رواية نصيبي في الحب الفصل الثالث والثلاثون بقلم توتة
رواية نصيبي في الحب الفصل الثالث والثلاثون
خرج يوسف من عند ادم وراح لنور يطمن علي نور
دخل يوسف اوضة نور اللي انتقلت فيها بعد م حالتها استقرت
دخل يوسف ولقي وياريته م لقي لقي ممرضه قدام نور واتوترت جدا لما لقت باب الاوضه اتفتح فشك يوسف أن الممرضه دي بتعمل حاجه لنور وطبعا عشان يوسف ممكن يعرف الشخص من عينيه ويحلله ........ قدر يعرف أن الممرضه دي اتوترت جدا لما لقت حد داخل الأوضه
يوسف بشك : هيا عامله ايه دلوقتي ؟
الممرضه بتوتر : اا ... كويسه ... كويسه
يوسف : ولما هيا كويسه .... انتي بتعملي ايه هنا
الممرضه بتوتر : ك ... كنت بغير المحلول بس
يوسف بشك : متأكده
الممرضه بتوتر ملحوظ : ا ... ايوه ليه
يوسف : لا أصل انا هسأل الدكتور المسؤول عن حالتها وهو يقولي
الممرضه : ل...لا م هو قالي اغيرلها المحلول
يوسف : خلاص نسأله
الممرضه : ل ... لا
يوسف : مالك خايفه ليه ... انا بس هسأله
الممرضه : أا .. أصل
يوسف : أصل ايه
الممرضه : مفيش ... بس الدكتور قالي غيريها لما تحتاج تتغير
يوسف : امممم بس الدكتور قالي غير كده
الممرضه : هااا ... هو قالك ايه يعني
يوسف : نفس اللي قالهولك
الممرضه : احم .... انا نفذت اللي الدكتور طلبه مني ... عن اذنك
يوسف : استني هنا
الممرضه : نعم
يوسف : انتي اسمك ايه
الممرضه : ريهام ... اسمي ريهام
يوسف : بس الدكتور قالي اللي هتركب الكانولا اسمها أمل تقريبا
ريهام ( الممرضه) : اه ... مهو هيا كانت مشغوله مع مريض حالته حرجه فقالتلي اروح اغيرها انا
يوسف : طيب ... هاجي معاكي دوغري وبلاش لف ودوران
الممرضه : هاااا
يوسف : مين بقاا اللي باعتك
الممرضه : الدكتور
يوسف : قلت مش عايز لف ودوران بس تمام
يوسف راح ناحية سرير نور ونزل جاب حقنه من تحت السرير وقعت من ريهام ( الممرضه ) نتيجة ارتباكها لما يوسف دخل
يوسف : اومال ايه ده
الممرضه بتوتر ملحوظ : ده ده ده
يوسف : ده ايه ... مش انتي مش عايزه تقولي مين اللي باعتك ... انا هتصرف بقا
الممرضه : انا قولت الدكتور
يوسف : لا يا روح امك انتي عارفه قصدي كويس ... هااا هتتكلمي ولا اتصرف
الممرضه : اتكلم اقول ايه يعني
يوسف : شكلنا هنقضيها استعباط من اولها ... شكلك هتتعبيني يا ... ريهام
الممرضه بخوف وعياط : والله انا مليش دعوه هيا الست نوال اللي قالتلي اعمل كده
يوسف : نوال مين ؟
الممرضه : معرفش والله هيا جت المستشفي هنا وادتني ٢٠ ألف جنيه وقالتلي احطلها الحقنه دي في المحلول
يوسف : انتي شغاله ممرضه هنا فعلا ولا دي لعبه
الممرضه : لا أنا ممرضه ... بس والنبي متقطعش عيشي انا بجري على أيتام
يوسف : انا مش هقطع عيشك بس ... أنا هقطعك انتي حاليا
الممرضه : والله هيا قالتلي وانا حتي معرفش ايه الحقنه دي
يوسف : اه ولو انا مكنتش دخلت ... كنتي هتحطيها صح
الممرضه : ........
