رواية أحببته رغم عقله الفصل الثالث بقلم رؤي عمر
رواية أحببته رغم عقله الفصل الثالث
حط ايده على بقي بسرعه وقرب مني قوي فجاه الباب خبط وهو بعد بسرعه
_ ست هانم البيه بيقولك الفستان عجبك؟
=ودا وقته يكوثر
_ في اي يابيه انا جيت في وقت ميصحش؟
=انتي اختياراتك في الاوقات زي حظي اوعي يكوثر من وشي اوعي
ضحكت وهو خرج بس قبل مايخرج وقف على باب الأوضة
_ على فكرة الفستان حلو جامد اختاريه
مشي وانا واقفه،هو اي اللي بيحصل!!طب اتعامل ازاي وشكله حلو اوي كدا،طب ينفع نتعامل بالشكل ونسيبنا من العقل طيب؟
_ ست هانم
=هاا
_ البيه بيقولك الفستان عجبك؟
=اه اه جميل،هغير ونازله
_ تمم يهانم بعد ازنك
=اتفضلي
قفلت الباب وانا قدام المرايا وبفتكر اللي حصل من شويه،المشهد دا بيحصل في الافلام مش في حقيقه لا،كان بدي اضربه بالقلم بس thanks good كوثر جت
غيرت وخدت الفستان ونزلت
_ ها اي رايك؟
=جميل اوي،متحرمش منك
_ الله يخليكي يابنتي ويسعدك،مبروك
=الله يبارك فيك
_ كوثر هاتي شنطه عشان نحط فيها الفستان
=حاضر يابيه
قعدت وهو جه قعد قدامي
_ ازيك؟ انتي هنا،جيتي امتي؟
=لا يشيخ واللي حصل فوق و...
_ اي اللي حصل فوق يبنتي؟
=اه اه قصدها على الشراب،تصدقي نسيت
_ مش مصدقاك لا
ضحكت لما لقيته خايف اقول لباباه وسكتت
_ انا قايم اقعد في الجنينه
=لا متسبنيش معاه باللللله علييييك
_ بتقولي حاجه يمريم؟
=لا يحاج مستغناش
خرج وانا فضلت قاعده لقيته بيقرب
_ يبني انت بتتنفس قله ادب؟مكانك يبني مكانك،ابعد شويه
=لسه يومين وكلمه ابعد تتلغي خالص
_ اه دا انت جامد قوي ولذوذ جدا متقولش كدا تاني بقا
غمز=اي يوحش الكون متهدي
_ يابني انت فاكر ان انت كدا روش اي معاكسه تالته ابتدائي دي!
=معجبتكيش؟مع انها جايبه مع البنت اللي ماشي معاها
_ نعم يروح خالتك؟بص انا هخلي عقلي يترجمها انها مش بتعرف تمشي فانت بتمشي معاها ودا عشان مكسرش وقتي
_ اي دا في اي!!
=يبني ارحم امي العيانه،بتمشي مع بنات با احمد؟شربت بانجو ولا لسه يا احمد!!
_ انتي مكبره الموضوع اوي،عادي يعني كل صحابي بيتكلموا
سكتت قبل مجاوب وافتكرت حالته
_ بس مينفعش احنا خلاص هنتجوز
=مانا معتش هكلمها
_ هي في سنه كام دي؟
=في تانيه ثانوي
_ كوثر هاتي الكيسه خليني امشي
=كيسه!!
خدت الشنطه واستئذنت الحاج ومشيت،اي دا هيجنني،طب هو تعبان وعارفين البت اتهبلت؟فعلا مرحله المراهقه دي اخطر مرحله لا وهتعامل معاه كمان،بجد شابوه مريم
رحت نمت من كتر التعب،عدا يومين بمنتهي الهدوء مكانش فيه شيء يذكر الا ماما طول ماهي رايحة جايه ترقع زغروطه!!
طب عززيني طيب حسسيني اني صعبان عليكي فراقي مثلا
_ ماما هي القله دي مفيهاش ميا ليه؟مش قولت ميه مره نملي القلل؟
=لا دي القله اللي هكسرها وراكي لما تمشي
_ جاوبيني بصراحه لقياني عند كنيسه ولا جامع ولاجوا مزبله ولا حكايتك اي معلش!!
حب الام يجماعه ربنا يديمه
الحاج جه خدني انا وماما للفيله في عربيته،جه خدنا من الصبح عشان ماما تشوف الفله وكمان نقضي اليوم معاهم
_ اطلعي يبنتي فضي شنطه هدومك في الدولاب
=حاضر يا حاج
طلعت كنت جايبه هدوم كتير،تقريبا ماما بتعوض اننا مجبناش حاجه فجيبالي محل هدوم!!
_ انتي جيتي
=لا لسه
_ ظريفه اوي
=منا عارفه،تسمح برا!
_ افندم!!
=هحط هدومي جوا الدولاب
_ طب متحطيها!!
