى الباب وجلست على السرير : يلا احكي
نور : احنا لازم نحكيلها كل حاجه يا ساره ....تمام
ساره وهي تنظر لليلي : نور انت واثقه فيها... ولا
ليلى : بصي انا هفهم يعني هفهم.... والا هاقول لسليم اللي سمعته .....و يبقى هو اللي يفهمني ......حلو كده
ساره بغضب 😠 : نعم!!!..... دي بتهددنا ...انا مش مرتاحه لها لاء مش هنحكيلها حاجه يا نور
ليلى بانفعال : لا هتحكي..... مش بمزاجك
نور بزعيق 😡 : اسكتوا بقى ......ثم ضربت يدها على جبهته وجهها 🤦واكملت : بقى احنا نقفل الباب... علشان ما حدش يسمعنا.... ونعلى صوتنا..... ايه الغباء ده.... سيبوني انا اللي اتكلم..... تمام
ساره ليلى : تمام
نور : اولا كده..... دي ليلي صاحبتي يا ساره .......وما تخافيش هي مش هتعمل حاجه وانا متاكده انها هتساعدنا لما تعرف الحقيقه .......ثانيا .....ثم اخذت نفس عميق و اكملت : ليلى دي تكون ساره اخت سليم
نظرت لها ليلى بذهول 😳 : نعم !!!..... اخت سليم
نور : اه....... وحكت لها كل شيء.... قصه ساره ومعتز .....حتى قصه الجاسوسه كل شيء
كانت ليلي تستمع للكلام بعدم تصديق لما تسمعه
ليلى : ايه ده..... بجد ده ولا الافلام
ثم نظرت لساره التي كانت تظهر عليها ملامح الحزن واكملت : انتي حصللك كل ده .....بصي انا هساعدك انتي و نور .....علشان تجيبوا حقكم..... ومش هاقول لسليم حاجه ....ماشي
ساره بفرح ☺️ : بجد ......انتي فعلا طلعتي بنت كويسه زي ما قالت نور
نور بثقة 😌 : اه طبعا يا بنتي..... هو انا عمري قلت حاجه وطلعت غلط ......ثم نظرت لليلى : كنت عارفه انك طيبه وجدعه و هتساعدينا
ليلى : طبعا..... مش انا زي اختك برده ولا ايه
احتضانا بعضهما ثم نظرا لساره التي تنظر لهم بفرح ممزوج بالحزن فهي ليست لديها اخت ولا صديقه ووحيده دائما
........نظر لبعضهم البعض ومن ثم ظهرا لساره وتحدثا :وانت كمان يا ساره
ساره بتسائل 🤨 : انا ايه
نور : زي اختي وصديقتي ولا ايه يا ليلي
ليلي : اه طبعا وانا كمان حبيتها لما عرفت قصتها
ساره بامتنان : بجد شكرا
نور وليلى : شكرا على ايه بس ......تعالي هنا ...و احتضناها ايضا ثم جلسوا على السرير
ليلى : ها ....نويين على ايه بقى
نور : انا لغايه دلوقتي مش مصدقه انها وفاء .....ازاي !
ساره : للاسف.... انا هاسمعكم تسجيل وهي بتكلم معتز واخرجت هاتفها
استمعوا للمحادثه 📼
ليلى 😧 : كل ده يطلع منها
نور بغضب 😡 : انا هندمها..... بس لازم الاول اعرف هي عملت ده كله ليه..... واتعرفت على الزفت ده ازاي!؟.. وفين !؟
ساره : انا شايفه ان اننا نقول لسليم..... وهو هيتصرف معها ليلى : وانا مع ساره
نور بتفكير 🙄 : لأ...... انا عندي فكره الاول
ساره وليلى بتعجب 🤨 : فكره !!؟.....ايه
نور بابتسامه 😏 : هاقوللكم...... قالت لهم الفكره
نور : ها ايه رايكم
ليلى وساره : فكره جنان
نور : مش قلتللكم..... ثم اكملت بغضب 😠 : صبرك عليا يا وفاء
اما عند سليم ....
