رواية عشقته عنادا البارت الثالث 3 بقلم حبيبة محمد
رواية عشقته عنادا الفصل الثالث 3
عمر قرب منها وباسها من خدها وقالها: هعمل كدا
خد لبسه وخرج من الاوضه
جميله فضلت واقفه وحاطه ايدها علي خدها بلعت ريقها بتوتر وخرجت وراه
نزلت تجري وراه علي السلم وهي بتقوله: انت قليل الادب
اي الانت عملته دا؟
عمر ضحك بأستهزاء وقالها:
لا البت محترمه اوي ما انتي خليتيني احضنك في الجنينه فاكره
جميله ضربت في ضهره وهي بتقوله: استني هنا واقف كلمني؛ وبعدين انا محترمه غصب عنك انت الحضنتني وانا زقيتك ساعتها....
عمر رفع حاجبه وهو بيستهزق بكلامها وقالها: اطلعي روقي الاوضه يلا
جميله اتغاظت وجزت علي سنانها وقالتله: عاملني باحترام الاول انت بتعاملني كأني خدامه كدا ليه
عمر لبس التيشرت وقالها: علي اساس انك انتي مش خدامه يعني
وشها احمر شويه وفضلت تبصله بمعاتبه وعيونها لمعت والدموع نزلت من عينها وقالتله بخجل:
هتفضل تعايرني لحد امتي؟
عمر رد عليها بعدم اهتمام: قصدك اي؟
قالتله بصوت هادي خالص وصوت عتاب وحزن وكسره: قصدي اني شبعت منك معايره انا مبقتش قادره استحمل كميه الاحتقار ال في عيونك ليا؛ انا عملتلك اي عشان كل دا؟
عارف ليه بتعمل كدا؟ عشان استغليت اني كنت معجبه بيك في الاول استغليت اني طيبه اوي لدرجه اني وقعت في حب واحد مريض زيك
بس انت ولا مره حبتني عشقتك عند فيك بس انت برضو كنت بتتريق عليا في كل مره تشوفني فيها كرهت نفسي وثقتي قلت في نفسي كل دا بس عشان حبيتك
بصتله بغضب وحقد وقالتله: بس علي قد ما حبيتك كرهتك اضعاف حبي ليك يا عمر
مش قادره اقولك انت قد اي انسان متكبر ومغرور ومريض وكل البتفكر فيه الفلوس بس ازاي يكون تفكيرك مريض بالشكل دا انا بقيت بكرهك من قلبي انا لما بشوفك بحس اني هرجع مبقتش طايقه اشوفك تاني يا عمر مش مشكله... يحصل ال يحصل انا همشي من وشك بس اهاناتك ليا دي تخلص انا طهقت
عمر شدها من ايدها بندم وقالها: انا اسف يا جميله
ضحكت باستهزاء علي كلامه وقالتله: مبقتش اثق فيك خلاااص بح
عمر بندم قرب منها وقالها: قمر هتزعل اوي لو مشيتيي انتي عارفه هي بتحبك قد اي
جميله زقته بقرف وقالتله: ملكش دعوه بيا
قمر سمعت صوتهم العالي قالت باستفهام: في اي؟ انت لسه بتضايقها يا عمر؟ بحد انا زهقت منك ومن افعالك ما تسيبها بقا وتبطل قرف
قمر شدت جميله ودخلت اوضتها وقالت: عملك اي؟
جميله عيطت وحضنت قمؤ وقالتلها: تعبت اوي من اهانته ليا ياقمر وخايفه اسيب الشغل عشان مرات عمي لو عرفت هتروح تقولي لجدتي اني كنت بحب ابنها وانا اصلا بكرهه وهو الكان بيحبني هتكدب يعني وجدتي مكرهتش في حياتها قد مرات عمي عشان كانت السبب في موت امي وابويا ولو عرفت ممكن يحصلها حاجه بسببي وتفتكرني بحب ابن الست الكانت سبب في موت ابويا وامي
قمر طبطبت عليها وباست راسها وقالتلها: حقك عليا يا جميله انتي عارفه اني مبتسحملش حد يأذيكي انت اكتر من اخت
جميله حضنتها وهي بتمسح دموعها وبتقولها:
بحبك اوي والله
قمر بعدتها ومسحت دموعها وقالتلها: خلاص بقا يستي فكك من عمر ومتكلميهوش خالص
***
الساعه ٢ بليل
لين مسكت ايد عمر وقالتله بخبث: عايزه اجي اقعد معاك شويه يا عموري
عمر ساب ايدها وقالها بعدم اهتمام: لين انا بجد مش فاضي للأنتي فيه دا انا عايزه اروح انام
