رواية أحببتك لأنك حلالي الفصل الثالث بقلم أشجان
رواية أحببتك لأنك حلالي الفصل الثالث
ف منزل حورية :
تجلس شاردة ف حال ابتها التى ترفض الزواج منذ نجاحها ف الصف الثالث الثانوى عندما تقدم اليها الكثير ولكنها رفضت بحجة الدراسة وكانوا جميعا معها ف قرارها فدراستها اهم من الزواج ف هذا الوقت ولكنها الان اقتربت على الانتهاء من دراستها ومازالت ترفض يالله اسعدها وارح قلبها فاقت من شروها على يد زوجها وهى تربت على كتفها
احمد : الجميل سرحان ف اى كدا بس.. وحدى الله
عفاف : لا اله الا الله
احمد : فيكي اى بقا يا ست الكل اى اللى قالب حالك كدا وواخد عقلك واخدك منى
عفاف بدموع : حورية يا احمد
احمد : مالها بس
عفاف ببكاء : انت مش شايف على طول تحاول تسعد اللى حواليها وتضحك بس الله اعلم جواها اى انا عارفة بنتى كويس هتفضل لحد امتى تضحى بنفسها وسعادتها عشان الكل كدا رافضة الجواز ومش بتخرج ولا عايشة زي البنات
احمد وهو يجلس بجوارها ويحتضنها : بصي يا حبيبتى اولا كدا احنا نحمد ربنا ان بنتنا مش زى باقى البنات بتوع اليومين دول ربنا يحفظها ويثبت خطاها وينور بصيرتها ويقدرها دايما على فعل الخير
ثانيا هى مش حابسة نفسها ولا حاجة هى بس بتحب البيت مش اكتر وبعدين هى بتعمل كل اللى بتحبه بتقرأ وتألف وبتساعدك ف البيت ف الاجازة وبتنزل تتعلم ف الدين اكتر وبتاخد بإيد اى حد جديد ف طريق ربنا هى بتعمل اللى بتشوف نفسها فيه مش لازم تخرج وتتنطط عشان تبقى مبسوطة يعنى ماهى مبسوطة لما بتعمل اللى بتحبه
ثالثا بقا الجواز ده قسمة ونصيب ورزق من رب العباد بنتك مش ينفع تتجوز اى حد وانا متأكد وواثق ان ربنا شايل لها نصيب حلو جدا خاص بيها هى هيقدرها ويسعدها بنتك مش بتغضب ربنا عشان كدا ربنا يراضيها وموضوع انها رافضة الجواز ده عشان هى بتحب دراستها مش اكتر مش تقلقي يا ست الكل
عفاف : ونعم بالله يارب اسعدهم جميعا وفرح قلوبنا بيهم
احمد : اللهم امين يارب العالمين.. هه لسة هتعيطي بقا وتصدعيني كدا لا بقا مش ينفع دا حتى النهاردة اجازة يا فوفتى
عفاف : هههههههههههههه انتى لسة هتدلعنى يا ابو العيال ولا اى
احمد : ههههههههههههههه ماشي يا ام العيال .. اه طبعا هفضل ادلعك لاخر يوم ف عمري وانا ليا مين غيركم ف الدنيا يا ست الحبايب
عفاف : ربنا يديك الصحة وطول العمر وتفرح بعيالك وعيال عيالك كمان يا جدو
احمد : ماشي يا تيتا .. هتكونى احلى تيتا ف الدنيا والله
عفاف : عشان انا مرات احلى جدو ف الدنيا
احمد مقبلا رأسها: ربنا يديم وجودك ف حياتى يا ست الكل
عفاف : ولا يحرمنى منك يا حبيبي .. أنا هقوم اعمل كوبايتين شاى قبل ما تتوضى وتجهز عشان صلاة الجمعة
احمد : تسلملي ايدك يا حبيبتى
انصرفت عفاف الى المطبخ وشرد احمد ف حديث زوجته وتفكيرها صحيح انه قام بإقناعها ولكنه حقا قلقلا على ابنته فقرر ان يتحدث معها ......
