رواية ترويض الزين الفصل الثاني 2 بقلم ولاء محمد
رواية ترويض الزين الفصل الثاني 2 بقلم ولاء محمد
قصة ترويض الزين ♥
بقلم / ولاء محمد♥
صباح اليوم التاني علي ابطلنا♥
زين صحي وبص على نور وكانت فى سبات عميق من النوم دخل اخد دش وخرج وهو لافف على وسطه فوطه وعارى الصدر مشي للمرايا عشان يسرح شرعه وكان بيختلس النظرات لنور وفجأه ابتدت تتقلب وفتحت عيونها وللوهله الاولى استغربت المكان وقعدت مره واخده تبص يمين وشمال لحد ما شافت زين افتكرت انها فى جحيمها الابدى وركزت على زين وشافت جسمه العاري شقت وحط ايديها على عنيها سمع الشهقه التفت ليها بسرعه وفهم رد فعلها سببه ايه وابتسط بسخريه وقال
زين باستهزاء/ ايه مالك اتخضيتى كانك شوفتى حاجه غريبه
نور/ معلقاش على سخريته وقالتله ممكن تلبس حاجه مينفعش تقف كدا
زين/ انا اعمل الى يعجبنى مش واحده زيك هتقولى اعمل ايه ومعملش ايه واعملى حسابك البيت دا له نظام وممنوع كسر قواعد للنظام دا فاهمه ... وسبها ودخل الدريسنج روم (غرفه تغيير الملابس)
نور بصدمه/ 😳 وبتبص مكان اثره وبتقول فى نفسها هو انا هتبقا حياتى مع الكائن المقرف دا كدا على طول .. اتنهدت وقالت صبرنى يارب وقامت عشان تاخد دش
زين لبس بدله رمادي وقميص اسود وجزمة سودة ونزل راح الشركة
نور اول ما زين نزلت كانت خلصت وخرجت وسرحت شعرها ونشفته ورفعته على هيئه كحكه ودخلت الدريسنج تشوف هتلبس ايه اختارت ترينج نماركه نايك اسود مودرن وكوتشي ابيض بعد ما خلصت حست انها جعانه جدا وقالت تنزل المطبخ تشوف حاجه تاكلها دخلت المطبخ لقت الخادمات سلمت عليهم واتعرفت عليهم وعرفتهم على نفسها وعملت نسكافيه وسندوتش واخدتهم وخرجت وهي طالعة لقت شاب يشبه زين شويه
يوسف بلطف / انتي مين ياقمر!!
نور / انا نور مرات زين انتي مين بقا!!!
يوسف بمرح / انا يوسف اخو زين بس طبعا اطيب كتير وكمان دمي خفيف مش نكدى زيه
نور بضحك/ لا مهو باين اهلا يوسف عامل ايه!!
يوسف بمرح اكتر/ انا كويس بس هبقا زى الفل لو ادتينى دول وعملتى لنفسك غيرهم لانهم جم فى وقتهم وانا بصراحه واقع وهو بياخد السندويتش والنسكافيه منها
طبعا معندكيش مانع
نور بضحك / بصراحه انا كنت جعانه جدا بس خلاص بقا بالهنا والشفا
يوسف بمشاغبه/ لا خلاص بقا خديهم لحسن انا كدا هشيل ذنبك
نور بابتسامه لا ياسيدى انا مسامحه ونعتبرها عربون الصداقه
يوسف بضحك/ تمام كدا اتفقنا ومد ايده يسلموا سلام المعاده 🤛🤜
نور😀/ اتفقنا 🤛🤜 ، بس سبحان الله انت مرح وطيوب غير اخوك خالص على طول مكشر وبيزعق لا وكمان بارد 😏
يوسف وهو بيكتم ضحكته....
