رواية اغنى فقيرة البارت الثاني 2 بقلم سمية خالد
رواية اغنى فقيرة الفصل الثاني 2
أقرً أنا سليم عبدالعزيز وصيتي بنقل جميع ممتلكاتي وما أملك للجمعية الخيرية ونصفها لأقاربي الذين في بيروت
والڤيلا التي أعيش بها مع إبنتي ندي قد باعت منذ عدة أشهر يستلمها المشتري عندما لم أعد موجوداً في هذة الحياة ،وليس بصِلة لندي إبنتي في ما أملك بتاتاً
بصيت له بصدمه وإستغراب
=يعني إيه ؟ يعني بابا مسابليش حاجه بابا عاوزني انام في الشارع بابا كان بيكرهني أوي كده ؟
ضحكت بسخرية وعياط
أنكل كرم طبق الورقة و بصلي بأسف
-مفيش أب هيكره بنته يابنتي
= أنت كنت عارف ؟ انت كمان بتكرهني زيه كلكم بتكرهوني
مسكت الزهريه اللي كانت علي السفرة وحدفتها علي الأرض بغضب
=أطلع براااا
جري قصاد الباب وخرج
قلبت الترابيزة وقعدت أكسر في الديكورات والاب توب ب إنهيار
وصوت بابا بيرن ف ودني وهو بيقول
ب
وافرض صحيتي في يوم لقيتي كل دة إختفي ؟ هتنزلي تشتغلي
بكرة تعرفي قيمة كل جنيه بيطلع من جيبك
بكرة تعرفي قيمة كل جنيه بيطلع من جيبك
بكرة تعرفي قيمة كل جنيه بيطلع من جيبك
حطيت إيدي الإتنين علي وداني
بس ...بس بقي كفاااااايه
حتي وانت ميت صوتك بيرن ف ودني
كده بتعرفني قيمة الجنيه
وقفت قصاد صورته اللي متعلقة في الريسبشن
ماترد يابابا قولي مرتاح كده ؟ مكنتش اعرف إنك بتكرهني أوي كده
أروح فين دلوقتي ؟ إنت دمرتني دمرتني
=إنتِ يازفته ياريهاااااام ..
جت وهي بتجري بخضه وعنيها مليانه خوف وتوتر
_أيوة ...أيوة ياندي هانم تحت أمرك
=أعمليلي قهوة ولو معجبتنيش مش هيحصلك كويس إمشي من وشي
_حح ..حاضر ياهانم
كلمت محمود وحكتله اللي حصل كان ساكت طول المكالمة ومنصت ليا
=متخيل كل ده حصل معايا ؟ بابا مسابليش أي حاجة خالص انا مش مصدقة
قال بربكة وتهته
-أنا مستغرب إزاي أنكل سليم عمل كده يعني إنتي كده ممعكيش أي حاجة دلوقتي ولا حتي في البنك مكانش معاكي حاجة مخبياها في البيت؟
=لأ طبعاً هسيب فلوس في البيت ليه كنت بحط في الڤيزا بتاعتي يإما في البنك أنا مش عارفه هعمل إيه دلوقتي
جرس الباب رن ريهام فتحت
-أنسه ندي في واحد برا بيقول إنك كنتي طالبة أوردر
=أوردر ايه؟
-دريس تقريبا ياهانم بيقول إنك طلبتيه من ٣أسابيع ولسه واصل مصر إمبارح
*فلاش باك *
وه ، ده الدريس اللي كانت الممثلة الأجنبية چويس لبساه
بكام بقي
- ب6000 دولار ، هطلبه
=طب إستني هنا أنا هطلعله
أيوة يافندم
_ندي هانم كنتِ طا...
قاطعته في الكلام
=أنا متأسفة جدًا بس انا عندي حالة وفاة والدي توفي ومش هينفع أخد الفستان مابقتش عوزاة
_إزاي فندم ، الأوردر جالك من باريس مش هينفع ترديه إتصرفي ياهانم
التفت يمين وشمال
طلعت أوضتي ، مسكت علبة فيها تلت ساعات يد كنت جيباهم من فترة كل ساعة فيهم تعمل حوالي 100ألف
بصتلهم بإهتمام وحُزن
كنت بحبكم أوي ..بس مضطرة أسيبكم
إدتله الساعات ، وشكلها كان يدي تمن الفستان اللي معاه
رجعت رنيت علي محمود اداني مغلق قولت أكيد عيب شبكة ..