*************
ف منزل مالك :
شرح محمد لزوجته ما فعله ابنه مع تلك المسكينة ليدخل السرور الى قلبها كان يتحدث بنبرة تحمل كل معانى السعادة والفخر
ليلي : يعنى مش هنعرف نتكلم معاه النهاردة ولا اى انا عاوزة افرح بيه وبعياله يا محمد
محمد : ان شاء الله هنفرح بيه وبعياله كمان بس لما ربنا يأذن بكدا ماشي يا ام مالك
ليلي : ان شاء الله ربنا يرزقه ببنت الحلال اللى تسعده وتعوض صبره خير وتكون الزوجة الصالحة دنيا واخرة يارب
محمد: اللهم امين يارب العالمين .. انا هقوم بقا اجهز عشان صلاة الجمعة مش هنعرف نرجع بعد الصلاة هبقى ابعت لك البنات ياخدوكى تكونى جنب ام العروسة لانهم مش لهم حد
ليلي : من عنيا هصلي العصر واستناكم
محمد: لا تعالى صلي العصر هناك انا هتصل بيكي تجهزى وابعت لك البنات
ليلي : ماشي يا حبيبى ربنا يتقبل مننا جميعا يارب ويقدرنا على فعل الخير
محمد:اللهم امين يارب العاملين
*****************
عند مالك :
أخذ الشباب وانطلق الى استديو للانشاد الدينى والافراح الاسلامية وطب منهم فرقة انشاد لكتب الكتاب وكانت مفاجأة للجميع نظر اليه كل من عبدالرحمن وشريف بفخر واعجاب وسعادة
مالك : انتم بتبصوا كدا ليه
عبدالرحمن بمزاح : معجب يا عم
مالك يجاريه : للاسف انا شاب والله مش هينفع اديك رقم بابا
انفجر الشباب على مزاح مالك ثم تابع عبدالرحمن : ربنا يجازيك خير ويجعله ف ميزان حسناتك
مالك : انت خايب ف الضمائر ليه يا سى عبدالرحمن
عبدالرحمن بصدمة : انت جبت الكلمة دى منين
مالك باستغراب : كلمة اى
عبدالرحمن : انت خايب ف الضمائر دى
مالك : اصل المفروض تقول ربنا يجازينا خير ويجعله ف ميزان حسانتنا لانكم معايا شركا ف الثواب ده ... ليه ؟
عبدالرحمن: اصلها كلمة حورية اختى بردو ف المواقف اللى زي دى بتحب تشركنا ف اى خير تعمله .. حقيقي انتم متشابهين
مالك مغيرا الموضوع حتى لا تشغل تفكيره : طيب يلا عشان نلحق الصلاة ولا اى لسة بعد الخطبة هنعمل شوية حاجات يلا بسرعة
ثم انطلقوا الى المسجد بعدما اتفقوا مع فرقة الانشاد على الموعد
************
ف منزل هنا :
وصلت الفتايات الي المنزل فتحت لهم هنا بسعادة بالغة تختضن حرية بفرحة وكذلك كل من يمنى وفاطمة ولكن كان لحورية الجزء الاكبر
يمنى بمزاح : الله الله بقا كدا يا ست هنا اشمعنا بقا حور اللى بتحبيها اكتر
هنا : والله كلكم معزة واحدة عندى انتم اخواتى بجد انا لو ليا اخوات مش هيكونوا معايا كدا .. بس بالامانة حور ليها معزة خاصة على قلبي لانها هى اللى عرفتنى طريق ربنا ووضحت لى الصح من الغلط
حورية : كلنا بنغلط محدش مننا معصوم من الغلط احنا مجرد بشر نغلط علشان نتعلم ونتعلم من اخطاء اللى حوالينا بس لما نرجع لربنا ونتوب نتوب بجد عن غلطنا ربنا غفور رحيم بعباده والله مهما كان غلطك ومهما عملت ارجعوا لربنا لانه احن علينا من الام بوليدها وانه اقرب الينا من حبل الوريد ربنا مطلع علينا ف كل لحظة وطالما لسة عايشين يبقى لينا فرصة للتوبة ربنا بيغفر اى ذنب مهما كان الا الشرك به