يوسف/ يمكن عشان طبيعه شغله بتخليه حاسم شويه بس هو قلبه ابيض وطيب
نور/طيب وقلبه ابيض انت متاكد انك بتتكلم على زين اخوك ولا حد تاني اصل انا مشوفتش الصفات الى انت بتقول عليها دى
يوسف بضحك/ متستعجليش هتشوفيها كل حاجه هتبنلك بس فى وقتها
نور/ اشوف اكتر من كدا لا ياسيدى يفتح الله مش عاوزه كفايه الى شوفته من امبارح دا ولا كانه بيعرف يتعامل مع ستات خالص هو اخوك دا معرفش ستات ولا انه ازاى يتعامل معاهم
يوسف بحزن على نور لانها بتدفع تمن ذنب ملهاش يد فيه
يوسف/ معلش يانور انا عارف زين صعب شويه بس مع الوقت هيفهمك وتفهميه وكل شئ هيتغير للاحسن وهتقولى يوسف قال .. يللاا بقا اسيبك عشان هطلع اشتغل ع اللاب شويه وانتى لو احتاجتي حاجه انا فى اوضتى .. سلام ي قمر
نور بابتسامه/تمام ... اتفضل
مشي يوسف وهو بيتمنى ان زين يتراجع عن الى هيعمله دا وميظلمش نور معاه وحس ان نور هى الى هتغير اخوه وترجعه زى زمان
نور ندهت على الخادمه وطلبت منها فنجان قهوه وانها هتخرج فى الجنينه
خرج الجنينه وراحت قعدت على الطربيزه وهى بتفكر فى حياتها الجايه وهتكون شكلها ايه مع شخص زى زين دا ! وبتسال نفسها الف سؤال واولهم ليه زين اختارها هى بالذات مع انه ميعرفهاش ولا شافها الا امبارح وقت كتب الكتاب
قطع شرودها وصول الخادمه بالقهوه شكرتها ومشيت الخادمه ورجعت نور تسرح من تانى
نروح لزين
زين/الصفقة دي مهمة جدا يامحمود مش عايز اي ف الغلط الواحد هيطيعنا كلنا
محمود/ متخفش يازين بيه انشاء الله خير
ندي السكرتيرة بتاعت زين دخلت وقالت/ زين بيه المتنج
زين قام لبس جاكت البادلة وراح غرفة المتنج
زين بضحكة صفراه/اهلا احمد بيه
احمد/اهلا زين بيه
زين واحمد بصو لبعض بصت تحدي واسرار وين قعها
زين/ يلا نبدا الشغل
بعد مخلصو اتفقو علي الصفقة
احمد/ مبروك زين بيه
زين قام وقفل زرار الجاكت بتاع البدلة مبروك لينا وخرج من الغرفة
احمد بابتسامة صفراء/ نهيتك هتبقا علي ايدي
عدى الوقت كبير على نور من غير ما تاخد بالها وفاقت على صوت الخادمه
الخادمه/ مدام نور الغدا جاهز تحبي احضره على السفره دلوقتى
نور/ هى الساعه كام!
الخادمه / 5 ي فندم
نور/ ياااه الوقت عدى بسرعه، هو يوسف لسه فى اوضته؟!!
الخادمه ايوا ي فندم وسالته عن الغدا قالى انى احضره ليه ولحضرتك فجيت اسال حضرتك
نور/ تمام حضريه وانا طالعه اوضتى اغير هدومي ونازله
الخادمه/ تحت امرك
طلعت نور لاوضتها دخلت غسلت وشها وايديها وخرجت تغير هدومها لبست بنطلون بوي فريند ازرق فاتح وعليه بلوزه بيضه وساب شعرها مفرود .. ونزلت
راحت على السفره لقت يوسف مستنيها نظر لها وقال
يوسف بمزاح/ بجد حرام انا عصافير بطنى بتجعر وقربت تاكلنى انا شخصيا
نور بضحك/ خلاص يالا بقا بسرعه ناكل لانى ميته من الجوع والحق اكلهم بدل ما يسمعوا كلامك وياكلوك
فضلوا يتكلموا ويضحكوا طول الوقت لحد ما خلصوا اكل قاموا وراحوا ع الصالون وطلبوا قهوه وبعد ما مشيت الخادمه تنحنحت نور وقالت
نور بخجل/ يوسف ممكن طلب ؟!!
يوسف بضحك/ ع خجلها اومري ي ستي عاوزه اي؟!!
نور / اممم ممكن موبايلك دقيقة!!
يوسف باستغراب / انتي فين الفون بتاعك!
نور بحزن / عمي كسرهولي وانا عايزة اكلم ماما اطمن عليها هي قالتلي انها جايه بدرى ولحد دلوقتى مجاتش من فضلك مش هطول دقيقة بس اطمن
يوسف / مكنش فيه داعى لكل التوضيح دا انا استغربت بس وعلى العموم ي ستي امسكي
نور اخدت الفون واتصلت بمامتها بس هي مش بترد نور قلقت
نور بتوسل / يوسف ممكن توديني لماما علشان هي مش بترد وانا قلقانة عليها
يوسف فى نفسه / وبعدين زين لو عرف ممكن يعمل مشكله بس بص على نور شكلها كان قلقان اوى وصعبت عليه وقال انا معاها مش هسيبها وربنا يستر
يوسف / ماشي يلا
نور / طب انا هطلع البس واجي
نور طلعت لبست بنطلون چينز ازرق فاتح وعليه شيميز ابيض وساب شعرها مفرود ونزلت
نور / يلا يايوسف
يوسف / يلاااا
يوسف اخدها وراحو عند مامتها عند الباب سامعين صوت ضحك نور استغربت كان معاها الفتاح فتحت
وشافت منظر صدمها 😳لقيت امها مع راجل غريب امها اول ماشفتها
مها بقلق وبلعت ريقها / بسرعه قالت نور اوعي تفهمي غلط د ده ....