اوقف سليم السياره في منتصف الطريق
رشا بتسائل 🤨 : انت وقفت هنا ليه
نظر لها سليم : بصي يا رشا.... انا فاهمك كويس.... وعارف انتي بتعملي كل ده ليه.... فخلينا واضحين مع بعض كده... تمام
رشا : انت تقصد ايه....... بعدين انت اللي قولتلي اننا نخرج سوا زي ما وعدتني في اتفقنا ...ولا ايه
سليم : اه وخرجنا و نفذت وعدي ....بس ده علشان انا عمري ما رجعت في كلمتي.... بعيداً عن الهطل اللي في دماغك ده
رشا بغضب 😠 : يعني ايه.... انا عارفه انك معجب بيا وعلشان كده رقصت وخرجت معايا وانا كمان بحبك
ضحك سليم بسخريه 😆 : معجب و بتحبيني..... فوقي كده واسمعيني كويس .....انا عارف انك بتعملي كل ده علشان تكسري نور... بسبب حدقدك وغيرتك منها.... علشان كده اتفقتي معايا وقولتلي على مكان سكن اهلها وكل حاجه عنها ......لما قلتلك اني هدمرها
رشا بتوتر : لأ مش صح ......انا ساعدتك عشان
سليم : ما تكذبيش.... قلتلك اني فاهمك كويس
رشا بغضب😠 : اه ....اه ...انا عايزه ادمرها .....اللي انا عايزه افهمه بقى....... انت عارف كل حاجه اهو..... ليه بقى رقصت وخرجت معايا....... مع انك تقدر تقوللي كل الكلام ده في البيت
سليم : علشان.....
قطعت حديثه : انا دلوقت فهمت..... انت عملت كل ده علشان نور...... انت كنت عايز تخليها تغير...... وبالذات لما شفت الشاب ده هو عايز يرقص معها وبيقوللها كلام غزل.... صح
سليم بانفعال 😡 لانها استطاع كشف حقيقه ما يفعله : انتي اتجننتي ولا ايه
رشا : انت بتحبها صح.... ما هو ماحدش يعمل ده..... الا اذا كان بيحب .....معنى كده انك استغلتني علشان تغيظهم ......والله لندمك .....انا هاوريك انت وهي
سليم 😡 : بصي بقى كده ....انتي ما تقدريش تعملي حاجه ....واذا كنت سايبك في بمزاجي..... انما كده و كفايه قوي........ انا ممكن دلوقتي اخفيكي من على وش الدنيا وما حدش يعرف عنك حاجه .......لكن انا مش هاعمل كده مش علشانك........ انما علشان مش عايز اوسخ ايدي بواحده زيك ........انا هخلي السواق يبعتك للحته اللي انتي عايزاها وماشوفش وشك ثاني....... ده بكره علشان انتي بنت بس... فماينفعش تروحي في الوقت المتاخر ده....... بس صدقيني لو فكرتي تعملي حاجه بعد كده هتزعلي ......تمام
خافت جدا منه : انا عملت ايه..... لكل ده علشان ماذيش حبيبت القلب
سليم بانفعال 😡 : انتي اتخطيتى حدودك قوي ...وبعدين انا الوحيد اللي يحق له ويقدر يؤذيها
رشا بصوت منخفض : ال...ما بيحبهاش وعايز يؤذيها
سمعها سليم لكن تجاهلها وحرك السياره في اتجاه البيت
عودة للبنات......
ساره : اه صحيح يا نور ....انتي مش هتكلمني ياسمين
نور : اه صح....هاتي التليفون كده
اتصلت نور على ياسمين
ياسمين بنعاس 😴 : الو ...مين ؟!
