ِرواية البديلة الدائمة الفصل الثالث 3 بقلم ميدو

 ِرواية البديلة الدائمة الفصل الثالث 3 بقلم ميدو

ِرواية البديلة الدائمة الفصل الثالث

في اليوم التالي توجه شهاب لمنزل ورد في حارة شعبية والتفتت جميع الانظار لسيارته الفخمة نزل بكل اناقة وسأل عن بيت الحجة فاطمة استدل على شقتها وطلع الدور التاني خبط على الباب بهدوء وفتحت ورد واتصدمت

ابتسم على صدمتها وقال مساء الخير

شاف لبسها بمنظر مختلف عن لبسها في الشركة بهدوم البيت وهي لابسة بجامة فضفاضة قديمة وواسعة عليها

وباينة كانها طفلة صغيرة بهدوم كبار وعاملة شعرها ضفرتين طوال لغاية خصرها ابتسم على شكلها وقال وهي متصنمة قدامه ممكن ادخل

اتلبكت وقالت اه اه اتفضل حضرتك

وبعدت عن الباب عشان تفتحلو مجال

دخل بهدوء وهو ببص على شقتهم المتواضعة وبلف بنظره يتفحصها

وكان حامل علبة حلويات

خرجت جدة ورد وشافت شاب وسيم عمره حوالي 30 ولابس هدوم شيك بدلة سودا وقميص تحتهم نفس اللون

ابتسمت وعرفت هو يبقا مين اتفضل يا بني اهلا وسهلا

ابتسم ليها وشاف ملامح الطيبة والوقار بوشها مشي ناحيتها وانحنى بنص جسمه عشان يقرب ليها اهلا بيك يا حجة اتفضلي ابتسمت وقالت ليه الغلبة دي يا بني انت شرفتنا ولفت بنظرها لورد حبيبتي انا حاعملكم الشاي

جريت ورد وقالت لا خليكي انتي يا تيته انا بسرعة كدا احضر الشاي اخدت الحلويات ودخلت واتوجه شهاب هو وماسك ايد الحجة فاطمة بساعدها على المشي لغاية الكنب وقعدها وقعد معاها واتكلمو بالموضوع الي جاي شهاب على شانه اتنهدت بحزن لحالهم الضنا غالي وحزنت اكتر على جد شهاب عشان هي كمان تيته لبنت امورة ولو اتاخرت شوية بتقلق اش حال اختفت

وبعد شرب القهوة ابتدا شهاب يشرح لورد ادق التفاصيل عن دعاء بتحب ايه وبتكره ايه وازاي بتتصرف

وتقوم ورد هي ومتحمسة وتقلد تصرفاتها زي ما بيوصفها شهاب وهو يضحك على حركاتها المبتذلة ويرجع يصححلها وهي تنفخ بصبر وترجع تعيد لغاية ما يعجبه واستمرو وقت طويل وما انتبهوش لغاية ما رن تلفون شهاب برقم جده

اتنهد بتعب وقال ياااه احنا مخدناش بالنا على الوقت فتح الخط واتكلم بحب مع جده القلقان عليه اهلا يا محمد باشا لا اطمن خلاص مسافة السكة يا حبيبي

قام وقف اه على فكرة دعاء بتنده على جدي محمد باشا بردو ماتنسيش وابتسم واعتذر من جدة ورد على قعدته الطويلة وتأخر الوقت ونزل بسرعة

اتنفست ورد براحة هي وبتقفل الباب وراه وراحت قعدت قدام جدتها عارفة يا تيتة انا على قد مانا خايفة انا بردو متشوقة بس الي قلقني في الموضوع شخصية دعاء مختلفة كتير عني هي مدلعة كتير وباين انها انانية ومغرورة وانا ما بحبش لا الغرور ولا التكبر ومانيش انانية ولاحتى بحب الدلع الماسخ الي بتعمله دعاء غير كدا هي واضح انها ماعندهاش حواجز وحدود يعني مستهترة بلبسها ودينها وعلاقاتها بأسم الصداقة

والي واضح اكتر ان مستر شهاب بحبها اوي والي فهمته انها كانت بتستغله لمصالحها الشخصية ايه رأيك يا تيتة

التفت لقت جدتها نايمة زعلت جدا عليها وقومتها وخدتها على سريرها تنام براحة باستها من جبينها

ورجعت هي تكمل دراستها وتحاول تتصرف بطريقة دعاء واسلوبها عشان تتقن الدور كويس وبكدا تكسب الدراسة والتدريب على الشخصية

