رواية نصيبي في الحب الفصل الثلاثون بقلم توتة
رواية نصيبي في الحب الفصل الثلاثون
خالو كان في المستشفى وفونه رن
خالو : الو
_ هيا دي اللي سايبها امانه عندك يا محمد
خالو : في ايه يا مصطفي اهدي كده وفهمني ايه اللي حصل
عم نور ( مصطفي ) : ايه اللي انا سمعته عن نور ده .... الكلام ده صح !؟
خالو : ايه اللي حصل يا مصطفى ... نور ايه اللي حصلها
عمي : هيا نور فين
خالو : مع يوسف
عمي : وفين يوسف انشاء الله
خالو : يوسف في .... في المستشفي
عمي : ونور فين ؟
خالو : انا الصراحه مش عارف مكانهم هما الاتنين هما جالهم مكالمة تليفون وخرجوا يتكلموا ومشفتهومش تاني
عمي : نور انضربت بالرصاص قدام المستشفي يا محمد .... الكلام ده صحيح
خالو : ايه اللي انت بتقولوا ده يا مصطفى
عمي : خلاص انا هتأكد بنفسي .... بس والله لو الكلام ده طلع صح مش هقعدها معاكوا تاني ... ومش هتشوفوها تاني
خالو : اهدي يا مصطفي ... انشاء الله مش اللي في بالك انا هشوفها دلوقتي بنفسي
عمي : ماشي يا محمد
وعلى الناحيه التانيه
ملك : لو سمحتي ... مشوفتيش واحده طويله عينيها خضرا وطويله خرجت من هنا كانت لابسه ابيض
الممرضه : في كتير بيعدوا من هنا والله فأكيد مش هدقق .... بس هيا في واحده قريبه من مواصفات اللي انت لسه قايله عليها انضربت بالنار قدام المستشفي وكان معاها شاب كده
ملك : انضربت بالنار!
الممرضه : اه
ملك : طيب .... لو وريتك صورتها تقدري تعرفيها !؟
الممرضه : ممكن
ملك : طيب ... ثواني .... اهيه هيا دي صورتها
الممرضه : ايوه .... هيا دي البنت اللي انضربت بالنار
ملك : ايه .... متأكده
الممرضه : اه متأكده .... هيا بالظبط حتي كان معاها شاب كده عينه عسلي وشهره طويل ولابس بدله بني محروق
ملك : طيب ... شكرا
راحت ملك عند باباها تقوله اللي عرفته وتتأكد منه
ملك : بابا
خالو: نعم يا ملك ... لقيتيهم
ملك : سألت ممرضه قالتلي أن هيا شافت واحده شبهها انضربت بالرصاص قدام المستشفي
خالو : ايه !؟ يعني اللي مصطفي قاله صح
ملك : قال ايه ... هو فيه ايه
خالو : أن نور انضربت بالنار
ملك : يعني ده صح ... طب ليه ومن مين
هبه : طب هو فين يوسف
ملك : مش عارفه ... طيب روحي اسألي على الاوضه اللي نور فيها واكيد هتلاقي يوسف هناك
هبه : ماشي
خالو : ده ايه المصايب اللي جايه ورا بعض مره واحده دي
ملك : متقلقش يا بابا انشاء الله خير
خالو : يارب يا بنتي
بعد شوية وقت
هبه : في اوضه الدور التاني اوضه رقم ٣١٥
خالو : انتي روحتي
هبه : لا عرفت مكانها بس
خالو : طب يلا نروحلها نشوف فيه ايه
ملك : يلا
وصلوا لحد الاوضه اللي هناك ولقوا يوسف هناك .... كان ساعتها خلص سحب دم
ملك : اهو يوسف هناك اهو
يوسف : انتوا جيتوا ليه
خالو : هو ايه اللي حصل
يوسف : ن....نور
خالو : مالها .... اللي سمعناه صح
يوسف : انتوا سمعتوا ايه بالظبط
خالو : ان نور انضربت بالنار
يوسف : انتوا عرفتوا منين
ملك : كنت بدور عليكوا وسألت وعرفت اللي حصل
يوسف : متقلقوش الدكتور طمنني عليها
خالو : يعني صح ؟
يوسف : للأسف اه
خالو : يعني الكلام اللي مصطفي قاله صح
يوسف : مصطفي مين
خالو : مصطفي الدسوقي
يوسف : هو عرف
خالو : اه .... وقال لو الكلام ده صح هياخد نور ومش هنشوفها تاني
يوسف : يعني ايه ياخدها ... هو بمزاجه يجيبها وقت م هو عايز وياخدها وقت م هو عايز
خالو : يوسف .... اسكت
يوسف : علفكره مش من حقه ياخدها ... احنا لينا حق فيها زيه بالظبط واللي ضربها بالنار ال**** اللي اسمه معتز ده
خالو : مين معتز ده ؟
يوسف : خطيبها القديم
خالو : هيا كانت مخطوبه قبل كده
يوسف : ايوه وأبوه هو السبب في الضرايب اللي حصلت لعمها كمان
خالو : المهم أنه لو عرف هياخدها