=كيفي انك تطلع برا
_ على الله حكايتك بقا
=احمد العوضي لو قدامك هيكهرب نفسه والله
_ بذمتك منا حلو
=لا خالص على فكره
_ دا انتي فيكي كذب الابل
=ربنا يكرمك
_ وربنا اقوم ادور على الشراب اقسم بالله
=احمد انت محدش يعرف يهزر معاك يا اخي!!
_ ايوا كدا اتعدلي
=منا اتعدلت اهو،ممكن تطلع برا بقا لوسمحت
_ طالع اهو،مين الجامده اللي جايه معاكي دي
=ههههه انا بنت الجامده اه
_ مامتك؟بتهزري باين انها اختك مثلا
=حاسه انك بتعاكس امي سيكا،مش عاوزه اظلمك وابقا متاكده انك بتعاكسها
_ لا اتاكدي واظلميني
=برا يعم كدا،مخلاص بقا دا انت محترم جدا
ضحك_طالع اهو
طلع وانا ابتسمت وطلعت هدومي حطيتها
_ الغدا جاهز يهانم
=نازله
نزلت وكنت قاعده جمبه
_متاكل يبني
=طيب هاكل اهو
همست_احمد مالك مش بتاكل ليه؟
قرب من وداني قوي وهمس:مش بعرف افصص السمك
ابتسمت: هعملهولك انا
كنا بناكل سوا متهيقلي عمري ما شوفت باباه مبسوط كدا،وانا ماكنتش عارفه مالي،بس فيه شعور مش عارفه اترجمه،بس شعور حلو!!
_ الماذون جه،اطلعوا اجهزوا يولاد
انا وهو=حاضر
طلعنا اوضتنا وقعدت على السرير
_ انت هتلبس اي؟
=بابا حايب بدله
_ الله،طب روح البسها
=وانتي هتلبسي الفستان مش كدا؟
_ اه،بس هستني لما تخلص
=طب انا داخل اغير في الاوضه دي
_ خلاص ماشي،بس ممكن تيجى توريني نفسك؟
=ممكن
خرج وهو ماسك البدله وهي متغلفه،ممكن اشوفها طيب؟🙂
عدا خمس دقايق ولقيت الباب بيتفتح،شوفت الحاجه اللي ماشوفتش في حلاوتها،هو كان كدا والله من غير مجامله،كان احلى حاجه عيني وقعت عليها،فضلت مبلمه ومبتسمه،وهو قرب ووقف قدامي
_ مريم
=...
_ مريممم!!
=هااا نعم؟
_ مش عارف اعمل الجرافطه،اقلعها؟
=لا استني هعملهالك،شكلك حلو قوي بيها
كنت واقفه قدامه بفرق الطول اللي مش كبير بينا،وانا مركزه فيها وهو مركز فيا،كنت حاسه بيه،كانت نظراته طفوليه بس تخلى الواحد يتكسف،دور وشك الناحية التانيه كدا بالله عليك
_ كدا يبقي خلصنا
ميل عليا وطبع بوسه على خدي،وقفت مبرقه ومش عارفه اتحرك وبصاله
_ شكرا،انا نازل خلصي وتعالي
نزل وانا لسه واقفة في مكاني،يجماعه والله انا في روايه مش معقول كل موقف بينا احلى من اللي قبليه!!هو باسني وربنا متربي،لبست ونزلت،كان باصصلي وكانه اول مره يشوفني بيه،وانا كنت بنفس كسوفي في المره اللي فاتت،طب بزمتكم دا عقل واحد عنده17سنه طب ازاي بس!!
"بارك الله لكما وبارك عليكما وجمع بينكما في خير"
سمعت الجمله كنت فاكره انه شعور عادي،عشان جواز صالونات وكدا،بس مش عارفه كنت فرحانه ليه!يمكن عشان فرحه باباه وفرحه ماما،هي اه ماما بتهزر كتير بس متاكده ان مفيش اغلى مني عندها
_ هتيجي صح؟
=هجيلك بكره ان شاءلله،انتي بتعيطي؟
_ عشان مش عاوزه اسيبك في البيت لوحدك
=هبقي كويسه متقلقيش
كنت حاضناها وانا بعيط وهي بتعيط،جه في اللحظه دي احمد ووقف جمبي
_ انتوا عيله عيوطه؟
ضحكت=شويه
_ المفروض تفرحي انك خلصتي منها
=نعم
*هي اه مصيبه بس مفيش اطيب منها
_ فعلا مفيش اطيب منها
ابتسمت وهو ابتسم وبصلي
ماما مشيت وقعدت شويه مع الحاج واحمد طلع الاوضه
_ اطلعي انتي بقا يبنتي الجو ليل
=هقعد معاك شويه كمان
_ لا اطلعي يلا،وانا هخش انام
=ماشي يحبيبي، تصبح علي خير
_ وانتي من اهله
طلعت وفتحت باب الاوضه و
يتبع الفصل الرابع اضغط هنا
- الفهرس يحتوي على جميع فصول الرواية كاملة :"رواية أحببته رغم عقله" اضغط على اسم الرواية