رواية عشقته عنادا البارت الثاني 2 بقلم حبيبة محمد
رواية عشقته عنادا الفصل الثاني 2
جميله عيطت كتير اوي وهي في حضنه وعمر فضل يطبطب علي شعرها
لين خرجت ولقت عمر حاضن جميله
جميله زقت عمر بقرف وقالتله: بتحضني ليه؟ مش انا هونت عليك زمان ها؟
والله لولا ان مرات عمي جابتني هنا بالعافيه لمكنتش جيت اصلا ولا اشوف وشك دا تاني؛
انا محيتك من حياتي من ساعه ما كنت انا وانت صحاب في الجامعه لانك اصلا ممحي من حياتي من زمان عشان مكرهتش قدك ومش هكرهه قدك
عارف ليه؟ عشان انت اول واحد شمتت فيا لما اهلي توفوا وانت اول واحد شمتت فيا لما افتقرت من بعد اهلي؛ استحاله اسامحك علي اهاناتك ليا وذلك ليا؛ جاي دلوقتي تحن وتحضني؟ وانت من امتي وانت حنين اوي كدا!!
عمر بغرور كلمها بنفس تكبره:
انا محضنتكيش عشان حنين انا حضنتك عشان عارف ان لين جايه وعايزها تغير عليا مش اكتر
جميله زقته علي لين وقالتله: اهي جتلك ايه غور بيها جتكوا القرف
مشيت من قدام الڤيلا وخرجت علي الشارع الرئيسي
وكانت ماشيه شايله هم هتقول اي لمرات عمها لو مجابتش الفلوس
***
روحت البيت وهي همدانه رمت شنطتها وتلفونها وكل حاجه علي الكنبه
لقت خطيبها ال هي مبتقبلهوش قاعد مع جدتها
دخلت اوضتها وهي بتتسحب عشان محدش يشوفها بس جدتها قفشتها
: بت يا جميله تعالي هنا
جميله غمضت عينها بعصبيه عشان معرفتش تهرب منهم وفضلت تشتم في نفسها
خرجت بهدوء وقعدت حمب جدتها
صفاء ( جدتها): اقعدي مع خطيبك شويه يا جميله
جميله افأفت وفضلت تبرق لجدتها بس جدتها دخات اوضتها ومردتش علي جميله
حازم برومانسيه بيحاول يقربها ليه: انتي ليه بعيده عني كدا؟
قربي شويه عايز اتكلم معاكي في كام حاجه
جميله جزت علي سنانها وقربت وقعدت جمبه
حازم بحنيه: قوليلي بقا يا ستي اي مضايقك؟ شكلك متعصبه من حاجه؟
جميله واجهته بكل صراحه وقالتله: حازم ينفع تقولي انت اكبر مني بكام سنه؟
حازم قالها بلامبالاه: اكبر منك ب ١٧ سنه
جميله بضيق: انت شايف ان دي حاجه حلوه انا بحسك ابويا يا حازم بحسك اكبر مني بكتير
في طريقه كلامك ومعاملتك يعني...
حازم بحب: شش انا مش طالب منك غير حاجه واحده بس..؛ غير انك تتعرفي عليا اكتر وصدقيني هتحبيني
جميله ادتله ضهرها وضربت ايد علي ايد وقالت: طب افهموا ازاي دا...
رجعتله تاني وهي بتقوله: حاضر يا حازم انا بس محتاجه اخد وقت ومحتاجه انام اكتر تصبح علي خير
حازم حس انها بتطرده قالها بجديه: وانتي من اهله
قفلت الباب وراه وسندت عليه وهي بتقول: اووف يا اخي دمك سم...