رنيت علي ميرنا وحكتلها علي الوصية وأنا منهارة لتاني مرة
-أووميجاااد ، إزاي أنكل سليم يعمل كدة
وسألت نفس سؤال محمود
يعني كده مبقاش معاكي فلوس خالص ،مكنتيش بتشيلي حاجه في البيت وكده ؟
=لأ مكنتش بشيل ، أنا حتي مش عارفه هبات فين دلوقتي
إرتبكت وقالت بتهته
-والله يا ندي كان نفسي اقولك تعالي اقعدي عندي ، بس ...بس ادهم أخويا جاي من السفر النهاردة
=مش قولتي جاي الشهر الجاي
-لا ماهو اتصل بيا من شويا قالي انا طالع من المطار وجايلك طلع عاملي مفاجأه
=مفاجأة؟ تمام ..تمام
-طب انتي كده هتعملي ايه دلوقتي متقلقنيش عليكي
=هتصرف
غفلت علي الكنبه وانا قاعده
المنبه رن علي الساعه 9، قومت لبست چيبة سودا وبلوزة سودة ووروحت الكليه
طول منا ماشية كانت الأنظار عليا مفيش حد واحد مكانش بيبصلي ، نظرة شفقه أو حزن لقيت ميرنا والبنات جايين نحيتي أول ماشافون وحضنوني
ميرنا قالتلي وهي بتبص للبنات
_تعالو نروح الكافيتيريا يابنات وبالمرة ندردش انا جعانة نطلب ماك ؟
هزيت دماغي ب لأ
=انا مش جعانه
_مش جعانة انتي مبقتيش تاكلي خالص
انتي مش عاوزة تاكلي عشان ممعكيش فلوس ، هعزمك انا متخافيش
بصيت للبنات بفخر وتكبر
إفتكرت لما كنت بعمل مع فريدة الموقف إتكرر بس المرادي كان عليا !!
ده انا اللي كنت بعزمها انا وديتها دهب كل حاجه كانت بفلوسي ازاي قدرت تهني قدامهم كده
=إنتي إزاي تتكلمي معايا كدة نسيتي أنا مين أنا ندي ها.....
ميرنا بصتلي وقعدت تضحك
_ندي اي مكملتيش ؟ ندي هانم ..بحححح
مقولتلكوش يابنات مش ندي هانم بقت ندي من غير هانم
بالمناسبه صحابك اللي معاكي بمجرد ميبقاش معاكي فلوس هيبعدو عنك وقولتلك قبل كده مش برتحلهم ولا بينزلولي من زور
ازاي بقي دول أكتر ناس بيحبوني وبيخافوا عليا وبذات ميرنا
بصولي بتعجب وسمعوها ب إهتمام
تعالوا إما أحكيلكوا مش أبوها مش كاتبلها ولا مليم في الورث بتاعه حتي البيت باعه
كل واحدة بصت للتانيه وفضلو يهمسوا
*أوووه ، معقوله ؟ ازاي أنكل يبقي كده
•اي ده يعني رمي بنته في الشارع ي حراااااام
قولت بحُرقة وعياط
=بس بقي بسسس اسكتوا ، بدل ماتهونوا عليا وتبقوا جمبي بتعملوا كده
جريت و بدون وعي وقعت في الأرض كنت سامعه صوت ضحكهم عليا
لقيت إيد بتتمدلي ..رفعت دماغي لقيتها فريدة
والإبتسامة علي وشها بتهزلي دماغها وبتقولي "إسندي عليا "
فضلت مستغربة ومصدومة
فريدة اللي بتمدلي إيديها ؟ أنا كنت بهينها كتير انا كنت قليلة الزوق معاها
مدتلها إيدي وسندت عليها
ميرنا قالت بصوت عالي "روحي للي شبهك يلا ، بنات انا اللي عزماكوا النهاردة علي الأكل "
كلام بابا دايما كان بيرن في وداني مع كل قلم باخده من صحابي
طلعنا برا الكلية سبت إيد فريدة بعصبية
=إنتي شمتانه فيا مش كده ؟ أكيد إنتِ فرحانه فيا ومدتيلي إيدك عشان تكسري عيني أنا فاهمه كل ده و....
