رواية نصيبي في الحب الفصل الثامن والعشرون بقلم توتة
رواية نصيبي في الحب الفصل الثامن والعشرون
_ خلاص اوعدني انا
نهال : يييييي .....
انتي تاني ......
هدي : للاسف مش تاني .... احسبي دي المره الكام اللي اجي فيها
ادم : انا همشي يا ماما نهال ..... انا ماشي يا بابا
خالو : امشي انت يا ادم
هدي : يمشي فين .... انت هتيجي معايا
ادم : انا قلت اللي عندي قبل كده .... ومعنديش كلام غيره أقوله
هدي : وانا فكرت في كلامك .... ووافقت
ادم : بس انا رجعت في كلامي ومش راجع معاكي .... انا عارف تفكيرك كويس .... وبصراحه كده ميشرفنيش انك امي
هدي : ارجع معايا يا ادم وانا مش هخليك محتاج حاجه
ادم : لا مش راجع معاكي الا على جثتي
نهال : ادم هيفضل هنا ومش هيروح في حته
هدي : وانتي مالك انتي ... واحده وبتكلم ابنها .... ايه اللي يدخلك
ادم : دي امي .... اتكلمي معاها عدل ي استاذه هدي
هدي : قولتلك قبل كده انا اللي امك مش هيا
ادم : انا همشي عشان متأخرش
نهال : ماشي يا حبيبي
هدي : استني هنا
ادم : في اي حاجه عايزه تضيفيها للستا بتاعتك
هدي : عايزاك ترجع تاني
ادم : قديمه .... قولي حاجه جديده .... يمكن اوافق
هدي : هو انت مش عايز ترجع معايا ليه
ادم : اسالي نفسك
هدي : طيب ارجع معايا .... انا عايزاك ي ابني
ادم : متقوليش ابنك .... انا مش ابنك .... انا بكرهك .... وعمري م هحبك .... ولا حبيتك اصلا
هدي : متقولش كده يا ادم
ادم : اقولك .... اطلعي من حياتي ... انتي كده بتموتيني بالبطئ لو خدتيني معاكي .... اطلعي بره .... مش عايزه اشوفك تاني .... انتي مبتحرميش .... انا تعبت منك بقااااا
هدي : حاضر همشي .... بس انا بنام في الشارع والله
ادم : طيب .... ارجعي كده ١٠ سنين ورا ..... فاكره المكان اللي حبستيني فيه .... روحي نامي فيه .... ولا استني .... روحي اسرقي حاجه وبلغي عن نفسك عشان تتحبسي وتلاقي مكان تقعدي فيه
هدي : طب م انا عندي حل افضل
ادم : نفذيه .... بس بعيد عني انا وعيلتي
هدي : للأسف .... الموضوع يخصك انت وعيلتك
ادم : وهو ايه الموضوع اللي يخصني انا وعيلتي ده بقا انشاء الله
قربت هدي منه وفي ظرف ثواني كانت مطلعه سكينه وضربته بيها في بطنه
هدي : هههههههه .... كده انا خدت حقي منك يا محمد
نهال : اددددددددددم ..... انتي عملتي ايه
ندي : اددددددم .... ادم فوق .... حد يجيب الإسعاف بسررررععععععههههههه
ملك : ايه اللي انتي عملتيه ده
محمد ( خالو ) : ادم ... ادم فوق يحبيبي .... فوق معايا والنبي
نور : انتوووووووا بتعملووووووووووواا ايه ....... حد يشيله بسرعه على العربييييييه
خالو : انا هشيله ....