دخل شهاب مستعجل باس ايد جده وراسه ايه يا جدي انا بقيت راجل لسا بتقلق عليا زي العيل

ابتسم جده بوهن وقال من حقي يا حبيبي انا بعد اختفاء حفيدتي ماعادش ليا غيرك انت الي طلعت بيك من الدنيا بعد الله يرحمهم والدك وعمك واهي حتى بنته اختفت بقا ماتزعلش مني عشان بخاف عليك

ربت شهاب على ايد جده بحنان

انا بهزر يا جدي دا انت لو مقلقتش عليا ازعل وقول جدي حبيبي ماعادش بحبني

بعدين ليه ياجدي ما كلتش انت بكده ما شربتش الدوا كمان لا انا كده ازعل

نده بصوته على ست كبيرة دادا عزيزة

جت الدادا عزيزة اهلا يا بني ليه اتاخرت كدا يصح بردو تقلقنا عليك وجدك ومامتك رفضو ياكلو من غيرك

اتنهد شهاب وقال معلش يا دادا حقكو عليا خلاص خليهم يحضرو العشا لاني ميت من الجوع وهو طبعا بيكدب لان اكل سندوتش جبنة وعسل من ايد ورد

ابتسم بفرحة للي جاي وسأل جدو هي عمتي وجوزها ونيفين فين

لوى الرجل العجوز شفايفه اهو طفح الحيزبون الاكل ما تخافش عليه ما رضيش يستنا و فضلت عمتك سمر ونيفين ونادية دلوقت ينزلو يتعشو معانا هز شهاب راسه وقال معلش يا جدي مصير كل شي يتصلح ما تخافش وتاني مرة اتعشا ما تقلقنيش على صحتك اوعدني يا محمد باشا

ابتسم جده بحنان ليه اوعدك يا حبيبي وانت اوعدني ما تتاخرش تاني

وبعد العشا قاعدين بيشربو القهوة ونظرات نيفين المفضوحة لعشقها لشهاب وهو مش مهتم

اتكلم مع نادية والدته ماما في موضوع كدا عايز اخد رأيك فيه بس مش دلوقت لأني تعبان جداً بكرى نخرج سوا واحكيلك ابتسمت نادية وفي نفسها يارب ياحبيبي يكون الي في بالي وافرح بيك يا ضنيا دانت حاتعدي التلاتين و نفسي اشوف عيالك

و راح كل واحد لأوضته وشهاب مسك جده ووداه على اوضته اطمن ان خد الدوا ونيمه وراح لاوضته ياخد شاور ويرتاح وهو فعلا نفسيته مرتاحة خالص للي بخطط ليه

صباحاً وصلت رسالة لتلفون شهاب فتح عيونه مستغرب مين الي ممكن يراسله من غير اتصال واتفاجئ باسم ورد فتح الرسالة بسرعة

وضحك من قلبه وهي كاتبة الرسالة باسلوب دعاء المدلع

بتصبح عليه وبتطلب يتقابلو فمكان غير البيت عشان اهل الحتة وعشان جدتها

وقف واتوجه للحمام وبفكر بالفعل هي عندها حق بس فين لازم نتقابل واكيد لازم في وقت مش متاخر عشان رجعتها اتنهد وقال ربنا يحلها هي بينها ذكية وحاتاخد الشخصية في وقت قليل والباقي تتدرب عليه هي وفي قلب القصر

ابتسم لما افتكر حركاتها وقال ربنا يستر حوالي العصر التقى شهاب بيها بشقة صاحبه عمر من ايام الطفولة وزوجته

وهي انسانة طيبة وعارفة قصة شهاب كلها ومتعاطفة معاه واتأقلمت بسرعة مع ورد الطيبة بعكس دعاء الي كانت مابطقهاش لجل تكبرها ودلعها وياما اتخنقت مع عمر لانها كانت مش بتستريح لنظرات دعاء لعمر

وبقلب التدريب على الدور استراحت ورد بعد تمارين شاقة بطريقة المشي والحركات عشان تكسب قوام زي دعاء الي كان كل همها جسمها ولياقتها

ووجود عليا مرات عمر ساعد ورد بوصف دعاء والاشياء الخاصة باريحية اكتر من شهاب الي كان متحفظ بيها مع ورد ...

