رواية عرق صعيدي البارت الثاني 2 بقلم مريم فهمي
رواية عرق صعيدي الفصل الثاني 2
صحيت نور من النوم علي خبط علي الباب
نور : مين ؟؟
- انا عمتك نوارة يا حببتي تعالي يلا عشان الوكل اتحط
نور : حاضر يا عمتي
نور نزلت لقت العيله كلها متجمعه علي ترابيزة كبيرة جدا
محمد : تعالي يا حبيبتي اقعدي جنبي انا وماما تعالي
سعيد : والله ما يحصل لازم نو تجعد جمب جدها تعالي اجعدي جنبي
نور : حاضر يا جدو
قعدت نور جنب جدها
سعيد : وانت يا مسعد انت وعبدالرحمن هتحددوا معاد الجواز امته من ريم وزينه
مسعد : اي الي تشوفه يا جدي
سعيد : الخميس الي جاي كتب كتابكوا
ابتسمت نور لزينه وريم لانهم هيتجوزا بقي
سعيد : وانتي رقيه مش ناويه بجي يا بنتي علي الجواز ولا ايه
رقيه : يا جدي كل شيء قسمه ونصيب وانا لما يجي نصيبي
سعيد : مهو نصيبك لو يحس بس انما نجول اي معندوش مشاعر ولا جلب
ضحكت رقيه علي جدها وهي عارفه هو قصده علي مين
سعيد : بجلكم اي يولادي انا عاوز احفادي كده معايا بعد الوكل يتلموا حواليا وانتم خدوا مرتاتكم وخرجوهم في الصعيد شويه
امجد : فكرة حلوة يا بوي او نطلعوا الجنينه كلاتنا كدِه وانت خد احفادك كلاتهم اهم
عامر : خدهم يا بوي مش عاوزينهم
سعيد : خلاص خلصوا الوكل واستنوني في الاوضه الكبيرة بتاعتنا
الاحفاد كلهم : حاضر يا جدي
ريم كانت مبسوطه بالجو الجميل ده الجو الاسري وفعلا قعده الاسرة مفيش بعديها بس كانت مضايقه من وجود المغرور الي اسمه يزن وفعلا اول انطباع بتاخده عن الشخص من اول موقف وهي كرهته بعد الموقف ده، اما هشام فكانت ميلاله شويه لكن لاهي بتحبه ولا حتي معجبه بيه هو مجرد ميول مش اكتر
دخلوا كلهم الاوضه
رقيه : تفتكروا جدو عاوزنا في اي ؟؟
هشام : لاء معنديش ادنا فكرة عن الموضوع ده!!
يزن : بعد اذنكم بطلوا دوشه شويه هو انتوا اي ده ليه لازم الرغي ده ما جدي هيخش اهو وهيقول كل حاجه
نور كانت هتولع منه وشويه وكانت هتقوم تولع فيه من غروره ده
هشام : جرا اي يا عم يزن ما براحه علينا شويه في اي اهدي كده!!
يزن : انا هادي اهو يا عم هشام
عبدالرحمن : في اي يجدعان براحه شويه خلاص اقعدوا كده وصلوا علي النبي
كلهم : عليه افضل الصلاة والسلام
هشام ويزن كانوا ديما بيتخانقوا وهم صغيرين وده لانهم شخصيتين مختلفتين تماما
دخل الجد والكل قام
سعيد : اقعدوا اقعدوا،انا جمعتكوا لانكم حته مني ومن صلبي عاوزكم امان لبعض وديما تكونوا في ضهر بعض وااصل انا عارف كل واحد فيكم علي اي وعارف مين فيكم هيمشي مع التاني يعني زينه انسب واحده لعبدالرحمن لان الاتنين طبعهم هادي وحكماء في تصرافتهم كلااتها،اما ريم ومسعد فا الاتنين نفس الدماغ المجنونه بس بيعرفوا يتصرفوا واكتر اتنين ملائمين لبعض ، اما رقيه فهي اكتر واحده ملائمه ليك يا هشام
هشام : ليا انا يا جدي؟؟؟!!
سعيد : ايوة،بص يا هشام يا ولدي الحب ممكن يكون جواتنا واحنا ماحسينش بيه وانا متاكد كمان انك بتحب رقيه،انا عارف انك اول ماشفت نور ذكرايتكم رجعت واتعادت جدام عنيك بس اتاكد يا ولدي انك كل الحب لرقيه هي الي عاشت معاك وهي الي فضلت جنبك ووقت زعلك كانت اول واحده بتزعل عليه وانتوا الاتنين فيكم من بعض كَتيير صح يا رقيه ؟
رقيه : اي الي تشوفه يا جدي.....
هشام : فعلا انا كنت ديما حاسس بحبي لرقيه بس مع وجود نور مشاعري اتلغبطط تاني ذكرياتي انا ونور رجعت بس رجعت وقلت دي كانت مجرد طفوله وحبي كله لرقيه .....تقبليني زوج ليكي يا رقيه ؟؟
رقيه بكسوف وزينه وريم ونور كانوا فرحانين لفرحة رقيه وكانوا كلهم سقفوا ماعادا المغرور يزن وكلهم طلبوا منهم انها توافق
رقيه : انا موافقه ......
