رواية مابين الحلم والحقيقة البارت الثالث والثلاثون 33 بقلم اميرة اسامة الجزء الثاني من رواية دار الايتام
رواية مابين الحلم والحقيقة الفصل الثالث والثلاثون 33
خرج ليل وميرنا من الشركه ركبوا العربيه مع بعض عشان ليل يوصلها...
ميرنا....بقولك ايه
ليل...قولي
ميرنا...انا بفكر مروحش عالشقه
ليل...عايزه تروحي فين
ميرنا...لا انا اقصد امشي خالص يعني اخد شنطتي واروح اعد في اي مكان
ليل...وده ليه
ميرنا...مش عارفه بس حاسه بعد اللي حصل فالاجتماع انهرده ده كلهم مش هيبقوا طايقني وانا بصراحه مش حابه اعد في مكان حد مضايق مني فيه
ليل...لا طبعا وبعدين لو بتفكري انك تمشي عالاقل هتروحي تأعدي عن خالتك مش تشوفي مكان تاني
ميرنا...ايوه مانا حتي لو هروح عند طنط جاسر هناك وافتكر يعني جاسر كان فاضل ثواني ويقتلني عشان ادم
ليل...اسمعي انتي معملتيش حاجه غلط ولا غلطتي في اي حاجه انتي بتقولي شهاده حق واظن دي حاجه متزعلش حد فيهم صح
ميرنا...ايوه بس كلهم كان واضح انهم قالبين عليا وكلهم اتغيروا
فجأه دول حتي مقالوليش هنروح سوا ولا اي حاجه
ليل...ميرنا مشي من البيت مش هيحصل اما بقي علي انهم قالبين عادي وزي ما قولتي المشكله هنا ان الكل بيتعامل بمشاعره فا طبيعي كلهم يتعاطفوا مع ادم وميصدقوش اي حاجه عليه وشويه كده وهتلاقيهم بقوا عادي فا انتي روحي واتعاملي عادي خالص كأن مفيش اي حاجه حصلت مفهوم
ميرنا....تمام
ليل...هروحك عالبيت عشان عندي مشوار
ميرنا...تمام
...............
وصل جاسر ونوح والبنات ادام شقه جاسر اللي اعد فيها أدم
فتح جاسر باب الشقه ادم كان نايم علي شازلونج من غير قميص
دخل جاسر والبنات
اول ما البنات شافوه تنحوا🙈
جاسر....ادم ادم اصحي
صحي ادم واول ما شافهم كلهم اتخض وبسرعه سحب التيشرت ولبسه
ادم...اسف معرفش انكم جايين
تمارا...احنا اللي اسفين معلش صحناك
ادم ..لا خالص انا كنت مريح بس شويه وتقريبا عيني راحت فالنوم
جاسر...ايه الاخبار
ادم...تمام الحمد لله
نوح...ايه يا ابني مالك مقفل الشبابيك كده ليه وقافل التكييف الجو حر اوي
ادم...انا جيت من بره اعدت زي ما شوفتني كده
نوح...راح فتح التكييف بقولك ايه مفيش مايه
ادم...لا في انا جبت شويه حجات وانا طالع وفي ميه فالاكياس اللي فالمطبخ وشاي وقهوه
نوح....تمام ايه روحت اتسوقت😂😂
ادم....بمزاج سئ يعني عارف ان جاسر بقاله كتير مش بيجي هنا فا اكيد الشقه فاضيه
جاسر...ايوه فعلا الشقه اصلا محتاجه تتنضف
ادم...عادي انا هبقي اتعامل
تمارا...لو محتاج حاجه احنا ممكن نعملها
ادم...لا لا خالص يا تمارا متقلقيش انا هتعامل
عشق....هو ايه اللي لا... طبعا مش هينفع احنا مع بعض عالاقل نظبطلك المكان اللي هتنام فيه اللي هتأعد فيه
ادم...بلاش ياعشق الله يخليكي متتعبوش نفسكم
عشق...تعب ايه بس خلاص احنا هنظبط الدنيا قولنا المهم الوقت فك شويه بلاش تضايق نفسك
ادم...عادي والله ياعشق انا تمام
جاسر....ادم انا عارف انك مضايق من اللي حصل طبعا مش هقولك متضايقش بس ليل في حاجه مضيقاه انا اول مره اشوفه شايط بالمنظر ده خصوصا علينا احنا
ادم...بس هو مكنش شايط يا جاسر ليل بيتهمني بالسرقه ياريتها جت علي عصبيه ولا خناق ولا زعل عادي كلنا عارفين ان ليل عصبي ووارد ان اب حد فينا بتعصب عالتاني. لاكن نسرق بعض ياجاسر
نوح...بس انت عارف يا ادم ليل بيحبك اد ايه وصدقني اكيد حد عمل كده عشان يوقعكم في بعض
ادم....بناقص الحب يا نوح ادام مفيش ثقه
نوح...يا ابني هو لو مبيثقش فيك كان خلاك مدير قسم المراجعات ده انا شغال معاك يا ادم واتعلمت الشغل منك
ادم...وراحت فين الثقه يانوح
عشق...ممكن تهدي بس صدقني يمكن انا كمان مش مستوعبه اللي حصل ده بس انا بفكر زي نوح في حد حابب ان انت وليل يبقي في بينكم مشكله
ادم....ومن امته ياعشق ليل بيصدق حاجه علينا ومن امته بيحكم قبل ما يتأكد.
