رواية اغنى فقيرة البارت الثالث 3 بقلم سمية خالد
رواية اغنى فقيرة الفصل الثالث 3
محمود إبراهيم خطيب ميرنا علي "الأمس"
هي أنتصاري الوحيد وداعاً للأخرين
فريدة قعدت تضحك بهيستريا
-طب بذمتك ده يتزعل عليه أو يتزعل عليها ؟ دي حتي الطيور علي أشكالها تقع
قربت التليفون نحيتي
-فيهم شر وحقد من بعض بصي كدة كويس
=فريدة انتي ليه مش حاسه بيا ؟ عارفه يعني ايه حب عمرك يخطب صاحبتك ؟ طب إزاي ازاي هُنت عليهم كدة
يعني هما كانوا معايا عشان فلوسي مش أكتر ؟
-بظبط
-ندي هو لما بتتحطي في مِحنه دي حاجه وحشه؟
=أه .. اه وحشه ، عشان انا غبية مبعرفش أتصرف
عشان.. عشان ببقي لوحدي بكتشف قد ايه انا وحيدة أويي
-غلط ، المِحنه يعني إبتلاء ربنا بيبتليكي عشان بيحبك متضايقه ان ربنا بيحبك ؟ بيختبر صبرك
المِحنه إتعملت عشان تكشفلك كل الوشوش المزيفه اللي عاملين دور حبايبك وبتاخديهم بالحضن وانتي مصدقه !
في الحالة دي بتقومي تصلي ركعتين شكر وتقوليله شكراً يارب شكراً إنك أنقذتني
=بس أنا مكنتش عاوزة أتصدم فيهم أنا كنت عوزاهم يحبوني
انا بابا حذرني كتير إزاي مخدتش بالي من كلامه
قعدت علي الأرض وفضلت أعيط بحُرقة
=أنا كنت بحبهم أوي
فريدة أخدتني في حضنها وفضلت تطبطب عليا
-انتي متضايقه منهم أوي كده؟
=أوي ، نفسي أحدفهم بسكينه كده وانتقم منهم
خدت الفون ولبست الإسدال وإستأذنت من مامتها تروح تشتري حاجه
ومقالتش هتجيب اي
عدت عشر دقايق ولقيتها جايبة لوحتين كبار ملفوفين
=اي ده يافريدة ؟ انتي ناويتي ترسمي ولا ايه
-هشششششش
راحت المطبخ روحت وراها لقيتها بتلم كل السكاكين اللي فيه
دخلت الأوضة وقفلت الباب بالمفتاح
=دي أخرتها هتقتليني
-غمضي عينك ولو فتحتي هتبقي بزعله
غمضت عيني
مسكتني السكاكين في ايدي وقالت بصوت عالي
تاتاتاااااا فتحيييي عينك
فتحت ببطئ لقيتها معلقة صورتين كبار فيهم محمود وميرنا
=ايه ده عملتي دول إمتي ؟
-بسيطة روحت طبعتهم في السايبر وجيت
=يعني ايه سايبر ؟
-لا مش وقت ترجمه
السكاكين اللي في ايدك دي عوزاكي تحدفيها عليهم زي ماطعنوكي إطعنيهم انتقمي منهم ..طلعي العياط والمضايقة اللي انتي حاسه بيها وأول ماتحسي إنك إرتاحتي قوليلي
بصتلها وعنيا فيها دموع
=أنا مش عارفه أقولك ايه اصل...اصل انا مبعرفش أعبر للي قدامي انا بحبه قد ايه بس thank you so much علي كل حاجه بتعمليها عشاني
إبتسمتلي بحُب وقالت " يلا إبتدي"
عشان الفلوس يعني ؟ ياستي العزومة دي عندي فلوسي هي فلوسك ماتشليش هم
محمود انا موافقة أتجوزك
بجد ، أخيراً انا فرحان اوي أول ما نرجع من دهب هكلم والدك
حدفت أول سكينه علي وش محمود وبعدين علي ميرنا
=كنتو أقرب ليا مني ، انتو مقرفين ومش بس تستاهلو طعنه واحدة انتو تستاهلو كتير ازاي مخدتش بالي انكم كلاب فلوس
فضلت أحدف السكاكين ورا بعض
روحت لميتها من الأرض وعملت علامة ❌ عليهم
قعدت أقطع في الصور
إنتو انتهيتو بالنسبالي إنتهيتوا سامعين
قولت بتنهيدة وعيااط
إنتهيتوووووووووو
فريدة جريت عليا
-كفاية عياط كفااايه
مسحت دموعي و خدت نفس طويل وإبتسمت
شاورت علي قلبي
=بالعكس انا حاسة إنه كان في نار جوا وإنطفت كان في عبئ كبير أوي
- العبئ راح ؟
=مكنش هيروح لو مكنتيش موجوده !
صحيت الساعه 8 لقيت فريدة بتصلي .. وسلمت وقامت تلبس الشنطة
=إنتي رايحة فين الصبح كدة
-رايحة الشغل كملي نومك انتي دقيقتين وهقفل النور
=انا هاجي معاكي هما مش محتاجين حد؟
بصتلي بصدمة وهي فاتحة بوقها
-تيجي معايا فين الشغل ، تقصدي تشتغلي معايا وكدة؟
=اه في ايه ، هو ممكن ميقبلونيش
-لا تتقبلي عادي بس انتي متأكدة انك عاوزة تنزلي تشتغلي انتي ندي ها...