يوسف : محدش هياخدها وانا عايش
خالو : وانت ليك فيها ايه عشان تمنعها تروح لعمها
يوسف : ل...ليا ... مفيش .... بس هيا بنت خالتي وتبقي بنت اختك كمان يعني احنا عيلتها برضو
خالو : خلاص يا يوسف انهي الموضوع .... الدكتور قالك ايه
يوسف : لسه مخرجش
خالو : طيب خد ملك وهبه روحهم
يوسف : ماشي وهرجعلك على طول بس لما اطمن عليها الاول
خالو: ماشي
____________________________________________________________________________________________________
_ حصل يا معتز باشا
معتز : اي طلب فيهم
_ الطلب الاول
معتز : والتاني
_ على اتفاقنا .... انهارده بالليل
معتز : مش عايز غلطه
_ اكيد ... دي فيها حياتنا
معتز : شاطر
______________________________________________________________________________________________________
نهال : اتصلي اتطمني يا ايمان
ايمان : م انا كلمتهم من شويه وقالوا إنه بقاااا كويس
نهال : اتصلي تاني
ايمان : حاضر
كلمت ايمان ملك عشان تطمن
ملك : ايمان بتتصل اقولها ايه
خالو : قوليلهم أن نور تعبت عادي متجيبيش سيره عن اللي حصل
يوسف : لا متجيبيش سيره خالص
ملك : ماشي
ملك : الو يا ايمان
ايمان : طمنيني ايه الأخبار
ملك : تمام ... ادم بقا كويس بس لسه مفاقش
ايمان : يعني كله تمام ؟
ملك : اه كله تمام
ايمان : ماشي .... بس خليكي على تواصل معايا ... عشان نهال عايزه تتطمن
ملك : ماشي
ايمان : انتوا هترجعوا امتى
ملك : ه .... اه لما ادم يفوق
ايمان : ماشي يلا سلام
ملك : سلام
وعلى الناحيه التانيه
يوسف : عملت ايه ؟
تيمور : روحت عنده وجبت الكاميرات بس مكانتش واضحه اوي بس انا اتصرفت يعني وضحتها شويه واكتشفت ان الرصاصه طلعت من مصدص واحد في عربيه جييب سودا ركاب اتنين وللاسف لوحة العربيات ورا مش موجوده بس عرفت الاتجاه اللي مشي فيه وروحت وراه ودخلت اول محل قابلني فيه كاميرات مراقبه وقدرت احدد الوقت اللي عدي فيه من قدام المحل ده عن طريق كاميرات مراقبه المحل الصغير اللي قولتلك عليه ده وفضلت أتابعه من كذا محل مختلف عن طريق كاميرات المراقبه لحد اما دخل في منطقه صحراويه مفيهاش حد تقريباوساعتها اختفي بس بعتت واحد يقدر يحدد اثار العربيه في المنطقه دي
يوسف : اهه وبعدين
تيمور : دلوقتي بقاا لقينا ڤيلا مهجوره ومش عايزين ندخل الڤيلا غير لما نتأكد من وجوده فيها ولقينا نفس العربيه الجيب دي قدام الڤيلا وده اللي خلانا نتأكد من وجوده فحاليا بنراقب الوضع واكتشفنا أن اللي ساكن في الڤيلا ديه ٢ رجاله وغالبا فيه واحد بيدخل الڤيلا دي من وقت لتاني
يوسف : تمام ... طمني ع الوضع يا تيمور علي ما اطمن عليها
تيمور : ماشي ... اي اخبار جديده هتوصلك
يوسف : ماشي ابعتلي عنوان الڤيلا دي
تيمور : ليه هتعمل ايه
يوسف : تيمور ... انت عارف اني بكره السؤال ده
تيمور : خلاص اسف ... حاضر هبعتلك العنوان .... بس اهدي يا يوسف ومتضيعش حياتك عشان واحد زي ده
يوسف بضحكة شر : متقلقش .... وقفل السكه
__________________________________________________________________________________
ايمان : خلاص يا ماما اتطمني بقا ... قالتلك الوضع كويس
نهال : ومرجعوش ليه ؟
ايمان : مستنيين ادم يفوق
نهال: ماشي
____________________________________________________________________
في المستشفى
الدكتوره خرجت من غرفة العمليات بسررععه
يوسف : في ايه
الدكتوره : الحاله اللي جوه دقات قلبها بتقف .... ومحتاجين جهاز الانعاش بسرعه .... ادعيلها
يوسف .......
يتبع الفصل الواحد والثلاثون اضغط هنا
- الفهرس يحتوي على جميع فصول الرواية كاملة :"رواية نصيبي في الحب" اضغط على اسم الرواية