نور واقفه مزهوله ومش مصدقه اللى شيفاه وهي منهاره من العياط قطعت امها
نور/ انتي ازاي كدة يعني انتي الي عملتي كدة فيا مش عمي علشان تاخدي راحتك انتي اي ياشيخة
مها/ دلوقتى او بعدين كنتى اكيد هتعرفى الحقيقه اناى مبقتيش صغيره انا عمرى ما حبيت ابوكى وحتى لما اتجوزه عشان اعيش حياه كويسه مقدرتش اكمل وللاسف لما كنت هطلب الطلاق عرفت انى حامل فيكى ومكنش قدامى فرصه غير انى اكمل وكل يوم كنت بكره نفسي وانا معاه لحد ما جيتى انتى وكنت مضره تعيش معاه عشان محرمكيش من ابوكى وفلوسه زى ما انا عيشت طول عمرى محرومه وفضلت وقاعده ومستحمله عشانك عشان بحبك ومش عاوزاكى تعيشي مفتقده امك او ابوكى.. بس خلاص ابوكى مات وانتى اتجوزتى واطمنت عليكى وانا من حقي أني اعيش حياتي من حقي اعيش شبابي الي ضاع مني وحطت اديها كتف نور ، نور حببتي افهميني نور زقت ايديها وبصتلها بستحقار وقالت
نور / انتي مستحيل تكوني ام وسابتها ومشيت وهي منهارة من العياط وكل ده ويوسف واقف مش عارف يعمل اي!! وراح ورا نور ومسكها من ايديها وقالها
يوسف/ نور اهدي وتعالى معايا اخدها وركبوا عربيته ومشيوا وكان هو فى حاله صمت وحزن على نور وهى منهاره من العياط قرر يوقف العربيه على جانب لحد ما هور تهدى
بصلها وقالها
يوسف/ نور ممكن تهدى الى انتى فيه دا مش هيغير حاجه الى حصل حصل خلاص
نور بغضب وصوت عالى/ حرام الي بيحصلي ده!! ليه يارب بيحصلي كدا ! انا فعلا ضعت وضعرى اتكسر لما بابا مات وقولت هستقوى بماما هى الى بقيالى من الدنيا دى وبعد الى كنت بشوفه من عمى كنت بقول انا مش هقع عشانها هى مش هتستحمل انى اقع او يجرالى حاجه اتارينى كنت غلط وانا مش فارقه معاها اصلا طب ليه انا عملت اي فى دنيتى وبصت ليوسف وهى بتقول
نور / انت عارف يايوسف لما كنت بشوف ماما وبابا بيتخنقو وكنت بقعد اعيط كنت بقول شويه وهيبقو كويسين عشان هما بيخبواوبعض وميقظروش يستغنوا عن بعض بس كان كل يوم الخناق، كل صحابي كانو يجوا يقولولى انا ماما جبتلي ماما عملتلى كنت بحزن ان ماما مش كدا معايا مكنتش بتهتم حتى انا عاوزه ايه نفسى فى ايه عندى مشكله فرحانه اى حاجه من الى كل الامهات بتعملها مع بنتها
وفى اللحظه دى افتكرت باباها هديت ومسحت دموعها وابتسمت ابتسامه باهته وقالت بابا الى كان علطول بيهتم يا باكلي او لما بكون تعبانة مكنش بينام ويسهر جنبي كان دايما يقولى نفسك فى ايه يانور حياتي انتي بس تؤمرى وانا عليا السمع والطاعه بس بعد ما مات ماتت كل حاجه وحياتى بقت ضلمه حسيت ان خلاص مبقاش ليا طهر معنديش حد يخاف عليا زيه مات وانا عندي 21 سنة كنت بحبو جدا وانا عمرى وحياتى وقفوا من يوم ما مات
نور بعد ماخلص كلامها بتبص لقت يوسف حزين اوى ومتأثر بكلامها
نور / انا اسفه تعبتك معايا يايوسف معلش دخلت فى مشاكل وحزن انت ملكش ذنب فيهم
يوسف / متقوليش كدة انا اخوكي الكبير وهبقى سندك وظهرك من هنا ورايح دا لو تسمحيلى طبعا فى اى وقت محتاجه حاجه اوعى تتردى انك تيجى وتقوليلى .. اتفقنا
نور بنظره امتنان/ وهزت راسها بدون واى كلام
يوسف/ يلاا بينا نروح بقا عشان الوقت اتاخر
نور بصوت ضعيف / يلاا
دور العربيه واتحرك فى طريقه للبيت وصلوا للفيلا و اول مادخلو لقو زين قاعد ووشو مليان غضب اول ما دخلو زين قالهم / ====
تفتكورو زين هيعمل اي فيهم
وهل نور هتقلو علي الي حصل
كل كد هنعرفوا في البارت الجاي
يتبع الفصل الثالث اضغط هنا
الفهرس يحتوي على جميع فصول الرواية "رواية ترويض الزين"اضغط على اسم الرواية