جاسر....بأرتباك ادم هو في حاجه كمان
ادم...في ايه حاجه تاني اتسرقت
جاسر...لا مش كده بس ليل قال لعشق انه متأكد
ادم...كمان متأكد من قبل التحقيق
عشق...لا بس هو بيقول انه شافك لما راجع الكاميرات وشافك بتحط ورق في جيبك وانت بتراجع عالورق
ادم....نعم ورق انا حطيت ورق في جيبي...سكت ادم ثواني ايوه صح بس انا كنت رايح للسمسار بتاع الڤيلا عشان كان واخدلي معاد من صاحبها والمفروض اننا كنا هنخلص امبارح والورق ده كان صوره بطاقه وعقد بيع مبدأي وشويه ورق كده خاص بتسجيل الڤيلا وانا براجع هما كانوا عالمكتب ولما لقيت نفسي هتلغبط حطتهم في جيبي عشان مغلطش والم الورق مع بعضه
ده كل اللي حصل
جاسر...انت متأكد من اللي بتقوله ده
ادم...في ايه يا جاسر انت مش مصدقني انت كمان
جاسر...ياعم لا والله اكيد لا طبعا بس بتاكد منك عشان كده ده كلام جديد لازم ليل يعرفه
ادم....يعرف ايه انا مش عايزه يعرف اي حاجه يبقي يعرف اللي هو عايزه لما يحولني للتحقيق انا مش محتاج ابررله اي حاجه
عشق...بس لازم يعرف انك معملتش كده
ادم...مش فارق كتير يا عشق يعرف ميعرفش النهايه واحده انا وليل كل اللي بينا خلص لحد كده
تمارا...ادم حتي لو هو غلط في حجات لازم نحاول ننساها عشان نقدر نكمل مع اشخاص قريبين مننا
ادم...كان قريب يا تمارا لاكن بعد اللي حصل خلاص مبقاش ليل بيتهمني بسرقه 11مليون بالرغم انه عارف ومتأكد ان ده مبلغ تافهه بالنسبالي ياريته جه كلمني بينه وبيني يمكن كنت هزعل بردو انه شك فيا بس عالاقل كان هيفضل بينا لاكن ليل كان ناقص يلم موظفين الشركه ويقولهم ادم حرامي من قبل حتي ميتأكد انا طول عمري ما بشكش في ذكاء ليل لحظه لاكن انه يطلع بالغباء ده صدمني مداش نفسه فرصه يفكر الورق اللي في ايدي ده ايه
نوح...بص انا مش هدافع عنه عشان اخويا عشان انت كمان اخويا عارف انه غلط بس عشان خاطري مش عايز نوصل للطريق ده مع بعض مش هقدر استحملها يا ادم..