يوسف : متتكلمي ... سكتي ليه .... انا هعرفك شغلك انتي واللي اتفق معاكي أو امرك زي م بتقولي
الممرضه : والنبي يا باشا انا مليش ذنب انا عندي اطفال ابوهم ميت وانا اللي بصرف عليه وبصراحه الفلوس عمتني وخلتني اوافق
يوسف : امممم .... انا مش مصدقك اصلا بس هشوف انتي مين ووراكي ايه .... وانتي فاكره بقا أن الاوضه دي مفيهاش كاميرات .... لا فيها ومتعطلتش زي م نوال فهمتك
الممرضه : هو ... هو انتوا كنتوا عارفين
يوسف : والبوليس في السكه ... واللي انتي قولتيه كله متسجل صوت وصوره
الممرضه بخوف ملحوظ : والله والله انا مليش ذنب والله مليش ذنب
يوسف : ميخصنيش بقااا ....... احترمي المستشفي اللي انتي شغاله فيها
الممرضه : ابوس ايدك والنبي طلعني منها
يوسف : مش هينفع ... انا داخل معرفش انتي مين ... بس اللي اعرفه ان من المستحيل الكاميرات دي تتعطل ... ولو انتي فعلا ممرضه زي م بتقولي هتعرفي ليه
الممرضه : انا ممكن انفذلك اي طلب والله بس سيبني اروح لولادي ... ملهمش حد غيري
يوسف : يعني انتي عايزه تفهميني انك عندك أطفال أيتام وعايزه تربيهم ومش عارفه عشان مش معاكي فلوس فاضطريتي انك تقتلي روح عشان عيالك
الممرضه : اقتل ... لا والله دي قالتلي حقنه حطيها في المحلول بس م قالتليش إن هيا ممكن تموتها
يوسف : اسمك بالكامل ايه
الممرضه : ريهام خالد أبو النجا
يوسف : طيب امشي قدامي
خدها يوسف وخرج من اوضة نور وراح عند اوضه المدير
المدير : يوسف باشا .... الممرضه دي هتترفد انهارده والله
يوسف : أنا مش هسأل غير سؤال واحد بس
المدير : اتفضل يوسف بيه
يوسف : دي ممرضه هنا ؟
المدير : ايوه ... بس هتترفد انهارده
يوسف : من امتى
المدير : من امتي ايه ؟ مش فاهم
يوسف : شغاله هنا من امتى
المدير : من ٤ سنين ... بقالها كتير ... قديمه هنا
يوسف : عندها اطفال!؟
المدير : ايوه عندها ٥ أطفال وجوزها ميت
يوسف : تمام ... هتكلم شغلها عادي ومرتبها يزيد الضعف
المدير : ايه اللي حضرتك بتقوله ده يا يوسف باشا
يوسف : بس بشرط
المدير : اتفضل
يوسف : الموقف اللي اتكرر انهارده ده ميتكررش تاني ... ومتقلقش الزيادات من عندي ... وده اكيد واحسبلي اللي يكفيها ايه ويكفي المستشفي وانا هحاسب على كله
المدير : طبعا ... تحت امرك يا يوسف باشا
يوسف : طبعا كان ليكوا دور كبير معايا .... وده هيتقدر
المدير : ده شرف لينا يا يوسف باشا
يوسف : بس برضو مش هنسالكوا تعطيل كاميرات المراقبه دي لأن بسببها ... بسببها كانت هتروح أغلي واحده عندي
المدير : احنا اسفين يا يوسف باشا ... اوعدك مش هيتكرر تاني
يوسف : هنشوف الكلام ده بعدين .... ووجه كلامه الممرضه ( ريهام) واظن انا كده عملت اللي عليا ... يعني انشاء الله الفتره اللي هتبقي مش موجوده فيها ولادك هيبقوا مبسوطين ... اوعدك أن انا بنفسي اللي هتطمن عليهم
الممرضه : يعني ايه ... انا مش فاهمه
يوسف : انا مش هسيب حق ... حق أغلى انسانه عندي يروح ...يعني انتي هتقضي مدتك في السجن عادي ... اللي غلط لازم يتعاقب ... حتي لو كانت امي
الممرضه : والله العظيم مليش ذنب ... انا اسفه والله اسفه بس سيبني لعيالي