دخلت اوضتها وغمضت عينها وافتكرت عمر لما حضنها وقالت بعصبيه: مقرف؛ متكبر؛ مغرور؛ متملك؛ حقييير؛ مقذذ؛ حيوان
غمضت عينها براحه وهي بتقول: ارتحت لما شتمته خلاني اخد ذموب علي الفاضي ربنا يهده استغفر الله العظيم يارب
****
عمر كان في بار هو لين
لين بأصرار: قوم ارقص معايا بقا يا عمر بطل رخامه
عمر قالها بحده: مش عايز اقوم ومليش مزاج
لين سابته وراحت رقصت مع واحد غريب
: ينفع اسألك سؤال اعمل اي مع بنت مبتحبنيش؟
لين ردت عليه وهي بتضحك: هتعمل اي يعني؟ اكيد هتمحيها من حياتك
قالها هو بحزن: بس انا بحبها اوي ومش هقدر اسيبها
لين بأفأفه: يووه متوجعش دماغي يا تسيبها يا تسكت خالص الا قولي انت اسمك اي
قالها ببرود: حازم
***
عمر كان قاعد بيفكر في جميله و في عياطها وقهرتها حس بالذنب شويه من نحيتها
لبس الچاكيت بتاعه وخد مفاتيح عربيته
لين بصتله وهي بترقص وشاورتله: علي فين؟
عمر بعدم اهتمام: هروح.. تعالي اوصلك لبيتك عشان متمشيش في الوقت دا لوحدك
لين فضلت ترقص ومهتمتش كانت فاكره انها كدا بتخليه يغير متعرفش انها بتقل من نظره: لا مش هاجي معاك هفضل شويه
عمر سابها وخرج من البار ركب عربيته وراح في طريق بيت جميله
***
فون جميله كان عمال بيرن
صحيت مقريفه وقالت: اي ام الملل دا بتصحوني من النوم ليه
ردت علي مرات عمها وهي بتقول: حاضر يا طنط عايده هصحي من نومي كل يوم بسببك نعم اتفضلي؟
عايده بسخريه: حضرلك الخير يا حبيبتي انتي عبيطه يا بت فين فلوس الشهر؟
جميله بعصبيه: انا همشي من الشغل دا انا مش مجبوره
عايده بصوت عالي: لا مجبوره ولا انتي بقا عايزاني اعرف جدتك الست الكبيره علي قصه حبك الكبيره لقاسم ابني؟
جميله قفلت في وشها وهي بتقول: قرفتيني بتهديدك ليا المبيخلصش
رن عليها عمر بعدها
جميله اول ما شافت حست برعشه واتنفضت من خوفها
حاولت متردش عليه بس هو بعتلها علي الواتس مسدج انه تحت البيت
قامت تجري فتحت الباب وهي بتقوله بصوت واطي: اي جايبك بليل كدا؟ وفي وسط المطر كدا؟ كملت كلامها وهي واخده موقف منه: عايز اي مني؟
عمر قالها بهدوء: جميله انا حسيت بالذنب من كل العملته معاكي... عارف اننا كنا صحاب ايام الجامعه وانا كنت بهينك كتير اوي بصراحه لأني مكنتش بحبك خالص
بس انا عرفت غلطي وجاي اعتذرلك
جميله حطت ايدها في وسطها بسخريه وقالتله: بجد والله؟
اصدق انا سامحتك كدا خلاص؟ انت مهما عملتلي مش هسامحك يا عمر؛ ويلا امشي بقا
عمر بصلها بندم وكان هيمشي لاكن جميله ندهته وقالتله: استني يا عمر
عمر حس ان فيه امل انها تسامحه رجع وهو فرحان
جميله دخل البيت وخرجت تاني وهي معاها الشال بتاعها حطته علي كتف عمر وهي بتقوله: دا لزوم المشوار الانت اتغرقت فيه علي الفاضي قولت حرام متكونش جاي لحد بيتي وتتغرق كدا قالتله وهي بتحاول ترمي عليه كلام: اصل انا عندي ضمير اوي....