وبيستر عيوبنا عن اللى حوالينا لانه الستير بيكتب لنا الخير مهما كان وله حكمة ف كل شئ بيحصل لنا بس نرضى بما كتبه لانه هيرضينا بجد باللى فيه لينا الخير .. حبيبتى يا هنا انا مش عملت حاجة كل اللى فيها انى وجهتك كان ممكن تعرضي عن نصيحتى بس انتى شغلتى العقل اللى ربنا ميزنا بيه واستوعبتى الكلام وطبقتى الصح وشوفتى ربنا رضاكى ازاى لما رضيتي بحكمته وقضاؤه ربنا يرضيكي ويراضيكي ويسعد كل ايامك يارب يا حبيبتى
هنا : انتى الحاجة الحلوة اللى طلعت بيها من اللى فات والله ربنا يديم وجودك ف حياتى
حورية بمكر : والله انا بس اللى من اللى فات
هنا بخجل : بس بقا يا حور هزعلك والله
حور بمزاح صعيدي :وااه وااه يا ابوى جلبي الصغير لا يتحمل جسوتك عليا يا هنا بجا اكده يا هنا عهون عليكي هتزعليني يا هنا ماشي عاد اجطعى حديتك ويايا هه
انفجرت البنات ضحكا على مزاح حور حتى اتت والدة هنا على الصوت
منى : منورين يا بنات والله عقبال فرحكم كلكم كدا
حورية : ده نورك يا ست الكل عقبال ما نجيلك وانتى طالعة لبيت الله الحرام اللهم امين
منى : ربنا يرضيكي يا بنتى والله انتى نعمة دخلت حياتنا نورتها ربنا يسعد ايامك يارب ويرزقك بالانسان اللى يقدرك حورية غصبت ابتسامة مغيرة الموضوع : هنا تعالى معايا عوزاكى ف حاجة وانتم يا بنات شوفوا البيت محتاج اى مع طنط وانا مع هنا جوا لو احتاجتم حاجة نادوا عليا
يمنى وفاطمة بمزاح ليغيروا من مزاجها : تمام يا افندم اى أوامر تانية
ضحك الجميع على المزحةوانطلقت كل منهما ف عمل مختلف
ف غرفة هنا :
حورية : هنا يا حبيبتى احنا لوحدنا وانا زى اختك صح
هنا : انتى بتقولى اى انتى اختى فعلا
حورية: هنتكلم بكل صراحة ماشي النهاردة بداية جديدة لحياتك
هنا : ماشي انتى قلقتيني
حورية : لا والله مفيش حاجة خالص خير ان شاء الله
هنا : ان شاء الله يلا يا ست كلى اذان صاغية
حورية : هنا انتى مبسوطة
هنا : انا مش مبسوطة يا حور .. انا طايرة من الفرحة .. فاكرة كلمتك اللى قولتيها ليا "عوض ربنا جميل بس نصبر ونحتسب "
حورية : ربنا يسعد ايامك يارب يا حبيبتى ابدأى صفحة جديدة ببداية جديدة بداية برضا ربنا وطاعته اهم من اى حاجة
هنا : الحمد لله انا بس قلقانة على ماما عشان لوحدها
حورية : بصي النهاردة مجرد كتب كتاب مش جواز قدامك بتاع شهر كدا على الفرح ويا ستى انتى مش هتطيري يعنى دى كلها 10 دقايق بينكم واحنا مش هنسيبها لوحدها مش تقلقي افرحى وفرحيها
هنا : انتى مش تعرفى انا بحس بايه لما بتكلم معاكى انا بحبك جداااا يا حور والله ربنا يجازيكي ويعوضك خير