يوسف : متقلقيش عليهم ... هجبلهم داده كويسه اوي وانا واثق فيها مؤقتا علي متخرجي من السجن بس ... وانتي مش هتشتغلي هنا في المستشفي بس مرتبك هيزيد الضعف وبعد أما تخرجي هتلاقي مكانك في المستشفي عادي .... كده انا عداني العيب وازح زي ما بيقولوا ..... واعتبري دي مساعده مني ... مع انك متستاهليش المساعده دي .... واوعدك اللي اشتركوا معاكي في الجريمه دي عقابهم هيبقى وحش اوي
الممرضه : والنبي يا باشا خرجني منها انا مش حمل السجن وبهدلته يا باشا
يوسف : انا مبحبش أعيد كلامي مرتين ... دلوقتي البوليس جاي ياخد الممرضه دي .... ياريت تكون في مكتبك على م يوصلوا
قال يوسف جملته وخرج من مكتبه وهو بيتوعد لنوال دي اللي هو ميعرفش هيا مين لحد دلوقتي بس اللي يعرفه أنه مش هيرحم اي حد فكر يقرب من حبيبته ... ايوه هو اعترف .... خلاص أعترف أن نور حبيبته وأنها أغلى انسانه عنده ومش هيسمح لأي حد مهما كان مين أنه يقرب لحبيبته
خرج يوسف من اوضة المدير بل من المستشفى كلها وكله شر ... شر مش أي حد ممكن يشوفه في شخصية يوسف ... الشخصيه اللي خافيه وراها شرها بس هيا ظاهره للناس بالسخصيه الطيبه العطوفه
يوسف : تيمور , نوال .... نوال بس عايز اعرف تحركات اي واحده اسمها نوال أو اي حد متعلق بواحده اسمها نوال ... فاهم
تيمور : اهدي بس وفهمني ايه اللي حصل تاني
يوسف : اسمع اللي قولت عليه دلوقتي من غير نقاش يا تيمور ... واعرفلي اسمها بالكامل وسنها وسكنها ومين اللي باعتها تأذي نور تاني
تيمور : حاضر ... اهدي بقااا
يوسف : تيمور متقوليش اهدي ... وفي ظرف ساعه بالكتير الاقي كل المعلومات عنها ... فاهم
تيمور : فاهم ... فاهم ... سلام
خلص يوسف مكالمة تليفون واتفاجئ بخالوه ونهال
خالو : نهال قالت انها لازم تيجي معايا
يوسف : انتوا جايين الساعه ٧
خالو : انا منمتش من امبارح عشان اطمن ع ادم و
يوسف : نهال انتي جايه ليه ؟
نهال : انا عرفت اللي حصل لنور
خالو : عمها اتصل عليا وقال إنه هياخدها انهارده
يوسف : يعني ايه ياخدها مني ... محدش هيقدر ياخدها غير على جثتي
نهال : مش قولتلك زمان يا يوسف حافظ عليها ... بس انت اللي مسمعتش الكلام وكابرت ودي النتيجه ... هو عمها وهو اللي جابها يبقى ياخدها وقت م هو عايز
يوسف : لا ... مش هياخدها يا نهال .... مش هسمح لحد في الدنيا أنه ياخدها ... كده تمام .... لو هتشوفوا ادم شوفوه بس للأسف مش هتقدروا تشوفوا نور ... عارفين ليه ... عشان محدش هيقدر يدخلها عشان انا مشدد عليها حراسه ... عارفين ليه برضو .... عشان اتعرضت لمحاولتين قتل .... واللي عمل فيها كده ليه مقبوض عليه من قيمة ساعتين .... وبالنسبه المحاوله التانيه في نفس اليوم .... فدي بقا هعرف مين اللي وراها ومش هرحمه من تحت ايدي
خالو : محاولتين ... ده هو نفسه اللي ضربها بالرصاص
يوسف : اه هو بس انا مرحمتهوش وانشاء الله هيتحكم عليه بمؤبد بقالي ٨ ساعات وانا شغال ع اني انتقم منه والحمد لله انتقمت منه ... وبمساعدة أبوه كمان .... ولسه بيحققوا في القضيه بس انشاء الله هياخد مؤبد كبير ... ومش بس كده ... انا قطعتله أيده ... اللي فكرت بس ترفع المسدس في وش نور ومش هو لوحده هو وصاحبه اللي اتفق معاه ... واوعدكوا أن هو مش هيعيش يوم واحد مرتاح ... يوم واحد بس ... وبالنسبه للمحاوله التانيه ... فأنا متأكد أن اللي عمل كده حد من طرف الزفت اللي اسمه معتز ده ... اعرف بس واتاكد ووالله مهرحمه ثانيه واحده ... هندمه لتاني مره واللي هيا المره الأخيرة
