رواية أحببته رغم عقله الفصل الثاني بقلم رؤي عمر
رواية أحببته رغم عقله الفصل الثاني
_ هي دي العروسه؟
=ايوا يبني
_ حلوه جامد
=طب انا هسبكم مع بعض خمسه كدا واجي
_ متجيش
=ايه!!
_ لا ولا حاجه
عماد بيه مشي وانا فضلت قاعده ساكته، طب اتكلم مع دا ازاى دا!!
_ هتخلصي تتكلمي ولا اي، عندي ايجار كوره كمان نص ساعه
=كوره!!
_ اه كوره
=اه، مريم اسمي مريم و...
_ وبطل اوي الصراحه
=بطل! في حد لسه بيقول بطل!! يلا اهي مراهقه متاخره، انت عندك كام سنه؟
_ 17،اول واحد هتجوز في صحابي
اتكلمت بهمس=مهو المفروض متتجوزش في سنك دا اصلا
_ بتقولي حاجه؟
=لا ولا حاجه
_ وانتي عندك كام سنه؟
ضحكت ومعرفتش ارد اقوله 23؟
_ طب انا لازم امشي بقا، سلام
=مع السلامه، متتاخريش
لا ماهو مش تحكمات منك ومن الحاج، قولت سلام قولي سلوم وبس
_ سلام يا..، هو انت اسمك ايه؟
=احمد
ايدا حمش، هو فعلا مه واحد معداش سن الرشد، اتعامل معاه ازاي دا، والاهم من كدا اعامله كواحد عنده 17ولا27،ياحلاوه امه اللي مشوفتهاش على حد دي!!.... ورايح يلعب كوره!! اي دا احنا جوازنا كمان كام يوم! ولا يبني يحبيبي انت مشيت اصلا؟ طب في رعاية الله 😂
_ ها يبنتي؟
=خضتني والله اتخضيت، انتوا جايين تجوزونا ولا جايين تموتونا
_ معلش بقا الحماس واخدني شويه
=ايوا واخدك بعيد ياحاج، ممكن توديني للدكتور بتاعه؟ ولا استني ممكن عنوانه؟
_ طب ماجي معاكى
=ماجي دي تبقي خالتي
_ اي؟
=بقول يعني اني عاوزة اساله كام سؤال كدا على الماشي
_ طب العربيه هتوصلك، اقعدي لغايه مكتبلك العنوان
=تمم
مشي والشغاله جت
_ القهوة يهانم
=هو في اي بقا ياجدعان متخضوضنيش كدا انا على تكه وربنا
_ معلش يهانم، اتفضلى القهوة
=شكرا تسلم ايدك
خدت منه العنوان والعربيه وصلتني ومشيت، وقفت قدام العيادة مش عارفه ابدا الكلام منين او اقول اي حتي!!
طلعت العيادة واستنيت دوري
_ اهلا يادكتور
=اهلا،اتفضلي اقعدي
_ لا انا مش عيانه،انا جايه في استفسار
=عن ايه بالظبط؟
_ عن حاله احمد عماد
=دي اصعب حاله عندي
_ الله يطمنك
=انتي مين بقا؟
_ المفروض ابقا مراته!
=اه انتي!!كويس انك جيتي
_ مهو انا جايع عشان اعرف اتعامل ازاي طيب؟كشخص بالغ عنده 27سنه ولا مراهق عنده 17!!طب لو اتعملت كمراهق دا هياثر عليه ويخليه كدا على طول؟منا مش فاهمه حاجه والله...