حورية : طيب بقا اسمعى الكلمتين دول انتى النهاردة هتكونى زوجة لحبيبك اللى طلبتيه من ربنا كتير حياتك هتكون مش ليكي لوحدك هيكون لحياتك شريك فيها ربنا امرك بطاعته ف المعروف تكونى الست الاصيلة اللى معاه ف شدته قبل فرحه معاه على الحلوة والمرة مسؤليتك مش تكمن ف انك تكونى زوجة كل همها طبخ وتنضيف وهو مسؤليته شغل وتعب لا بالعكس كل حاجة بينكم تكون شركة هو هيتعب ويشتغل عشانك انتى وعشان يسعدك ويوفر لك احتياجاتك يبقى مش تيجي عليه وتزعليه وهو كذلك اللى يحافظ عليكي من نفسه يبقى شاريكي وهيحافظ عليكي حلوا أموركم بالمعروف واياكى وسر بيتك يطلع برا بيتكم ليكم انتم اتصرفوا لا تدخلى مامتك ولا هو يدخل اهله كونوا سند لبعض واوعى ف يوم تنامى وانتى مزعلاه منك لان ربنا هيكون غضبان عليكي والملائكة بتلعنك طول الليل عيشوا حياتكم ف رضا الله طول ما انتم بتسعوا لرضا ربنا صدقيني ربنا هيراضيكم ومش تيجي على نفسك عشان حاجة اعملى الحاجة بطيب خاطر صدقيني هشيلهالك على راسه خلوا علاقتكم اساسها الثقة والاحترام والتفاهم والحب كله مع بعضه مش حاجة منهم والتانية لا والحياة هتكون حلوة وجميلة بس ربنا بيعطينا اختبارات كدا يشوف صبرنا وتحملنا يبقى نطلع من الاختبار اقوى واحنا ماسكين ف ايد بعض واياكى ووسوسة الشيطان لان احب حاجة ليه التفرقة بين الزوج وزجته .. حاجة اخيرة هيقولوا مفيش بيت بيخلى من المشاكل لا بالعكس فيه بيوت كتير من غير مشاكل ف الواقع الفرق بس انها بيوت اساسها قوى جدا اساسها التفاهم والثقة والاحترام اننا نفهم وجع ومشكلة شريكنا من غير ما نفسر شئ على هوانا او اننا مش نقدر الظروف والوضع اللى احنا فيه صدقيني بالتفاهم والثقة والاحترام الدنيا هتكون لذيذة مش بالصوت العالى والمشاكل ولو كان مدايق او تعبان مش تزنى عليه ومش تسبيه لوحده خليكي جنبه احتويه كأنه ابنك خديه ف حضنك وبس صدقيني هيرتاح وممكن يحكيلك مشكلته تساعديه فيها ولو قافلة معاه على الاخر سبيه شوية لوحده وارجعيله تانى .. اصبري عليه واحتويه .. ماشي يا هنون
هنا بدموع : انتى ازاى كدا والله يا بنتى انتى نعمة ف حياة اى حد ربنا يديم وجودك
حورية : حبيبتى ده واجبى واى حاجة تحتاجيها انا معاكى فى اى وقت
هنا : ماشي يا حورية الجنة وقامت باحتضانها وبكت بفرحة على تلك النعمة التى رزقها الله بها وتذكرت اول لقاء لها بتلك الحورية
"فلاش بااااك "
كانت تجلس ف المسجد بعد صلاة العشاء ف انتظار صلاة التراويح تمسك بيديها المصحف تقرأ ماتيسر من القرءان وتبكي بصمت تعالت شهقاتها التى حاولت ان تكتمها ولكنها لم تستطع
اقتربت منها فتاة كالملاك أخذت بيديها أوقفتها أمسكت المصحف وصدقت ووضعته مكانه وقالت لها : تعالى نصلي ركعتين لربنا مع بعض بداية لصداقتنا دى واشكى لربنا همك وان شاء الله خير
شرعت الفتايات ف الصلاة وبعد ان انتهوا التفتت لها قائلة وهى تمد يديها : انا اسمى حورية .. وانتى
البنت : انا اسمى هنا .. اسمك جميل انتى فعلا حورية
حورية بمزاح لتخفف عنها : اى ده انتى بتعاكسيني ولا اى
هنا: هههههه تستاهلى اساسا والله .. انا سعيدة بمعرفتك وشكرا على النصيحة انا فعلا ارتاحت جداااااااا
حورية: الشرف ليا احنا من النهاردة اخوات لو تسمحى طبعا
هنا بسعادة : طبعا انا اتشرف انا اساسا وحيدة مش ليا حد غير امى
حورية : ربنا يبارك لك فيها بس انتى مش وحيدة معاكى رب العباد احسن من اى حد
هنا : ونعم بالله
حورية : ممكن بقا اتدخل وأعرف كنتى بتعيطي لى ؟!