نور : انا نور
ياسمين : نور مين
نور : انتي نايمه.... فوقي بقى ....انا نور اختك
ياسمين : اه نور .... عامله ايه .....وليه بتتصلي دلوقتي الساعه 11 ونصف بالليل
نور بذهول 😳 : عامله ايه !!! ياسمين هو بابا وماما مسألوش عليا
ياسمين : و نسال عليك ليه ......ما احنا عارفين انك مسافره تعملي مشروع
نور : مشروع !!... مشروع ايه .........مين اللي قال لك الكلام ده
ياسمين : في ايه يا بنتي.... مش وفاء اتصلت وقالت انكم مسافرين علشان مشروع مهم في الكليه.... وان المنطقه اللي هتروحوها ما فيهاش شبكه فمش هتقدري تتواصلي معانا الفترة ديه...... وان هي اللي اتكلمت علشان تليفونك فاصل شحن وبتجهزي الشنط
نور بتسائل 🤨 : امتى المكالمه دي!؟
ياسمين : في ايه.... انتي مالك يا بنتي... انتي كويسه...اه الأسئلة ديه
نور : اه يا ياسمين كويسة.... بس جوبيني بس
ياسمين : طيب يا ستي في نفس اليوم اللي مشيت فيه بالليل
نور بتفكير وتنظرت لساره وليلي 🤨: طيب ماشي يا ياسمين .....انا اتصلت علشان اطمن عليكم بس........... اه وهتاخر في السفريه دي شويه كمان.................. طمنيهم عندك
ياسمين : بس متتاخريش عشان الخطوبه..... احنا ماجلنها علشانك .....تمام
نور : تمام..... يلا سلام
ياسمين : سلام
اغلقت الهاتف
نور 😠: كانت مخططة لكل حاجه من الاول
ليلى : بس خططها انقلبت ضدها
ساره : اه واكيد ما كانتش مخططة لمعرفتنا ببعض وكشفها ....ولسه فكرتك يا نور ولا ايه
ضحكوا جميعا 😄
ساره : نور
نور : نعم
ساره : كنتي بتعيطي ليه
نور بتوتر : امتى ده... انا ما كنتش
ساره : نور انا شفتك
صمتت نور
ساره : طب قوليلي انتي يا ليلي
ليلي وهي تنظر لنور : هاقول لك يا ستي.... حضرتها كانت بتعيط علشان .........وحكتلها كل ما حدث في الحفل ...وخروج سليم مع رشا
ضحكت سارة 😆 : بقي كدة
ليلى : شفتي بقى
ساره : حضرتها بتغير
نور بانفعال 😠 : مين ديه
ليلى وهي تضحك 😄 : واحده ما تعرفهاش
ضحكت ساره
نور 😡 : لا بجد..... طب اطلعوا بره بقى
ساره : خلاص خلاص هو اللي بيغير
ليلي : اه.... هو ...هو
نور : تفتكروا
ضحكوا مره اخرى 🤣
نور بغضب 😠 : بتضحكوا ليه
ليلي : لا ما فيش حاجه ....بس ماشفتهمش يا ساره من يومين ....اه ايه اللي حصل
ساره : ايه احكي بسرعه
حكتلها ليلى عن مقالب نور وسليم
ضحكت ساره 🤣 : لا مش قادره ....زيت خروع و فار.... ايه الدماغ دي
نور : خلصتوا..... كنت اعمل ايه يعني..... هو اللي جابه لنفسه..... بس للاسف ما لحقتش اتهنى بالنصر
ليلى ومازالت تضحك 😄 : انا حذرتك .....وقلت لك مش هيسكت
نور : خلاص بقى ....قفلوا على الموضوع ده
ساره : بصي يا نور..... من غير مكبره كده ...انتي بتحبي سليم
احست نور باحساس غريب وقالت بسرعه : لأ.... ايه الهبل اللي بتقولوه ده
ليلي : لأ يا نور... انتي بتحبيه
نور : لأ........
فجاه سامعوا صوت سياره سليم
نور : طب امشي بسرعة يا سارة قبل ما يشوفك
ساره : فكري في الكلام اللي قلتهولك يا نور.... تمام.. وذهبت
ليلى : بصي يا نور.... انا هاروح اشوف المتخلفه دي واعرف عملوا ايه بره ....ماشى
نور : ماشي
دخلت رشا البيت بسرعه
اما سليم فجاءه اتصال من حسن
سليم : ايه يا ابني.... مش قلتلك هنتكلم بكره
حسن : اسمعني بس انت عارف الشاب اللي ضربته .....