خالو : يعني ايه ... ده كده عمها المفروض ياخدها لأن امانها معاه
يوسف : لا امانها معايا انا مش مع حد تاني
نهال : يا محمد يوسف بيحب نور
خالو : يعني ايه ... دي مخطوبه يبني ... امتى وازاي
يوسف : مش هتتخطب .... خالص .... وهتحبني زي م انا بحبها
خالو : مينفعش يا يوسف ... مينفعش خالص ... ازاي تقول كده لواحده قلبها مع حد تاني ... انت اتجننت ... رد عليا ... ملهاش تفسير غير انك اتجننت
يوسف : فين خطيبها ده .... هاااا ... فين خطيبها قولي ... ميعرفش عنها حاجه
خالو : فين تلفونها ... فين تلفونها بقا ... عشان اكيد رن عليها كتيير .... بس تلفونها مش معاها ... صح
يوسف : لا ... لا ... مش هسمح لحد ياخدها تاني
نهال : قولتلك قبل كده يا يوسف ... وانت اللي كابرت ... استحمل بقاا
يوسف : انا مش قادر اتكلم تاني ... بس عرف عمها أن هو مش هياخدها لو ايه اللي حصل
قال يوسف جملته ومشي من قدامهم وهما دخلوا المستشفى يطمنوا على ادم
_______________________________________________________________________________________________________________________
داليا صحيت من نومها وخرجت بره اوضتها ونزلت تحت بس كان الكل تقريبا راح على جامعته وكان تحت اروي
داليا : ازيك يا اروي
اروي : تمام
داليا : هيا نور لسه مرجعتش
اروي : لا ... بس خالتو نهال وعمو محمد راحوا المستشفى
داليا : ماشي ... شكرا يا قمر
اروي : العفو
داليا : بقولك ... هو الكل راح على جامعته
اروي : اه الكل مشي
داليا : تمام
خرجت داليا من الڤيلا ورنت على نور كتيير اوي بس مبتردش
رنت داليا على نهال عشان تعرف اخبار نور
داليا : الو
نهال : ايوه يا داليا ... في حاجه حصلت
داليا : لا مفيش كله تمام .... انا بس كنت بسأل على نور
نهال : نور ... نور ...
داليا : هيا نور حصلها حاجه ولا ايه
نهال : نور في المستشفي ... ع .. عشان
داليا : هيا نور حصلها ايه ... انا رنيت عليها كتيير اوي وهيا قافله فونها
نهال : نور في المستشفي يا داليا ... مش هينفع تروح
داليا : ليه ... هو فيه ايه ... انا مش فاهمه حاجه
نهال : عشان .... عشان هيا مش كويسه
داليا : ايه ... يعني ايه
نهال : يعني ... انضرب عليها نار من معتز
داليا : ايييييه ... طب .... طب هيا كويسهدلوقتي .... عامله ايه
نهال : الحمد لله كويسه ... روحي انتي بس على جامعتك دلوقتي
داليا : لا مش هروح واسيبها ... والنبي هاتي عنوان المستشفي
نهال : وجودك مش هيفيد بحاجه .... روحي انتي وانا هطمنك عليها يا داليا
داليا : هروح ازاي واسيبها مش هقدر
نهال : معلش .... هيا انشاء الله هتقوم انهارده وهتروح كمان ... روحي انتي بس ... عشان لو جيتي اصلا مش هتعرفي تدخلي
داليا : طب ونبي طمنيني عليها ... اتصلي عليا كل شويه طمنيني
نهال : حاضر ... هكلمك واطمنك
داليا : طب والنبي اديني عنوان المستشفى اروحلها بعد الجامعه
نهال : مش هتعرفي تيجي ولا تدخليلها
داليا : ليه
نهال : كده وخلاص ... روحي بقا على جامعتك
داليا : حاضر ... بس طمنيني عليها كل شويه
نهال : ماشي
داليا : يلا باي
نهال : باي
_______________________________________________________________________________________________________________
يوسف : متأكد
دووم
تيمور : اه متأكد ....