فريدة قالت بعصبية
-إخرسي ي ندي إخرسي انا كنت فكراكي هتشكريني ، كنت فكراكي أتغيرتي بعد موت باباكي هو انا لو شمتانه فيكي همدلك إيدي ليه بعد اللي عملتيه فيا هقف جمبك ليه ف جنازة أبوكي الوحش بيشوف كل ناس شبهه بس أنا مش كده أنا مش شبهك
لفت ضهرها ولسه هتمشي
مسكت إيدها "فريدة"
-أفندم
= أنا أسفه ممكن متزعليش ؟
بصتلي ونظراتها كلها علامة إستفهام
-ندي هانم بنفسها بتتأسف
إبتسمتلها ومسحت دموعي
=هانم إيه بقي راحت عليا
-انا كنت مقرره أمشي ومرجعش تاني بس معني إنك تعتذرتي وانتي عمرك ف حياتك ما أتأسفتي لحد حتي لو غلطانه دي عندي حاجه كبيره
=ممكن تيجي معايا البيت تقعدي معايا شوية ؟
-ممكن
وصلنا الڤيلا ولسه هندخل من البوابة.. لقيت الأمن بيمنعنا
فضلت أزعق واقولهم "انتو نسيتو نفسكم انتو متعرفوش أنا بنت مين !....إفتكرت إن اللي أنا بنته نفسه هو اللي رماني في الشارع
قعدت علي الرصيف و فريدة فضلت تطبطب عليا
=طب هروح فين دلوقتي ، أنا حتي ممعيش فلوس للفندق
-هتيجي تعيشي معايا انا عايشة أنا وماما ممعناش حد
=أعيش معاكي ؟ هو إنتي ساكنه فين
-المطرية
=يعني ايه مطريه؟ انتو عندكم هناك الدنيا بتمطر كتير ؟
قعدت تضحك عليا
-لا دي منطقة عاديه أول ما نروح هتشوفي ، تعالي نطلع علي الطريق نركب ميكروباص
بصتلها من فوق لتحت
=طب ليه تعالي نطلب أوبر أو تاكسي
-إنت عارفه الأوبر عشان يودينا هناك هياخد كام ؟ مش بعيد ياخد 80أو 90ج لكن الميكروباص لما نمشي لأخر الشارع العربيات بتقف الأجرة أربعه جنيه
بصتلها بصدمة
=80أو 90 رخيص أوي انا لما كنت بركب بقي كنت بديله 300أو 250 ،
-أمشي معايا ياندي أنا عندي مرارة واحدة
فضلنا ماشين تلت ساعه علي رجلينا وانا لابسة كعب، وحقيقي هموت من رجلي انا ماتعودتش أمشي المشي ده كله
=فريدة ناقص كتير
-هما خمس دقايق وهنوصل
=يادي الخمس دقايق دول
رجلي وجعتني أوي مش شايفة لابسة كعب قد إيه ؟
-إقلعيه العربيات هناك ايه خلاص هنركب
=لا ثواني انتي عوزاني أقلع وأقعد حافيه ؟ انتي عارفه أنا صارفة قد ايه علي ضوافري دي ،كده ضوافري تبوظ وبرستيچي هيبقي في الأرض عاوزة الناس تقول "أم رجل حافيه أهي"
فريدة بصتلي بقرف وبدأت تقلدني وتعوج لسانها
-كده ضوافري تبوظ وبرستيچي هيبقي في الأرض عاوزة الناس تقول "أم رجل حافيه أهي" نينيني
=انا بعمل كده بتكلم بالطريقة دي !