هدي : ههههههههههه ..... فرحانه اووووووووي باللي حصل ده
نهال بعياط : انتي منك لله .... والله مهسيبك
نور : انتووووا لسسسسسه هتتكلموا .... حد ينقله العربيه بسررررررععععععه
شالوه للعربيه ووصلوا المستشفي
نور : ترروووووللللللي بسسسسسرررررررععععععععههههههه
ممرض جاب الترولي ونقلوا عليها ادم ودخلوه العمليات
الدكتور : استنوا هنا محدش يدخل
خالو : طيب هو هيبقا كويس يا دكتور
دكتور : انشاء الله ... هشوفه وهقول لحضرتك .... عن اذنك
نور : أهدى يا خالو انشاء الله خير
خالو : يارب .... بس والله م هسيبها
ملك : متخافش يا بابا .... نهال هناك ومش هتخليها تمشي
هبه : ايوه يا خالو متقلقش انشاء الله خير
______________________________________________________________________________
نهال : يارب جيب العواقب سليمة يارب ..... والله مهسيبك غير وانتي في السجن يا زباله انتي .... في حد يعمل كده .... وفي ضناه .... وعايزاه يحبك وييجي معاكي
ندي : قفلت يا ماما الڤيلا من بره كويس
نهال : مش هتعرفي تهربي يا هدي
هدي : هههههههه .... حد قالك اني عايزه اهرب يا .... يا نهال هانم
نهال : انا بس مستنيه ادم يفوق ... لانه انشاء الله هيفوق
ايمان : كلمتهم وهما دلوقتي في المستشفي وادم في غرفة العمليات
نهال : ماشي .... انشاء الله يبقى بخير ... يااارب
ساره : متقلقيش يا نهال ... انشاء الله يبقى كويس
ماجده : انتي يا شيخه منك لله ... في حد يعمل كده
هدي : ربنا ياخده
نهال : حسبي الله ونعم الوكيل ... انتي مصنوعه من ايه ... انتي لا يمكن تكوني بشر
هدي : انا فعلا مش بشر .... ههههههه
ماجده : انتي مجنونه والله
هدي : وهو حد قالك برضه اني عاقله
ماجده : منك لله ... منك لله
وبعد مرور ٤ ساعات اللي كان بيصلي فيها واللي كان بيدعي ربنا أنه ينقذ ادم واللي كان بيقرأله قرآن
في المستشفي والبتحديد في غرفة العمليات الكبيره
خرج الدكتور من غرفة العمليات
خالو : طمني يا دكتور ... بقالنا كتيير مستنيين
الدكتور : اهدي يا استاذ .... ابن حضرتك كويس ... الحمد لله الضربه جت قريب من منطقه خطر في البطن .... بس الحمد لله جت سليمه
خالو : يعني هو بقا كويس يا دكتور ...
الدكتور : ايوه الحمد لله ..... بس هو لسه مفاقش من تأثير البنج بس
خالو : احمدك واشكر فضلك يارب
نور : طيب يا دكتور .... هو هيقدر يروح البيت امتي
الدكتور : اليومين دول صعب شويه أنه يتحرك .... فالأفضل أنه يخليه في المستشفى
نور : تمام .... شكرا يا دكتور
هبه : طيب انا هتصل عليهم اطمنهم ... عشان كل شويه يتصلوا
خالو : ماشي ... طمنيهم
نور : طيب هتعملوا ايه مع مامته يا خالو
خالو : والله م هسيبها .... هشرب من دمها
وعلى الناحيه التانيه
نهال : بجد .... اخيرا .... الحمد لله يارب
ندي : في ايه يا نهال .... قالتلك كويس
نهال : الحمد لله يا ندي .... قدروا ينقذوه
ندي : الحمد لله
ايمان : الحمد لله يارب ..... ده احنا على اعصابنا
ماجده : كويس والله .... بس هتعملوا ايه مع الحربايه دي
نهال : مش هسيبها وربنا .... هوريها حياه اسوء من حياتها التعيسه ١٠٠ مره .... انا بس كنت مستنياه يفوق .... الحمد لله
هدي : ههههه .... هو انتي فاكراني خايفه منكم .... هطلعلكم في حياتكم زي العمل الرزي
نهال : انتي ليكي عين تتكلمي بعد اللي حصل
هدي : ليا عينين اتنين مش واحده بس
نهال : انتي فعلا مجنونه ولازم تروحي السرايا الصفرا
هدي: السرايا الصفرا دي معموله للي شبهك
ماجده : متخرصي شويه بدل منقوملك
هدي : هششششش .... اسكتي خالص
ماجده : شوفوا البت