نوال دي تبقي خالة معتز وهيا اللي عملت كده بمساعده ممرضه شغاله في المستشفى اسمها ريهام خالد أبو النجا وواحد تاني شغال في تعطيل كاميرات المراقبة اسمه سعيد أحمد القدوسي بعد لما عرفت أن نور هيا السبب في حبس معتز حبت أنها تنتقم منها عن طريق الاتنين دول وكانت ... كانت عايزه تقتلها عن طريق حقنه صغيره فيها سم بيموت بالبطئ وان هيا كمان في خلافات كبيره مع ابو معتز وخصوصا بعد وفاة مامت معتز وان معتز كان لما بيعوز اي حاجه نوال دي بتحققهاله وعرفت بالليل باللي حصل لمعتز ومستنتش ثواني غير لما قدرت تعرف كل حاجه معتز اتسجن بسببها ولما عرفت المعلومات الكافيه ليها عن طريق واحد اسمه خالد محمود مالك نفذت خططتها بمساعده ممرضه من المستشفي بمبلغ قدره ٢٠ ألف جنيه واللي هيا ريهام خالد أبو النجا والمسؤول عن تعطيل الكاميرات سعيد أحمد القدوسي ولحد دلوقتي هيا متعرفش حاجه عن نجاح أو فشل عمليتها لأنها اتفقت مع خالد محمود مالك ده أن هو يوصلها كل المعلومات الكافيه بعد م سعيد أحمد القدوسي يعطل الكاميرات .... لانه خالد ده اتفق مع سعيد أن أول م سعيد يعطل الكاميرات يعرفه بس سعيد مقدرش يعطل الكاميرات بسبب الحراسات الشديده علي المستشفي والحراس اللي هناك قدروا يمسكوه لحد م اعترف و الحراس اتعمدوا إن هما ينفذوا خطة نوال بعد اما كلموا توفيق وده انا اللي مخليه مسؤول عن المستشفي وتوفيق ده يبقى ابن عمي يا يوسف ولما كلمته قدرت اعرف كل المعلومات دي .... اما بالنسبه لخالد فده وصلتله رنه بأن الكاميرات اتعطلت في المستشفى وكلم نوال قالها تعطيل الكاميرات وهيا أمرت خالد أنه يتصل بريهام واللي هيا الممرضه عشان تنفذ خططتها واللي هيا تحط الحقنه الصغيره دي في المحلول وكمان أمرتها بعد نجاح العمليه إن هيا تتصل عليها تعرفها ولكن لحد دلوقتي موصلهاش رد وده كل اللي حصل واللي قدرت اعرفه .... وعرفت كمان انك قدرت تكتشف الممرضه واللي باعتها بس متعرفش مين نوال دي وعشان كده اتصلت تقولي اجبلك كل المعلومات عنها بس دي مش المعلومات كلها
يوسف : عايز اعرف حياتها كلها اسمها الكامل ... سنها ... قرايبها ... متجوزه ... مطلقه ... أرمله ... عندها ولاد .... معندهاش .... كل حاجه عنها ..... وبالنسبه للي انت بتقول عليهم خالد وسعيد دول ... فإنت عارف شغلك معاهم هيكون ايه ونوال دي بقا اعرف عنها المعلومات اللي انا عايزها وبعدين اتصرف معاها
تيمور : ايوه انا معايا كل المعلومات اللي انت عايزها دي ... ومتقلقش بالنسبه لخالد وسعيد احنا قدرنا نجيبهم هما الاتنين وعرفناهم مقامهم كويس اوي ... ومستني منك اي حاجه تقولها تخص نوال
يوسف : يعني انت عارف وساكت ... طيب يلا قولي بياناتها كلها