لين قالتله بعصبيه: وراك اي يا عمر ينفع تفهمني انت اصلا مبتشتغلش انت زيك زي العاطل بتصحي من النوم تلبس وتتشيك وتيجي علي البار تقعد معايا شويه و تسكر وتروح؛ فين بقا الهم الوراك؟ انت عااااطل
عمر جز علي سنانه بغيظ وقرب منها وهو بيقول: لولا انك بنت لكنت مديت ايدي عليكي يا لين بس انا مش همد ايدي عليكي عشان عمري ما مديت ايدي علي بنت انتي اصلا متسويش اني حتي امد ايدي عليكي
خرج من البار وركب عربيته بعصبيه ومشي
****
قمر كانت لابسه فستان احمر وبتقولها: بصي كدا دا اشيك من الازرق
جميله عيناها لمعت لأن الفستان كان تحفه: لا دا جميل اوي يا قمر
قمر لفت بالفستان وهي بتقولها: هيعجب تامر؟
جميله بابتسامه وغمزه: اكيد هيعجبه
قامت من علي الكرسي وهي بتقولها: لازم اروح الوقت اتأخر وتيته هتزعق قالت بقرف: وكمان خطيبي هيزعق
قمر بحزن: لا يا جميله انتي لازم تباتي معايا انهارده وبكره عشان اوريكي هلبس اي في الحفله وتعرفيني انهي هيعجب تامر لازم تكوني جمبي
جميله بضيق: كب وتيته؟
قمر قالتلها بفرحه: هتصلك بيها وهحللك الموضوع
خرجت تتصل بيها تحت في الجنينه وجميله فضلت تنقيلها فستان حلو يليق عليها
عمر وصل فرمل بعربيته ونزل منها لقي قمر بتتكلم في الفون ومندمجه جدا وعماله تقنع في حد
عمر مركزش وكان طالع اوضته لقي جميله واقفه في الاوضه
بتحط الفستان بتاع قمر عليها وبتبص علي نفسها في المرايه وعيونها لامعه بفرحه وبعدين حطت الفستان
وشافت صور قمر وعمر مع بعض
مسكت الصوره وقطعتها نصين خدت النص ال فيه عمر وحطت النص الفيه قمر في الدرج
بصت للصوره بطريقة حلوه وحضنتها وقالت بهمس:
طول عمري بحبك يا عمر عشقي ليك عمره ما انتهي ولاعمري كرهتك بس افعالك كانت دايما بتطرني اعمل معاك كدا كرامتي كانت بتنقح عليا اوي يا عمر من ايام الجامعه وانا بحبك بس انت لأ قررت اني ابينلك اني بكرهك شويه عشان متفتكرنيش واقعه عليك بس صدقني انا حبيتك من قلبي يا عمر
عمر دخل الاوضه بتاعته بعد ما سمع كلامها عنه كان مذهول في كل كلمه هي قالتها
قد اي ندم انه كان بيعمل معاها كدا وانه عايز يتغير عشانها
****
قمر طلعت كانت بتبص في الفون وبتقول لجميله: انا كلمت جدتك ووافقت..
رفعت راسها لقت جميله اتوترت وخبت حاجه ورا ضهرها
قمر نزلت حواجبها بأستغراب وقالتلها: خبيتي اي ورا ضهرك؟
جميله بلعت ريقها بكسوف وقالت: مبحبش اكدب عليكي انا كنت مخبيه صوره عمر
قمر قعدت جميله علي السرير بهدوء وقالتلها: لسه بتحبيه صح؟
جميله بصت في الارض بكسوف وقالت: و دي المشكله
قمر ابتسمت بفرحه وقالت: عارفه انك بتحبيه بس انتي لازم تبينيله دا
جميله بعصبيه: استحاله دا يحصل ازاي عايزاني ابينله حبي ليهه بعد كل العمله معايا
قمر قالتلها بغمزه: امم لازم تعرفيه ان كرامتك فوق كل شئ الاول صح
جميله ضحكت بكسوف وقالت: صح
******
قمر بنعاس: تصبحي علي خير
جميله مسكت فونها وقالتلها: وانتي من اهله
قامت من علي السرير ولبست شبشبها ونزلت المطبخ
لقت عمر واقف بيطبخ جميله مهتمتش وخرجت ازازه مايه من التلاجه وحطت في كوبايه
عمر ساب الاكل علي النار وقالها: مبتعبرينيش يعني؟
جميله شربت ومردتش عليه
عمر حاوطها وهو بيقولها: هتفضلي معايا كدا كتير؟ انا مش متعود عليكي كدا!