هنا بدموع : هصدعك بلاش احسن
حورية : يبقى انتى بقا لسة معتبرانى غريبة انا مش هضغط عليكي النهاردة بصى ده رقمى وانا بيتى هنا ف اخر الشارع وقت ما تحتاجيني كلميني وانا كل يوم هنا ان شاء الله هشوفك
هنا : شكرا لتفهمك اكيد هتبسط انى اشوفك
حورية : عيب يا بنتى احنا خلاص مفيش بينا شكر
هنا: والله احلى اخت ربنا كرمنى بيها
حورية : ربنا يسعدك ..يلا بقا عشان الصلاة
هنا : يلا يا حورية الجنة
حورية : هتكونى معايا ف الجنة ان شاء الله
هنا : اللهم امين يارب العالمين
ثم انطلقت الفتايات لتأدية صلاة التراويح وبعد الانتهاء اتفقن على اللقاء وانصرفت كل فتاة بإتجاه بيتها
وفى منزل هنا ظلت تفكر ف حورية وقررت ان تأخذ رأيها فى مشكلتها وف اليوم التالى ف المسجد بعد صلاة التراويح
هنا : حور ممكن تقعدى معايا هنا شوية
حورية : تحت امرك يا حبيبتى كنت حاسة انك هتقولى كدا قولت لماما انى هتأخر شوية
هنا : عاوزة تعرفى كنت بعيط لى
حورية : عاوزة اعرف لسبب واحد
هنا : اى هو ؟
حورية :لو ف امكانى حاجة اساعدك... بس لو مش عاوزة بلاش
هنابابتسامة :لا انا هقولك لانك الوحيدة اللى ممكن فعلا تساعدنى اخد قرار
حورية : وانا كلى أذان صاغية
هنا : بصي يا ستى كان من الثانوى لينا جار معايا ف الدروس شغال سكرتير عند المستر بتاعى وهو بيدرس ف كلية تجارة مرة المستر أخرنا ف الدرس روحت طبعا بسرعة بعد ما كلمت ماما طمنتها عليا بس وانا ماشية حسيت بحد ماشى ورايا بصراحة خفت بس مش ظهرت كدا ببص ورايا لقيته ماشي قريب منى بس باصص ف الارض استغربت بس مشيت على طول وصلت البيت وقبل ما ادخل قالى غيري مجموعة المستر دى لانه دايما بيتأخر فيها أيام المراجعة قولت ماشي وطلعت على البيت فكرت ف اسلوبه وطريقة كلامه وموقفه معايا رغم انى كانت اول مرة اشوفه واعرف انه جاري بعدها انشغلت ف الدروس وكدا والمذاكرة لحد ما عرفت انه عمل حادثة ساعتها مش عارفة حسيت بإيه غير ان قلبي اتشال من مكانه حسيت ان قلبي اتعلق بيه جامد وده ضد طبيعتى مش عاوزة اعمل حاجة تغضب ربنا وازعل امى بس والله غصب عنى ونجحت ودخلت الجامعة وفات على الموضوع ده 5سنين وبحاول أبعد تفكيري عنه بس مش قادرة والله وبقيت بفكر فيه لانى مش بشوفه عشان كدا كنت بعيط خايفة اكون زعلت ربنا منى او عملت حاجة غلط ومش عارفة اعمل اى عشان انساه بدعى ربنا بيه بس الحال كما هو عليه قلت يبقى مش نصيبى وسلمت امرى لله بس دى كل الحكاية اعمل اى؟
حورية : خلصتى كلامك ولا عاوزة تقولى حاجة تانية
هنا : لا خلصت
حورية بإهتمام : اسمعى يا ست البنات ... اولا كدا قلوبنا بين ايد ربنا مش نقدر نتحكم ف مشاعرنا الحب عمره ما كان حرام ابدا والا كان ربنا حرمه علينا اكبر دليل حبنا لربنا وحب ربنا لعباده حب الرسول صلى الله عليه وسلم لزوجاته حب الصحابة للنبى صلي الله عليه وسلم حبهم لزوجاتهم حب الام لاولادها حب الاخوة والاصحاب يبقى الحب عمره ما كان ولا هيكون حرام بس اللى بنعمله باسم الحب والذنوب والمعاصى والتنازلات اللى بنسميها حب دى عمرها ما كانت حب بالعكس ده جهل وضلال بمعنى الحب ، الحب اسمى وارقى واعظم من كدا بكتير