تيمور : تمام .... اسمها نوال السيد عبد المعطي القفوشي .... وسنها ٥٣ سنه الأخت الأصغر لمنار واللي هيا كانت معتز ... عندها اخت واحده غير منار ودي اسمها ميار وميار دي عايشه مش ميته .... وبالنسبه لشغلها فهيا شغاله محاميه على قدها كده في مكتب صغير وعندها خبره كبيره في شغل المحاماه ..... وليها زمايل كتير جدا في شغلها هيا محبوبه بينهم .... ومعندهاش ولاد لأنها مطلقه من زمان اوي وتفرغت لشغلها ونسيت جوازها تماما بعد فشل علاقتها الأولي عايشه في ڤيلا لوحدها صغيره شويه في الزمالك وبتخرج دايما مع صحابها واكتر واحد بتخرج معاه يوميا زميلها في الشغل واسمه كمال الشريف ودي حياتها كلها وبتعتبر معتز ابنها اللي بيعوضها عن حرمانها من الإنجاب
يوسف : تمام جدا ... اللي انا عاوزه بقا انك تبيعها كل اللي وراها واللي قدامها والهدوم اللي عليها حتي متبقاش ملكها ومفيش اي حد من قرايبها دول يساعدها واحد بس يا تيمور حتي أختها فاهم
تيمور : فاهم ... فاهم هخلص واديك رنه
يوسف : ماشي
_______________________________________________________________________________________________________________________
راحت داليا جامعتها لوحدها بسبب اللي حصل لنور وادم كمان
حضرت داليا محاضراتها وخلصتها وخرجت بره قاعة المحاضره عشان تروح بس وقفها صوت بينادي عليها : آنسه داليا
لفت داليا تشوف مين اللي بينادي عليها لقته مروان
داليا : نعم ... في حاجه يا دكتور مروان
مروان : لا مفيش ... أنا بس كنت عايز أسألك عن نور ... هيا كويسه بقالها يومين مبتجيش الجامعه وقافله موبايلها وأنا الصراحه عايز أطمن عليها ومش عارف ... مش معايا رقم حد اتصل عليها منه أو حتي اعرف عنوانها وكلمتها بالليل بس تليفونها كان مقفول برضو قولت اشوفها بكره في الجامعه بس مجتش هو فيه حاجه
داليا : هو ... بصراحه
مروان : اتكلمي
داليا : نور تعبانه شويه وهيا في المستشفي دلوقتي من امبارح
مروان : ايه !!
داليا : ايوه امبارح تعبت اوي لما كانت مع ادم في المستشفى وهيا في المستشفي دلوقتي
مروان : طيب ... طيب انا عايز اطمن عليها اعمل ايه ... لو اوصلها ازاي انتي ... انتي تعرفي عنو .. انها
داليا : ايوه بس هيا مش في البيت
مروان : طيب هاتي رقم حد ارن عليها منه عشان اطمنعليها منه
داليا : ممكن رقم خالها
مروان : طيب هاتيه
داليا : ثواني بس مش حافظاه هجيبه من الفون
مروان : خدي راحتك
داليا : اهو الرقم ########### ده هو ده الرقم
مروان : ماشي ... شكرا يا داليا
داليا : العفو .... عن اذنك
مروان : اتفضلي
_______________________________________________________________________________________________________________________
يوسف : عملت ايه
تيمور : حصل ... كله تمام
يوسف : كويس
تيمور : بس بقا يا عم يوسف ساعه بالكتير وهتلاقي خبر إفلاسها في الجرايد والمجلات كلها
يوسف : كويس اوي ... اهم حاجه محدش يساعدها خالص خلي كلاب السكك تنهش في لحمها
تيمور : تمام ... هيا حاليا متملكش جنيه واحد حتى
يوسف : تمام يا تيمور ... اشوف الخبر الحلو في الجرايد امتى بقا
تيمور : هيا ساعة واحده بس
يوسف : كويس ... مش عايز حد في الدنيا ميجبش سيرة اللي حصلها
تيمور : تمام ... حاجه تاني
يوسف : تيمور !