زينه زرغطت لانهم كانوا نفسهم يفرحوا برقيه وهشام
ريم : مبروك يا رقيه بقيتي مرات اخويا
الكل ضحك والجد كان مبسوط لساعدتهم
لحد ما سكتوا عشان الجد يكمل ،اما اعمرو بقي فلاما يبقي يخلص جامعته
عمرو : عموما يا جدي انا عارف انا هتجوز مين
الجد بضحكه - فاطمه بنت عمتك نوران صح ؟
عمرو : جدو قولي انت بتعرف كل ده ازاي
الجد.: يولدي انا الي مربيكم وانا الي فاهمكم واحد واحد عيب عليك يا ولد
مسعد : يا سلام عليك يا جدو يا جامد
سعيد : بس يا ولد، اتبجي مين بجي؟؟اتبجي نور
نور ابتسمت - لاء يا جدو الجواز مبيقاش كده وبعدين كل شيء قسمه ونصيب وبعدين انا لازم اكون من جوايا راضيه عن الشخص ده والي هكمل معاه بقيت عمري
سعيد : احنا بنتكلم يا بتي اكده ولو دول مكانوش موافجين علي بعض فانا عمري ما هغصبهم علي اي حاجه،بس تعرفي انك انتي ويزن لايجين علي بعض جوي
يزن ونور بصوا لبعض بصدمه - احنا !!!
الكل - يزن ونور!!!!!
الكل اتصدم ونور اصدمت اكتر لان هي بتكره لانه متعجرف جدا ومغرور
نور : انا اسفه يا جدي انا عمري ما هتجوز يزن او هيكون بيني وبينه اي حاجه لاني انا وه. مختلفين تماما
يزن بغضب - وانتي مفكراني انا الي ميت في دباديبك مثلا انا عمري ما هتجوزك انتي مين اصلا
نور : انت شخص مغرور ومتعجرف وانا مقدرش اعيش معاك ثانيه واحده
يزن : محسساني اني العسل بيخر منك انا الي مرضاش ان مراتي تكون انتي ابدا
نور : انا بكرهك!!!وعمري ما هحبك انتي شخصيه لا تطاق وانت اكتر حد انا بكرهه وانت استحاله تكون شبهي وياريت مش عاوزة اشوفك تاني عن اذنكم وعن اذنك يا جدي!!!
خرجت نور راحت علي اوضتها
يزن : انت ازاي يا جدي تسيبها كده وانها تعمل كده قدامك
سعيد : كنت انت احترمت وجودي يا ولدي ازاي عاوزها تحترم وجودي الي انت محترمتوش عموما نور جديده هنا ومتعرفش نظامنا اييه، بس كان لازم تقول كده وطلع الي جواها
يزن : تطلع الي جواها بانها تشتمني وتقلي انا بكرهك
هشام : بصراحه يا يزن انت بتذودها معاها اووي والمفروض انك تعتذرلها وبالذات اول ما جت هنا وانت سبتها ومشيت
يزن : انا مغلطتش معاها في حاجه وانا مبحبش اتعرف علي ناس جديده
رقيه : بس دي مش ناس يا يزن دي نور فاكر انت كنت بتعمل عشانها اي واحنا صغيرين انت كنت الكبير بتاعنا ولما كان هشام بيشد شعر نور واحنا صغيرين انت الي كنت بتقفله انت اتغيرت اووي يا يزن ومبقتش زي ما احنا عارفينك يزن بتاع زمان اتغير ومعدش موجود
يزن : يزن تعب وزهق،يزن الكبير ولازم يستحمل،يزن معندوش قلب ولا احساس،يزن لازم يشيل مشاكلكم كلها،ولو معملش كده يبقي مغرور،يزن لازم يسمع للجميع،عشان هو الكبير،حد فيكوا جه قعد معايا بانه يتكلم عني انا مش عنه ،حد فيكوا لما ببقي زهقان ومخنوق بيجي يطبطب عليا، ولا انا الي لازم اعمل ده عشان انا الكبير،لما حسيت اني انا شماعه بتعلقوا عليها مشاكلكم بعدت عنكم وبقيت لوحدي وحسيت اني الوحده احلي اول لما جات نور كانت جت في الوقت الغلط الوقت الي كان لازم اشوف فيه نفسي وميبقاش كل همي الي حواليا،شافت تغيري ومشفتش حقيقتي،كنت قاصد ابعد عنها واعاملها كده لاني من جوايا مكسور وتعبان وانا عارف اني جدي شايلهالي من زمان وطلب انهم يجوا عشان تبقي ليا ومكتوبه علي اسمي بس انا من جوايا مكسور ومش هقدر اديها الي هي محتجاه دلوقتي.....
سعيد : تعالي يا ولدي بجي كل ده جواك ومخبيه عليا وانت عارف انك حته من جلبي وزعلك ده كبير عندي جوي لو مش عاوز نور يا ولدي خلاص تبقي مش من نصيبك
يزن : هناجل موضوع الجواز ده شويه يا جدي لحك ما اثبت لنور اني انا الشخص الي هيقف جنبها
-اععععععع الحقونا الحقونا اسعاف بسرعه ....
- تابع الفصل التالي عبر الرابط: "رواية عرق صعيدي" اضغط على أسم الرواية