الحب اعظم من مسكة ايد او كلام على التليفون بالساعات او نظرة حرام الحب اسمى من اننا نشوهه والله ربنا يهدينا جميعا قلوبنا ومشاعرنا مش بين ايدينا بس احنا نقدر نتحكم ف نفسنا ونجاهدها واعظم جهاد هو جهاد النفس وخصوصا ان كنا هنجاهد فيما يغضب الله عشان نوصل لرضا ربنا انتى مش عملتى حاجة غلط ولا عصيتي ربنا بالحب اللى جواكى عشان كدا ربنا هيعوصك خير والله لانك ولا تنازلتى عن مبادئك كمسلمة ولا كلمتى فى تليفون ولا خرجتى معاه ولا نظرتى ليه كل الى فيها انك حبتيه حب طاهر عفيف انتى مشكلتك بس انك مش عارفة تنسيه او بمعنى اصح تنسي التفكير فيه وده ان شاء الله هنحلها مع بعض اولا عليكي بالذكر والاستغفار لربنا وترددى الادعية دى" اللهم لا تعلق قلبى الا بك "
" اللهم اختر لى ولا تخيرنى "
"اللهم قدر لى الخير حيثما كان وكيفما كان ثم ارضنى به يارب العالمين "
"اللهم انى استودعك قلبي وبصري ومشاعري يا من لا تضيع ودائعه فاحفظنى بحصنك المنيع "
" اللهم قونى على جهاد نفسي واكفنى شر نفسي الامارة بالسوء "
" اللهم انى استعيذ بك من الشيطان الرجيم اللهم جنبنى الشيطان "
"اللهم اجعل قلبي سليما معافا يارب العالمين "
" اللهم اصرف عنى حبه ان كان شر لى واجمعنا ف حلالك ان كان خير لى "
"اللهم اجبرنى واجبر قلبي جبرا يليق بعظمتك وقوتك "
" اللهم انك قد خلقتنى وجعلت قلبي نابضا وليس لى حول ولا قوة فاحفظ قلبي من كل مكروه وسوء"
"يارب ان كنت تراه خير لى فاجعله أتيا الىَ يبغى حلالك وان كان شر لى فاصرفنى عنه واصرفه عنى وقدر لنا الخير "
"اللهم اصرفه عن عقلى وعن فكرى وعن قلبي ولا تجعل قلبي عامرا الا بذكرك وحبك وحب نبيك صلي الله عليه وسلم "
"من ترك شيئا لله عوضه الله به خير " يعنى انتى هتسيبى حاجة بتحبيها ونفسك فيها عشان رضا ربنا بس طالما قدمتى ربك على رغبتك وقلبك ربنا هيجبر قلبك بكل الخير اللى تستاهليه
وتعفى قلبك عن كل شبوهات ممكن تبعدك عن طريق ربنا وقربي من ربنا اكتر وصلي قيام حتى لو ركعتين وادعى اتكلمى مع ربنا هو احن عليكي من اى حد مش تدعى بيه هو كشخص ادعى بالخير ليكي وان ربنا يقويكي على جهاد نفسك وان قلبك مش يتعلق غير برب العباد مش معنى كلامى انه سهل بالعكس ده اصعب جهاد هو جهاد النفس زى ما قلت لك طريقك صعب بس مش مستحيل وطول ما رضا ربك هو غايتك طول ما ربك هيسر لك طريقك والله استعيني بالله وبالصلوات والذكر والاستغفار وربنا هيجبر خاطرك جبرا يليق بعظمته والله اصبري وصابري وهتشوفى عوض ربنا ليكي يا حبيبتى سواء بكريم او بالخير اللى ليكي ف الحياة بس خليكي عارفة انك بتدعى بالخير ومهما كانت النتيجة لازم ترضي وتشوفى حكمة ربنا فى اللى هيحصل ماشي يا حبيبة قلبي
هنا بدموع : ماشي يا حورية الجنة مش غلطت لما قلت انى حلى عندك انا لمجرد الكلام ارتحت مابالك لما انفذ ربنا يسعدك ف كل خطوة ف حياتك زى ما بتسعدى كل الناس
حورية وهى تحتضنها : يا حبيبتى انتى اختى يلا بقا نمشى لاننا اتأخرنا ولنا لقاء بكرة ان شاء الرحمن
يمنى : ان شاء الله .. تصبحى على خير
حورية : تصبحى على جنة وجمال ورضا وسعادة وخير وكل حاجة حلوة ف الدنيا ف رعاية الرحمن
ثم انطلقت الفتايات كل واحدة بإتجاه منزلها ......