تيمور : ايه
يوسف : هو شغل الشركه انت تعرف عنه حاجه
تيمور : ياااه انت لسه فاكر شغل الشركه
يوسف : هو انت مش مهتم بيه ولا ايه
تيمور : لا متقلقش مهتم بيه جدا كمان ... هترجع تلاقي الشغل احسن من الاول كمان
يوسف : تصدق يا تيمور ... انت بتثبتلي كل يوم انك أجدع واحد انا قابلته في حياتي وصاحب جدع واني مغلطتش لما عينتك في المكانه اللي انت فيها دلوقتي
تيمور : يوسف باشا الكينج بيثبتني يا هووو ... انت بتقولي انا الكلام ده ... يعم ده انت مبتقولش لحد شكرا
يوسف : لا بجد علفكره ... انت جدع ....... اوي كمان
تيمور : ماشي يا عم متشكرين
يوسف : المهم بقا خلص اللي قولتلك عليه ده واوعى تنسي موضوع نسرين
تيمور : منسيتهوش ... ليه هقابلها بس مش دلوقتي
يوسف : ماشي
تيمور : سلام
يوسف : سلام
خلص يوسف مكالمة تليفونه مع تيمور ودخل اوضة نور يطمن عليها
دخل يوسف وكانت نور نايمه زي الملاك نايمه مش حاسه بحاجه خالص حواليها
وهو يوسف واقف مبتسم عادي نور بدأت تفتح عينيها
نور : ا .. ا .. أن ..ا .. ف .. ي .. ن
( انا فين )
يوسف : اهدي يا نور متقلقيش
نور : ا .. ا .. أن .. انا .. ف .. ي .. ن
( انا فين )
يوسف : انتي ... انتي في المستشفى
نور : و .. ا .. ي .. ه .. ايه .. ا ..لل .. ي .. ح ..ص .. ل
( وايه اللي حصل )
يوسف : نور .. ممكن متفكريش في حاجه خالص
نور : ا .. أن .. انا .. ب.. ع .. م .. ل .. ا .. يي .. ه .. هن ..ا
( أنا بعمل ايه هنا )
يوسف : نور اسكتي انتي مش قادره تتكلمي
نور : م .. م .. ا .. ف .. ي .. ن
( ماما فين )
يوسف : نور .. فوقي شويه
نور : م .. ما .. ف .. ي .. ن
( ماما فين )
يوسف : ماما ايه بس يا نور
نور : ا .. ن .. ا .. ع .. ا .. ي .. ز .. ه .. م .. م .. ا
( انا عايزه ماما )
يوسف : أن لازم انده الدكتور يشوفك
خرج يوسف ينادي الدكتور وجاي الدكتور ودخل يشوف نور
دخل الدكتور شاف نور مفتحه عينيها وبتتكلم كلام مش مفهوم شويه بس هو عشان دكتور قدر يفهمها
الدكتور : نور بصيلي
نور : ا .. ن .. ا .. ع .. ا .. ي .. ز .. ه .. م .. م .. ا
( انا عايزه ماما )
الدكتور : طيب بصيلي يا نور
بصتله نور : ا .. ن .. ت .. م .. ي .. ن
( انت مين )
الدكتور : انا الدكتور .. بصي فوقي كده شويه بس
نور : ا .. ن .. ا .. م .. ش .. ف .. ا .. ك .. ر .. ه .. ح .. ا ..ج .. ه .. خ .. ا .. ل .. ص
( انا مش فاكره حاجه خالص )
الدكتور : يعني ايه .. مش فاكره ده يبقى مين
نور : ه .. و .. ا .. ن .. ا .. ع .. ا .. ي .. ز .. ه .. م .. ا .. م .. ا .. ب .. س .. م .. ش .. ف .. ا .. ك .. ر .. ه .. ا .. ي .. ح .. ا .. ج .. ه .. ت .. ا .. ن .. ي
( هو انا عايزه ماما بس مش فاكره حاجه تاني )
الدكتور : يعني مش فاكره حاجه تانيه غير مامتك بس
نور : ا .. ه
( اه )
الدكتور : طب مش عارفه تتكلمي كمان
نور : ا .. ه
( اه )
الدكتور : طب ازاي بقاا انتي متخبطتيش في دماغك
نور : ا .. ن .. ا .. مش .. ف .. ا .. ك .. ر .. ه .. ح .. ا .. ج .. ه .. ل .. ي .. ه
( انا مش فاكره حاجه ليه )