ادم...هو اللي باع يانوح وداس عاللي بينا اللي انت بتتكلم عنه ده باوسخ جزمه
نور...طيب بصوا بقي انا من بدري سامعه ومش بتدخل بس بجد سيبكم من كل اللي حصل ده وخصوصا انت يا ادم واكيد الايام هتصلح كل حاجه المهم الوقت انك تثبت انك برئ وساعتها انا واثقه ان ليل هيعتزرلك ويردلك حقك
ادم...بضحكه سخريه بقيت متهم ومحتاج اثبت برائتي ربنا يسامحك ياليل
نور....انا والله ما اقصد اللي اقصده انك متقولش مش هينفع ترجع زي الاول سيب كل حاجه للوقت
ادم.....سبيها علي الله
جاسر...علي فكره نسيت اقولك
زهره سابت الشغل
ادم....بصلها باستفهام سبتي الشغل ليه
زهره....بصت لجاسر لا عادي يعني مفيش حاجه
ادم...هو ايه اللي مفيش حاجه ليل قالك حاجه انتي كمان
نوح...ياعم اهدي بس شدت هي هي وليل بسببك وطلبت انها تقدم استقالتها لانها مش مصدقه اللي حصل معاك
ادم....ليه كده يا زهره عملتي ليه كده
تمارا...مش بس كده دي اتحولت للتحقيق هي كمان😂😂😂
ادم...بغضب نعمممم
جاسر...بص لتمارا بغضب😡
تمارا...🙄🙄ايه عكيت الدنيا
جاسر...ايه لسه مش متاكده😡
ادم...هو في ايه ما حد يفهمني
زهره...مفيش يا ادم لما شدينا مع بعض قولتله انا كمان مش هكمل عشان اللي منك شكيت فيه هتعمل معانا احنا ايه فقالي ولا عشان انتي معاه فاللي عمله
فا قولتله عادي حولني انا كمان للتحقيق
وقف ادم بغض طب لا ده كده اتجنن
جاسر...اعد بس يا ادم في ايه
نوح...ادم عشان خاطري اهدي شويه
ادم...هو ايه اللي اهدي بس بتقولك حولها للتحقيق ليل اتجنن
عشق...اهدي يا ادم ده كلام والله بس عشان زهره وقفت ادامه
جاسر....يا جدع انت اعد بقي متخيلناش
اعدوا الشباب وفضلوا يهدوا ادم وبعد شويه قامت نور وتمارا وعشق يظبطولوا البيت شويه
وفضل نوح وجاسر مع بعض
اما ادم فا خد زهره واعد بيها بعيد عنهم شويه.
ادم....عملتي ليه كده يا زهره
زهره...عادي يا ادم
ادم...هو ايه اللي عادي يا زهره اديكي خلتيه يفكر اننا متفقين مع بعض ويصدق ويقتنع باللي بيقوله عليا
اتجمعت الدموع في عين زهره والله مقصدتش كده خالص يا ادم بس انا مقدرتش استحمل الكلام ده عنك مقدرتش اسمع كل الكلام ده عليك وافضل مكمله
ادم....بهدوء ايوه يا زهره بس انتي ملكيش ذنب وملكيش دعوه بكل اللي حصل ده اصلا
زهره...ازاي يا ادم مليش دعوه ازاي اكون واثقه فيك وعارفه انك استحاله تعمل كده وافضل مكمله فالمكان اللي صاحبه اتهمك فيه بالسرقه وبعدين اللي خلاه شك فيا عشان دافعت عنك وقولتله اني هقدم استقالتي طب ماانا بردو لو كنت فضلت ساكته وكملت بردو كان هيشك فيا
ادم...طب خلاص ممكن تبطلي عياط حقك عليا انا متزعليش بقي لو اتعصبت من غير ما اقصد
زهره...بس انا مش زعلانه منك انا مضايقه عشانك بسبب اللي حصل
ادم...ابتسم...عارفه يا زهره مجاش في بالي انك تعملي كده ولا حتي توقعته اصلا ولو كنتي فضلتي والله ما كنت هزعل بس انتي خالفتي كل توقعاتي
زهره....مطقتش اسمع حاجه عنك واسكت انا بفكر امشي من بيته اروح اي مكان
ادم...لا طبعا هتروحي فين
زهره...هاخد مفتاح شقه بابا من
نور وهروح اعد هناك
ادم...مش هينفع طبعا وانا مش هوافق تروحي الشقه دي هناك ولوحدك مش كفايه اللي حصل لعشق
زهره...ايوه بس انا
ادم...مفيش بس لو عالشغا مقدور عليه لاكن انك تسيبي الشقه مش هينفع وياستي هانت شويه والڤيلا تخلص ونتجوز وهتمشي برضاكي او غصب عنك😉
ابتسمت زهره بحب وفرحه
ادم...ان شاء الله هخلص باقي الاجراءات اليومين دول وهنبتدي نجهز فيها علي طول وتجهزي بقي عشان تختاري كل حاجه بنفسك😍
زهره....حاضر😍
.........
