رواية اسطى قلبي الفصل الثالث 3 بقلم رحمة أيمن
رواية اسطى قلبي الفصل الثالث 3 بقلم رحمة أيمن
اسطي قلبي ❤3
وانا بعدل الباب وخلاص قربت انهى العربيه، لقيت حد بيتحرك ورجله بتعمل صوت ورايه فمسكت مفتاح الربط بخوف ولسه بلف اخبطه بيه لقيت.....
_انت! ، بتعمل اي هنا
_ عايز العربيه
_ طيب انا لسه هبدأ فيها بكره و....
_ لاء انا عايزها كده
_ علي ايدك اليمين، لسه مكانها من الصبح
_ تمام
بصيت لي بستغراب وهو بتحرك ، كان مدايق او قلقان وكانه حصل معاه حاجه، هو كويس طيب؟
انا مالي اصلا ما...
ثانيه هو طلع منها تاني وجي عليه لي!
_ ممكن اتكلم معاكي شويه
_......
_ حصل مشكله في الشركه وعايز اقلك عادى؟
كنت في موقف لا يحسد عليه ابدا!
انا مقدرش اقول لاي حد قدامي عايز يتكلم معايا او محتاجني جمبه لاء.
جايز لاني كنت محتاجه ده فكنت بعطيه ديما لناس علي امل اني ارتاح بعدها والحقيقه كنت برتاح جدا.
حلو جدا فكره انك تقف جمب حد وتساعده وانت اصلا في عز انه حد يقف جمبك، انت محتاج ده اكتر منه شخصيا بس شوف بقى بعدها ربنا هيرضيك ازاي وهتحس براحه نفسيه ازاي وغير كده الي قدامك هيحترمك وهيفتكرك بالخير ديما لانك مكنتش قليل الاصل.
بس المشكله انه مش اي حد !
_ اكيد
_ شكرا
_____________
_ واي المشكله يعني، ما تحجزو مكان تاني غيرو
_ بكره اخر معاد وهو مستعجل واعتمد عليه، غير اننا وصلنا للمكان ده بصعوبه ولو بكره مش هنقدر نلحق
_.....
_ تعرفي اول يوم شوفتك فيه، كان يومها اول يوم افتح شركه لوحدي من غير مساعده من بابا
قالى اني مش هقدر واسيبه يدعمني او افتح فرع في نفس المكان وهيكتبوا باسمي بس رفضت، كنت عايز اعتمد علي نفسي الصراحه وبعدها ضحك كده وقال فتره وهترجع تطلب مساعده منى وتقولي مقدرتش اكمل وبكره تشوف
بس شكلي هطلب منه فعلا، ده الحل الوحيد.
شرب اخر شويه من الشاي وحطها قدامه علي الارض وتنهد بتفكير.
رديت عليه بعد فتره سكوت ومحاوله تجميع الكلام.
_ باباك مقصدوش اي حاجه، بالعكس اي اب بيتمني ابنه يكون احسن واحد في الدنيا، هتلقي قال كده عشان يستفزك وتكون عند قرارك ومترجعش وتقول مقدرتش بعدين
او يمكن مش عايزك تخرج عن جناحه وتتمرد عليه، بس في الحالتين مش هيتمني غير سعادتك
ابتسم بخفوت وسخريه.
_ انتي متعرفيش ابويا، ياريت كان كلامك صح، كان حاجات كتير اتغيرت.
سكت ومعرفش وقتها، سكت عشان شوفته تعبان فبلاش نتكلم في مواضيع قديمه ول عشان مكنتش عايزه ادخل في حياته الشخصيه ومشاكله اكتر من كده.
_ طيب انا لازم امشي دلوقتي
_ تمام، خد بالك من الطريق عشان متجيش اتصلح العربيه عندنا وتقرفنا
_ ده الي همك ها!
_ بظبط
_ يعجبني فيكي صراحتك الدبشيه
_ يلا طرقنا، جبتلي صداع اصلا ومنمتش اربع ساعات علي بعض من امبارح، يخربيت رغيك
_ خلاص يا ستي ماشى متزوقيش.
رغم المشاكل الي عنده بيهزر، انا بحب النوع الي بيقدر يفصلك عن واقع او حدث معين جدا، تكون في مصيبه ومكتئب والدنيا جيه عليك جامد اوي اوي بس فرفوش وبتعدي، احم انا قولت بحب اي!
_ رحمه
_ امم
_ شكرا ا انك سمعتيني، رغم انه عينيك هتموت وتنام ول انك كنتي مركزه وسمعه كلامي ومهتمه
_ احم محصلش علفكره، كنت فاضيه بس وزهقانه مش اكتر
_ ههه هعتبر انك قلتي العفو، سلام
بصيت لي ونديت عليه وهو بيركب بصوت عالي ف فتح الشباك بإهتمام:
_ في حاجه؟
_ هو المعاد بكره امتي
_ الساعه 10 الصبح لي
_ لاء بسال عادي
_ تحبي تيجي معايا وهجبلك عصير قصب من عمو صلاح الي تحت الشركه الي ب7 جنيه ونص ده وعلي حسابي.
اتنهدا ببتسامه وقلت:
_ في حفظ الله يا رايق
_ تصبحي علي خير يا باشا قلبي
_ استغفر الله العظيم، رجعنا تاني!
_ خلاص همشي يخربيت عسلك
اتحرك بالعربيه شويه وقلت في سري زي كل مره بقولي فيها باشا قلبي دي "رخم ياض" هو رخم صح؟ الايجابه.. رخم بس لذيذ.
وبعدها يسكت لاء ازاى!
_ رحمه
اتكلمت بنعوسه وقله حيله.