-اه ويلا أطلعي الميكروباص قبل مايتملي
بصيت علي السلم
= ده طويل أوي
-أنا هطلع خليكي واقفة
طلعت فعلا وسابتني
*يلا اللي عايز مطرية ..مطرية نفرين مطرية مطرياااااا
قربت نحيته
=لو سمحت يا أنكل هو مفيش كرسي عشان اطلع العربية دي عالية عليا
_لو سمحت يا اي ؟
=يا أنكل هو مش حضرتك أنكل برضو
طلع خمسه جنيه من جيبه
_الله يسهلك يابنتي
=أنا مش شحاته صدقني
_أومال انتي اي ولا مين
إبتسمت ومدتله إيدي
=أنا ندي
مسح علي شعره وخبط إيديه الإتنين في بعض
منا لو مكنتش زعقت مع مراتي قبل ما أنزل مكانتش دعت عليا أدي دعواتها إستجابت
فريدة نزلت من العربية مسكت إيدي وقالتله
-معلش ياسطا دي معايا إفتكرتها طلعت ورايا هي بس مش متعودة تركب ميكروباص
=بصي قبل أي حاجة أنا اللي هقعد جمب الشباك
-لا يا ماما إنسي انا ممكن أفوتلك أي حاجة الا إنك متقعدنيش جمب الشباك
=انا علي طول كنت بقعد في عربية بابي جمب الشباك سبيني اقعد جمب الشباك بقي
خبطتت علي الشباك
-لا ياعسل دي مش عربية بابي ، دي عربية الشعب
=يعني مش هتقعديني جمب الشباك ؟
-لأ إنسي
*بعد مرور ربع ساعه*
= كنت متأكدة إني مش ههون عليكي وهتخليني أقعد جمب الشباك
-متتعوديش علي كده ده عشان أول مرة تركبي ميكروباص بس
يلا اللي مدفعش الأجرة يدفع
-الأجرة كام ياسطا
_النفر ب 6
-ليه كده كانت الإسبوع اللي فات ب 4
_البنزين غلي والدنيا غليت هنعمل ايه يعني يابنتي
فريدة طلعت 15
-طب معاك 2من 15 عايزين تلاته جنيه
=طب ماتديهاله كلها ده شكله راجل كيوت وغلبان وبعدين دول 3جنيه مش مبلغ يعني
-ال3جنيه دول ممكن نجيب بيهم ربع كيلو طماطم ، سندوتش فول ، نتصدق بيهم ليه قوليلي ليييه
=ليه ؟
-عشان أنا بشتغل وبقف علي رجلي 9سعات عشان أجيب الجنيه ده عشان كده أنا عارفة قيمته بجيبه بطلوع الروح
=صحيح إنتي بتشتغلي إيه
-في مصنع أدويه بغلف كراتين بشيل الزيادات اللي بتقع من المكن
=عاملة يعني بس إنتي مبتتكسفيش ؟
-هو انا بشتغل شغل حرام ادام الشغل حلال مفيش حاجه تخليني أتكسف
*اللي نازل مطرية مطرية
-يلا وصلنا يا ندي
فريدة كانت ماسكة في إيدي كإني مسؤلة منها كإنها ماما ، انا أول مرة أحس إني مسئولة من حد أول مرة أكتشف قد ايه هي جميله أوي وانا اللي كنت عامية مشوفتش كل ده
طلعت النظارة الشمس من شنطتي ولبستها
علي الرغم من إني مكنتش لابسه حاجه مُلفته او ميك اب بس محدش نزل عينه من عليا
*أندااال أنداااال وانا أقولهم ده أخويااا جربو ده أبن أبويا
=فريدة هو ايه البتاع اللي طالع من الأغاني ده عامل زي العربية الصغنونة كدة
-ده توك توك
=تكتوك ؟
-لا لا ...توك ..توك
=طب بليز ممكن نبقي نركبه في مرة تخرجيني بيه شكله لطيف خالص ؟
-حاضر ياحبيبتي هنخرج انا وانتي وناهد وبابا وكلنا
صبرني يارب
وصلنا بيت فريدة
كانت عمارة صغيرة هادية جدا مفيهاش حِس
لقيت كرة بتخبط دماغي
لفيت ضهري ، لقيت عيل صغير أسمراني ضحكته جميله أوي
_أسف يا أبله مكنتش أقصد والله
-تعالي ي ندي أدخلي
ماما دي ندي صاحبتي اللي حكتلك عليها
قامت من علي الكرسي سلمت عليا وحضنتني بحُب
=أنا اسفة لو هتقل عليكي ياطنط بس أول لما يكون معايا فلوس هشوف شقة إيجار أقعد فيها
_ماتقوليش كدة ياحبيبتي انتي زي فريدة بنتي ان شالله تقعدي معانا علي طول علي قلبي زي العسل
مامتها كانت وشها بشوش والإبتسامة مش مفارقة وشها.. بيضه وعنيها بنُي
عرفت إبتسامة الرضا اللي دايما علي وش فريدة دي جيباها منين
البيت عبارة أوضين وصالة ومطبخ يادوب يساع فرد واحد
-وادي ياستي الأوضة اللي هنام فيها
الأوضة علي الرغم من صغرها كانت جميله ومرتبه وصور ربانزل وملكة الجليد كانت ماليه الحيطه
=طيب أنا ممعيش هدوم و...
