رواية قيود مكسورة الفصل الثاني 2 بقلم فدوي خالد
رواية قيود مكسورة الفصل الثاني
= براكاتك يا طنط حشرية ؟!
قومت و أنا ببصله بحرج .
= احم ..أنا اسفه .
_ التيشرت كان غالي الله يسامحك .
=أعملك أية يعني ؟! ما أنا أتغرقت أنا كمان .
_ منك لله .
= لا ..أما أنتَ عريس غلس بصحيح ..بتغلط فيا و أنتَ فى بيتي .
_ عريس ؟!
= أية ؟!
_ عريس مين يا عم مسعد ؟!
= أفندم .
مسعد : دا دكتور محمد جارنا الجديد، كان عايز مساعدة فى حاجة، مفيش عريس .
= نهار أبيض الست مراتك ..
= فى سري : و الله يا حشريه ما أنا معدية اليوم دة عليكِ بخير، كدة ..ماشي .
= أسفة يا دكتور محمد، أصل فى حد بقا الله يسامحه .
_ بتأفف : خلاص مش مشكلة .
= و مالك بتقولها كدة لية ؟ من تحت ضرسك .
_ أنتِ عايزة تتخانقي و خلاص .
= يا عم روح كل حلاوة .
_ أية؟
= كل حمص .
_ أية ؟
= أتنيل على عينك ...أنا ماشية يا عمي، سايب الست بتولد .
مسعد : ماشي يا حبيبتي ربنا يوفقك .
مشيت و أنا متغاظة ..بقا دة أخر المطاف ..طنط حشرية تعمل كدة فيا أنا ؟!
نزلت شقتي ما هو أنا ساكنة مع عمو فى نفس العمارة و هيبقى فوقي الكائن اللزج ..تبقى حياتي كملت .
غيرت هدومي و المفروض أنزل تاني أروح المستشفى ل سحر ..أكيد هتحتاجني .
و أنا نازلة بقا ..فكرت أعمل أية؟! أخد كيس الورق إلِ لميته من البيت كله ...أصل سحر و زياد كانوا عندي و سحر كانت لاوية بوزها ..فقومنا ملينا الدنيا ورق ...و أنا نازلة ..معرفش مين الحيوان إلِ حد قشرة موز، اتزحلقت فى قشرة الموزة و وقعت على حد .
= اة ..ظهري يا اني .
_ هموت .
= اة ..
قمت بس لقيته هو ..الكائن المستفز .
= أهلا .
_ هو ترحيب باين من أوله ..تاني تيشرت بوظتيه .
بصيتله بحرج كدة ..ما هو عنده حق بردوة .
= احم ..اسفه .
_ أية الأدب دة كله، إلِ يشوفك فوق ميقولش كدة خالص .
= بقولك أية يابا ..مش عشان اتأسفت يبقا أنا طيبة، أنتَ متعرفنيش .
_ ماشي يا أوزعة.
= ماشي يا عمود نور .
عكنن عليا ابن سميحة الهبلة دي، تسألني عرفت أسم أمه منين معرفش ؟
روحت المستشفى و داخلة أوضة سحر ..بصيت بصدمة.
= نهارك أسود، دا كله أكل ؟
سحر : قوري بقا .
= واد يا زياد ...المرتب خلص صح ؟
زياد بحسرة : يا عيني عليا و على القرشين إلِ حوشتهم .
= كلي يا ماما كلي ..المفروض الحامل مبتأكلش كتير .
سحر : هش ..أنا جعانة .
زياد : كنت عايزك يا فاطمة برة شوية .
= تمام .
= فى حاجة ؟ مالك ؟
زياد : بصراحة أنا كنت عامل حسابي أن المبلغ هيجي بعد شهر ..أنا كنت ..
= ولا يهمك اعتبرهم ادفعوا هدية مني ل فاطمة .
زياد : على فكرة انا مش بقول كدة عشان تدفعيهم، أنا عايز استلفهم منك و همضي على وصل .
= وصل ؟! أنتَ أهبل صح ؟ زياد أنتَ أخويا فى الرضاعة و أول حد بجيله دايمًا، غير كدة مينفعش إلِ بتعمله، أنا ليالي الثانوية و كنت بتساعدني فى المصاريف لحد ما دخلت طب، و مقابل دة كله ...تقولي وصل ....لا يا سيدي بجد زعلتني .
زياد : و الله ما أقصد بس ...
= أنا مش زعلانة ولا حاجة، بس الفلوس أخر اهتمام ليا و أنتَ عارف، كفاية وقفتك جمبي دايمًا .
زياد : مش عارف أقولك أية ..محرج منك .
= يا كوتي ..أنتِ بتتحرجي مني .
زياد : فاطمة ؟!
= خلاص يا حبيبي ..اعتبرها أدفعت .
زياد : مش عارف من غيرك كنت عملت أية ؟!
= بليلة ؟
زياد بضحك : أوعدك..نشوف البت إلِ كلت المحل كلة دي و بعد كدة نعمل خروجة و نأكل بليلة أية رأيك ؟
= و أنا معنديش مانع .
ممكن يكون ربنا مأذنش ليا اني أتجوز ..أو أشوف أهلي..و أني أتهان مع مرات عمي ..بس وجود سحر و زياد جمبي بيعوض ..من و احنا صغيرين و احنا أخوات و صحاب و كل حاجة حلوة مع بعض .
قبل ما أدخل مكتبي و أنا حاطة إيدي على الاوكرة سمعت صوت ممرضة أو دكتورة بتقول .
= متخفش يا باشا كله تحت السيطرة و الراجل دة ..مش هيعيش كتير .
اتصدمت من إلِ تقال و حسيت بإيد على كتفي ..عرفت أن دي النهاية و هموت .
يتبع الفصل التالي:اضغط هنا
- الفهرس يحتوي على جميع فصول الرواية كاملة: "رواية قيود مكسورة" اضغط على أسم الرواية