شربت ورد القهوة وبصت للساعة في ايدها ياااه انا تأخرت قوي استاذن انا بقا

وقف شهاب وعمر وعليا وقال شهاب استني انا حاوصلك بطريقي

التفت عليه لا متشكرة حضرتك انا متعودة مسك ايدها وسحبها معاه وهي بصتله بحدة

ابتسم وقال اهو دا فشل ذريع اصل دعاء هي الي كانت بتشبط بيا وتمسكني ثم اكمل باستهزاء معلش من بعد اذنك عايزك تستحملي مسكة ايدي استحملي قربي عشان الدور مش اكتر

اومات بالموافقة

وكادت ان تذهب استني انا عايز اوصلك وعايز اديكي بطريقنا لبيتك اول درس سواقة فتحت عينيها جامد وليه بقا ان شاء الله

عبس وشه وقلها ما انا قلتلك ان دعاء بتسوق كويس وبتحب العربيات وكل سنة بجبلها احدث موديل يبقى ازاي انتي مش حاتسوقي عربية ولو حد قلك سوقي مش حا تعرفي احنا لازم مننساش اي تفصيل لاني زي مقلتلك العيون حاتكون كتيرة عليكي وبيستنو غلطة وحدة

هزت براسها ومشيت وقالت تمام كده عن اذنكم مشيت قبله وبقلب العربية ابتدا اول درس ليها يعرفها عن قطع العربية واستخدمها ومانسيش يشغل اغنية اجنبية

ورد بزهق ارجوك يا ريت توطي الصوت انا مش متعودة قالها وهو بيرفع صوته هي ما بتعرفش تسوق ولا تقعد الا كده

نفخت بضجر وسدت ودنها

ضحك جامد ووطى الصوت وقال شايف انك زهئتي بسرعة

ردت بانفعال طيب حااتفق معاك اتفاق

قال ماشي اتكلمي ونشوف

هي دعاء بقالها قد ايه مختفية سنتين مش كدة

هز راسه وقال ايوا

ابتسمت وقالت وهي بتصفق تمام كدة السنتين دول اكيد كل انسان بتتغير عادات في طباعه واكيد دعاء ماكانتش عايشة العيشة الي كانت عايشاها قبل ما تختفي ابتسم وقال ايوا ايوا كملي اما نشوف

زمت شفايفها وقالت خلاص كدة ارجوك بقا تخف عليا شوية من عادات الانسة دعاء يعني اقصد ان هيا ولنفرض عايشة عيشة بسيطة دلوقت اكيد طريقتها ومعاملتها حاتكون اتغيرت وبقت هادية ايه رايك

قال هو و بفكر عندك حق معناها خطتنا كلها يتعدل عليها

ابتسمت بانتصار وقالت ينصر دينك يا شيخ واهم عادة هي الصوت العالي للمسجل والاغاني الاجنبي وطريقة لبسها ودلعها ولمس ايديها لايديك او اين كان ماتحبكهاش بقى

ضحك من قلبه وهو بشوف بتغير دعاء كلها برفضها لطريقة حياة دعاء واستنكارها ليها وصفن بنفسه قد ايه كان اعمى عن اخطاء دعاء واستهتارها وان الفلوس احيانا بتفسد الاخلاق

وصلت ورد قبل حتتهم وقالت ياريت توقف هنا وانا حاكمل اصل مش هاينفع انزل من عربيتك قدام اهل الحتة

وبالفعل وقف و نزلت ورد سلمت ومشيت وهو فضل واقف بيراقب تحركاتها دخلت لمحل وجبات سريعة وخدت عشا

انصدم و خبط على دماغه وقت افتكر قد ايه قليل ذوق مش كفاية سايبة جدتها وماعزمش عليها على الاكل ولا حاول يجبلها هو

رجع قال بنفسه هي ها تاخد مبلغ مش قليل وانا مالي بيها هي بتشتغل عندي بس بردو انا غلطان دي حتى ساعة غدا وراحة ما ديتهاش طيب هي ليه ما تكلمتش

وشوية وسمع رنة تلفونه وشاف اسم عمر

عمر بلهفة يا بني ادم انت ازاي تخلي ورد تقعد الوقت دا من غير اكل

انت ازاي منبهتنيش ان البنت الغلبانة من غير اكل

رد شهاب بعبوس وانت عرفت ازاي

رد عمر اصلها قالت لعليا بوشوشة انها اتاخرت على جدتها عشان الاكل والدوا

وهي طبعاً ما كلتش حاجة واحنا قاعدين بنتفرج عليكم وبنضحك

اتكلم شهاب وقال ما انا شفتها وهي بتشتري عشا وزعلت جدا انا كل الي كان هممني انها تتعلم بسرعة خلاص ولا يهمك بكرى مش حا اخرها وحجبلها العشا بنفسي يلا دلوقتي سلام يا صاحبي