الدكتور : لا ده اكيد ضغط انا هديكي حقنه دلوقتي تقدر تفوقك بعد ١٨ ساعه وتخففلك الضغط ده
يوسف : هو فيه ايه يا دكتور
الدكتور : جالها ضغط عصبي خلاها تنسي حاجات كتير في حياتها ومش فاكره غير الشخص اللي مفتقداه
يوسف : يعني هيا مش فاكره حاجه خالص ... هيا فقدت الذاكره
الدكتور : لا مش فقدان ذاكره حاجه بأشبه من فقدان الذاكره بسبب الضغط العصبي في إن هيا تفكر في الشخص اللي فى دماغها ده ... بس انا هديها حقنه تقدر تخرجها من الحاله اللي هيا فيها ... وانشاء الله هتفوق بعد ١٨ ساعه وهتكون فاكره كل حاجه
يوسف : تمام
الدكتور : عن اذنك هروح اجيب الحقنه وجاي علطول
يوسف : اتفضل
خرج الدكتور يجيب الحقنه ويوسف فضل مع نور
يوسف : نور انتي مش فاكراني
نور : ل .. ا .. ا .. ن .. ت .. م .. ي .. ن
( لا انت مين )
يوسف : الله ... دي فله اوي ... انتي مش فاكراني بجد
نور : ل .. ا
( لا )
يوسف : طيب خدي الحقنه ولينا كلام تاني
نور : ا .. ي .. ه
( ايه )
الدكتور : يلا يا نور عشان تاخدي الحقنه هيا هتوجعك في الأول بس هتروحي بعدها في عالم تاني
نور : ت .. م .. ا .. م
( تمام )
اداها الدكتور الحقنه في المحلول
نور : لااااااااااااااااااااأ
وراحت نور في عالم تاني خالص
الدكتور : كده تمام ... هتصحى فاكره كل حاجه
يوسف : كويس
الدكتور : هيا مش هتفوق دلوقتي خالص ... الحقنه مفعولها ١٨ ساعه
يوسف : ماشي
الدكتور : يستحسن لو فضلت لوحدها
يوسف : ماشي هسيبها لوحدها
الدكتور : تمام .. عن اذنك
خرج الدكتور وخرج وراه يوسف وراح عند نهال وخالوه
يوسف : هو لسه مفاقش
خالو : لا
يوسف جاب ازازه مايه عاديه موجوده في الاوضه
نهال : انت هتعمل ايه
يوسف : هشششش ... ثواني بس
راح يوسف ناحية ادم وكب عليه ازازه الميه
قام ادم مفزوع : اييييه ..... اااااااااااااااااااه
قام ادم بس بطنه وجعته نتيجة ضربه بالسكينه
يوسف : قوم بقااا وفوق عشان اهلك يتطمنوا عليك وتروح معاهم انت بقيت كويس بقااا
ادم : في حد يصحي حد كده
خالو : ادم انت كويس
ادم : الحمد لله يا بابا بقيت كويس
نهال : حمد الله على سلامتك يا ادم يا ابني
ادم : الله يسلمكيا نهال
نهال : ايه شد حيلك بقااا ولا انت مش عايز تروح
ادم : مش عايز اروح ايه ... انتي عارفه انا مبحبش المستشفيات قد ايه
نهال : طب يلا بقا
ادم : يلا
خالو : بس يا نهال سيبيه يرتاح خالص
ادم : لا يا بابا انا بقيت كويس الحمد لله
يوسف : خلاص بقا يا خالو هو ليه صغير ده بقاا شحط اهو
ادم : طالعلك بالظبط ... هااا
نهال : خلاص بقاا ... يلا يا ادم عشان هتروح علطول
ادم : ايوه انا عايز اروح فعلا
يوسف : انتوا هتروحوا وتسيبوا نور
نهال : لا طبعا انا هروح مع ادم عشان اكله واخد بالي منه وبعدين هرجع اشوف نور
يوسف : ماشي براحتكوا
ادم : هيا مالها نور
يوسف : تعبانه شويه بس
ادم : تعبانه ! ازاي
يوسف : هتعرف بعدين
خالو : يوسف ... عم نور جاي دلوقتي عشان ياخدها
يوسف :
يتبع الفصل الرابع والثلاثون اضغط هنا
- الفهرس يحتوي على جميع فصول الرواية كاملة :"رواية نصيبي في الحب" اضغط على اسم الرواية