رواية الحامي الوسيم الفصل الثالث بقلم ملك أسامة
رواية الحامي الوسيم الفصل الثالث
سيدرا كانت هتصرخ لكن مالك منعها و كتم بوقها..
مالك: أهدي هشيل أيدي و متصرخيش هما مش هيفهموني أنتي بس اللي هتفهميني أشيل؟؟
سيدرا هزت رأسها و هو شال إيده
سيدرا: يعني أنا مصاصه دماء فعلآ ولا إيه فهمني
مالك: تعالي معايا
سيدرا:فين
مالك:هعرفك كل حاجه
سيدرا: بس ماما أو حد ممكن ييجي
مالك: هرجعك قبل ما ييجوا هنا يلا تعالي
سيدرا حطت إيدها في إيد مالك و هو شدها نحيته و غمض عينه و هي عملت زيه فتحت عينها لاقت نفسها قدام بحر
سيدرا: إيه دا
مالك: ممكن تقعدي أفهمك ولا لا
سيدرا: طيب إحنا فين
مالك: بصي حواليكي هتعرفي
سيدرا بصت حواليها و معرفتش
سيدرا: فين برضو؟؟
مالك: واضح إنك مجتيش أسكندرية قبل كدا
سيدرا: قول من الأول إن دي أسكندرية
مالك بدأ يقلدها: قول من الأول إن دي أسكندرية
سيدرا: ماااالك متعصبنيش و فهمني
مالك قعد قدام البحر و بدأ يتكلم
والدتك كانت في أسكندرية و قابلت والدك هنا زي ما قولتلك هو بشري حبوا بعض و هي كانت خايفه عشان هي مصاصه دماء أعترفتله و هو أتمسك بيها أكتر و مرداش يسيبها هي بعدت عن المصاصين و أتجوزته و خلفتك ملكه المصاصين اللي هي سيدرا كانت بتحميهم و أمرتهم أنهم يسموكي سيدرا زيها و انتي عندك 14سنه أمرت والدتك تسيبك لكن والدتك رفضت رفض تام و والدك كمان لكن هي قالت إن دا الصح و إن دا اللي لازم يتعمل و فعلآ سابوكي و أنتي كل دا عايشه تحت حمايتها لكن أهلك في السنوات الأخيرة بعدوا عن حمايتها و عصوا اوامرها و مختفيين بقالهم كتير و هي خايفه عليكي ليظهروا و هيكونوا خطر عليكي
سيدرا: أنا دماغي عملت ايرور
مالك: طيب تعالي نتفسح شوية و بعد كدا أكملك
سيدرا قامت معاهم و بدأوا بتفسحوا و آخر النهار راحوا أتعشوا في مطعم
سيدرا: كمل بقي
مالك: و هما ممكن يكونوا خطر عليكي عشان يعني أنتي اه مصاصه دماء لكن دمك بشري
سيدرا:و لو عايزة دمي يبقي زيكوا
مالك:مينفعش إحنا مش عارفين لو دمك بقي زينا إيه اللي هيحصل ممكن تموتي
سيدرا:أهلي خطر عليا إزاي
مالك:والدتك ممكن تحاول تخلي دمك زينا و دا شئ إحنا مش عارفين نتيجته
سيدرا:لا بقولك إيه أنا دماغي مش هتتحمل كل دا أنا اللي فهمته إنك زي الحارس الشخصي كدا يعني
مالك:بالظبط هبقي معاكي دايما
سيدرا:دا إزاي و بابا و ماما هيقولوا إيه
مالك:لا ما أنا عامل حسابي
سيدرا:حساب إيه بالظبط هتفضل معايا دايما إزاي؟؟؟
مالك بثقه:هتجوزك
تمت رواية كاملة عبر مدونة دليل الروايات
- الفهرس يحتوي على جميع فصول الرواية كاملة :"رواية الحامي الوسيم" اضغط على اسم الرواية