جميله سابت الكوبايه بعصبيه ولفتله وهي بتقوله:
عمر انت عايز اي
عمر كان بيحاول يخليها معاه شويه قالها: اعمليلي انتي البيض دا عشان مبعرفش اعمله
جميله رفعت حاجبها وهي بتقوله: والله! مبتعرفش تعمل بيض؟
مسكت الطاسه وعملت البيض بطريقتها وفضلت تبصله
عمر كان بيشرب ومش مركز لنظراتها ليه اصلا
التفت فاجأه لقي جميله بتبصله عمر وقف وبصلها هو كمان عيونهم كان فيها الم وحزن... وندم في حاجات كتير اوي وجهوها لبعض من نظراتهم
عمر شم ريحه البيض وقالها: البيض هيتحرققق
جميله التفت بكسوف وقفلت علي البيض وحطته في طبق وقالتله: اتفضل
عمر خد الطبق من ايدها وحطه مكانه وركز علي خطواتها
جميله كانت طالعه للأوضه وعامله نفسها مش مهتمه ليه دخلت الأوضه واول ما قفلت الباب حطت ايدها علي قلبها وهي بتقول: عملت فيا ايي بس ليه قلبي بينبض لمابشوفك؟ ليه بقيت بحبك من تاني؟
***
عمر حط البيض مكانه وطلع اوضته وهو بيواجهه نفسه: بتحبها دلوقتي ليه؟ مش دي كانت الخدامه بتاعتكوا؟ اي الحصل مش دي كانت جميله التفاهه الكنا بنتريق عليها دايما في الجامعه اي حصلك يا عمر؟
خرج من الڤيلا وركب عربيته وفضل يسوق وهو مركز علي ملامح جميله الكانت بتبصله بحب
وبيفتكر افعاله معاها؛ بيفتكر قد اي هي استحملت ظلم واهانات منه
ضرب الدريكسيون بعصبيه لحد ما العربيه حودت منه وفقد السيطره عليها وخبط في عربيه تانيه
الناس اتلمت وحاولت تقومه
****
جميله كانت قاعده في الاوضه بتفكر في عمر ومعرفتش تنام فتحت باب اوضتها وخرجت عشان تواجهه بس ملقتش عمر في اوضته ولا في الڤيلا كلها
كانت لسه هتقعد تستناه يمكن خرج او حاجه
لقته فتح باب الڤيلا وهو متعور في وشه و مش قادر يمشي وبيعرج
جميله جريت عليه وسندته وهي خايفه عليه: عمر انت كويس؟ اي حصلك؟
عمر زقها بغيظ وقالها: انتي السبب في كل دا
جميله قربت منه وهي خايفه عليه اوي: عمر انا معملتش ليك اي حاجه
اصرت انها تسنده لحد ما طلع اوضته ونيمته علي السرير وغطته بأهتمام وقالتله: استني
خرجت برا الاوضه وعملتله حاجه شربه سخنه يشربها
مسكت المعلقه واكلته في بوقه وقالتله: لازم تاخد بالك من نفسك الفتره دي انت متعور جامد في وشك وايدك ورجلك متخرشمه
كان بيشرب من ايدها ومركز معاها
قالتله بأهتمام: وياريت الفتره تريح نفسك انت محتاج تهتم بنفسك شويه
اول ما اكلته جابت شاش وقطن وبدأت تداويله اي جرح في ايده و في وشه
مسكت ايده بحنيه وحطت القطن عليها ومسحت اي دم في ايده وقالتله: مش هتقولي اي حصلك؟
عمر اتنفس بهدوء وقالها: خبطت في عربيه تانيه
جميله جابت قطنه تانيه وحطتها علي الجرح وقالتله وهي بتضحك وبتبص علي الجرح: يبقا بسببي مش كدا؟ يعني انا الخليتك تخبط في عربيته تانيه؟
عمر رمي القطن من علي ايده ومسك ايدها وبص في عيونها وهو بيقول: اه عشان كنت بفكر فيكي طول الطريق
- تابع الفصل التالي عبر الرابط: "رواية عشقته عنادا" اضغط على أسم الرواية