وتوجه للبيت وفي عقله افكار كثيرة وخطط حايحبكها من دلوقت ويهيأ الامر ليصبح وجود ورد طبيعي

ابتسم بداخله

وقال اخيراً حاأقدر احل لغز غيابك يا دعاء وديني وما اعبد لو اكتشفت ان في حد لعب بينا وكان سبب اختفاءك بسببه مش حارحمه انا حاابيدو

وصل للقصر وقبل ما ينزل عمل اتصال مهم وادى تعليمات واخد تعليمات ونزل ليبدا اول خطوات قدوم ورد للعيلة

دخل وشاف العيلة كلها متجمعة وخصوصي عدوه اللدود جوز عمته الي هو متيقن ان له دور فغياب حبيبة قلبه دعاء ابتسم للي بخطط ليه ودخل مبتسم رمى السلام على الكل وقعد جنب جده بعد ماباس راسه وقال بصوت واضح جدي ماما عندي ليكم اخبار حلوة ابتسم الجد محمد وقال بلهفة اي هية الاخبار

سكت شهاب شوية بعدين قال بصوت قوي انا قدرت اوصل لخيط يدلنا على دعاء بنت عمي والمرة دي الاخبار اكيدة وشوية وقت حاطمنك عليها ومش بعيد اجيبهالك لحد عندك

دمعت عيون الجد وقال باشتياق ياريت يا شهاب ياريت اتا نفسي اشوفها واطمن عليها قبل ما

سكته شهاب بحدة بعد الشر عنك يا حبيبي ان شاء الله تشوفها وتملي عينك منها وتجوزها بايدك كمان وقبل كل حاجة تروح تتعالج عشان تقدر ترقص بفرحنا

ضحك الجد وقال يارب يسمع منك ربنا يا ابني انا كل الي اتمناه اشوفكم بخير ومرتاحين حوليا

ابتسم شهاب لأمه الي عينيها دمعت ايه رأيك يا ست الكل

ونظر شهاب بلمحة خاطفة للوجوه الي تسمرت وبتسمع باهتمام وشاف التجهم عليهم رفع عنيه لعمته ها ايه رايك يا عمتي بالمفاجئة دي

لوت بوقها بامتعاض وقالت احلا خبر سمعته ودي بقا ان شاء الله مين دلك ع مكانها وعرفت ازاي هي فين

ضحك جوز عمته لان حاسس ان الحكاية كلها كدب من شهاب عشان يستفزهم

وقال كويس جداً ادينا بنستنا تشرفنا هنا الست دعاء ونعرف ايه حكايتها بس بداخله اتخض يكون شهاب بالفعل قدر يوصلها

اما بنت عمته نيفين قامت واقفة وقالت اما نشوف ست الحسن كانت مختفية فين السنتين دول

وقف شهاب بعصبية وقال انتي قصدك ايه ممكن افهم

هزت رجلها جامد وهي متخصرة وقالت يعني انت حاترضى تتجوزها بعد ما سابتك زمان وتربط اسمك باسمها دي مش بعيد تكون متجوزة

نهرتها امها بعصبية نيفين اسكتي مالكيش دعوة هما احرار قامت من مكانها ومشيت لجناحهم وقبل ما تبعد قالت بس انا مش حا صدق قبل ما شوفها بعينيا ماكانش في داعي تفرح بابا قبل ما تتاكد كملت طلوع للسلم ووراها نيفين وجوزها وراهم والف سؤال بيدور بدماغه

التفت شهاب لجده وقال بلهجة تطمنه ما تخافش يا جدي كل حاجة تمام وقريب جدا دعاء حاتنور حياتنا من تاني

وفضلو يتكلمو بمواضيع كتيرة بخصوص الشغل ورجوع دعاء

والجد الابتسامة مش مفرقة وشه وشهاب سعيد عشانه بس قلقان من العقارب وبنفسه يطردهم من القصر عشان ما ينبشوش بقصة دعاء بس كمان هما لازم يفضلو هنا عشان يراقبهم ويعرف اذا لهم دخل باختفاء دعاء