نوح....انا مضايق من ليل بجد
جاسر...اتجنن ومعرفش ايه اللي حصله
نوح...ادم صعبان عليا اتحط في موقف رخم
جاسر...هو موقف رخم بس عليا النعمه الواد ده طيب انا لو كنت اتحطيت في نفس الموقف ده بيتهيألي كنت قتلت ليل
نوح...ادم طيب طول عمره ومحترم بالرغم اني شايفه هادي بس انا عارف انه من جواه غضب الدنيا.
فضلوا يتكلموا مع بعض وبعد شويه البنات خلصوا واستأذوا ملهم من ادم ومشيوا بعد ما اطمنوا انه بقي احسن
وراحوا مع بعض في طريقهم للبيت..
بعد ما وصل ليل ميرنا للبيت.
اتفاجئ ليل بمرينا بتكلمه
ليل...ايه ياميرنا في حاجه حصلت بينكم ولا ايه
ميرنا...لا خالص بس انا جيت مش لقتهم قولت اسألك لو تعرف من عشق هما فين
ليل...مش فوق يعني ايه مش فوق
ميرنا...معرفش تفتكر راحوا مكان تاني
ليل...نعم مكان تاني اقفلي يا ميرنا هرجع اكلمك تاني
ميرنا...طيب تمام.
قفل ليل بغضب وهو خايف يكون اللي ميرنا قالته ده اللي حصل خصوصا انها من وقت ما خرجت مكلمتهوش من الشركه
اتصل ليل عليها
كانت فالعربيه مع جاسر وتمارا وزهره.
عشق...الوو
ليل...بغضب انتي فين يا عشق
عشق...انا مروحه
ليل...مروحه فين
عشق...هو ايه اللي فين عالشقه هيكون فين
ليل...وانتي فين اصلا كل ده انتي ماشيه من بدري
عشق...روحنا مع بعض كلنا لادم
ليل...نعم روحتي لادم ليه ان شاء
عشق...عادي يا ليل قولنا نروح شوفه بعد اللي حصل خصوصا انه كان ماشي متنرفز
ليل...وانتي مالك متنرفز ولا لا وازاي تروحي من غير ما تقوليلي
عشق.. اولا انا مش عملت حاجه غلط انا مش راحه لوحدي ثانيا عادي بنشوفه كويس ولا في حاجه ثالثا وده الاهم انت بتتعصب ليه
ليل...انتي مش شايفه انك غلطانه
عشق....انا معملتش حاجه غلط وبعدين لو انت شايف اني متكلمتش مكلمتنيش انت ليه تشوفني يمكن حصلي حاجه
ليل...ماشي يا عشق انتي فين
عشق...احنا مروحين خلاص قربنا
ليل...تطلعي تكلمني.
عشق...اوك
ليل.سلام
عشق...سلام.