قطع سليم حديثه بغضب 😡 : ما تجيبليش سيرته ...ماشي حسن : استني بس ....تعرف يكون مين
سليم بانفعال : هيكون مين يعني
حسن : فارس الشرقاوي .....وهو وابوه من اكبر رجال الاعمال... ويكون
سليم : ويكون ايه... ما تخلص
حسن : رئيس معتز وشريكه ......والشرطه بيحاولوا من زمان يثبتوا عليه الصفقات المشبوه اللي بيعملها معاه...... زي ما تقول كده الراس الكبيره اللي محركه كل حاجه
سليم : طبعا ما الطيور على اشكالها تقع
حسن : بص يا سليم .......فارس مش هيسكت على اللي حصل النهارده ....ومتوقع مصيبه
سليم : ما تقلقش..... المهم هو كان بيعمل ايه في فرح اخوك
حسن : عرفت يا سيدي انه ابن خاله العروسه
سليم : طب المهم جمعتلي المعلومات اللي عايزها عن حسام
حسن : اه..... ده طلع وراء بلاوي
سليم : طب تمام..... هقابلك بكره في الشركه علشان موضوع الصفقه اللي بنحضر لها من فتره مع الشركه الاجنبيه
حسن : ما تقلقش كل حاجه جاهزه..... انا وكل موظفين الشركه عارفين اهميه الصفقه دي ايه وشغلين بكل طاقتنا....... وان شاء الله مش هيحصل اي غلط
سليم : إن شاء الله...... يلا تصبح على خير
حسن : وانت من اهله..... سلام
اغلق سليم الهاتف واتجه للداخل
اما عند رشا........
ليلى بحده : كنتوا فين
رشا بتجاهل : وانتي مالك
ليلى : مش هعيد كلامي..... كنتوا فين ....وعملتوا ايه
رأيت رشا نور وهي واقفه من بعيد تستمع لهم
رشا لنفسها 😠 : انا مش همشي كده يا نور.... لازم احرق قلبك انتي وسليم
رشا بابتسامة 😏 : روحنا مكان كده ...ولا في الاحلام ياااه ....وقاللي انه بيحبني وانه......
صفعتها ليلي على وجهها عندما رات نور بغضب😡 : انتي كذابه...... سليم مستحيل يعمل كده ..قولي الحقيقه
رشا بانفعال : انتي ازاي تتجرأي .....على فكره ومش كدة وبس...... ده كمان قال لي اننا هنتجوز...... وانه اشتري شقه لينا .....و هاروح اقعد فيها من بكره
ليلى بغضب شديد : مش قلت بطلي كذب بقى يا....... والا اقول لك انتي ما تستاهليش الشتيمه
رشا ببرود 😏 : دي الحقيقه..... وهتتاكدي بكره لما السواق ياخذني علشان اروح الشقه .....يلا تصبحي على خير.... عشان اصحى بدري
امسكت ليلي بشعر رشا : انتي محتاجه تتربى من اول وجديد ......ده طبعا لو كنتي اتربيتي اصلا
رشا بزعيق : اااه.... سيبي شعري يا متخلفه
ليلي : لأ ...قولي الحقيق.....
قطع حدثتها صوت سليم بحدة 😠 : هو ايه اللي بيحصل هنا
تركت ليلي شعر رشا : دي بتقول ان حضرتك .....قلت لها انك بتحبها ....وهتتجوزها
لاحظ سليم وجود نور ثم قال : اه ....قلت لها كده ....وبعدين انتي مالك
ليلى بصدمة 😧 : نعم !!! .....يعني انت فعلا هتبعتها تعيش في شقه اشتريتها مخصوص علشان جوزكم بكره
سليم ومازال ينظر لنور التي بدات الدموع تتجمع في عينيها : اه
جرت نور لداخل الغرفه واغلقت الباب خلفها
ليلي بذهول 😳: انت بتتكم جد
سليم : اه
و تركها وذهب قبل ان تتكلم ........واتجه ناحيه غرفته هو ونور..
يتبع الفصل السابع والعشرون اضغط هنا
- الفهرس يحتوي على جميع فصول الرواية كاملة :"رواية حب وراء الانتقام" اضغط على اسم الرواية