=طب ممكن تقعدي
_ هو انا لسه مقعدتش!!اي دا بجد،احمم قعدت
=بصي احمد عمل حادثه اتصابت فيه خلايا المخ ورجع بيه لعشر سنين ورا،العلاج بتاعي بيجيب استجابه بس بطيئة جدا عشان هو بيرفض العلاج كتير،محتاج حد معاه عشان يعدي اللي هو فيه دا
_ فهمت،طب العلاج دا في بيته مش كدا؟
=ايوا
_ طب والمواعيد؟
=مره بالليل
_ شكرا يدكتور مش عارفه اقولك اي
=انا اللي بشكرك،انتي بجد انسانه،محدش وافق يعمل كدا،انتي بتضحي عشان غيرك،هتلاقي الخير دايما عشان قلبك
ابتسمت ومشيت روحت البيت،كان فيه راحه جوايا للموضوع،كنت مرتاحه،حاجه جوايا بتقولي لازم تعملي كدا
_ مريم
=نعم يماما
_ باباكي عايز يشوفك فيديو على الفون
=ماما اوعي تقوليله على حاله احمد
_ ليه رافضة انه يعرف؟
=عشان هيرفض مفيش اب هيوافق،عشان خاطري يماما اوعي تقوليله
_ طيب،مش هتطلعي تكلميه؟
=طالعه
ازيك ياحبيبي عامل اي
=الحمدلله يعروسه انتي اخبارك اي
_ كبرتك وبقيت عروسة اهو،لا ووقعت وقعه حلوه
=يعني مرتاحه؟
_ اوي يبابا،كان نفسي تبقي معايا
=سامحيني يبنتي،كان نفسي ابقي موجود معاكي في يوم زي دا بس الظروف
_ مسامحاك،انت على طول معايا
=هتعيط اهي،طول عمرك عيوطه زي امك
*سمير!!
=حبيبه قلبي يا ام مريم
فضلنا نضحك ونتكلم لغايه بالليل،مر يومين والحاج جه وقال ان كتب الكتاب يوم الخميس!بعد بكره؟بتهزروا
_ بس انا مجبتش اي حاجه لسه!!
=عندك مانع تعيشي معانا
ابتسمت_ لا طبعا،بس لسه فيه فستان هييجي و...
_ كل دا هيبقي عندك، العربيه تحت عشان توديكي الفله، فيه فستات هناك اتمني يعجبك
استئذنت من ماما ونزلت معاه، روحت الفله مش عارفه ليه كنت عايزه اشوفه وكانت عيني بتدور عليه...
كنت قاعده لقيت الشغاله جت
_ اتفضلي
=اي دا كركديه ساقع!!
_ ايوا، عماد بيه سال طلباي اي المره اللي فاتت ولما عرف ان طلبك مش موجود جبهولك
ابتسمت=شكرا
_ مريم يبنتي
=ايوا يحاج
_ الفستان فوق في اوضه احمد اللي هتبقي اوضتكم، اطلعي قسيه، كوثر تعالي وريها الاوضه فين
=حاضر يابيه
طلعت معاها وشاورتلي على الاوضه، دخلت ولقيت فستان محطوط على السرير، كان جميل بشكل!! لونه لون السما، كانت تفصيلته حلوا اوي، عيني بتطلع قلوب وهموت واصوت يجماعه، اعملكم فضيحه دلوقتي طيب؟
قيسته وفضلت واقفه قدام المرايا، كنت بضحك زي الهبله، مريم اللي مستحيل حد يتخيل اتها تتجوز هتتجوز!!
وسط كل دا الباب اتفتح
_ هو الشراب فين ياكوثر و... اي دا!!!!
بصيتله وفضل متنح وواقف مكانه
_ انتي حقيقيه؟
=ولا خيال هاتوا الشربات قوام يعيال يلا على...
_ اسكتي كدا
=الاه!انت بتقرب ليه؟
_ بدور على الشراب
=هو هيكون ورايا مثلا
_ مش ممكن!!
=اه قذاره، انت قذوره كبيره انت، خطوه كمان وهرقع بالصوت
حط ايدو على بقي بسرعه و.
يتبع الفصل الثالث اضغط هنا
- الفهرس يحتوي على جميع فصول الرواية كاملة :"رواية أحببته رغم عقله" اضغط على اسم الرواية