-دولابي عندك خدي اللي إنتِ عوزاه
=طب بليز ممكن تفتحي التكيف الجو نار خالص
- معندناش تكيف وبعدين ما المروحه شغالة أهي اكراما ليكي هخلي المروحة عندك النهاردة بعدين هحطها نحيتي عشان مابتلفش غير علي إتجاه واحد
نمت من التعب مقدرتش أقعد لبليل
حسيت ب أيد بطبطب علي كتفي براحة
-ندي ..قومي عشان تاكلي
=يوووه حطيلي الأكل في الجنينة هفطر هناك ي ريهام
-انا فريدة ي ندي
= اي فريدة
قومت مخضوضة ، معلش تلاقيني كنت بحلم بس اصل إتعودت علي حياتي اللي مكانتش عجباني زمان
-ولا يهمك ، بصي ماما عملالك إيه بانيه وملوخية ومكرونه
=بصي انا مش باكل مكرونه عشان عاملة دايت عندك توست سن ؟
- يعني ايه توست سن
=توست دايت مش بيتخن ؟
-اجبلك عيش بلدي ، فيه عيش بلدي صابح من الفرن لسه جيباه حالا
جابت العيش من علي الترابيزة وقعدنا ناكل سوا
حطيت إيدي علي بطني
=انا طلعلي كرش هو انا كلت كتير أوي كده انا هنفجر
-ده رابع رغيف مبروك عليكي ال 5كيلو ال تخنتيهم
قومت جريت وراها بالمخدة وهي بتضحك لحد ما وقعنا علي الأرض
-ندي بتحبي الشاي بالنعناع ولا من غير ؟
=لا بالنعناع
طلعنا البلكونة وحطينا كوبايتين الشاي علي السور
مسكت تلفوني رنيت علي محمود
-بتعملي ايه ؟
=هتصل بمحمود ، تخيلي مرنش عليا من ساعة ماكلمتو أخر مرة ده مكانش بيفوت دقيقة الا لو لازم يكلمني
-مش جايز عمل زي ميرنا أول ما عرف ان باباكي مسابلكيش حاجه خلع ؟
=شوفي الكون كله لو إتربق محمود مستحيل يخذلني ولا يسبني عشان فلوس
كنسل عليا ، رنيت عليه تاني لقيته حطني علي البلاك لست
فتحت الفيس عملت سيرش علي الأكونت بتاعه
إتصدمت صدمة عمري حسيت بحد طعني بسكينة تِلمة معرفتش أنطق
-في ايه ي ندي شوفتي ايه خلاكي مصدومه كدة وهتعيطي
ندي ردي عليا ماتسكتيش عشان خاطري
ضحكت بصوت عالي بهستريا وعياط وحطيت إيدي علي بوقي
محمود خطيبي اللي لو إتربقت الدنيا وميخذلنيش خطب أنتيمتي
خدت الفون من إيدي و قرأت
" محمود إبراهيم خطيب ميرنا علي "الأمس"
هي أنتصاري الوحيد وداعاً للأخرين
- تابع الفصل التالي عبر الرابط: "رواية اغنى فقيرة" اضغط على أسم الرواية