يوسف : في ايه .... وايه اللي جاب الست دي هنا
نهال : شوفت يا يوسف اللي حصل
يوسف: في ايه
نهال : ادم في المستشفى بسببها يا يوسف
يوسف : ايه .... هيا عملت ايه
نهال : ضربته بالسكينه في بطنه
يوسف : اييييييه
نهال : ده اللي حصل ونور وملك وخالك وهبه في المستشفي معاه
يوسف : انتي عملتي كده
هدي : ايه يا ابن فريده .... عايز حاجه ولا ايه .... اوعي تكون عايز زيه
يوسف : انتي انسانه مريضه ... بس مش هسيبك .... ثواني وراجع
نهال : رايح فين يا يوسف
يوسف : جاي تاني
وبعد مرور نص ساعه
يوسف : مش عايز عنف
نهال: فيه ايه يا يوسف مين دول
يوسف : ده النقيب احمد خالد عبد العظيم ..... وده المستشار وائل محمد القاضي
نهال: يلهوي ... انت هتعمل ايه
يوسف : اللي غلط لازم يتعاقب ... مش كده ولا ايه يا نهال
نهال : صح ... بس مكنتش اتوقع انها هتكبر كده
المستشار وائل : متقلقيش يا فندم ... كل واحد عمل غلط بيتعاقب في البلد دي ... وتقريبا المتهمه كانت بتحاول تقتل يعني قضيتها الشروع في قتل ودي تقريبا فيها مؤبد
هدي : مؤبد مين ... اتكل على الله ... ده ابني وهيتنازل
يوسف : شوفوا شغلكوا ... وزي م اتفقت معاكوا
المقدم أحمد : طبعا يا يوسف باشا
وخدوها معاهم القسم بس هيا راحت معاهم بالعافيه .... كانت مفكره أن الموضوع هيعدي .... متعرفش إن البلد فيها قانون يعني
نهال : انت عملت ايه يا يوسف ... انا مكنتش اتوقع كده خالص
يوسف : البلد فيها قانون يا نهال .... واللي غلط لازم يتعاقب
ماجده : ايوه يا نهال عنده حق
ايمان : انا خفت من منظرهم اصلا
ندي : وانا كمان
ساره : ده الموضوع كبر
يوسف : طيب وادم دلوقتي عمل ايه
نهال: الحمد لله جت سليمه .... بس لسه مفاقش
يوسف : طيب هما في مستشفى ايه عشان هروحلهم
نهال : هبه قالتلي في مستشفى ***** وادته عنوان المستشفي
يوسف : ماشي
نهال : ابقى طمننا يا يوسف
يوسف : حاضر
وعلي الناحيه التانيه بالتحديد في المستشفى
نور كانت بتتكلم في الفون مع مروان قدام باب المستشفى من بره
نور : عشان حصلت ظروف
مروان : ايوه ظروف ايه اللي تخليكي متجيش جامعتك انهارده
نور : هقولك بعدين يا مروان لما اشوفك
مروان : انا مش فاهم حاجه يا نور
نور : طيب انت عايز تفهم ايه
مروان : مجيتيش انهارده ليه
نور : طيب ... فاكر ادم
مروان : ادم مين .... اه افتكرته ابن خالتك ده ولا أبن خالك تقريبا
نور : ايوه هو ده
مروان : ماله
نور : في المستشفي عمل حادثه
مروان : اه ... لا الف سلامه
نور : بس فاحنا كلنا معاه عشان هو تعبان بس ومعرفش هاجي امتي
مروان : تمام .... فكرتي في اللي قلتلك عليه
نور : على ايه
مروان : نوور ... كل أما أسألك تقوليلي على ايه ... انتي عندك زهايمر ولا ايه
نور : مش مركزه علفكره معاك
مروان : طيب يا نور ... سلام
نور : مروان ... استني
مروان : نعم
نور : موافقه
مروان : قولتي ايه
نور: بقولك موافقه
مروان : طيب ثانيه يا نور بس هسلك وداني عشان مش سامع كويس
نور : هههههه .... ظريف
مروان : معاكي انتي بس يا نور عيني
نور : بس بقاااا
مروان : ياريتني كنت معاكي دلوقتي
نور : ليه
مروان : عشان اشوف الطماطم اللي ع خدودك
نور : علفكره هقفل في وشك
مروان : طيب ... كلمتي باباكي أو مامتك
نور بحزن : لا
مروان : ليه
نور : الله يرحمهم
مروان : انا اسف يا حبيبي لو كنت فكرتك
نور : خلاص يا مروان عادي
مروان : مش ملاحظه اني معرفش عنك حاجه خالص
نور : حاضر ... هبقي اقعد معاك مره وهحكيلك حياتي كلها
مروان : ماشي يا حياتي انتي
نور : سلام بقا
مروان : وحشتيني علفكره
نور : يوووه بقا .... هو انت ليه بتحب تكسفني كده