عدي وقت بسيط وصلهم الشباب تحت البيت طلعوا البنات الشقه بعد ما سلموا عليهم ودخلوا كانت ميرنا اعده مستنياهم
عشق...السلام عليكم
ميرنا..عليكم السلام
دخل البنات في صمت رهيب خصوصا زهره
اللي كانت راحه اوضتها هي وتمارا
ميرنا....ممكن تستنوا لحظه
وقفوا البنات وهما بصنلها من غير كلام
عشق...في ايه يا ميرنا
ميرنا....انت زعلانين مني صح
عشق....هنزعل منك ليه
ميرنا...زهره انتي زعلانه مني
زهره...بعد اذنك انا داخله اوضتي
ميرنا...مش هأخرك يا زهره
بصوا انا عارفه انكم مضايقين مني مع اني مش شايفه اني عملت حاجه غلط انا قولت اللي شوفته انا موجهتش لادم اتهام بالقصد انا قولت اللي اعرفه وبس
وبعدين يمكن اكون غلط ويمكن اكون صح بس اللي اعرفه اني مينفعش اخبي علي حاجه شوفتها ولا ينفع اكتم شهادت حق صح با عشق
عشق...محدش قال اكتمي شهاده يا ميرنا.بس عالاقل قبل ما نوجهه اتهام زي ده نكون متأكدين
ميرنا...انا موجهتلهوش اتهام انا قولت اللي شوفته والله العظيم وخفت ليل يشك فيا بعد ما ادم قال انه اداني الورق فا حبيت افكر ليل باللي حصل بيني انا وهو ادام المكتب مش اكتر
بصوا انا مكنتش اقصد اي حاجه وحشه انا حكيت اللي شوفته ولو عالكلام اللي قولته فاانا كان قصدي اننا منفكرش بمشاعرنا ونبقي زي الدول بره...لاكن انا مش حابه ادم يتأذي عموما متزعلوش مني وانا لو مش حابين افضل معاكم انا ممكن امشي اي مكان ومش هزعل والله حتي لو حابيين تخرجوني من حياتكم
عشق...اكيد لا يا ميرنا ومش معني اننا اختلفنا في رأي اننا نطلع من حيات بعض
ميرنا...طيب هتفضلوا مكشريين كده فكوا بقي ده لسه جاسر مشواره طويل لحد ما يتصالح انا كنت هروح اعد معاهم فالڤيلا بس صراحه خوفت من رد فعله اوي
عشق....حصل خير يا ميرنا
ميرنا...زهره لسه زعلانه
زهره...لا ميرنا مفيش حاجه عموما انا بردو عند كلامي ومليش علاقه بطباع بلاد بره ادم برئ وهفضل اقول انه برئ بعد اذنكم
ميرنا...تمارا زعلانه مني
تمارا....مفيش حاجه يا ميرنا خلاص حصل خير بعد اذنكم عشان تعبانه ومحتاجه ارتاح
نور...وانا كمان محتاجه انام تصبحو علي خير
عشق...وانتي من اهله
ميرنا...شكلهم زعلانين مني
عشق...لا متحطيش في بالك يومين ويصفوا هما قلبهم ابيض
ميرنا...ماشي
عشق...يلا انا هدخل انا كمان عايزه اخد شاور وانام
ميرنا...ماشي يا حبيبتي تصبحي علي خير
عشق...بابتسامه وانتي من اهله
عشق...دخلت الاوضه اتصلت علي ليل.
ليل ..ايوه
عشق...انا روحت
ليل....تمام هتعملي ايه
عشق...هنام
ليل...ماشي يا عشق تصبحي علي خير
عشق...وانت من اهله..
في صباح يوم جديد صحي الكل عالشغل بأستثناء ادم وزهره
وبعد مشكله كبيره حصلت بين سهام وليل بعد ما عرفت ان ادم ما رجعش الڤيلا وعرفت اللي حصل. قلبت علي ليل واتصلت بأدم تترجاه يرجع لكن ادم رفض بشده وحاول انه يهديها..
كان الجو في بعض التوتر في الشركه
واغلب الوقت كانت ميرنا مع شاهي.
وجه وقت الميتنج بتاع ريما وصلت ريما الشركه فالمعاد المحدد
دخلت شاهي تبلغ ليل انها موجوده بره كانت عشق بتخلص ورق مع ليل .
شاهي....مستر ليل
ليل...ايوه ياشاهي
شاهي...مدام ريما بره بتقول انها عندها معاد مع حضرتك.
ردت عشق بسرعه ....دخليها اوضه الاجتماعات يا شاهي وانا هخلص اللي في ايدي واروحلها.
فضلت شاهي واقفه باصه لليل ومتغاظه من عشق.
ليل....واقفه ليه ياشاهي
شاهي....ايوه يعني اعمل كده
ليل...اه اعملي اللي عشق قالته
شاهي....تمام بعد اذن حضرتك
بص ليل لعشق تجاهلته تماما وكمل الورق...وبعد حوالي خمس دقايق...راحت عشق علي الاوضه من غير ليل.
دخلت عشق كانت ريما اعده علي
مستنياها حاطه رجل علي رجل وبتلعب في موبايلها لابسه بنطلون هيتفرتك من علي جسمها تيشرت ابيض بنص كم مفتوح من عالصدر بطريقه مستفزه.