=ندي بس بدون هانم ، خمس دقايق وهكون جاهزة مش هتأخر صدقيني
دخلت لبست دريس أبيض من دولاب فريدة ولقيت طرحة شكلها حلو لونها وردي
=فريدة تعالي ثواني
-ايه ؟
=أنا عوزة أتحجب ، ممكن تلفيلي الطرحة دي زي ما إنتي لفاها
و أه أول ما نيجي ممكن تعلميني أصلي إزاي وكده عشان مبعرفش !
عارفه إن طلباتي كترت بس و...
ولسة مكملتش الجملة خدتني في حضنها وعنيها مدمعه من الفرحة
-إنتي عارفه إني فخورة بيكي ؟ كإنك بنتي وبشوفك قصادي بتكبري في نظري وفقلبي والله
=إنتي بجد فخورة بيا، يعني انا مش وحشة ومش فاشلة ؟
-لا إنتي مش كدة جايز تكوني كنتي بس حالياً لأ
يلا بقي عشان منتأخرش علي الشغل
روحت معاها الشغل ..المدير كان بيبصلي من فوق لتحت
-إشتغلتي قبل كده ي ندي ؟
=لأ
-قولتيلي اسمك اي؟
=ندي ..ندي سليم عبدالعزيز
فضل متنح شويه
-انا زي ما اكون سمعت الإسم ده قبل كدة بس مش فاكر فين
بصيت بربكة وتوتر في الأرض
-تمام تقدري تبتدي شغل من النهاردة ، بالنسبة لضوافرك دي لازم تقصيها
=أفندم ؟ انتَ متعرفش أنا دافعه عليها كام عشان تبقي كده
قام من علي المكتب بغضب
- نعم ياختي !!!
بصتله ب إشمئزاز
=ايه الطريقة impudent دي
-بقي أنا واقح ؟
=وه ، انت بتعرف إنجلش sorry !
نده علي السكرتاريه قالها تنده فريدة ..راحت تناديها
-صاحبتك ياهانم فاكره نفسها في التجمع أو جاية بيوتي سنتر
_هي عملت ايه بس يافندم
-بقولها تقص ضوافرها تقولي انت مش عارف انا دافعة عليها كام
،ومش بس كدة دي بتقول إن طريقتي impudent متخيلة
فريدة قربت نحيتي خطوتين
-يعني ايه impudent ي ندي
=يعني وقح ، بيقولي نعم ياختي يبقي وقح ولا مش وقح انا مش أخته ده في سن جده
حطت إيدها علي بوقها وهي مصدومة من الكلام اللي قولتهوله
وقفت قصاد المدير وهي مميلة دماغها في الأرض
-أنا أسفة جدا حضرتك
_انتي مطرودة إنتي وصاحبتك إتفضلي روحي الحسابات صفي حسابك وامشي
=I's , ok go to the hell
بصتلي ونظراتها مليانه حّزن
=فريدة أنتي زعلانه مني !
- ........
=فريدة مش بتردي عليا ليه
-انتي لي مصممه تحرجيني ليييه أنا اذيتك في ايه انا لقيت الشغل ده بطلوع الروح
=.أنا اسفه
-انتي فاهمه الموضوع غلط الاعتذار أحيانا مبيكنش ليه فايدة طول ما المواقف بتتكرر ...أنا زهقت منك زهقت ! طباعنا مختلفة ومش هعرف أتأقلم
قولت بتنهيدة حُزن
=تقصدي ..إنك زهقتي مني ؟ مبقتيش حابة تكملي معايا
أنا ..انا معرفش حد غيرك دلوقتي محدش وقف جمبي غيرك كلهم سابوني
انا عارفه إني مستفزة شوية ..لأ لأ كتير وتنكة وسعات ببقي مغرورة ومبيعجبنيش العجب ، بس صدقيني غصب عني انا اتولدت كدة ..اتولدت في مكان راقي وكل حاجة كنت بشاور عليها بابا كان بيجبهالي كان بيحاول يعوضني عن غياب ماما لحد ماكبرت وهو اللي بقي ضد تصرفاتي ومصاريفي اللي هو أصلا خلاني أتأقلم عليها وعايزني بعد ما أتأقلم أتغير ..
-ندي أنا أس...
=انتي كمان عندك حق تزهقي مني ومحمود وميرنا حقهم يحبوني عشان فلوسي
رجعت بضهري ل ورا وانا بكلمها لحد مابقيت بعيدة عنها
=انا ماشية أتمني متزعليش مني
فريدة بصتلي بخوف وصدمة
-ندي حاسبي
ندي تعالي هناااا في عربية .... العربيه هتخبطك
ندااااااااااا
محستش بنفسي غير وناس كتير متلمين حواليا وفريدة منهارة من العياط
- تابع الفصل التالي عبر الرابط: "رواية اغنى فقيرة" اضغط على أسم الرواية