دخلت وقفلت الباب في وشه وهي بتقول: دا جزء صغير اوي من كرامتي الاتهانت معاك لسه ايامك هتبقا سوده معايا يا عمر
****
روح الڤيلا وهو متضايق من تصرفات جميله ال مش باينلها ملامح
قمر ندهت عليه وهي بتقوله: مالك مهموم كدا ليه؟
عمر كان كاتم كل حاجه جواه وقالها: مفيش
دخل ينام واول ما غمض عينه افتكر حركات جميله البتضحكه دايما
قال بحزن وندم: لازم ارجع اخلي جميله تثق فيا تاني انا زعلتها كتير اوي انا لازم اتغير
****
دخلت من باب الڤيلا وهي محرجه انها رجعت تاني للشغل دا بعد الحصل
قمر اول ما شافت جميله فرحت وقالتلها: صباح الخير يا جميلتي
جميله بابتسامه: صباح النور يا قمري
قمر بجديه: علي فكره اوضه عمر زي الزفت ومش نضيفه خالص يا جيمله
جميله: حتضر هطلع اروقها
فتحت باي الاوضه براحه ودخلت وبدات تروق كل حاجه
لقت في الارض ل لين قطعت الصوره بعصبيه وهي بتقول: مش عارفه بيحب في العقربه دي اي
حطتله الصوره في الدرج وهي متقطعه بعدين لقت صور ليه؛ شافت الصور كان فيها صغير خالص ابتسمت وهي بتقول: كنت بريئ الغريب انها لقت تحت صورته صورتها
اتصدمت وقالت: مش معقووول!
صورتي انا؟ بتعمل اي هنا؟
عمر خرج من الحمام وبينشف شعره وشال المشنفه من علي راسه لقي جميله
قالها بسخريه: جمييله؟ اي جايبك يا ام كرامه؟
جميله خبت الصوره بتاعتها ورا ضهرها وقالتله بكسوف: جيت عشان مجبره علي الشغل
عمر حس ان حميله غريبه شويه قالها: في اي؟ مخبيه اي ورا ضهرك
جميله حاولت تخبي الصوره وهي بتقوله: هخبي اي يعني؟
عمر قرب منها وحاوطها وشد من ايدها الورقه واول ما بص في الورقه قالها: اي دا؟
جميله بتوتر: انت المفروض تفهمني اي دا؟
عمر حط الورقه علي المكتب بتاعه وقالها بسخريه: دي صورتك...
جميله بتريقه: يا جدع؟ اصدق مكنتش اعرف! الصوره بتاعتي بتعمل اي في درجك
عمر ببرود ادالها ضهره وهو بيجيب لبس ليه عشان يلبس: تلاقي قمر حطتها عندي بدون قصد
جميله قربت منه وهي بتقوله: انت عندك انفصام في الشخصيه؟ امبارح تيجي تتأسفلي وانهارده تعاملني بقرف
عمر بذهول: نعم نعم؟ انا اتأسفتلك؟ حصل امتي دا
جميله ضحكت بسخريه: لا دا انت طلعت بجد مجنون
عمر بعصبيه: حصل امتي بقولك
جميله قالتله بعصبيه: متزعقش وبعدين قولتلك امبارح
عمر كمل تقليب في لبسه وهو بيقولها بعدم اهتمام: انا كنت سكرام امبارح ومش واعي للبيحصل
جميله بقرف: سكران؟
عمر قالها ببرود: متدخليش بس في الملكيش فيه واخرجي يلا
جميله قالتله بهدوء: كي علي فكره التيشرت الابيض احلي
عمر بحده: اخرجي برا
جميله بعدم اهتمام لكلامه: وياه بقا لو عليه بنطلون شروال اسود
عمر قرب منها ومسك ايدها وجز عليها وقالها: مش عايز اتغابا عليكي هتزعلي مني
جميله قالتله بتريقه: طب زعلني كدا؟
عمر قالها بتحذير: ما بلاش؟
جميله بتحدي: محسسني انك هتقتلني هتعملي اي يعني
عمر قرب منها وباسها من خدها وقالها: هعمل كدا
- تابع الفصل التالي عبر الرابط: "رواية عشقته عنادا" اضغط على أسم الرواية