دخلت عشق علي طول علي الكرسي ادامها.. مساء الخير اسفه عالتأخير
ريما...مساء النور لا ابدا مفيش تأخير ولا حاجه
عشق....تشربي ايه
ريما...انا طلبت نسكافيه من شاهي
عشق...تمام..جيب عشان منضيعش وقت نتكلم فالشغل لحد ما شاهي تيجي
ريما...بأستغراب ايوه مش لما ليل يجي
عشق...بصتلها شويه بثقه وسكتت
لا ليل مش هيجي ليل عنده شغل وبعدين انا اللي معاكي يعني انا المسؤوله عن مشروعك
ريما....بغيظ لييييل هو انتي مش السكرتيره بتاعته علي حد علمي هنا الكل بيقوله مستر...
عشق....اهاااا عندك حق بس انا مش السكرتيره انا وليل شغلنا واحد تقدري تقولي بنعمل نفس الحاجه مع بعض او بالاصح لو هو مش موجود انا اللي باخد اي قرار يخص الشركه
ريما....انتي اللي بتاخدي اي قرار يخص الشركه امال لو موجود بتعملي ايه...
عشق.....لو اني شايفه ان ده ملوش علاقه بالميتنج بس هجاوبك يعني تقدري تقولي كده ان ليل مش بيقبل اي مشروع غير لو انا وافقت عليه😎
ريما...بصتلها بغيظ
ابتسمت عشق بنصر....ها نبدأ
ريما....ايوه بس انا محتاجه ليل هو اللي يمسك المشروع انا متفقه معاه علي كده يوم الحفله
ليل...اوك وهو عرض عليا المشروع وانا وافقت واديني ادامك اهو مستنيه نتكلم فالشغل.
ريما....بضحكه سخريه مش فاهمه يعني ايه ليل مش هيباشر الشغل بنفسه
عشق...هو في حاجه معينه يعني عيزاها من ليل اظن حضرتك ليكي شغل عايزه تعمليه وانا جاهزه..
ريما..وقفت بغضب وانا غيرت رأيي مش هعمل مشاريع
عشق... بابتسامه خبث اوك زي ما تحبي
ريما...خدت شنطتها والغضب عاميها وخرجت من الاوضه ابتسمت عشق بفرحه قامت وراحت علي مكتبها
ليل...كانت الابتسامه مرسومه علي وشه من اللي عشق عملته فيها....كان شايف كل حاجه عاللاب توب بتاعه...كان فرحان بيها وحاسس انها بنته اللي بتغيير عليه...ورغم انه كان مضايق منها عشان مش بتتكلم معاه لاكن كان طاير من الفرحه اول ما شافها خارجه من اوضه الاجتماعات قفل وكمل شغل كأن مفيش حاجه حصلت ورجع للجمود من تاني
دخلت عشق المكتب وقفت ادامه..
تجاهلها دقيقه كامله وبصلها.
ليل...خير ياعشق في حاجه
عشق...لسه واخد بالك اني واقفه
ليل...معلش مركز في حاجه
عشق...يعني مش هتسألني عملت ايه
ليل...لا عشان عارف اللي هيحصل مش محتاجه سؤال🙄
عشق...تقصد ايه🤨
ليل...يعني اقصد انك مبقاش يتخاف عليكي فالشغل
عشق...اي ه بس خلاص مفيش مشروع ولا ريما.
ليل....وده ليه ان شاء الله
عشق...عشان هي مضايقه ان حضرتك مش هتمسك الشغل بتاعها
ليل...وقولتلها ايه
عشق...بأرتباك قولتلهااا يعني انك عندك شغل كتير ومش هتقدر وانك مضغوط.
ابتسم ليل غصب عنه
عشق...بتضحك علي ايه
ليل...ولا حاجه عموما عادي مش عايزه براحتها خلاص معصبه نفسك كده ليه
عشق...ولا معصبه ولا حاجه انت اللي هادي زياده عن اللزوم انا راحه اكمل شغل😡😡
ليل...ببرود طيب
عشق...😳😳
بص ليل في ورقه وكمل كأنها مش موجوده..
خرجت فالوقت ده ريما مش شايفه من الغضب ادامها كلمت هايدي حكتلها علي كل حاجه.
هايدي...وهنعمل ايه الوقت ولاد الكلب مخططين لكل حاجه لازم نفكر
ريما...مبقاش فيها تفكير يا هايدي عليا وعلي اعدائي بعد اللي حصل جوه ده واللي اتعمل فيا ده واللي شوفته بعيني من البت دي والثقه اللي بتتكلم فيها يبقي كلام شاهي صح..