"بااااك"
فاقت من شرودها على صوت حورية وهى تقول
حورية :يلا بقا كفاية دلع عشان نلحق نشوف ورانا اى
هنا : يلا يا اختى
حورية : هاا نبدأ بايه
هنا : مش عارفة
حورية : ورينى الفستان اللى هتلبسيه كدا اشوف زوق سي كريم
هنا : ههههههههه لا ذوقه حلو مش تقلقي
حورية : طبعا عشان اختارك يا جميل
هنا : بس بقا يا حور الله
حورية : بتتكسفى يا بيضة هههههههههه
هنا : ليكي يوم والله ماشي
حورية : طيب هشوف الفستان ف الليلة دى ولا اى
هنا : انا عاوزة اعمل حاجة بس مترددة
حورية : قولى ومش تخافى لو هترضى ربنا اعمليها
هنا : عازة البس النقاب
حورية بفرحة وهى تقفز : بجد هيييه اللهم بارك اى الجمال ده
هنا : انتى متحمسة اكتر منى والله ههههههه
حورية : هههه طبعا لان اساسا حلم حياتى البس النقاب يوم كتب كتابى عارفة اللى هو احساس مش اتوصف كأنك بتقوليله خلاص انا بقيت حلالك انت بس محدش هيشوفنى غيرك
هنا : انتى رأيك كدا
حورية : انا عن نفسي هعمل كدا لانى مقتنعة بكدا .. انتى بقا عاوزة تلبسيه ليه عشان رأي ولا انتى مقتنعة بيه ولا مجرد انبهار واعجاب وهيختفى وخلاص
هنا: لا والله بجد انا نفسي البسه من زمان ولقيت ان ده الوقت المناسب
حورية : اه يا اختى تسرقى فكرتى وتقولى الوقت المناسب
هنا :هههههههههههه حد قالك مش تتجوزى الاول وتلبسيه
حورية : يا بت هضربك مش كفاية هوافق انك تسرقى فكرتى .. واول نقاب هدية منى يا ست اى رأيك
هنا بإحراج : لا والله انا هنزل بسرعة اشتري واحد وخلاص
حورية : اولا مفيش داعى للاحراج نهائي ، ثانيا احنا اخوات عادى يعنى ، ثالثا بقا وده الاهم انى عاوزة اخد الثواب ويكون اول نقاب هدية من اخت لاختها
هنا : ربنا ما يحرمنى منك
حورية : ولا يحرمنى منك يا هنون
هنا : عارفة كان نفسي بابا يكون معايا وهو يكون وكيلى بس ربنا عوضنى بأستاذ مالك من حكايا كريم عنه فى فعل الخير من غير ما يعرف حد حسيت انه اخويا واتمنيت انه يكون وكيلى وربنا حققها ليا
حورية : وكان نفسك ف اى تانى يا شابة
هنا : ان يوم كتب كتابى مش اخلى ولا طفل ف الحى زعلان وخصوصا الايتام عشان مش يحسوا انهم لوحدهم وان دنيتهم ضلمة عاوزة اقولهم انا اهو يتيمة بس ربنا عوضنى لانى صبرت وسمعت كلام حورية الجنة
حورية : ما خلاص بقا حورية الجنة اى ما انتى اخدتى كل افكاري وهتعمليها ف كتب كتابك .. يلا يا اختى البسي عشان ننزل نشتري النقاب انا هنتظر برا مع البنات
هنا : ماشي يا حبيبتى
خرجت حورية من الغرفة واستغلت انشغال منى والدة هنا وهاتفت اخيها الذي وجدت هاتفه مغلق
حورية : وبعدين بقا اى العمل
فاطمة : فيه اى
حورية : تليفون اخوكى مقفول هنعمل اى لازم اتصل بيهم
يمنى : انا هتصل على مالك
حورية : وانا من امتى بكلم حد يا يويو
فاطمة :تكلمى عبدالرحمن منه عادى او يفتح الاسبيكر وتتكلمى للكل
يمنى : صح يا توتا
حورية : طيب يلا بسرعة قبل ما حد يطلع انا هطلع اكلمهم قدام البيت عطلوا هنا معاكم لحد ما ادخل