مروان : هههه .... عشان بحبك
نور : ماشي
مروان : ماشي ايه
نور : اقفل بقا
مروان : اقفلي انتي الاول
نور : يوووه بقا .... اقفل يا مروان
مروان : طيب انا عندي فكره حلوه
نور : ايه
مروان : هعد تلاته ونقفل مع بعض
نور : قديمه
مروان : كل حاجه معاكي جديده يا نور عيني
نور : ماشي
مروان : يادي ام ماشي ... كل أما اقولك حاجه تقولي ماشي ... مفيش حاضر يا عيوني ... كلمه رومانسيه
نور : لا مفيش .... عاجبك ولا مش عاجبك
مروان : لا عاجبني طبعا
نور : ماشي
مروان : يلا ... واحد .... اتنين .... تلاته
نور : مروان
مروان : نعم
نور : أهه
مروان : في ايه يا نور
نور : مفيش
مروان : قولي يا نور اخلصي
نور : مفيش والله كنت
مروان : في ايه يا نور
نور : كنت عايزه اقولك
يوسف : ايه اللي موقفك هنا يا نور
نور : طب سلام دلوقتي
مروان : نور ... نور
نور : مفيش ... كنت بتكلم في الفون بس
يوسف : ايوه وبتتكلمي بره ليه
نور : عادي يعني
يوسف : كنتي بتتكلمي مع مين
نور : بتكلم مع ... مع مروان
يوسف : ط .... طيب اتفضلي على جوه يلا
نور : ماشي
يوسف : متقفيش لوحدك تاني كده
نور : ليه
يوسف : متسأليش كتيير يا نور
نور : مش انت بتقولي متقفيش لوحدك ... لازم اعرف السبب
يوسف : عشان فيه شباب مش كويسه سواء بره المستشفي او جوه .... فهمتي
نور : اه ... خلاص مش هقف لوحدي تاني
يوسف : شاطره وانتي بتسمعي الكلام يا نور
نور : علفكره انا مسمعتش كلامك عشان خايفه منك أو حاجه ... انا عشان بس خفت من اللي انت قولته
يوسف وهو ماسك غضبه: طب اتفضلي بقا ادخلي جوه قبل م اتعصب عليكي
نور : والله .... وتتعصب عليا ليه بقا انشاء الله
يوسف : عشان انتي مستفزه
نور : ماشي ... انا مستفزه ... انت بقا مالك باستفزازي ده
يوسف : بصي انا عارف اني هتكلم كتيير ومش هتسمعي الكلام ... فاتفضلي بقااا عشان متخرجنيش عن شعوري
نور : انا هدخل بس عشان الظروف مش اكتر
يوسف : اتفضلي
دخلوا هما الاتنين
يوسف : بقا كويس
خالو : الحمد لله
يوسف : طيب انا كنت جاي اقولك على اللي حصل
خالو : فيه ايه
يوسف : انا جبت ظباط وقبضوا على هدي
خالو : انت عملت كده !؟
يوسف : ايوه ... عشان اللي عملته ده مكنتش هسمح أنه يعدي بالساهل
خالو : كويس ... انا كنت هعمل كده برضو
يوسف : تقريبا كده هتاخد مؤبد
خالو : احسن عشان نرتاح من شرها وارفها
يوسف: بس لازم شهاده ادم .... لأنها اكبر دليل
خالو : طبعا ... مش هسيبها المرادي .... إن كنت سيبتها زمان مش هسيبها دلوقتي
يوسف : اي......
تلفون يوسف رن
يوسف : طب ثواني هرد ع الفون
خالو : ماشي يا ابني
في نفس الوقت كان تلفون نور جاتله رساله
" يا نور انا مروان انا قدام المستشفي اللي انتي فيها ... اخرجي عشان عايزك في موضوع مهم ... ده رقمي الجديد "
نور : طيب انا بس هعمل مكالمه بره قدام المستشفى وجايه علطول
خالو : ماشي يا نور
يوسف : الو
الراجل : يوسف باشا .... معتز بيخطط لحاجه دلوقتي تخص نور هانم
يوسف : هيعمل ايه اخلص
الراجل : متخرجهاش من المستشفي
يوسف : انطق فيه ايه
في الوقت ده كانت نور بتخرج من المستشفي
وفجأة وبدون اي مقدمات وهيا خارجه كان يوسف بيبص عليها وكان معتز في عربيه ومعاه صاحبه فارس ومستنيها تخرج ضرب عليها رصاصه من مسدسه
يوسف مكانش مركز على اي حاجه غير نور حتي نسي الراجل اللي بيكلمه لحد م شاف نور بتقع على الأرض آثر الرصاصه اللي اخدتها من الحقير اللي اسمه معتز
يوسف : نووووووووووووووور
يتبع الفصل التاسع والعشرون اضغط هنا
- الفهرس يحتوي على جميع فصول الرواية كاملة :"رواية نصيبي في الحب" اضغط على اسم الرواية