هايدي....طب والعمل
ريما...هاننفذ يا هايدي وهحرق القلب هيبقي جماعي وديني لااحرق قلب الكل.
هايدي...تمام يا ريما بس لازم نتقابل ونتكلم في كل حاجه قبل التنفيذ
ريما...فاضيه انهرده
هايدي....اه فاضيه
ريما...بليل هكون عندك واخوكي يكون موجود وعايزه شاهي والاهم من كل ده ميرنا
هايدي....تمام دي اكتر حد هينفعنا
ريما....اكدي عليها انهرده ضروري
هايدي....تمام هكلمهم الوقت........
عدي حوالي اربع ايام والوضع زي ماهو زهره وادم مش بيجوا
ميرنا ديما مع شاهي..وفي وسط شغل اليوم
وفي وقت البريك خرجت عشق راحت لتمارا في مكتبها ومعاهم نور.
تمارا...مش هتاكلوا
عشق...مش عايزه
نور...ولا انا مليش نفس
تمارا...خلاص ولا انا بقول ايه صحيح
عشق...قولي
تمارا...هي ميرنا مالها اعده مع اللي ماتتسمي دي ليه كده
عشق...شكلها بدأت الخطه اللي اتفقنا انا وليل عليها معاها
نور...خطه ايه.
عشق...ليل اتفق معاها انها توصل لشاهي ان تمارا وجاسر هيرتبطوا عشان اكيد هتوصل لهايدي وهايدي هتظهر كل اللي مخبياه وقالها عايزها بردو تعرف ان نوح ونور هيرتبطوا عشان سامر كمان يعرف من هايدي ولو في حاجه في نيته يبتدي يعملها وطبعا احنا عاملين حسابنا
...واخر حاجه قلها تعرفها ان انا وليل كمان هنرتبط عشان اكيد هايدي هتوصل لريما
تمارا...طيب وليل هيستفاد ايه من كل ده طب ما هايدي اكيد متأكده ان في حاجه بينا وسامر اكيد متاكد ان نور ونوح بينهم حاجه ماهو علي طول بيوصلها وبيستناها فالجامعه يعني واضحه اوي يمكن حوار ان ريما تعرف ده انا اللي مش فهماه اوي
عشق...عشان هايدي وسامر يعرفوا ويتاكدو اكيد هايدي مش هتسكت ولا هتكتفي باللي حصل لازم هتعمل حاجه ساعتها هتقع في شر اعمالها ووقتها ليل هيجيب الولد اللي خبط بابا ويعترف عليها ونخلص منها خالص
اما سامر فا احنا عارفين انه ضايق نور كذا مره ومنهم مره نور ضربته ادام الناس كلها وطبعا لو هنقارن الفتره اللي سكت فيها بالحلم اللي حلمته فا ده فات كتير من غير اي رد فعل لسامر وده في حد ذاته يقلق محدش عارف ساكت ليه ولا بيفكر في ايه هو واخته الشيطانه دي وعارفين انه بيكره نوح جدا فا لو وصله ان هو ونور هيتجوزوا اكيد هيعمل حاجه وبسرعه
نور...هو انتوا ليه مستعجلين ان يحصل حاجه ترعب
عشق...مش مستعجلين يا نور بس عايزين نخلص عايزين نرتاح من تعب الاعصاب ده ويمكن دي تكون فكرتي اصلا لاني تعبت يا نور من القلق اللي ملازمني ده عايزه اطمن واطمن عليكو عايزه كل حاجه حلمت بيها تخلص وتنتهي عايزه اغير تفاصيل الحلم ده عشان خلاص بجد انا بنهار
تمارا...طيب مش يمكن يا عشق ان حوار سامر ده مش هيحصل بما ان في حجات بتتغير فالحلم بتاعك المهبب ده
عشق...للاسف مفيش حاجه اتغيرت يا تمارا يمكن حجات بسيطه تفاصيل صغيره لاكن الموقف بيحصل المرادي انا عايزه احنا اللي نخلي الموقف يحصل بسرعه بس طبعا هنكون جاهزين
نور...تفتكري هتوقفي حاجه ياعشق مش قولتي قبل كده ان محدش بيقدر يوقف المكتوب
عشق...اه قولت بس المرادي هوقف المكتوب في حلمي وهخلي الواقع انضف منه.