هاتفت يمنى اخيها واخبرته ان يفتح الاسبيكر حتى تتحدث حور لان هاتف اخيها مغلق
مالك : انت تليفونك مقفول لى يا عبدالرحمن
عبدالرحمن : فصل شحن ومش خدت بالى لى ؟
مالك : ولا حاجة ثوانى .. يمنى انا فتحت الاسبيكر اديها التليفون يلا
اخذت حورية التليفون وخرجت أمام المنزل
حورية : السلام عليكم ورحمة الله وبركاته
الجميع : وعليكم السلام ورحمة الله وبركاته
عبدالرحمن : معلش يا حور الفون فصل شحن
حورية : ولا يهمك يا حبيبى . خلينا بس ف المهم
عبدالرحمن : اى عرفتى حاجة
حورية : عرفت اللى هى عوزاه النهاردة بس لسة قدامنا شهر على الفرح نستكمل الباقى ان شاء الله
عبدالرحمن : طيب انتى فين كدا
حورية : انا قدام بيتها مستنياها تخلص عشان ننزل نشتري نقاب
عبدالرحمن باستغراب : نقاب اى يا حبيبتى انتى مش قولتى هتلبسيه ف كتب كتابك مش دلوقتى
حوريةبمزاح : اهو شفت يا سي بودى البت سرقت فكرتى وهتنفذها قبلى لا ومش كدا بس دى كمان عاوزة تفرح كل اطفال الحى والايتام بالتحديد عشان مش يحسوا بالنقص
عبدالرحمن :هههههههههههه يعينى دى سرقت كل افكارك واحلامك
حورية : اهئ اهئ اهئ شوفت بقا ... يلا مش مهم ف سبيل سعادتها ورضا ربنا اعمل اى حاجة بس بردو ده مش يمنع انى هعمل كدا بردو ايو ةمش هكون اول واحدة تعمل كدا بس هنفذها وخلاص لانها فكرتى
عبدالرحمن : ربنا يقدر لك الخير يا حبيبتى ...طيب يلا عشان نلحق عشان الوقت قرب خلاص ومش فاضل كتير على الصلاة
حورية : بفكر يعنى لو تعرفوا تجيبوا كام طفل من الاطفال الايتام بتصريح من المسؤل عنهم ف الملجأ وتجيبوا هدايا وعصائر ومصاصة للاطفال دى ومش تنسى مصاصتى يا عبدالرحمن انا قولت اهو هكلك انت مكانها .. انا معايا مبلغ كنت محوشاه هعدى عليك وانا ماشية استنى قدام المسجد خده منى يساعد هو مش كبير بس يساعد
مالك : احم احم انسة حورية خليه معاكى ممكن ينفعكم انتى هتنزلى معاها تشتروا حاجات مش ضامنين الظروف احنا الحمد لله معانا اللى يكفى ان شاء الله وربنا يقدرنا على تنفيذ الباقى
حورية بإقتناع : ماشي خلاص انا هقفل دلوقتى عشان الحق اخلص هنا وأه معلش طلب اخير ياريت هنا وكريم هما اللى يوزعوا الهدايا على الاطفال ده هيبسطها اكتر
مالك : ان شاء الله
حورية : عبدالرحمن مش تنسى مصاصتى
عبدالرحمن : سلام يا هبلة مش فاضيين لك هههههههههه
حورية : هههههههههه ماشي سلام عليكم
الجميع : وعليكم السلام ورحمة الله وبركاته بينما شغلت تلك الحورية تفكير هذال المالك .....
أغلقت الهاتف ثم انطلقت الى داخل المنزل أعطت الهاتف الى يمنى قائلة : يا بنات اتصلوا بجوجا تيجى معاكم تساعدكم بدل ماهى لوحدها لان انا وهنا هنتأخر ثم انطلقت مع هنا ف طريقهم
يتبع الفصل الرابع اضغط هنا
- الفهرس يحتوي على جميع فصول الرواية كاملة :"رواية أحببتك لأنك حلالي" اضغط على اسم الرواية