_ خير
_ هجيلك بكره ادهنها نبيتي.
____________
فتحت الباب الصبح والحظ المنيل، ايه تفتح بابها في نفس الوقت وتشوفني، باين اني محظوظه ول ابين اكتر.
ايه بصدمه....
# صاحيه بدري انهرده، غريبه!
_ لاء ول غريبه ول حاجه، قولت اتنشط واقوم افتح الورشه بدري
# قول والله
_ عايزه اي يا رخمه
# رحمه انتي بتقومي 12 الضهر غير يوم التلات والخميس وبتخدي الدوريه المسائيه ومحمد والحج عبدو بيفتحو الصبح، احنا هنهزر
_ قولت اقوم بدري كتغير فيها اي
# شكه فيك جامد معرفش لي، هتهربي صح
_ نفسي والله، اطول بس كده الحوار ده ومقلكوش باي حتي
# واطيه وتعمليها
_ بت موركيش شغل دلوقتي، اتاخرتي يلا
# بكره اعرف يا اسطي حوم واقفشك
_ الساعه 8:30 يا اولفت
# يلهوي! طيب سلام سلام
__________
في الورشه.
_ صباح الخير
عبدو: صباح النور يا بنتي، في حاجه حلت كفى لله الشر!
_ اي يا جدعان قومت بدري عادي يوم، حصل اي يعني
عبدو: لاء اصل دى بتحصل مره في الحياه زي إعصار تسونمي كده
_ يووه ياعم عبدو!
عبدو بضحك: خلاص يا ست لبنات، صباح النور لعيونك
محمد: اي ده! الاسطى رحمه، في حاجه ول اي!
_ يا دي النيله!
..............
في الشركه.
"تدخل شمس المكتب فتجد عدى جالس ومعه الهاتف في يده وينظر في الا شيئ بقلق وسرحان"
انت جيت الشركه امتي؟
_ انا مروحتش اصلا، هنا من امبارح
بصت للارض باسف ودمعت بهدوء :
انا اسفه ده كلو غلطي، حولت اكلمه امبارح وقلي انا اسف وخلاص معرفتش أغير حاجه ودورت كتير علي موقع قريب لقيتها كلها مباني ومشاريع لسه هتبدأ بس اتفقو علي العقود خلاص ومعرفتش اوصل لحل
_ هو مفيش حل غير ان بابا الي يكلم حد من معارفه هناك يسهل عليا اي مكان هنا
بس انت مبتحبش اي مساعده من عمو وغير كده هيزلنا تاني ويقول اننا منقدرش نعمل حاجه، فاكره المره الاولى لما طلبنا مساعدته في طلبيه
_ عندك حل تانى غير ده؟
........
_ خلاص يبقي نحل الموضوع وبلاش احراج مع الناس ونشوف الحورات التانيه دي بعدين
طق طق طق
_ ادخل
= اي يا عدى حصل حاجه جديده
_ بتعمل اي هنا يا چو، هتتاخر علي الشغل.
= يا عم شغل اي، ده اول مشروع كبير تدخل فيه وغير كده الوضع مش مستقر، أسيبك كده ازاي
المهم هتعمل اي
_ لسه، اول ما يرن او يبعت رساله هيكونو وصلو فهكلم بابا مفيش غير الحل ده.
.............
عبدو: لي بتسالي علي محل عمك بلال الي في جيزه
_ بسال لسه عايز يعرضه للبيع ول لاء
عبدو: اه يا بنتي كان بسالني اول امبارح، ومحتار يعمل اي وبقولي موقعه حلو جدا يا حج عبدو وفي حس ودوكه فيه وناس موجوده ومحلات مرصوصه جمب بعضها، حاولتت أجر مفيش حد موافق عشان بطلب فيه كتير ول حتي عارف ابيعه وانت عارف ناس المنطقه الي هنا علي قدهم ومحدش راضي يشتري حتي معرفش حد من الناس المبسوطه اكلمو ول حتي ياخدو مني زي ما اشتريته انا موافق.. وكان عمال يشكيلي اول امبارح اما صعب عليه والله.
_ قوله اني عندي مشتري مبسوط وهيريحو في سعر وممكن يدفع اكتر كمان من الي عرضه
عبدو: بجد يا رحمه! طيب مين
_ قلو بس وانا هفهمك
عبدو: طيب خدي طلعي نرمته من التلفون ورني عليه، ده هيفرح اوي
_ تمام جيب التلفون
"بعد ربع ساعه"
عبدو: والله يا بنتي هم ونزاح عن قلبي، كان شايل هم المحل ده اكتر من عيالو
_ طيب يا حج انت معاك رقم الى ديما بجيلي ادهن له العربيه ده
عبدو: امم عدي يا ست رحمه ها
_ احم هو كان محتاج مساعده فقلت اساعده عادي يا عم عبدو متروحش بدماغك دي بعيد تمام
عبدو: شكلنا وقعنا في الصناره ومحدش سمى علينا
بصيت لي بحراج وهو مبتسم ابتسامه شريره كده:
_ يا حج بقي! طب خلاص مش عايزه حاجه
ضحك و مد تلفون ليا ورد باسلوبه الطيف المعتاد
_ خدي يا معلمه رحمه قومي بواجبك
...............
"I arrived at Egypt now"
= قلك اي؟
_ انه وصل مصر، لازم ارن ب....
ترن ترن ترن
_ الو
_ الو عدي معايا
_ ايوا مين
يتبع الفصل الرابع اضغط هنا
الفهرس يحتوي على جميع فصول الرواية "رواية اسطى قلبي"اضغط على اسم الرواية