تمارا...بس انا ليه مش مرتاحه لميرنا حاسه انها ضاربه معاها صحوبيه اوي وليه حاسه ان هي متغيره معايا
عشق....لا عادي ماهو ليل قالها طول ماهي ادامنا تتعامل كده عشان تديها الامان و تفتكر انها مش طيقانا وتطمنلها.
ميرنا....ايوه بس الاحساس اللي بقول عليه ده بحسه فالبيت كمان مش معاكم انتوا معايا بالذات
نور...لا خالص انتي اللي حاطه في بالك كده ماهي بتتعامل معانا عادي..خصوصا بعد حوار ادم بتحاول تلطف الجو يعني
تمارا...يمكن
عشق...بقول ايه انا راحه عالمكتب
نور...وانا كمان
تمارا...وانا هحضر نفسي عشان في ميتنج بره.
عشق...تمام اشوفك فالبيت بقي
تمارا...ماشي ياقلبي باي
باي يانور
نور...باي
خرجت عشق عالمكتب هي وليل من يوم ما راحت لادم من غير ما تعرفه والكلام بينهم بسيط او يكاد يكون معدوم الاتنين مضايقين اللي بينهم كلام فالشغل وبس لاكن هو كان اللي مفرحه مقابلتها بريما لدرجه انه كل شويه يرجع الفديو ويشوفها وهي بتحاول تغيظ ريما.
خلص اليوم علي ابطالنا الجو كان ممل الي حد كبير بسبب اللي حاصل..
في صباح يوم جديد
نزل الكل عالشغل معادا ليل
لدرجه ان عشق كانت هتتجن وتعرف هو فين وليه مجاش محدش كان عارف خالص ولا حتي نوح اللي معاه في نفس البيت
واللي كان قالقها اكتر انها بتتصل بيه مقفول....اتصلت بزهره عشان تسأل ادم لو كان راحله او حصل بينهم حاجه...
لاكن زهره خيبت امالها في اخر امل ليها ..بأنها مع ادم بيختاروا حجات للڤيلا...
فضلت عشق مضايقه وهتتجنن وتعرف هو فين هتموت من القلق
خلص اليوم من غير ما يرجع
لاكن موبايله اتفتح وبعتلها رساله..
ليل...عشق حبيبتي اسف عارف انك قلقانه عشاني واتصلتي كتير بيا والموبايل مقفول انا كويس يا حبيبتي متقلقيش بس كان عندي مشوار شغل ضروري شويه وهكلمك وحشتيني😉..
عشق....ليل طيب سمعني صوتك لو عايزني اطمن انا حاسه ان فيك حاجه وحاسه ان مش انت اللي بتكتبلي اصلت عشان خاطري اسمع صوتك بس...😢
ثواني ورن موبايلها....بأسمه
فتحت عشق بسرعه وهي ساكته وبتسمع بس.
ليل....يعني بزمتك ينفع حد غيري يقولك حبيبتي او وحشتيني ده انا كنت كسرت دماغه ودماغك
نزلت دموع عشق اول ما سمعت صوته....ليل انت كويس
ليل...في ايه يا مجنونه بس اه كويس والله عندي مشواريين بس وقفلت الموبايل عشان محدش يكلمني واخلص علي طول مكنتش اعرف اني هتأخر كده بطلي عياط يا عبيطه..
عشق...حرام عليك انت نشفت دمي ودمنا كلنا..
ليل....حقك عليا انتي وهما ياستي خلاص بقي يلا امشي انتي قولتي اسمع صوتك مش ارغي
عشق....طب انت فين
ليل...مش هقولك دي مفجأه
عشق...طيب متقفلش تليفونك تاني
ليل....حاضر يا حبيبي
عشق...وانت ماشي كلمني
ليل....حاضر بحبك يا عشق
عشق...وانا كمان بحبك عشان خاطري خلي بالك من نفسك
ليل...حاضر يا قلبي وانتي كمان لما تروحي كلميني
عشق...ماشي
ليل...يلا باي
عشق...باي..
قفلت عشق بعد ما شمت نفسها مسحت دموعها وخرجت طمنتهم عليه ومشيوا كلهم...
- تابع الفصل التالي عبر الرابط: "رواية مابين الحلم والحقيقة" اضغط على أسم الرواية