دخل اوضته عشان يرتاح بعد ما نيم جده واطمن عليه وشدد الحراسة من قبل الممرض المداوم عندهم للعناية والاهتمام بصحة جده وبعد ما اتكلم مع والدته عن ظهور دعاء وكان حايقول الحقيقة بس خاف امه تغلط فاتكتم عن الموضوع كله اترمى على السرير زفر بضيق وقال ما هو لازم بعد ردة فعلهم ابقا محتاط لكل حاجة حتى انا لازم اخاف على نفسي

في الصباح نزل شهاب لقى الكل متجمعين ونازلين نخر بجده ان دا ملعوب واكيد وحدة عايزة تنتحل شخصية دعاء وما وقفوش عن الكلام بعد ماشافو شهاب لانهم قربو يقنعو الجد

وقف شهاب بثقة وقال بصوته الرخيم و العالي طيب ممكن اعرف ايه الثقة دي ان الي جبت معلومات عنها مش دعاء تكنوش عارفين مكانها وسبب اختفائها

اتبلكمت عمته سمر ومعرفتش تجاوب عشان عشان مش معقول تظهر فجأة كدا

رد شهاب اها وليه مش معقول هو انتي مستغربة ليه انها تظهر

وقف جوز عمته امين بغضب وقال عندك يا شهاب انتى حاتجي على عمتك المسكينة تفرض سيطرتك ومش محترم جوزها ولا جدك

ضحك شهاب باستهزاء وقال اخص عليك يا عمي امين لي انا قولت ايه انا بكرر وبعيد السؤال ليك انت عشان ما قدرش اتجرأ افرض راي وسيطرتي عليك اتكلم انت بقا وقلي ايه الي مخليكم متاكدين انها مش دعاء ولا لانكم عارفين سبب اختفائها ومتأكدين انها مش ممكن ترجع

اتصنم امين وقال بارتباك احنا مش بنأكد لكن بنفتح عيون الحج محمد لتكونش نصابة

ابتسم شهاب وقال لا اطمن انا مش حجيبها غير لما اطمن انها دعاء بنت عمي وخطيبتي وبص لنيفين لقاها باصالو بحقد وابتسامة شماته واضحة على وشها

ابتسم هو كمان ومشي لجهت جده باس راسه وسحبه قدام طاولة الاكل وقعد جنبه وهو شايف نظرة الحزن رجعت لجده سب وشتم بقلبه على التعابين الي ملتفين حولين جده وناوي يوقفهم عند حدهم بس اما تكمل الخطة بتاعته وحاطت كل امله بورد تعرف تمثل دورها كويس وبعد الفطار راح للشركة وموصي الممرض ما حدش يأكل جده ولا يقرب عليه لانه مش مطمن

خرج وركب العربية اتصل بعمر وقله اليوم مش جايين انا وورد انا حاخدها على مطعم من الي كانت بتتردد عليهم دعاء ولازم اعرفها هي كانت بتحب ايه من اكل المطاعم احسب حسابك حا نتغدا برا وانتو معانا وقبل كل دا انت الي تجيب ورد عشان انا خايف اني اتراقب لاني اعلنت عن ظهور دعاء

خبط عمر على دماغه اي اي ع الصبح انت ما بتزهاش من الاوامر ع الصبح كدا براحة ووحدة وحدة

اولا ليه اروح انا ومرتي معاكم

ثانيا انت ليه اعلنت عن ظهور دعاء مش بدري على دا

ثالثا ودا الاهم حاتستفيد ايه من الخروجة كلها انت تقولها على اسم المطاعم والاكل وخلصنا

قاطعه شهاب يا متخلف انت لازم تكون عشان ورد مش حاترضى نكون لوحدينا مع انها لازم تاخد على كدا قدام العيلة

ثانيا

اعلنت عن ظهورها عشان الي خطفها اول مرة لازم يبدأ يتحرك وانا زي ما انت عارف انا موزع مراقبة للكل واكيد لازم يبداو يتحركو وكنت عايز اشوف رد فعلهم على الخبر ووصلت للي انا عايزه و شددت المراقبة على جدي لاني كمان خايف عليه ثالثا المطعم ليه انا عايزها تتصرف بالمطعم على ارض الواقع كاول تجربة ليها وبعيد عن عيونهم عشان هي تدخل بجد في الدور فهمت بقا ولا ارجع واشرح

يلا سلام يا صاحبي اشوفك بعد شوية

واتوجه للشركة والتصميم بزيد عنده

يتبع الفصل التالي:اضغط هنا

• الفهرس يحتوي على جميع فصول الرواية كاملة: "رواية البديلة الدائمة " اضغط على أسم الرواية

⁠